Category: ព័ត៌មានជាតិ​

បាងកក ៖ ប្រទេសថៃ គ្រោងនឹងរៀបចំការបោះឆ្នោតនៅថ្ងៃទី ៨ ខែកុម្ភៈ ឆ្នាំ២០២៦ បន្ទាប់ពីនាយករដ្ឋមន្ត្រីលោក Anutin Charnvirakul ទទួលការយល់ព្រមពីព្រះមហាក្សត្រ ដើម្បីរំលាយសភា កាលពីសប្តាហ៍មុន ។ តាមច្បាប់ ការបោះឆ្នោត ត្រូវតែធ្វើឡើង ក្នុងរយៈពេល ៤៥ ទៅ ៦០ ថ្ងៃ បន្ទាប់ពីសភាត្រូវបានរំលាយ ។ បើតាមការស្ទង់ របស់វិទ្យាស្ថានជាតិអភិវឌ្ឍន៍ជាតិនៅខែធ្នូនេះបានឲ្យដឹងថា នៅមុនការបោះឆ្នោតមកដល់ ប្រជាប្រិយភាព របស់នាយករដ្ឋមន្ត្រីចាំផ្ទះថៃ Anutin Charnvirakul បានស្រុតចុះជាគំហុក ដោយបានចាញ់ប្រជាប្រិយភាពរបស់មេដឹកនាំបក្សប្រឆាំងលោក Natthaphong ទៅទៀត ។ ការស្ទង់មតិបង្ហាញថា លោក Anutin ទទួលបានសំឡេងគាំទ្រឲ្យឈ្នះឆ្នោតចំនួន ២០.៤៤ ភាគរយប៉ុណ្ណោះ ខណៈលោក Natthaphong មានសំឡេងគាំទ្ររហូតដល់ ២២.៨ ភាគរយឯណោះ ។ សារព័ត៌មាន straits times រាយការណ៍ថា ការធ្លាក់ចុះប្រជាប្រិយភាពនេះ គឺដោយសារតែលោក Anutin…

សេអ៊ូល ៖ ភ្លើងសង្គ្រាមនៅលើឧបទ្វីកូរ៉េហៀបនឹងផ្ទុះឡើង ដោយសារតែថ្វីដៃរបស់អតីតប្រធានាធិបតីកូរ៉េខាងត្បូង លោក Yoon Suk Yeol ដែលបានព្យាយាមដុតបញ្ឆេះជម្លោះជាមួយកូរ៉េខាងជើង ដើម្បីបង្ហាញពីភាពត្រឹមត្រូវជុំវិញការប្រកាសប្រើច្បាប់អាជ្ញាសឹកកាលពីខែធ្នូ ឆ្នាំ២០២៤ និងការកម្ចាត់គូប្រជែងនយោបាយរបស់លោក ។ នេះបើតាមការចោទប្រកាន់របស់រដ្ឋអាជ្ញាពិសេសកូរ៉េខាងត្បូង ។ រដ្ឋអាជ្ញាពិសេសកូរ៉េខាងត្បូង លោក Cho Eun-seok និយាយថា ក្រុមការងាររបស់លោកបានចោទប្រកាន់មនុស្សចំនួន ២៤នាក់ ក្នុងនោះរួមមានលោក Yoon និងមន្ត្រីចំនួន ៥រូបនៃអតីតគណៈរដ្ឋមន្ត្រីរបស់លោក ពីបទជាប់ពាក់ព័ន្ធ អំឡុងពេលនៃការស៊ើបអង្កេតរយៈពេល ៦ខែ ជុំវិញការចោទប្រកាន់ពីបទបះបោរ ។ បើតាមការលើកឡើងរបស់លោករដ្ឋអាជ្ញា Cho, ក្រុមការងាររបស់គាត់បានបញ្ជាក់ពីគម្រោងធំមួយ ដែលត្រូវបានចោទប្រកាន់ថា លោកអតីតប្រធានាធិបតី Yoon ជាមេក្លោង បង្កើតលេសឱ្យសមស្របតាមការប្រកាសច្បាប់អាជ្ញាសឹក ដោយពួកគេបានព្យាយាមជំរុញឱ្យកូរ៉េខាងជើងបង្កការឈ្លានពានដោយអាវុធ ប៉ុន្តែត្រូវបរាជ័យ ខណៈទីក្រុងព្យុងយ៉ាងមិនបានឆ្លើយតបផ្នែកយោធាណាមួយឡើយ ។ យោងតាម The Straits Times, បច្ចុប្បន្ន លោក Yoon កំពុងជាប់ទោសពីបទបះបោរ ដែលបទចោទនេះ អាចត្រូវផ្ដន្ទាទោសដាក់ពន្ធនាគារអស់មួយជីវិត ឬអាចមានទោសប្រហារជីវិត ។…

កង់បេរ៉ា ៖ ចាប់ពីពេលនេះតទៅ មានតែពលរដ្ឋសញ្ជាតិអូស្រ្តាលីប៉ុណ្ណោះ ទើបអាចមានសិទ្ធិទទួលបានអាជ្ញាប័ណ្ណកាន់កាប់អាវុធបាន នេះបើតាមយោងច្បាប់គ្រប់គ្រងអាវុធដ៏រឹងតឹង ដែលកំពុងលើកមកពិចារណា ដើម្បីអនុម័តដោយរដ្ឋ និងដែនដីនានារបស់ប្រទេសអូស្រ្តាលី ក្រោយមានករណីបាញ់សម្លាប់មនុស្សកើនឡើងដល់ ១៦នាក់ និងមិនធ្លាប់មានចាប់តាំងពីឆ្នាំ ១៩៩៦ ។ ឆ្លើយតបសោកនាដកម្មនេះ លោកនាយករដ្ឋមន្ត្រីអូស្រ្តាលី Anthony Albanese បានកោះប្រជុំគណៈរដ្ឋមន្ត្រីរបស់គាត់ជាបន្ទាន់ នៅរសៀលថ្ងៃចន្ទនេះ ដោយលោកនាយករដ្ឋមន្ត្រី និងរដ្ឋមន្ត្រីបានឯកភាពគ្នា ក្នុងការជំរុញពិនិត្យឡើងវិញនូវច្បាប់កាន់កាប់អាវុធរបស់ប្រទេស ។ បើតាម abc news, ការពន្លឿនការចុះបញ្ជីអាវុធជាតិ ការកំណត់ចំនួនកាំភ្លើងដែលមនុស្សម្នាក់អាចមាន និងការកំណត់អំពីប្រភេទអាវុធស្របច្បាប់ គឺជាជម្រើសដែលកំពុងត្រូវបានលើកមកពិចារណា ។ ផ្អែកតាមលោកនាយករដ្ឋមន្ត្រី Anthony, រដ្ឋាភិបាលបានត្រៀមខ្លួនរួចជាស្រេច ដើម្បីចាត់វិធានការចាំបាច់ មុនពេលយកសំណើច្បាប់កាន់កាប់អាវុធដ៏តឹងរ៉ឹង ដាក់ទៅកាន់គណៈរដ្ឋមន្ត្រីជាតិដើម្បីអនុម័ត ។ គិតមកទល់ពេលនេះ ចំនួនអ្នកស្លាប់បានកើនឡើងដល់ ១៦នាក់ ក្នុងនោះមានកុមារីអាយុ ១០ឆ្នាំម្នាក់ បន្ទាប់ពីខ្មាន់កាំភ្លើងពីរនាក់ ដែលជាឪពុក និងកូនប្រុស បានបើកការបាញ់ប្រហារទៅលើសមាជិកសហគមន៍ជ្វីហ្វរបស់ប្រទេសអូស្ត្រាលី ដែលកំពុងប្រមូលផ្តុំគ្នានៅឆ្នេរ Bondi នៃទីក្រុងស៊ីដនី ។ ខ្មាន់កាំភ្លើងម្នាក់ក្នុងចំណោមពីរនាក់ គឺលោក Sajid…

ស្ថានទូតចិនប្រចាំកម្ពុជា៖ «អាទិភាពខ្ពស់បំផុតគឺបញ្ឈប់សង្គ្រាមកម្ពុជា-ថៃឲ្យបានឆាប់បំផុត និងការពារប្រជាពលរដ្ឋស៊ីវិល» (ភ្នំពេញ)៖ ស្ថានទូតចិនប្រចាំកម្ពុជាលោក Wang Wenbin បានបង្ហាញសារពិសេសមួយនៅរាត្រីថ្ងៃទី១៥ ខែធ្នូ ឆ្នាំ២០២៥ បានប្រកាសឲ្យដឹងថា អាទិភាពខ្ពស់បំផុតគឺបញ្ឈប់សង្គ្រាម និងការពារពលរដ្ឋស៊ីវិល។ យើងសង្ឃឹមថា ភាគីទាំងពីរ [កម្ពុជា-ថៃ] នឹងអត់ធ្មត់ជាអតិប្បរមា ចាត់គ្រប់វិធានការដើម្បីឈានទៅបទឈប់បាញ់ឱ្យបានកាន់តែឆាប់បំផុត ដើម្បីកសាងសន្តិភាពនិងស្ថេរភាពនៅតាមព្រំដែន និងដើម្បីផលប្រយោជន៍ប្រជាជន។ ប្រទេសចិន គឺនឹងបន្តធ្វើអ្វីៗគ្រប់យ៉ាងតាមដែលយើងអាចធ្វើបាន ដើម្បីលើកកម្ពស់ការសន្ទនារ ឈានទៅកសាងសន្តិភាព ហើយចិន នឹងបន្តដើរតួនាទីស្ថាបនាតាមវិធីរបស់ខ្លួន ក្នុងការនាំមកនូវបទឈប់បាញ់រវាងកម្ពុជា-ថៃ ដើម្បីកសាងសន្តិភាព។ អ្នកនាំពាក្យក្រសួងការបទេសចិន លោក Guo Jiakun នៅថ្ងៃចន្ទ ទី១៥ ខែធ្នូ ឆ្នាំ ២០២៥ បានប្រកាសថា មហាអំណាចចិន ប្រកាសប្តេជ្ញាជំរុញឲ្យមានបទឈប់បាញ់រវាង កម្ពុជានិងថៃ ហើយចូលតុចរចាដើម្បីសន្តិភាព ហើយសង្ឃឹមថា កម្ពុជា និងថៃ នឹងអនុវត្តការអត់ធ្មត់ជាអតិបរមា ហើយចាត់វិធានការទាំងអស់ ដែលនាំទៅដល់ការបញ្ឈប់ការប្រយុទ្ធគ្នា និងបន្ថយភាពតានតឹងឱ្យបានឆាប់តាមដែលអាចធ្វើទៅបាន។ លោក Guo Jiakun បានបន្ថែមថា ចិននឹងបន្ត ដោយមើលលើឆន្ទៈរបស់ភាគីទាំងពីរ…

បេរូត ៖ ក្រុម ហេសបូឡា បាននិយាយថា នឹងមិនទម្លាក់អាវុធនោះទេ បើទោះបីជាត្រូវពិភពលោកទាំងមូលចូលរួមកម្លាំងតែមួយ មកធ្វើសង្រ្គាមប្រឆាំងនឹងប្រទេសលីបង់ ក៏ដោយ។ អំឡុងពិធីបុណ្យ Lady Fatimah កាលពីថ្ងៃអាទិត្យ ប្រធានក្រុម Hezbollah លោក Naim Qasem បានអះអាង បន្ថែមថា ខ្លួននឹងការពារខ្លួន ប្រសិនបើអ៊ីស្រាអែលធ្វើសង្គ្រាមប្រឆាំងនឹងប្រទេសនេះ។ លោក Naim Qasem បាននិយាយទៀតថា «អនុញ្ញាតឱ្យសហរដ្ឋអាមេរិកបានដឹង! យើងនឹងការពារខ្លួន ទោះបីជាមេឃរលំ មកលើផែនដី ក៏ដោយ»។ លោកបានសង្កត់ធ្ងន់ថា ដី អាវុធ និងស្មារតីជាតិ បង្កើតបានជាសមីការតែមួយ មិនអាចបំបែកបាន។ ទោះបីជាមានបទឈប់បាញ់ នៅខែវិច្ឆិកា ឆ្នាំ២០២៤ ដែលត្រូវបានគេសន្មត់ថា នឹងបញ្ចប់អរិភាពជាងមួយឆ្នាំ រវាងអ៊ីស្រាអែល និងក្រុមសកម្មប្រយុទ្ធដែលគាំទ្រដោយអ៊ីរ៉ង់ មួយនេះ ក៏ដោយ ក៏អ៊ីស្រាអែលនៅតែបន្តការវាយប្រហារលើប្រទេសលីបង់។ យ៉ាងណា អ៊ីស្រាអែល បានអះអាងថា ជាការបន្តវាយប្រហារ កំណត់គោលដៅ កម្ទេចសមាជិកក្រុមហេសបូឡា និង ហេដ្ឋារចនាសម្ព័ន្ធ…

កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី និយាយថា ទីក្រុងកៀវត្រៀមខ្លួនរួចរាល់ហើយ ដើម្បីបោះបង់មហិច្ឆតាជាយូរយាមកនេះ ក្នុងការចូលជាសមាជិកអង្គការណាតូ ជាថ្នូរនឹងការធានាសន្តិសុខរបស់លោកខាងលិច ឬសន្តិភាព ។ ការអះអាងបែបនេះរបស់លោក ហ្សេលេនស្គី ធ្វើឡើងនៅពេលលោកបើកកិច្ចប្រជុំជាមួយបេសកជនពិសេសអាមេរិក និងសម្ព័ន្ធមិត្តអឺរ៉ុបនៅទីក្រុងប៊ែរឡាំង កាលពីចុងសប្តាហ៍មុន ចំពេលមានសម្ពាធពីលោកប្រធានាធិបតី ដូណាល់ ត្រាំ ដើម្បីអាចឈានដល់ដំណោះស្រាយមួយ ឆ្ពោះទៅពន្លត់ភ្លើងសង្គ្រាមរុស្ស៊ី និងអ៊ុយក្រែន ។ បើតាមលោកប្រធានាធិបតី ហ្សេលេនស្គី, រូបលោកកំពុងស្វែងរកសន្តិភាពប្រកបដោយភាពថ្លៃថ្នូរ និងការធានាដ៏រឹងមាំថា រុស្ស៊ីនឹងមិនវាយប្រហារប្រឆាំងអ៊ុយក្រែនម្តងទៀតជាដាច់ខាត ។ គិតមកទល់ពេលនេះ មន្រ្តីជើងខ្លាំងការទូតជាច្រើនបានប្រមូលផ្តុំគ្នា ដើម្បីពិភាក្សាស្វែងរកដំណោះស្រាយបញ្ចប់សង្គ្រាមរុស្ស៊ី-អ៊ុយក្រែន ដែលអាចក្លាយជាជម្លោះដ៏សាហាវបំផុតក្នុងតំបន់អឺរ៉ុប ចាប់តាំងពីសង្គ្រាមលោកលើកទី ២ ៕ ប្រភព ៖ aljazeera

មូស្គូ ៖ វិមានក្រឹមឡាំង នៅថ្ងៃអាទិត្យ បានរិះគន់ចំៗថា ពាក្យសម្តីរបស់ប្រមុខដឹកនាំណាតូ ដែលថា ប្លុកយោធាដ៏មានឥទ្ធិពលនេះ កំពុងត្រៀមខ្លួនធ្វើសង្គ្រាមជាមួយរុស្ស៊ី នោះគឺជាវោហាសាស្រ្តខ្វះទំនួលខុសត្រូវ ហើយបង្ហាញយ៉ាងច្បាស់ថា មេដឹកនាំរូបនេះ ហាក់មិនអើពើអំពីវិនាសកម្ម ដែលធ្លាប់បង្កឡើងដោយសារសង្គ្រាមលោកទី២ ។ ការទិតៀនរបស់រុស្ស៊ី ធ្វើឡើងបន្ទាប់ពីអគ្គលេខាធិការអង្គការណាតូ លោក ម៉ាក រូត បាននិយាយនៅទីក្រុងប៊ែរឡាំង កាលពីថ្ងៃព្រហស្បតិ៍សប្តាហ៍មុនថា ប្លុកយោធាដឹកនាំដោយអាមេរិកមួយនេះ គួរតែត្រៀមខ្លួនធ្វើសង្គ្រាមទ្រង់ទ្រាយធំជាមួយនឹងប្រទេសរុស្ស៊ី ។ ជាការឆ្លើយតប អ្នកនាំពាក្យវិមានក្រឹមឡាំង លោក ឌីមីទ្រី ប៉េសកូវ និយាយថា វោហាសាស្រ្តរបស់លោក រូត បង្ហាញពីការខ្វះទំនួលខុសត្រូវ និងមិនបានយល់ច្បាស់ពីប្រវត្តិសាស្រ្ត ដោយសារគាត់បានភ្លេចនូវវិនាសកម្មបង្កឡើងពីសង្គ្រាមលោកលើកទី ២ ។ ទោះបីជាយ៉ាងណា វិមានក្រឹមឡាំងនៅតែច្រានចោលម្តងហើយម្តងទៀត ចំពោះការចោទប្រកាន់របស់អង្គការណាតូ និងមេដឹកនាំអឺរ៉ុបមួយចំនួន ដែលថា រុស្ស៊ីមានគំរោងវាយប្រហារដ្ឋសមាជិកណាតូ គឺជារឿងមិនអាចទៅរួច និងគ្រាន់តែជាលេសបង្កការស្លាន់ស្លោប្រឆាំងនឹងរុស្ស៊ីប៉ុណ្ណោះ ៕ ប្រភព ៖ the straits times

ភាគីថៃបានប្រើប្រាស់យុទ្ធសាស្ត្រក្នុង «សង្គ្រាមព័ត៌មាននិងសតិអារម្មណ៍» របស់គេ គឺយុទ្ធសាស្ត្រ«បំភ្លៃបំផ្លើស មួលបង្កាច់បង្កហេតុដើម្បីបង្កើតលេសឈ្លានពានកម្ពុជា» ឬ«Provocative Information Warfare Strategy»។ ថៃបានបង្កហេតុដើម្បីបង្វែរស្ថានការណ៍ពីការបែកបាក់ជាតិដ៏ជ្រាលជ្រៅរបស់គេមកព្រំដែន, ពួកគេបានចោទប្រឌិតរឿង និងចោទប្រកាន់ មួលបង្កាច់គ្រប់រឿងដើម្បីបង្កហេតុជាមួយកម្ពុជា។ ដូច្នេះហើយ ព័ត៌មានដែលថៃបានផ្សព្វផ្សាយគឺមានចរិតញុះញង់ បញ្ឆេះកំហឹង ឌឺដង និងមួលបង្កាច់រករឿងសព្វគ្រប់មកលើកម្ពុជា។ ពួកគេបង្ករឿងគ្រប់ទម្រង់ដើម្បីបង្កើតលេស និងញុះញង់ឱ្យយើងតតាំង។ ពួកគេបានបំពានម្តងហើយម្តងទៀត និងមួលបង្កាច់កម្ពុជាគ្រប់រឿងទាំងអស់។ ប៉ុន្តែពិភពលោកកាន់តែដឹងច្បាស់ពីល្បិចកលនេះ និងភាគច្រើនមិនជឿលើការភូតកុហករបស់ពួកគេទេ។ នៅចំពោះមុខនៃយុទ្ធសាស្ត្របង្កហេតុមួលបង្កាច់នេះ និងដើម្បីរួមសាមគ្គីគ្នាទប់ស្កាត់និងបន្សាបការបំភ្លៃ បំផ្លើសនិងការមួលបង្កាច់របស់ភាគីថៃ ខ្ញុំសូមអំពាវនាវនិងស្នើសុំបងប្អូនអ្នកសារព័ត៌មាន អ្នកបង្កើតមាតិកា និងអ្នកប្រើប្រាស់បណ្ណាញសង្គមសូមចូលរួមដូចតទៅ៖​ ១-បន្តតាមដាននិងទទួលព័ត៌មានពីប្រភពផ្លូវការរបស់កម្ពុជា។ មុននឹងជឿលើការផ្សព្វផ្សាយរបស់ថៃ គឺត្រូវផ្ទៀងផ្ទាត់ជាមុន ឬសាកសួរប្រភពដែលមានការពាក់ព័ន្ធនឹងរឿងនេះ។ កុំចែករំលែកព័ត៌មានដែលមិនមានប្រភពច្បាស់លាស់ ព័ត៌មានក្លែងក្លាយ និងកុំយកប្រភពព័ត៌មានពីសារព័ត៌មានថៃមកផ្សព្វផ្សាយបន្តដោយមិនបានផ្ទៀងផ្ទាត់ ព្រោះព័ត៌មានដែលភាគីថៃផ្សព្វផ្សាយជាព័ត៌មានឃោសនា និងជាព័ត៌មានសតិអារម្មណ៍។ ការពិតគឺនៅលើប្រភពព័ត៌មានផ្លូវការរបស់កម្ពុជា និងការពិតនៅកម្ពុជា ២-បន្តចូលរួមនិយាយការពិតនៃការរងគ្រោះរបស់កម្ពុជាពីការឈ្លានពានប្រដាប់អាវុធរបស់យោធាថៃមកលើអធិបតេយ្យនិងបូរណភាពទឹកដីកម្ពុជា តាមរយៈការចែករំលែកផ្សព្វផ្សាយព័ត៌មានពីប្រភពផ្លូវការ និងផលិតព័ត៌មាន និងមាតាដែលបង្ហាញដល់ពិភពលោកពីការពិត និងសូមចូលរួមអំពាវនាវដល់ សហគមន៍អន្តរជាតិជួយអន្តរាគមន៍បញ្ឈប់ការឈ្លានពានរបស់ថៃមកលើកម្ពុជា។ ៣-សូមបងប្អូនសាធារណជន សិល្បករសិល្បការិនី អ្នកបង្កើតមាតិកាចូលរួមបង្កើតមាតិកា បន្តចូលរួមកាន់តែខ្លាំងបង្កើតមាតិកាលើកទឹកចិត្តកងទ័ព សាមគ្គីភាពជាតិខ្មែរ និងប្រឆាំងដាច់ខាតលើការឈ្លានពានរបស់ថៃ និងអំពាវនាវឱ្យមានការបញ្ឈប់ជាបន្ទាន់នូវការឈ្លានពានយោធាថៃនេះ ៤-ព័ត៌មានក្លែងក្លាយច្រើន…

អ៊ីស្រាអែល ៖ អ៊ីស្រាអែលចេញការព្រមានសន្តិសុខមួយ កាលពីថ្ងៃអាទិត្យ សម្រាប់ពលរដ្ឋខ្លួននៅបរទេសមានការប្រុងប្រយ័ត្នខ្ពស់ បន្ទាប់ពីអូស្រ្តាលីទើបជួបប្រទះករណីបាញ់ប្រហារយ៉ាងសាហាវ បណ្តាលឱ្យមនុស្សស្លាប់កើនឡើងដល់១៦នាក់ និងជំរុញឱ្យចៀសវាងការជួបជុំទ្រង់ទ្រាយធំ ។ នៅក្នុងសេចក្តីថ្លែងការណ៍មួយ ក្រុមប្រឹក្សាសន្តិសុខជាតិអ៊ីស្រាអែលបានជំរុញឱ្យជនជាតិខ្លួននៅក្រៅប្រទេស “ប្រកាន់ខ្ជាប់យ៉ាងតឹងរ៉ឹង” នូវវិធានការណ៍ប្រុងប្រយ័ត្ន រួមទាំងជៀសវាងការជួបជុំទ្រង់ទ្រាយធំ ដែលគ្មានកងកម្លាំងសន្តិសុខការពារ ។ ក្រុមប្រឹក្សានេះក៏បានអំពាវនាវដល់ពលរដ្ឋអ៊ីស្រាអែលឱ្យ “រក្សាការប្រុងប្រយ័ត្ននៅសហគមន៍របស់ជនជាតិជ្វីហ្វ និងអ៊ីស្រាអែលនៅបរទេស ហើយរាយការណ៍ទៅអាជ្ញាធរសន្តិសុខភ្លាមៗ បើសិនមានមនុស្ស ឬវត្ថុគួរឱ្យសង្ស័យ ។ ការព្រមាននេះ កើតឡើងក្រោយមានករណីបាញ់សម្លាប់រង្គាលនៅឆ្នេរដ៏ល្បីល្បាញក្នុងទីក្រុងស៊ីដនី របស់ប្រទេសអូស្រ្តាលី អំឡុងពេលប្រារព្ធពិធីបុណ្យ Hanukkah របស់ជនជាតិជ្វីហ្វ ។ បើតាមប៉ូលិសអូស្រ្តាលី, នេះគឺជា «ឧបទ្ទវហេតុភេរវកម្ម» ខណៈជនដៃដល់ម្នាក់ត្រូវបានបាញ់សម្លាប់ និងម្នាក់ទៀតកំពុងស្ថិតក្នុងស្ថានភាពធ្ងន់ធ្ងរ ។ សូមរម្លឹកថា អូស្រ្តាលីជួបប្រទះករណីបាញ់ប្រហារដ៏សាហាវបំផុត ក្នុងឆ្នាំ ១៩៩៦ បណ្តាលឱ្យស្លាប់មនុស្សចំនួន ៣៥នាក់ នៅតំបន់ Port Arthur ក្នុងរដ្ឋដីកោះ Tasmania ហើយហេតុការណ៍បង្ខំឱ្យអូស្រ្តាលីកែប្រែច្បាប់កាន់កាប់កាំភ្លើងរបស់ប្រទេស ៕ ប្រភព ៖ ស៊ីនហួរ

សម្តេចតេជោ ហ៊ុន សែន បានសរសេរនៅលើបណ្តាញសង្គមនៅយប់ថ្ងៃទី១៤ ខែធ្នូ ឆ្នាំ២០២៥នេះថា ម្សិលមិញខ្ញុំបានបង្ហោះសារមួយជូនយោបល់ចំពោះរាជរដ្ឋាភិបាលចំពោះករណីប្រជាជនកម្ពុជា និងប្រជាជនថៃធ្វើដំណើរឆ្លងកាត់តាមព្រំដែនគោក គួរត្រូវបានផ្អាកដើម្បីធានាសុវត្ថិភាពទាំងប្រជាជនកម្ពុជា និងទាំងប្រជាជនថៃ។ សម្តេចតេជោ បានបន្តថា អាចមានការភាន់ច្រឡំ ឬចង់បង្ករឿងពីភាគីម្ខាងទៀតដែលគិតថាយើងមិនអនុញ្ញាតឱ្យប្រជាជនថៃវិលត្រឡប់ទៅប្រទេសវិញ។ ខ្ញុំសូមបញ្ជាក់ឱ្យបានច្បាស់ថា ការផ្អាកការធ្វើដំណើរ គឺគួរធ្វើតែតាមផ្លូវគោកប៉ុណ្ណោះ ព្រោះការប្រយុទ្ធ និងការឈ្លានពានមានទូទាំងព្រំដែនគោកទៅហើយ បន្ថែមដោយផ្នែកមួយនៃតំបន់សមុទ្រ។ សម្តេចតេជោ ហ៊ុន សែន បានបន្តទៀតថា សម្រាប់ការធ្វើដំណើរតាមផ្លូវអាកាសនៅតែអាចធ្វើដំណើរបានធម្មតា ព្រោះគ្មានការប្រយុទ្ធនៅព្រលានយន្តហោះទេ។ អាស្រ័យហេតុនេះ សូមបងប្អូនប្រជាជនថៃដែលកំពុងរស់នៅកម្ពុជាអាចចាកចេញពីកម្ពុជាតាមផ្លូវអាកាសនៅភ្នំពេញឬនៅសៀមរាប។ សម្រាប់ប្រជាជនថៃដែលកំពុងធ្វើការនៅជិតព្រំដែនវៀតណាមអាចចេញទៅតាមវៀតណាមហើយរកវិធីធ្វើដំណើរទៅកាន់ប្រទេសថៃវិញ។ ឯប្រជាជនកម្ពុជា ប្រសិនចង់មកកម្ពុជាក៏ត្រូវធ្វើដំណើរត្រឡប់មកកម្ពុជាវិញតាមផ្លូវអាកាសនៅទីកន្លែងដែលមានជើងហោះហើរមកកម្ពុជា។ សម្តេចតេជោបញ្ជាក់ថា ខ្ញុំសូមបញ្ជាក់សារជាថ្មីថា យើងមិនបានហាមឃាត់ការធ្វើដំណើររបស់ប្រជាជនកម្ពុជាឬប្រជាជនថៃនោះឡើយ អ្វីដែលយើងសូមឱ្យផ្អាកគឺការធ្វើដំណើរតាមផ្លូវគោកដែលជាចំណុចគ្រោះថ្នាក់ដល់ជីវិតប្រជាជន។ សូមពិនិត្យឡើងនូវសាររបស់ខ្ញុំម្សិលមិញ!និងសូមកុំយកបំណងល្អរបស់ខ្ញុំដើម្បីការពារជីវិតមនុស្សទាំងជនជាតិខ្មែរ ទាំងជនជាតិថៃមកវាយប្រហារលើខ្ញុំបែបនេះ៕