Category: ព័ត៌មានជាតិ
-
[UPDATE] ចំនួនអ្នកស្លាប់ដោយសារទឹកជំនន់នៅរដ្ឋអាសាមប្រទេសឥណ្ឌា ឡើងដល់៧៨នាក់
សារព័ត៌មាន PTI របស់ឥណ្ឌា បានរាយការណ៍ថា មនុស្ស ៨នាក់ទៀតបានស្លាប់នៅក្នុងរដ្ឋអាសាម (Assam) ខណៈស្ថានភាពទឹកជំនន់នៅរដ្ឋភាគឦសាននៅតែធ្ងន់ធ្ងរនៅឡើយ ទន្ទឹមនឹងនេះដែរ ចំនួនអ្នកស្លាប់នៅក្នុងគ្រោះទឹកជំនន់ បំណាក់ដី និងព្យុះក្នុងរដ្ឋមួយនេះ នៅឆ្នាំនេះ បានកើនឡើងដល់ ៧៨ នាក់ ។ ភ្លៀងធ្លាក់ខ្លាំងបានជន់លិចផ្លូវថ្នល់ និងផ្លូវរថភ្លើងកាលពីថ្ងៃចន្ទ ទី៨ កក្កដា នៅក្នុងរដ្ឋធានីហិរញ្ញវត្ថុ ម៉ុមបៃរបស់ប្រទេសឥណ្ឌា ដោយជំរុញឱ្យអាជ្ញាធរបិទសាលារៀន និងមហាវិទ្យាល័យមួយចំនួន ខណៈទឹកជន់លិចច្រាំងទន្លេនៅរដ្ឋអាសាមភាគឦសាន បានប៉ះពាល់មនុស្សជាង ២លាននាក់។ ប្រជាជនសរុបចំនួន ២២.៧៤.២៨៩ នាក់ នៅក្នុងស្រុកចំនួន ២៨ នៃរដ្ឋនេះ បាននិងកំពុងប្រឈម នឹងផលប៉ះពាល់ដោយសារជំនន់ទឹកភ្លៀង។ ឌូប្រ៊ី (Dhubri) គឺជាស្រុកដែលរងគ្រោះខ្លាំងជាងគេ ដោយមានប្រជាពលរដ្ឋ ចំនួន ៧.៥៤.៧៩១ នាក់ បានប្រឈមការរំខានដោយសារទឹកជំនន់។ ទឹកជន់លិចផ្លូវ ១៧២ ខ្សែ ស្ពាន ៦ ខ្សែ និងទំនប់ទឹក ៨ កន្លែង ក្នុងរយៈពេល ២៤…
-
សត្វព្រៃដ៏កម្រ មានវត្តមាននៅក្នុងតំបន់ការពារទេសភាពនៃខេត្តស្ទឹងត្រែង
សត្វខ្ទីង ទន្សោង ដែលជាប្រភេទសត្វកម្រពេលនេះត្រូវបានក្រុមអភិរក្ស នៃមន្ទីរបរិស្ថានខេត្តបានប្រទះឃើញតាមប្រព័ន្ធកាម៉េរ៉ា កំពុងមានវត្តមានរស់នៅក្នុងតំបន់ការពារទេសដែលគ្រប់គ្រងដោយបរិស្ថាន។ លោក ឈួន ឆន អនុប្រធានការិយាល័យ តំបន់រ៉ាមសារ បានឱ្យដឹងថា ហ្វូងសត្វព្រៃជាច្រើនប្រភេទកំពុងតែរស់នៅក្នុងតំបន់ការពារដោយបរិស្ថាន ដោយគ្របលើព្រៃសហគមន៍ប្រជុំមិត្ត សហគមន៍ជាំពេជ្រ សហគមន៍ក្រឡាពាស សហគមន៍អូរស្វាយ និងតំបន់ភ្នំរមៀតជាដើម ហើយក្នុងចំណោមសត្វព្រៃទាំងនោះ ក្រុមការងារបានសហការជាមួយ គណៈកម្មការសហគមន៍ព្រៃឈើ (ប្រជុំមិត្ត)ឃុំ សំអាង ចុះល្បាត ត្រួតពិនិត្យ ក្នុងដែនអភិរក្សក៏បានជួបដានសត្វទន្សោង មួយហ្វូង ប្រហែល ៥ ទៅ ៦ ក្បាល ដែលប្រភេទសត្វជាប្រភេទកម្រ។ លោកបន្ដថា បន្ទាប់ពីឃើញដានជើងហើយ ក្រុមកាងារក៏បានតាមដានទៅមើលកាមេរ៉ាថតសត្វ ដែលសហគមន៍ ដែលបានបំពាក់ក្នុងព្រៃ ហើយក៏បានឮសំលេងសត្វទន្សោង មួយហ្វូងផ្អើល រត់ក្នុងព្រៃផងដែរ ជានច្រើន។ លោកបន្ថែមឲ្យដឹងទៀតថា យោងតាមការផ្ដល់ព័ត៌មាន ពីគណ:កម្មការសហគមន៍ ក្នុងព្រៃខាងលើនេះ ពពួកសត្វព្រៃដែលមានវត្តមាន ដូចជា សត្វខ្ទីង.ទន្សោង.ឈ្លូស ជ្រូកព្រៃ ហើយសហគមន៍បានបំពាក់កាមេរ៉ា ថតសត្វ ៥គ្រឿង ដើម្បីតាមដានសកម្មភពហ្វូងសត្វទាំងនោះដែរ។ សូមបញ្ជាក់ថាក្នុងដែនសហគមន៍ព្រៃឈើប្រជុំមិត្តមានទំហំផ្ទៃដីចំនួន៣២៥៣ហិកតាស្ថិតនៅភូមិសំអាង ឃុំសំអាង…
-
ឧទ្យានជាតិ Death Valley មើលឃើញសីតុណ្ហភាពហក់ឡើងខ្ពស់ ខណៈកម្តៅក្តៅខ្លាំងនៅភាគខាងលិចអាមេរិក
ឧទ្យានជាតិ Death Valley នៅតាមបណ្តោយព្រំដែនរដ្ឋកាលីហ្វ័រញ៉ា-រដ្ឋណេវ៉ាដា កំពុងបង្ហាញឱ្យឃើញជាថ្មីម្តងទៀតថាតំបន់ទាក់ទាញទេសចរណ៍មួយនេះ ត្រូវបានព្យាករណ៍ថា នឹងក្លាយជាទីកន្លែងក្តៅបំផុត នៅលើផែនដីក្នុងរយៈពេលប៉ុន្មានថ្ងៃខាងមុខនេះ។ អង្គភាពសេវាអាកាសធាតុជាតិ បានចេញការព្រមានអំពីកម្តៅ។ ពួកគេនិយាយថា សីតុណ្ហភាព ដែលយើងកំពុងមើលឃើញ នឹងទំនងជាប្រឈមទៅនឹងកំណត់ត្រាកម្តៅហក់ឡើងខ្ពស់។ អង្គភាពសេវាអាកាសធាតុជាតិ បានព្រមានពីកម្រិតខ្ពស់ជិត១៣០ អង្សាហ្វារិនហៃ រហូតដល់ថ្ងៃសុក្រ។ នៅសប្តាហ៍ខាងមុខនេះ យើងនឹងមើលឃើញការព្យាករណ៍១៣០អង្សាហ្វារិនហៃ ដូច្នេះប្រសិនបើវាហក់ឡើងដល់១៣០អង្សាហ្វារិនហៃ នៅសប្តាហ៍ខាងមុខនេះ នោះនឹងបង្កើតកំណត់ត្រាថ្មី ហើយជាថ្មីម្តងទៀត នេះនឹងជាសីតុណ្ហភាពក្តៅបំផុត ដែលនឹងត្រូវបានកត់ត្រា។ ទីភ្នាក់ងារ បាននិយាយថា ប្រជាជនប្រហែល៣៦លាននាក់ ប្រហែល១០ភាគរយរបស់ប្រទេស ស្ថិតនៅក្រោមការព្រមានអំពីកម្តៅក្តៅខ្លាំង ។ ការស្រាវជ្រាវបង្ហាញថា បម្រែបម្រួលអាកាសធាតុជំរុញដោយឥន្ធនៈហ្វូស៊ីល កំពុងបង្កើនរលកកម្តៅក្តៅខ្លាំងនៅទូទាំងពិភពលោក ហើយនឹងនាំយកអាកាសធាតុដ៏គ្រោះថ្នាក់ សម្រាប់ទសវត្សរ៍ខាងមុខ។
-
ពលរដ្ឋប៉ាឡេស្ទីន រត់គេចពីការប្រយុទ្ធ ខណៈអ្នកសម្រុះសម្រួលជំរុញកិច្ចព្រមព្រៀងបទឈប់បាញ់
ពលរដ្ឋប៉ាឡេស្ទីន បានរត់ភៀសខ្លួនចេញពីការប្រយុទ្ធគ្នាខ្លាំងនៅទីក្រុងហ្កាហ្សា ខណៈយោធាអ៊ីស្រាអែល បានពង្រីកបទបញ្ជាជម្លៀសខ្លួន រយៈពេល៩ខែក្នុងសង្រ្គាមរបស់ខ្លួនជាមួយក្រុមសកម្មប្រយុទ្ធហាម៉ាស។ យោងតាមមន្ត្រីបាននិយាយឲ្យដឹងថា ខណៈការប្រយុទ្ធគ្នាកាន់តែខ្លាំងឡើង ក្រុមហាម៉ាស និងអ៊ីស្រាអែល បានដាក់ការទាមទាររបស់ពួកគេសម្រាប់កិច្ចចរចាបទឈប់បាញ់ ខណៈអ្នកសម្រុះសម្រួលមកពីប្រទេសអេហ្ស៊ីប និងកាតា កំណត់ពេល ដើម្បីរៀបចំកិច្ចប្រជុំថ្មី ក្នុងសប្តាហ៍នេះ។ យោងតាមទីភ្នាក់ងារការពារជនស៊ីវិល នៅក្នុងទឹកដីគ្រប់គ្រងដោយក្រុមហាម៉ាស បានឲ្យដឹងថា ទាហាន និងរថក្រោះរបស់អ៊ីស្រាអែល បានរុលចូលទៅក្នុងផ្នែកខ្លះនៅទីក្រុងហ្កាហ្សា នៅភាគខាងជើងទឹកដីដែលត្រូវបានហ៊ុមព័ទ្ធ ហើយបានប្រយុទ្ធជាមួយក្រុមសកម្មប្រយុទ្ធប៉ាឡេស្ទីន។ មនុស្សរាប់ពាន់នាក់កំពុងបន្តភៀសខ្លួនម្តងទៀត។ អ្នកនាំពាក្យកងទ័ពអ៊ីស្រាអែលម្នាក់ បាននិយាយនៅលើបណ្តាញផ្សព្វផ្សាយសង្គមថា យោធាអ៊ីស្រាអែល បានអំពាវនាវឱ្យពលរដ្ឋប៉ាឡេស្ទីន ចាកចេញពីផ្នែកមួយចំនួននៅភាគខាងលិចទីក្រុងហ្កាហ្សា( Gaza City) ដោយបានពង្រីកតំបន់ជម្លៀសខ្លួននៅក្នុងទីក្រុងធំបំផុតរបស់ដែនដីនេះ ដោយមានបទបញ្ជាមិនដល់២សប្តាហ៍ ។ នៅកន្លែងផ្សេងទៀតក្នុងតំបន់ហ្កាហ្សា រូបភាពរបស់ប្រព័ន្ធផ្សព្វផ្សាយ AFPTV បានបង្ហាញសមាជិកអឌ្ឍចន្ទក្រហមប៉ាឡេស្ទីន យកសាកសពចេញពីគំនរបាក់បែក បន្ទាប់ពីការវាយប្រហារនៅស្រុក Jabalia តំបន់ហ្កហ្សា។ យោធាអ៊ីស្រាអែល បានរាយការណ៍ថា ការវាយប្រហារបានដាក់ទៅលើគោលដៅជាច្រើនកន្លែង នៅក្នុងទីក្រុង Rafah និងទីក្រុង Khan Yunis ភាគខាងត្បូងតំបន់ហ្កហ្សា។
-
ប្រទេសចិន និងបេឡារុស ចាប់ផ្តើមធ្វើសមយុទ្ធយោធារួមគ្នានៅជិតព្រំដែនប៉ូឡូញ
ក្រសួងការពារជាតិបេឡារុស និងចិន បាននិយាយថា ប្រទេសទាំងពីរបានចាប់ផ្តើមធ្វើសមយុទ្ធយោធារួមគ្នាកាលពីថ្ងៃចន្ទ (០៨ កក្កដា) នៅចម្ងាយប៉ុន្មានគីឡូម៉ែត្រប៉ុណ្ណោះពីព្រំដែននៃប្រទេសប៉ូឡូញ ដែលជាសមាជិកអង្គការណាតូ ហើយសមយុទ្ធនោះចាប់ផ្តើមនៅមុនកិច្ចប្រជុំកំពូលនៃសម្ព័ន្ធយោធាមួយនេះ។ លោកឧត្តមសេនីយ វ៉ាឌីម ដេនីសិនកូ (Vadim Denisenko) ប្រធានបញ្ជាការប្រតិបត្តិការពិសេសរបស់បេឡារុស ត្រូវបានដកស្រង់សម្តីដោយក្រសួងការពារជាតិបេឡារុស នៅក្នុងបណ្ដាញតេលេក្រាមថា «ព្រឹត្តិការណ៍ដែលកើតឡើងនៅលើពិភពលោកគឺគួរឱ្យព្រួយបារម្ភណាស់ ហើយស្ថានភាពមិនសូវស្រួលនោះទេ ដូច្នេះយើងនឹងអនុវត្តទម្រង់ថ្មី និងវិធីសាស្រ្តក្នុងការអនុវត្តសមយុទ្ធតាកទិក»។ ក្រសួងបាននិយាយថា សមយុទ្ធដែលមានឈ្មោះថា «សមយុទ្ធវាយប្រហារ» (Falcon Assault) នឹងដំណើរការរហូតដល់ថ្ងៃទី១៩ ខែកក្កដា ហើយកំពុងធ្វើឡើងនៅទីលានហ្វឹកហាត់មួយនៅជិតទីក្រុង ប្រេស (Brest) នៅភាគនិរតីបេឡារុស ស្ថិតនៅជាប់ព្រំដែនជាមួយប៉ូឡូញ។ ក្រសួងការពារជាតិចិន បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា បេឡារុសបានរៀបចំ «ពិធីស្វាគមន៍ដ៏ធំ» សម្រាប់កងទ័ពចិនដែលទៅដល់បេឡារុស កាលពីថ្ងៃទី០៦ ខែកក្កដា។ ក្រសួងបាននិយាយថា «ការហ្វឹកហ្វឺនរួមគ្នានេះមានគោលបំណងបង្កើនសមត្ថភាពសម្របសម្រួលនៃកងទ័ពដែលចូលរួម និងធ្វើឱ្យស៊ីជម្រៅនូវកិច្ចសហប្រតិបត្តិការជាក់ស្តែងរវាងកងទ័ពទាំងពីរ»៕
-
ឯកអគ្គរដ្ឋទូតហ្វីលីពីន ប្ដេជ្ញាពង្រីកកិច្ចសហការលើវីស័យពាណិជ្ជកម្ម វិនិយោគ អប់រំ សុខាភិបាល និងទំនាក់ទំនងយោធាជាមួយកម្ពុជា
ក្នុងឱកាសសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា អនុញ្ញាតឱ្យចូលជួបសម្ដែងការគួរសមនៅព្រឹកថ្ងៃទី៨ ខែកក្កដា ឆ្នាំ ២០២៤នេះ លោកជំទាវ ផ្លេរីដា អែន ខាំមែល ភីម៉ាយយូ (Flerida Ann Camille P. Mayo) ឯកអគ្គរដ្ឋទូតហ្វីលីពីនប្រចាំកម្ពុជា បានជម្រាបជូនសម្ដេចតេជោថា លោកជំទាវនឹងខិតខំពង្រីកកិច្ចសហប្រតិបត្តិការលើវិស័យពាណិជ្ជកម្ម វិនិយោគ អប់រំ សុខាភិបាល និងទំនាក់ទំនងយោធា។ ក្នុងឱកាសជំនួបនេះសម្ដេចតេជោ ប្រធានព្រឹទ្ធសភា បានសម្តែងការស្វាគមន៍ និងអបអរសាទរយ៉ាងកក់ក្តៅជូនដល់លោកជំទាវអគ្គរដ្ឋទូត ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសហ្វីលីពីន ប្រចាំកម្ពុជា។ សម្តេចតេជោមានជំនឿថា លោកជំទាវអគ្គរដ្ឋទូត នឹងខិតខំបន្តបេសកកម្មពង្រឹង ចំណងមិត្តភាពកម្ពុជា-ហ្វីលីពីន និងកិច្ចសហប្រតិបត្តិការដែលមានស្រាប់ឱ្យកាន់តែល្អប្រសើរថែមទៀត និងជាពិសេស កិច្ចសហប្រតិបត្តិការនៅក្នុងក្របខណ្ឌគ្រួសារអាស៊ាន ដើម្បីចូលរួមថែរក្សាសន្តិភាព និងដោះស្រាយបញ្ហាប្រឈមនៅក្នុងតំបន់អាស៊ាន។ នៅក្នុងជំនួបនេះ លោកជំទាវអគ្គរដ្ឋទូតហ្វីលីពីន បានថ្លែងអំណរគុណយ៉ាងស្មោះស្ម័គ្រចំពោះសម្តេចតេជោ និងចាត់ទុកថានេះជាកិត្តិយសដ៏ធំធេង ដែលសម្តេចបានអនុញ្ញាតឱ្យលោកជំទាវ បានគោរពជួបសម្តែងការគួរសម ក្រោយពីលោកជំទាវបានថ្វាយសារតាំងចំពោះព្រះករុណាព្រះមហាក្សត្រ រួចមក។ លោកជំទាវ ក៏បានពាំនាំនូវសេចក្តីអំណរគុណរបស់ឯកឧត្តមប្រធានព្រឹទ្ធសភាហ្វីលីពីន ឆ្លើយតបនឹងលិខិតអបអរសាទរយ៉ាងកក់ក្តៅរបស់ សម្តេចតេជោក្នុងឱកាសដែល ឯកឧត្តម ទើបបានជាប់ឆ្នោតជាប្រធានព្រឹទ្ធសភា។…
-
កម្មវិធីទូរសព្ទដៃ “ទូរសិក្សា-Duraseksa” និងគេហទំព័រ www.duraseksa.gov.kh ត្រូវបានកែលម្អរ និងដាក់ឱ្យប្រើប្រាស់
មជ្ឈមណ្ឌលសម្រាប់ការអប់រំឌីជីថលនិងការអប់រំពីចម្ងាយ នៃក្រសួងអប់រំ យុវជន និងកីឡា បានធ្វើបច្ចុប្បន្នកម្មលើកម្មវិធីទូរសព្ទដៃ “ទូរសិក្សា-Duraseksa” និងគេហទំព័រ www.duraseksa.gov.kh។ កម្មវិធីទូរស័ព្ទដៃ និងគេហទំព័រនេះ ជាបណ្តុំមាតិកាឌីជីថល សម្រាប់ការគាំទ្រដល់ការរៀនស៊ីជម្រៅ ការបង្រៀនពីចម្ងាយ ការផ្សព្វផ្សាយសៀវភៅសិក្សា ការពង្រឹងសមត្ថភាពអំណាន ការបំប៉នសមត្ថភាពត្រៀមប្រឡងបាក់ឌុប ការពង្រីកចំណាប់អារម្មណ៍លើវិទ្យាសាស្រ្តនិងបច្ចេកវិទ្យា ការធ្វើតេស្តសមត្ថភាព និង ការអនុវត្តក្នុងបន្ទប់ពិសោធន៍វិទ្យាសាស្រ្ត។ ឯកឧត្តម សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា បានគូសបញ្ជាក់ថា កម្មវិធីទូរសព្ទដៃ “ទូរសិក្សា-Duraseksa” និងគេហទំព័រ www.duraseksa.gov.kh គឺជាវេទិកាឌីជីថលមួយ ក្នុងចំណោមវេទិកាឌីជីថលដទៃទៀតរបស់ក្រសួងអប់រំ។ កម្មវិធីនិងគេហទំព័រនេះ ប្រមូលផ្តុំមាតិកាឌីជីថលពេញលេញ និងសម្បូរបែប ដោយមានវីដេអូ សន្លឹកកិច្ចការ និងសៀវភៅអនុវត្តគ្រប់កម្រិតថ្នាក់ គ្រប់មុខវិជ្ជា ហើយគ្រប់មេរៀន ដែលផ្តោតគោលដៅលើការពង្រឹងតួនាទីគ្រូក្នុងការតម្រង់ទិសការសិក្សារបស់សិស្ស ក្នុងបរិបទនៃការអប់រំឌីជីថល។ លក្ខណៈពិសេសនៃវេទិកាឌីជីថលនេះ គឺផ្តោតលើការលើកកម្ពស់តួនាទីគ្រូកាន់តែប្រសើរជាងមុន ក្នុងការពន្យល់ណែនាំសិស្ស ឱ្យទទួលបានបទពិសោធន៍ពីការសិក្សាកាន់តែពេញលេញ និងទទួលបានលទ្ធផលនៃការសិក្សាកាន់តែប្រសើរ។ ក្នុងរយៈពេល៣ឆ្នាំចុងក្រោយនេះ មជ្ឈមណ្ឌលសម្រាប់ការអប់រំឌីជីថលនិងការអប់រំពីចម្ងាយ នៃក្រសួងអប់រំ យុវជន និងកីឡា បានវិភាគទិន្នន័យស្តីពីចំណង់ចំណូលចិត្ត និងបែបផែន…