Category: ព័ត៌មានជាតិ​

លោក បាឡានគូរ៉ា អ្នកនាំពាក្យនៃក្រសួងការបរទេសថៃ បានថ្លែងថាប្រទេសថៃទាមទារលក្ខខណ្ឌចំនួនបីសម្រាប់ការចរចាបទឈប់បាញ់៖ ទី១)កម្ពុជាត្រូវតែប្រកាសបទឈប់បាញ់ជាសាធារណៈ; ទី២)បទឈប់បាញ់ត្រូវតែអនុវត្តនិងរក្សាឱ្យបាន; និង ទី៣)កម្ពុជាត្រូវតែសហការប្រកបដោយភាពស្មោះត្រង់ក្នុងកិច្ចខិតខំប្រឹងប្រែងដោះមីន។ ជាការឆ្លើយតបរបស់ខ្ញុំ ចំពោះលក្ខខណ្ឌទាំងបីនេះគឺសាមញ្ញ៖ វាគឺជាលក្ខខណ្ឌដែលគ្មានភាពច្បាស់លាស់សម្រាប់ការស្វែងរកសន្តិភាព ខណៈពេលដែលប្រទេសថៃកំពុងបន្តធ្វើការវាយប្រហារដោយមិនសមហេតុផលមកលើប្រជាជនស៊ីវិលនៅប្រទេសជិតខាង ដែលនេះគឺជាការចំអកនិងមាក់ងាយច្បាប់អន្តរជាតិ។ ក្នុងនាមជាភាគីនៃកិច្ចព្រមព្រៀងបទឈប់បាញ់ដែលត្រូវបានសម្របសម្រួលនិងគាំទ្រដោយសហរដ្ឋអាមេរិក ប្រទេសថៃមានកាតព្វកិច្ចក្នុងការបញ្ឈប់រាល់សកម្មភាពអរិភាពទាំងអស់របស់ខ្លួនដែលកំពុងរំលោភបំពានលើកិច្ចព្រមព្រៀង។ ចាប់តាំងពីប្រទេសថៃបានយល់ព្រមលើកិច្ចព្រមព្រៀងនេះ ទាហានថៃបានធ្វើសកម្មភាពផ្ទុយស្រឡះ និងខុសពីខ្លឹមសារ និងស្មារតីក្នុងការអនុវត្តនូវបទឈប់បាញ់។ ប្រទេសថៃបានបង្កើនការវាយប្រហារ និងឈ្លានពានរបស់ខ្លួនកាន់តែខ្លាំងឡើង រួមទាំងការវាយលុកតាមផ្លូវគោកចូលមកក្នុងទឹកដីប្រទេសកម្ពុជា ការវាយប្រហារតាមផ្លូវអាកាស និងការបាញ់គ្រាប់ផ្លោងដោយកាំភ្លើងធំ ជាងនេះទៅទៀតប្រទេសថៃបានពង្រីកសមរភូមិប្រយុទ្ធដែលធ្វើឱ្យខេត្តជាច្រើនក្នុងប្រទេសកម្ពុជាទទួលរងនូវការវាយប្រហារ និងបណ្ដាលឱ្យមានប្រជាជនខ្មែរស្លូតត្រង់យ៉ាងច្រើនលើសលប់រងរបួសនិងបាត់បង់ជីវិត។ នេះគឺមិនមែនជាសកម្មភាពដែលសមហេតុផលសម្រាប់ប្រទេសមួយដែលមានភាពចាស់ទុំក្នុងការការពារខ្លួននោះទេ។ នេះគឺជាសកម្មភាពរបស់ប្រទេសដែលមានចេតនាបង្កជម្លោះដើម្បីដណ្តើមកាន់កាប់ទឹកដីទាំងបំពានច្បាប់អន្តរជាតិពីប្រទេសដែលមានសន្តិភាព។ ពិភពលោកមិនត្រឹមតែនឹងកត់សម្គាល់អំពីលក្ខខណ្ឌដែលគ្មានភាពច្បាស់លាស់ក្នុងស្វែងរកសន្តិភាពរបស់ប្រទេសថៃតែប៉ុណ្ណោះទេ ប៉ុន្តែពិភពលោកនឹងចងចាំជារៀងរហូតអំពីការឈ្លានពានទាំងមិនសមហេតុផលដោយប្រទេសថៃ និងការទាមទារដោយខុសច្បាប់មកលើដែនអធិបតេយ្យភាពរបស់ប្រទេសកម្ពុជា។

កាប៊ុល ៖ ពលរដ្ឋក្រខ្សត់អាហ្វហ្គានីស្ថានច្រើនជាង ១៧លាននាក់ កំពុងប្រឹងប្រែងរស់នៅជាមួយនឹងអសន្តិសុខស្បៀងអាហារធ្ងន់ធ្ងរនៅរដូវរងានេះ ពោលគឺពួកគេកំពុងប្រឈមមុខនឹងភាពស្រែកឃ្លានស្ទើរដាច់ពោះស្លាប់ ទន្ទឹងចាំជំនួយមនុស្សធម៌បន្ទាន់ ។ នេះបើតាមការពីអង្គការសហប្រជាជាតិ ។ កម្មវិធីស្បៀងអាហារពិភពលោក (WFP) នៃអង្គការសហប្រជាជាតិ បានប៉ាន់ប្រមាណថា ប្រជាជនអាហ្វហ្គានីស្ថានជាង ១៧លាននាក់នឹងប្រឈមមុខនូវភាពស្រែកឃ្លាន តួលេខនេះកើនឡើងប្រហែល ៣លាននាក់ បើធៀបនឹងឆ្នាំមុន ។ ហើយមូលហេតុចម្បង គឺដោយសារតែជនជាតិអាហ្វហ្គានីស្ថានរាប់លាននាក់ត្រូវបាននិរទេសពីប្រទេសជិតខាងអាហ្វហ្គានីស្ថាន រួមមានអ៊ីរ៉ង់ និងប៉ាគីស្ថាន ក្រោមកម្មវិធីបញ្ជូនជនអន្តោប្រវេសន៍ និងជនភៀសខ្លួនត្រឡប់មកប្រទេសកំណើតវិញ ។ នេះជាលើកដំបូងហើយ ក្នុងរយៈពេលជាច្រើនទសវត្សរ៍ ដែលស្ថាប័នរបស់យូអិនមួយនេះ មិនអាចផ្តល់ជំនួយប្រកបដោយប្រសិទ្ធភាពដល់ប្រជាជនអាហ្វហ្គានីស្ថានរាប់លាននាក់ ដែលជួបប្រទះកង្វះអាហារូបត្ថម្ភ ដោយអាត្រាមរណភាព ជាពិសេសក្នុងចំណោមកុមារ អាចនឹងកើនឡើងក្នុងរដូវរងារនេះ ។ ជំនួយអន្តរជាតិផ្ដល់ដល់អាហ្វហ្គានីស្ថានដែលហែកហួរដោយសង្រ្គាម បានធ្លាក់ចុះយ៉ាងខ្លាំងចាប់តាំងពីឆ្នាំ២០២១ នៅពេលដែលកងកម្លាំងដឹកនាំដោយអាមេរិកបានចាកចេញពីប្រទេសនេះ ហើយពួកតាលីបង់បានឡើងគ្រប់គ្រងអំណាចវិញ គិតមកទល់សព្វថ្ងៃ ៕ ប្រភព ៖ AFP

បាងកក ៖ ក្មួយប្រុស របស់លោក ថាក់ស៊ីន អតីតមេដឹកនាំថៃ ត្រូវបានតែងតាំងជាបេក្ខភាពនាយករដ្ឋមន្ត្រី សម្រាប់ការបោះឆ្នោត នាថ្ងៃទី៨ ខែកុម្ភៈ។ លោក ថាក់ស៊ីន អាយុ៧៦ឆ្នាំ ដែលជាអ្នកនយោបាយទម្ងន់ធ្ងន់ និង ជាមហាសេដ្ឋីមួយរូប របស់ប្រទេសថៃ បច្ចុប្បន្ន កំពុងជាប់ពន្ធនាគារ ក្នុងទីក្រុងបាងកក ពីបទពុករលួយ អំឡុងពេលលោកកាន់តំណែង។ លោក Yodchanan Wongsawat វ័យ៤៦ឆ្នាំ គឺជាកូនប្រុស របស់អតីតនាយករដ្ឋមន្ត្រី លោក Somchai Wongsawat និង ប្អូនស្រី របស់ លោក Thaksin គឺ អ្នកស្រី Yaowapa Wongsawat ។ លោក Yodchanan បានទទួលបណ្ឌិត ផ្នែកវិស្វកម្មអគ្គិសនី ពីសាកលវិទ្យាល័យ Texas នៅ Arlington និង ជាសាស្ត្រាចារ្យ បង្រៀនផ្នែកវិស្វកម្មជីវវេជ្ជសាស្ត្រ នៅសាកលវិទ្យាល័យ Mahidol ក្នុងប្រទេសថៃ។…

បាបាន ៖ ក្នុងឆ្នាំ២០២៥ ការបំផ្លិចបំផ្លាញបង្កឡើងពីគ្រោះមហន្តរាយធម្មជាតិ ធ្វើឱ្យខាតបង់សេដ្ឋកិច្ឋពិភពលោកចំនួន ២២០ពាន់លានដុល្លារ នេះបើតាមការប៉ាន់ស្មានបឋមរបស់ក្រុមហ៊ុនធានារ៉ាប់រងស្វីស Swiss Re នៅថ្ងៃអង្គារ ។ យោងតាមការប៉ាន់ស្មានបឋមរបស់ Swiss Re, ខ្យល់ព្យុះបិសាចនៅតែជាកត្តាជំរុញចម្បង ដែលជារឿយៗតែងតែបង្កការបំផ្លិចបំផ្លាញសេដ្ឋកិច្ចសកលយ៉ាងធ្ងន់ធ្ងរ ។ ទោះបីជាយ៉ាងណា ការចំណាយដ៏ច្រើនសន្ធឹកសន្ធាប់លើគ្រោះមហន្តរាយធម្មជាតិ គិតចាប់ពីព្យុះសង្ឃរា រហូតដល់ភ្លើងឆេះព្រៃនៅក្នុងឆ្នាំ២០២៥នេះ មានកម្រិតខាតបង់ទាប និងមានល្អប្រសើរជាងមុន បើធៀបនឹងឆ្នាំ២០២៤ ជាពេលដែលពិភពលោករងការខាតបង់សេដ្ឋកិច្ចដល់ទៅ ៣២៧ពាន់លានដុល្លារ ។ តួលេខនេះ បានធ្លាក់ចុះចំនួន ៣៣ភាគរយ បើទោះបីជាមានភ្លើងឆេះព្រៃដ៏បំផ្លិចបំផ្លាញសង្កាត់អ្នកមាននៅទីក្រុង Los Angeles សហរដ្ឋអាមេរិក កាលពីខែមករាក៏ដោយ ។ នៅពេលនោះ ភ្លើងឆេះព្រៃបានឆាបឆេះផ្ទៃដីជាង ៩.៣០៨ហិចតា ដោយបំផ្លិចបំផ្លាញផ្ទះសម្បែងប្រជាពលរដ្ឋ អគារធុរកិច្ច និងបង្ខំឲ្យមនុស្សរាប់ពាន់នាក់រត់ភៀសខ្លួន ។ សូមបញ្ជាក់ថា សម្រាប់ឆ្នាំ ២០២៥នេះ គឺជាឆ្នាំដែលពិភពលោកទាំងមូលខាតបង់សេដ្ឋកិច្ចច្រើនបំផុតជាលើក ៣ ជាប់ៗគ្នា ពាក់ព័ន្ធនឹងព្រឹត្តិការណ៍អាកាសធាតុអាក្រក់ បន្ទាប់ពីឆ្នាំ ២០២៣ និងឆ្នាំ ២០២៤ ៕…

ប៊ុយដាប៉ែស ៖ «វិធានការរបស់សហភាពអឺរ៉ុប ក្នុងការរឹបអូសយកទ្រព្យសម្បត្តិរុស្ស៊ី ដែលបង្កក គឺជាការបំពានច្បាប់ ស្មើនឹងការប្រកាសសង្គ្រាម» នេះគឺជាសម្តី របស់មេដឹកនាំហុងគ្រី ជាប្រទេសសមាជិកមួយ របស់ប្លុកនេះ។ លោក Viktor Orban នាយករដ្ឋមន្ត្រី ប្រទេសហុងគ្រី បាននិយាយ កាលពីថ្ងៃសៅរ៍ថា មន្ត្រីសហភាពអឺរ៉ុប កំពុងព្យាយាមរឹបអូសទ្រព្យសម្បត្តិរុស្ស៊ី ដែលបង្កក ដោយមិនឆ្លងកាត់ ការឯកភាពពីហុងគ្រី និង រំលោភច្បាប់អឺរ៉ុប ទាំងថ្ងៃ។ លោកបាននិយាយថា ទង្វើនេះស្មើនឹង «ការប្រកាសសង្គ្រាម»។ លោកបានចោទប្រកាន់ទីក្រុងព្រុចសែល ថា បានបញ្ឆេះជម្លោះ ហើយ ប្រទេស ហុងគ្រី នឹងមិនលេង ជាមួយនោះទេ។ លោក Orban បានចោទប្រកាន់ចំៗ លើបុគ្គលចំនួនដែលបានដឹកនាំអឺរ៉ុប ឲ្យដើរដល់ទីបញ្ចប់។ លោកសំដៅលើ អធិការបតីអាល្លឺម៉ង់ លោក Friedrich Merz, លោក Manfred Weber សមាជិកសភាអឺរ៉ុប និង លោកស្រី Ursula von…

ការ៉ាកាស ៖ ប្រទេស វេណេស៊ុយអេឡា បានចោទប្រកាន់សហរដ្ឋអាមេរិកថា បានលួចនាវាដឹកប្រេងរបស់ខ្លួន ហើយ ជំរុញឲ្យអង្គការសហប្រជាជាតិ ហៅកាត់ UN ថ្កោលទោស។ ការថ្កោលទោស ចំពោះមុខក្រុមប្រឹក្សាសន្តិសុខ អង្គការសហប្រជាជាតិ ជុំវិញរឿងនេះ បានកើតមានឡើង ចំពេលប្រតិបត្តិការប្រឆាំងគ្រឿងញៀនរបស់អាមេរិក នៅតំបន់ការ៉ាប៊ីន កំពុងដាក់សម្ពាធ លើរដ្ឋាភិបាលទីក្រុងការ៉ាកាស។ លោក Samuel Moncada តំណាងអចិន្ត្រៃយ៍ នៃ ប្រទេសវេណេហ្ស៊ុយអេឡា ប្រចាំអង្គការសហប្រជាជាតិ បានរៀបរាប់ថា «វេណេហ្ស៊ុយអេឡា ជំរុញឱ្យក្រុមប្រឹក្សាសន្តិសុខ ថ្កោលទោស ជាសាធារណៈ ចំពោះទង្វើនៃការលួច ដែលឧបត្ថម្ភដោយរដ្ឋ បែបនេះ»។ យ៉ាងណា ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអង្គារ បានប្រកាសពីការបិទផ្លូវនាវាចរណ៍ សម្រាប់ “នាវាប្រេងដែលមានទណ្ឌកម្ម” ចាកចេញ និងធ្វើដំណើរ ទៅកាន់ប្រទេសវេណេស៊ុយអេឡា បង្ហាញពីការកើនឡើងបន្ថែមទៀត នៃ យុទ្ធនាការដាក់សម្ពាធ របស់លោក ត្រាំ ទៅលើទីក្រុងការ៉ាកាស។ បន្ទាប់ពីកងកម្លាំងអាមេរិកចាប់បានកប៉ាល់ដឹកប្រេង ចេញពីឆ្នេរសមុទ្រ…

បាកដាដ ៖ ទន្លេ Tigris របស់ប្រទេសអ៊ីរ៉ាក់ ត្រូវបានបំពុលយ៉ាងខ្លាំង និងកំពុងរួមតូចយ៉ាងឆាប់រហ័ស ដែលគំរាមកំហែងដល់មនុស្សរាប់លាននាក់ និងសហគមន៍នៃតំបន់អតីតនៃរដ្ឋធានីបុរាណ ដែលពឹងផ្អែកលើវា។ ការបំពុលដោយទឹកកខ្វក់ ឧស្សាហកម្ម និងកសិកម្ម រួមផ្សំជាមួយនឹងការខូចខាតដោយសង្គ្រាមរាប់ទសវត្សរ៍ និងហេដ្ឋារចនាសម្ព័ន្ធទប់ស្កាត់នៅមានកម្រិត បានធ្វើឱ្យគុណភាពទឹកធ្លាក់ចុះយ៉ាងខ្លាំង។ ទំនប់ទឹកនៅផ្នែកខាងលើ ការគ្រប់គ្រងទឹកមិនបានល្អ និងការប្រែប្រួលអាកាសធាតុ បានកាត់បន្ថយលំហូរទឹកទន្លេយ៉ាងខ្លាំង ដែលធ្វើឱ្យស្ថានភាពគ្រោះរាំងស្ងួតកាន់តែអាក្រក់ទៅៗ។ បើគ្មានកិច្ចសហប្រតិបត្តិការ និងកំណែទម្រង់ក្នុងតំបន់ជាបន្ទាន់ទេ ការធ្លាក់ចុះនៃគុណភាពទឹកទន្លេ អាចផ្លាស់ប្តូរជីវិត វប្បធម៌ និងការរស់រានមានជីវិតនៅក្នុងប្រទេសអ៊ីរ៉ាក់យ៉ាងខ្លាំង។ ប្រភព ៖ the gaurdian

វ៉ាស៊ីនតោន ៖ វិស័យយោធារបស់អាមេរិក ដែលជាមហាអំណាចលេខ ១ របស់ពិភពលោក កាន់តែរីកចម្រើនថែមមួយកម្រិតទៀត បន្ទាប់ពីទីក្រុងវ៉ាស៊ីនតោនបានបញ្ចេញមីស៊ីលរយៈចម្ងាយឆ្ងាយ និងមានល្បឿនលឿនជាងសំឡេង ៥ ។ បើតាម Interesting Engineering, មីស៊ីលនេះមានឈ្មោះថា Dark Eagle ឬឥន្ទ្រីខ្មៅ ។ វាអាចបាញ់ចេញពីដីគោក ជាមួយនឹងសមត្ថភាពវាយប្រហារគោលដៅក្នុងរយៈចម្ងាយរហូតដល់ ៣,៥០០ គីឡូម៉ែត្រ ដោយចាយពេលត្រឹមតែ ២០ នាទីប៉ុណ្ណោះ ។ ដោយសារតែមានល្បឿនលឿនជាងសំលេង និងងាយស្រួលបត់បែននេះហើយ ទើបមីស៊ីល Dark Eagle អាចនឹងធ្វើឲ្យប្រព័ន្ធស្ទាក់ចាប់មីស៊ីលដ៏ទំនើប និងប្រព័ន្ធប្រឆាំងមីស៊ីល ពិបាកក្នុងការបាញ់ទម្លាក់ និងស្ទាក់ចាប់ ។ បើតាម C-SPAN និង The War Zone, មីស៊ីល Dark Eagle អាចមានសមត្ថភាពវាយប្រហារដល់ប្រទេសចិន បើសិនបាញ់ចេញពីកោះ Guam ហើយបាញ់ដល់ទីក្រុងមូស្គូ របស់ប្រទេសរុស្ស៊ី ក្នុងករណីបាញ់ចេញពីភាគខាងលិចអឺរ៉ុប ឬហោះដល់ទីក្រុងតេហេរ៉ង់ ប្រទេសអ៊ីរ៉ង់ ប្រសិនបើបាញ់ចេញពីតំបន់ឈូងសមុទ្រ…

ញូវយ៉ក ៖ សមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ រំពឹងថា ប្រមុខដឹកនាំ UN ថ្មីនឹងសង្កត់ធ្ងន់លើការកែទម្រង់ស្ថាប័នឡើងវិញ ស្របពេលជម្លោះកំពុងកើនឡើងនៅទូទាំងសកលលោក ។ បើតាមទីភ្នាក់ងារ Anadolu, ប្រមុខដឹកនាំ UN ថ្មីនឹងចូលកាន់តំណែងនៅថ្ងៃទី១ ខែមករា ឆ្នាំ២០២៧ ខណៈលោក Antonio Guterres ដែលជាប្រមុខដឹកនាំ UN បច្ចុប្បន្ន នឹងបញ្ចប់មុខតំណែងមួយនេះនៅថ្ងៃទី៣១ ខែធ្នូ ឆ្នាំ២០២៦ ។ សមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិបានជំរុញឲ្យមេ UN ថ្មី ត្រូវប្រើសិទ្ធិអំណាចឡើងវិញ បង្កើនការទទួលខុសត្រូវ និងអនុវត្តកាន់តែម៉ឺងម៉ាត់នូវភារកិច្ចស្នូលរបស់ស្ថាប័នអន្តរជាតិមួយនេះ ។ តំណាងអចិន្ត្រៃយ៍បារាំងនិយាយថា ប្រមុខ UN ថ្មីត្រូវតែនាំអង្គការសហប្រជាជាតិត្រឡប់ទៅរកមូលដ្ឋានគ្រឹះវិញ និងជួយសម្រេចបាននូវចក្ខុវិស័យរក្សាសន្តិភាព និងវិបុលភាពដែលបានបង្កើតឡើងកាលពី ៨០ ឆ្នាំមុន ។ ចំណែកតំណាងអចិន្ត្រៃយ៍រុស្ស៊ី និងអាមេរិកបានរិះគន់ស្រដៀងគ្នាថា អង្គការសហប្រជាជាតិជារឿយៗគ្មានប្រសិទ្ធភាព, ខ្វះការទទួលខុសត្រូវ តែងតែបរាជ័យមិនអាចបំពេញតាមតម្រូវការរបស់សហគមន៍អន្តរជាតិ ទោះបីជាខ្លួនមានសិទ្ធិអំណាច និងសក្តានុពលធំធេងក៏ដោយ ។ តំណាងអចិន្ត្រៃយ៍អាមេរិកនិយាយថា អ្នកស្នងតំណែងបន្ទាប់ ត្រូវតែនាំ UN ត្រឡប់ទៅរកគោលបំណងស្នូល…

ប៉េកាំង ៖ ក្រសួងសន្តិសុខសាធារណៈចិន បានចេញមកបញ្ជាក់នៅថ្ងៃអង្គារនេះថា អាមេរិកបានផ្តល់ព័ត៌មានសម្ងាត់ឲ្យ ចិន ឈានទៅរឹបអូសគ្រឿងញៀនរត់ពន្ធ ចំនួន៤៣០គីឡូក្រាម នៅកំពង់ផែក្រុងសិនជិន។ សារព័ត៌មាន រយធឺ បានចេញផ្សាយថា ក្រសួងសន្តិសុខសាធារណៈចិន អះអាងថា អាជ្ញាធរបានរឹបអូសថ្នាំញៀនកូកាអ៊ីនទាំងនេះ ពីក្នុងកុងតឺន័រអន្តរជាតិ “គួរឱ្យសង្ស័យ” នៅឯកំពង់ផែ Yantian ក្នុងទីក្រុង Shenzhen កាលពីថ្ងៃទី២៦ ខែវិច្ឆិកា ដោយផ្អែកលើព័ត៌មាន ផ្តល់ចេញពីរដ្ឋបាលបង្ក្រាបគ្រឿងញៀន របស់សហរដ្ឋអាមេរិក។ ក្រសួងសន្តិសុខ បាននិយាយថា ករណីនេះកំពុងស្ថិតនៅក្រោមការស៊ើបអង្កេតបន្ថែម ដោយមិនបានផ្តល់ព័ត៌មានលម្អិត នោះទេ។ បើតាមសារព័ត៌មាន Chinadaily, អាមេរិក និងចិន ចាប់ដៃសហការ បង្ក្រាបគ្រឿងញៀនយ៉ាងសកម្ម ដោយអនុវត្តតាមការឯកភាពគ្នា រវាងលោក ដូណាល់ ត្រាំ ប្រធានាធិបតីអាមេរិក និង មេដឹកនាំចិន លោក ស៊ី ជីនភីង អំឡុងជំនួប នៅក្នុងទីក្រុងប៊ូសាន ប្រទេសកូរ៉េខាងត្បូង កាលពីថ្ងៃទី៣០ ខែតុលា។ ក្រសួងបាននិយាយថា ការប្រកៀកស្មានេះ ទទួលបានលទ្ធផលគួរឱ្យកត់សម្គាល់…