Author: Dol Pheakdey

សារព័ត៌មានល្បី CNA ចុះផ្សាយពីតំណាងថៃនៅ UN មិននិយាយរកអ្នកសែត បរទេស ៖ ទីភ្នាក់ងារព័ត៌មានល្បី CNA បានចុះផ្សាយ នៅថ្ងៃទី២៦ ខែកក្កដា ឆ្នាំ២០២៦នេះ ថា តំណាងថៃ នៅ UN (អ.ស.ប) មិននិយាយ រកអ្នកកាសែត ហើយ រំលេចខ្លឹមសារថា កម្ពុជាចង់ឲ្យមានបទឈប់បាញ់ ជាបន្ទាន់ អំឡុងកិច្ចប្រជុំ ស្វែងរកដំណោះស្រាយបញ្ចប់ជម្លោះ ដែលផ្តើមចេញពីការឈ្លានពាន របស់យោធាថៃ តាំងពីព្រឹកថ្ងៃទី២៤ ខែកក្កដា ឆ្នាំ២០២៥។ ទីភ្នាក់ងារព័ត៌មានសិង្ហបុរី Channel News Asia ហៅកាត់ CNA បានបានចេញផ្សាយ ជាភាសាអង់គ្លេស ដោយដាក់ចំណងជើងធំៗ ថា «កម្ពុជាចង់ឲ្យមានបទឈប់បាញ់ ជាបន្ទាន់ ដោយដកស្រង់សម្តី របស់តំណាងកម្ពុជា នៅ UN» តែ បានរំលេចខ្លឹមសារ បន្ថែមថា តំណាងថៃ នៅទីនោះ មិននិយាយ ជាមួយអ្នកសារព័ត៌មាន។ ប្រភពបានរៀបរាប់ថា…

អ្នកនាំពាក្យក្រសួងការពារ​ជាតិ បញ្ជាក់ថា ខេត្តបន្ទាយមានជ័យ មិនទាន់មានការផ្ទុះ អាវុធនោះទេ (ភ្នំពេញ)៖ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារ​ជាតិ បានបញ្ជាក់ថា «ខេត្តបន្ទាយមានជ័យ មិនទាន់មានការផ្ទុះ អាវុធនោះទេ តែកងទ័ពថៃបានគំរាម កំហែងមក លើកងទ័ពខ្មែរ ដោយបណ្តេញចេញពីទឹកដីកម្ពុជា ប្រសិនបើកងទ័ពខ្មែរមិនចេញ ពួកគេនឹងប្រើប្រាស់ អាវុធបាញ់ប្រហារមកលើកងទ័ពខ្មែរ»។ លោកជំទាវ បានបញ្ជាក់ដូច្នេះ​នៅក្នុងសន្និ សីទសារ ព័ត៌មាន ស្តីពីបច្ចុប្បន្នភាពនៃ ការឈ្លានពាន របស់កងទ័ពថៃមកលើទឹកដីកម្ពុជានាថ្ងៃទី២៦ ខែកក្កដានេះ៕

អ្នកនាំពាក្យក្រសួងការពារជាតិ ៖ ស្ថានភាពនៅខេត្តកោះកុង មិនមានការផ្ទុះអាវុធនោះទេ ប៉ុន្តែស្ថានភាពតានតឹង (ភ្នំពេញ)៖ លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានបញ្ជាក់នៅថ្ងៃត្រង់ថ្ងៃទី២៦កក្កដានេះថា ស្ថានភាពនៅខេត្តកោះកុង ដោយកម្លាំងវីរកងទ័ពយើងនៅឈរជើងនៅទីតាំងដដែលដោយមិនមានការផ្ទុះអាវុធនោះទេ ប៉ុន្តែស្ថានភាពបានតានតឹងដោយសារតែសកម្មភាពកងទ័ពឈ្លានពានថៃ តាមរយៈការត្រៀមចល័តនាវាចូលចន្លោះកោះកូត កោះឆាង ចំនួន ០៤គ្រឿងបន្ថែមទៀត សរុបទាំងអស់ចំនួន ០៨គ្រឿង។ នេះជាទង្វើប្រកបដោយអរិភាពរបស់កងទ័ពឈ្លានពានថៃ ដែលរំលោភបំពានដោយផ្ទាល់មកលើដែនអធិបតេយ្យរបស់កម្ពុជា និងជាការរំលោភបំពានយ៉ាងធ្ងន់ធ្ងរលើច្បាប់អន្តរជាតិ រួមទាំងធម្មនុញ្ញអង្គការសហប្រជាជាតិផងដែរ”។ “The situation in Koh Kong province has become tense, as our heroic troops remain stationed in their positions without any armed clashes. Meanwhile, the Thai invading forces are preparing to deploy…

សេចក្តីថ្លែងការណ៍របស់ក្រសួងការពារជាតិនៃព្រះរាជាណាចក្រកម្ពុជា ក្រសួងការពារជាតិ នៃព្រះរាជាណាចក្រកម្ពុជា សូមថ្កោលទោសយ៉ាងដាច់អហង្ការ ចំពោះអំពើឈ្លានពានដោយមិនមានការបង្កហេតុ និងដោយត្រៀមទុកជាមុន ដែលប្រព្រឹត្តឡើងដោយព្រះរាជាណាចក្រថៃ នៅវេលាម៉ោង ០៥:០២នាទី ថ្ងៃទី២៦ ខែកក្កដា ឆ្នាំ២០២៥ ដោយបានបើកការវាយប្រហារដោយកាំភ្លើងធំចំនួន ៥ គ្រាប់ មកលើទីតាំងជាច្រើនកន្លែង នៅក្នុងភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់។ ការរំលោភអធិបតេយ្យភាព និងបូរណភាពទឹកដីរបស់កម្ពុជាដ៏កម្រោលនេះ គឺជាការរំលោភបំពានយ៉ាងធ្ងន់ធ្ងរបំផុតលើច្បាប់អន្តរជាតិ រួមទាំងគោលការណ៍ដែលមានចែងក្នុងធម្មនុញ្ញអង្គការសហប្រជាជាតិ ហើយបានបង្កគ្រោះថ្នាក់ដល់អាយុជីវិតជនស៊ីវិលស្លូតត្រង់ និងបំផ្លាញសន្តិភាព និងស្ថិរភាពក្នុងតំបន់។ ព្រះរាជាណាចក្រកម្ពុជា អំពាវនាវឱ្យសហគមន៍អន្តរជាតិចូលរួម ក្នុងការថ្កោលទោសយ៉ាងម៉ឺងម៉ាត់បំផុតចំពោះការឈ្លានពានខុសច្បាប់របស់ថៃ។ កម្ពុជាទាមទារឱ្យថៃបញ្ឈប់រាល់សកម្មភាពអរិភាពជាបន្ទាន់ ហើយប្រកាន់ខ្ជាប់កាតព្វកិច្ចរបស់ខ្លួនក្រោមច្បាប់អន្តរជាតិ។ ខណៈពេលដែលកម្ពុជានៅតែប្តេជ្ញាចិត្ត ក្នុងការដោះស្រាយវិវាទដោយសន្តិវិធី និងអនុលោមតាមច្បាប់អន្តរជាតិ កម្ពុជារក្សាសិទ្ធិក្នុងការការពារខ្លួនដូចមានចែងក្នុងមាត្រា ៥១ នៃធម្មនុញ្ញអង្គការសហប្រជាជាតិ។ កងយោធពលខេមរភូមិន្ទ ប្តេជ្ញាចិត្តឥតងាករេ ក្នុងការការពារអធិបតេយ្យភាព បូរណភាពទឹកដី និងសុវត្ថិភាពរបស់ប្រជាជន ប្រឆាំងនឹងអំពើឈ្លានពានដ៏សាហាវឃោរឃៅរបស់ថៃ។

ឯកឧត្តមនាយឧត្តមសេនីយ៍ ទៀ សីហា៖ កងកម្លាំងកម្ពុជា បានអនុវត្តភារកិច្ចដោយភាពក្លាហាន និងម៉ឺងម៉ាត់ ការពារបូរណភាពទឹកដី ឯកឧត្តមនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នាយប់រំលងអាធ្រាតចូល​ថ្ងៃទី២៦​ ខែកក្កដា​ ឆ្នាំ២០២៥ បានបញ្ជាក់ថា បន្ទាប់ពីមានការប៉ះទង្គិចតូចៗនៅតាមបណ្តោយព្រំដែនកម្ពុជា-ថៃ ចន្លោះពី ២ថ្ងៃចុងក្រោយនេះ កងកម្លាំងប្រដាប់អាវុធកម្ពុជាបានអនុវត្តភារកិច្ចដោយភាពក្លាហាន និងម៉ឺងម៉ាត់ ដើម្បីការពារបូរណភាពទឹកដី។ សម្រាប់ខេត្តជាប់ព្រំដែនដូចជា កោះកុង, ពោធិ៍សាត់, បាត់ដំបង, ប៉ៃលិន និងបន្ទាយមានជ័យ, ឯកឧត្តមអំពាវនាវឱ្យប្រជាពលរដ្ឋរក្សាសភាពស្ងៀមស្ងាត់ មិនបង្កភាពចលាចល ហើយគោរពតាមសេចក្ដីណែនាំរបស់អាជ្ញាធរ។ ឯកឧត្តម ទៀ សីហា បញ្ជាក់ថា៖ កងកម្លាំងយើងបានត្រៀមខ្លួនរួចរាល់ សម្រាប់ការពារ​សុខសុវត្ថិភាព​របស់ប្រជាពលរដ្ឋ និងបូរណភាពទឹកដីរបស់ប្រទេសជាតិ។ សូមបងប្អូនជឿជាក់លើការដឹកនាំរបស់រាជរដ្ឋាភិបាល និងកងកម្លាំងយើង។

CNA ៖ អាមេរិក ចិន និង​ប្រធាន​ប្តូរវេន អាស៊ាន​ ចង់ជួយសម្របសម្រួល តែថៃ មិនចង់ បរទេស៖ ទីភ្នាក់ងារសារព័ត៌មានសិង្ហបុរី ផ្សាយជាភាសា អង់គ្លេស ដ៏ល្បី កម្រិតអន្តរជាតិ Channel News Asia (CNA) បានចេញផ្សាយ នៅមុននេះបន្តិច ដាក់ចំណងជើងធំៗ ថា «សហរដ្ឋ​អាមេរិក ចិន និង​ប្រធាន​ប្តូរវេន អាស៊ាន​ម៉ាឡេស៊ី បាន​ស្នើ​សុំ​ជួយ​សម្រុះសម្រួល​ការ​ចរចា ប៉ុន្តែ ​ក្រសួង​ការ​បរទេស​របស់​ប្រទេស​ថៃ​ចង់​ដោះស្រាយ​ជម្លោះ​របស់​ខ្លួន ​ជាមួយ​កម្ពុជា​ តាម​រយៈ​បណ្តាញ​ទ្វេភាគី»៕ ប្រភពពី CNA

ឯកឧត្តមអភិសន្ដិបណ្ឌិត ស សុខា បញ្ជាឱ្យផ្អាកជាបណ្ដោះអាសន្ន ការអនុវត្តច្បាប់ស្ដីពីចរាចរណ៍ផ្លូវគោក រហូតដល់មានការបញ្ជាក់ជាថ្មីនាពេលក្រោយ ភ្នំពេញ ៖ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ថា ចាប់ពីយប់ថ្ងៃទី២៥ ខែកក្កដា ឆ្នាំ២០២៥នេះតទៅ ឯកឧត្តម បញ្ជាឱ្យអគ្គស្នងការនគរបាលជាតិ ដែលមានស្នងការនគរបាលរាជធានី-ខេត្តជាសេនាធិការ ផ្អាកជាបណ្ដោះអាសន្ន ការអនុវត្តច្បាប់ស្ដីពីចរាចរណ៍ផ្លូវគោក រហូតដល់មានការបញ្ជាក់ជាថ្មីនាពេលក្រោយ។ តាមរយៈគេហទំព័រហ្វេសប៊ុក ឯកឧត្តមអភិសន្ដិបណ្ឌិត គូសបញ្ជាក់ថា «ចាប់ពីយប់ថ្ងៃទី២៥ ខែកក្កដា ឆ្នាំ២០២៥នេះតទៅតែម្ដង ខ្ញុំសម្រេចបញ្ជាឱ្យអគ្គស្នងការនគរបាលជាតិ ដែលមានស្នងការនគរបាលរាជធានី-ខេត្តជាសេនាធិការ ផ្អាកជាបណ្ដោះអាសន្ន ការអនុវត្តច្បាប់ស្ដីពីចរាចរណ៍ផ្លូវគោក រហូតដល់មានការបញ្ជាក់ជាថ្មីនាពេលក្រោយ»។ ឯកឧត្តមអភិសន្ដិបណ្ឌិត បន្ដថា ក្នុងចន្លោះពេលនេះ មន្ត្រីនគរបាលចរាចរណ៍ទូទាំងប្រទេស និងបន្តអនុវត្តតួនាទីភារកិច្ច សម្របសម្រួលការធ្វើចរាចរណ៍តាមដងផ្លូវសាធារណៈ ជាពិសេសតាមដងផ្លូវជាតិសំខាន់ៗ ដែលមានការធ្វើចរាចរណ៍របស់កងកម្លាំង អាជ្ញាធរមានសមត្ថកិច្ច និងប្រជាពលរដ្ឋ ក្នុងបេសកកម្មការពារបូរណភាពទឹកដីនិងអធិបតេយ្យភាពជាតិ។ ក្នុងពេលជាមួយគ្នានេះ ឯកឧត្តមអភិសន្ដិបណ្ឌិត សូមអំពាវនាវដោយទទូច សូមបងប្អូនជនរួមជាតិ ដែលធ្វើដំណើរតាមដងផ្លូវមេត្តាគោរពច្បាប់ បើកបរប្រកបដោយការទទួលខុសត្រូវ ដើម្បីធានាសុវត្ថិភាព និងអាយុជីវិតរបស់បងប្អូនផ្ទាល់ រួមទាំងអ្នកដំណើរផ្សេងទៀតលើដងផ្លូវ៕

អភិបាលខេត្តប៉ៃលិន ជូនដំណើរពលករខ្មែរមកពីថៃ ត្រឡប់ទៅស្រុកកំណើតវិញ តាមរយៈរថយន្តក្រុង ដោយឥតគិតថ្លៃ ប៉ៃលិន៖ ថ្ងៃទី២៥ ខែកក្កដា ឆ្នាំ២០២៥ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញសំណេះសំណាល និងជូនដំណើរបងប្អូនពលករខ្មែរ ដែលមកពីប្រទេសថៃ តាមច្រកទ្វារព្រំដែនអន្តរជាតិព្រំ ខេត្តប៉ៃលិន ត្រឡប់ទៅស្រុកកំណើតវិញ តាមរយៈរថយន្តក្រុងរបស់រដ្ឋបាលខេត្ត ដោយឥតគិតថ្លៃ។ លោកជំទាវ អភិបាលខេត្ត បានបញ្ជាក់ថា ដោយសារស្ថានភាពព្រំដែនកាន់តែតឹងតែង រដ្ឋបាលខេត្ត បានអំពាវនាវឱ្យបងប្អូនពលករខ្មែរ ដែលកំពុងធ្វើការនៅប្រទេសថៃ ត្រឡប់មកមាតុភូមិវិញ មុនពេលអាជ្ញាធរថៃ បណ្តេញចេញ ឬធ្វើការប្រមាថណាមួយ ដោយរង់ចាំទទួលទាំងអស់ឱ្យតែជាជនជាតិខ្មែរ ទោះបីជាមានឯកសារគ្រប់គ្រាន់ ឬមិនមានឯកសារគ្រប់គ្រាន់ក៏ដោយ ហើយជាក់ស្តែងនៅច្រកទ្វារព្រំដែនអន្តរជាតិព្រំ ខេត្តប៉ៃលិន គឺមានបងប្អូនពលករខ្មែរ បានធ្វើដំណើរឆ្លងព្រំដែន ត្រលប់មកកម្ពុជាវិញជារៀងរាល់ថ្ងៃ ដោយរដ្ឋបាលខេត្ត បានសហការជាមួយ ក្រសួងការងារ និងបណ្តុះបណ្តាលវិជ្ជាជីវៈបានរៀបចំទីតាំងត្រៀមទទួលបងប្អូនពលករ នៅក្បែរព្រំដែន ដើម្បីសម្រួលទាំងការស្នាក់នៅបណ្ដោះអាសន្ន ការហូបចុក ការថែទាំព្យាបាលសុខភាព និងជូនដំណើរវិលត្រលប់ទៅស្រុកកំណើតវិញ ដោយឥតគិតថ្លៃ ព្រមទាំងជួយរកការងារជូនបងប្អូនពលករផងដែរ។ លោកជំទាវបណ្ឌិត បាន ស្រីមុំ…

ភ្នំពេញ ៖ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា ដែលហៅកាត់ថា CMAC បានហៅចាត់ទុកទាហានឈ្លានពានរបស់សៀមថា បានរំលោភអនុសញ្ញាអន្តរជាតិយ៉ាងធ្ងន់ធ្ងរខណៈទាហានសៀមបានប្រើប្រាស់គ្រាប់បែកចង្កោមបាញ់មកលើទាហាន និងជនស៊ី វិលកម្ពុជានៅថ្ងៃទី២៥ ខែកក្កដា ឆ្នាំ២០២៥នេះ។ តាមរយៈបណ្តាញសង្គមហ្វេសបុក នាល្ងាចថ្ងៃទី២៥ ខែកក្កដានេះឯកឧត្តម ហេង រតនា បានបញ្ជាក់ថា គ្រាប់ចង្កោមគឺជាអាវុធដែលត្រូវបានហាមប្រាម ពោលគឺស្ថិតនៅក្រោមការហាមឃាត់នៃអនុសញ្ញាគ្រាប់បែកចង្កោមអន្តរជាតិអូស្លូ ដោយសារគ្រាប់បែកចង្កោមនេះវានឹងបង្ករគ្រោះថ្នាក់រយៈពេលវែង សម្រាប់មនុស្សជាតិ និងបរិស្ថាន។ ឯកឧត្តម ហេង រតនា ដែលជាអ្នកជំនាញឯកទេសកម្ចាត់គ្រាប់មីន និងគ្រាប់មិនទាន់ផ្ទុះ និងកាកសំណល់ពីសង្រ្គាមបានគូសបញ្ជាក់ថាព្រឹកថ្ងៃទី២៥ ខែកក្កដា ឆ្នាំ២០២៥នេះនៅសមរភូមិមុខនៃសង្គ្រាមឈ្លានពានរបស់សៀមលើព្រំដែនបូរណភាពទឹកដីខ្មែរនោះ ពួកទ័ពសៀមបានប្រើប្រាស់គ្រាប់បែកចង្កោម តាមរយៈគ្រាប់កាំភ្លើង១៥៥មម ដែលបាញ់ពីកាំភ្លើងធំប្រភេទ(M758ATMG 155 mm)បាញ់បានចម្ងាយប្រមាណ៤០គ.ម។ ឯកឧត្តមបានឲ្យដឹងទៀតថា ក្នុងគ្រាប់ផ្លោង១៥៥មមមួយគ្រាប់មានកូនគ្រាប់បែកចង្កោមចំនួន៥៦គ្រាប់ ដែល«គ្រាប់កាំភ្លើងធំប្រភេទនេះស្ថិតនៅក្រោមការហាមឃាត់នៃអនុសញ្ញាគ្រាប់បែកចង្កោមអន្តរជាតិអូស្លូ!»។ ជាមួយគ្នានោះដែរឯកឧត្តមអគ្គនាយកស៊ីម៉ាក់ក៏បានរំលេចផងដែរថា បច្ចុប្បន្ននេះមានប្រទេស១២៤ជាសមាជិករដ្ឋភាគី ហើយ«ទង្វើរបស់សៀមនេះ ជាការរំលោភអនុសញ្ញាអន្តរជាតិយ៉ាងធ្ងន់ធ្ងរបំផុត»៕

បរទេស ៖ ក្រសួងការបរទេសថៃ បានអះអាង នៅថ្ងៃទី២៥ ខែកក្កដា ឆ្នាំ២០២៥នេះ ថា រដ្ឋាភិបាលក្រុងបាងកក បានច្រានចោល កិច្ចខិតខំប្រឹងប្រែង សម្រុះសម្រួល ពីសហរដ្ឋអាមេរិក ក៏ដូចជា អន្តរជាតិ ដែលស្នើឲ្យបញ្ចប់ជម្លោះ ប្រដាប់អាវុធ ផ្តើមចេញពីការឈ្លានពានរបស់ថៃ មកលើកម្ពុជា តាំងពីថ្ងៃទី២៤ ខែកក្កដា ឆ្នាំ២០២៥។ នៅក្នុងបទសម្ភាសន៍ ជាមួយទីភ្នាក់ងារព័ត៌មាន រយធឺ អ្នកនាំពាក្យក្រសួងការបរទេសថៃ លោក Nikorndej Balankura បានប្រាប់ ថា សហរដ្ឋអាមេរិក និង ចិន ព្រមទាំង ម៉ាឡេស៊ី ដែលជាប្រធានប្តូរវេនអាស៊ាន សុទ្ធតែបានផ្តល់ការសម្របសម្រួលកិច្ចសន្ទនា ប៉ុន្តែ ទីក្រុងបាងកក កំពុងស្វែងរក ដំណោះស្រាយទ្វេភាគី ចំពោះជម្លោះនេះ។ លោក Nikorndej បាននិយាយទៀតថា ថៃមិនត្រូវការការសម្រុះសម្រួលណាមួយ ពីប្រទេសទីបី នោះឡើយ។ យោងតាមទីភ្នាក់ងារព័ត៌មាន AFP បានចេញផ្សាយថា ក្រៅពីមហាអំណាច អាមេរិក និងចិន…