Category: ព័ត៌មានជាតិ​

លោកប្រធានាធិបតីសហរដ្ឋអាមេរិក បានផ្ញើសារលិខិតផ្លូវការមួយច្បាប់ជូនសម្តេចមហាបវរធិបតី ហ៊ុន ម៉ាណែត ដើម្បីអញ្ជើញកម្ពុជាចូលរួមជារដ្ឋសមាជិកស្ថាបនិកនៃក្រុមប្រឹក្សាសន្តិភាព និងជាភាគីនៃធម្មនុញ្ញរបស់ក្រុមប្រឹក្សាសន្តិភាព។ លោក ដូណាល់ ត្រាំ ទើបបានផ្តួចផ្តើមគំនិតបង្កើតស្ថាប័នអន្តរជាតិនេះឡើង ដើម្បីលើកកម្ពស់សន្តិភាពយូរអង្វែងនៅមជ្ឈឹមបូព៌ា និងដោះស្រាយជម្លោះនៅកម្រិតពិភពលោក។ នៅក្នុងលិខិតផ្សព្វផ្សាយកាលយប់ថ្ងៃទី២១ មករាដោយសម្តេចធិបតី លោក ដូណាល់ ត្រាំ បានរំលឹកថា នៅថ្ងៃទី២៩ ខែកញ្ញា ឆ្នាំ២០២៥ លោកបានប្រកាស “ផែនការសម្របសម្រួលដ៏ទូលំទូលាយ ដើម្បីបញ្ចប់ជម្លោះនៅហ្គាហ្សា” ដែលជាផែនទីចង្អុលផ្លូវមាន ២០ចំណុច ហើយបានទទួលការគាំទ្រយ៉ាងឆាប់រហ័សពីមេដឹកនាំពិភពលោក រួមទាំងប្រមុខរដ្ឋ និងប្រមុខរដ្ឋាភិបាលពីពិភពអារ៉ាប់ អ៊ីស្រាអែល និងអឺរ៉ុប។ លោកប្រធានាធិបតីបានបន្ថែមថា នៅថ្ងៃទី១៧ ខែវិច្ឆិកា ឆ្នាំ២០២៥ ក្រុមប្រឹក្សាសន្តិសុខអង្គការសហប្រជាជាតិ បានអនុម័តសេចក្តីសម្រេចមួយ ដើម្បីស្វាគមន៍ និងគាំទ្រផែនការនេះ។ យោងតាមលោកត្រាំ ចំណុចសំខាន់នៃផែនការនេះ គឺការបង្កើត “ក្រុមប្រឹក្សាសន្តិភាព” (The Board of Peace) ដែលលោកចាត់ទុកជាស្ថាប័នដ៏អស្ចារ្យ និងមានឥទ្ធិពលខ្លាំងបំផុតមិនធ្លាប់មានពីមុនមក ហើយវានឹងក្លាយទៅជាអង្គការអន្តរជាតិថ្មីមួយ និងជារដ្ឋបាលអន្តរកាលមួយសម្រាប់ការគ្រប់គ្រង។ ក្នុងនាមជាប្រធានក្រុមប្រឹក្សានេះ លោកប្រធានាធិបតី ត្រាំ បានអញ្ជើញកម្ពុជាជាផ្លូវការឱ្យចូលរួមនៅក្នុងគម្រោងប្រកបដោយមហិច្ឆតានេះ។…

តូក្យូ ៖ ក្រុមហ៊ុនថាមពលអគ្គិសនីទីក្រុងតូក្យូ ហៅកាត់ (TEPCO) កាលពីថ្ងៃពុធ បានចាប់ផ្តើមបើកដំណើរការម៉ាស៊ីនរ៉េអាក់ទ័រឡើងវិញ នៅក្នុងរោងចក្រថាមពលនុយក្លេអ៊ែរ Kashiwazaki-Kariwa ក្រោយការអង្កេតត្រូវបានបញ្ចប់ ។ នេះគឺជាការចាប់ផ្តើមដំណើរការឡើងវិញលើកដំបូងរបស់រោងចក្រថាមពលនុយក្លេអ៊ែរធំបំផុតនៅលើពិភពលោកមួយនេះ ចាប់តាំងពីកើតមានគ្រោះមហន្តរាយនៅរោងចក្រនុយក្លេអ៊ែរ Fukushima កាលពីឆ្នាំ ២០១១ ។ បើតាមការលើកឡើងរបស់ក្រុមហ៊ុន TEPCO ខ្លួននឹងដាក់ដំណើរការអនឡាញ បន្ទាប់ពីម៉ោង ៧ល្ងាច (ម៉ោងក្នុងតំបន់) នូវម៉ាស៊ីនរ៉េអាក់ទ័រកម្លាំង ១,៣៦ជីហ្គាវ៉ាត់ លេខ៦ ដែលស្ថិតក្នុងចំណោមម៉ាស៊ីនរ៉េអាក់ទ័រចំនួន៧ នៅរោងចក្រ Kashiwazaki-Kariwa ដែលមានសមត្ថភាពផលិតថាមពលកម្លាំង ៨,២ជីហ្គាវ៉ាត់ នៅពេលដែលវាពេញសមត្ថភាព ។ ជាមួយគ្នានេះ ម៉ាស៊ីនរ៉េអាក់ទ័រលេខ៦ ត្រូវបានគេរំពឹងថា នឹងចាប់ផ្តើមប្រតិបត្តិការពាណិជ្ជកម្មឡើងវិញ ដើម្បីបង្កើនការផ្គត់ផ្គង់ថាមពលនៅក្នុងទីក្រុងតូក្យូ ដែលជាទីក្រុងដ៏មមាញឹកបំផុតរបស់ប្រទេសជប៉ុន នៅដំណាច់ខែកុម្ភៈ ឆ្នាំ២០២៦ ។ រីឯម៉ាស៊ីនរ៉េអាក់ទ័រលេខ៧ ក៏ត្រូវបានគេជឿជាក់ដែរថា នឹងចាប់ផ្តើមដាក់ដំណើរការអនឡាញនៅអំឡុងឆ្នាំ ២០៣០ខាងមុខ ។ សូមបញ្ជាក់ថា លោកស្រីនាយករដ្ឋមន្រ្តីជប៉ុន Sanae Takaichi កំពុងជំរុញការបង្កើតម៉ាស៊ីនរ៉េអាក់ទ័រថ្មី ជាពិសេសម៉ាស៊ីនរ៉េអាក់ទ័រជំនាន់ថ្មីមានម៉ូឌុលតូច SMR ខណៈកន្លងមក…

ប៉េកាំង ៖ ប្រទេសចិន កាលពីថ្ងៃពុធ បានចេញមុខច្រានចោលមហិច្ឆតាដណ្តើមយកកោះ Greenland ជាមួយសហរដ្ឋអាមេរិក និងបានបដិសេធពាក្យចចាមអារាម ដែលថា ទីក្រុងប៉េកាំងនឹងចូលទៅប្រកួតប្រជែង ដើម្បីមានឥទ្ធិពលនៅលោកខាងលិច ខណៈដែលទីក្រុងវ៉ាស៊ីនតោនប៉ុន់ប៉ងលេបយកកោះយុទ្ធសាស្រ្តមួយនេះ ។ នៅពេលត្រូវបានសួរ ថាតើចិនសាទរភាពច្របូកច្របល់ ជុំវិញបញ្ហាកោះ Greenland ដែរឬទេ? អ្នកនាំពាក្យក្រសួងការបរទេសចិន លោក Guo Jiakun បានប្រាប់អ្នកសារព័ត៌មានច្បាស់ៗថា ចិនគ្មានបំណងប្រកួតប្រជែង ដើម្បីមានឥទ្ធិពលជាមួយប្រទេសណាមួយទេ ហើយចិនក៏នឹងគ្មានថ្ងៃធ្វើដូច្នេះដែរ ។ ជាមួយគ្នានេះ លោក Guo ក៏បានសង្កត់ធ្ងន់ផងដែរថា ចិននឹងចូលរួមក្នុងការផ្លាស់ប្តូរប្រកបដោយភាពអំណោយផល ជាមួយប្រជាជាតិទាំងអស់ ដោយផ្អែកលើការគោរពគ្នាទៅវិញទៅមក និងសមភាព ហើយចិននៅតែប្តេជ្ញាចិត្ត ក្នុងការធ្វើជាកម្លាំងប្រកបដោយភាពវិជ្ជមាន ស្ថិរភាព និងស្ថាបនា ។ ការអះអាងរបស់ប្រទេសចិន ធ្វើឡើងដើម្បីឆ្លើយតបទៅនឹងការលើកឡើងរបស់ប្រធានាធិបតីអាមេរិក លោក ដូណាល់ ត្រាំ ដែលធ្លាប់បានអះអាងថា បើសិនទីក្រុងវ៉ាស៊ីនតោនមិនគ្រប់គ្រងកោះ Greenland ទេ នោះកោះមួយនេះ នឹងធ្លាក់ទៅក្នុងកណ្តប់ដៃរបស់រុស្ស៊ី ឬក៏ចិននៅពេលណាមួយ ។ យ៉ាងណាមិញ មហិច្ឆតារបស់លោកប្រធានាធិបតី…

មូស្គូ ៖ លោក Putin បាននិយាយថា រុស្ស៊ីអាចបង់ ១ពាន់លានដុល្លារ ចូលទៅក្នុងក្រុមប្រឹក្សាសន្តិភាព ដែលផ្តួចផ្តើមគំនិតបង្កើតឡើង ដោយលោក Trump ប៉ុន្តែ លុយទាំងនោះ ត្រូវយកចេញពីទ្រព្យសម្បត្តិរុស្ស៊ី ដែលត្រូវបានអាមេរិកបង្កក។ ក្នុងអំឡុងពេល កិច្ចប្រជុំរដ្ឋាភិបាល តាមទូរទស្សន៍ កាលពីថ្ងៃពុធ, លោក ប្រធានាធិបតី វ្ល៉ាឌីមៀ ពូទីន បានលើកឡើងថា រុស្ស៊ីអាចបង់លុយ ១ពាន់លានដុល្លារ ដែលត្រូវបានស្នើសុំឱ្យចូលជាសមាជិកអចិន្ត្រៃយ៍ នៃ ‘ក្រុមប្រឹក្សាសន្តិភាព’ របស់ប្រធានាធិបតីអាមេរិក លោក ដូណាល់ ត្រាំ ប៉ុន្តែ លុយទាំងនោះ ត្រូវតែយកចេញពីទ្រព្យសម្បត្តិរបស់រុស្ស៊ី ដែលត្រូវបានបង្កក នៅក្រោមរដ្ឋបាលរបស់អាមេរិកមុន។ លោក ពូទីន បានបន្ថែមថា ទ្រព្យសម្បត្តិទាំងនេះ ក៏អាចត្រូវបានប្រើប្រាស់ ដើម្បីកសាងឡើងវិញ នូវទឹកដីដែលរងការខូចខាតដោយអរិភាព បន្ទាប់ពីបញ្ចប់កិច្ចព្រមព្រៀងសន្តិភាព រវាងរុស្ស៊ី និងអ៊ុយក្រែន ផងដែរ។ មេដឹកនាំវិមានក្រឹមឡាំង រូបនេះ បាននិយាយថា រុស្ស៊ីនឹងសិក្សាបន្ថែម អំពីការអញ្ជើញ របស់ប្រធានាធិបតីអាមេរិក…

វ៉ាស៊ីនតោន ៖ យន្តហោះដឹកប្រធានាធិបតី Trump មានបញ្ហាអគ្គិសនី ជាហេតុនាំឲ្យមានការសម្រេចចិត្ត បកត្រលប់ក្រោយវិញ។ ឧប្បត្តិហេតុដ៏កម្រនេះ បានកើតឡើង កាលពីថ្ងៃពុធ ក្នុងពេលលោក ធ្វើដំណើរទៅចូលរួមជាមួយមេដឹកនាំពិភពលោកផ្សេងៗទៀត នៅក្នុងវេទិកាសេដ្ឋកិច្ចពិភពលោក នាទីក្រុង Davos ប្រទេសស្វីស។ បើតាមសារព័ត៌មាន រយធឺ, យន្តហោះ Air Force One បានហោះត្រលប់ ទៅចុះចតដោយសុវត្ថិភាព នៅឯមូលដ្ឋានទ័ពរួម Andrews ក្បែរនឹងទីក្រុងវ៉ាស៊ីនតោន ដើម្បីផ្លាស់ប្តូរយន្តហោះថ្មី បន្ទាប់ពីបុគ្គលិកបម្រើការ នៅលើជើងហោះហើរដំបូង របស់លោក បានកំណត់ឃើញនូវអ្វី ដែលសេតវិមាន អះអាងថា ជាបញ្ហាអគ្គិសនីតិចតួច។ ប្រភពបញ្ជាក់ថា កើតមានឡើងភ្លាមៗ បន្ទាប់ពីបានចេញដំណើរ ហោះឡើងលើអាកាស បានបន្តិច។ យ៉ាងណា បន្ទាប់ពីយន្តហោះ Boeing (BA.N) 747 បានចុះចតរួចរាល់, ការធ្វើដំណើររបស់លោក ដូណាល់ ត្រាំ បានបន្តនៅលើយន្តហោះ Boeing 757 មួយគ្រឿងទៀត ដែលមានទំហំតូចជាង ហើយ…

វ៉ាស៊ីនតោន ៖ សហរដ្ឋអាមេរិកកាលពីថ្ងៃអង្គារបានអនុម័តលក់គ្រឿងសព្វាវុធយោធាដ៏មានសក្តានុពលក្នុងតម្លៃប្រហែល ២ ពាន់ ៣០០ លានដុល្លារទៅឲ្យសិង្ហបុរី ។ បើតាម CNA, កញ្ចប់គ្រឿងសព្វាវុធយោធាទាំងនោះ រួមមានមីស៊ីលលឿនជាងសំឡេង Torpedo យន្តហោះល្បាតសមុទ្រ P-8A និងគ្រឿងបរិក្ខារពាក់ព័ន្ធផ្សេងទៀតជាដើម ។ P-8A ជាយន្តហោះល្បាតសមុទ្រមានសមត្ថភាពបំពាក់មីស៊ីលទម្ងន់ស្រាល ដែលអាចវាយប្រហារនាវាមុជទឹកប្រកបដោយប្រសិទ្ធភាព ។ វាត្រូវបានរចនាឡើងបំពាក់ដោយឧបករណ៍ចាប់សំឡេងកម្រិតខ្ពស់ កាមេរ៉ាអេឡិចត្រូអុបទិក និងអ៊ីនហ្វ្រារ៉េដ រួមទាំងប្រព័ន្ធទំនាក់ទំនងទំនើបៗផ្សេងទៀតជាដើម ។ សមត្ថភាពទាំងនេះ អនុញ្ញាតឲ្យយន្តហោះ P-8A អនុវត្តបេសកកម្មលើសមុទ្របានយ៉ាងទម្រង់ រួមមានបេសកកម្មរុកររក និងកំណត់ទីតាំងក្នុងប្រតិបត្តិការជួយសង្រ្គោះផងដែរ ។ ទីភ្នាក់ងារសហប្រតិបត្តិការសន្តិសុខការពារជាតិអាមេរិក ហៅកាត់ (DSCA) និយាយថា, ការអនុម័តលើសំណើលក់សព្វាវុធនេះ នឹងជួយបង្កើនសមត្ថភាពកងទ័ពជើងទឹកសិង្ហបុរីឲ្យកាន់តែប្រសើរថែមទៀត ដើម្បីទប់ទល់ការគំរាមកំហែង ទាំងបច្ចុប្បន្ន និងអនាគត ។ បើតាមប្រមុខការពារជាតិសិង្ហបុរី យន្តហោះល្បាត P-8A នឹងចូលខ្លួនមកជំនួសតំណែងយន្តហោះល្បាតសេរីចាស់ Fokker-50s ដែលសិង្ហបុរីបានប្រើប្រាស់ក្នុងរយៈពេលជាង ៣០ឆ្នាំមកនេះ ហើយ P-8A អាចនឹងត្រូវចូលបម្រើសេវាកម្មនៅដើមឆ្នាំ ២០៣០ ។…

បរទេស ៖ មូលនិធិ Gates របស់លោកមហាសេដ្ឋី Bill Gates បានសហការជាមួយ ក្រុមហ៊ុនបច្ចេកវិទ្យា OpenAI ផ្តល់៥០លានដុល្លារអាមេរិក ដល់បណ្តាប្រទេសនៅអាហ្វ្រិក ប្រើប្រាស់បញ្ញាសិប្បនិម្មិត AI កែលម្អប្រព័ន្ធសុខភាព របស់ប្រជាជន នៅទីនោះ។ តាមការចេញផ្សាយ របស់សារព័ត៌មាន CNA កាលពីថ្ងៃពុធ, ភាពជាដៃគូ ឈ្មោះថា «Horizon1000» មួយនេះ គ្រោងនឹងធ្វើការ ជាមួយមេដឹកនាំអាហ្រ្វិក ដើម្បីស្វែងយល់ពីរបៀបប្រើប្រាស់ បច្ចេកវិទ្យាដ៏ល្អបំផុតនេះ ដោយចាប់ផ្តើម ចេញពីប្រទេស រ៉វ៉ាន់ដា។ នៅក្នុងការបង្ហោះ Blog ដែលប្រកាសពីការចាប់ផ្តើមគម្រោងនេះ, លោក Gates បាននិយាយថា «នៅក្នុងបណ្តាប្រទេសក្រីក្រ ដែលមានកង្វះបុគ្គលិកសុខាភិបាល ដ៏ធំសម្បើម និងកង្វះហេដ្ឋារចនាសម្ព័ន្ធប្រព័ន្ធសុខាភិបាល, AI អាចជាអ្នកផ្លាស់ប្តូរដ៏មានប្រសិទ្ធិភាព ក្នុងការពង្រីកលទ្ធភាព ទទួលបានការថែទាំ ប្រកបដោយគុណភាព»។ ជាមួយនឹងការប៉ាន់ប្រមាណ ដែលបង្ហាញថា អនុតំបន់សាហារ៉ាអាហ្រ្វិក មានការខ្វះខាតអ្នកជំនាញថែទាំសុខភាពប្រហែល ៦លាននាក់, លោក Gates បានអះអាងថា…

សេអ៊ូល ៖ ប្រធានាធិបតីកូរ៉េខាងត្បូង លោក Lee Jae Myung បានចេញការព្រមានធ្ងន់ថា កូរ៉េខាងជើងកំពុងសំងំផលិតសារធាតុនុយក្លេអ៊ែរ ដែលគ្រប់គ្រាន់អាចផលិតគ្រាប់បែកនុយក្លេអ៊ែរពី ១០ ទៅ ២០ គ្រាប់ក្នុងមួយឆ្នាំ ។ ថ្លែងក្នុងសន្និសីទសារព័ត៌មាននៅថ្ងៃពុធនេះ, លោក Lee Jae Myung និយាយថា មហិច្ឆតាផលិតគ្រាប់នុយក្លេអ៊ែររបស់ទីក្រុងព្យុងយ៉ាង អាចនឹងបង្កគ្រោះថ្នាក់ដល់ពិភពលោកទាំងមូល ។ ក្រៅពីសំងំផលិតគ្រាប់នុយក្លេអ៊ែរ, កូរ៉េខាងជើងក៏កំពុងបន្តអភិវឌ្ឍបច្ចេកវិទ្យាមីស៊ីលផ្លោងរយៈចម្ងាយឆ្ងាយ ICBM ដែលមានសមត្ថភាពបាញ់ដល់ទឹកដីសហរដ្ឋអាមេរិកផងដែរ ។ លោក Lee Jae Myung បញ្ជាក់ថា សមត្ថភាពមីស៊ីលផ្លោង ICBM របស់កូរ៉េខាងជើង មិនត្រឹមតែបង្កការគំរាមកំហែងដល់អាមេរិកប៉ុណ្ណោះទេ ប៉ុន្តែក៏គំរាមកំហែងដល់ពិភពលោកទាំងមូលផងដែរ ដូច្នេះពិភពលោកត្រូវការវិធីសាស្ត្រប្រាកដនិយមមួយ ដើម្បីដោះស្រាយបញ្ហានុយក្លេអ៊ែរកូរ៉េខាងជើង ។ បើតាមសារព័ត៌មាន The Straits Times, កូរ៉េខាងជើងបានចំណាយពេលអស់រយៈពេលជាច្រើនទសវត្សរ៍មកហើយ ទៅលើកម្មវិធីអភិវឌ្ឍន៍អាវុធនុយក្លេអ៊ែរ និងមីស៊ីលរបស់ខ្លួន ដោយលើកហេតុថា ដើម្បីការពារខ្លួនពីការវាយប្រហាររបស់សហរដ្ឋអាមេរិក និងសម្ព័ន្ធមិត្តរបស់ខ្លួន ។ តួយ៉ាង កូរ៉េខាងជើងបានធ្វើតេស្តគ្រាប់បែកនុយក្លេអ៊ែរលើកដំបូងក្នុងឆ្នាំ…

សេអ៊ូល ៖ មេដឹកនាំកូរ៉េខាងត្បូងបានប្រកាសអំពាវនាវឱ្យពលរដ្ឋខ្លួនកុំបង្ហោះយន្តហោះដ្រូនឆ្លងចូលទៅក្នុងទឹកដីកូរ៉េខាងជើង ដើម្បីជៀសវាងការយល់ច្រលំណាមួយ ដែលអាចឈានដល់ការប៉ះទង្គិចគ្នាដោយចៃដន្យ ។ ការអំពាវនាវនេះកើតឡើងស្របពេលដែលប្រធានាធិបតីកូរ៉េខាងត្បូង លោក លី ជេម្យុង បានអះអាងថា ជនស៊ីវិលម្នាក់ប្រហែលជាមនុស្សនៅពីក្រោយ ការបញ្ជាយន្តហោះដ្រូនឆ្លងចូលទៅក្នុងទឹកដីប្រទេសកូរ៉េខាងជើង ។ លោកប្រធានាធិបតី លី បាននិយាយក្នុងកិច្ចប្រជុំគណៈរដ្ឋមន្ត្រីកាលពីថ្ងៃអង្គារថា បុរសម្នាក់នោះក៏បានសារភាពកំហុស នៅចំពោះមុខប្រព័ន្ធផ្សព្វផ្សាយដែរថា គាត់គឺជាអ្នកបង្ហោះដ្រូនចូលទៅក្នុងទឹកដីកូរ៉េខាងជើង ចាប់តាំងពីខែកញ្ញាឆ្នាំមុន ។ ទោះបីជាយ៉ាងណា លោក លី ដែលមានវ័យ៦៣ឆ្នាំរូបនេះ បានណែនាំរដ្ឋមន្ត្រីការពារជាតិ ឱ្យរឹតបន្តឹងការត្រួតពិនិត្យនៅជិតខ្សែបន្ទាត់ព្រំដែនយោធា ជាពិសេសយន្តហោះដ្រូន និងវត្ថុអាចហោះហើរនានា ។ ជុំវិញបញ្ហានេះ កូរ៉េខាងជើងបានបាញ់ទម្លាក់យន្តហោះដ្រូនដែលសង្ស័យជារបស់កូរ៉េខាងត្បូងទាំងនោះ កាលពីខែកញ្ញាឆ្នាំមុន និងនៅថ្ងៃទី៤ ខែមករាឆ្នាំនេះ ដោយសារតែពួកវាបានហោះឆ្លងចូលទៅក្នុងដែនអាកាសរបស់ទីក្រុងព្យុងយ៉ាង ។ ក្រៅពីបាញ់ទម្លាក់ កូរ៉េខាងជើងថែមទាំងបានទាមទារឱ្យរដ្ឋាភិបាលកូរ៉េខាងត្បូងចេញមុខសុំទោស ចំពោះការឈ្លានពាននេះ និងត្រូវចាត់វិធានការទប់ស្កាត់ ដើម្បីការពារកុំឱ្យបញ្ហានេះកើតឡើងសារជាថ្មី ៕ ប្រភព ៖ NHK

មូស្គូ ៖ ប្រមុខការទូតកំពូលរុស្ស៊ីបានចេញមុខរិះគន់ធ្ងន់ៗម្តងទៀតថា ការវាយប្រហារដោយយោធាទ្រង់ទ្រាយធំរបស់អាមេរិកលើវេណេស៊ុយអេឡា បានបង្កើតរូបភាពជា “ការឈ្លានពានប្រដាប់អាវុធ” ដែលបានបណ្តាលឱ្យមនុស្សរាប់សិបនាក់បាត់បង់ជីវិត និងរងរបួសជាច្រើននាក់ ។ រដ្ឋមន្ត្រីការបរទេសរុស្ស៊ី លោក Sergei Lavrov បាននិយាយនៅក្នុងសន្និសីទសារព័ត៌មានប្រចាំឆ្នាំ កាលពីថ្ងៃអង្គារថា ចាប់ផ្តើមឆ្នាំ ២០២៦ភ្លាម យើងបានមើលឃើញព្រឹត្តិការណ៍ដែលមិនធ្លាប់មានពីមុនមក នោះការឈ្លានពានដោយប្រដាប់អាវុធយ៉ាងធ្ងន់ធ្ងរពីសំណាក់អាមេរិកចូលទៅក្នុងទឹកដីវេណេស៊ុយអេឡា ។ ហើយជាលទ្ធផលនោះ ការលុកលុយដ៏គឃ្លើននេះ បានបណ្តាលឱ្យមនុស្សរាប់សិបនាក់បានស្លាប់ និងរងរបួស ក៏ដូចជាការរឹបអូសធនធានប្រេង និងការចាប់និរទេសប្រធានាធិបតីស្របច្បាប់របស់វេណេស៊ុយអេឡា គឺលោក នីកូឡាស់ ម៉ាឌូរ៉ូ និងភរិយារបស់គាត់ ។ អ្នកការទូតជើងចាស់មានវ័យ ៧៦ឆ្នាំរូបនេះ បានសង្កត់ធ្ងន់ថា បន្ទាប់ពីវេណេស៊ុយអេឡា រដ្ឋបាលលោកប្រធានាធិបតី ដូណាល់ ត្រាំ ថែមទាំងបានប្រកាសសម្លុតគំរាមប្រឆាំងគុយបា និងបណ្តាប្រទេសអាមេរិកឡាទីន រួមទាំងនៅតំបន់ការ៉ាប៊ីនផ្សេងទៀត ក៏ដូចជាការគំរាមកំហែងបង្កអស្ថិរភាពដល់ប្រទេសអ៊ីរ៉ង់ផងដែរ ។ សូមរម្លឹកថា យោធាអាមេរិកបានធ្វើប្រតិបត្តិការមួយ កាលពីថ្ងៃទី៣ ខែមករា ដោយរួមមានយន្តហោះប្រហែល ១៥០គ្រឿងដឹកកងកម្លាំងពិសេស និងភ្នាក់ងារអនុវត្តច្បាប់របស់សហរដ្ឋអាមេរិក ដើម្បីអនុវត្តដីកាចាប់ខ្លួនលោកប្រធានាធិបតី ម៉ាឌូរ៉ូ និងភរិយា ។ បើតាមសារព័ត៌មាន…