Author: Dol Pheakdey

(ភ្នំពេញ)៖ ក្រុមអ្នកសារព័ត៌មានយ៉ាងហោចណាស់ ចំនួន៤០នាក់ មកពី ២៥អង្គភាពនឹងបំពេញទស្សនកិច្ច ដែលរៀបចំឡើងដោយក្រសួងកសិកម្មរុក្ខាប្រមាញ់ និងនេសាទ ជាមួយអង្គការ UNIDO ដើម្បីទស្សនកិច្ចអ្នកសារព័ត៌មាន ក្នុងការបូកសរុបគម្រោងអភិវឌ្ឍន៍ជលផលក្រោយប្រមូលផល CAPFISH-Captureនាដើមខែកញ្ញាខាងមុខ។ ក្រសួងកសិកម្មរុក្ខាប្រមាញ់ និងនេសាទបានឱ្យដឹងថា លោកជំទាវ អ៊ឹម រចនា អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទនៅថ្ងៃទី១៤ ខែកក្កដា ឆ្នាំ២០២៥ បានទទួលជួបពិភាក្សាការងារជាមួយ លោកបណ្ឌិត Shetty Seetharama THOMBATHU ប្រធានទីប្រឹក្សាបច្ចេកទេស នៃអង្គការអភិវឌ្ឍន៍ឧស្សាហកម្មសហប្រជាជាតិ ហៅកាត់ថា (UNIDO) និងក្រុមការងារ ដើម្បីត្រៀមរៀបចំដំណើរទស្សនកិច្ចសិក្សាសម្រាប់អ្នកសារព័ត៌មាន ជាលើកទី៣ ទៅកាន់សហគ្រាសកែច្នៃផលិតផលជលផលមួយចំនួន ដែលទទួលបានជោគជ័យរបស់គម្រោង CAPFISH-Capture។ ប្រភពខាងលើនេះបានឱ្យដឹងថានៅក្នុងជំនួបដែលរៀបចំធ្វើនៅទីស្ដីការក្រសួងកសិកម្ម រុក្ខាប្រមាញ់ និងនេសាទ លោកជំទាវ អ៊ឹម រចនា បានសម្តែងការស្វាគមន៍ និងថ្លែងអំណរគុណ ចំពោះកិច្ចសហការរវាងក្រសួង រដ្ឋបាលជលផល និងអង្គការ (UNIDO) ដែលបានរៀបចំដំណើរទស្សនកិច្ចសម្រាប់អ្នកសារព័ត៌មានប្រកបដោយជោគជ័យចំនួន ២លើកកន្លងមក ។ សម្រាប់ដំណើរទស្សនកិច្ចលើកទី៣ នាពេលឆាប់ៗខាងមុខនេះ…

ហ្សេរុយសាឡឹម ៖ ទោះបីជាប់ដៃក្នុងសង្គ្រាមនៅមជ្ឈិមបូព៌ាក៏ដោយ អ៊ីស្រាអែលបានឆ្លៀតបាញ់បង្ហោះផ្កាយរណបទំនាក់ទំនងអវកាស Dror-1 ទៅកាន់ទីអវកាស នៅថ្ងៃទី១៣ ខែកក្កដា នេះបើតាមសេចក្តីថ្លែងការណ៍របស់ទីភ្នាក់ងារអវកាសអ៊ីស្រាអែល (ISA)។ ផ្កាយរណបនេះ អភិវឌ្ឍ និងផលិតដោយក្រុមហ៊ុនគ្រប់គ្រងដោយរដ្ឋ Israel Aerospace Industries ហៅកាត់ (ISA) ហើយវាត្រូវបានបាញ់បង្ហោះដោយជោគជ័យចេញពីទីតាំង Cape Canaveral ក្នុងរដ្ឋផ្លរីដា សហរដ្ឋអាមេរិក តាមរយៈគ្រាប់រ៉ុក្កែត SpaceX Falcon 9។ ផ្កាយរណបនេះដែរ បង្កើតឡើងក្នុងបំណងបំពេញតម្រូវការផ្នែកទំនាក់ទំនងរបស់អ៊ីស្រាអែលសម្រាប់រយៈពេល ១៥ឆ្នាំខាងមុខ ទាំងសម្រាប់ប្រតិបត្តិការជាប្រចាំ និងការសង្គ្រោះបន្ទាន់ ហើយនឹងគាំទ្របេសកកម្មសម្រាប់ប្រព័ន្ធការពារដែនអាកាសរបស់អ៊ីស្រាអែល នេះបើយោងតាមក្រុមហ៊ុន ISA។ ផផ្កាយរណបនេះ នឹងដំណើរការ ពី ចំណុច ថេរ ក្នុង លំហ ក្នុង រយៈ កម្ពស់ ៣៦.០០០គីឡូម៉ែត្រ។ វាមានទម្ងន់ប្រហែល ៤.៥តោន មានស្លាបប្រវែង ១៧.៨ម៉ែត្រ និងផ្ទុកអង់តែនដែលមានអង្កត់ផ្ចិត ២.៨ម៉ែត្រ ដែលជាអង់តែនធំបំផុតមិនធ្លាប់មានសម្រាប់ប្រើប្រាស់បំពាក់ក្នុងផ្កាយរណបទំនាក់ទំនងរបស់អ៊ីស្រាអែល។ ក្រុមហ៊ុន ISA…

ឯកឧត្តម ហ៊ុន ម៉ានី ដឹកនាំកិច្ចប្រជុំ ជំរុញការកែទម្រង់រដ្ឋបាលសាធារណៈ (ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាអនុប្រធានប្រចាំការនៃ គណៈកម្មាធិការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ របស់រាជរដ្ឋាភិបាលនីតិកាលទី៧ នៃរដ្ឋសភា ដឹកនាំកិច្ចប្រជុំលេខាធិការដ្ឋាន ដើម្បីពិភាក្សាលើឯកសារបទដ្ឋានគតិយុត្តចំនួន៣ និងការងារឆ្ពោះទៅមុខក្នុងការអនុវត្តការកែទម្រង់រដ្ឋបាលសាធារណៈ។ កិច្ចប្រជុំនារៀបចំឡើងនារសៀលថ្ងៃទី១៤ ខែកក្កដា ឆ្នាំ២០២៥ នៅគណៈកម្មាធិការកែទម្រង់រដ្ឋបាលសាធារណៈ មានការអញ្ជើញចូលរួមពី ឯកឧត្តមឧបនាយករដ្ឋមន្ត្រី រដ្ឋមន្ត្រី ឯកឧត្តម លោកជំទាវ តំណាងក្រសួង ស្ថាប័នទាំង ៣១ ការដ្ឋានកែទម្រង់ទាំង៥ របស់រាជរដ្ឋាភិបាល និងរដ្ឋបាលរាជធានី ខេត្តទាំង២៥ ព្រមទាំងថ្នាក់ដឹកនាំ និងមន្រ្តីបច្ចេកទេសក្រសួងមុខងារសាធារណៈ។ កិច្ចប្រជុំ ពិភាក្សាលើការរបៀបវារៈចំនួន៤ រួមមាន៖ (១)សេចក្តីព្រាងអនុក្រឹត្យស្តីពីការរៀបចំនិងការប្រព្រឹត្តទៅនៃលេខាធិការដ្ឋានរបស់ក្រសួង ស្ថាប័ន ចំណុះអង្គការនីតិប្រតិបត្តិំ (២)សេចក្តីព្រាងអនុក្រឹត្យស្តីពីការរៀបចំអង្គភាពសវនកម្មផ្ទៃក្នុងក្រសួង ស្ថាប័ន ចំណុះអង្គភាពនីតិប្រតិបត្តិ (៣)សេចក្តីព្រាងអនុក្រឹត្យស្តីពីការបង្កើតគណៈកម្មាធិការលើកកម្ពស់អភិបាលកិច្ចក្រសួង ស្ថាប័ន ចំណុះអង្គភាពនីតិប្រតិបត្តិ និង (៤)ការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធនៃគ្រឹះស្ថានសិក្សាសាធារណៈ អង្គភាពសុខាភិបាលមូលដ្ឋាន និងក្រសួង ស្ថាប័ន ចំណុះអង្គភាពនីតិប្រតិបត្តិ៕

បរទេស ៖ នាយករដ្ឋមន្ត្រី អ៊ីស្រាអែល លោក Netanyahu កាលពីថ្ងៃអាទិត្យ បានទៅផ្តល់សក្ខីកម្ម នៅក្នុងការកាត់ក្តី លើសំណុំរឿង ពុករលួយ។ លោក Benjamin Netanyahu បានទៅដល់តុលាការ ក្នុងទីក្រុង Tel Aviv សម្រាប់សវនាការថ្មី មួយទៀត។ លោក Netanyahu ប្រឈមមុខនឹងការចោទប្រកាន់ ពីបទសូកប៉ាន់, ការក្លែងបន្លំ និងការរំលោភ លើទំនុកចិត្តសាធារណៈ នៅក្នុងករណី បី ដាច់ដោយឡែកពីគ្នា ហើយលោក គឺជានាយករដ្ឋមន្ត្រីដំបូងគេរបស់អ៊ីស្រាអែល ដែលប្រឈមមុខ នឹងការកាត់ក្តីព្រហ្មទណ្ឌ។ កាលពីថ្ងៃព្រហស្បតិ៍ នាយករដ្ឋមន្ត្រី អ៊ីស្រាអែលរូបនេះ បានស្នើសុំតុលាការ ពន្យារពេលការផ្តល់សក្ខីកម្ម របស់លោក នៅក្នុងការកាត់ក្តីពុករលួយដ៏យូរ បន្ទាប់ពីប្រធានាធិបតីអាមេរិក លោក Donald Trump បានអំពាវនាវឱ្យលុបចោល សំណុំរឿងនេះ ទាំងស្រុង។ នៅក្នុងឯកសារមួយ ផ្ញើទៅកាន់សាលាក្តី លោក Amit Hadad មេធាវី របស់លោក…

បរទេស ៖ លោក Macron កាលពីថ្ងៃអាទិត្យ បានអំពាវនាវឱ្យមានការជំរុញយ៉ាងច្រើន ដល់ការចំណាយលើវិស័យការពារជាតិ របស់ប្រទេសបារាំង។ ប្រធានាធិបតីបារាំង លោក Emmanuel Macron បានអំពាវនាវឱ្យ ការចំណាយលើវិស័យការពារជាតិរបស់បារាំង ត្រូវបានជំរុញយ៉ាងខ្លាំង ក្នុងរយៈពេល ២ឆ្នាំខាងមុខ ដោយនិយាយថា អឺរ៉ុបប្រឈមមុខនឹងការគំរាមកំហែង កាន់តែខ្លាំងឡើង។ លោក Macron និយាយថា ថវិកាការពារជាតិរបស់បារាំង គួរតែកើនឡើងចំនួន ៣.៥ពាន់លានអឺរ៉ូ ឬ ៤.១ពាន់លានដុល្លារ នៅឆ្នាំ២០២៦ ហើយ បន្ទាប់មក ៣ ពាន់លានអឺរ៉ូ បន្ថែមទៀត នៅឆ្នាំ២០២៧។ លោក Macron បានសំដៅទៅលើ «ភាពអចិន្ត្រៃយ៍ នៃការគំរាមកំហែង របស់រុស្ស៊ី» នៅព្រំដែនអឺរ៉ុប។ លោក Macron បាននិយាយថា «មិនដែលមានបញ្ហាសន្តិភាព នៅលើទ្វីបរបស់យើង ស្ថិតលើកម្រិត បែបនេះទេ យើងត្រូវសម្រេចចិត្ត នៅពេលនេះ»។ លោកបានបន្ថែមថា «ប្រទេសបារាំង បានប្រឈមមុខនឹងបញ្ហានៃជោគវាសនា របស់ជាតិ»៕…

ព្យុងយ៉ាង​៖ កូរ៉េខាងជើងបានផ្គត់ផ្គង់ដល់រុស្ស៊ីយ៉ាងជាប់លាប់នូវគ្រាប់កាំភ្លើងធំទំហំ ១៥២មីល្លីម៉ែត្រជាង ១២លានគ្រាប់ ដើម្បីជួយទីក្រុងមូស្គូក្នុងសង្រ្គាមប្រឆាំងនឹងអ៊ុយក្រែន នេះបើតាមសេចក្តីរាយការណ៍របស់សារព័ត៌មាន Yonhap កាលពីថ្ងៃអាទិត្យ ដោយដកស្រង់ប្រភពពីចារកម្មយោធាកូរ៉េខាងត្បូង។ របាយការណ៍ពីទីភ្នាក់ងារស៊ើបការណ៍សម្ងាត់ការពារជាតិកូរ៉េខាងត្បូង ហៅកាត់ (DIA) ដែលចែករំលែកជាមួយសមាជិកសភាមកពីគណបក្សប្រឆាំងដ៏សំខាន់មួយ បានឱ្យដឹងថា កូរ៉េខាងជើងត្រូវបានគេប៉ាន់ប្រមាណថា បានបញ្ជូនទូរកុងតឺន័រចំនួន ២៨.០០០កុងតឺន័រ ផ្ទុកដោយសព្វាវុធ និងគ្រាប់កាំភ្លើងធំទៅឱ្យរុស្ស៊ី។ ទីភ្នាក់ងារ DIA ដែលស្ថិតក្រោមក្រសួងការពារជាតិកូរ៉េខាងត្បូងនេះ បន្ថែមថា បើសិនគណនាតែសំបកគ្រាប់កាំភ្លើងធំទំហំ ១៥២មីលីម៉ែត្រ គេជឿជាក់ថា មានចំនួនដល់ទៅជាង ១២លានគ្រាប់។ រីឯកាលពីចុងខែមិថុនា ទីភ្នាក់ងារស៊ើបការណ៍សម្ងាត់កូរ៉េខាងត្បូង បានអះអាងថា កូរ៉េខាងជើងទំនងជានឹងបញ្ជូនទាហានបន្ថែមទៀតទៅកាន់ប្រទេសរុស្ស៊ីក្នុងរយៈពេលពីរខែខាងមុខទៀត។ កូរ៉េខាងជើងបានពង្រាយពលទាហានរាប់ពាន់នាក់ ដើម្បីជួយច្បាំងរុស្ស៊ីក្នុងសង្គ្រាមប្រឆាំងអ៊ុយក្រែន បន្ទាប់ពីការចុះហត្ថលេខាលើសន្ធិសញ្ញាភាពជាដៃគូយុទ្ធសាស្ត្រដោយមេដឹកនាំកូរ៉េខាងជើង លោក គីម ជុងអ៊ុន និងលោកប្រធានាធិបតីរុស្ស៊ី វ្ល៉ាឌីមៀ ពូទីន នៅទីក្រុងព្យុងយ៉ាង ក្នុងខែមិថុនា ឆ្នាំ ២០២៤។ បើតាមការបញ្ជាក់របស់លោកប្រធានសន្តិសុខរុស្ស៊ី Shoigu កូរ៉េខាងជើងនឹងបញ្ជូនពលទាហានចំនួន ៦.០០០នាក់ទៅរុស្ស៊ី រួមទាំងវិស្វករប្រយុទ្ធ ១.០០០ នាក់ និងអ្នកសាងសង់យោធា ៥.០០នាក់ ក្នុងគោលបំណងជួយបោសសម្អាតគ្រាប់មីន…

វ៉ាស៊ីនតោន ៖ មេដឹកនាំអាមេរិកនិយាយថា លោកនឹងបញ្ជូនប្រព័ន្ធការពារដែនអាកាសប៉ាទ្រីយ៉ូតទៅជួយការពារផ្ទៃប្រទេសអ៊ុយក្រែន ពីការវាយប្រហារតាមផ្លូវអាកាសរបស់រុស្ស៊ី ខណៈដែលលោកប្រធានាធិបតី ពូទីន នៅតែចចេសរឹងរូសមិនព្រមបិទបញ្ចប់ការឈ្លានពានទឹកដីអ៊ុយក្រែន។ ប៉ាទ្រីយ៉ូត គឺជាប្រព័ន្ធខែលប្រឆាំងមីស៊ីលដែលបាញ់ចេញពីផ្ទៃដីទៅអាកាស។ វាមានបំពាក់ដោយប្រព័ន្ធរ៉ាដា ស្ថានីយគ្រប់គ្រង ម៉ាស៊ីនភ្លើង ស្ថានីយបាញ់ និងយានគាំទ្រមួយចំនួនទៀត ហើយប្រព័ន្ធអាវុធនេះ មានសមត្ថភាពផ្សេងគ្នាៗ អាស្រ័យទៅលើប្រភេទនៃមីស៊ីលស្ទាក់ចាប់ដែលត្រូវបានប្រើ។ ជាក់ស្តែង មីស៊ីលស្ទាក់ចាប់ PAC-2 បាញ់បានចម្ងាយលើស ១០០គីឡូម៉ែត្រ និងមីស៊ីលស្ទាក់ចាប់ PAC-3 បាញ់បានចម្ងាយអតិបរមា ៦៩គីឡូម៉ែត្រ។ បើតាមមជ្ឈមណ្ឌលសម្រាប់យុទ្ធសាស្ត្រ និងការសិក្សាអន្តរជាតិ (CSIS) ប្រព័ន្ធប៉ាទ្រីយ៉ូត មានតម្លៃជាង ១ពាន់លានដុល្លារ ក្នុងនោះ ៤០០លានដុល្លារសម្រាប់ប្រព័ន្ធ និង៦៩០លានដុល្លារសម្រាប់មីស៊ីល ដោយក្នុងមួយគ្រាប់មានតម្លៃជាង ៤លានដុល្លារ។ លោកប្រធានាធិបតី ដូណាល់ ត្រាំ បានប្រាប់ក្រុមអ្នកសារព័ត៌មាននៅឯមូលដ្ឋានទ័ព Andrews ខាងក្រៅទីក្រុងវ៉ាស៊ីនតោនថា យើងនឹងបញ្ជូនប្រព័ន្ធការពារដែនអាកាស ដែលអ៊ុយក្រែនកំពុងត្រូវការខ្លាំង ពីព្រោះលោកប្រធានាធិបតី ពូទីន ពិតជាធ្វើឱ្យមនុស្សជាច្រើនភ្ញាក់ផ្អើល។ លោកថា លោក ពូទីន បាននិយាយល្អនៅពេលព្រឹក ហើយបន្ទាប់មកគាត់បញ្ជាឱ្យទម្លាក់គ្រាប់បែកលើមនុស្សគ្រប់គ្នានៅពេលល្ងាច។ ខ្ញុំមិនចូលចិត្តទេ…

អឺរ៉ុប និងឥណ្ឌូណេស៊ីឈានដល់កិច្ចព្រមព្រៀងពាណិជ្ជកម្មសេរី ព្រុចសែល ៖ សហភាពអ៊ឺរ៉ុប និងឥណ្ឌូណេស៊ី បានប្រកាសពីកិច្ចព្រមព្រៀងនយោបាយ ដើម្បីបញ្ចប់កិច្ចព្រមព្រៀងពាណិជ្ជកម្មសេរីដែលរង់ចាំជាយូរមកហើយ ខណៈមេដឹកនាំអាមេរិកកំពុងដុតបញ្ឆេះភ្លើងសង្គ្រាមពាណិជ្ជកម្មពិភពលោក។ កិច្ចព្រមព្រៀងត្រូវបានប្រកាសដោយលោកស្រីប្រធានសហភាពអឺរ៉ុប Ursula von der Leyen និងលោកប្រធានាធិបតីឥណ្ឌូណេស៊ី Prabowo Subianto នៅថ្ងៃទី១៣ ខែកក្កដា។ ប្លុកអឺរ៉ុបចំនួន២៧ប្រទេស និងប្រទេសដែលមានសេដ្ឋកិច្ចធំជាងគេនៅអាស៊ីអាគ្នេយ៍ បានចរចាលើកិច្ចព្រមព្រៀងនេះតាំងពីឆ្នាំ២០១៦មកម្ល៉េះ ទើបអាចឈានដល់កិច្ចព្រមព្រៀង ដែលត្រូវបានរំពឹងថា នឹងបង្កើនពាណិជ្ជកម្ម រួមទាំងការវិនិយោគ។ សេចក្តីថ្លែងការណ៍របស់គណៈកម្មការអឺរ៉ុបបានហៅកិច្ចព្រមព្រៀងនេះថា ជា “ព្រឹត្តិការណ៍ដ៏សំខាន់មួយ” ឆ្ពោះទៅរកកិច្ចព្រមព្រៀងដែលនឹងត្រូវបញ្ចប់នៅក្នុងខែកញ្ញា ដោយលោកប្រធានពាណិជ្ជកម្មសហភាពអឺរ៉ុប Maros Sefcovic និងលោករដ្ឋមន្ត្រីសេដ្ឋកិច្ចឥណ្ឌូនេស៊ី Airlangga Hartarto។ សហភាពអឺរ៉ុបបានបង្កើនកិច្ចខិតខំប្រឹងប្រែងកែលម្អទំនាក់ទំនងជាមួយដៃគូសក្តានុពលសំខាន់ៗជុំវិញពិភពលោក ខណៈដែលលោកប្រធានាធិបតី Donald Trump កំពុងដុតបញ្ឆេះភ្លើងសង្គ្រាមពាណិជ្ជកម្មជាមួយនឹងការដំឡើងពន្ធគយ។ អឺរ៉ុបគឺជាដៃគូពាណិជ្ជកម្មធំជាងគេទី៥របស់ឥណ្ឌូណេស៊ី ជាមួយនឹងទំហំពាណិជ្ជកម្មទ្វេភាគីឈានដល់ ៣០.១ ពាន់លានដុល្លារកាលពីឆ្នាំ២០១៤៕ ប្រភព ៖ AFP

សម្តេចធិបតី ហ៊ុន ម៉ាណែត បញ្ជាឱ្យធ្វើវិសោធនកម្មច្បាប់ចំនួនពីរ ពាក់ព័ន្ធនឹងការពង្រឹងវិស័យយោធា (កំពង់ឆ្នាំង)៖ សម្តេចធិបតី នាយឧត្តមសេនីយ៍ ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់ថា ពាក់ព័ន្ធនឹងការពង្រឹងវិស័យយោធា សម្ដេចបានបញ្ជាឱ្យធ្វើវិសោធនកម្មច្បាប់ចំនួនពីរ ក្នុងនោះមានច្បាប់ កាតព្វកិច្ចយោធាឆ្នាំ ២០០៦ ដែលត្រូវធ្វើរួចរាល់ និងដាក់ឱ្យអនុវត្តនៅឆ្នាំ២០២៦ខាងមុខ, ការធ្វើវិសោធនកម្មនេះ ដើម្បីបង្កើនប្រសិទ្ធភាព ក្នុងការបំពេញសាច់ទ័ព ជាពិសេសការបំពេញ ពលទាហានថ្នាក់ក្រោមឱ្យបានគ្រប់គ្រាន់។ ទីពីរការធ្វើវិសោធនកម្មច្បាប់សោធន របស់យោធា ។ សម្តេចធិបតីនាយឧត្តមសេនីយ៍ ហ៊ុន ម៉ាណែត បានបញ្ជាក់បែបនេះ ក្នុងឱកាសអញ្ជើញសម្ពោធ ដាក់ឱ្យប្រើប្រាស់ សមិទ្ធផលនៃមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងអបអរសាទរខួបលើក ទី៣២ ទិវាកងរាជអាវុធហត្ថ (១៤ កក្កដា ១៩៩៣-១៤ កក្ដដា ២០២៥) ស្ថិតនៅភូមិច្រកកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី១៤ ខែកក្កដា ឆ្នាំ២០២៥ ។ សម្តេចធិបតី បានថ្លែងថា នាពេលថ្មីៗនេះ ទើបមានការប្រជុំចង្អៀតមួយ ក្នុងការធ្វើកំណែទម្រង់កងទ័ព។…

ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញផ្តល់បាឋកថាស្តីពី «កំណែទម្រង់រដ្ឋបាលសាធារណៈ» ជូនដល់សមាជិក សមាជិកាយុវជនគណបក្សប្រជាជនកម្ពុជា (ភ្នំពេញ)៖ ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍នៃគណៈកម្មាធិការកណ្តាល គណបក្សប្រជាជនកម្ពុជា និងជាឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ បានអញ្ជើញផ្តល់បាឋកថាស្តីពី «កំណែទម្រង់រដ្ឋបាលសាធារណៈ» នាព្រឹកថ្ងៃអាទិត្យទី១៣ ខែកក្កដា ឆ្នាំ២០២៥ ។ ការអញ្ជើញផ្តល់បាឋកថានេះ គឺធ្វើឡើងក្នុងវេទិកាផ្សព្វផ្សាយរបស់យុវជន គណបក្សប្រជាជនកម្ពុជាថ្នាក់កណ្តាល ដែលមានសមាជិក សមាជិកា យុវជនគណបក្សចូលរួមសរុបចំនួន ៣,៥០០នាក់ នៅទីស្នាក់ការកណ្តាល គណបក្សប្រជាជនកម្ពុជា(វិមាន ៧មករា) ។ ក្នុងបទបាឋកថា ឯកឧត្តមឧបនាយករដ្ឋមន្រ្តី បានរំលឹកអំពីទិដ្ឋភាពទូទៅ នៃការកែទម្រង់រដ្ឋបាលសាធារណៈទាំងនៅលើសកលលោក ទាំងនៅក្នុងបរិបទនៃកម្ពុជា។ ក្នុងនោះ ឯកឧត្តម ក៏បានរំលេចពីការអនុវត្តវិធានការគន្លឹះទាំង៣ ក្នុងការកែទម្រង់រដ្ឋបាលសាធារណៈ ដែលជាកិច្ចការងារអាទិភាពរបស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំដោយផ្ទាល់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា តាមរយៈគណៈកម្មាធិការជាតិ ជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី៧ នៃរដ្ឋសភា (គ.វ.រ.)។ សូមជម្រាបផងដែរថា…