Category: ព័ត៌មានជាតិ​

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានផ្ញើលិខិតថ្លែងអំណរគុណរជូនសប្បុរសជននានា ដែលបានចូលរួមថវិកាដោយស្ម័គ្រចិត្ត ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន ដើម្បីកសាងហេដ្ឋារចនាសម្ព័ន្ធតាមបណ្តោយព្រំដែនដោយផ្តោតលើការកសាងផ្លូវក្រវាត់ព្រំដែន ខណៈចលនាមហាសាមគ្គី ពីសំណាក់បងប្អូនប្រជាពលរដ្ឋទាំងក្នុង និងក្រៅប្រទេសនេះបានកំពុងបន្តកើតឡើងយ៉ាងគគ្រឹកគគ្រេង។ យោងតាមលិខិតថ្លែងអំណរគុណគោរពជូនថ្នាក់ដឹកនាំ និងបងប្អូនសប្បុរជននានាមកពីគ្រប់ទី កន្លែងនោះ បានលើកឡើងថា ក្នុងនាមរាជរដ្ឋាភិបាល និងក្នុងនាមខ្លួនសម្តេចផ្ទាល់ សូមគោរពថ្លែង អំណរគុណយ៉ាងជ្រាលជ្រៅចំពោះសន្តានចិត្តរបស់ ស្តេចទ្រង់ ឯកឧត្តម លោកជំទាវ លោក លោកស្រី អ្នក នាងកញ្ញា ដែលបានចូលរួមនូវថវិកា ដោយស្ម័គ្រចិត្តក្នុង«មូលនិធិកសាងហេដ្ឋារចនាសម្ព័ន្ធតាមព្រំដែន» ដើម្បី កសាងហេដ្ឋារចនាសម្ព័ន្ធតាមបណ្តោយព្រំដែន ដោយផ្តោតលើការកសាងផ្លូវក្រវាត់ព្រំដែន។ តាមរយៈសារលិខិតថ្លែងអំណរគុណនេះ សម្តេចធិបតីនាយករដ្ឋមន្រ្តីបានលើកឡើងថា«ខ្ញុំសូម កោតសរសើរដោយស្មោះ ចំពោះកាយវិការ និងមនសិការស្នេហាជាតិដ៏ឧត្តុង្គឧត្តម សបញ្ជាក់អំពីធ្លុងមហាសាមគ្គី ស្មារតីជាតិខ្មែរតែមួយ ដើម្បីសុខសន្តិភាព អធិបតេយ្យភាពជាតិ និងបូរណភាពទឹកដី រួមទាំងការអភិវឌ្ឍនៅតាមតំបន់ព្រំដែនឲ្យបានកាន់តែរឹងមាំប្រកបដោយចីរភាពផងដែរ»។ សូមបញ្ជាក់ថាភ្លាមៗបន្ទាប់ពីសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានអំពាវនាវ និងសម្រេចបង្កើត«មូលនិធិកសាងហេដ្ឋារចនាសម្ព័ន្ធតាមព្រំដែន»នាថ្ងៃទី២៦ ខែសីហា ឆ្នាំ២០២៤នេះបង ប្អូនប្រជាពលរដ្ឋខ្មែរមកពីគ្រប់ទិសទី កងកម្លាំងប្រដាប់អាវុធគ្រប់ប្រភេទ មន្រ្តីរាជការគ្រប់លំដាប់ថ្នាក់ទាំងអស់ បានចូលរួមបរិច្ចាគថវិកាជាបន្តបន្ទាប់យ៉ាងផុលផុសបំផុត ខណៈចលនានៃការចូលរួម…

ប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បាននិយាយកាលពីថ្ងៃពុធថា ប្រតិបត្តិការយោធាដ៏សំខាន់របស់អ៊ីស្រាអែលនៅតំបន់ West Bank ត្រូវបានកាន់កាប់ដោយអ៊ីស្រាអែលនោះ មិនត្រូវបង្កើតជាទីតាំងនៃការបន្តសង្គ្រាមពីតំបន់ហ្កាហ្សា រួមទាំងការបំផ្លិចបំផ្លាញទាំងស្រុងនោះឡើយ។ លោក Borrell បាននិយាយនៅលើបណ្ដាញសង្គម Xថា ប្រតិបត្តិការយោធាដ៏ធំរបស់អ៊ីស្រាអែលនៅតំបន់ West Bank មិនត្រូវបង្កើតជាទីតាំងនៃការបន្តសង្រ្គាមពីដែនដីហ្កាហ្សា នោះទេ។ លោកបានបន្ថែមថា ការពង្រីកប្រតិបត្តិការ ត្រូវបានលើកឡើងដោយរដ្ឋមន្ត្រីការបរទេសអ៊ីស្រាអែល ជាពិសេសលើការជម្លៀសប្រជាជនប៉ាឡេស្ទីន គំរាមកំហែងជំរុញឱ្យមានអស្ថិរភាពបន្ថែមទៀត។ មុននេះ កងទ័ពអ៊ីស្រាអែលបានបើកប្រតិបត្តិការយោធាដ៏ធំមួយនៅភាគខាងជើងតំបន់ West Bank ដែលជាចំនួនដ៏ធំបំផុតក្នុងរយៈពេលពីរទសវត្សរ៍។ មានជនជាតិប៉ាឡេស្ទីនយ៉ាងហោចណាស់១០នាក់ត្រូវបានសម្លាប់ចាប់តាំងពីការចាប់ផ្តើមប្រតិបត្តិការ នេះបើយោងតាមតួលេខចុងក្រោយដែលចេញផ្សាយដោយក្រសួងសុខាភិបាលតំបន់នេះ។ រដ្ឋមន្ត្រីការបរទេសអ៊ីស្រាអែល លោក Israel Katz បាននិយាយថា ប្រតិបត្តិការរបស់កងទ័ពរួមមាន ការជម្លៀសប្រជាជនប៉ាឡេស្ទីនជាបណ្តោះអាសន្ន ពីតំបន់នានានៅភាគខាងជើង West Bank ។ ភាពតានតឹងបាននឹងកំពុងកើនឡើងខ្លាំងនៅទូទាំងតំបន់ West Bank ខណៈមានការវាយលុកដ៏ព្រៃផ្សៃរបស់អ៊ីស្រាអែលលើតំបន់ហ្កាហ្សាស្ទ្រីប ដែលបានសម្លាប់មនុស្សជាង៤០.៥០០នាក់ ភាគច្រើនជាស្ត្រី និងកុមារ ចាប់តាំងពីថ្ងៃទី ៧ ខែតុលា ឆ្នាំ ២០២៣មក៕

កងកម្លាំងអ៊ីស្រាអែល បានបញ្ជូនរថក្រោះចូលជ្រៅទៅក្នុងទីក្រុង ខាន់យូនីស (Khan Younis) នៅភាគខាងត្បូងតំបន់ហ្កាហ្សាស្រ្ទីប ហើយបានបើកការវាយប្រហារនៅទូទាំងតំបន់ជុំវិញនោះ ខណៈដែលពួកគេបានបន្តប្រយុទ្ធជាមួយក្រុមសកម្មប្រយុទ្ធដែលដឹកនាំដោយក្រុមហាម៉ាស ដោយបានសម្លាប់ប្រជាជនប៉ាឡេស្ទីនយ៉ាងហោចណាស់ ៣៤នាក់ កាលពីថ្ងៃពុធ (២៨ សីហា)។ អ្នកស្រុកនៅក្រុង Khan Younis បាននិយាយថា រថក្រោះអ៊ីស្រាអែល បានធ្វើការវាយរុលដ៏ភ្ញាក់ផ្អើលមួយចូលទៅក្នុងកណ្តាលទីក្រុង ហើយយោធាបានបញ្ជាឱ្យមានការជម្លៀសនៅភាគខាងកើត ដោយបង្ខំឱ្យក្រុមគ្រួសារជាច្រើនរត់ភៀសខ្លួនដើម្បីសុវត្ថិភាព ខណៈអ្នកផ្សេងទៀតត្រូវបានជាប់ខ្លួននៅក្នុងផ្ទះសម្បែងក្រោមការបាញ់ប្រហារដ៏ខ្លាំងក្លា។ ក្នុងរយៈពេលប៉ុន្មានថ្ងៃថ្មីៗនេះ អ៊ីស្រាអែលបានចេញបញ្ជាជម្លៀសជាច្រើននៅទូទាំងតំបន់ហ្កាហ្សា ដែលជាចំនួនច្រើនបំផុតចាប់តាំងពីការចាប់ផ្តើមនៃសង្រ្គាមរយៈពេលជិត ១១ខែមក ដែលបណ្តាលឱ្យមានការតវ៉ាត្អូញត្អែរពីប្រជាជនប៉ាឡេស្ទីន អង្គការសហប្រជាជាតិ និងក្រុមមន្ត្រីផ្តល់ជំនួយសង្គ្រោះ ជុំវិញការបង្រួមតំបន់មនុស្សធម៌ និងអវត្តមានតំបន់សុវត្ថិភាព។ យោធាអ៊ីស្រាអែលនិយាយថា ខ្លួនបានបញ្ជាឱ្យមានការជម្លៀសនៅក្នុងតំបន់ដែលក្រុមហាម៉ាស និងពួកសកម្មប្រយុទ្ធផ្សេងទៀតបានធ្វើការវាយប្រហារ រួមទាំងបាញ់គ្រាប់រ៉ូកែតចូលទៅក្នុងអ៊ីស្រាអែល។ ស្លាបប្រដាប់អាវុធនៃក្រុមហាម៉ាស និងក្រុមជីហាតអ៊ីស្លាមនិយាយថា អ្នកប្រយុទ្ធបានចូលរួមក្នុងការប៉ះទង្គិចជាមួយកងកម្លាំងអ៊ីស្រាអែល នៅតាមតំបន់ផ្សេងៗគ្នានៅទូទាំងទឹកដីហ៊ុមព័ទ្ធនេះ ដោយបានបាញ់រ៉ូកែតប្រឆាំងរថក្រោះ និងកាំភ្លើងត្បាល់ប្រឆាំងកងកម្លាំងអ៊ីស្រាអែលវិញ៕

នាយករដ្ឋមន្ត្រីឥណ្ឌា លោក Narendra Modi បានអំពាវនាវឱ្យមានកិច្ចចរចាសន្តិភាព ស្តីពីសង្គ្រាមនៅអ៊ុយក្រែន អំឡុងពេលសន្ទនាតាមទូរស័ព្ទជាមួយប្រធានាធិបតីរុស្ស៊ី លោក Vladimir Putin។ រដ្ឋាភិបាលឥណ្ឌានិយាយថា លោក Modi បានគូសបញ្ជាក់ពីសារៈសំខាន់នៃកិច្ចសន្ទនា និងផ្នែកការទូត ដើម្បីទទួលបានដំណោះស្រាយដោយសន្តិវិធី ចំពោះជម្លោះរវាងរុស្ស៊ី និងអ៊ុយក្រែន។ លោក Modi ក៏បានអំពាវនាវឱ្យមានការចូលរួមដោយស្មោះស្ម័ក្រ និងជាក់ស្តែងពី «ភាគីពាក់ព័ន្ធទាំងអស់» រួមមានរុស្ស៊ី និងអ៊ុយក្រែន។ លោក បានសន្យាពីការគាំទ្ររបស់ប្រទេសឥណ្ឌាចំពោះរឿងនេះ។ លោក Modi បានធ្វើទស្សនកិច្ចនៅប្រទេសអ៊ុយក្រែន កាលពីថ្ងៃសុក្រសប្តាហ៍មុន ជាលើកដំបូងចាប់តាំងពីការចាប់ផ្តើមការឈ្លានពានរបស់រុស្ស៊ី។ លោក បានជួបប្រធានាធិបតី លោក Volodymyr Zelenskyy និងបានជំរុញឱ្យលោកស្វែងរកការចរចាសន្តិភាព។ ទន្ទឹមនឹងនេះ វិមានក្រឹមឡាំងនិយាយថា លោកPutin បានពន្យល់ទៅលោក Modi អំពីវិធីសាស្រ្តសំខាន់ៗរបស់រុស្ស៊ីក្នុងការដោះស្រាយជម្លោះ។ រដ្ឋបាលលោក Putin បាននិយាយដដែលៗថា រុស្ស៊ីពុំមានបំណងចរចាសន្តិភាពជាមួយទីក្រុងគីវ នោះទេ បន្ទាប់ពីការវាយប្រហារឆ្លងព្រំដែនរបស់អ៊ុយក្រែន ទៅលើតំបន់ Kursk ភាគខាងលិចប្រទេសរុស្ស៊ី។ វាមិនទំនងជាមានការរំពឹងទុកណាមួយសម្រាប់ការមើលឃើញសញ្ញានៃការបញ្ចប់ការប្រយុទ្ធគ្នាឡើយ។

ទីប្រឹក្សាសន្តិសុខជាតិរបស់ប្រធានាធិបតីអាមេរិក ចូ បៃដិន (Joe Biden) គឺលោក ជេក ស៊ូលីវ៉ាន់ (Jake Sullivan) បានចាប់ផ្តើមកិច្ចប្រជុំថ្ងៃទីពីររបស់ខ្លួនជាមួយបណ្ដាមន្ត្រីជាន់ខ្ពស់របស់ចិន នៅទីក្រុងប៉េកាំង នៅថ្ងៃពុធ (២៨ សីហា) នេះក្នុងគោលបំណងបន្ធូរបន្ថយភាពតានតឹងរវាងប្រទេសមហាអំណាចទាំងពីរនៅមុនការបោះឆ្នោតសហរដ្ឋអាមេរិកថ្ងៃទី០៥ ខែវិច្ឆិកា។ លោក Sullivan ប្រមុខការទូតចិន លោក វ៉ាង យី (Wang Yi) និងអ្នកផ្សេងទៀតកំពុងជួបពិភាក្សាគ្នាចាប់ពីថ្ងៃអង្គារ ដល់ថ្ងៃព្រហស្បតិ៍ (២៩ សីហា) ខណៈប្រទេសទាំងពីរខ្វែងគំនិតគ្នាជុំវិញបញ្ហាមជ្ឈិមបូព៌ា និងអ៊ុយក្រែន ការអះអាងសិទ្ធិរបស់ចិន លើកោះតៃវ៉ាន់ និងសមុទ្រចិនខាងត្បូង រួមទាំងជម្លោះពាណិជ្ជកម្ម។ ដោយទទួលស្គាល់ទំនាក់ទំនងដ៏រកាំរកួសក្នុងរយៈពេលប៉ុន្មានឆ្នាំកន្លងមកនេះ លោក Wang និយាយថា លោកសង្ឃឹមថានឹងមានកិច្ចសន្ទនាជុំថ្មីរវាងចិន និងអាមេរិក ដែលអាចលើកកម្ពស់ទំនាក់ទំនងទ្វេភាគី ជំនះការរំខាន និងលុបបំបាត់ឧបសគ្គ ហើយអនុញ្ញាតឱ្យទំនាក់ទំនងអភិវឌ្ឍក្នុងលក្ខណៈ «ស្ថិរភាព ស្ថានភាពល្អ និងនិរន្តរភាព»។ លោក Sullivan បាននិយាយថា «យើងនឹងស្វែងយល់ពីបញ្ហាជាច្រើន រួមទាំងបញ្ហាយល់ស្រប និងបញ្ហាខ្វែងគំនិតគ្នាដើម្បីគ្រប់គ្រងទំនាក់ទំនងប្រកបដោយប្រសិទ្ធភាព និងជាក់ស្តែង»។…

អនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) និងអភិបាលរដ្ឋ មីនេសូថា (Minnesota) លោក ធីម វ៉លស៍ (Tim Walz) ដែលជាដៃគូខាងគណបក្សប្រជាធិបតេយ្យសម្រាប់ការប្រជែងតំណែងប្រធានាធិបតីសហរដ្ឋអាមេរិក បានយល់ព្រមធ្វើបទសម្ភាសន៍រួមគ្នាលើកដំបូងរបស់ពួកគេ ជាមួយទូរទស្សន៍ CNN ក្នុងរដ្ឋ ចចា (Georgia) ដែលចាក់ផ្សាយនៅថ្ងៃព្រហស្បតិ៍ (២៩ សីហា) ម៉ោង ៩:០០យប់ (ម៉ោងក្នុងស្រុក)។ នោះនឹងក្លាយជាការសន្ទនាស៊ីជម្រៅលើកដំបូងរបស់ដៃគូក្នុងការប្រជែងយកតំណែងសេតវិមានទាំងពីររូបនេះជាមួយអ្នកយកព័ត៌មាន ចាប់តាំងពីលោកប្រធានាធិបតី ចូ បៃដិន (Joe Biden) ដកខ្លួនពីបេក្ខភាព ហើយបានគាំទ្រលោកស្រី Harris ជាអ្នកជំនួសលោកកាលពីជាង ៥សប្តាហ៍មុន។ ចាប់តាំងពីអនុប្រធានាធិបតីរូបនេះបានចូលរួមក្នុងការប្រជែងតំណែងកំពូលនេះមក គណបក្សសាធារណរដ្ឋបានរិះគន់លោកស្រីចំពោះការគេចមុខពីអ្នកសារព័ត៌មាន ហើយបានចោទលោកស្រីថាមិនប្រាប់អ្នកបោះឆ្នោតពីផែនការប្រធានាធិបតីរបស់ខ្លួន។ បទសម្ភាសន៍នេះនឹងក្លាយជាការសាកល្បងដ៏ធំលើកដំបូងរបស់លោកស្រី Harris និងលោក Walz ក្នុងនាមជាមិត្តរួមការងារ និងផ្តល់ឱកាសសម្រាប់អ្នកទាំងពីរក្នុងការលុបបំបាត់ការរិះគន់ទាំងនោះ ហើយក៏បំពេញតាមការសន្យាដែលលោកស្រី Harris បានលើកឡើងថាខ្លួននឹងធ្វើការសម្ភាសន៍មុនដំណាច់ខែ។ បទសម្ភាសន៍រួមគ្នានេះនឹងកើតឡើងបន្ទាប់ពីសុន្ទរកថារបស់បេក្ខភាពបក្សប្រជាធិបតេយ្យទាំងពីរនៅឯសន្និបាតជាតិបក្សនៅទីក្រុងឈីកាហ្គោ (Chicago) ដែលជាការប្រារព្ធទៅយ៉ាងរលូន ហើយលោកស្រី Harris…

មនុស្ស៤នាក់ ត្រូវបានរាយការណ៍ថាបានបាត់ខ្លួនបន្ទាប់ពីបំណាក់ដី បានវាយប្រហារលំនៅឋានមួយកន្លែង ក្នុងខេត្ត Aichi ភាគកណ្តាលប្រទេសជប៉ុន កាលពីថ្ងៃអង្គារដោយសារតែភ្លៀងធ្លាក់ខ្លាំង ខណៈព្យុះទីហ្វុង Shanshan ខិតជិតដល់ប្រទេសនេះ។ ឧបទ្ទវហេតុ បានកើតឡើងកាលពីវេលាម៉ោង១០:១០នាទីយប់ម៉ោងក្នុងស្រុក កាលពីថ្ងៃអង្គារនៅក្នុងទីក្រុង Gamagori នៅពេលដែលអង្គភាពសេវាសង្គ្រោះបន្ទាន់ក្នុងតំបន់ បានទទួលទូរស័ព្ទពីស្ត្រីម្នាក់ដែលរាយការណ៍ថាសមាជិក៥នាក់នៃគ្រួសារមួយ ត្រូវបានកប់នៅក្រោមដីល្បប់និងកម្ទេចកម្ទី។ អាជ្ញាធរតំបន់ និយាយថា អ្នកទូរស័ព្ទគឺជាស្ត្រីម្នាក់មានអាយុ៤០ឆ្នាំ ត្រូវបានជួយសង្គ្រោះ និងដឹកទៅកាន់មន្ទីរពេទ្យភ្លាមៗ។ ទោះជាយ៉ាងណា សមាជិកគ្រួសារបួននាក់ទៀតដែលនៅសល់ រួមមានប្តីប្រពន្ធក្នុងវ័យ៧០ឆ្នាំ ស្ត្រីម្នាក់ទៀតអាយុ៤០ឆ្នាំ និងបុរសអាយុ៣០ឆ្នាំ នៅពុំទាន់ដឹងព័ត៌មាននៅឡើយ។ បំណាក់ដី បានវាយប្រហារលើលំនៅឋានសង់ពីឈើមានកម្ពស់ពីរជាន់។ ខណៈព្យុះដ៏មានឥទ្ធិពល Shanshan ដែលជាព្យុះទីហ្វុងទី១០ នៅឆ្នាំនេះ ខិតជិតប្រទេសជប៉ុន ទីក្រុង Gamagori បានទទួលទឹកភ្លៀងកម្រិត ១៣៨,៥ មីល្លីម៉ែត្រនៅចន្លោះល្ងាចថ្ងៃចន្ទ និងយប់ថ្ងៃអង្គារ ដែលច្រើនជាងទឹកភ្លៀងជាមធ្យមសម្រាប់ពេញមួយខែ នៅខែសីហានេះ។ ដោយមានប្រតិបត្តិការជួយសង្គ្រោះកំពុងបន្ត បទបញ្ជាជម្លៀស ត្រូវបានចេញដល់អ្នកស្រុកក្នុងតំបន់នៅជុំវិញនោះ ដោយសារហានិភ័យកើនឡើងនៃបំណាក់ដីបន្ថែមទៀត។ មន្ត្រីឧតុនិយម បានព្រមានថា ស្ថានភាពអាកាសធាតុមិនស្ថិតស្ថេរ ដែលបណ្តាលមកពីព្យុះទីហ្វុង ខិតជិតមកដល់អាចបណ្តាលឱ្យមានភ្លៀងធ្លាក់ខ្លាំង និងបំណាក់ដីនៅក្នុងតំបន់។

អតីតប្រធានាធិបតី លោក Donald Trump បានរងការចោទប្រកាន់ថ្មីមាន៣៦ទំព័រ កាលពីថ្ងៃអង្គារទាក់ទងទៅនឹងការប្រឹងប្រែងរបស់លោកដើម្បីលុបចោលការបោះឆ្នោតកាលពីឆ្នាំ២០២០។ បទចោទប្រកាន់ថ្មីនេះ ត្រូវបានទទួលដោយក្រុមរបស់លោក Jack Smith ជារដ្ឋអាជ្ញាពិសេសរបស់សហរដ្ឋអាមេរិក បន្ទាប់ពីសល់ឱកាសតិចតួចក្នុងវិធីសាស្រ្តរបស់ពួកគេចំពោះករណីធ្វើវិទ្ធង្សនាការបោះឆ្នោត ក្រោយពីតុលាការកំពូលរបស់សហរដ្ឋអាមេរិក ចេញសេចក្តីសម្រេចថា អតីតប្រធានាធិបតី មានអភ័យឯកសិទ្ធិទូលំទូលាយរួចផុតពីការប្រឹងផ្តល់បទព្រហ្មទណ្ឌ។ បទចោទប្រកាន់ដែលបានពិនិត្យឡើងវិញ ដាក់ចេញនូវបទចោទប្រកាន់ចំនួនបួនដូចគ្នា ដែលបានធ្វើឡើងប្រឆាំងលោក Trump កាលពីឆ្នាំមុន ប៉ុន្តែវាផ្តោតលើតួនាទីរបស់លោកជាបេក្ខជននយោបាយដែលកំពុងស្វែងរកការបោះឆ្នោតជាថ្មី ជាជាងធ្វើជាប្រធានាធិបតី។ បទចោទប្រកាន់ថ្មីដែលបានដំណើរការឡើងវិញ ពុំរាប់បញ្ចូលបទចោទប្រកាន់ថា លោក Trump ព្យាយាមដាក់សម្ពាធដល់ក្រសួងយុត្តិធម៌សហរដ្ឋអាមេរិក ក្នុងបំណងរបស់លោកដើម្បីលុបចោលការបោះឆ្នោត។

ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅថ្ងៃអង្គារ ទី២៧ ខែសីហា ឆ្នាំ​២០២៤ បានទទួលជួប ឯកឧត្តម Shovgi Mehdizada ឯកអគ្គរដ្ឋទូត នៃសាធារណរដ្ឋអាស៊ែបៃហ្សង់ ប្រចាំព្រះរាជាណាចក្រកម្ពុជា ដែលមាននិវេសនដ្ឋាន នៅទីក្រុងហាណូយប្រទេសវៀតណាម។ ឯកឧត្តមបណ្ឌិត អ៊ាង សុផល្លែត និងឯកឧត្តម Shovgi Mehdizada បានគូសបញ្ជាក់ពីការប្តេជ្ញាពង្រឹងទំនាក់ទំនងកិច្ចសហប្រតិបត្តិការរវាងប្រទេសទាំងពីរ កម្ពុជា-អាស៊ែបៃហ្សង់ ឱ្យបានកាន់តែរីកចម្រើនថែមទៀត ដោយក្នុងនោះមានកិច្ចសហប្រតិបត្តិការ មួយចំនួនទាក់ទងនឹងវិស័យបរិស្ថាន ដូចជា ការប្រយុទ្ធប្រឆាំង នឹងការប្រែប្រួលអាកាសធាតុ និងការអញ្ជើញប្រតិភូកម្ពុជា ចូលរួមកិច្ចប្រជុំកំពូលនៃក្របខ័ណ្ឌ អនុសញ្ញាអង្គការសហប្រជាជាតិ ស្តីពីការប្រែប្រួលអាកាសធាតុ UNFCCC (COP 29) និងកិច្ចការអាទិភាពនានាដែលប្រទេស ទាំងពីរនឹងធ្វើរួមគ្នាជាដើម។ ក្នុងឱកាសនោះ ឯកឧត្តមឯកអគ្គរដ្ឋទូតបានអញ្ជើញ ឯកឧត្តមរដ្ឋមន្រ្តី និងប្រតិភូក្រសួងបរិស្ថាន ទៅបំពេញទស្សនកិច្ចនៅប្រទេសអាស៊ែបៃហ្សង់ ក្នុងអំឡុងកិច្ចប្រជុំកំពូលនៃកិច្ចប្រជុំ UNFCCC (COP 29) ព្រមទាំងស្នើសុំការអនុញ្ញាតពីឯកឧត្តមបណ្ឌិត អ៊ាង សុផល្លែត ទទួលជួបពិភាក្សាការងារលើវិស័យបរិស្ថាន ជាមួយ ឯកឧត្តមរដ្ឋមន្រ្តី…