Author: Dol Pheakdey

ឯកឧត្តម ឧបនាយករដ្ឋមន្រ្តី ហ៊ុន ម៉ានី៖ “ចំពោះកិច្ចការការពារអធិបតេយ្យភាព និងផលប្រយោជន៍ជាតិ យើងខ្មែរ ត្រូវតែរួបរួមគ្នា” ឯកឧត្តម ហ៊ុន ម៉ានី ឧបនាយករដ្ឋមន្រ្ដី រដ្ឋមន្រ្ដីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានកោតសរសើរ និងបង្ហាញនូវមោទនភាព ដែលទទួលបានភាពកក់ក្តៅជាស្មារតីរួម ក្រោមការត្រៀមខ្លួនយ៉ាងស្វាហាប់របស់កងកម្លាំងមិនរាថយក្នុងការការពារបូរណភាពទឹកដី ហើយបានលើកឡើងថា “ចំពោះកិច្ចការការពារអធិបតេយ្យភាព និងផលប្រយោជន៍ជាតិ យើងខ្មែរ ត្រូវតែរួបរួមគ្នា។” ការកោតសរសើរនេះ ក្នុងពិធីសំណេះសំណាលសួរសុខទុក្ខ និងប្រគល់អំណោយរបស់សហភាពសហព័ន្ធយុវជនកម្ពុជាជូនដល់នាយទាហាន នាយទាហានរង ពលទាហាន និងកងកម្លាំងប្រដាប់អាវុធដែលឈរជើងនៅជួរមុខតាមបណ្ដោយព្រំដែន ទិសទី២ និងទិសទី៣ ខេត្តឧត្តរមានជ័យ នៅទីបញ្ជាការតំបន់ប្រតិបត្តិការសឹករងខេត្តឧត្តរមានជ័យ នាព្រឹកថ្ងៃទី០២ ខែកក្កដា ឆ្នាំ២០២៥។ ឯកឧត្តមឧបនាយករដ្ឋមន្ត្រី គូសបញ្ជាក់ពីការចូលរួមរបស់ប្រជាជនខ្មែរគ្រប់ស្រទាប់វណ្ណៈដោយរំលឹកដែរថា កាលពីថ្ងៃទី១៨ ខែមិថុនា ឆ្នាំ២០២៥កន្លងទៅ សហភាពសហព័ន្ធយុវជនកម្ពុជាបានផ្ដួចផ្ដើមរៀបចំកម្មវិធីដំណើរថ្មើរជើង “Solidarity March” ដែលមានការចូលរួមពីប្រជាជនកម្ពុជាប្រមាណ ១៥ម៉ឺននាក់ ក្នុងស្មារតីគាំទ្រដល់ចំណាត់ការរបស់រាជរដ្ឋាភិបាលកម្ពុជាលើការដោះស្រាយបញ្ហាព្រំដែនជាមួួយប្រទេសជិតខាងក្រោមស្មារតី “ខឿនការពារជាតិប្រជាជន ជាខែលការពារជាតិដ៏រឹងមាំ”៕ ដោយ៖ពលជ័យ រូបភាព៖ក្រសួងមុខងារសាធារណៈ

សម្តេចតេជោ ហ៊ុន សែន ផ្ញើសារអអរសាទរខួប៧៤ឆ្នាំសម្រាប់កម្ពុជា ចូលជាសមាជិកអង្គការយូណេស្កូ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រ​កម្ពុជា និង​ជា​គណបក្ស​ប្រជាជន​កម្ពុជា នៅព្រឹកថ្ងៃទី៣ ខែកក្កដា ឆ្នាំ២០២៥នេះ បានផ្ញើសារ​អបអរ​សាទរ​ខួប​លើក​ទី៧៤​ឆ្នាំ ចំពោះព្រះរាជាណាចក្រកម្ពុជា ចូលជាសមាជិកអង្គការយូណេស្កូ ( ៣ កក្កដា ១៩៥១ -៣ កក្កដា ២០២៥ ) ខណៈ​រយៈពេល​៧៥​ឆ្នាំ​មក​នេះ​សម្បត្តិ​វប្បធម៌​របស់​ខ្មែរ​មាន​ចំនួន​១៤​ហើយ ដែលបានចុះបញ្ជីចូលអង្គការយូណេស្កូនោះ។ ​តាមរយៈបណ្តាញសង្គមហ្វេសបុក និងតេលេក្រាម សម្តេចតេជោ ហ៊ុន សែន បានលើកឡើងថា ថ្ងៃ​នេះ​គឺ​ជាខួប៧៤ឆ្នាំ ដែលកម្ពុជាចូលជាសមាជិករបស់អង្គការយូណេស្កូ (៣ កក្កដា ១៩៥១-៣ កក្កដា ២០២៥) ដែលអង្គការយូណេស្កូ គឺជាផ្នែកមួយរបស់អង្គការសហប្រជាជាតិ ត្រូវ​បាន​បង្កើត​ឡើង​នៅថ្ងៃទី១៦ ខែវិច្ឆិកា ឆ្នាំ១៩៤៥ មានបេសកកម្មពិសេសក្នុងការរក្សានូវសន្តិភាព និង​សន្តិសុខ​ក្នុងពិភពលោក ដោយលើកកម្ពស់កិច្ចសហប្រតិបត្តិការក្នុងចំណោមប្រជាជាតិនានា តាម​រយៈការអប់រំ វិទ្យាសាស្ត្រ វប្បធម៌ និងទំនាក់ទំនងជាដើម។ ​សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា…

Breaking News! លិចសាឡាងឥណ្ឌូនេស៊ី ស្លាប់៤នាក់ ២៣នាក់ត្រូវបានសង្គ្រោះ ហ្សាកាតា ៖ មនុស្ស យ៉ាងតិចណាស់ ចំនួន៤នាក់បានស្លាប់ និង ២៣ នាក់ផ្សេងទៀត ត្រូវបានជួយសង្គ្រោះ អំឡុងហេតុការណ៍លិចសាឡាង នៅប្រទេសឥណ្ឌូនេស៊ី។ ប៉ូលិសក្នុងតំបន់ បាននិយាយ នៅថ្ងៃព្រហស្បតិ៍នេះ ថា «សាឡាងមួយគ្រឿងនេះ បានដឹកមនុស្ស ៦៥នាក់ តែបានលិច នៅតាមផ្លូវ ទៅកាន់កោះបាលី។ លោក Rama Samtama Putra មេប៉ូលីស នៃទីក្រុង Banyuwangi ភាគខាងកើត កោះ Java បានប្រាប់ AFP ថា «មនុស្ស២៣នាក់ ត្រូវបានជួយសង្គ្រោះ និង ៤នាក់បានស្លាប់» ដោយនិយាយថា នោះគឺជាការធ្វើបច្ចុប្បន្នភាពព័ត៌មាន ចុងក្រោយបំផុត ត្រឹមម៉ោង៧៖៥០នាទី ព្រឹក ខណៈដែលទីភ្នាក់ងារជួយសង្គ្រោះក្នុងស្រុកមួយ បាននិយាយ ដំបូងថា មនុស្ស ៦១នាកបានបាត់ខ្លួន៕ ប្រភពពី AFP

រយៈពេល៧៤ឆ្នាំក្រោយកម្ពុជាចូលជាសមាជិកអង្គការយូណេស្កូ មានសម្បត្តិ​វប្បធម៌​ខ្មែរ​ចំនួន​១៤​ហើយ​បាន​ចុះ​បញ្ជីចូលអង្គការយូណេស្កូ ក្នុងឱកាសអបអរសាទរខួប៧៥ ឆ្នាំ ដែលកម្ពុជា ចូលជាសមាជិកអង្គការយូណេស្កូ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានឲ្យដឹងថា រយៈពេល៧៥ឆ្នាំមកនេះ សម្បត្តិ​វប្បធម៌​របស់​ខ្មែរ​ចំនួន១៤ ហើយ ដែលបានចុះបញ្ជីចូលអង្គការណូណេស្កូ ដោយក្នុងនោះ​មាន​បេតិក​ភណ្ឌ​រូបី​ចំនួន​៤ សម្បតិ្តបេតិកភណ្ឌអរូបី ចំនួន៧ ខណៈបញ្ជី​ស្មារតី​ចង​ចាំ​នៃ​ពិភព​លោក​ចំនួ​ន៣​។ តាមរយៈសារអបអរសាទរខួបលើកទី៧៥ឆ្នាំ ដែលកម្ពុជាចូលជាសមាជិករបស់អង្គការយូណេស្កូ សម្តេចធិបតី ហ៊ុន ម៉ាណែត នាយករដ្ឋមន្រ្តីបានបញ្ជាក់ថា ចាប់តាំង​ពី​កម្ពុជា​បាន​ចូល​ជា​សមាជិក​របស់​អង្គការយូណេស្កូ កម្ពុជាបានចុះបញ្ជីនូវសម្បតិ្តបេតិកភណ្ឌរូបី ចំនួន ៤, សម្បតិ្តបេតិក​ភណ្ឌ​អ​រូបី ចំនួន ៧ និងបញ្ជីស្មារតីចងចាំនៃពិភពលោកចំនួន៣ ដើម្បីថែរក្សានូវទម្រង់ដើមនៃវប្បធម៌ ក៏​ដូច​ជាមរតកឥតកាត់ថ្លៃដែលបានបន្សល់ទុកដោយដូនតាខ្មែរ ព្រមទាំង​ជា​ការ​ចង​ចាំនូ​វ​ប្រវត្តិ​សាស្ត្រ​របស់កម្ពុជា ដោយក្នុងនោះរួម បេតិកភណ្ឌរូបីនៃមនុស្សជាតិ ដូចជាតំបន់​រមណីយ​ដ្ឋាន​អង្គរ​ ចុះបញ្ជីនាថ្ងៃទី១៤ ខែធ្នូ ឆ្នាំ១៩៩២ នៅទីក្រុងសាន់តាហ្វេ សហរដ្ឋអាមេរិក ,ប្រាសាទ​ព្រះវិហារ​ ចុះបញ្ជីនាថ្ងៃទី៧ ខែកក្កដា ឆ្នាំ២០០៨ នៅទីក្រុងកេបិក ប្រទេសកាណាដា, តំបន់​ប្រាសាទ​សំបូរ​ព្រៃគុក ចុះបញ្ជីនាថ្ងៃទី៨ ខែកក្កដា ឆ្នាំ២០១៧ នៅទីក្រុងក្រាកូវ…

រទេស ៖ របាយការណ៍របស់ទស្សនាវដ្តីវេជ្ជសាស្ត្រ Lancet បានបញ្ចេញឲ្យដឹងថា ការផ្តាច់ជំនួយសកល ក្រោមរដ្ឋបាល របស់លោកប្រធានាធិបតីអាមេរិក Donald Trump អាចធ្វើឱ្យមនុស្ស ១៤លាននាក់ស្លាប់ ក្នុងរយពេល៥ឆ្នាំ នេះបើតាមការចេញផ្សាយ របស់ទីភ្នាក់ងារព័ត៌មាន BBC នៅថ្ងៃទី១ ខែកក្កដា ឆ្នាំ២០២៥នេះ។ ប្រភពបានឲ្យដឹងថា មួយភាគបីនៃអ្នកដែលប្រឈមនឹងការស្លាប់ទាំងនោះ គឺជាកុមារ ដែលស្មើនឹង ៤.៥លាននាក់ មានអាយុក្រោម៥ឆ្នាំ ឬ មួយឆ្នាំ ស្លាប់កុមារ ប្រហែល៧០ម៉ឺននាក់។ លោក Davide Rasella ដែលជាសហអ្នកនិពន្ធរបាយការណ៍ Lancet បាននិយាយ នៅក្នុងសេចក្តីថ្លែងការណ៍មួយថា ប្រទេសដែលមានប្រាក់ចំណូលទាប និងមធ្យមជាច្រើន ប្រឈមនឹងភាពតក់ស្លុត ទៅនឹងជំងឺរាតត្បាតសកល ឬ ជម្លោះប្រដាប់អាវុធដ៏ធំ។ កាលពីខែមុន មន្ត្រីអង្គការសហប្រជាជាតិបានប្រាប់ BBC ថា មនុស្សរាប់សែននាក់ “កំពុងអត់ឃ្លានបន្តិចម្តងៗ” នៅក្នុងជំរុំជនភៀសខ្លួនកេនយ៉ា បន្ទាប់ពីការកាត់បន្ថយមូលនិធិរបស់សហរដ្ឋអាមេរិក ដែលនាំឲ្យមានការកាត់បន្ថយរបបអាហារ ធ្លាក់ដល់កម្រិតទាបបំផុត មិនធ្លាប់មាន។ របាយការណ៍នេះត្រូវបានបញ្ចេញ ក្នុងពេលដែលមេដឹកនាំពិភពលោក…

(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្រ្ដី រដ្ឋមន្រ្ដីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជាអញ្ជើញជាអធិបតីក្នុងពិធីសំណេះសំណាលសួរសុខទុក្ខ និងប្រគល់អំណោយរបស់សហភាពសហព័ន្ធយុវជនកម្ពុជាជូនដល់នាយទាហាន នាយទាហានរង ពលទាហាន និងកងកម្លាំងប្រដាប់អាវុធដែលឈរជើងនៅជួរមុខតាមបណ្ដោយព្រំដែន ទិសទី២ និងទិសទី៣ ខេត្តឧត្តរមានជ័យ នៅទីបញ្ជាការតំបន់ប្រតិបត្តិការសឹករងខេត្តឧត្តរមានជ័យ នាព្រឹកថ្ងៃទី០២ ខែកក្កដា ឆ្នាំ២០២៥។ មានប្រសាសន៍នាឱកាសនោះ ឯកឧត្តម ហ៊ុន ម៉ានី បានថ្លែងអំណរគុណចំពោះគ្រប់ភាគីពាក់ព័ន្ធទាំងអស់មកពីមជ្ឍដ្ឋានផ្សេងៗគ្នា ក្នុងនោះមានតំណាងមកពីវស័យរដ្ឋ វិស័យឯកជន គ្រឹះស្ថានឧត្តមសិក្សា ដែលបានចំណាយពេលវេលា និងធនធាន មកដល់ទីតាំងដើម្បីផ្តល់ជាកម្លាំងចិត្ត និងការគាំទ្រដល់កងទ័ពជួរមុខ។ ជាមួយគ្នានេះ ឯកឧត្តមបានកោតសរសើរ និងបង្ហាញនូវមោទនភាព ដែលទទួលបានភាពកក់ក្តៅជាស្មារតីរួម ក្រោមការត្រៀមខ្លួនយ៉ាងស្វាហាប់របស់កងកម្លាំងមិនរាថតក្នុងការការពារបូរណភាពទឹកដី។ ថ្លែងបន្តទៅកាន់អង្គពិធី ឯកឧត្តមបានលើកឡើងថា «ចំពោះកិច្ចការការពារបូរណភាពទឹកដី និងមុខមាត់ប្រទេសជាតិ ប្រជាជាជនខ្មែរ ត្រូវតែរួបរួមគ្នា» ដោយក្នុងនោះឯកឧត្តមបានគូសបញ្ជាក់ពីការចូលរួមរបស់ប្រជាជនខ្មែរគ្រប់ស្រទាប់វណ្ណៈ។ សារថ្មីម្តងទៀត ឯកឧត្តមក៏បានថ្លែងអរព្រះរាជគុណសម្តេចព្រះមហាក្សត្រី នរោត្តម មុនិនាថ សីហនុ ដែលបានបានប្រោសព្រះរាជទានព្រះរាជទ្រព្យចំនួន ៤០ លានរៀល មកកាន់សហភាពសហព័ន្ធយុវជនកម្ពុជា សម្រាប់ជាព្រះរាជូបត្ថម្ភដ៏ឧត្តុង្គឧត្ដមជូនដល់កងទ័ពជួរមុខនៅខេត្តព្រះវិហារដែលកំពុងបំពេញបេសកកម្មការពារបូរណភាពទឹកដីផងដែរ។ អំណោយដែលនាំយកមកប្រគល់ជូនកងទ័ពនាពេលនេះ គឺជាការរួមពីសមាជិក សមាជិការ…

(ភ្នំពេញ)៖ រដ្ឋមន្ត្រីក្រសួងកសិកម្ម រុក្ខាប្រមាញ និង នេសាទ ឯកឧត្តម ឌិត ទីណា នឹងទទួលជួបលោក ទ្រី ស៊ីថេង អ្នកមើលថែ ហ្មដំរីឈ្មោះ ឡាក់គី ដែលបានលាឈប់ពីការងារ បង្កឱ្យមានការអាណិតអាសូរដល់ដំរីកំសត់កំព្រាមេតាំងតែពីតូចមក ហើយមកដល់ពេលនេះវាត្រូវបានបាត់បង់អ្នកថែទាំរូបវាថែមទៀត ។ ការទទួលជួបពីសំណាក់រដ្ឋមន្រ្តីក្រសួងកសិកម្មនេះ ត្រូវបានគេរំពឹងថានឹងមានដំណោះស្រាយដ៏ល្អមួយរវាងអ្នកថែទាំ និងដំរីដ៏កំសត់មួយនេះផងដែរ។ គួរបញ្ជាក់ថា បន្ទាប់ពីការផ្ទុះរឿងអ្នកមើលថែ (ហ្ម) ត្រូវបានលាឈប់ពីការងារ ដែលធ្វើឱ្យមនុស្សជាច្រើន កើតមនោសញ្ចេតនា យ៉ាងអាលោះអាល័យ និង អាណិតអាសូរដល់សត្វដំរីឈ្មោះឡាក់គីដែលកំព្រាមេតាំងតែពីតូចមក ហើយពេលនេះត្រូវបានបែកបាក់ពីអ្នកថែទាំរបស់វាថែមទៀត ។ ការផ្ទុះអាណិតអាសូរដល់សត្វដំរី ដែលត្រូវបានអ្នកថែទាំងលាឈប់នេះបានកំពុងជំរុញដល់អ្នកលេងបណ្តាញសង្គមធ្វើការបង្ហោះចែកចាយបន្តគ្នាពីមួយទៅមួយ ។ រូបភាពដ៏គួរឱ្យខ្លោចផ្សានៃមនោសញ្ចេតបំផុតមួយពេលដែលអ្នកថែទាំ ប្រៀបដូចឪពុករបស់វាជាថ្ងៃចុងក្រោយ ដែលជាបានជិះម៉ូតូចាកចេញទៅបានលើកដៃ លាគ្នា តែត្រូវបានសត្វដំរី(ឡាក់គី)បានរត់មករារាំងផ្លូវ ហាក់វាមិនចង់បែកបាក់ពីអ្នកថែទាំងប្រៀបដូចឪពុកដ៏គួរជាទីស្រឡាញ់របស់វាសោះឡើយ។ រយៈពេល ២៦ឆ្នាំ វាបានរស់នៅជាមួយលោក ទ្រី ស៊ីថេង ដែលជាអ្នកថែទាំប្រៀបដូចម្តាយ និងឪពុកដែលមិនអាចកាត់ថ្លៃបានសម្រាប់រូបវា។ ទាក់ទិនក្នុងរឿងនេះដែរនៅថ្ងៃទី១ ខែ កក្កដា ឆ្នាំ២០២៥រដ្ឋបាលព្រៃឈើ ឬក្រសួងកសិកម្ម រុក្ខាប្រមាញ់ និងនេសាទបានចេញសេចក្តីប្រកាសព័ត៌មានមួយដោយបានបញ្ជាក់ថា៖…

វ៉ាស៊ីនតោន ៖ រដ្ឋបាលលោកប្រធានាធិបតី ដូណាល់ ត្រាំ កាលពីថ្ងៃចន្ទ បានយល់ព្រមលក់គ្រាប់បែកក្នុងតម្លៃ ៥១០លានដុល្លារទៅឱ្យអ៊ីស្រាអែល ក្នុងនោះមានទាំងឧបករណ៍ណែនាំពីគ្រាប់បែក និងជំនួយពាក់ព័ន្ធ។ ការទិញលក់សព្វាវុធយោធានេះ កើតឡើងចំពេលដែលអ៊ីស្រាអែលបានអូសសព្វាវុធសំខាន់ៗយ៉ាងច្រើនចេញពីឃ្លាំង ដើម្បីប្រយុទ្ធនឹងសត្រូវរបស់ខ្លួននៅតំបន់មជ្ឈិមបូព៌ា ពិសេសនៅក្នុងជម្លោះនាពេលថ្មីៗនេះជាមួយអ៊ីរ៉ង់។ ទីភ្នាក់ងារសហប្រតិបត្តិការសន្តិសុខការពារជាតិអាមេរិក ហៅកាត់ (DSCA) បាននិយាយនៅក្នុងសេចក្តីថ្លែងការណ៍មួយថា ការលក់សព្វាវុធនេះ នឹងជួយពង្រឹងសមត្ថភាពអ៊ីស្រាអែល ទប់ទល់ការគំរាមកំហែងពីសត្រូវ ទាំងក្នុងពេលបច្ចុប្បន្ន និងអនាគត ពិសេសការកែលម្អសមត្ថភាពការពារព្រំដែន និងហេដ្ឋារចនាសម្ព័ន្ធសំខាន់ៗ ក៏ដូចជាមជ្ឈមណ្ឌលប្រជាជន។ បើតាមទីភ្នាក់ងារ DSCA, អាមេរិកប្តេជ្ញាជួយជ្រោមជ្រែងពង្រឹងសន្តិសុខរបស់អ៊ីស្រាអែល ពីព្រោះវាមានសារៈសំខាន់ចំពោះផលប្រយោជន៍ជាតិអាមេរិក ក្នុងការជួយអ៊ីស្រាអែលរក្សាសមត្ថភាពការពារជាតិខ្លួនឯងឲ្យរឹងមាំ និងការត្រៀមខ្លួនជាស្រេចសម្រាប់ជម្លោះ៕ ប្រភព ៖ AFP

នំពេញ)៖ ឯកឧត្តមសាស្ត្រាចារ្យ ឈាង រ៉ា រដ្ឋមន្រ្តីសុខាភិបាល ជំរុញឱ្យគ្រូពេទ្យគ្រប់មូលដ្ឋានសុខាភិបាល ខិតខំពង្រឹងការលើកកម្ពស់ការអប់រំសុខភាពដល់ប្រជាជន តាមគ្រប់រូបភាព ដោយខិតខំជំរុញការចូលរួមរបស់សាធារណជន និងលើកកម្ពស់ការយល់ដឹងលើការការពារជំងឺមិនឆ្លង និងប្រព័ន្ធភាពស៊ាំនឹងឱសថប្រឆាំងមេរោគ។ បន្តពង្រឹងនិយ័តកម្មឱសថឱ្យបានម៉ឺងម៉ាត់ ទាំងការផលិត ការលក់ ការចែកចាយ និងការតាមដានគុណភាព សុវត្ថិភាព និងការផ្សព្វផ្សាយ ឱសថ និងខិតខំគ្រប់មធ្យោបាយ ពង្រឹងការប្រើប្រាស់ឱសថឱ្យបានត្រឹមត្រូវ ជាពិសេសឱសថដែលតម្រូវឱ្យមានវេជ្ជបញ្ជា។ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ជំរុញបែបនេះ នាព្រឹកថ្ងៃទី២ ខែកក្កដា ឆ្នាំ២០២៥ នៅសាកលវិទ្យាល័យវិទ្យាសាស្ត្រសុខាភិបាល ក្នុងសន្និសីទវិទ្យាសាស្រ្តប្រចាំឆ្នាំ ស្តីពី «អភិវឌ្ឍន៍ចំណេះដឹង និងជំនាញ ដើម្បីបម្រើសេវាសុខាភិបាល កាន់តែប្រសើរ» ដែលមានការចូលរួមផងដែរ ពីសំណាក់ ឯកឧត្តម Jaques Pellet ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋបារាំង ប្រចាំកម្ពុជា ។ ឯកឧត្តមរដ្ឋមន្រ្តី សង្ឃឹមថាសន្និសីទវិទ្យាសាស្រ្តនេះ នឹងក្លាយជាវេទិកា នៃការផ្លាស់ប្តូរចំណេះដឹង និងបច្ចេកទេសវេជ្ជសាស្រ្តថ្មីៗ រវាងប្រទេសកម្ពុជា និងប្រទេសបារាំង។ ឯកឧត្តមរដ្ឋមន្រ្តី…

បន្ទាយមានជ័យ៖ ក្នុងពិធីសម្ពោធឆ្លងសមទ្ធិផលមួយចំនួននៅវត្តភ្នំព្រះ ស្រុកថ្មពួក​ ខេត្តបន្ទាយមានជ័យ​កាលពីចុង​សប្ដាហ៍កន្លងទៅនេះសម្តេចព្រះឧត្តមចរិយាបណ្ឌិត ឈឹង ប៊ុនឈា អនុប្រធានថេរសភានៃពុទ្ធសាសនាព្រះរាជា ណាចក្រកម្ពុជាបាន​មាន​ថេរដិកាថា ព្រះសង្ឃក៏មានកាតព្វកិច្ច និមន្តចូលរួមថែរក្សាពុទ្ធសានា ពិសេសចូលរួម​ការពារបូរណភាពទឹកដីផងដែរ តាមរយៈនៃការផ្តល់អំណោយផ្សេងៗដល់កងកម្លាំង​ដែលកំពុងបំពេញភារកិច្ច​ការពារមាតុភូមិ។ សម្តេចព្រះឧត្តមចរិយាបណ្ឌិត ឈឹង ប៊ុនឈា មានថេរដិកាបន្ដថា ព្រះសង្ឃក្រៅពី​អប់រំអំពើល្អដល់ពុទ្ធបរិស័ទ ជាមួយការលើកស្ទួយវិស័យពុទ្ធសាសនា រួមទាំង​អក្សរសាស្ត្រ​​ផងនោះ​ព្រះសង្ឃគ្រប់អង្គចាំបាច់ក៏មាន​កាតព្វកិច្ច​និមន្តចូលរួមការពារ​បូរណភាពទឹកដីជាមួយកងកម្លាំងប្រដាប់អាវុធ តាមរយៈនាំយកនូវទេយ្យវត្ថុ​គ្រឿង​បរិភោគ និងបច្ច័យទៅឧបត្ថម្ភដល់កងទ័ពនៅព្រំដែន។ សម្តេចព្រះឧត្តមចរិយាបណ្ឌិតបានបន្តថា ព្រះសង្ឃ ក៏ដូចពុទ្ធបរិស័ទ មន្ត្រីរាជការ ជាអ្នកនៅ​សមរភូមិ​ក្រោយដែល​ជាកម្លាំងចិត្តជួយឧបត្ថម្ភគាំទ្រសមរភូមិមុខ​ដែលមិនអាចខ្វះបាន។ក្នុងតម្លៃណាក៏ដោយ យើងរួមសាមគ្គីគ្នាជា​កម្លាំងក្នុង​ការថែរក្សាសន្តិភាព ការពារទឹកដីខ្មែរឱ្យបានគង់វង់តរៀងរហូត។ ព្រះតេជគុណ ចាន់ សុជន ព្រះចៅអធិការវត្តភ្នំព្រះមានសង្ឃដិកាថា សមិទ្ធផលដែល​សម្ពោធឆ្លង​ពេលរួមមាន​ ស្នាមព្រះបាតមួយគូនិងរោង ,កុដិ ២ខ្នង, ពុទ្ធបដិមាមួយ​ព្រះអង្គធំទំហំ១.២ម៉ែត្រ សរុបជាទឹកប្រាក់ចំនួន ៦៦ ០០០ ដុល្លារអាមេរិក​ដែលជាសទ្ធារបស់សប្បុរសជនក្នុងនិងក្រៅប្រទេស៕