Category: ព័ត៌មានជាតិ
-
លោក Trump សរសើរពីទំនាក់ទំនងដ៏កក់ក្តៅជាមួយ អ៊ីស្រាអែល និងរិះគន់លោកស្រី Harris
អតីតប្រធានាធិបតីសហរដ្ឋអាមេរិក លោក Donald Trump បានសរសើរពីទំនាក់ទំនងជិតស្និទ្ធរបស់លោកជាមួយ លោក Benjamin Netanyahu នៅពេលលោកបានទទួលនាយករដ្ឋមន្ត្រីអ៊ីស្រាអែលកាលពីថ្ងៃសុក្រ ហើយបានចោទប្រកាន់អនុប្រធានាធិបតីអាមេរិក លោកស្រី Kamala Harris ថាបានធ្វើអត្ថាធិប្បាយ «គ្មានការគោរព» អំពីសង្រ្គាមនៅតំបន់ហ្កាហ្សា។ លោក Netanyahu បានជួបជាមួយ លោក Trump ដែលជាបេក្ខជនមកពីគណបក្សសាធារណរដ្ឋក្នុងការប្រជែងយកតំណែងប្រធានាធិបតីសហរដ្ឋអាមេរិកនៅឆ្នាំ២០២៤នេះ មួយថ្ងៃបន្ទាប់ពីកិច្ចពិភាក្សារបស់លោក Netanyahu ជាមួយប្រធានាធិបតីគណបក្សប្រជាធិបតេយ្យលោក Joe Biden និងអនុប្រធានាធិបតី លោកស្រី Kamala Harris ដែលកំពុងឈរឈ្មោះប្រជែងជាមួយលោក Trump នៅក្នុងការបោះឆ្នោតសហរដ្ឋអាមេរិក នៅថ្ងៃទី៥ ខែវិច្ឆិកា។ លោក Trump បានស្វាគមន៍ លោក Netanyahu និងភរិយាលោកស្រី Sara នៅទីក្រុងរមណីយដ្ឋាន Mar-a-Lago រដ្ឋ Florida ហើយបានរិះគន់លោកស្រី Harris ជាអ្នកដែលបានសម្តែងការព្រួយបារម្ភបន្ទាប់ពីបានជួបមេដឹកនាំអ៊ីស្រាអែល អំពីចំនួននៃការស្លាប់ជនស៊ីវិលប៉ាឡេស្ទីន ពីយុទ្ធនាការរយៈពេល៩ខែរបស់អ៊ីស្រាអែលនៅតំបន់ហ្កាហ្សា ដែលលោកTrump គិតថាការលើកឡើងរបស់លោកស្រីគ្មានការគោរព។ លោក…
-
ព្យុះទីហ្វុង Gaemi បោកបក់ដល់ប្រទេសចិន បន្ទាប់ពីវាយបក់លើកោះតៃវ៉ាន់ និងប្រទេសហ្វីលីពីន
ព្យុះទីហ្វុង ហ្កែមី បានបោកបក់លើទីក្រុងនានានៅខេត្ត Fujian ឆ្នេរសមុទ្ររបស់ប្រទេសចិន កាលពីថ្ងៃសុក្រ ជាមួយនឹងភ្លៀងធ្លាក់និងខ្យល់បក់ខ្លាំង ខណៈព្យុះដ៏មានឥទ្ធិពលបំផុតនេះ បានវាយបក់ដល់ប្រទេសនេះ ក្នុងឆ្នាំនេះ។ ទីភ្នាក់ងារសារព័ត៌មាន Xinhua បានរាយការណ៍ថា ព្យុះទីហ្វុង ហ្កែមី បានធ្វើឲ្យប៉ះពាល់ដល់មនុស្សជិត ៦៣០.០០០នាក់នៅក្នុងខេត្ត Fujian របស់ប្រទេសចិន ដោយស្ទើរតែពាក់កណ្តាលនៃអ្នកទាំងនេះ ត្រូវភៀសខ្លួនចេញពីទីលំនៅឋាន។ កាលពីដើមសប្តាហ៍ ព្យុះនេះបានសម្លាប់មនុស្សរាប់សិបនាក់ ខណៈបានវាបោកបក់និងធ្វើឱ្យមានភ្លៀងធ្លាក់ខ្លាំងក្នុងប្រទេសហ្វីលីពីន និងឆ្លងកាត់កោះតៃវ៉ាន់។ ព្យុះទីហ្វុង ហ្កែមី(Gaemi) បាននាំយកខ្យល់បក់ក្នុងល្បឿនរហូតដល់១០០,៨គីឡូម៉ែត្រក្នុងមួយម៉ោង ដោយចុះខ្សោយបន្តិចពី ១១៨,៨ គីឡូម៉ែត្រក្នុងមួយម៉ោង ដែលត្រូវបានកត់ត្រា កាលពីយប់ថ្ងៃព្រហស្បតិ៍ នៅពេលដែលព្យុះវាយបក់លើខេត្ត Fujian។ នៅប៉ុន្មានម៉ោង មុនការមកដល់នៃព្យុះទីហ្វុង គណៈកម្មាធិការអចិន្ត្រៃយ៍នៃការិយាល័យនយោបាយរបស់បក្សកុម្មុយនិស្ត ដឹកនាំដោយប្រធានាធិបតី លោក Xi Jinping បានរៀបចំកិច្ចប្រជុំពិសេសមួយស្តីពីការគ្រប់គ្រងទឹកជំនន់ និងជំរុញឲ្យកម្មាភិបាលនៅទូទាំងប្រទេស ឱ្យការពារអាយុជីវិតប្រជាជន។ សារព័ត៌មានស៊ីនហួ បានដកស្រង់អំណាននៃកិច្ចប្រជុំដែលបាននិយាយថា កិច្ចខិតខំប្រឹងប្រែង ត្រូវតែធ្វើឡើងដើម្បីការពារការហក់ឡើងនៃទឹកទន្លេ និងការបាក់ធ្លាយអាងស្តុកទឹកទំហំមធ្យមសំខាន់ៗ ។ ការិយាល័យអាកាសធាតុក្នុងតំបន់បាននិយាយថា ដោយសារព្យុះទីហ្វុងនេះ ក្រុងចំនួន៧២ នៅទូទាំងខេត្ត…
-
សម្តេចធិបតី ឆ្មក់ចុះពិនិត្យវឌ្ឍនភាពសាលាអនុវត្តក្រុងកំពង់ឆ្នាំង ដែលជាសាលាគំរូមួយ
នៅព្រឹកថ្ងៃទី២៧ ខែកក្កដានេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានឆ្មក់អញ្ជើញចុះពិនិត្យវឌ្ឍនភាពរបស់សាលាអនុវត្ត នៅក្រុងកំពង់ឆ្នាំង ខេត្តកំពង់ឆ្នាំង បន្ទាប់ពីរាជរដ្ឋាភិបាលថ្មីមានគោលនយោបាយដាក់ឱ្យអនុវត្តសាកល្បងនូវសាលាគំរូមួយចំនួននោះ។ ក្នុងពិធីចុះពិនត្យដោយផ្ទាល់មិនឱ្យដឹងមុនបែបនេះ សម្តេចធិបតី បានមានប្រសាសន៍ថា មូលដ្ឋានរឹងមាំខាងវិស័យអប់រំ គឺត្រូវពង្រឹងពីក្រោមឡើងទៅ។ សម្តេចធិបតី នាយករដ្ឋមន្ត្រី ក៏បានស្តាប់របាយការណ៍នានាដោយចង់ដឹងពីតម្រូវការបន្ថែមពីលោក នាយក លោកគ្រូ អ្នកគ្រូ ដើម្បីឱ្យគោលនយោបាយពង្រឹងវិស័យអប់រំ តាមគោលនយោបាយពង្រឹង វិស័យអប់រំ ឱ្យកាន់តែមានប្រសិទ្ធភាព។ គួរបញ្ជាក់ថា ការឆ្មក់ចុះពិនិត្យដោយផ្ទាល់បែបនេះ ដើម្បីចង់ដឹងផ្ទាល់ពីវឌ្ឍនភាពរបស់សាលាគំរូ ខណៈរបាយការណ៍ជាប្រចាំបានបង្ហាញពីលទ្ធផលដ៏ស្រស់បំព្រង ប៉ុន្តែទោះជាយ៉ាងណា សម្តេចថា ទោះបីជាការអនុវត្តបានដ៏ប្រសើរ បន្ទាប់ពីអនុវត្តបាន២ខែមកនេះ តែសម្តេចក៏បានសាកសួរលោកនាយក លោកគ្រូ អ្នកគ្រូ អំពីតម្រូវការថ្មីៗ ឬអំពីបញ្ហាប្រឈមចំពោះមុខដែលត្រូវដោះស្រយបន្ថែមផងដែរ៕អត្ថបទ៖ មុត សុទ្ធ
-
UN៖ ចំនួនអ្នកស្លាប់ដោយសារបំណាក់ដីនៅប្រទេសអេត្យូពី អាចឡើងដល់ ៥០០នាក់
ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (UNOCHA) បាននិយាយកាលពីថ្ងៃព្រហស្បតិ៍ (២៥ កក្កដា) ថា ចំនួនអ្នកស្លាប់ដោយសារបំណាក់ដីនៅក្នុងប្រទេសអេត្យូពី នៅដើមសប្តាហ៍នេះ បានកើនឡើងដល់ ២៥៧នាក់ ហើយត្រូវបានគេរំពឹងថានឹងកើនឡើងជិតទ្វេដង។ ភ្លៀងធ្លាក់ខ្លាំងបានបង្កឱ្យមានបំណាក់ដីដែលបាក់ធ្លាក់កប់លើមនុស្សនៅតំបន់ ហ្គូហ្វា (Gofa) ភាគខាងត្បូងប្រទេសអេត្យូពី កាលពីយប់ថ្ងៃអាទិត្យ និងបាក់ធ្លាក់ជាលើកទីពីរកាលពីថ្ងៃចន្ទ បានកប់លើអ្នកដែលចូលរួមក្នុងកិច្ចខិតខំប្រឹងប្រែងជួយសង្គ្រោះ។ ទីភ្នាក់ងារ UNOCHA បាននិយាយនៅក្នុងរបាយការណ៍មួយថា «ចំនួនអ្នកស្លាប់ត្រូវបានគេរំពឹងថានឹងកើនឡើងដល់ ៥០០នាក់ នេះបើយោងតាមព័ត៌មានដែលទទួលបានពីអាជ្ញាធរមូលដ្ឋាន»។ កាលពីថ្ងៃអង្គារ គណៈកម្មការគ្រប់គ្រងហានិភ័យគ្រោះមហន្តរាយជាតិរបស់អេត្យូពី បានដាក់ចំនួនអ្នកស្លាប់ត្រឹមចំនួន ២២៩នាក់ប៉ុណ្ណោះ។ លោក ដាកម៉ាវី អាយេលេ (Dagmawi Ayele) ប្រមុខគ្រប់គ្រងតំបន់ ហ្គូហ្វា នេះបាននិយាយថា រហូតមកដល់ពេលនេះ ក្រុមអ្នកជួយសង្គ្រោះបានរកឃើញសាកសពចំនួន ២២៦នាក់ហើយ ដែលត្រូវបានបញ្ចុះបន្ទាប់ពីពិធីបុណ្យសពមួយ ហើយកំពុងស្វែងរកសាកសពជាច្រើនបន្ថែមទៀត៕
-
លោក Bidenនិងលោក Netanyahu ពិភាក្សាបញ្ហាបន្ទាន់នៃកិច្ចព្រមព្រៀងបទឈប់បាញ់ហ្កាហ្សា
លោកប្រធានាធិបតី Joe Biden និងលោកនាយករដ្ឋមន្ត្រីអ៊ីស្រាអែល Benjamin Netanyahu បានជួបពិភាក្សាគ្នានៅសេតវិមានកាលពីរសៀលថ្ងៃព្រហស្បតិ៍សប្ដាហ៍នេះ ជាទីដែលប្រភពជាច្រើនបានប្រាប់ទូរទស្សន៍ CNN ថា ប្រធានាធិបតីត្រូវបានគេរំពឹងថានឹងមានកម្លាំងដូចដែលលោកធ្លាប់បានជំរុញឱ្យសម្ព័ន្ធមិត្ត Netanyahu ទទួលយកកិច្ចព្រមព្រៀងឈប់បាញ់ ខណៈក្រុមមន្ត្រីអាមេរិកជឿថាកិច្ចព្រមព្រៀងមួយ អាចនឹងផ្លាស់ប្ដូរ។ មន្ត្រីរដ្ឋបាលជាន់ខ្ពស់មួយរូបនិយាយថា យើងនៅជិតជាងអ្វីដែលយើងមិនធ្លាប់មានតែអាស្រ័យលើអ៊ីស្រាអែលក្នុងការទទួលយកប៉ុណ្ណោះ។ជំនួបទល់មុខគ្នារបស់លោក Biden ជាមួយលោក Netanyahuមានឡើង ក្រោយសុន្ទរកថារបស់នាយករដ្ឋមន្ត្រីអ៊ីស្រាអែលទៅកាន់សភាកាលពីថ្ងៃពុធសប្ដាហ៍នេះ ដែលបង្កឱ្យមានការតវ៉ា រួមទាំងករណីប្រឆាំងសាសនានិយម ឬវោហាសាស្ត្រគាំទ្រក្រុមហាម៉ាស នៅវ៉ាស៊ីនតោនឌីស៊ី។ សេតវិមានបានថ្កោលទោសបាតុកម្មបែបនេះ។ នៅមុនកិច្ចប្រជុំ លោក Netanyahu បានលើកឡើងពីរបៀបដែលមេដឹកនាំទាំងពីរបានស្គាល់គ្នាអស់រយៈពេល ៤ ទសវត្សរ៍មកហើយ។ លោកនិយាយថា លោកចង់អរគុណអ្នកសម្រាប់រយៈពេល៥០ឆ្នាំនៃការបម្រើសាធារណៈ និង៥០ ឆ្នាំនៃការគាំទ្រសម្រាប់រដ្ឋអ៊ីស្រាអែល។ ក្នុងជំនួបលើកដំបូងរបស់លោកBiden ជាមួយមេដឹកនាំបរទេស ចាប់តាំងពីលោកប្រកាសបោះបង់ចោលការប្រជែងតំណែងអាណត្តិថ្មីនៅឆ្នាំ២០២៤ បានកើតឡើងនៅដំណាក់កាលដ៏ផុយស្រួយ ក្នុងទំនាក់ទំនងដ៏យូរលង់នៃប្រទេសទាំង២។ដំណោះស្រាយដើម្បីបញ្ចប់សង្គ្រាមអ៊ីស្រាអែល និងក្រុមហាម៉ាស ដែលបានចាប់ផ្តើមកាលពីខែតុលា ឥឡូវនេះលប់លើកេរ្តិ៍ដំណែលរបស់លោក Biden ជាប្រធានាធិបតីមួយអាណត្តិ។ ភាពរីកចម្រើននៃការចរចាសម្រាប់បទឈប់បាញ់នៅតែមិនច្បាស់លាស់ នៅក្នុងប៉ុន្មានខែថ្មីៗនេះ ហើយលោក Biden និងក្រុមមន្ត្រីសន្តិសុខជាតិជាន់ខ្ពស់របស់លោកបានចូលរួមយ៉ាងជិតស្និទ្ធក្នុងការព្យាយាមចុះកិច្ចព្រមព្រៀងឈានទៅរកការដោះលែងចំណាប់ខ្មាំងពីដៃក្រុមហាម៉ាស៕