Category: ព័ត៌មានជាតិ
-
ឥណ្ឌា និងចិន ប្តេជ្ញាដោះស្រាយបញ្ហាព្រំដែនឱ្យបានឆាប់រហ័ស
ញូវដេលី៖ រដ្ឋមន្ត្រីការបរទេសឥណ្ឌា លោក Subrahmanyam Jaishankar និងរដ្ឋមន្ត្រីការបរទេសចិន លោក Wang Yi បានជួបពិភាក្សាគ្នានៅថ្ងៃព្រហស្បតិ៍ និងប្តេជ្ញាចិត្តដោះស្រាយបញ្ហាព្រំដែនដ៏វែងឆ្ងាយនៅតំបន់ហិម៉ាឡៃយ៉ានឱ្យបានឆាប់រហ័ស។ ការប្តេជ្ញាចិត្តនេះ ធ្វើឡើងត្រឹមតែបីសប្តាហ៍បន្ទាប់ពីកិច្ចប្រជុំចុងក្រោយរបស់ពួកគេនៅក្នុងប្រទេសកាហ្សាក់ស្ថាន ដែលបានបង្ហាញពីការប្តេជ្ញាចិត្តរបស់ភាគីទាំងពីរក្នុងការធ្វើឱ្យទំនាក់ទំនងមានភាពប្រសើរឡើង។ ជំនួបពិភាក្សានេះបានធ្វើឡើងនៅប្រទេសឡាវ ក្រៅកិច្ចប្រជុំកំពូលអាស៊ាន ដោយភាគីទាំងពីរបានព្រមព្រៀងគ្នាដោះស្រាយបញ្ហាព្រំដែន ដែលជាប្រភពនៃភាពតានតឹងរវាងប្រទេសទាំងពីរអស់រយៈពេលជាច្រើនទសវត្សរ៍មកហើយ។ ប្រទេសទាំងពីរមានព្រំប្រទល់ដ៏វែងឆ្ងាយនៅក្នុងតំបន់ហិម៉ាឡៃយ៉ាន ដែលភាគច្រើនត្រូវបានកំណត់ព្រំដែនមិនសូវល្អ ហើយទំនាក់ទំនងរវាងពួកគេមានភាពតានតឹងចាប់តាំងពីមានការប៉ះទង្គិចគ្នាដោយយោធាកាលពីខែកក្កដា ឆ្នាំ ២០២០ នៅពេលដែលទាហានឥណ្ឌាយ៉ាងហោចណាស់ ២០នាក់ និងទាហានចិន ៤នាក់ត្រូវបានសម្លាប់។ ក្រសួងការបរទេសឥណ្ឌាបានបញ្ជាក់នៅក្នុងសេចក្តីថ្លែងការណ៍មួយថា រដ្ឋមន្ត្រីការបរទេសនៃប្រទេសទាំងពីរបានឯកភាពគ្នាក្នុងការដោះស្រាយបញ្ហាព្រំដែនឱ្យបានឆាប់រហ័ស ដោយផ្តោតលើកិច្ចសហប្រតិបត្តិការ និងការសម្រេចគោលដៅរួមគ្នា៕
-
ស្ថានទូតចិន៖ អាមេរិក មិនគួរធ្វើឲ្យខូចទំនាក់ទំនងពាណិជ្ជកម្មធម្មតារវាងចិន និងរុស្ស៊ីទេ
អ្នកនាំពាក្យស្ថានទូតចិនប្រចាំសហរដ្ឋអាមេរិក បានប្រាប់សារព័ត៌មានTASS ថា ទីក្រុងវ៉ាស៊ីនតោន មិនគួរធ្វើឲ្យខូចទំនាក់ទំនងសេដ្ឋកិច្ច និងពាណិជ្ជកម្មធម្មតារវាងទីក្រុងប៉េកាំង និងទីក្រុងមូស្គូទេ។ លោក Liu Pengyu បាននិយាយថា៖«សិទ្ធិរបស់ចិនក្នុងការចូលរួមក្នុងការដោះដូរសេដ្ឋកិច្ច និងពាណិជ្ជកម្មធម្មតាជាមួយប្រទេសទាំងអស់ រួមទាំងរុស្ស៊ី ដោយឈរលើមូលដ្ឋានសមភាព និងផលប្រយោជន៍ទៅវិញទៅមក មិនគួរត្រូវបានធ្វើឲ្យប៉ះពាល់នោះទេ» ដោយបានធ្វើការអត្ថាធិប្បាយពីការលើកឡើងរបស់អ្នកការទូតអាមេរិកម្នាក់ ដែលបាននិយាយថា ទីក្រុងប៉េកាំង បានគាំទ្រដល់ប្រតិបត្តិការយោធាពិសេសរបស់ទីក្រុងមូស្គូក្នុងប្រទេសអ៊ុយក្រែន ដោយផ្តល់ជំនួយដល់ឧស្សាហកម្មការពារជាតិរុស្ស៊ី មានឥទ្ធិពលបង្កអស្ថិរភាព។ នេះបើយោងទៅតាមសហរដ្ឋអាមេរិក។ អ្នកនាំពាក្យម្នាក់ បានបន្ថែមថា ការចោទប្រកាន់របស់អាជ្ញាធរអាមេរិកអំពីការគាំទ្ររបស់ចិនដល់រោងចក្រឧស្សាហកម្មការពារជាតិរុស្ស៊ី តាមរយៈពាណិជ្ជកម្ម ពុំមានមូលដ្ឋានទេ។ លោក Liu Pengyu បានអះអាងថា៖«សហរដ្ឋអាមេរិក កំពុងបញ្ចេញសកម្មភាពផ្តល់ជំនួយសម្រាប់អ៊ុយក្រែន ខណៈពេលដែលកំពុងធ្វើការចោទប្រកាន់ដោយគ្មានមូលដ្ឋាន ប្រឆាំងនឹងការដោះដូរសេដ្ឋកិច្ច និងពាណិជ្ជកម្មធម្មតារវាងចិន និងរុស្ស៊ី។ អ្នកនាំពាក្យរូបនេះ បានចង្អុលបង្ហាញថា ប្រទេសចិន តែងតែប្រកាន់យក «គោលជំហរច្បាស់លាស់ និងយុត្តិធម៌ ដោយជំរុញយ៉ាងសកម្មឲ្យមានកិច្ចចរចាសន្តិភាព និងសម្របសម្រួលដំណោះស្រាយនយោបាយ»។ លោកបានបន្តថា៖«យើងមិនស្វែងរកផលចំណេញសម្រាប់ខ្លួនឯងទេ ដោយការជំរុញភាពតានតឹងឲ្យកាន់តែកើនឡើងនោះទេ ហើយយើងក៏មិនផ្តល់អាវុធដល់ភាគីទាំងសងខាងដែរ»។
-
ប៉ាឡេស្ទីន ជំរុញរដ្ឋបាលនិងសភាអាមេរិក ឲ្យដាក់សម្ពាធអ៊ីស្រាអែលឲ្យបញ្ឈប់សង្គ្រាមនៅតំបន់ហ្កាហ្សា
ទីភ្នាក់ងារព័ត៌មានផ្លូវការប៉ាឡេស្ទីន WAFA បានរាយការណ៍ថា ប៉ាឡេស្ទីនកាលពីថ្ងៃពុធ បានជំរុញឲ្យរដ្ឋបាល និងសភាសហរដ្ឋអាមេរិក ដាក់សម្ពាធលើនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) ឲ្យបញ្ឈប់ជម្លោះដែលកំពុងបន្ត នៅក្នុងតំបន់ហ្កាហ្សាស្ទ្រីប។ អ្នកនាំពាក្យប្រធានអាជ្ញាធរប៉ាឡេស្ទីន លោក Nabil Abu Rudeineh បាននិយាយនៅក្នុងសេចក្តីថ្លែងការណ៍មួយថា វាដល់ពេលសម្រាប់រដ្ឋបាល និងសភាអាមេរិក ដើម្បីប្រាប់លោក ណេតាន់យ៉ាហ៊ូថា៖«គាត់ត្រូវតែបញ្ឈប់សង្គ្រាមជាបន្ទាន់ ប្រសិនបើមានឆន្ទៈរបស់អាមេរិកពិតប្រាកដ ដើម្បីសម្រេចបានសន្តិភាព និងស្ថិរភាព នៅក្នុងតំបន់នេះ»។ សេចក្តីថ្លែងការណ៍នោះ បាននិយាយថា៖«មានឱកាសមានកំណត់ ទោះបីវានៅសល់រយៈពេលខ្លីក៏ដោយ គឺវាអាស្រ័យលើរដ្ឋបាល និងសភារបស់សហរដ្ឋអាមេរិក ក្នុងការចាប់យកវា ដើម្បីបញ្ឈប់ សង្រ្គាម»។ លោក Abu Rudeineh បានបន្ថែមថា ភាគីអាមេរិក ត្រូវតែដឹងថា ការគាំទ្ររបស់ខ្លួនសម្រាប់អ៊ីស្រាអែល ការផ្តល់អាវុធ និងប្រាក់ និងការប្រឆាំងនឹងភាពស្របច្បាប់អន្តរជាតិ ធ្វើឲ្យខ្លួនទទួលខុសត្រូវចំពោះ«ឧក្រិ ដ្ឋកម្ម» ដែលបានប្រព្រឹត្តទៅលើប្រជាជនប៉ាឡេស្ទីន។ លោក ណេតាន់យ៉ាហ៊ូ បានថ្លែងសុន្ទរកថានៅសភាអាមេរិក កាលពីថ្ងៃពុធ។ លោកបាននិយាយថា ខ្លួននឹងប្រឹងប្រែងស្វែងរក«ការគាំទ្រពីគណបក្សទាំងពីរ»…
-
ផ្លូវដែកថ្មី រវាងភ្នំពេញ-ប៉ោយប៉ែត គ្រោងនឹងដាក់ឲ្យដំណើរការឆាប់ៗខាងមុខនេះ
ភ្នំពេញ៖ មន្រ្តីជាន់ខ្ពស់នៃកម្ពុជា បានបញ្ជាក់ឲ្យដឹងថា នៅពេលខាងមុខឆាប់ៗនេះ រថភ្លើងជប៉ុនលើផ្លូវភាគខាងជើង រហូតដល់ក្រុងប៉ោយប៉ែត ខេត្តបន្ទាយមានជ័យ (ព្រំដែនកម្ពុជា-ថៃ) គ្រោងនឹងដាក់ឲ្យដំណើរការជាផ្លូវការ ខណៈក្រុមហ៊ុន រ៉ូយ៉ាល់ រេលវេ (Royal Railway Cambodia-RRC)) បានកំពុងដំណើរការបើកសាកល្បងជាមុនសិន ដើម្បីឲ្យប្រាកដថា អ្នកដំណើរនឹងមានសុវត្ថិភាពនៅពេលជិះ។ ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន នៅរសៀលថ្ងៃទី២៥ ខែកក្កដា ឆ្នាំ២០២៤នេះ បានមានប្រសាសន៍ប្រាប់ព័ត៌មាន ប៊ីធីវី ឲ្យដឹងថា ពេលនេះក្រុមហ៊ុនបានដំណើរការបើកសាកល្បងខ្សែរថភ្លើង Kiha183-182 លើផ្លូវដែកទិសខាងជើង(ភ្នំពេញ-ប៉ោយប៉ែត) ចំនួន៤ទូ មានដូចជាប្រភេទ Kiha183-4559 , Kiha182-7561 , Kiha182-7552 និង Kiha182-4558។ ឯកឧត្តម បានបញ្ជាក់បន្ថែមថា ដំណើរការបើកសាកល្បងរថភ្លើងជប៉ុនលើផ្លូវភាគខាងជើងនេះ គឺដើម្បីពិនិត្យមើលផ្លូវដែកសម្រាប់អ្នកដំណើរ និងជាសារប្រាប់ទៅដល់អ្នកដំណើរ ពីការដំណើរការឡើងវិញ ខ្សែរថភ្លើងសម្រាប់អ្នកដំណើរ (ភ្នំពេញ-ប៉ោយប៉ែត) បន្ទាប់ពីផ្អាកអស់រយៈពេលវែង ដើម្បីឱ្យក្រុមការងារបច្ចេកត្រួតពិនិត្យ និងសិក្សាលម្អិតរួមគ្នា លើដំណើរការកែប្រព័ន្ធជើងក្រោម ទ្វារចេញ-ចូល ម៉ាស៊ីនត្រជាក់…
-
ប្រធាន FBI៖ ខ្មាន់កាំភ្លើងបានបង្ហោះដ្រូនពីលើទីតាំងព្រិត្តិការណ៍របស់លោក Trump មុនការបាញ់ប្រហារ
នាយកអង្គភាព FBI បាននិយាយកាលពីថ្ងៃពុធ (២៤ កក្កដា) ថា ខ្មាន់កាំភ្លើងវ័យ ២០ឆ្នាំដែលប៉ុនប៉ងធ្វើឃាតលោក Donald Trump នៅឯការប្រមូលផ្តុំយុទ្ធនាការមួយ បានបង្ហោះដ្រូនពីលើទីតាំងនោះប្រហែល ២ម៉ោងមុនពេលលោក Trump ចាប់ផ្តើមថ្លែង។ ប្រធាន FBI លោក គ្រីស្តូហ្វឺ រ៉េ (Christopher Wray) ដែលផ្តល់សក្ខីកម្មនៅចំពោះមុខគណៈកម្មាធិការសភា ក៏បាននិយាយផងដែរថា ការស៊ើបអង្កេតលើការបាញ់ប្រហារកាលពីថ្ងៃទី១៣ កក្កដា នោះមិនទាន់បង្ហាញពីហេតុផលជំរុញរបស់ខ្មាន់កាំភ្លើងនៅឡើយទេ។ ខ្មាន់កាំភ្លើង ថូម៉ាស ម៉ាត់ស៊ូ ឃ្រុកស៍ (Thomas Matthew Crooks) បានបើកការបាញ់ប្រហារលើលោក Trump ភ្លាមៗបន្ទាប់ពីម៉ោង ៦:០០ល្ងាច (ម៉ោងក្នុងស្រុក) ក្នុងព្រឹត្តិការណ៍យុទ្ធនាការមួយនៅទីក្រុង បាត់ល័រ (Butler) រដ្ឋ ផិនស៊ីលវេនៀ (Pennsylvania)។ បន្ទាប់មកខ្មាន់កាំភ្លើងនោះត្រូវបាញ់សម្លាប់ដោយអ្នកលបបាញ់ស៊ីបរបស់សេវាសម្ងាត់តិចជាង ៣០វិនាទីបន្ទាប់ពីបាញ់បានគ្រាប់ដំបូង។ លោក Wray បាននិយាយថា ជនសង្ស័យ Crooks បានបង្ហោះដ្រូនពីលើទីតាំងព្រឹត្តិការណ៍នោះប្រហែល ១១នាទី –…
-
លោក Trump វាយប្រហារលោកស្រី Harris លើបញ្ហាអន្តោប្រវេសន៍របស់សហរដ្ឋអាមេរិក
បេក្ខជនប្រធានាធិបតីនៃគណបក្សសាធារណរដ្ឋ លោក ដូណាល់ ត្រាំ (Donald Trump) កាលពីថ្ងៃពុធ (២៤ កក្កដា) បានវាយប្រហារគូប្រជែងខាងបក្សប្រជាធិបតេយ្យថ្មីរបស់ខ្លួនគឺលោកស្រី កាម៉ាឡា ហារីស (Kamala Harris) ថាជា «កម្លាំងជំរុញសេរីនិយមជ្រុល» ដែលគួរតែទទួលខុសត្រូវចំពោះគោលនយោបាយរបស់រដ្ឋបាលលោក ចូ បៃដិន (Joe Biden) ស្តីពីអន្តោប្រវេសន៍។ លោក Trump បានថ្លែងទៅកាន់ការជួបជុំយុទ្ធនាការបោះឆ្នោតនៅរដ្ឋ ណស ខារ៉ូឡាញណា (North Carolina) បីថ្ងៃបន្ទាប់ពីលោកប្រធានាធិបតី Biden បានដកខ្លួនហើយគាំទ្រលោកស្រីអនុប្រធានាធិបតី Harris ដែលបានអូសទាញការគាំទ្រយ៉ាងទូលំទូលាយនៅទូទាំងបក្សប្រជាធិបតេយ្យ។ លោក Trump បានព្យាយាមបំបែកសន្ទុះងើបឡើងរបស់លោកស្រីនៅក្នុងសុន្ទរកថាដ៏កម្រោលនៅឯការជួបជុំនោះ ដែលជាលើកដំបូងរបស់លោកចាប់តាំងពីការលេចឡើងរបស់លោកស្រី Harris បានផ្លាស់ប្តូរការប្រជែងតំណែងសេតវិមាន។ លោក Trump និយាយថា «Harris ជាមនុស្សឆ្កួតវង្វេងឆ្វេងនិយមជ្រុលដែលនឹងបំផ្លាញសហរដ្ឋអាមេរិក ប្រសិនបើលោកស្រីបានជាប់ឆ្នោត”។ លោកបន្តថា « Harris បានបើកព្រំដែនដែលអនុញ្ញាតឱ្យជនបរទេសខុសច្បាប់ ២០លាននាក់ប្រជ្រៀតគ្នាចូលអាមេរិក» ដោយបន្ថែមថា លោកនឹងបញ្ចប់រាល់គោលនយោបាយព្រំដែនបើកចំហររបស់រដ្ឋបាល Biden-Harris។ លោកស្រី…