Category: ព័ត៌មានជាតិ​

យោងតាមការស្ទង់មតិរបស់សារព័ត៌មានរ៉យទ័រ និងស្ថាប័ន Ipsos ដែលបិទកាលពីថ្ងៃចន្ទ (២៣ មិថុនា) បានបង្ហាញថា ប្រជាជនអាមេរិក មានការភ័យព្រួយយ៉ាងខ្លាំងចំពោះជម្លោះដ៏ចម្រូងចម្រាសរវាងសហរដ្ឋអាមេរិក និងអ៊ីរ៉ង់ ហើយបារម្ភថា អំពើហិង្សាអាចកើនឡើងកាន់តែអាក្រក់ បន្ទាប់ពីលោកប្រធានាធិបតី Donald Trump បានបញ្ជាឱ្យទម្លាក់គ្រាប់បែកលើរោងចក្រនុយក្លេអ៊ែរអ៊ីរ៉ង់។ ប្រជាជនអាមេរិកប្រមាណ ៧៩% ដែលត្រូវស្ទង់មតិបាននិយាយថា ពួកគេព្រួយបារម្ភណាស់ថា អ៊ីរ៉ង់អាចកំណត់គោលដៅលើជនស៊ីវិលអាមេរិក ក្នុងការឆ្លើយតបទៅនឹងការវាយប្រហារតាមអាកាសរបស់ទីក្រុងវ៉ាស៊ីនតោន។ ការស្ទង់មតិរយៈពេលបីថ្ងៃ — ដែលចាប់ផ្តើមបន្ទាប់ពីការវាយប្រហារតាមអាកាសរបស់អាមេរិក និងបានបញ្ចប់នៅព្រឹកថ្ងៃចន្ទ មុនពេលអ៊ីរ៉ង់ បាញ់មីស៊ីលដាក់មូលដ្ឋានទ័ពអាកាសអាមេរិកក្នុងប្រទេសកាតា — បានបង្ហាញឱ្យឃើញថា ជនជាតិអាមេរិក ក៏ព្រួយបារម្ភក្នុងតួលេខស្រដៀងគ្នានេះពីសុវត្ថិភាពបុគ្គលិកយោធាអាមេរិក ដែលឈរជើងនៅមជ្ឈិមបូព៌ា។ ចំណែកអ្នកឆ្លើយតប ៨៤% បាននិយាយថា ពួកគេព្រួយបារម្ភជាទូទៅអំពីជម្លោះដែលកំពុងកើនឡើង។  ការស្ទង់មតិ ដែលធ្វើឡើងលើមនុស្សពេញវ័យនៅសហរដ្ឋអាមេរិកចំនួន ១.១៣៩នាក់ទូទាំងប្រទេសនេះ បានគូសបញ្ជាក់ពីការខ្វែងគំនិតយ៉ាងស៊ីជម្រៅទៅលើអ្វីដែលទីក្រុងវ៉ាស៊ីនតោនគួរធ្វើបន្ទាប់ ហើយក៏គូសបញ្ជាក់ពីហានិភ័យនយោបាយដែលលោក Trump កំពុងប្រឈមមុខ ខណៈប្រជាប្រិយភាពរបស់ប្រធានាធិបតីរូបនេះបានធ្លាក់ចុះដល់ ៤១% ដែលជាកម្រិតទាបបំផុតនៃអាណត្តិបច្ចុប្បន្នរបស់លោក នៅក្នុងតំណែងលើកទី២ ដែលចាប់ផ្តើមនៅក្នុងខែមករា៕

អ៊ីរ៉ង់ ខ្នះខ្នែងត្រៀមផែនការរកអ្នកស្នងតំណែងមេដឹកនាំកំពូលពីលោក Khamenei អ៊ីរ៉ង់ កំពុងតែស្វះស្វែងរកអ្នកស្នងតំណែងបន្ទាប់ពីមេដឹកនាំកំពូលរបស់ខ្លួនគឺលោក Ayatollah Ali Khamenei ហើយក្រុមប្រឹក្សាមេដឹកនាំសាសនាជាន់ខ្ពស់ ៣រូបរបស់ប្រទេស បានពន្លឿនផែនការនេះក្នុងប៉ុន្មានថ្ងៃចុងក្រោយ ចាប់តាំងពីអ៊ីស្រាអែល បានវាយប្រហារអ៊ីរ៉ង់ និងបានគម្រាមធ្វើឃាតមេដឹកនាំជើងចាស់រូបនោះ នេះបើតាមប្រភពផ្ទៃក្នុង ៥នាក់បានប្រាប់សារព័ត៌មានរ៉យទ័រ។ ប្រភពអ៊ីរ៉ង់ និយាយថា លោក លោក Khamenei វ័យ ៨៦ឆ្នាំ កំពុងត្រូវបានរាយការណ៍ជាទៀងទាត់ពីកិច្ចពិភាក្សានេះ។ មន្ត្រីសន្តិសុខជាន់ខ្ពស់ម្នាក់បានប្រាប់ថា មេដឹកនាំកំពូលរូបនេះបានចូលទៅសម្ងំលាក់ខ្លួនជាមួយក្រុមគ្រួសាររបស់លោក ហើយត្រូវបានការពារយ៉ាងតឹងរ៉ឹងដោយអង្គភាពកងកម្លាំងពិសេស Vali-ye Amr នៃឆ្មាំបដិវត្តន៍។ ប្រភពបន្តថា បេក្ខភាពលេចធ្លោ ២រូប កំពុងស្ថិតនៅក្នុងការពិភាក្សាជាបន្តបន្ទាប់រួមមានកូនប្រុសវ័យ ៥៦ឆ្នាំរបស់ Khamenei ឈ្មោះថា Mojtaba ដែលត្រូវគេមើលឃើញថាជាជម្រើសបន្តបន្ទាប់គ្នាជាយូរមកហើយ ហើយនិងគូប្រជែងថ្មីគឺលោក Hassan Khomeini ជាចៅប្រុសរបស់បិតាបដិវត្តអ៊ិស្លាម។ ផែនការរកអ្នកស្នងតំណែងនេះបានកំពុងដំណើរការរួចទៅហើយ ដោយសារវ័យចំណាស់របស់លោក Khamenei និងបញ្ហាសុខភាពយូរអង្វែងរបស់លោក ប៉ុន្តែភាពបន្ទាន់ថ្មីៗនេះគឺត្រូវបានគូសបញ្ជាក់ក្នុងខែកញ្ញា នៅពេលអ៊ីស្រាអែល សម្លាប់មេដឹកនាំក្រុមហេសបូឡា លោក Sayyed Hassan Nasrallah ដែលជាសម្ព័ន្ធមិត្តជិតស្និទ្ធរបស់លោក…

(កំពង់ស្ពឺ)៖ ឬស្សីដែលដុះតាមទីធម្មជាតិ ដ៏សម្បូរបែបនៅ សហគមន៍ការពារ​ធម្មជាតិចំបក់ ស្ថិតនៅក្នុងស្រុក ភ្នំស្រួច ខេត្តកំពង់ស្ពឺបានក្លាយជា​ប្រភពរកចំណូល​ដ៏សំខាន់មួយទៀតរបស់បងប្អូនប្រជាពលរដ្ឋសម្រាប់រកចំណូលក្នុងក្រុមគ្រួសាររបស់ពួកគាត់។ ដើមឬស្សីតូចធំ និងពិសេសដើមឬស្សីឃ្លៃ ឬស្សីឃ្លិច ដែលជាប្រភេទ​ឬស្សីរឹងមាំនោះ​កំពុងត្រូវបានក្រុមហ៊ុន កែច្នៃឬស្សីមកពីក្រៅប្រទេសប្រមូលទិញដើម្បី ធ្វើជាគ្រឿង​សង្ហារឹម សម្រាប់នាំចេញ និងលើសពីនេះ បានធ្វើការកែច្នៃកំទេចឬស្សីដែលជា​សំណល់​ពីការផលិតគ្រឿងសង្ហារឹម ធ្វើជាធ្យូងកសិកម្មថែមទៀតផង។ ដោយសារតែដើមឬស្សីមានតម្លៃល្អ និងមានតម្រូវការរៀងរាល់ថ្ងៃ ទើបធ្វើឱ្យ​បងប្អូន​ប្រជាសហគមន៍ការពារធម្មជាតិចំបក់បានរួមគ្នាអភិរក្សយ៉ាងយកចិត្តទុកដាក់ និង​បាននាំគ្នាដាំបន្ថែមដើម្បីផ្គត់ផ្គង់ឲ្យក្រុមហ៊ុន ហើយការដាំឬស្សីឱ្យបានច្រើន វានឹង​ក្លាយជាគម្របព្រៃឈើ ដែលអាចស្រូបយកកាបូន ដែលធ្វើឱ្យតំបន់​សហគមន៍​ការ​ពារធម្មជាតិ នឹងក្លាយជាសហគមន៍អព្យាក្រឹតកាបូនដ៏ពិតប្រាកដទៀតផង។ លោក ទូច ម៉ន ប្រធានសហគមន៍តំបន់ការពារធម្មជាតិចំបក់បានប្រាប់ថា នៅក្នុង​ផ្ទៃដីរបស់សហគមន៍គ្រប់គ្រងរាល់ថ្ងៃគឺមាន ៣៣៨២ ហិចតា ហើយក្នុងនេះមាន​ផ្ទៃដី​ឬស្សី១២៦២ហិកតា។ ក្នុងចំណោមឬស្សីទាំងអស់មានឬស្សី ៤មុខដែលផ្តល់​នូវ​ប្រាក់ចំណូលរបស់ប្រជាសហគមន៍ច្រើនបំផុតក្នុងចំណោមឬស្សីជិត ២០ប្រភេទ​នេះមានដូចជាឬស្សី ឃ្លៃ ឬស្សីឃ្លិច ឬស្សីព្រៃ និងឬស្សីទ្រនំ។ លោកថាគម្រោងគម្រោងនិរន្តភាពតំបន់ទេសភាព និងទេសចរណ៍ធម្មជាតិកម្ពុជា (CSLEP) បានទាញដៃគូមកវិនិយោគនៅសហគមន៍ដោយផ្ទាល់តែម្តង។ ដោយ​សារ​ការវិនិយោគនៅកន្លែងនេះហើយទើបធ្វើឱ្យតម្លៃទីផ្សារឬស្សីមាននិរន្តភាព។ពេល​នេះ​ការ រកចំណូលពីឬស្សីខ្ពស់ណាស់ដែលពលរដ្ឋអាចប្រមូលខួបប្រាំង ខួប​វស្សា។ក្នុង​នេះ​សហគមន៍បានកំណត់ច្បាស់លាស់ទៅតាមទីតាំងនីមួយៗដែលយើងត្រូវ​ប្រមូល​ដោយក្នុងនេះបានកំណត់ឆ្នាំនេះត្រូវប្រមូលនៅទីតាំងណាមួយ និងឆ្នាំក្រោយប្រមូល​នៅទីតាំងណាមួយទៀតជាដើម។ លោកចាត់ទុកថាការប្រមូលដោយច្ចេកទេសគឺបានជួយឱ្យឬស្សីមាននិរន្តភាពមែនទែន។ហេតុនេះហើយទើបឬស្សីត្រូវបានអភិរក្សយ៉ាងយកចិត្តទុកដាក់។ឬស្សីនេះដែរ​ចាត់ទុកថាជាមុខរបរទី២យ៉ាងសំខាន់បន្ទាប់ពីកសិកម្មធ្វើស្រែ ចំការរបស់​ពលរដ្ឋ​សហគមន៍។ លោក ទូចម៉នបាននិយាយថា”អ្នកទៅប្រមូលឬស្សីក្នុងមួយថ្ងៃយ៉ាង​ហោចណាស់​បាន​​ថវិកា​ជិត ៣០ដុល្លារ។មួយបាច់តម្លៃ ៥៥០០រៀលក្នុងនេះមួយថ្ងៃប្រមូលបាន…

Breaking News! លោក Trump ប្រកាសថា អ៊ីរ៉ង់ និងអ៊ីស្រាអែល យល់ព្រមលើបទឈប់បាញ់ពេញលេញ វ៉ាស៊ីនតោន ៖ ប្រធានាធិបតីអាមេរិក លោក Donald Trump បាននិយាយកាលពីថ្ងៃចន្ទ នៅលើប្រព័ន្ធផ្សព្វផ្សាយសង្គមថា អ៊ីស្រាអែល និងអ៊ីរ៉ង់បានយល់ព្រមលើ “បទឈប់បាញ់ពេញលេញ” ដែលនឹងបញ្ចប់ជម្លោះក្នុងរយៈពេលជាង ២៤ម៉ោង។ នៅក្នុងសារបង្ហោះលើបណ្តាញសង្គម Truth Social លោកប្រធានាធិបតី Trump និយាយថា បទឈប់បាញ់នឹងនាំមកនូវ “ការបញ្ចប់ជម្លោះជាផ្លូវការ” ដែលនេះជាការផ្លាស់ប្តូរដ៏ធំនៅក្នុងអរិភាព បន្ទាប់ពីអាមេរិកវាយប្រហារកាលពីថ្ងៃអាទិត្យទី២២ ខែមិថុនា លើទីតាំងនុយក្លេអ៊ែរអ៊ីរ៉ង់ចំនួនបីកន្លែង៕ ប្រភព ៖ AFP ប្រែសម្រួល ៖ ឈឹម ទីណា

Breaking News! លោក Trump ប្រកាសថា អ៊ីរ៉ង់ និងអ៊ីស្រាអែល យល់ព្រមលើបទឈប់បាញ់ពេញលេញ វ៉ាស៊ីនតោន ៖ ប្រធានាធិបតីអាមេរិក លោក Donald Trump បាននិយាយកាលពីថ្ងៃចន្ទ នៅលើប្រព័ន្ធផ្សព្វផ្សាយសង្គមថា អ៊ីស្រាអែល និងអ៊ីរ៉ង់បានយល់ព្រមលើ “បទឈប់បាញ់ពេញលេញ” ដែលនឹងបញ្ចប់ជម្លោះក្នុងរយៈពេលជាង ២៤ម៉ោង។ នៅក្នុងសារបង្ហោះលើបណ្តាញសង្គម Truth Social លោកប្រធានាធិបតី Trump និយាយថា បទឈប់បាញ់នឹងនាំមកនូវ “ការបញ្ចប់ជម្លោះជាផ្លូវការ” ដែលនេះជាការផ្លាស់ប្តូរដ៏ធំនៅក្នុងអរិភាព បន្ទាប់ពីអាមេរិកវាយប្រហារកាលពីថ្ងៃអាទិត្យទី២២ ខែមិថុនា លើទីតាំងនុយក្លេអ៊ែរអ៊ីរ៉ង់ចំនួនបីកន្លែង៕ ប្រភព ៖ AFP

អ៊ីរ៉ង់បាញ់ស្រោចមីស៊ីលលើមូលដ្ឋានទ័ពអាមេរិក នៅកាតា និងអ៊ីរ៉ាក់ តេហេរ៉ង់ ៖ ភ្លាមៗ ក្រោយបាញ់ស្រោចមីស៊ីលជាច្រើនគ្រាប់វាយប្រហារមូលដ្ឋានទ័ពអាមេរិកនៅកាតា និងអ៊ីរ៉ាក់ ប្រទេសអ៊ីរ៉ង់បានចេញមុខអះអាងថា ការវាយប្រហារនេះ គឺជាការសងសឹកដែលអាមេរិកកម្ទេចទីតាំងនុយក្លេអ៊ែររបស់ខ្លួន។ ប្រទេសកាតា ដែលស្ថិតនៅចម្ងាយ ១៩០គីឡូម៉ែត្រ ភាគខាងត្បូងនៃប្រទេសអ៊ីរ៉ង់ និងជាមូលដ្ឋានយោធាដ៏ធំបំផុតរបស់អាមេរិកនៅមជ្ឈិមបូព៌ា បាននិយាយថា ប្រព័ន្ធការពារដែនអាកាសរបស់ខ្លួនបានស្ទាក់ចាប់ដោយជោគជ័យនូវការវាយប្រហារដោយមីស៊ីលសំដៅលើមូលដ្ឋានទ័ពអាកាស Al Udeid។ រីឯមន្ត្រីការពារជាតិអាមេរិកនិយាយថា មូលដ្ឋាន Al Udeid ពិតជាបានរងការវាយប្រហារដោយមីស៊ីលផ្លោងរយៈចម្ងាយខ្លី និងមធ្យមរបស់អ៊ីរ៉ង់ ប៉ុន្តែគ្មានអ្នកណាម្នាក់រងរបួស ក្នុងការវាយប្រហារនោះទេ។ ក្រុមប្រឹក្សាសន្តិសុខជាតិអ៊ីរ៉ង់និយាយថា ខ្លួនបានកំណត់គោលដៅវាយប្រហារលើមូលដ្ឋានទ័ពអាមេរិក ជាការឆ្លើយតបនឹងសកម្មភាពឈ្លានពាន និងគឃ្លើនរបស់អាមេរិក ប្រឆាំងទីតាំង និងរោងចក្រនុយក្លេអ៊ែរអ៊ីរ៉ង់ចំនួនបីកន្លែង។ ក្រុមប្រឹក្សានេះថា ចំនួនមីស៊ីលដែលប្រើ គឺមានចំនួនស្មើគ្នានឹងចំនួនគ្រាប់បែក ដែលអាមេរិកវាយប្រហារអ៊ីរ៉ង់ថ្មីៗនេះដែរ។ ក្រៅពីកាតា ប្រទេសអ៊ីរ៉ង់ត្រូវបានកាសែត The New York Times រាយការណ៍ថា ក៏បានបាញ់ស្រោចមីស៊ីលជាច្រើនគ្រាប់ សំដៅលើមូលដ្ឋានទ័ពអាមេរិកនៅប្រទេសអ៊ីរ៉ាក់ផងដែរ៕ ប្រភព ៖ AFP

មូស្គូ ៖ អតីតប្រធានាធិបតីរុស្ស៊ីបានចេញមុខព្រមានខ្លាំងៗថា ប្រទេសជាច្រើនបានត្រៀមខ្លួនរួចជាស្រេច ក្នុងការបើកឃ្លាំងអូសអាវុធនុយក្លេអ៊ែរផ្គត់ផ្គង់ដល់អ៊ីរ៉ង់ បន្ទាប់ពីអាមេរិកបានបើកការវាយប្រហារលើទីតាំងនុយក្លេអ៊ែរអ៊ីរ៉ង់ចំនួនបីកន្លែង នេះបើតាមសេចក្តីរាយការណ៍របស់សារព័ត៌មាន Fox News នៅថ្ងៃទី២៣ ខែមិថុនា។ លោក Dmitry Medvedev ដែលឥឡូវនេះជាអនុប្រធានក្រុមប្រឹក្សាសន្តិសុខរបស់ប្រទេសរុស្ស៊ី បានបង្ហោះសារលើបណ្តាញសង្គម X កាលពីថ្ងៃអាទិត្យថា ការចម្រាញ់វត្ថុធាតុនុយក្លេអ៊ែរ និងការផលិតអាវុធនុយក្លេអ៊ែរនាពេលអនាគតនឹងបន្ត។ លោក Medvedev បានលើកឡើងថា ប្រទេសមួយចំនួនបានត្រៀមខ្លួនជាស្រេច ក្នុងការផ្គត់ផ្គង់អ៊ីរ៉ង់ដោយផ្ទាល់នូវក្បាលគ្រាប់នុយក្លេអ៊ែររបស់ពួកគេ។ យ៉ាងណា លោក Medvedev មិនបានបញ្ជាក់ច្បាស់ពីចំនួន និងឈ្មោះប្រទេសដែលអាចចូលរួម និងគាំទ្រអ៊ីរ៉ង់ទេ។ ប៉ុន្តែប្រវត្តិសាស្ត្រពីមុន រុស្ស៊ីបានគាំទ្រកម្មវិធីនុយក្លេអ៊ែររបស់អ៊ីរ៉ង់។ ការព្រមានបែបនេះរបស់លោក Medvedev ធ្វើឡើងបន្ទាប់ពីអាមេរិកបានបើកប្រតិបត្តិការយោធាប្រឆាំងនឹងអ៊ីរ៉ង់ កាលពីចុងសប្ដាហ៍មុន មានឈ្មោះថា “Operation Midnight Hammer”។ លោកឧត្តមសេនីយ៍ Dan Caine ប្រធាននាយសេនាធិការចម្រុះអាមេរិកប្រាប់អ្នកសារព័ត៌មានថា យន្តហោះទម្លាក់គ្រាប់បែក B-2 ចំនួន ៧គ្រឿងបានហោះហើរអស់ ១៨ម៉ោងពីអាមេរិកទៅកាន់អ៊ីរ៉ង់ ដើម្បីទម្លាក់គ្រាប់បែក “ឃួងបំផ្ទុះគោលដៅក្រោមដី” ចំនួន ១៤គ្រាប់។ សរុបមក…

(ខេត្តព្រះវិហារ)៖ ជួបសួរសុខទុក្ខនិងពិនិត្យស្ថានភាពរស់នៅបណ្តោះអាសន្នរបស់បងប្អូនប្រជាពលរដ្ឋ ដែលបានជម្លៀសដោយស្ម័គ្រចិត្តមកកាន់មណ្ឌលសុវត្ថិភាព វត្តពោធិ៍៥០០០ដើម ចំនួន ១,២៨២គ្រួសារ ស្មើនឹង ៣,៨៥០នាក់ នៅខេត្តព្រះវិហារ នារសៀលថ្ងៃទី២៣ មិថុនា ២០២៥ ។ សម្ដេចធិបតី សូមថ្លែងអំណរគុណដល់ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធទូទាំងខេត្តព្រះវិហារ ព្រមទាំងស្ថាប័នពាក់ព័ន្ធទាំងអស់ ដែលបានយកចិត្តទុកដាក់ជួយសម្រួលដោះស្រាយទុក្ខលំបាកដល់បងប្អូនប្រជាពលរដ្ឋ ដែលកំពុងជម្លៀសខ្លួនមកពីបណ្តាតំបន់ប្រឈមហានិភ័យតាមបណ្តាលព្រំដែន ក្នុងភូមិសាស្ត្រស្រុកជាំក្សាន្ត មកកាន់មណ្ឌលសុវត្ថិភាពនេះ។ នេះជាស្មារតីទទួលខុសត្រូវ និងបង្ការជាមុនចំពោះសុវត្ថិភាពបងប្អូនប្រជាពលរដ្ឋ។ រាជរដ្ឋាភិបាល មានកាតព្វកិច្ចការពារផលប្រយោជន៍ជាតិ ប្រកាន់ជំហរការពារអធិបតេយ្យភាពជាតិដោយសន្តិភាព ជ្រើសយកច្បាប់អន្តរជាតិមកដោះស្រាយបញ្ហាព្រំដែនដោយសន្តិវិធី ដោយនាំយកតំបន់ដែលកំពុងតានតឹងទាំង៤ ទៅតុលាការយុត្តិធម៌អន្តរជាតិ (ICJ) ដើម្បីដោះស្រាយបញ្ហាព្រំដែនឱ្យ បានចប់ជាស្ថាពរ ជូនប្រជាពលរដ្ឋខ្មែរជំនាន់នេះ និងជំនាន់ក្រោយៗទៀត ៕