Author: Dol Pheakdey

ភ្នំពេញ៖ថ្លែងក្នុងពិធីបើកសិក្ខាសាលាស្តីពី “អភិបាលកិច្ចទិន្នន័យនិងទិន្នន័យបើកចំហ” ឯកឧត្តមរដ្ឋមន្ត្រី ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ មានប្រសាសន៍ថា ទិន្នន័យពុំមានប្រយោជន៍ទេ ប្រសិនបើពុំមានភាព​សុក្រឹត្យ ឬប្រើប្រាស់មិនចំគោលដៅ ប៉ុន្តែទិន្នន័យគឺជាប្រភពធនធានមាសសម្រាប់ជំរុញការអភិវឌ្ឍសេដ្ឋកិច្ច ប្រសិន​បើយើងប្រើប្រាស់ឱ្យមានប្រសិទ្ធភាព។ សិក្ខាសាលាស្តីពី “អភិបាលកិច្ចទិន្នន័យនិងទិន្នន័យបើកចំហ”បានប្រារព្ធ​បើកកាលពីថ្ងៃទី១១ ខែកញ្ញា ឆ្នាំ​២០២៥​ដោយមានការ​អញ្ជើញចូលរួមពីលោកបណ្ឌិត Jung Seongho សហប្រធានមជ្ឈមណ្ឌល​សហប្រតិ​បត្តិការរដ្ឋា​ភិបាល​ឌីជីថលកូរ៉េ-កម្ពុជា (DGCC) តំណាងទីភ្នាក់ងារសហប្រតិបត្តិការអន្តរជាតិកូរ៉េ (KOICA) ថ្នាក់ដឹកនាំ ក.ប.ទ. និងតំណាងក្រសួង ស្ថាប័ន អ្នកស្រាវជ្រាវ តំណាងវិស័យអប់រំ និងវិស័យឯកជនប្រមាណ ១៣០រូប។ ឯកឧត្តមក្រសួងប្រៃសណីយ បានចាត់ទុកអង្គសិក្ខាសាលាដែលបានរៀបចំឡើងនាពេលនេះថា ជាការផ្តល់ឱកាស​ដល់ក្រសួង ស្ថាប័ន ភាគីពាក់ព័ន្ធ និងវិស័យឯកជន ចូលរួមចំណែកជាមួយក្រសួងប្រៃសណីយ៍និងទូរគមនាគមន៍ ក្នុងការគិតគូររៀបចំតាក់តែងលិខិតបទដ្ឋានពាក់ព័ន្ធនឹងការធ្វើអភិបាលកិច្ចទិន្នន័យ និងទិន្នន័យបើកចំហសំដៅ​លើកកម្ពស់ការចែករំលែកទិន្នន័យឱ្យកាន់តែល្អប្រសើរ។ នៅក្នុងឆ្នាំ២០២៥ នេះមជ្ឈមណ្ឌលកិច្ចសហប្រតិបត្តិការរដ្ឋាភិបាលឌីជីថលកម្ពុជា-កូរ៉េ បានផ្តួចផ្តើម និងជំរុញ​ការ​រៀបចំសេចក្តីព្រាងគោលនយោបាយអភិបាលកិច្ចទិន្នន័យនិងរៀបចំថ្នាលទិន្នន័យបើកចំហនៅក្នុងព្រះរាជាណាចក្រកម្ពុជាតាមរយៈកិច្ចសហប្រតិបត្តិការជាមួយក្រសួងប្រៃសណីយ៍និងទូរគមនាគមន៍។ ទិន្នន័យរដ្ឋាភិបាលបើកចំហ ជាឧបករណ៍យ៉ាងសំខាន់សម្រាប់ដោះស្រាយបញ្ហាគោលនយោបាយ​នានាទាំង​ក្នុង​វិស័យសាធារណៈនិងវិស័យឯកជន។ ការរៀបចំឱ្យមានទិន្នន័យបើកចំហអាចធានាបានថាការទទួលបានទិន្នន័យ ទាន់ពេលវេលា មានភាពពាក់ព័ន្ធ និងមានគុណភាពខ្ពស់ ដើម្បីជំនួយដល់ការស្រាវជ្រាវផ្អែកលើទិន្នន័យ នវានុវត្តន៍ និងបរិវត្តកម្មឌីជីថល ឆ្លើយតបនឹងបញ្ហាប្រឈមនៃសង្គម។ តាមរយៈសន្ទស្សន៍ទិន្នន័យបើកចំហ ទិន្នន័យមានប្រយោជន៍…

(សៀមរាប)៖ ក្នុងការថែរក្សានូវអត្ថសញ្ញាណរសជាតិប្រហុករបស់ខេត្តសៀមរាប អ្នក សិប្បកម្ម កែច្នៃ ប្រហុកមិនត្រឹមតែថែរក្សានូវរសជាតិដើមដែលត្រូវបានគេចាត់ទុកថាមានរសជាតិឈ្ងុយឆ្ងាញ់សម្រាប់ប្រើម្ហូបខ្មែរ និង ជាគ្រឿងផ្សំនោះទេ នៅបានបង្កើនគុណភាពសម្រាប់លក់លើទីផ្សារទាំង ក្នុងស្រុក និង បរទេស។ ប្រហុកជាប្រភេទគ្រឿងផ្សំរសជាតិដែលបងប្អូនប្រជាជនខ្មែរយើងនិយមទទួលទាន ជាពិសេសជាជំនួយសម្រាប់ស្ត្រីមេផ្ទះ ឬអ្នកចម្អិនអាហារ ដែលអាច ច្នៃលាយ ជាមួយនឹងមុខម្ហូបផ្សេងៗបានច្រើនមុខ ដើម្បីបង្កើនឱជារសក្នុងម្ហូបអាហារកាន់តែឆ្ងាញ់ពិសា។ លោក យន់ សំណាង ប្រធានសិប្បកម្ម កែច្នៃប្រហុកសៀមរាបសំណាងសុធា ស្ថិតនៅភូមិអរញ្ញ សង្កាត់សៀមរាប ខេត្តសៀមរាប ឱ្យដឹងថា៖ប្រហុកសៀមរាប មានក្លិនឈ្ងុយបែបវត្ថុដែលមានជាតិផ្អែម នៅពេលបើកគម្របកែវ ឬក្រឡប្រហុក មិនធុំ លជាលក្ខណៈពិសេស ក្លិនខ្យល់។ គេអាចសម្គាល់ “ប្រហុកសៀមរាប” បានតាមរយៈក្លិនឈ្ងុយបែបវត្ថុផ្អែមដែលខុសប្លែកពីប្រហុកផ្សេងទៀត។ លោកបានប្រាប់ថា“ប្រហុកសៀមរាប” ដែលជាប្រហុកសាច់ គឺគ្មានវត្តមានឆ្អឹង ព្រុយ ជាយក្រែង (ព្រុយខ្នង) ស្រកា ជុំខ្លាញ់ និងដុំពោះរបស់ត្រីក្នុងសាច់ប្រហុក និងម្យ៉ាងទៀតនៅពេលដាក់ប្រហុកលើបាត ដៃហើយក្តាប់ដៃននោះមិនបណ្តាលឲ្យមុតដៃឡើយ។ ប្រភេទប្រហុកសៀមរាប រួមមានដូចជា៖ប្រហុកសាចត្រីកំភ្លាញ , ប្រហុកសាច់ត្រីរ៉ស,ប្រហុកសាច់ត្រីដៀប ,ប្រហុកឆ្អឹងត្រីកំភ្លាញ, ប្រហុកឆ្អឹងត្រីរៀលជាដើម។ គួរបញ្ជាក់ថា…

(ភ្នំពេញ)៖ កម្ពុជា បាននិងកំពុងខិតខំប្រឹងប្រែងលើកកម្ពស់ការអភិវឌ្ឍវិស័យពាណិជ្ជកម្មឌីជីថល ដើម្បីឆ្លើយតបទៅនឹងយុទ្ធសាស្រ្តបញ្ចកោណដំណាលកាលទី១ និងចក្ខុវិស័យរបស់កម្ពុជា ក្នុងការក្លាយជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងចំណូលខ្ពស់នៅឆ្នាំ២០៥០។ ប្រសាសន៍លើកឡើងរបស់ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ក្នុងពិធីបើកវេទិកាពាណិជ្ជកម្មឌីជី ថលកម្ពុជា និងពិព័រណ៍អនឡាញ ដែលបានធ្វើឡើងជាលើកទី២ នៅសាលបុរីកោះពេជ្រ ក្នុងរាជធានីភ្នំពេញ ក្រោមមូលបទ “កសាងអនាគតកម្ពុជា តាមរយៈពាណិជ្ជកម្មឌីជីថល” នាព្រឹកថ្ងៃទី១២ ខែកញ្ញា ឆ្នាំ២០២៥ ដោយមានការចូលរួមពីអង្គទូតជាមិត្ត ធុរជនជាតិ អន្តរជាតិ និងវិស័យឯកជនជាច្រើន។ លោកជំទាវរដ្ឋមន្រ្តី បានមានប្រសាសន៍ទៀតថា វេទិកាពាណិជ្ជកម្ម ឌីជីថលកម្ពុជា និងពិព័រណ៍អនឡាញលើកនេះ បង្កើតឡើងដើម្បីផ្តល់ការគាំទ្រលើហេដ្ឋារចនាសម្ព័ន្ធនិងចំណេះដឹងផ្នែកឌីជីថល ការផ្សព្វផ្សាយអំពីក្របខ័ណ្ឌគោលនយោបាយ, ការធ្វើពិពិធកម្មទីផ្សារសម្រាប់ផលិតផលកម្ពុជា ដោយការធ្វើពាណិជ្ជកម្មតាមប្រព័ន្ធអេឡិចត្រូនិក និងការពង្រឹងសមត្ថភាពរបស់វិស័យឯកជន ភាគីពាក់ព័ន្ធសំខាន់ៗ ក្នុងពាណិជ្ជកម្មឌីជីថល និងបច្ចេកវិទ្យា ដែលកំពុងរីកចម្រើនឥតឈប់ឈរ ជាពិសេសការលើកកម្ពស់សុវត្ថិភាពប្រព័ន្ធអនឡាញ ព្រមទាំងការលើកកម្ពស់ជំនឿទុកចិត្តរបស់អ្នកប្រើប្រាស់លើពាណិជ្ជកម្មឌីជីថល។ លោកជំទាវរដ្ឋមន្រ្តី បញ្ជាក់ថា ដើម្បីចូលរួមចំណែកកសាងអនាគតកម្ពុជា តាមរយៈពាណិជ្ជកម្មឌីជីថល ក្រសួងពាណិជ្ជកម្ម បាននិងកំពុងបន្តខិតខំធ្វើបរិវត្តកម្មឌីជីថល តាមរយៈការដាក់ឱ្យប្រើប្រាស់សេវាធារណៈសំខាន់ៗ តាមថ្នាលអនឡាញ/ថ្នាលស្វ័យប្រវត្តិកម្ម ដែលក្នុងនោះរួមមាន៖ ប្រព័ន្ធស្វ័យប្រវត្តិកម្មចុះបញ្ជីពាណិជ្ជកម្ម ប្រព័ន្ធស្វ័យប្រវត្តិកម្មសម្រាប់ស្នើសុំវិញ្ញាបនបត្របញ្ជាក់ដើមកំណើតទំនិញ…

ប៉េកាំង ៖ ប្រទេសចិនបានបញ្ជូននាវាផ្ទុកយន្តហោះទំនើបបំផុតទី ៣ របស់ខ្លួន ដែលមានឈ្មោះថា Fujian ធ្វើដំណើរឆ្លងកាត់ច្រកសមុទ្រតៃវ៉ាន់ដ៏រសើប ជាផ្នែកមួយនៃការសាកល្បងបើកក្នុងដែនសមុទ្រ ការស្រាវជ្រាវផ្នែកវិទ្យាសាស្រ្ត និងការហាត់សមបេសសកម្មនៅសមុទ្រចិនខាងត្បូង។ កងទ័ពជើងទឹកចិននិយាយថា នាវាផ្ទុកយន្តហោះទី៣ Fujian ថ្មីៗនេះបានបើកឆ្លងកាត់ច្រកសមុទ្រតៃវ៉ាន់ ទៅកាន់ដែនទឹកពាក់ព័ន្ធនៅសមុទ្រចិនខាងត្បូង ដើម្បីធ្វើការសាកល្បងស្រាវជ្រាវវិទ្យាសាស្ត្រ និងបេសកកម្មហ្វឹកហាត់។ កងទ័ពជើងទឹកចិនបន្ថែមថា ការសាកល្បង និងការហ្វឹកហ្វឺនឆ្លងកាត់តំបន់នេះសម្រាប់នាវាផ្ទុកយន្តហោះ Fujian គឺជាការរៀបចំជាប្រចាំនៅក្នុងដំណើរការសាកល្បងមុខងាររបស់នាវាផ្ទុកយន្តហោះនេះ ហើយមិនបានតម្រង់ទិសដាក់គោលដៅជាក់លាក់ណាមួយឡើយ។ ប្រទេសចិនបានជះលុយដល់ទៅរាប់ពាន់លានដុល្លារ ដើម្បីធ្វើទំនើបកម្មវិស័យយោធារបស់ខ្លួនក្នុងរយៈពេលប៉ុន្មានឆ្នាំចុងក្រោយនេះ ដែលជានិន្នាការមួយនាំឱ្យរដ្ឋាភិបាលមួយចំនួននៅអាស៊ីបូព៌ាមិនសប្បាយចិត្ត បើទោះបីជាទីក្រុងប៉េកាំងបានអះអាងថា គោលបំណងរបស់ខ្លួនគឺដើម្បីសន្តិភាពក៏ដោយ។ បន្ថែមលើនេះ ប្រទេសចិនក៏បានបង្កើនការពង្រីកដ៏ធំនៃកងកម្លាំងជើងទឹករបស់ខ្លួនក្នុងពេលប៉ុន្មានឆ្នាំថ្មីៗនេះ ខណៈដែលទីក្រុងប៉េកាំងស្វែងរកការពង្រីកដែនទឹកនៅក្នុងតំបន់ប៉ាស៊ីហ្វិក និងបង្កើនការប្រកួតប្រជែងជាមួយសម្ព័ន្ធភាពដឹកនាំដោយអាមេរិក៕ ប្រភព ៖ AFP

តៃប៉ិ ៖ ប្រភពយោធាបានឱ្យដឹងថា យន្តហោះចម្បាំង F-16V Block 70 ចំនួនពីរគ្រឿងដំបូង ដែលតៃវ៉ាន់បញ្ជាទិញពីអាមេរិកក្នុងចំណោម ៦៦គ្រឿង ត្រូវបានរំពឹងថា នឹងដឹកមកដល់កោះនេះ ចំថ្ងៃទិវាជាតិ Double Ten ដែលត្រូវនឹងថ្ងៃទី១០ ខែតុលាខាងមុខ។ ប្រភពបានបង្ហើបឱ្យដឹងទៀតថា ក្នុងចំណោមយន្តហោះចម្បាំង F-16V Block 70 ចំនួន ៦៦គ្រឿង ដែលតៃវ៉ាន់បានទិញពីអាមេរិកនោះ ការផលិតបានបញ្ចប់ជាលើកដំបូងកាលពីខែមីនា ហើយចាប់តាំងពីពេលនោះមក យន្តហោះចំនួន ៣គ្រឿងហើយត្រូវបានផលិតរួចរាល់ក្នុងមួយខែ។ ទោះបីជាមានរបាយការណ៍អំពីបញ្ហាម៉ាស៊ីនក៏ដោយ ប៉ុន្តែបញ្ហានេះត្រូវបានដោះស្រាយ។ ហើយបន្ទាប់ពីយន្តហោះចម្បាំងទាំងនោះដឹកមកដល់កោះតៃវ៉ាន់ ពួកវានឹងត្រូវឆ្លងកាត់ការហោះហើរសាកល្បងដោយកងទ័ពអាកាសសិន មុននឹងពួកវាក្លាយជាកម្មសិទ្ធិរបស់តៃវ៉ាន់ជាផ្លូវការ។ ឧត្តមសេនីយឯក Lee Ching-jan អគ្គសេនាធិការកងទ័ពអាកាសតៃវ៉ាន់ បាននិយាយកាលពីខែមិថុនាថា ការផ្គត់ផ្គង់យន្តហោះនឹងត្រូវបញ្ចប់តាមកាលវិភាគ។ លោក Lee បានប្រាប់សមាជិកសភាថា លោកមានសុទិដ្ឋិនិយមថា កោះតៃវ៉ាន់នឹងក្លាយជាម្ចាស់យន្តហោះចម្បាំង F-16V ចំនួន ១០គ្រឿងដំបូងនៅត្រឹមដំណាច់ឆ្នាំ ២០២៥នេះ។ គួរកត់សម្គាល់ យន្តហោះចម្បាំង F-16V Block 70 ចំនួន…

មូស្គូ ៖ អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅថ្ងៃព្រហស្បតិ៍ថា សមយុទ្ធយោធារុស្ស៊ី-បេឡារុស នឹងធ្វើឡើងនៅជិតព្រំដែនប៉ូឡូញ ចាប់ពីថ្ងៃសុក្រស្អែកនេះ ហើយវាគ្មានបំណងមានគោលដៅលើប្រទេសដទៃណាមួយនោះទេ។ សមយុទ្ធយោធារុស្ស៊ី-បេឡារុស មានឈ្មោះថា Zapad 2025 នឹងធ្វើឡើងនៅលើទឹកដីប្រទេសបេឡារុស ចាប់ពីថ្ងៃសុក្រសប្តាហ៍នេះ ដល់ថ្ងៃអង្គារសប្តាហ៍ក្រោយ។ លោក Peskov បានគូសបញ្ជាក់ថា សមយុទ្ធតាមគ្រោងទុកទាំងអស់នេះ គ្មានបំណងប្រឆាំងលើនរណាម្នាក់ទេ។ រុស្ស៊ី-បេឡារុសផ្តោតសំខាន់តែទៅលើការបន្តប្រតិបត្តិការយោធា និងធ្វើអន្តរកម្មរវាងសម្ព័ន្ធមិត្តយុទ្ធសាស្រ្តទាំងពីរប៉ុណ្ណោះ ។ ជាមួយគ្នានេះ លោក Peskov បានធ្វើការច្រានចោលសេចក្តីថ្លែងការណ៍របស់ប៉ូឡូញ និងប្រទេសអឺរ៉ុបផ្សេងទៀត ចំពោះការបាញ់ទម្លាក់យន្តហោះដ្រូនរុស្ស៊ីលើប្រទេសប៉ូឡូញ ដែលជារដ្ឋសមាជិកអង្គការណាតូថា គ្មានអ្វីថ្មីនោះទេ ហើយលោកនិយាយថា ទីក្រុងមូស្គូនឹងមិនធ្វើសេចក្តីអត្ថាធិប្បាយបន្ថែមទៀតនោះទេ ជុំវិញស្ថានភាពនេះ។ ទោះបីជាយ៉ាងណា នៅក្នុងសេចក្តីថ្លែងការណ៍រួមគ្នា ប៉ូឡូញ អ៊ុយក្រែន និងលីទុយអានី បានថ្កោលទោសការឈ្លានពានដោយយន្តហោះដ្រូនរុស្ស៊ីលើដែនអាកាសប៉ូឡូញ ហើយពួកគេចាត់ទុកសកម្មភាពនេះថា ជាការបង្កហេតុដោយចេតនា និងមិនធ្លាប់មានពីមុនមក។ ជាងនេះទៅទៀត នាយករដ្ឋមន្ត្រីប៉ូឡូញ លោក Donald Tusk បាននិយាយថា ប្រទេសប៉ូឡូញបានខិតទៅជិតជម្លោះបើកចំហបំផុតជាមួយរុស្ស៊ី ចាប់តាំងពីសង្គ្រាមលោកលើកទី២ ក្រោយរដ្ឋសមាជិកណាតូមួយនេះ…

វ៉ាសូវី ៖ សមាជិកអង្គការណាតូជាច្រើនចាប់ផ្តើមរួតរះបញ្ជូនកងទ័ព កាំភ្លើងធំ និងប្រព័ន្ធការពារដែនអាកាស ដើម្បីការពារផ្នែកខាងកើតរបស់ខ្លួន បន្ទាប់ពីអ្វីដែលប៉ូឡូញហៅថា ការលុកលុយដោយយន្តហោះដ្រូនរបស់រុស្ស៊ីដែលមិនធ្លាប់មានពីមុនមក រំលោភលើដែនអាកាសរបស់ប្រទេសប៉ូឡូញ។ ជាការឆ្លើយតប ហូឡង់ និង ឆេកត្រៀមបញ្ជូនកម្លាំងការពារទៅកាន់ប៉ូឡូញ ខណៈកងពលតូចអាល្លឺម៉ង់នឹងបញ្ជូនទៅការពារលីទុយអានី ស្របពេលដែលរុស្ស៊ីបង្កើនការវាយប្រហារហួសពីទឹកដីអ៊ុយក្រែន។ ទន្ទឹមគ្នា អាល្លឺម៉ង់បាននិយាយថា ខ្លួននឹងពង្រឹងវត្តមានកងកម្លាំងនៅតាមបណ្តោយព្រំដែនភាគខាងកើតរបស់អង្គការណាតូ ហើយចាត់វិធានការលើកកម្ពស់ និងពង្រីកការត្រួតពិនិត្យផ្លូវអាកាសដល់ប្រទេសប៉ូឡូញ។ ចំណែកប្រធានាធិបតីបារាំង លោក Emmanuel Macron ក៏បានប្រកាសដែរថា បារាំងនឹងបញ្ជូនយន្តហោះចម្បាំង Rafale ចំនួន ៣គ្រឿង ដើម្បីជួយការពារដែនអាកាសរបស់ប្រទេសប៉ូឡូញ។ លោកថា បារាំងនឹងរារាំងការបំភិតបំភ័យរបស់រុស្ស៊ី។ ទោះបីជាយន្តហោះដ្រូន និងមីស៊ីលរបស់រុស្សីបានឆ្លងចូលទឹកដីប្រទេសសមាជិកណាតូមួយចំនួនពីមុនមកក៏ដោយ ប៉ុន្តែលើកនេះគឺជាឧប្បត្តិហេតុដ៏ធ្ងន់ធ្ងរបំផុតចាប់តាំងពីរុស្ស៊ីចូលលុកលុយពេញទំហឹងលើអ៊ុយក្រែនក្នុងខែកុម្ភៈ ឆ្នាំ ២០២២។ គិតមកទល់ពេលនេះ វិមានក្រឹមឡាំងមិនបានធ្វើការអត្ថាធិប្បាយណាមួយ ដើម្បីឆ្លើយតបការចោទប្រកាន់ដែលថា រុស្ស៊ីមានគោលបំណងបង្កើតចេតនា ដើម្បីបង្កភាពតានតឹងនៅប៉ូឡូញនៅឡើយទេ៕ ប្រភព ៖ BBC

វ៉ាស៊ីងតោន ៖ ទីភ្នាក់ងារស៊ើបការណ៍សហព័ន្ធ ហៅកាត់ FBI បានបញ្ចេញរូបថត ជនសង្ស័យបាញ់សម្លាប់សកម្មជនវ័យក្មេងរបស់អាមេរិក លោក Charlie Kirk។ ទីភ្នាក់ងារ FBI បានបង្ហាញ យុវជនម្នាក់ ដែលខ្លួនដាក់ការសង្ស័យខ្ពស់ថា ជាអ្នកបាញ់ប្រហារ។ ជាការបង្ហាញ ស្របពេលដែលពួកគេ កំពុងស៊ើបអង្កេត អំពីករណីការសម្លាប់ អ្នកធ្វើយុទ្ធនាការ ស្តាំនិយម រូបនេះ។ រូបភាព បានបង្ហាញពីបុរសម្នាក់ ពាក់មួកកីឡាប៉េស្បល ពណ៌ខ្មៅ វ៉ែនតាខ្មៅងងឹត និងអ្វីដែលមើលទៅដូចជាខោខូវប៊យ ជាមួយនឹងអាវដៃវែង ហើយ ពាក់អាវធំ ជាមួយនឹងការរចនា ដែលរួមបញ្ចូលទង់ជាតិអាមេរិក។ លោក Charlie Kirk ត្រូវបានគេបាញ់សម្លាប់ ពេលកំពុងថ្លែងទៅកាន់ហ្វូងមនុស្សដ៏ច្រើន នៅសាកលវិទ្យាល័យ Utah Valley កាលពីថ្ងៃពុធ។ សកម្មជនអាមេរិក មានទំនាក់ទំនងជិតស្និទ្ធ ជាមួយ លោក ត្រាំ រូបនេះ បានស្លាប់ ក្នុងវ័យ ៣១ឆ្នាំ។ ក្រុមមន្ត្រីជឿថា ការបាញ់ប្រហារនោះ ចេញពីដំបូលអគារ…

ហ្ស៊េរុយសាឡិម ៖ នាយករដ្ឋមន្ត្រីប្រទេសអ៊ីស្រាអែល កាលពីថ្ងៃព្រហស្បតិ៍ ទី១១ ខែកញ្ញា បានប្តេជ្ញាថា នឹងមិនមានរដ្ឋប៉ាឡេស្ទីន ជាដាច់ខាត។ លោក Benjamin Netanyahu បាននិយាយបែបនេះ នៅក្នុងពិធី ចុះហត្ថលេខា លើគម្រោងការតាំងទីលំនៅ ដ៏សំខាន់មួយ នៅតំបន់ West Bank។ លោក Netanyahu អះអាងថា «យើងនឹងបំពេញ តាមការសន្យារបស់យើងថា នឹងមិនមានរដ្ឋ ប៉ាឡេស្ទីន ទេ កន្លែងនេះជារបស់យើង..យើងនឹងការពារបេតិកភណ្ឌរបស់យើង ដីរបស់យើង និងសន្តិសុខ របស់យើង»។ អ៊ីស្រាអែលមានមហិច្ឆតាយូរមកហើយ ក្នុងការសាងសង់ លើដីទំហំ ប្រហែល ១២ គីឡូម៉ែត្រការ៉េ នៅតំបន់ West Bank ដែលគេស្គាល់ថា E1 ប៉ុន្តែ ផែនការនេះ ត្រូវបានជាប់គាំងអស់ ជាច្រើនឆ្នាំ នៅចំពោះមុខការប្រឆាំង ពីអន្តរជាតិ។ កាលពីខែមុន រដ្ឋមន្ត្រីហិរញ្ញវត្ថុស្តាំនិយមជ្រុល របស់អ៊ីស្រាអែល លោក Bezalel Smotrich…

សម្ព័ន្ធយោធាណាតូ ពង្រឹងការការពារ បន្ទាប់ពីដ្រូនរបស់រុស្ស៊ី ត្រូវបានបាញ់ទម្លាក់លើប្រទេសប៉ូឡូញ សមាជិកណាតូជាច្រើនកំពុងបញ្ជូនកងទ័ព កាំភ្លើងធំ និងប្រព័ន្ធការពារដែនអាកាស ដើម្បីការពារផ្នែកខាងកើតរបស់ខ្លួន បន្ទាប់ពីអ្វីដែលប៉ូឡូញហៅថា ការលុកលុយដោយយានដ្រូនរបស់រុស្ស៊ីមិនធ្លាប់មាន ចូលក្នុងដែនអាកាសរបស់ខ្លួន។ កាលពីព្រឹកថ្ងៃពុធ យានដ្រូនរបស់រុស្ស៊ីចំនួនបីគ្រឿងត្រូវបានបាញ់ទម្លាក់បន្ទាប់ពីឆ្លងចូលដែនអាកាសប៉ូឡូញ។ ចំណែកយានដ្រូនផ្សេងទៀតបានធ្លាក់ដល់ដី ហើយក្រោយមកត្រូវបានរកឃើញនៅទូទាំងភាគខាងកើតប្រទេសប៉ូឡូញ។ ប្រទេសប៉ូឡូញបានស្នើសុំឲ្យមានសម័យប្រជុំក្រុមប្រឹក្សាសន្តិសុខអង្គការសហប្រជាជាតិអំពីឧបទ្ទវហេតុនេះ ដែលនឹងប្រព្រឹត្តទៅនៅថ្ងៃសុក្រនេះ ម៉ោង ១៩ម៉ោងសកល។ ជាការឆ្លើយតបទៅនឹងការលុកលុយដោយយានដ្រូននេះ ហូឡង់ និងសាធារណរដ្ឋឆេកបាននិយាយថា ពួកគេនឹងបញ្ជូនការការពារទៅប៉ូឡូញ ខណៈលីទុយអានី នឹងទទួលបានកងពលតូចអាល្លឺម៉ង់ និងការព្រមានកាន់តែខ្លាំងអំពីការវាយប្រហាររបស់រុស្ស៊ីលើអ៊ុយក្រែនដែលអាចហៀរចេញ។ អាល្លឺម៉ង់ក៏និយាយដែរថា ខ្លួននឹងពង្រឹងការចូលរួមរបស់ខ្លួននៅតាមបណ្តោយព្រំដែនភាគខាងកើតរបស់ណាតូ ហើយបង្កើន និងពង្រីកការត្រួតពិនិត្យផ្លូវអាកាសលើប៉ូឡូញ។ ក្រោយមកលោកប្រធានាធិបតីបារាំង Emmanuel Macron បានប្រកាសថាប្រទេសនេះនឹងបញ្ជូនយន្តហោះចម្បាំង Rafale ចំនួនបីគ្រឿងដើម្បីជួយការពារដែនអាកាសរបស់ប្រទេសប៉ូឡូញ។ លោកប្រធានាធិបតីអាមេរិក Donald Trump ដែលបាននិងកំពុងព្យាយាមមិនជោគជ័យក្នុងការបញ្ឈប់សង្គ្រាមនៅអ៊ុយក្រែន បានប្រាប់ក្រុមអ្នកសារព័ត៌មានកាលពីថ្ងៃព្រហស្បតិ៍សប្ដាហ៍នេះថា ការវាយលុកដែលត្រូវបានចោទប្រកាន់ប្រហែលជាកើតឡើងដោយអចេតនា៕