Category: ព័ត៌មានជាតិ​

ក្រុមអាជ្ញាធរលីបង់បាននិយាយថា ការវាយប្រហាររបស់អ៊ីស្រាអែលកាលពីថ្ងៃចន្ទដើមសប្ដាហ៍នេះលើប្រទេសលីបង់បានសម្លាប់មនុស្សជាង៤៩០ នាក់ ក្នុងនោះមានស្ត្រី និងកុមារជាង៩០ នាក់ក្នុងការវាយប្រហារដ៏ព្រៃផ្សៃបំផុតចាប់តាំងពីសង្រ្គាមអ៊ីស្រាអែលនិងក្រុមហេសបូឡាឆ្នាំ ២០០៦ ។ យោធាអ៊ីស្រាអែលបានព្រមានប្រជាជននៅភាគខាងត្បូង និងភាគខាងកើតប្រទេសលីបង់ ឱ្យជម្លៀសខ្លួនចេញ មុនយុទ្ធនាការតាមអាកាសដ៏ធំរបស់ខ្លួនលើក្រុមហេសបូឡា។ ប្រជាជនលីបង់រាប់ពាន់នាក់បានភៀសខ្លួនចេញពីភាគខាងត្បូង ហើយផ្លូវហាយវ៉េដ៏សំខាន់ចេញពីទីក្រុងកំពង់ផែស៊ីដុន (Sidon) ភាគខាងត្បូង ត្រូវបានកកស្ទះដោយរថយន្ត ដែលធ្វើដំណើរឆ្ពោះទៅកាន់ទីក្រុងបេរូត ជាការចាកចេញដ៏ធំបំផុតចាប់តាំងពីឆ្នាំ ២០០៦មក។ ក្រសួងសុខាភិបាលលីបង់បាននិយាយថា ការវាយប្រហារបានសម្លាប់មនុស្សចំនួន ៤៩២នាក់ រួមទាំងកុមារ៣៥ នាក់ និងស្ត្រី៥៨ នាក់ និងបានបណ្ដាលឱ្យមនុស្ស១.៦៤៥នាក់រងរបួស ជាចំនួនដ៏ច្រើនបំផុតក្នុងពេលតែមួយថ្ងៃ សម្រាប់ប្រទេសមួយដែលរងគ្រោះពីការវាយប្រហារដ៏សាហាវលើឧបករណ៍ទំនាក់ទំនងកាលពីសប្តាហ៍មុន។ នៅក្នុងសារមួយដែលបានថតទុក នាយករដ្ឋមន្ត្រីអ៊ីស្រាអែល លោក Benjamin Netanyahu បានជំរុញឱ្យជនស៊ីវិលលីបង់ គោរពតាមការអំពាវនាវរបស់អ៊ីស្រាអែល ឱ្យជម្លៀសចេញ ដោយនិយាយថា ត្រូវយកចិត្តទុកដាក់ចំពោះការព្រមាននេះ។ លោក Netanyahu បាននិយាយថា សូមចាកចេញពីផ្លូវគ្រោះថ្នាក់ឥឡូវនេះ។ នៅពេលដែលប្រតិបត្តិការរបស់យើងត្រូវបានបញ្ចប់ អ្នកអាចត្រលប់ទៅផ្ទះរបស់អ្នកវិញដោយសុវត្ថិភាព៕

អស់ជាច្រើនខែមកហើយដែលអាមេរិក បានព្រមានអ៊ីរ៉ង់ កុំឱ្យបញ្ជូនមីស៊ីលបាលិស្ទិកទៅឱ្យរុស្ស៊ី ហើយប្រាប់ចិន កុំឱ្យផ្តល់គ្រឿងបន្លាស់យោធាសម្រាប់សង្គ្រាមរបស់ទីក្រុងមូស្គូ នៅអ៊ុយក្រែន ប៉ុន្តែពេលនេះ អ៊ីរ៉ង់កំពុងតែធ្វើអ្វីដែលក្រុងវ៉ាស៊ីនតោនបានហាមឃាត់ ហើយចិន កំពុងរុញច្រានឥទ្ធិពលរបស់អាមេរិក។ ជាការពិតណាស់ សហរដ្ឋអាមេរិក និងសម្ព័ន្ធមិត្ត ព្រួយបារម្ភកាន់តែខ្លាំងឡើង ដោយសារល្បឿន និងកម្លាំងដែលប្រទេសទាំងបីនោះ រួមជាមួយនឹងកូរ៉េខាងជើង កំពុងពង្រឹងទំនាក់ទំនងកាន់តែស៊ីជម្រៅដើម្បីប្រជែងនឹងការត្រួតត្រារបស់អាមេរិកក្នុងពិភពលោក បើទោះបីជាប្រឈមមុខនឹងទណ្ឌកម្មដ៏ធ្ងន់ធ្ងរបំផុតមួយចំនួនដែលលោកខាងលិចបានដាក់ក៏ដោយ នេះបើយោងតាមប្រភពពីក្រុមមន្ត្រីដែលសុំមិនបញ្ចេញឈ្មោះ។ ការតតាំងនេះស្របគ្នាទៅនឹងគំរូនៃអ្វីដែលអ្នកជំនាញក្រៅប្រទេស រួមទាំងក្រុមមន្ត្រីអាមេរិក និងសម្ព័ន្ធមិត្ត មើលឃើញថាជាការតស៊ូកាន់តែខ្លាំងឡើង ដែលក្រុងវ៉ាស៊ីនតោនកំពុងប្រឈម ខណៈកំពុងស្វះស្វែងរកអ្វីដែលខ្លួនចង់បានជុំវិញពិភពលោក។ ជាឧទាហរណ៍ វេណេស៊ុយអេឡាបានច្រានចោលការជំរុញជាច្រើនខែរបស់អាមេរិក ជុំវិញការបោះឆ្នោត និងមកទល់ពេលនេះ សម្ព័ន្ធកងទ័ពជើងទឹកដែលដឹកនាំដោយទីក្រុងវ៉ាស៊ីនតោន បានបរាជ័យក្នុងការកម្ចាត់ពួកឧទ្ទាមហ៊ូទី នៅសមុទ្រក្រហម ហើយទីក្រុងវ៉ាស៊ីនតោន និងសម្ព័ន្ធមិត្ត ក៏ត្រូវបានបណ្ដេញចេញពីមូលដ្ឋាននៅក្នុងទ្វីបអាហ្រ្វិក ខណៈចិន និងរុស្ស៊ីពង្រីកទីតាំងរបស់ពួកគេនៅទីនោះ។ ជាមួយគ្នានេះ សម្ព័ន្ធមិត្តក៏មិនបានខ្លបខ្លាចឥទ្ធិពលរបស់ទីក្រុងវ៉ាស៊ីនតោនដែរ ដូចជាការមិនអាចជំរុញឱ្យអ៊ីស្រាអែល ចូលក្នុងកិច្ចព្រមព្រៀងបទឈប់បាញ់ជាមួយក្រុមហាម៉ាសជាដើម៕

ក្រុមហេសបូឡានៅប្រទេសលីបង់ និងក្រុមតស៊ូរបស់អ៊ីរ៉ាក់ បានបើកការវាយប្រហារដោយមីស៊ីលយ៉ាងខ្លាំងក្លាប្រឆាំងនឹងគោលដៅជាច្រើនរបស់អ៊ីស្រាអែល ដែលបានបង្កមហន្តរាយ នៅក្នុងទឹកដីប៉ាឡេស្ទីនដែលគ្រប់គ្រងដោយអ៊ីស្រាអែល និងធ្វើឲ្យប៉ះពាល់ដល់ស្ថានភាពសេដ្ឋកិច្ចដ៏លំបាកនៃរបបជ្វីហ្វនិយម។ ការវាយប្រហាររបស់លីបង់ និងអ៊ីរ៉ាក់ បានកើតឡើងជាការឆ្លើយតបទៅនឹងការវាយលុករបស់អ៊ីស្រាអែលជាបន្តបន្ទាប់លើទឹកដីលីបង់ ដែលបានបណ្តាលឲ្យជនស៊ីវិលរាប់សិបនាក់ ស្លាប់។ ក្រុមហេសបូឡារបស់ប្រទេសលីបង់ បានកំណត់គោលដៅទៅលើមូលដ្ឋានទ័ពអាកាស និងអាកាសយានដ្ឋាន Ramat David របស់របបអ៊ីស្រាអែលភាគខាងជើងនៃប៉ាឡេស្ទីន ដោយមីស៊ីលរាប់សិបគ្រាប់។ ក្រុមហេសបូឡា បានប្រកាសនៅក្នុងសេចក្តីថ្លែងការណ៍មួយថា ការវាយប្រហារដោយមីស៊ីលលើមូលដ្ឋាន និងអាកាសយានដ្ឋាន Ramat David គឺជាការឆ្លើយតបទៅនឹងការឈ្លានពាន និងឧក្រិដ្ឋកម្មជាបន្តបន្ទាប់ដោយរបបជ្វីហ្វនិមយប្រឆាំងនឹងប្រទេសលីបង់ និងដើម្បីគាំទ្រដល់ប្រទេសប៉ាឡេស្ទីន។ ប្រព័ន្ធផ្សព្វផ្សាយអ៊ីស្រាអែល បានរាយការណ៍កាលពីថ្ងៃអាទិត្យថា ក្រុមហេសបូឡា បានប្រើប្រាស់មីស៊ីល Fajr 5 ជាលើកដំបូង ចាប់តាំងពីឆ្នាំ ២០០៦ ក្នុងការវាយប្រហារលើភាគខាងជើងនៃទឹកដីដែលគ្រប់គ្រងដោយអ៊ីស្រាអែលនេះ។

នៅរសៀលថ្ងៃទី២៣កញ្ញានេះ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះ​មហា​ក្សត្រ នៃព្រះរាជា ណា ចក្រកម្ពុជា និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះ​វររាជ​មាតា​ជាតិខ្មែរ ក្នុង សេរីភាព សេចក្ដីថ្លៃថ្នូរ និងសុភមង្គល ជា ទីសក្ការៈដ៏ខ្ពង់ខ្ពស់បំផុត ព្រះ​អង្គ​ទាំង​ទ្វេសព្វព្រះរាជហឫទ័យ បានស្ដេចយាងនិវត្តមកកាន់មាតុប្រទេសវិញហើយ បន្ទាប់​ពី​បាន​ស្តេច​យាងទៅកាន់រដ្ឋធានីប៉េកាំងកាលពីថ្ងៃទី២៦ខែសីហា ឆ្នាំ២០២៤ ដើម្បីស្តេចយាងទៅ ពិនិ ត្យនិងព្យា បាលព្រះរាជសុខភាពជាទៀងទាត់ តាមការកំណត់របស់ក្រុមវេជ្ជបណ្ឌិតចិន។ យាង និង អញ្ជើញថ្វាយព្រះរាជដំណើរព្រះអង្គទាំងទ្វេ ស្តេចយាងនិវត្តដល់អាកាសយានដ្ឋានអន្តរ ជាតិភ្នំពេញ មានសម្ដេចអគ្គមហាសេនាបតីតេជោ ហ៊ុន សែន ប្រធានក្រុម​ឧត្តម​ប្រឹក្សា​ផ្ទាល់​ព្រះ​មហាក្សត្រ និងជាប្រធានព្រឹទ្ធសភា នៃព្រះរាជាណាចក្រកម្ពុជា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា និងលោកជំទាវបណ្ឌិត ពេជ ចន្ទមុន្នី, សម្តេច ឯកឧត្តម ឧត្តម​ប្រឹក្សា​ផ្ទាល់​ព្រះមហាក្សត្រ សមាជិក សមាជិកា ព្រឹទ្ធសភា រដ្ឋសភា រាជរដ្ឋាភិបាល…

រដ្ឋមន្រ្តីចំនួនបីក្រសួង ក្នុងនោះ ឯកឧត្តម ថោ ជេដ្ឋា រដ្ឋមន្ត្រីក្រសួងធន​ធានទឹក និងឧតុនិយម ឯកឧត្តម ឌិត ទីណា រដ្ឋមន្ត្រី​ក្រសួងកសិកម្ម រុក្ខាប្រមាញ់ និងនេសាទ និងឯកឧត្តម ឆាយ ឫទ្ធិសែន រដ្ឋមន្ត្រីក្រសួង​អភិវឌ្ឍន៍​ជនបទ បានអញ្ជើញធ្វើ​ទស្សនកិច្ច​សិក្សាអន្តរក្រសួង ដើម្បីចុះ​ពិនិត្យវាយតម្លៃបឋមលើទីតាំងមួយចំនួន ដើម្បីជ្រើសរើសទីតាំងមាន​សក្ដានុពល​ឱ្យ​ស្របតាមលក្ខខណ្ឌវិ​និច្ឆ័យដែលបានបង្កើតឡើង មុនពេល ឈានទៅបង្កើតផែនការសកម្មភាពរួមគ្នា សំដៅបង្កើន​ប្រសិទ្ធភាព និងសហថាមពល លើកកម្ពស់ និងកែលម្អជីវភាព​សហគមន៍តាមមូលដ្ឋាន។ ក្នុងសកម្មភាពពេញមួយថ្ងៃកាលពីថ្ងៃសៅរ៍ ឯកឧត្តមរដ្ឋមន្ត្រី​ក្រសួង​ទាំងបី បានអញ្ជើញជួប​ជាមួយសហគមន៍កសិកម្មទំនើបបន្លែផ្ទះ​សំណាញ់ត្រាំកក់ ក្នុងភូមិសាស្ត្រភូមិត្រពាំងចក ឃុំត្រាំកក់ ស្រុកត្រាំកក់ ខេត្តតាកែវ ព្រមទាំងចុះពិនិត្យទីតាំងអាងទឹកអូររំដួល​ដែលមាន​សភាពគោករាក់និងអាចស្ដុកទឹកបានត្រឹមតែប្រមាណ១០ម៉ឺនម៉ែត្រគូបប៉ុណ្ណោះ និងបន្តចុះពិនិត្យទំនប់អាងទឹកស្ទឹងភេ ស្ថិតក្នុងឃុំស្រែចែង ស្រុកជុំគិរី ខេត្តកំពត។ គប្បីជម្រាបជូនថា សហគមន៍កសិកម្មទំនើបបន្លែផ្ទះសំណាញ់ត្រាំកក់ ខេត្តតាកែវ មានសមាជិកផ្លូវការចំនួន ១៥១គ្រួសារ និងមាន​ផ្ទៃដី​ផលិតកម្មបន្លែចំនួន ៥ហិកតា ដែលមានដូចជា ស្ពៃក្រញាញ់ ស្ពៃតឿ ស្ពៃចង្កឹះ និងខាត់ណាដើម ព្រមទាំងមានសមត្ថភាព​ផលិតបន្លែ ៣តោនក្នុងមួយថ្ងៃ។ ប្រភពក្រសួងធនធានទឹកនិងឧតុនិយមបានឱ្យដឹងថា ទំនប់អាងទឹក​ស្ទឹងភេ ស្ថិតក្នុងខេត្តកំពត…

ប្រភពចំនួនពីរបានប្រាប់សារព័ត៌មាន Reuters ថា មានក្ដីរំពឹងថានៅថ្ងៃចន្ទនេះ ក្រសួងពាណិជ្ជកម្មអាមេរិកនឹងស្នើសុំការហាមប្រាមផ្នែកទន់ និងផ្នែករឹង ឬ software និង hardware របស់ចិនដែលបានប្រើប្រាស់នៅក្នុងរថយន្តបំពាក់អ៊ីនធឺណិត និងស្វ័យបើកបរនៅលើដងវិថីក្នុងសហរដ្ឋអាមេរិក ដោយសារការព្រួយបារម្ភអំពីសន្តិសុខជាតិ។ រដ្ឋបាលលោកBiden បានលើកឡើងពីការព្រួយបារម្ភយ៉ាងធ្ងន់ធ្ងរអំពីការប្រមូលទិន្នន័យដោយក្រុមហ៊ុនចិនលើអ្នកបើកបរ និងហេដ្ឋារចនាសម្ព័ន្ធរបស់សហរដ្ឋអាមេរិក ក៏ដូចជាឧបាយកលបរទេសដ៏មានសក្តានុពលនៃយានយន្តដែលបំពាក់អ៊ីនធឺណិត និងប្រព័ន្ធស្វ័យបើកបរ។ ប្រភពពីរដែលសុំមិនបញ្ចេញអត្តសញ្ញាណបាននិយាយថា ច្បាប់ដែលបានស្នើឡើងនឹងហាមប្រាមការនាំចូល និងលក់យានយន្តពីប្រទេសចិនជាមួយនឹងការទំនាក់ទំនងសំខាន់ៗ ឬកម្មវិធីប្រព័ន្ធបើកបរដោយស្វ័យប្រវត្តិ software ឬ hardware។ ចំណាត់ការនេះ គឺជាការកើនឡើងគួរឱ្យកត់សម្គាល់នៅក្នុងការរឹតត្បិតដែលនៅតែបន្តរបស់សហរដ្ឋអាមេរិកលើយានយន្ត software និងគ្រឿងបន្លាស់របស់ប្រទេសចិន។ កាលពីសប្តាហ៍មុន រដ្ឋបាលរបស់លោកប្រធានាធិបតី Joe Biden បានដំឡើងពន្ធលើការនាំចូលរបស់ចិន រួមទាំងពន្ធ ១០០%លើរថយន្តអគ្គិសនី ឬ EV ក៏ដូចជាថ្មរថយន្តអគ្គិសនី និងសារធាតុរ៉ែសំខាន់ៗ៕