Category: ព័ត៌មានជាតិ​

(ភ្នំពេញ)៖ ក្នុងកម្មវិធីបូកសរុបលទ្ធផលការងារនៃការអនុវត្តការងារឆ្នាំ២០២៤ និងលើកទិសដៅការងាសម្រាប់អនុវត្តឆ្នាំ២០២៥ របស់អគ្គលេខាធិការដ្ឋាននៃគណៈកម្មាធិការកែទម្រង់រដ្ឋបាលសាធារណៈ (គ.ក.ស) នៅឧទ្យានជាតិព្រះសុរាម្រិតកុសុមៈ«គិរីរម្យ» នៃខេត្តកំពង់ស្ពឺ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ មានប្រសាសន៍ទៅកាន់ ថ្នាក់ដឹកនាំ និងមន្ត្រីថា បេសកកម្មដែលយើងបាន និងកំពុងធ្វើ ជាបេសកកម្មដែលធំ ហើយពោរពេញដោយឧត្តមភាព ។ ឯកឧត្តម ឧបនាយករដ្ឋមន្ត្រី បានលើកឡើងថា “ការងារកែទម្រង់ដែលយើង បានធ្វើកន្លងមក មិនមែនជាការងារដែលងាយស្រួលពេកនោះទេ។ ការងារខ្លះមានភាពស្មុគស្មាញ មានការប្រឈម ត្រូវការពេលវេលាយូរ និងត្រូវការឆន្ទៈខ្ពស់ក្នុងការអនុវត្ត។ ឯកឧត្តមឧបនាយករដ្ឋមន្ត្រី បន្ថែមថា “ខ្ញុំនៅតែនិយាយដដែលថា ខ្ញុំមានភ័ព្វសំណាងដែលខ្ញុំមានឱកាសបានមកចូលរួមការងារជាមួយថ្នាក់ដឹកនាំ និងមន្ត្រីរាជការនៅក្រសួងមុខងារសាធារណៈ ដែលសុទ្ធតែមានសមត្ថភាព វិជ្ជាជីវៈ និងឆន្ទៈខ្ពស់ ដើម្បីបម្រើជាតិ និងប្រជាជន។” ឯកឧត្តមឧបនាយករដ្ឋមន្ត្រី បន្តថា “ការខិតខំប្រឹងប្រែងរបស់ថ្នាក់ដឹកនាំ និងមន្ត្រីរាជការរបស់យើងទាំងអស់ កន្លងមកនេះ មិនត្រឹមតែជាការបំពេញតួនាទីភារកិច្ចយ៉ាងហ្មត់ចត់ ក្នុងនាមជាសេនាធិការរបស់រាជរដ្ឋាភិបាលប៉ុណ្ណោះទេ ថែមទាំងបានចូលរួមជាផ្នែកមួយ ក្នុងការផ្លាស់ប្តូរ និងកែលម្អផ្នត់គំនិតរបស់មហាជន ជាពិសេសមកលើប្រព័ន្ធជ្រើសរើសមន្ត្រីរាជការស៊ីវិល។ ឯកឧត្តម ឧបនាយករដ្ឋមន្ត្រី ហ៊ុន ម៉ានី…

(ភ្នំពេញ)៖ តាមរយៈបណ្ដាញសង្គម នាព្រឹកថ្ងៃទី០២ ខែកុម្ភៈ ឆ្នាំ២០២៥ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា ប្រព័ន្ធធារាសាស្ត្រគ្រប់ជ្រុងជ្រោយ (Completed Irrigation System) ធានាការផ្គត់ផ្គង់ទឹក ដេីម្បីបង្កបង្កេីនផលពេញមួយឆ្នាំ។ គម្រោងខ្សែច្រវ៉ាក់តម្លៃផលិតកម្មកសិកម្មកម្ពុជា ជំហ៊ាន២ គឺជាគម្រោងជួយលើកកម្ពស់ច្រវាក់តម្លៃផលិតកម្មកសិកម្មកាន់តែល្អប្រសើរ ហើយក្នុងនោះ គម្រោងនេះ បានស្តារនិងកសាងហេដ្ឋារចនាសម្ព័ន្ធធារាសាស្រ្តគ្រប់ជ្រុងជ្រោយ (Completed Irrigation System) សរុបចំនួន ១២ប្រព័ន្ធ នៅក្នុងខេត្តតាកែវ កណ្ដាល និងព្រៃវែង ។ ប្រព័ន្ធធារាសាស្ត្រគ្រប់ជ្រុងជ្រោយនេះ បានធានាដល់ការមានទឹកគ្រប់គ្រាន់សម្រាប់ប្រជាកសិករ ធ្វើស្រូវបានចំនួន ៣ដង ក្នុងមួយឆ្នាំ និងរួមទាំងដំណាំរួមផ្សំផ្សេងៗទៀតផងដែរ ដោយមិនមានការព្រួយបារម្ភពីការខ្វះខាតទឹកប្រើប្រាស់ឡើយ ។ ប្រព័ន្ធធារាសាស្ត្រនេះ មានស្ថានីយន៍បូមទឹកដោយស្វ័យប្រវត្តិដែលប្រើប្រាស់ថាមពលអគ្គិសនីចំនួន ១២កន្លែង ដើម្បីអន្តរាគមន៍បូមទឹកចូលក្នុងប្រឡាយមេ រួចបញ្ចូលទៅក្នុងប្រឡាយរង រួចបន្តចូលក្នុងប្រឡាយជើងក្អែបដែលនៅតាមភ្លឺស្រែរបស់ប្រជាកសិករ រួចបង្ហូរចូលក្នុងស្រែតែម្ដង ។ ប្រព័ន្ធធារាសាស្ត្រគ្រប់ជ្រុងជ្រោយនេះ ត្រូវបានគ្រប់គ្រងដោយសហគមន៍កសិករប្រើប្រាស់ទឹក បង្កេីតឡេីងដោយក្រសួងធនធានទឹក និងឧតុនិយម ហើយមានដំណើរការដោយរលូន ព្រមទាំងមានការចូលរួមយ៉ាងទៀងទាត់ និងសកម្ម ដើម្បីផ្គត់ផ្គង់ទឹកជូនដល់ប្រជាកសិករ…

តូក្យូ ៖ នាយករដ្ឋមន្ត្រីជប៉ុន លោក Ishiba Shigeru និងប្រធានាធិបតីអាមេរិក លោក Donald Trump ត្រូវបានរំពឹងថា នឹងរៀបចំកិច្ចប្រជុំកំពូលលើកដំបូងរបស់ពួកលោក នៅថ្ងៃទី៧ ខែកុម្ភៈនេះ នៅទីក្រុងវ៉ាស៊ីនតោន។ មន្ត្រីរដ្ឋាភិបាលកំពុងធ្វើការរៀបចំកិច្ចប្រជុំនោះ ដើម្បីឆ្លើយតបទៅនឹងគោលបំណងរបស់លោក Ishiba ដែលចង់ជួបពិភាក្សាជាមួយលោក Trump ឱ្យបានឆាប់តាមដែលអាចធ្វើទៅបាន។ នៅក្នុងសម័យប្រជុំរបស់សភាជាន់ទាបកាលពីថ្ងៃសុក្រសប្តាហ៍នេះ លោក Ishiba បាននិយាយថា លោកចង់បង្កើនសម្ព័ន្ធភាពជប៉ុន-អាមេរិកដល់កម្រិតថ្មីមួយ ដែលនឹងបម្រើផលប្រយោជន៍ជាតិរបស់ប្រទេសទាំងពីរបានល្អបំផុត។ ហើយលោកក៏មានគោលបំណងកសាងទំនុកចិត្តគ្នាទៅវិញទៅមកជាមួយលោក Trump ដើម្បីពង្រឹងទំនាក់ទំនងផងដែរ។ បន្ថែមលើនេះ លោក Ishiba ក៏នឹងសង្កត់ធ្ងន់លើតម្រូវការធ្វើការដើម្បីសន្តិភាព និងស្ថិរភាពនៅក្នុងតំបន់ឥណ្ឌូប៉ាស៊ីហ្វិក ចំពេលប្រឈមមុខនឹងការពង្រីកឥទ្ធិពលកាន់តែខ្លាំងឡើងរបស់ប្រទេសចិន៕ ប្រភព ៖ AFP ប្រែសម្រួល៖ ឈឹម ទីណា

ប៉េកាំង ៖ ក្រុមហ៊ុន China Railway បានបញ្ជាក់កាលពីថ្ងៃសុក្រសប្តាហ៍ថា ក្នុងរយៈពេល ៤០ថ្ងៃ ផ្លូវរថភ្លើងរបស់ប្រទេសចិន បានដឹកជញ្ជូនអ្នកដំណើរជាង ២០០លាននាក់ ចាប់តាំងពីពិធីបុណ្យនិទាឃរដូវ ឬបុណ្យចូលឆ្នាំថ្មី ជាពេលដែលប្រជាជនសម្រុកធ្វើដំណើរទៅកាន់ទីជិតឆ្ងាយចាប់ផ្តើមពីថ្ងៃទី១៤ ខែមករា ឆ្នាំ២០២៥។ គិតត្រឹមថ្ងៃទី៣០ ខែមករា ផ្លូវដែករបស់ប្រទេសចិន បានដឹកជញ្ជូនអ្នកដំណើរសរុបចំនួន ២០៦លាននាក់ នេះបើយោងតាមការអះអាងរបស់ ក្រុមហ៊ុន China Railway។ ជាមួយគ្នានេះ ការដឹកជញ្ជូនមានសុវត្ថិភាព ស្ថិរភាព និងសណ្តាប់ធ្នាប់គួរឲ្យកត់សម្គាល់។ ក្រុមហ៊ុន China Railway បាននិយាយកាលពីដើមខែធ្នូថា ផ្លូវដែកសរុបរបស់ប្រទេសចិនមានចម្ងាយប្រតិបត្តិការលើសពី ១៦០.០០០គីឡូម៉ែត្រ ជាមួយនឹងផ្លូវរថភ្លើងល្បឿនលឿនលើសពី ៤៦.០០០គីឡូម៉ែត្រ។ បណ្តាញផ្លូវដែកគ្របដណ្តប់ ៩៩ភាគរយនៃទីក្រុងរបស់ចិន ដែលមានប្រជាជនជាង ២០០.០០០នាក់ ហើយបណ្តាញផ្លូវដែកល្បឿនលឿនគ្របដណ្តប់ ៩៧ភាគរយនៃទីក្រុងដែលមានប្រជាជនច្រើនជាង ៥០០.០០០នាក់។ ទន្ទឹមនេះ អាជ្ញាធរផ្លូវដែកនៅទូទាំងតំបន់ផ្សេងៗបានបង្កើនសមត្ថភាពលើផ្លូវធ្វើដំណើរដ៏ពេញនិយម សេវាស្ថានីយ៍ និងរថភ្លើងឲ្យកាន់តែប្រសើរឡើង និងបានអនុវត្តវិធានការនានា ដើម្បីផ្តល់ជូនអ្នកដំណើរនូវបទពិសោធន៍ធ្វើដំណើរកាន់តែល្អឡើង៕ ប្រភព ៖ AFP ប្រែសម្រួល៖ ឈឹម…

មូស្គូ ៖ ក្រសួងការបរទេសរុស្ស៊ីបាននិយាយកាលពីថ្ងៃសុក្រសប្តាហ៍នេះថា ការសម្រេចចិត្តចុងក្រោយរបស់អាមេរិក ក្នុងការអភិវឌ្ឍន៍ប្រព័ន្ធការពារមីស៊ីលថ្មីរបា់ខ្លួន នឹងមិនអាចជួយកាត់បន្ថយភាពតានតឹងជាមួយរុស្ស៊ីនោះទេ។ រុស្ស៊ីបានអះអាងបែបនេះ បន្ទាប់ពីប្រធានាធិបតីអាមេរិក លោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិមួយ កាលពីថ្ងៃចន្ទសប្តាហ៍នេះ ស្តីពីការអភិវឌ្ឍន៍ប្រព័ន្ធការពារមីស៊ីលថ្មីសម្រាប់សហរដ្ឋអាមេរិក។ ប្រព័ន្ធខែលការពារមីស៊ីល Iron Dome នឹងការពារប្រឆាំងនឹងការបាញ់មីស៊ីលផ្លោង និងមីស៊ីលមានល្បឿនលឿនជាងសំឡេង ឬក៏មីស៊ីលកម្រិតខ្ពស់ និងការវាយប្រហារពីលើអាកាសផ្សេងទៀត។ យ៉ាងណា ក្នុងអំឡុងសន្និសីទសារព័ត៌មានប្រចាំសប្តាហ៍ អ្នកនាំពាក្យក្រសួងការបរទេសរុស្ស៊ី លោកស្រី ម៉ារៀ ហ្សាខារ៉ូវ៉ា បាននិយាយថា គំនិតផ្តួចផ្តើមនេះ ពិតជាបានសបញ្ជាក់សារជាថ្មី អំពីភាពតានតឹង ពីព្រោះការសម្រេចចិត្តបែបនេះ ពាក់ព័ន្ធនឹងការពង្រីកឃ្លាំងអាវុធនុយក្លេអ៊ែររបស់អាមេរិក។ លោកស្រីបន្ថែមថា រុស្ស៊ីចាត់ទុកសកម្មភាពនេះជាការសបញ្ជាក់ មួយ ទៀត របស់ អាមេរិក ដែលផ្ដែលផ្តោតលើការប្រែក្លាយលំហអាកាស ទៅ ជា សង្វៀន មួយ សម្រាប់ ការ ប្រឈម មុខ ដាក់ គ្នា ដោយ ប្រដាប់ អាវុធ។ បន្ថែមលើនេះ លោកស្រី…

ភ្នំពេញ៖ ប្រជាពលរដ្ឋអាចធ្វើដំណើរបានដោយងាយស្រួល កាត់ពីស្រុកកោះធំ ទៅស្រុកលើកដែក នៃខេត្តកណ្តាល ដោយមិនចាំបាច់វាងទៅតាមផ្លូវផ្សេងណាទៀតឡើយ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលនឹងឈាន​ចូលមកដល់នាពេលឆាប់ៗខាងមុខនេះ។នេះបើយោងតាមការបញ្ជាក់របស់ឯកឧត្តម ផន រឹម អ្នកនាំពាក្យក្រសួងសាធារណ ការ និងដឹកជញ្ជូននៅថ្ងៃទី១ ខែកុម្ភៈ ឆ្នាំ២០២៥ ។ អ្នកនាំពាក្យបានគូសរំលេចថា កំណាត់ផ្លូវជាតិលេខ២៣ (NR23) ប្រវែង១៩,៨ គីឡូម៉ែត្រ ទទឹង១១ម៉ែត្រ ពីគល់ស្ពាន​កោះធំ ត្រើយខាងកើត ក្នុងឃុំជ្រោយតាកែវ ស្រុកកោះធំ(PK0+000) ដល់ផ្លូវជាតិលេខ១៤ ឃុំពាមរាំង ស្រុកលើកដែក ខេត្តកណ្តាល (PK19+800)ឆ្លងកាត់ឃុំចំនួន៤ គឺឃុំជ្រោយតាកែវ ឃុំកំពង់កុង ឃុំលើកដែក និងឃុំពាមរាំង បានស្ថាបនាជិតរួចរាល់ ។ ខ្សែផ្លូវនេះជាផ្នែកចម្បង និងយុទ្ធសាស្ត្ររបស់រាជរដ្ឋាភិបាល តភ្ជាប់នៅក្នុងតំបន់ ដ៏ប្រទាក់ក្រឡា ព្រមទាំងផ្តល់អាទិភាព​សម្រាប់​សម្រួលដល់ការធ្វើចរាចរណ៍របស់ពលរដ្ឋ។ ឯកឧត្តមបន្តថា គិតត្រឹមដំណាច់ខែមករា ឆ្នាំ២០២៥ គម្រោងលើកកម្រិត ជួសជុល និងថែទាំកំណាត់ផ្លូវជាតិលេខ២៣ នៃគម្រោងកែលម្អផ្លូវថ្នល់ជំហានទី២ ការអនុអវត្តគម្រោងសម្រេចបានលទ្ធផលជារួម ៦៩,៤០ភាគរយហើយ៕ ដោយ៖មុនី

(ខេត្តកំពង់ធំ)៖ ក្នុងជំនួបជួបសំណេះ សំណាលជាមួយកសិករផលិតស្រូវផ្សព្វផ្សាយពីការចងក្រងសហគមន៍កសិកម្មទំនើប នៅភូមិកោះគ្របបាយ ឃុំកំពង់គោ ស្រុកកំពង់ស្វាយ ខេត្តកំពង់ធំ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ បានពន្យល់ណែនាំពីសារៈសំខាន់នៃការចងក្រងសហគមន៍កសិកម្មទំនើប ដែលជួយប្រជាកសិករក្នុងការកាត់បន្ថយថ្លៃដើមផលិត មានផែនការផលិតកម្មច្បាស់លាស់ មានកិច្ចសន្យាផលិតកម្ម ផ្គត់ផ្គង់តាមតម្រូវការទីផ្សារ មានការចាត់ចែង ទូទាត់ចំណាយ-ចំណូលត្រឹមត្រូវ ទទួលបានកម្ចីការប្រាក់ទាប និងមានទីផ្សារពិតប្រាកដ។ ឯកឧត្តមរដ្ឋមន្ត្រី បានបញ្ជាក់បន្ថែមថា ក្នុងការងារនេះក្រសួងនឹងជួយគាំទ្រផ្នែកបច្ចេកទេស និងការសហការជាមួយមន្រ្តីកសិកម្មឃុំ ប្រការសំខាន់ប្រជាកសិករត្រូវចេះសហការធ្វើការជាមួយគ្នា គោរពច្បាប់វិន័យរបស់សហគមន៍ មានភាពស្មោះត្រង់ និងធ្វើក្នុងគោលដៅរួមគ្នា ដើម្បីទទួលបានផលចំនេញសេដ្ឋកិច្ច និងផលប្រយោជន៍យូរអង្វែង។ ឯកឧត្តមរដ្ឋមន្ត្រី បានណែនាំឱ្យក្រុមការងារជំនាញសហការជាមួយប្រជាកសិករក្នុងការចុះចុចគោលដៅរួមគ្នានូវផ្ទៃដីផលិតកម្មជាមួយផែនការជាក់លាក់ ចុះបញ្ជីសហគមន៍កសិកម្មទំនេីប ដេីម្បីងាយស្រួលក្នុងការផ្តល់ជាទុនវិនិយោគ សម្រាប់ដំណើរការផលិតកម្មនារដូវបន្ទាប់។ លើសពីនេះ ឯកឧត្តមរដ្ឋមន្ត្រី បានណែនាំដល់ប្រជាកសិករទាំងអស់ងាកមកដាំនូវពូជស្រូវក្នុងស្រុកដូចជា សែនក្រអូប ចំប៉ីស៧០ និងស្រង៉ែថ្មី ដែលមានតម្លៃខ្ពស់ក្នុងទីផ្សារបច្ចុប្បន្ន និងមានតម្រូវការខ្ពស់សម្រាប់រោងម៉ាស៊ីនក្នុងស្រុក។ សូមជម្រាបជូនថា បច្ចុប្បន្ននេះក្នុងឃុំកំពង់គោមានកសិករដាំស្រូវចំនួន៤០០គ្រួសារ និងមានផ្ទៃដីផលិតកម្មដំណាំស្រូវចំនួន ១០ ០០០ហិកតា កំពុងពិចារណា និងស្នើសុំ ឯកឧត្តមរដ្ឋមន្ត្រី ក្នុងការចងក្រងសហគមន៍កសិកម្មទំនើប…

(កំពង់ធំ)៖ ក្រោយជួបសំណេះសំណាលជាមួយ ប្រជាសហគមន៍ក្នុងស្រុកប្រាសាទសំបូរ​ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏បានបន្តចុះពិនិត្យវឌ្ឍនភាពនៃការបូមទឹកជួយសង្គ្រោះស្រូវប្រាំងរបស់ប្រជាកសិករ ប្រមាណជាង ១៦០០ហិកតា ក្នុងមូលដ្ឋានស្រុកកំពង់ស្វាយ ស្រុកសន្ទុក និងស្រុកស្ទោង ខេត្តកំពង់ធំ នៅថ្ងៃទី៣១​ ខែមករា​ ឆ្នាំ២០២៥ ។ សម្ដេចធិបតី បានសរសេលើបណ្ដាញសង្គមថា ដើម្បីឱ្យការបង្កបង្កើនផលស្រូវប្រាំង បានកាន់តែច្រើន និងមានគុណភាពខ្ពស់ រាជរដ្ឋាភិបាល បាន និងកំពុងយកចិត្តដាក់ខ្ពស់ក្នុងការអន្តរាគមន៍ទឹកពីប្រភពទឹកនានា ក្នុងគោលដៅបម្រើដល់ការស្រោចស្រពស្រែរដូវប្រាំងឱ្យបានគ្រប់គ្រាន់ ព្រមទាំងដោះស្រាយនូវទុក្ខកង្វល់របស់ប្រជាកសិករឱ្យអស់ពីលទ្ធភាព ។ ក្នុងនោះ ក្រសួងធនធានទឹក និងឧតុនិយម រួមជាមួយនឹងអាជ្ញាធរមូលដ្ឋាន បានធ្វើការអន្តរាគមន៍ទឹក ដោយប្រើប្រាស់​ម៉ាស៊ីនបូមទឹក​ ពីប្រភព​​អាងទឹកស្ទឹងជីនិត​ ​បូមបន្ត​ចូល​ប្រឡាយ​រង ដើម្បីសង្គ្រោះស្រូវរដូវ​ប្រាំង​ បានចំនួន ៣០ហិកតា ក្នុងឃុំកំពង់ថ្ម ស្រុកសន្ទុក ។ ដោយឡែក ការអន្តរាគមន៍ទឹក ក្នុងខេត្តកំពង់ធំទាំងមូលសម្រេចលទ្ធផលបាន ៖ ទី១/. ​ឃុំសាន់គ​ ស្រុកកំពង់ស្វាយ ​ចំនួន​ ៥០២ហិកតា, ទី២/. ​​​ឃុំបន្ទាយស្ទោង​ ស្រុកស្ទោង​…

វ៉ាស៊ីនតោន ៖ មន្ត្រីអាមេរិកម្នាក់បានរាយការណ៍ថា យន្តហោះឯកជនធុនតូចមួយគ្រឿង ដឹកនាំមនុស្សសរុបចំនួន ៦នាក់ ក្នុងនោះមានក្រុមការងារនៅលើយន្ដហោះ ៤នាក់ អ្នកជំងឺជាកុមារម្នាក់ និងអ្នកថែទាំអ្នកជំងឺម្នាក់ បានធ្លាក់នៅភាគឦសានទីក្រុង Philadelphia កាលពីថ្ងៃសុក្រសប្តាហ៍នេះ បណ្តាលឱ្យពួកគេទាំងអស់បាត់បង់ជីវិត។ រដ្ឋបាលអាកាសចរណ៍សហព័ន្ធអាមេរិក ក៏បានទទួលស្គាល់ដែរថា មានមនុស្ស ៦នាក់ស្ថិតលើយន្ដហោះធុនតូចប្រភេទ Learjet 55 ដែលជាកម្មសិទ្ធិរបស់ក្រុមហ៊ុន Jet Rescue Air Ambulance ដែលបានជួបគ្រោះថ្នាក់ធ្លាក់នៅម៉ោងប្រហែល ៦និង៣០នាទីលា្ងចថ្ងៃសុក្រ (ម៉ោងក្នុងតំបន់)។ ប្រព័ន្ធផ្សព្វផ្សាយក្នុងតំបន់បានរាយការណ៍ថា យន្ដហោះនេះបានធ្លាក់ចំតំបន់ទីប្រជុំជនមួយកន្លែងស្ថិតនៅក្បែរផ្សារទំនើប Roosevelt Mall បណ្ដាលឱ្យមានអគិ្គភ័យឆាបឆេះ និងធ្វើឱ្យមនុស្សជាច្រើននាក់នៅលើដីរងរបួស ហើយផ្ទះមួយខ្នង និងរថយន្ដជាច្រើនគ្រឿងត្រូវបានភ្លើងឆេះ។ ភ្លាមៗ ប្រធានាធិបតីអាមេរិក លោក ដូណាល់ ត្រាំ បានបង្ហោះសារនៅលើបណ្ដាញសង្គមថា វាជារឿងគួរឱ្យសោកសៅ ចំពោះគ្រោះថ្នាក់ធ្លាក់យន្ដហោះនៅទីក្រុង Philadelphia រដ្ឋ Pennsylvania។ យ៉ាងណាមិញ គិតមកទល់ពេលនេះ នៅមិនទាន់មានការបញ្ជាក់អំពីមូលហេតុបណ្ដាលឱ្យយន្ដហោះមួយគ្រឿងនេះធ្លាក់នោះទេ តែគ្រោះថ្នាក់នេះបានកើតឡើងចំពេលអាកាសធាតុចុះត្រជាក់ខ្លាំងលាយឡំជាមួយភ្លៀងដែលពិបាកក្នុងការមើលផ្លូវ៕ ប្រភព ៖ AFP ប្រែសម្រួល…