Category: ព័ត៌មានជាតិ​

(ភ្នំពេញ)៖ នៅយប់ថ្ងៃព្រហស្បតិ៍ ទី១៧ ខែមេសា ឆ្នាំ២០២៥ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញដង្ហែ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងពិធីលៀងសាយភោជន៍ ជូន ឯកឧត្តម Xi Jinping ប្រធានាធិបតីនៃសាធារណរដ្ឋប្រជាមានិតចិន និងគណៈប្រតិភូ នៅព្រះបរមរាជវាំង ក្នុងឱកាសដែល ឯកឧត្តមអញ្ជើញបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជារយៈពេល២ថ្ងៃ ចាប់ពីថ្ងៃទី១៧ ដល់ថ្ងៃទី១៨ ខែមេសា ឆ្នាំ២០២៥ ។ ក្នុងដំណើរទស្សនកិច្ចផ្លូវរដ្ឋរបស់ ឯកឧត្តម Xi Jinping ​ប្រ​ធា​នា​ធិបតី​ នៃសាធារណរដ្ឋប្រជាមានិតចិន គឺតបតាមការអញ្ជើញរបស់ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ តាមរយៈដំណើរបំពេញទស្សនកិច្ចផ្លូវរដ្ឋរបស់ឯកឧត្តមប្រធានាធិបតីចិន នឹងបានពង្រឹងពង្រីកទំនាក់ទំនងទ្វេភាគីឲ្យកាន់តែល្អ​ប្រសើរ​បន្ថែម​ទៀត ជាពិសេសកិច្ចសហប្រតិបត្តិការលើវិស័យ​សំខាន់ៗ​ជាច្រើន រួមមានការវិនិយោគ, វិស័យពាណិជ្ជកម្ម, វិស័យអប់រំ, វិស័យហិរញ្ញវត្ថុ, វិស័យព័ត៌មាន, ការងារយុវជន,…

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ទទួលស្វាគមន៍ឯកឧត្តម ស៊ី ជីនពីង (Xi Jinping) ប្រធានាធិបតីនៃសាធារណរដ្ឋប្រជាមានិតចិន មុនជំនួបសម្តែងការគួរសម រវាងសម្តេចតេជោ និងឯកឧត្តមប្រធានាធិបតី នារសៀលថ្ងៃទី១៧ ខែមេសា ឆ្នាំ២០២៥ នៅវិមានសន្តិភាព រាជធានីភ្នំពេញ ។ សូមជម្រាបថា ឯកឧត្តម ស៊ី ជីនពីង (Xi Jinping) ប្រធានាធិបតីនៃសាធារណរដ្ឋប្រជាមានិតចិន បានអញ្ជើញមកដល់អាកាសយាន្តដ្ឋានអន្តរជាតិភ្នំពេញ នាព្រឹកថ្ងៃទី១៧ មេសា ២០២៥ ក្នុងការបំពេញទស្សនកិច្ចផ្លូវរដ្ឋនៅកម្ពុជា ចាប់ពីថ្ងៃទី១៧ ដល់ ១៨ ខែមេសា ឆ្នាំ២០២៥ ។ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងឯកឧត្តម ស៊ី ជីនពីង ប្រធានាធិបតីចិន ដែលជាមិត្តចាស់យូរឆ្នាំ បានជួបគ្នាជាថ្មី នៅវិមានសន្តិភាព ។ ជំនួបនេះ ធ្វើឡើងជាកិច្ចស្វាគមន៍ នៃដំណើរទស្សនកិច្ចជាថ្មីរបស់ឯកឧត្តមប្រធានាធិបតីចិននៅកម្ពុជា ក៏ដូចជារំលឹកនូវអនុស្សាវរីយ៍…

(ភ្នំពេញ)៖ ព្រះករុណា ជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ស្តេចយាងទទួលស្វាគមន៍ ឯកឧត្តម ស៊ី ជីនពីង (Xi Jinping) ប្រធានាធិបតីនៃសាធារណរដ្ឋប្រជាមានិតចិន នៅព្រះបរមរាជវាំង មុនព្រះរាជពិធីសវនាការ នារសៀលថ្ងៃទី១៧ ខែមេសា ឆ្នាំ២០២៥ ។ សូមជម្រាបថា ឯកឧត្តម ស៊ី ជីនពីង (Xi Jinping) ប្រធានាធិបតីនៃសាធារណរដ្ឋប្រជាមានិតចិន បានអញ្ជើញមកដល់អាកាសយាន្តដ្ឋានអន្តរជាតិភ្នំពេញ នាព្រឹកថ្ងៃទី១៧ មេសា ២០២៥ ក្នុងការបំពេញទស្សនកិច្ចផ្លូវរដ្ឋនៅកម្ពុជា ចាប់ពីថ្ងៃទី១៧ ដល់ ១៨ ខែមេសា ឆ្នាំ២០២៥ ។ បើតាមក្រសួងការបរទេស បានឱ្យដឹងថា ក្នុងដំណើរទស្សនកិច្ចផ្លូវរដ្ឋនេះ ឯកឧត្តម ស៊ី ជីនពីង នឹងជួបពិភាក្សាជាមួយសម្តេចតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា…

នៅរសៀលថ្ងៃទី១៧ ខែមេសា ឆ្នាំ២០២៥ នាសណ្ឋាគារ រ៉ាហ្វែល ឡឺ រ៉ូយ៉ាល់ (Raffles Hotel Le Royal) រាជធានីភ្នំពេញក្រសួងព័ត៌មាននៃព្រះ​រាជា​ណាចក្រកម្ពុជា សហការជាមួយអគ្គស្ថានីយវិទ្យុ និងទូរទស្សន៍មជ្ឈិម​ចិន,ក្រសួងវប្បធម៌ និង​វិចិត្រ​សិល្បៈកម្ពុជា, ក្រសួងទេសចរណ៍កម្ពុជា និងរាជបណ្ឌិត្យសភាកម្ពុជាបានរៀបចំពិធីសម្ពោធការចាក់ផ្សាយកម្មវិធី «ប្រយោគបុរាណចិន ដែល ឯកឧត្តម Xi Jinping ចូលចិត្ត» ក្នុងឱកាសដែល​ឯកឧត្តម ស៊ី ជីនពីង(Xi Jinping) ប្រធានា​ធិបតីនៃសាធារណរដ្ឋប្រជាមានិតចិន អញ្ជើញមកបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជា។ ព្រឹត្តិការណ៍នេះបានប្រព្រឹត្តទីក្រោមវត្តមានឯកឧត្តម នេត្រ ភក្ត្រា រដ្ឋមន្ត្រី​ក្រសួងព័ត៌មាន, លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រី​ក្រសួងវប្បធម៌ និងវិចិត្រសិល្បៈ, ឯកឧត្តម ហួត ហាក់ រដ្ឋមន្ត្រីក្រសួង​ទេសចរណ៍, ឯកឧត្តមបណ្ឌិត​សភាចារ្យ សុខ ទូច ប្រធានរាជបណ្ឌិត្យសភាកម្ពុជា ឯកឧត្តម Shen Haixiong អនុរដ្ឋមន្ត្រីក្រសួងឃោសនាការ នៃគណៈ​កម្មាធិការ​មជ្ឈិមបក្សកុម្មុយនីស្តចិន និងជាអគ្គនាយក និងនិពន្ធនាយក​នៃអគ្គស្ថានីយវិទ្យុ និងទូរទស្សន៍មជ្ឈិមចិន។ មានប្រសាសន៍ក្នុងឱកាសនេះឯកឧត្តម…

ភ្នំពេញ៖សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា​បានផ្ញើសារលិខិត​​ចូលរួមអបអរសាទរ យ៉ាងកក់ក្តៅ បំផុតចំពោះការចាក់ផ្សាយ “ប្រយោគបុរាណចិនដែល ឯកឧត្ដម ស៊ី ជីនពីង ចូលចិត្តប្រើ» (វគ្គ ៣) នៅប្រទេសកម្ពុជា និងការបើកសកម្មភាពនៃការផ្លាស់ ប្ដូរប្រជាជន និងប្រជាជនកម្ពុជា-ចិន។ នៅរសៀលថ្ងៃទី១៧ ខែមេសា ឆ្នាំ២០២៥ នាសណ្ឋាគារ រ៉ាហ្វែល ឡឺ រ៉ូយ៉ាល់ (Raffles Hotel Le Royal) រាជធានីភ្នំពេញក្រសួងព័ត៌មាននៃព្រះ រាជាណាចក្រ កម្ពុជា សហការជាមួយអគ្គស្ថានីយវិទ្យុ និងទូរទស្សន៍ មជ្ឈិមចិន,ក្រសួងវប្បធម៌ និង​វិចិត្រ​សិល្បៈកម្ពុជា, ក្រសួងទេសចរណ៍កម្ពុជា និងរាជបណ្ឌិត្យសភាកម្ពុជាបានរៀបចំពិធីសម្ពោធការចាក់ផ្សាយកម្មវិធី «ប្រយោគបុរាណចិន ដែល ឯកឧត្តម Xi Jinping ចូលចិត្ត» ក្នុងឱកាស ដែលឯកឧត្តម ស៊ី ជីនពីង(Xi Jinping) ប្រធានា​ធិបតីនៃសាធារណរដ្ឋ ប្រជាមានិតចិន អញ្ជើញមកបំពេញទស្សនកិច្ចផ្លូវរដ្ឋនៅព្រះរាជាណាចក្រ​កម្ពុជា(១៧-១៨ មេសា)។ ក្នុងសារលិខិតសម្ដេចតេជោ ហ៊ុន…

មូស្គូ ៖ ប្រធានាធិបតីរុស្ស៊ី លោក Vladimir Putin បានសរសើរស្ថាបនិក Tesla និង SpaceX លោក Elon Musk នៅចំពោះមុខនិសិ្សតឯកទេសខាងវិទ្យាសាស្ត្រ និងវិស្វកម្មថា គាត់គឺជាអ្នកត្រួសត្រាយទីអវកាស ប្រៀបបាននឹងវិស្វកររ៉ុក្កែត ដូចតួអង្គក្នុងរឿងព្រេងនិទានសូវៀត គឺលោក Sergei Korolev។ ការអត្ថាធិប្បាយរបស់មេដឹកនាំរុស្ស៊ីរូបនេះ ធ្វើឡើងចំពេលដែលរុស្ស៊ី និងអាមេរិក បានពង្រឹងទំនាក់ទំនងកាន់តែជិតស្និទ្ធក្រោមការគ្រប់គ្រងរបស់លោកប្រធានាធិបតី Donald Trump ដែលក្នុងនោះ លោក Musk គឺជាឥស្សរជនសំខាន់។ លោក Korolev ត្រូវបានរុស្ស៊ីចាត់ទុកថា ជាបិតានៃកម្មវិធីអវកាសសូវៀត ដោយបានបង្កើតផ្កាយរណបដំបូងឈ្មោះ Sputnik និង Vostok 1 ដែលបានដឹកអវកាសយានិកដំបូងឈ្មោះ Yuri Gagarin ទៅកាន់គន្លងតារាវិថីក្នុងឆ្នាំ ១៩៦១។ លោក Musk ដែលជាមហាសេដ្ឋីលំដាប់ពិភពលោក និងជាទីប្រឹក្សាដ៏មានឥទ្ធិពលបំផុតរបស់លោក Trump ធ្លាប់ជាអ្នករិះគន់អ៊ុយក្រែនជាញឹកញាប់ ដែលបច្ចុប្បន្នកំពុងប្រយុទ្ធនឹងការវាយលុករបស់រុស្ស៊ីរយៈពេលជាងបីឆ្នាំ។ មហាសេដ្ឋីរូបនេះបានចោទប្រកាន់មេដឹកនាំអ៊ុយក្រែន លោក Volodymyr…

សាណាអា ៖ ប្រព័ន្ធផ្សព្វផ្សាយរបស់ក្រុមឧទ្ទាមយេម៉ែនរាយការណ៍ថា ការវាយលុកផ្លូវអាកាសចំនួន ១១លើករបស់អាមេរិកលើទីក្រុងសាណាអា បានសម្លាប់មនុស្សម្នាក់បន្ថែមទៀត។ តំបន់ដែលកាន់កាប់ដោយពួកឧទ្ទាមនៃប្រទេសយេម៉ែនបានស៊ូទ្រាំនឹងការវាយប្រហារស្ទើរជារៀងរាល់ថ្ងៃ ពីសំណាក់កងកម្លាំងអាមេរិក។ ការវាយប្រហារទាំងនោះ កើតឡើងចាប់តាំងពីរដ្ឋបាលលោកប្រធានាធិបតី ដូណាល់ ត្រាំ បានចាប់ផ្តើមយុទ្ធនាការផ្លូវអាកាសប្រឆាំងនឹងពួកហ៊ូទី កាលពីថ្ងៃទី១៥ ខែមីនា ដើម្បីបញ្ចប់ការគំរាមកំហែងរបស់ក្រុមប្រដាប់អាវុធនេះ លើការដឹកជញ្ជូននៅសមុទ្រក្រហម និងឈូងសមុទ្រ Aden។ ផ្លូវសមុទ្រក្រហម ត្រូវបានគេចាត់ទុកថា ជាផ្លូវទឹកដ៏សំខាន់ដែលតភ្ជាប់ទៅព្រែកជីកស៊ុយអេ ជាធម្មតារ៉ាប់រងប្រហែល ១២ ភាគរយនៃចរាចរណ៍ដឹកជញ្ជូនពិភពលោក ប៉ុន្តែការវាយប្រហាររបស់ពួកហ៊ូធីបានបង្ខំក្រុមហ៊ុនជាច្រើនឱ្យធ្វើដំណើរតាមផ្លូវវាងវែងឆ្ងាយ ដែលចំណាយលុយច្រើន៕ ប្រភព ៖ AFP