Category: ព័ត៌មានជាតិ​

នារសៀលថ្ងៃទី៣០ ខែសីហា ឆ្នាំ២០២៤ ឆ្លៀតក្នុងឱកាសនៃការចុះពិនិត្យទីតាំងត្រៀមចុះបឋមសិលាអគារមណ្ឌលកណ្តាលនៃមន្ទីរពេទ្យកាល់ម៉ែត ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអញ្ជើញចុះសួរសុខទុក្ខបងប្អូនអ្នកជំងឺ និងក្រុមគ្រួសារដែលកំពុងសម្រាកព្យាបាលនៅមន្ទីរពេទ្យកាល់ម៉ែត។ ឯកឧត្តមសាស្ត្រាចារ្យ បានសំដែងមនោសញ្ចេតនាគោរពដឹងគុណជូនដល់បងប្អូនអ្នកជំងឺ និងក្រុមគ្រួសារដែលបានផ្តល់ទំនុកចិត្តយ៉ាងខ្លាំងមកលើសេវាសុខាភិបាលនៃមន្ទីរពេទ្យកាល់ម៉ែត ក៏ដូចជានៅគ្រប់បណ្តាមូលដ្ឋានសុខាភិបាលទូទាំប្រទេស ដែលបងប្អូនញាត្តិមិត្តបានអញ្ជើញទៅដល់។ នាឱកាសសួរសុខទុក្ខនេះផងដែរ ឯកឧត្តមសាស្រ្តាចារ្យរដ្ឋមន្រ្តី ក៏បានជួបសំណេះសំណាលជាមួយថ្នាក់ដឹកនាំ មន្រ្តីរាជការ ដេីម្បីសួរសុខទុក្ខនិងសំណេះសំណាល ព្រមទាំងផ្តល់អនុសាសន៍មួយចំនួន ក្នុងការផ្តល់សេវាប្រកបដោយគុណភាព ស័ក្តិសិទ្ធភាព ចូលរួមជម្រុញការអភិវឌ្ឍន៍សេវាសុខាភិបាលជូនប្រជាពលរដ្ឋ ឆ្ពោះទៅរកការគ្របដណ្តប់សុខភាពជាសកល។ ជាចុងបញ្ចប់ ឯកឧត្តមសាស្ត្រាចារ្យ បានពាំនាំប្រសាសន៍សួរសុខទុក្ខពីប្រមុខរាជរដ្ឋាភិបាលកម្ពុជា ដែលផ្តោតការយកចិត្តទុកដាក់យ៉ាងខ្លាំង មកលើការអភិវឌ្ឍន៍នៃវិស័យសុខាភិបាល៕ អត្ថបទ រដ្ឋា

ប៉ៃលិន៖ ព្រឹកថ្ងៃទី៣១ ខែសីហា ឆ្នាំ២០២៤ លោកជំទាវបណ្ឌិត បាន ស្រីមុំ អភិបាល នៃគណៈ​អភិបាល​​ខេត្តប៉ៃលិន បានអញ្ជើញបើកផ្តល់ប្រាក់របបគោលនយោបាយរបស់រាជរដ្ឋាភិបាលកម្ពុជា តាមរយៈមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ដល់បងប្អូន ជនពិការក្រីក្រ នៅតាមសហគមន៍ ក្នុងប៉ៃលិន ចំនួន ៤៨១នាក់ ព្រមទាំងធ្វើការផ្សព្វផ្សាយ និងពន្យល់អំពីអត្ថប្រយោជន៍ និងសារៈសំខាន់ នៃតំបន់អភិវឌ្ឍន៍ត្រីកោណ (CLV-DTA) និងការសាងសង់ព្រែកជីកហ្វូណនតេជោ របស់រាជរដ្ឋាភិបាល ហើយបានផ្តល់ឱកាសឱ្យបងប្អូនជនពិការធ្វើការសួរនាំ បើជាចម្ងល់ពាក់ព័ន្ធបញ្ហាខាងលើផងដែរ ។ ដោយបានយល់ច្បាស់ បងប្អូនជនពិការក្រីក្រ នៅតាមសហគមន៍ ក៍បានបង្ហាញនូវការគាំទ្រ និង​ការ​ជឿជាក់លើរាជរដ្ឋាភិបាលកម្ពុជា ចំពោះការអនុវត្ត តំបន់អភិវឌ្ឍន៍ត្រីកោណ(CLV-DTA) និង​ការ​សាង​សង់ព្រែកជីកហ្វូណនតេជោ ក្នុងគោលបំណងបម្រើដល់ឧត្តមប្រយោជន៍ជាតិ និង​ប្រជាជន ហើយប្រឆាំងដាច់ខាត ចំពោះជនអគតិក្រៅច្បាប់ ដែលមាន​បំណង​ចង់​បំផ្លាញ​សុខ​សន្តិភាព និងការអភិវឌ្ឍន៍របស់ប្រទេសជាតិ។ ក្នុង​ឱកាស​នេះដែរ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បាន​មានប្រសាសន៍ នាំមកនូវសេចក្តីនឹករលឹក និងការផ្តាំផ្ញើរសាកសួរសុខទុក្ខពីសំណាក់ សម្តេចតេជោ ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត…

យោងតាមរបាយការណ៍របស់ក្រសួងគ្រប់គ្រងគ្រោះមហន្តរាយ និងជំនួយ ចំនួនអ្នកស្លាប់ដោយសារទឹកជំនន់ដ៏មហន្តរាយដែលបានវាយលុកភាគអាគ្នេយ៍ប្រទេសបង់ក្លាដែសអស់រយៈពេលជាច្រើនសប្តាហ៍បានឡើងដល់ ៥២ នាក់កាលពីថ្ងៃព្រហស្បតិ៍ សប្ដាហ៍នេះ ខណៈមនុស្សរាប់លាននាក់នៅតែត្រូវបានកាត់ផ្តាច់ពីផ្នែកខ្លះនៅក្នុងតំបន់មួយចំនួននៃប្រទេសនេះ។ យោងតាមមជ្ឈមណ្ឌលសម្របសម្រួលការឆ្លើយតបគ្រោះមហន្តរាយជាតិ ក្រោមឱវាទក្រសួងគ្រប់គ្រងគ្រោះមហន្តរាយ និងជំនួយបានឱ្យដឹងថា មនុស្សចំនួន ២១ នាក់ទៀតបានស្លាប់ដោយសារទឹកជំនន់ ត្រូវបានរាយការណ៍នៅក្នុងប្រទេសបង់ក្លាដែស កាលពីថ្ងៃព្រហស្បតិ៍នេះដែរ ដោយបានបង្កើនចំនួនអ្នកស្លាប់ដោយសារទឹកជំនន់នាពេលបច្ចុប្បន្ននេះឡើងដល់ ៥២ នាក់។ ប្រជាជនជាង ៥ លាននាក់បានរងផលប៉ះពាល់ដោយទឹកជំនន់ដែលបានវាយប្រហារស្រុកចំនួន ១១ ក្នុងចំណោមស្រុកសរុបចំនួន៦៤ របស់ប្រទេសនេះ ហើយបានបង្កការខូចខាតយ៉ាងធ្ងន់ធ្ងរដល់អាយុជីវិត ទ្រព្យសម្បត្តិ និងដំណាំស្រូវ។ របាយការណ៍បាននិយាយថាមនុស្សជាងកន្លះលាននាក់ ដែលរងគ្រោះដោយទឹកជំនន់ រួមទាំងស្ត្រី និងកុមារ បានជ្រកកោននៅក្នុងមណ្ឌលស្នាក់នៅបណ្ដោះអាសន្នចំនួន ៣.៤០៣កន្លែង៕

យោធារបស់ទីក្រុងគីវ បាននិយាយថា យន្តហោះចម្បាំង F-16 មួយគ្រឿងរបស់អ៊ុយក្រែនបានធ្លាក់ ខណៈពេលទប់ទល់ការវាយប្រហារដ៏ធំរបស់រុស្ស៊ី កាលពីថ្ងៃចន្ទសប្ដាហ៍នេះ ដែលជាការខាតបង់លើកដំបូង ចាប់តាំងពីយន្តហោះចម្បាំងផលិតដោយសហរដ្ឋអាមេរិកប្រភេទនេះត្រូវបានបញ្ជូនទៅដល់ក្នុងខែនេះ ដែលអ៊ុយក្រែន បានទន្ទឹងរង់ចាំជាយូរមកហើយ។ អគ្គសេនាធិការអ៊ុយក្រែន បាននិយាយកាលពីថ្ងៃព្រហស្បតិ៍ (២៩ សីហា) នៅលើបណ្ដាញសង្គមហ្វេសប៊ុក (Facebook) ថា យន្តហោះបានធ្លាក់ ហើយអ្នកបើក (ពីឡុត) បានស្លាប់ ខណៈពេលខិតទៅជិតគោលដៅរបស់រុស្ស៊ី។ យន្តហោះចម្បាំង F-16 មួយគ្រឿងនោះបាន «បង្ហាញប្រសិទ្ធភាពខ្ពស់» និងបានបាញ់ទម្លាក់មីស៊ីលរុស្ស៊ីចំនួន ៤គ្រាប់ អំឡុងពេលដែលរុស្ស៊ី បាញ់មីស៊ីល និងយានដ្រូនជាង ២០០គ្រឿងក្នុងថ្ងៃនោះសំដៅលើបណ្ដាញថាមពល។ មន្ត្រីការពារជាតិអាមេរិកម្នាក់បានប្រាប់សារព័ត៌មានរ៉យទ័រថា គ្រោះថ្នាក់ធ្លាក់កាលពីថ្ងៃចន្ទនោះហាក់មិនមែនមកពីការបាញ់ប្រហាររបស់រុស្ស៊ីទេ ហើយលទ្ធភាពនៃមូលហេតុដែលអាចមកពីកំហុសបច្ចេកទេសរបស់ពីឡុត រហូតដល់ការបរាជ័យផ្នែកមេកានិច កំពុងត្រូវស៊ើបអង្កេតនៅឡើយ។ អ៊ុយក្រែនមិនបានផ្តល់ព័ត៌មានលម្អិតពីទំហំនៃកងយន្តហោះចម្បាំងថ្មីរបស់ខ្លួនទេ ទោះបីជាការបាត់បង់នេះបានធ្វើឱ្យមានការប៉ះពាល់ខ្លាំងក៏ដោយ។ សារព័ត៌មានអង់គ្លេស The Times of London បានដកស្រង់ប្រភពមួយថា អ៊ុយក្រែនមានយន្តហោះ F-16 ចំនួន ៦គ្រឿងប៉ុណ្ណោះ។ ទីក្រុងគីវ បាននិងកំពុងជំរុញឱ្យសម្ព័ន្ធមិត្តផ្គត់ផ្គង់យន្តហោះទំនើបៗចាប់តាំងពីការចាប់ផ្តើមនៃប្រតិបត្តិការយោធារបស់រុស្ស៊ី ដើម្បីពង្រឹងកងយន្តហោះចម្បាំងដ៏តូច និងចំណាស់ក្រោយសម័យសូវៀតរបស់ខ្លួន។ មុនពេលទីក្រុងគីវ…

បេក្ខភាពបក្សប្រជាធិបតេយ្យ លោកស្រី Kamala Harris នាំមុខលើលោក Donald Trump មកពីបក្សសាធារណរដ្ឋក្នុងតួលេខ ៤៥ភាគរយ ទល់នឹង ៤១ភាគរយ នៅក្នុងការស្ទង់មតិថ្មីរបស់ រ៉យទ័រ និងអ៊ីបសូស (Reuters/Ipsos) ចេញផ្សាយកាលពីថ្ងៃព្រហស្បតិ៍ (២៩ សីហា) ដែលបង្ហាញថា អនុប្រធានាធិបតីរូបនេះបានជំរុញឱ្យមានការសាទរថ្មីក្នុងចំណោមអ្នកបោះឆ្នោត និងធ្វើឱ្យការប្រែប្រួលខ្លាំងក្នុងការប្រជែងតំណែងសេតវិមាននៅមុនការបោះឆ្នោតថ្ងៃទី០៥ ខែវិច្ឆិកា។ ការនាំមុខ ៤ភាគរយ ក្នុងចំណោមអ្នកបោះឆ្នោតដែលបានចុះឈ្មោះនេះគឺជាតួលេខដ៏ធំខ្លាំងជាងការនាំមុខ ១ភាគរយដែលលោកស្រី Harris ទទួលបាននៅក្នុងការស្ទង់មតិចុងខែកក្កដា របស់ Reuters/Ipsos។ បន្ថែមពីនេះ លោកស្រី Harris បាននាំមុខលោក Trump ដោយ ៤៩ភាគរយទល់នឹង ៣៦ភាគរយ ឬស្មើនឹង ១៣ភាគរយ ក្នុងចំណោមអ្នកបោះឆ្នោតស្ត្រីនិងអ្នកបោះឆ្នោតនិយាយភាសាអេស្ប៉ាញ។ ចំណែកលោក Trump បាននាំមុខក្នុងចំណោមអ្នកបោះឆ្នោតស្បែកស និងបុរស ដោយតួលេខស្រដៀងគ្នានេះដូចកាលពីខែកក្កដា។ ការរកឃើញនេះបង្ហាញថាការប្រជែងតំណែងប្រធានាធិបតីអាមេរិកបានផ្លាស់ប្ដូរយ៉ាងឆាប់រហ័សក្នុងពេលត្រឹមប៉ុន្មានសប្ដាហ៍។ ចាប់តាំងពីលោកប្រធានាធិបតី Joe Biden វ័យ ៨១ឆ្នាំបានបោះបង់បេក្ខភាពរបស់ខ្លួនមក លោកស្រី Harris មានប្រៀបខ្លាំងប្រឆាំងនឹងលោក…

មន្ត្រីជាន់ខ្ពស់របស់អង្គការសុខភាពពិភពលោក (WHO) បាននិយាយកាលពីថ្ងៃព្រហស្បតិ៍ថា យោធាអ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាស បានយល់ព្រមលើការផ្អាកការប្រយុទ្ធរយៈពេលបីថ្ងៃដាច់ដោយឡែកពីគ្នានៅតាមទីតាំងនៅតំបន់ហ្កាហ្សាស្ទ្រីប ដើម្បីទុកឱកាសឱ្យចាក់វ៉ាក់សាំងបង្ការជំងឺស្វិតដៃជើងដល់កុមារប្រមាណ៦៤០.០០០នាក់។ លោក រីគ ពីភើកន (Rik Peeperkorn) មន្ត្រីជាន់ខ្ពស់របស់អង្គការសុខភាពពិភពលោកប្រចាំដែនដីប៉ាឡេស្ទីន បាននិយាយថា យុទ្ធនាការចាក់ថ្នាំវ៉ាក់សាំង នឹងចាប់ផ្តើមនៅថ្ងៃអាទិត្យចុងសប្ដាហ៍នេះ ហើយការផ្អាកប្រយុទ្ធនឹងធ្វើឡើងចន្លោះម៉ោង៦ព្រឹក និង៣ល្ងាចម៉ោងក្នុងស្រុកនៅថ្ងៃនោះ។ លោកបាននិយាយថា យុទ្ធនាការនេះនឹងចាប់ផ្តើមនៅភាគកណ្តាលដែនដីហ្កាហ្សា ដោយមានការការផ្អាកប្រយុទ្ធរយៈពេលបីថ្ងៃ ក្រោយមកទៅកាន់ទីតាំងភាគខាងត្បូងហ្កាហ្សា ជាកន្លែងដែលមានការផ្អាករយៈពេលបីថ្ងៃទៀត បន្ទាប់មកនៅភាគខាងជើងហ្កាហ្សា។លោកបានបន្ថែមថា មានកិច្ចព្រមព្រៀងមួយដើម្បីពង្រីកការផ្អាកប្រយុទ្ធសម្រាប់មនុស្សធម៌នៅក្នុងតំបន់នីមួយៗដល់ថ្ងៃទីបួនប្រសិនបើចាំបាច់។ខណៈសង្រ្គាមនៅតែបន្តប្រជាជនហ្កាហ្សាត្រូវរស់នៅក្នុងស្ថានភាពបរិស្ថានមិនល្អ ឡោមព័ទ្ធដោយសំរាម និងទឹកស្អុយ ព្រមទាំងខ្វះអាហាររូបត្ថម្ភ ជាដើមចមឲ្យកើតជំងឺនេះ។ WHO បានបញ្ជាក់កាលពីថ្ងៃទី ២៣ ខែសីហាថា យ៉ាងហោចណាស់ទារកម្នាក់បានពិការដោយសារជំងឺស្វិតដៃជើងប្រភេទទី ២ ជាករណីបែបនេះលើកដំបូងនៅក្នុងដែនដីនេះក្នុងរយៈពេល២៥ ឆ្នាំ៕

ក្រសួងបង្រួបបង្រួម បាននិយាយនៅថ្ងៃព្រហស្បតិ៍នេះថា ប្រទេសកូរ៉េខាងត្បូង គ្រោងនឹងពង្រីកការគាំទ្ររបស់ខ្លួនសម្រាប់ការផ្សាយតាមវិទ្យុរបស់ក្រុមស៊ីវិលដែលផ្តោតលើប្រជាជនកូរ៉េខាងជើង ក្នុងគោលបំណងជួយពួកគេឲ្យទទួលបានព័ត៌មានពីខាងក្រៅ។ រដ្ឋាភិបាល គ្រោងនឹងបង្កើនការគាំទ្ររបស់ខ្លួនសម្រាប់ការផលិតមាតិកា និងការបណ្តុះបណ្តាលបុគ្គលិកសម្រាប់ការផ្សាយតាមវិទ្យុក្នុងវិស័យឯកជន ដែលជាផ្នែកមួយនៃផែនការបង្រួបបង្រួមថ្មីមួយ។ គំនិតផ្តួចផ្តើមនេះ គឺជាវិធានការសំខាន់មួយ ក្នុងចំណាមវិធានការសំខាន់ៗចំនួន ៧ ដែលលើកឡើងដោយលោកប្រធានាធិបតី យូន សុក យ៉ូល (Yoon Suk Yeol) ក្នុងអំឡុងពេលថ្លែងសុន្ទរកថា នៅពេលប្រារព្ធទិវាសេរីភាព កាលពីថ្ងៃទី ១៥ ខែសីហា ដើម្បីលើកកម្ពស់លំហូរចូលកាន់តែច្រើននៃព័ត៌មាន និង វប្បធម៌ខាងក្រៅ ទៅកាន់ប្រជាជនកូរ៉េខាងជើង។ ជាលទ្ធផល ការឧបត្ថម្ភធនរបស់រដ្ឋាភិបាលសម្រាប់អង្គការឯកជនដែលធ្វើការផ្សព្វផ្សាយតាមវិទ្យុ ផ្តោតទៅលើប្រជាជនកូរ៉េខាងជើង ត្រូវបានគេរំពឹងថា នឹងកើនឡើងយ៉ាងខ្លាំង នៅឆ្នាំ ក្រោយ។ ទោះបីយ៉ាងណាក៏ដោយ ក្រសួងមិនបានបញ្ជាក់ពីចំនួនថវិកានោះទេ។

ភ្នំពេញ ÷ កម្ពុជា-កូរ៉េ ដាក់ឱ្យដំណើរការជាផ្លូវការ គម្រោងទូទាត់ឆ្លងដែន សម្រាប់ភ្ញៀវទេសចរមកពីកូរ៉េ អាចទូទាត់ផ្ទាល់នៅតាមហាងទំនិញ ដែលមានស្លាកសញ្ញា ខេអេចឃូអរកូត គណនីប្រាក់រៀល និងក៏ជាការលើកកម្ពស់សកម្មភាពពាណិជ្ជកម្ម ការជំរុញកំណើនទេសចរ និងគាំទ្របរិយាបន្នហិរញ្ញវត្ថុនៅកម្ពុជាផងដែរ។ ធនាគារជាតិនៃកម្ពុជា និងធនាគារភ្នំពេញពាណិជ្ជ ម.ក នៅថ្ងៃទី ២៩ ខែ សីហា ឆ្នាំ ២០២៤ នេះ បានរៀបចំពិធីសម្ពោធ ដាក់ឱ្យដំណើរការជាផ្លូវការគម្រោងទូទាត់ឆ្លងដែន រវាងសាធារណរដ្ឋកូរ៉េ និងព្រះរាជាណាចក្រកម្ពុជា តាមរយៈកម្មវិធីធនាគារចល័ត Jeonbuk Bank និងប្រព័ន្ធបាគង (ខេអេចហ្សូអរកួត) ក្នុងនោះសម្រាប់ដំណាក់កាលទី១ ភ្ញៀវទេសចរមកពីសាធារណរដ្ឋកូរ៉េ អាច ប្រើប្រាស់កម្មវិធីធនាគារចល័តរបស់ធនាគារ Jeonbuk ដើម្បីទូទាត់ផ្ទាល់នៅតាមហាងទំនិញ ដែលមានស្លាកសញ្ញា ខេអេចឃូអរកូត គណនីប្រាក់រៀល ។ ជាក់ស្តែងការរៀបចំកម្មវិធីនេះ បន្ទាប់ពីធនាគារជាតិនៃកម្ពុជា និងស្ថាប័ន JB Financial Group បានចុះ អនុស្សរណៈយោគយល់ស្តីពី “កិច្ចសហប្រតិបត្តិការទូទាត់ឆ្លងដែនតាមឃូអរកួត”កាលពីថ្ងៃទី ១៦ ខែ ឧសភា ឆ្នាំ…