Category: ព័ត៌មានជាតិ​

(មណ្ឌលគិរី)៖ សហគមន៍ជនជាតិដើមភាគតិចពូនង(ព្នង)ជាច្រើនបាន ពឹងអាស្រ័យលើ ការប្រមូលអនុផលព្រៃឈើសម្រាប់ការប្រកបរបរចិញ្ចឹមជីវិត។ហើយបើយោងតាមការស្រាវជ្រាវ បង្ហាញថា ស្ទើរតែ៤០ភាគរយ នៃប្រាក់ចំណូល របស់ពួកគាត់ ទទួលបានមកពីការប្រមូលទឹកឃ្មុំព្រៃ និងអនុផលព្រៃឈើផ្សេងៗទៀត ។ តាមរយៈមុខរបរប្រពៃណីពីបុរាណដូនតានេះដែរ ដើម្បីលើកស្ទួយដល់ជីវភាពសហគមន៍ឱ្យមាននិរន្តភាពនោះ សហគមន៍ ជនជាតិដើមភាគតិចពូនង(ព្នង)ភូមិអណ្តូងក្រឡឹង បានបង្កើតគណៈកម្មាធិការប្រមូលឃ្មុំព្រៃដើម្បីលក់លើទីផ្សារឡើងសម្រាប់ជួយដល់ប្រជាសហគមន៍រកទឹកឃ្មុំតាមទីធម្មជាតិ។ លោក ថន ថា ប្រធានគណៈកម្មាធិការ ក្រុម ប្រមូល ឃ្មុំព្រៃ នៅ សហគមន៍ ជនជាតិដើមភាគតិចពូនង(ព្នង)ភូមិអណ្តូងក្រឡឹង ស្ថិតនៅឃុំសែនមនោរម្យ ស្រុកអូររាំង ខេត្តមណ្ឌលគិរី បានឱ្យដឹងថាគណៈកម្មាធិការប្រមូល ទឹកឃ្មុំព្រៃរបស់សហគមន៍លោកគឺទើបតែកើតក្នុងឆ្នាំ២០២៥នេះទេ ហើយការបង្កើតគណៈកម្មាធិការនេះឡើងប្រយោជន៍ដើម្បីចងក្រងគ្នាក្នុងការប្រមូលទឹកឃ្មុំព្រៃសម្រាប់លក់លើទីផ្សារ។ គណៈកម្មាធិការនេះមានតួនាទីសំខាន់សម្រាប់ប្រមូលទឹកឃ្មុំរបស់បងប្អូនសហគមន៍យកទៅលក់ដែលផ្តល់ភាពងាយស្រួលក្នុងការរកចំណូល និងការរកទឹកឃ្មុំពីធម្មជាតិមានភាពស្ថិតស្ថេរ មិនជួបការលំបាកដូចមុននេះទៀត។សម្រាប់ទីផ្សារគឺខាងអង្គការសង្គមស៊ីវិលមួយចំនួនបានប្រមូលយកទៅលក់បន្ត ដែលផ្តល់ភាពលំនឹងសម្រាប់ការរកចំណូលដល់សហគមន៍។ តាមរយៈការពឹងអាស្រ័យលើអនុផលព្រៃឈើនេះដែរ លោក ថនថាន បានឱ្យដឹងថាគណៈកម្មាធិការប្រមូលទទិញទឹកឃ្មុំព្រៃនេះដែរមានគ្នាសរុប១៧ នាក់ដោយរួមថវិការគ្នាទិញទឹកឃ្មុំពីសមាជិកសហគមន៍ក្នុងនេះបានទិញពីសមាជិកក្នុងមួយលីត្រ ៥ម៉ឺនរៀល ដើម្បីលក់លើទីផ្សារបន្តទៀត។ លោក ថន ថា បានប្រាប់បន្ថែមថាសមាជិកទាំងអស់ដែលរកឃ្មុំព្រៃកំណត់ឱ្យយកប្រមាណ៨០ភាគរយនៅសល់២០ភាគរយទៀតដើម្បីឱ្យឃ្មុំអាចបន្តពូជតាមធម្មជាតិរបស់ពួកវា។សម្រាប់ការរកឃ្មុំនៅដែរសហគមន៍របស់លោកឱ្យយក តែចំនួនប្រមាណ៣ទៅ៤ ខែប៉ុណ្ណោះពោលគឺរកចាប់ពី ខែកុម្ភៈដល់ខែឧសភាគឺត្រូវបានបញ្ចប់ហើយ។ ឯកឧត្តម ខ្វៃ អាទិត្យា មន្រ្តី អ្នកនាំពាក្យក្រសួងបរិស្ថានបានថ្លែងបញ្ជាក់ក្នុងពេលដឹកនាំពិធីផ្សព្វផ្សាយ…

តូក្យូ ៖ ប្រព័ន្ធផ្សព្វផ្សាយជាច្រើនរាយការណ៍ថា ជប៉ុននឹងបន្តនាំចូលឧស្ម័នធម្មជាតិរាវ (LNG) ពីរុស្ស៊ីដដែល ទោះបីជាអាមេរិកដាក់សម្ពាធបង្ខំឱ្យទីក្រុងតូក្យូឈប់ទិញក៏ដោយ។ នេះបើតាមនាយករដ្ឋមន្រ្តីជប៉ុន លោកស្រី សាណេ តាកៃឈី ប្រាប់ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអង្គារ។ លោកប្រធានាធិបតី ត្រាំ ដែលបានទៅបំពេញទស្សនកិច្ចនៅជប៉ុន បានជំរុញជាថ្មីឱ្យទីក្រុងតូក្យូឈប់នាំចូលទំនិញថាមពលពីរុស្ស៊ី មានដូចជាប្រេង និងឧស្ម័នធម្មជាតិរាវ (LNG) ប៉ុន្តែលោកស្រី តាកៃឈី បានពន្យល់ប្រាប់វិញថា ជប៉ុនត្រូវការថាមពលជាចាំបាច់។ យោងតាមសារព័ត៌មាន Nikkei, រុស្ស៊ីបានផ្គត់ផ្គង់ដល់ទៅ ៩ភាគរយនៃការនាំចូលឧស្ម័នធម្មជាតិរាវសរុបរបស់ជប៉ុន ដូច្នេះហើយ លោកស្រីនាយករដ្ឋមន្រ្តី តាកៃឈី បានអះអាងថា ការបិទខ្ទប់ការនាំចូលថាមពលពីរុស្ស៊ីនឹងបង្កផលប៉ះពាល់ដល់សេដ្ឋកិច្ចជប៉ុន ហើយវាជារឿងមិនអាចទៅរួច។ ក្រៅពីបញ្ចុះបញ្ចូលជប៉ុន រដ្ឋបាលលោក ដូណាល់ ត្រាំ ក៏បានជំរុញឱ្យតួកគី និងសហភាពអឺរ៉ុបឈប់ទិញប្រេង និងឧស្ម័នធម្មជាតិរាវពីរុស្ស៊ីផងដែរ។ អឺរ៉ុបបានឯកភាពថា នឹងឈប់នាំចូលឧស្ម័នធម្មជាតិរាវ (LNG) ពីរុស្ស៊ី ជាផ្នែកមួយនៃកញ្ចប់ទណ្ឌកម្មជុំទី១៩ក្នុងខែនេះ ហើយរាល់កិច្ចសន្យាថាមពលពីមុនៗរវាងភាគីទាំងពីរ នឹងបញ្ចប់ទាំងស្រុងចាប់ពីថ្ងៃទី១ ខែមករា ឆ្នាំ២០២៨៕ ប្រភព ៖…

វ៉ាស៊ីនតោន ៖ ទីបំផុត មេដឹកនាំអាមេរិក លោក ដូណាល់ ត្រាំ សម្រេចចិត្តបើកដៃឱ្យកូរ៉េខាងត្បូងសាងសង់នាវាមុជទឹកដើរដោយថាមពលនុយក្លេអ៊ែរ ដែលនេះជាការផ្លាស់ប្តូរដ៏សំខាន់មួយ ធ្វើឱ្យកូរ៉េខាងត្បូងក្លាយជាប្រទេសមួយ ក្នុងចំណោមប្រទេសផ្សេងៗទៀតលើពិភពលោក ដែលមាននាវាបែបនេះ។ លោកប្រធានាធិបតី ត្រាំ បានបង្ហោះសារលើបណ្តាញសង្គម Truth Social ថា លោកយល់ព្រមឲ្យកូរ៉េខាងត្បូងសាងសង់នាវាមុជទឹកដើរដោយថាមពលនុយក្លេអ៊ែរ ជាជាងនាវាមុជទឹកដើរដោយថាមពលម៉ាស៊ូតដែលមានលក្ខណៈចាស់ និងមិនសូវរហ័សរហួនដែលពួកគេមានឥឡូវនេះ។ មេដឹកនាំអាមេរិកមានវ័យ៧៩ឆ្នាំរូបនេះ បានសង្កត់ធ្ងន់ថា នាវាមុជទឹករបស់កូរ៉េខាងត្បូង នឹងត្រូវបានសាងសង់នៅឯទីតាំងផលិតនាវា ហ្វីឡាឌែលហ្វៀ ក្នុងទឹកដីសហរដ្ឋអាមេរិក។ សូមបញ្ជាក់ថា ការសម្រេចចិត្តរបស់លោក ដូណាល់ ត្រាំ កើតឡើងបន្ទាប់ពីធ្វើកិច្ចពិភាក្សាជាមួយប្រធានាធិបតីកូរ៉េខាងត្បូង លោក លី ជេម្យុង នៅទីក្រុង ក្យុងជូ មុនពេលចូលរួមកិច្ចប្រជុំកំពូលនៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC)។ កិច្ចព្រមព្រៀងនេះ គឺជាផ្នែកមួយនៃកិច្ចព្រមព្រៀងទូលំទូលាយលើពាណិជ្ជកម្ម ការវិនិយោគ និងការកសាងនាវារវាងសម្ព័ន្ធមិត្តទាំងពីរ។ ការសម្រេចចិត្តរបស់លោក ត្រាំ នេះទៀតសោត គឺជាការផ្លាស់ប្តូរគោលនយោបាយដ៏សំខាន់មួយសម្រាប់សហរដ្ឋអាមេរិក ដែលអស់រយៈពេលជាច្រើនទសវត្សរ៍មកហើយ តែងតែប្រឆាំងនឹងមហិច្ឆតារបស់កូរ៉េខាងត្បូង ក្នុងការអភិវឌ្ឍនាវាមុជទឹកដើរដោយថាមពលនុយក្លេអ៊ែរ ដោយសារតែការព្រួយបារម្ភអំពីការរីកសាយភាយអាវុធនុយក្លេអ៊ែរ៕ ប្រភព ៖ The Straits…

ការដាក់ឱ្យប្រើប្រាស់ជើងហោះហើរត្រង់លើកដំបូងទៅកាន់ទីក្រុង Kolkata ដែលជាមជ្ឈមណ្ឌលពាណិជ្ជកម្មដ៏ធំភាគខាងកើតនៃប្រទេសឥណ្ឌាពីប្រទេសកម្ពុជា នឹងផ្ដល់ជម្រើសផ្នែកវេជ្ជសាស្រ្តសម្រាប់ប្រជាជនកម្ពុជាដែលកំពុងស្វែងរកការព្យាបាលដែលងាយស្រួលរក មានតម្លៃសមរម្យ មានភាពងាយស្រួល និងគុណភាពខ្ពស់ និងផ្តោតសំខាន់លើអ្នកជំងឺ។​​ ការដាក់ឱ្យដំណើរការជើងហោះហើរត្រង់ដែលផ្ដល់ជូនដោយក្រុមហ៊ុនអាកាសចរណ៍ IndiGo Airlines រវាងខេត្តសៀមរាប និងទីក្រុង Kolkata​​ បីដងក្នុងមួយសប្តាហ៍ចាប់ពីថ្ងៃទី ១៣​ ខែវិច្ឆិកា ឆ្នាំ២០២៥នេះតទៅ នឹងធ្វើឱ្យប្រជាជនកម្ពុជារាប់លាននាក់ មានឱកាសទទួលបានការថែទាំសុខភាពដែលមានគុណភាពខ្ពស់ដែលផ្តល់ជូនដោយមន្ទីរពេទ្យ Apollo (Apollo Hospitals) របស់ប្រទេសឥណ្ឌា។ មន្ទីរពេទ្យ Apollo គឺជាអ្នកផ្តល់សេវាថែទាំសុខភាពឈានមុខគេរបស់ប្រទេសឥណ្ឌាជាមួយនឹងកំណត់ត្រាព្យាបាលអ្នកជំងឺចំនួន ១៥០ លាននាក់មកពី ១៤០ ប្រទេស។ មន្ទីរពេទ្យនេះ នឹងបង្ហាញសេវាវេជ្ជសាស្រ្តរបស់ខ្លួននៅ Wellness Expo ២០២៥ ដែលរៀបចំដោយសភាពាណិជ្ជកម្មអន្តរជាតិនៃកម្ពុជា (International Business Chamber) ដែលនឹងប្រព្រឹត្តទៅនៅថ្ងៃសៅរ៍ទី១ ខែវិច្ឆិកាដល់ថ្ងៃអាទិត្យ ទី២ ខែវិច្ឆិកា​នៅផ្សារទំនើប អ៊ីអន ម៉ល មានជ័យ (AEON​ 3)។ លោក​ Abhijit Majumdar ដែលជានាយក​ប្រតិបត្តិ​មន្ទីរពេទ្យ Apollo នៅទីក្រុង…

មូស្គូ ៖ រុស្ស៊ីប្រកាសបាញ់សាកល្បងមីស៊ីលផ្លោងនុយក្លេអ៊ែរដ៏ទំនើប Poseidon ដំណើរការដោយថាមពលនុយក្លេអ៊ែរ និងអាចផ្ទុកក្បាលគ្រាប់នុយក្លេអ៊ែរបានដោយជោគជ័យ ខណៈដែលមេដឹកនាំអាមេរិក-ចិនកំពុងជួបចរចាគ្នានៅកូរ៉េខាងត្បូង សំដៅបន្ធូរបន្ថយភ្លើងសង្គ្រាមពាណិជ្ជកម្មរវាងប្រទេសមហាអំណាចពិភពលោកទាំងពីរ។ លោកប្រធានាធិបតី វ៉្លាឌីមៀ ពូទីន បានប្រាប់ទាហានរុស្ស៉ីដែលរងរបួសនៅមន្ទីរពេទ្យមួយក្នុងទីក្រុងមូស្គូ កាលពីថ្ងៃពុធថា នេះជាលើកដំបូងហើយ ដែលយើងមិនត្រឹមតែបាញ់វាចេញពីនាវាមុជទឹកប៉ុណ្ណោះទេ តែថែមទាំងបើកដំណើរការប្រព័ន្ធថាមពលនុយក្លេអ៊ែររបស់វាបានផង។ លោកប្រធានាធិបតី ពូទីន បានសង្កត់ធ្ងន់ថា វាគឺជាជោគជ័យដ៏ធំធេងមួយ ហើយឥទិ្ធពលរបស់មីស៊ីល Poseidon ខ្លាំងក្លាលើសពីមីស៊ីលអន្តរទ្វីប Sarmat ដែលមានសក្តានុពលបំផុតរបស់យើងទៅទៀត។ ការប្រកាសពីការធ្វើតេស្តមីស៊ីលដ៏ទំនើបនេះ ធ្វើឡើងបន្ទាប់ពីលោកប្រធានាធិបតី ពូទីន បានបាញ់មីស៊ីលនុយក្លេអ៊ែរដ៏កំណាចមួយទៀតកាលពីសប្តាហ៍មុន។ ការអភិវឌ្ឍសព្វាវុធប្រល័យលោកទាំងនេះ ត្រូវបានគេមើលឃើញថា គឺជាការឆ្លើយតបទៅនឹងការបង្កើតខែលការពារមីស៊ីលរបស់សហរដ្ឋអាមេរិក Golden Dome និងការពង្រីកខ្លួនរបស់អង្គការណាតូ។ ជាមួយគ្នានេះ អ្នកវិភាគផ្នែកយោធាជឿជាក់ថា សមត្ថភាពរបស់មីស៊ីលផ្លោងនុយក្លេអ៊ែរថ្មី Poseidon របស់រុស្ស៊ី អាចបង្កឲ្យមានរលកវិទ្យុសកម្មនៅមហាសមុទ្រ ដែលធ្វើឲ្យបណ្ដាទីក្រុងនៅតាមបណ្ដោយឆ្នេរមិនមានសុវត្ថិភាពអាចរស់នៅបាន៕ ប្រភព ៖ AFP និង Reuters

បរទេស ៖ ប្រមុខការពារជាតិអាមេរិកបាននិយាយ កាលពីថ្ងៃពុធថា មនុស្ស៤នាក់ស្លាប់ ក្នុងការវាយប្រហារជាថ្មី លើទូកសង្ស័យដឹកគ្រឿងញៀន នៅប៉ាស៊ីហ្វិក។ វីដេអូដែលចេញផ្សាយ ដោយប្រធានមន្ទីរបញ្ចកោណ លោក Pete Hegseth បានបង្ហាញពីអ្វី ដែលលោកនិយាយថា ជាការវាយប្រហារ របស់សហរដ្ឋអាមេរិក លើទូកមួយផ្សេងទៀត នៅប៉ាស៊ីហ្វិក។ យោធាអាមេរិកអះអាងថា ទូកនេះត្រូវបានកម្ទេច ក្នុងពេលកំពុងជួញដូរគ្រឿងញៀន ហើយប្រតិបត្តិការនេះ បានសម្លាប់មនុស្ស ៤នាក់។ ការប្រកាស របស់លោក Hegseth នៅតាមបណ្តាញសង្គម X បែបនេះ បានកើតឡើង នៅមួយថ្ងៃបន្ទាប់ពីការវាយប្រហារ របស់សហរដ្ឋអាមេរិក សម្លាប់មនុស្ស រាប់សិបនាក់ នៅលើទូកចំនួន បួន គ្រឿង នៅភាគខាងកើតប៉ាស៊ីហ្វិក ហើយ បាននាំមកនូវចំនួនអ្នកស្លាប់សរុប ពីយុទ្ធនាការប្រឆាំងគ្រឿងញៀន ដ៏ចម្រូងចម្រាស់ របស់ប្រធានាធិបតី Donald Trump បានកើនដល់យ៉ាងហោចណាស់ ៦២ នាក់។ ជុំរិញរឿងនេះ ប្រធានាធិបតី នៃប្រទេស កូឡុំប៊ី បានចោទអាមេរិក…

ប្រធានាធិបតីចិន លោក Xi Jinping បាននិយាយក្នុងជំនួបទល់មុខគ្នា នៅថ្ងៃព្រហស្បតិ៍ ៣០តុលានេះ ថារូបលោក និងលោកប្រធានាធិបតីអាមេរិក Donald Trump គួរតែជាអ្នកតម្រង់ទិសដៅនៃចំណងមិត្តភាពទ្វេភាគី ហើយធ្វើការជាមួយគ្នាដើម្បីសម្រេចបាននូវអ្វីដែលសំខាន់ ជាក់ស្តែង និងមានប្រយោជន៍។ លោកបានប្រាប់លោក Trump ថា អាមេរិក និងចិន ត្រូវតែជាដៃគូ និងជាមិត្ត។ នេះគឺជាជំនួបទល់មុខគ្នាលើកដំបូងចាប់តាំងពីឆ្នាំ២០១៩ មក ខណៈលោក Trump ស្វែងរកកិច្ចព្រមព្រៀងពាណិជ្ជកម្មមួយរវាងប្រទេសមានសេដ្ឋកិច្ចធំបំផុតទាំងពីររបស់ពិភពលោក។ លោកបានធ្វើអត្ថាធិប្បាយបែបនេះក្នុងអំឡុងពេលជួបជាមួយសមភាគីអាមេរិកលោក Donald Trump បន្ទាប់ពីបានចុះចតនៅទីក្រុង Busan សម្រាប់កិច្ចប្រជុំមេដឹកនាំសេដ្ឋកិច្ច APEC លើកទី ៣២ នៅទីក្រុង Gyeongju និងដំណើរទស្សនកិច្ចផ្លូវរដ្ឋទៅកាន់កូរ៉េខាងត្បូង។ លោក Xi និយាយថា ចិនមានឆន្ទៈក្នុងការបន្តធ្វើការជាមួយលោក Trump ដើម្បីបង្កើតមូលដ្ឋានគ្រឹះដ៏រឹងមាំសម្រាប់ប្រទេសចិន និងសហរដ្ឋអាមេរិក ទំនាក់ទំនង និងបង្កើតបរិយាកាសអំណោយផលសម្រាប់ការអភិវឌ្ឍន៍របស់ប្រទេសទាំងពីរ ។ លោកប្រធានាធិបតីចិន លើកឡើងថា ការអភិវឌ្ឍន៍របស់ចិន មិនផ្ទុយនឹងចក្ខុវិស័យរបស់សហរដ្ឋអាមេរិកចំពោះ ការធ្វើឱ្យអាមេរិកអស្ចារ្យម្តងទៀត នោះទេ។…

ការិយាល័យថវិកាសភា (CBO) របស់សហរដ្ឋអាមេរិក កាលពីថ្ងៃពុធ (២៩ តុលា) បានឱ្យដឹងថា ការបិទរដ្ឋាភិបាលសហព័ន្ធ អាចធ្វើឱ្យសេដ្ឋកិច្ចអាមេរិក ខាតចន្លោះពី ៧ពាន់លានដុល្លារ ទៅដល់ ១៤ពាន់លានដុល្លារ ដោយកាត់បន្ថយរហូតដល់ ២% ចេញពីតួលេខផលិតផលក្នុងស្រុកសរុប (GDP) ក្នុងត្រីមាសទី៤នេះ ដោយសារតែការអាក់ខាននៃចំណាយរបស់រដ្ឋាភិបាល។ ការបិទរដ្ឋាភិបាលដោយផ្នែកនេះគឺនៅក្នុងថ្ងៃទី២៩ របស់ខ្លួនហើយ (គិតតាមពេលវេលានៅទីក្រុងវ៉ាស៊ីនតោន) ដោយទីបញ្ចប់នៅតែស្រពេចស្រពិល ដោយសារព្រឹទ្ធសភាខាងបក្សសាធារណរដ្ឋ បានអំពាវនាវឱ្យបក្សប្រជាធិបតេយ្យ គាំទ្រវិធានផ្តល់មូលនិធិបណ្ដោះអាសន្នដល់ទីភ្នាក់ងារសហព័ន្ធ ដើម្បីបើករដ្ឋាភិបាលឡើងវិញរហូតដល់ថ្ងៃទី២១ ខែវិច្ឆិកា ប៉ុន្តែបក្សប្រជាធិបតេយ្យទទូចឱ្យមានការចរចាដើម្បីពង្រីកឥណទានពន្ធសហព័ន្ធដែលផុតកំណត់ ដើម្បីជួយជនជាតិអាមេរិកទិញធានារ៉ាប់រងសុខភាពឯកជន តាមរយៈច្បាប់ថែទាំសុខភាពដែលមានតំលៃសមរម្យ។ ការិយាល័យ CBO បានប៉ាន់ប្រមាណថា សេដ្ឋកិច្ចនឹងរងទុក្ខលំបាក ដោយសារការពន្យារពេលចំណាយសហព័ន្ធសម្រាប់សំណងបុគ្គលិក ទំនិញ និងសេវាកម្ម និងអត្ថប្រយោជន៍លើអាហារ សម្រាប់ជនជាតិអាមេរិក ដែលមានចំណូលទាប។ នាយកទីភ្នាក់ងារ CBO លោក Phillip Swagel បាននិយាយក្នុងលិខិតមួយចុះថ្ងៃទី២៩ ខែតុលា ទៅកាន់គណៈកម្មាធិការថវិកាសភាតំណាងរាស្រ្តថា “ទោះបីជាការធ្លាក់ចុះភាគច្រើនក្នុង GDP ពិតប្រាកដនឹងត្រូវបានស្តារឡើងវិញក៏ដោយ ប៉ុន្តែ CBO បានប៉ាន់ប្រមាណថា…

ខ្យល់ព្យុះសង្ឃរា Melissa ដ៏មានឥទ្ធិពល បានបោកបក់ឆ្លងកាត់ភាគខាងជើងតំបន់សមុទ្រការ៉ាអ៊ីប កាលពីថ្ងៃពុធ (២៩ តុលា) បន្ទាប់ពីបានវាយប្រហារទីក្រុងធំបំផុតទីពីររបស់ប្រទេសគុយបា ដោយជន់លិចសហគមន៍ជនបទរាប់រយកន្លែង ព្រមទាំងបង្កការបំផ្លិចបំផ្លាញក្នុងប្រទេសហ្សាម៉ាអ៊ីក ជាទីដែលមនុស្សយ៉ាងតិច ៤នាក់ស្លាប់ ហើយបង្កជាទឹកជំនន់ដល់ប្រទេសហៃទី ដែលឆក់ជីវិតមនុស្សប្រមាណ ២៥នាក់ផ្សេងទៀត។ ដំបូង ព្យុះ Melissa បានវាយប្រហារហ្សាម៉ាអ៊ីក កាលពីថ្ងៃអង្គារ ក្នុងប្រភេទព្យុះសង្ឃរាដ៏ខ្លាំងក្លាបំផុតមិនធ្លាប់មានដែលវាយប្រហារដោយផ្ទាល់លើច្រាំងសមុទ្ររបស់ប្រទេសនេះ ជាមួយនឹងកម្លាំងខ្យល់ដ៏កំណាច ២៩៨គីឡូម៉ែត្រក្នុងមួយម៉ោង ពោលគឺលើសពីកម្លាំងអប្បបរមាសម្រាប់ព្យុះប្រភេទទី៥ ទៅទៀត ដែលជាចំណាត់ថ្នាក់ខ្លាំងបំផុតរួចទៅហើយសម្រាប់ព្យុះសង្ឃរា។ ទីភ្នាក់ងារព្យាករអាកាសធាតុរបស់សហរដ្ឋអាមេរិក AccuWeather បាននិយាយថា ព្យុះ Melissa នេះជាព្យុះសង្ឃរាដែលមានកម្រិតខ្លាំងបំផុតទី៣ របស់តំបន់ការ៉ាអ៊ីប ហើយការរំកិលយឺតៗបំផុតរបស់ព្យុះ បានធ្វើឱ្យការបំផ្លិចបំផ្លាញកាន់តែមហន្តរាយជាពិសេស។ ព្យុះនេះមិនបានវាយប្រហារដោយផ្ទាល់លើហៃទី ដែលជាប្រទេសមានប្រជាជនច្រើនជាងគេនៅការ៉ាអ៊ីបនោះទេ ប៉ុន្តែបានបង្អុលភ្លៀងជាច្រើនថ្ងៃ ហើយអាជ្ញាធររាយការណ៍ថា មានមនុស្សស្លាប់យ៉ាងតិច ២៥នាក់ និងរាប់ម៉ឺននាក់រងផលប៉ះពាល់។ នៅហ្សាម៉ាអ៊ីក ទីភ្នាក់ងារ AccuWeather ប៉ាន់ប្រមាណថា ព្យុះ Melissa បង្កផលប៉ះពាល់គិតជាទឹកប្រាក់ចំនួន ២២ពាន់លានដុល្លារ ទាំងការខូចខាតផ្សេងៗ និងសេដ្ឋកិច្ច ហើយការកសាងឡើងវិញអាចចំណាយពេលដល់ទៅ ១ទសវត្សរ៍ ឬច្រើនជាងនេះ៕

ស្ទឹងត្រែង៖រដ្ឋបាលខេត្តស្ទឹងត្រែង បានជូនដំណឹងអំពីផ្អាកការប្រណាំងទូកសម្រាប់ឆ្នាំ២០២៥ ប៉ុន្តែរដ្ឋបាលខេត្ត នឹងបន្ត​ប្រារព្ធពិធីសំពះព្រះខែ អកអំបុក បណ្តែតប្រទីប និងពិធីសម្រក់ទៀនផ្សងប្រផ្នូលទឹកភ្លៀងប្រចាំឆ្នាំថ្មី២០២៦។ជាមួយនឹង ការជូនដំណឹង រដ្ឋបាលខេត្តក៏បានអំពាវនាវប្រជាពលរដ្ឋចូលរួមឱ្យបានច្រើនកុះករក្នុងព្រឹត្តិការណ៍នេះ។ រដ្ឋបាលខេត្តស្ទឹងត្រែងបានបញ្ជាក់ក្នុងសេចក្តីជូនដំណឹងថា រដ្ឋបាលខេត្តស្ទឹងត្រែងបានសម្រេចផ្អាការប្រារព្ធ​ពិធីប្រណាំង​ទូកឆ្នាំ២០២៥។ប៉ុន្តែទន្ទឹមនឹងនេះក្នុងគោលបំណង រួមថែរក្សាបាននូវប្រពៃណី ទំនៀមទម្លាប់ដ៏ល្អផូរផង់របស់ដូនតាយើង រដ្ឋបាលខេត្តនឹងចាត់តាំងឲ្យមានការរៀបចំប្រារព្ធពិធី «សំពះព្រះខែ អកអំបុក បណ្តែតប្រទីប និងពិធីសម្រក់ទៀនផ្សង​ប្រផ្នូលទឹកភ្លៀង ប្រចាំឆ្នាំថ្មី២០២៦» ដែលមានការចូលរួមពីរដ្ឋបាលក្រុង-ស្រុកទាំង៦ នៃខេត្តស្ទឹងត្រែង នៅលើសួនសុវណ្ណភូមិ ប្របនឹងមាត់ទន្លេសេកុងស្ទឹងត្រែង នាវេលាម៉ោង ៧យប់ ថ្ងៃពុធ ១៥កើត «ពេញបូណ៌មី» ខែកក្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៥ ខែវិច្ឆិកា ឆ្នាំ២០២៥។ នៅក្នុងរាត្រី ១៥កើតនោះផងទៀត រដ្ឋបាលខេត្ត ក៏នឹងរៀបចំពិធីបណ្តែតប្រទីបទៅតាមបវេណី នៅតាមដងទន្លេសេកុង ក្នុងពេលព្រមជាមួយគ្នានោះ ផងដែរ។ រដ្ឋបាលខេត្តស្ទឹងត្រែងបានអំពាវនាវដល់ឯឧត្តម លោកជំទាវ លោកឧកញ៉ា អ្នកឧកញ៉ា លោក លោកស្រី និងបងប្អូន​ប្រជា​ពលរដ្ឋខេត្ត​ស្ទឹងត្រែងទាំងអស់ មេត្តាចូលរួមអបអរសាទរ កម្សាន្ត សប្បាយ ក្នុងពិធីនេះឱ្យមានភាពមហោឡារិក និងប្រកបដោយភាពអធិកអធម…