Author: Dol Pheakdey

កៀវ ៖ រដ្ឋាភិបាលទីក្រុងកៀវបង្ហាញពីការព្រួយបារម្ភពាក់ព័ន្ធនឹងមីស៊ីលផ្លោង KN23 របស់កូរ៉េខាងជើង ដែលកងទ័ពរុស្ស៊ីបានប្រើវាយលុកទ្រង់ទ្រាយធំនាពេលថ្មីៗនេះនៅក្នុងទឹកដីអ៊ុយក្រែន ហើយថា មីស៊ីលទាំងនោះ ឥឡូវនេះកាន់តែមានភាពខ្លាំងក្លាជាងមុន។ ប្រមុខចារកម្មការពារជាតិអ៊ុយក្រែន លោក Kyrylo Budanov បានចាត់ទុកមីស៊ីល KN23 របស់កូរ៉េខាងជើងថា ជាការគំរាមកំហែងផ្នែកយោធា នៅក្នុងបទសម្ភាសន៍មួយដែលចេញផ្សាយកាលពីថ្ងៃចន្ទ។ លោកថា មីស៊ីលនោះ ធ្លាប់វាយប្រហារខុសគោលដៅក្នុងចម្ងាយពីរបីគីឡូម៉ែត្រ តែឥឡូវនេះ ពួកវាធ្លាក់ចំគោលដៅកំណត់យ៉ាងត្រឹមត្រូវ។ អ្នកនាំពាក្យក្រសួងការបរទេសអ៊ុយក្រែននិយាយថា មីស៊ីលផ្លោងរយៈចម្ងាយខ្លី KN23 របស់កូរ៉េខាងជើងចំនួន២គ្រាប់ ត្រូវបានកងកម្លាំងអ៊ុយក្រែនបាញ់ទម្លាក់នៅទីក្រុងកៀវ។ អ្នកនាំពាក្យរួបនេះបានគូសបញ្ជាក់ថា មីស៊ីលរបស់កូរ៉េខាងជើងទាំងនោះ ត្រូវបានធ្វើទំនើបកម្មកាន់តែជាក់លាក់ជាងមុន នៅពេលរុស្ស៊ីប្រើវាក្នុងសមរភូមិអ៊ុយក្រែន ហើយភាពរីកចម្រើននេះ គួរតែជាសារដាស់តឿនសម្រាប់អ្នករាល់គ្នា។ អ្នកនាំពាក្យរូបនេះក៏បានអំពាវនាវឱ្យសហគមន៍អន្តរជាតិរួបរួមគ្នាដាក់សម្ពាធកូរ៉េខាងជើងផងដែរ ឱ្យបញ្ឈប់កិច្ចសហប្រតិបត្តិការជាមួយរុស្ស៊ីជាបន្ទាន់។ យោងតាមសេចក្តីរាយការណ៍របស់កងទ័ពអាកាស និងអាជ្ញាធរអ៊ុយក្រែន បានឱ្យដឹងថា រុស្ស៊ីបានវាយប្រហារនៅទូទាំងប្រទេសអ៊ុយក្រែន ដោយប្រើប្រាស់យន្តហោះដ្រូនជាង ៣០០គ្រឿង និងមីស៊ីលចំនួន៧គ្រាប់ រួមទាំងកាំជ្រួចផលិតដោយកូរ៉េខាងជើងពេញមួយយប់ថ្ងៃចន្ទឆ្លងដល់ព្រឹកថ្ងៃអង្គារ បណ្តាលឱ្យមនុស្ស ៣នាក់ស្លាប់នៅក្នុងទីក្រុងកៀវ និងតំបន់ភាគខាងត្បូងនៃទីក្រុងOdesa៕ ប្រភព ៖ NHK

ញូវដែលី ៖ ប្រមុខការទូតឥណ្ឌាបានគំរាមខ្លាំងៗថា កងទ័ពឥណ្ឌាត្រៀមខ្លួនរួចជាស្រេច វាយលុកគ្រប់ទិសទីនៅក្នុងទឹកដីប្រទេសប៉ាគីស្ថាន បើសិនមានការបង្កហេតុណាមួយដោយអំពើភេរវកម្ម។ ជម្លោះរវាងប្រទេសជិតខាងកាន់អាវុធនុយក្លេអ៊ែរ ឥណ្ឌា និងប៉ាគីស្ថានកើតឡើងបន្ទាប់ពីអ្នកទេសចរចំនួន ២៦នាក់ត្រូវបានខ្មាន់កាំភ្លើងបាញ់សម្លាប់នៅតំបន់កាស្មៀដែលគ្រប់គ្រងដោយភាគីឥណ្ឌាកាលពីខែមេសា។ នៅក្នុងបទសម្ភាសន៍ថ្មីៗនេះជាមួយសារព័ត៌មាន Politico នៅទីក្រុងព្រុចសែល រដ្ឋមន្រ្តីការបរទេសឥណ្ឌា លោក Subrahmanyam Jaishankar បានចោទប្រកាន់ថា ប៉ាគីស្ថានកំពុងបណ្តុះបណ្តាលពួកភេរវករមួយចំនួនធំដោយបើកចំហ ពោលគឺមានចំនួនដល់ទៅរាប់ពាន់នាក់ ហើយគ្រោងដាក់ពង្រាយពួកគេវាយប្រហារប្រឆាំងនឹងប្រទេសឥណ្ឌា។ លោក Jaishankar បានព្រមានធ្ងន់ៗថា ឥណ្ឌានឹងមិនរស់នៅជាមួយពួកភេរវករទេ… សាររបស់យើងទៅកាន់ពួកគេ គឺថាបើសិនពួកគេនៅតែបន្តប្រព្រឹត្តអំពើព្រៃផ្សៃដូចកាលពីខែមេសា នោះនឹងមានការសងសឹកវិញ ហើយការសងសឹកនឹងប្រឆាំងទាំងអង្គភាពភេរវករ និងមេដឹកនាំពួកភេរវករ។ លោកថា យើងមិនខ្វល់ថា ពួកគេនៅទីណាទេ បើពួកគេនៅជ្រៅក្នុងទឹកដីប៉ាគីស្ថាន នោះយើងនឹងចូលជ្រៅទៅកាន់ទីនោះដែរ។ លោក Jaishankar បានព្រមានបែបនេះចង់សំដៅលើការប្រើយោធានាពេលថ្មីៗនេះនៅក្នុងទឹកដីប៉ាគីស្ថាន ក្នុងនោះឥណ្ឌាបានបើកការវាយប្រហារលើទីតាំង ដែលសង្ស័យជាជម្រកពួកភេរវជនក្នុងទឹកដីគ្រប់គ្រងដោយប៉ាគីស្ថានកាលពីថ្ងៃទី៧ ខែឧសភា សងសឹកការវាយប្រហារភេរវកម្មនៅតំបន់កាស្មៀរ ដែលគ្រប់គ្រងដោយឥណ្ឌាកាលពីខែមេសា។ ប៉ុន្តែអរិភាពបានបញ្ចប់នៅថ្ងៃទី១០ ខែឧសភា ពេលបទឈប់បាញ់ត្រូវបានប្រកាស៕

(ភ្នំពេញ)៖ រដ្ឋមន្រ្តីក្រសួងរ៉ែ និងថាមពល ឯកឧត្តម កែវរតនៈបានថ្លែងថា មកដល់ពេលនេះប្រទេសកម្ពុជាមានថាមពលអគ្គិសនីប្រើប្រាស់គ្រប់គ្រាន់ និងក៏ពុំបានយកភ្លើងពីប្រទេសថៃ មកប្រើប្រាស់នោះឡើយ។ ការលើកឡើងពីសំណាក់ រដ្ឋមន្រ្តីក្រសួងរ៉ែ និងថាមពល បែបនេះធ្វើឡើងឆ្លើយតបទៅនឹងក្រសួងការបរទេសប្រទេសថៃដែលបានគំរាមកាត់ផ្តាច់អគ្គិសនីដែលលក់ឱ្យកម្ពុជា នៅពេលទំនាស់ព្រំដែន តាមអ្វីដែលប្រទេសមួយនេះគេចង់បានរួចមក។ ថ្លែងនៅថ្ងៃទី១១ ខែ មិថុនា ឆ្នាំ ២០២៥នេះ ឯកឧត្តម កែវ រតនៈបានឱ្យដឹងថា«គិតមកដល់ម៉ោងនេះ ថ្មើនេះ កម្ពុជាពុំបានយកភ្លើងពីប្រទេសថៃ ចូលមកកាន់ប្រទេសកម្ពុជា នៅក្នុងបណ្តាញជាតិរបស់ប្រទេសទាំងពីរទេ គឺសូន្យ ហើយការមិនយកថាមពលអគ្គិសនីចូលបណ្តាញជាតិនៃប្រទេសទាំងពីរ ដោយសារ កម្ពុជាមានអគ្គិសនីប្រើប្រាស់គ្រប់គ្រាន់»។ ទន្ទឹមជាមួយការលើកឡើងបែបនេះ រដ្ឋមន្រ្តីក្រសួងថាមពល និង រ៉ែបានឱ្យដឹងដែរថាក្នុងពិភពលោកនេះការភ្ជាប់បណ្ដាញអគ្គិសនីប្រទេសមួយទៅប្រទេសមួយ គឺជាផលចំណេញទាំងអស់គ្នា អាមេរិកក៏យកភ្លើងពីកាណាដា ប្រទេសនៅក្នុងសហគមន៍អឺរ៉ុប ក៏ប្រទាក់ក្រឡាគ្នាប្រទេស អឺរ៉ុប អាស៊ាន អាហ្រ្វិកក៏តែងប្រើភ្លើងគ្នាទៅវិញទៅមក។ ក្រៅពីលើកបញ្ហានេះ រដ្ឋមន្រ្តីក្រសួងរ៉េ និងថាមពលបានអំពាវនាវឱ្យពលរដ្ឋទាំងអស់មិនត្រូវប្រើពាក្យសម្តីឌឺដងពីព្រោះថាក្នុងបណ្តាប្រទេសទាំងអស់នៅក្នុងអាស៊ាន មានការសហការណ៍គ្នាជាបន្តបន្ទាប់។ក្រៅពីនេះ ថៃនិងកម្ពុជា ក៏ត្រូវសហការណ៍គ្នាបន្ត ដើម្បីចំណេញទៅចំណេញមក។ ហេតុនេះពលរដ្ឋត្រូវទទួលយកនូវការពិតនេះ ហើយមិនត្រូវ ផលិតព័ត៌មានក្លែងក្លាយទាំងឡាយ ដែលប្រាសចាកពីការពិត៕

(នីស)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃព្រះរាជា​ណាចក្រ​កម្ពុជា បានវាយតម្លៃខ្ពស់ ចំពោះកិច្ចខិតខំប្រឹងប្រែងរវាងប្រទេសទាំងពីរ កម្ពុជា-បារាំង ដែលកំពុងរៀបចំផែនទីបង្ហាញផ្លូវ ដើម្បីឈានដល់ការលើកកម្រិត​នៃ​ទំនាក់​ទំនងប្រទេសទាំងពីរ ជា “ដៃគូយុទ្ធសាស្ត្រ” ។ សម្តេចធិបតី ហ៊ុន ម៉ាណែត ថ្លែងបែបនេះក្នុងជំនួបពិភាក្សាទ្វេភាគីជាមួយ ឯកឧត្តម Emmanuel Macron ប្រធានាធិបតី នៃសាធារណរដ្ឋបារាំង នាល្ងាចថ្ងៃទី១០ ខែមិថុនា ឆ្នាំ២០២៥ ក្នុងឱកាសអញ្ជើញចូលរួម​សន្និសីទ​លើកទី៣ របស់អង្គការសហប្រជាជាតិ ស្តីពីមហាសមុទ្រ (UNOC3) នៅថ្ងៃទី​០៨-១៣ ខែមិថុនា ឆ្នាំ២០២៥ នៅទីក្រុងនីស ប្រទេសបារាំង ។ ក្នុងជំនួបនេះ ឯកឧត្តមប្រធានាធិបតីនៃសាធារណរដ្ឋបារាំង បានសម្តែងក្តី​សោមនស្ស​រីករាយដែលបានទទួលសម្តេចបវរធិបតី និងគណៈប្រតិភូជាថ្មីម្តង​ទៀត​នៅប្រទេសបារាំង និងបានគូសបញ្ជាក់ថា ឯកឧត្តមនឹងអញ្ជើញបំពេញ​ទស្សនកិច្ច​នៅព្រះរាជាណាចក្រកម្ពុជា នាឆ្នាំ២០២៦ ខាងមុខនេះ។ ឯកឧត្តមប្រធានាធិបតីបានអបអរសាទរចំពោះជោគជ័យរបស់កម្ពុជា ក្រោមការ​ដឹក​នាំ​របស់សម្តេចបវរធិបតី និងគូសបញ្ជាក់ថា រដ្ឋាភិបាលបារាំង នឹងផ្តល់ការ​គាំទ្រដល់កម្ពុជា ក្នុងការធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី លើក​ទី​២០ ក្នុងឆ្នាំ២០២៦ ឱ្យបានជោគជ័យ។ ជាការឆ្លើយតប, សម្តេចបវរធិបតី បានអរគុណ…

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជួបសម្តែងការគួរសម និងពិភាក្សាការងារទ្វេភាគីជាមួយឯកឧត្តម Emmanuel MACRON ប្រធានាធិបតី នៃសាធារណរដ្ឋបារាំង នាល្ងាចថ្ងៃទី១០ ខែមិថុនា ឆ្នាំ២០២៥ នៅទីក្រុងនីស ប្រទេសបារាំង។

តូក្យូ ៖ ក្រសួងការពារជាតិជប៉ុនបានរាយការណ៍នៅថ្ងៃចន្ទនេះថា នាវាផ្ទុកយន្តហោះចម្បាំងចិនមួយក្រុមបានរំលោភដែនទឹកសេដ្ឋកិច្ចផ្តាច់មុខរបស់ប្រទេសជប៉ុនជាលើកដំបូង កាលពីចុងសប្តាហ៍មុន មុនពេលចាកចេញពីទីនោះ ឆ្ពោះទៅចូលរួមសមយុទ្ធដែលពាក់ព័ន្ធនឹងយន្តហោះចម្បាំង។ ក្រសួងបានបញ្ជាក់នៅក្នុងសេចក្តីថ្លែងការណ៍មួយថា នាវាផ្ទុកយន្តហោះ Liaoning នាវាចម្បាំងបំពាក់មីស៊ីលពីរគ្រឿង និងនាវាគាំទ្រប្រតិបត្តិការប្រយុទ្ធរហ័សមួយគ្រឿងទៀត បានធ្វើដំណើរក្នុងចម្ងាយប្រហែល ៣០០គីឡូម៉ែត្រនៅភាគនិរតីនៃកោះ Minamitori ស្ថិតនៅភាគខាងកើតនៃប្រទេសជប៉ុន កាលពីថ្ងៃសៅរ៍។ អ្នកនាំពាក្យក្រសួងការពារជាតិជប៉ុនបានប្រាប់កាសែត AFP ថា នេះជាលើកដំបូងហើយ ដែលនាវាផ្ទុកយន្តហោះចម្បាំងរបស់ចិន ឆ្លងចូលដែនទឹកនៃតំបន់សេដ្ឋកិច្ចផ្តាច់មុខរបស់ប្រទេសជប៉ុន ហៅកាត់ថា (EEZ)។ អ្នកនាំពាក្យរូបនេះបានគូសបញ្ជាក់ថា ជប៉ុនយល់ឃើញថា យោធាចិនកំពុងព្យាយាមពង្រឹងសមត្ថភាពប្រតិបត្តិការ និងឥទ្ធិពលរបស់ខ្លួន សម្រាប់ប្រតិបត្តិការនៅក្នុងតំបន់ឆ្ងាយៗ។ ស្ថិតក្រោមច្បាប់អន្តរជាតិ រដ្ឋមួយមានសិទ្ធិគ្រប់គ្រងធនធានធម្មជាតិ និងសកម្មភាពសេដ្ឋកិច្ចផ្សេងទៀតនៅក្នុងតំបន់ដែនទឹកសេដ្ឋកិច្ចផ្តាច់មុខ ដែលមានចម្ងាយប្រហែល ៣៧០គីឡូម៉ែត្រពីឆ្នេរសមុទ្ររបស់ខ្លួន។ កាលពីចុងខែមុន ជប៉ុនបានចោទប្រកាន់ចិនថា បានធ្វើការស្រាវជ្រាវវិទ្យាសាស្ត្រដែនសមុទ្រ ដោយមិនបានជូនដំណឹងនៅក្នុងតំបន់ដែនទឹកសេដ្ឋកិច្ចផ្តាច់មុខរបស់ជប៉ុន នៅជិតតំបន់ដាច់ស្រយាលប៉ាស៊ីហ្វិកនៃកោះ Okinotori៕ ប្រភព ៖ Channel News Asia

(ភ្នំពេញ)៖ មកទល់ថ្ងៃទី១០ ខែមិថុនា ឆ្នាំ២០២៥នេះ ដំណើរការចុះពិនិត្យទី តាំង ប្រមូលទិន្នន័យ ផ្ទៀងផ្ទាត់និយាមកា និងបោះបង្គោលព្រំដីព្រែកជីកហ្វូណន តេជោ បានដំណើរការដោយរលូនតាមការគ្រោងទុក ទោះក្រុមការងារអន្តរ ក្រសួងប្រឈមបញ្ហាខ្លះក្តី។ បញ្ហាប្រឈមនោះរួមមាន៖ ផ្លូវឆ្ងាយពិបាកធ្វើដំណើរចូល ដោយត្រូវឆ្លងកាត់​វាល​ស្រែ ចុះបឹង កាត់ប្រឡាយ កាត់ព្រៃក្រាស់ កាត់បន្លារ ភ្លៀងផ្គរ និងស្ថានភាព​រអិល​ខ្លាំងជាដើម។ល។​ នេះបើយោងតានការបញ្ជាក់នៅ​លើបណ្តាញ​សង្គមផ្លូវ ការ​របស់ ឯកឧត្តម ផន រីម រដ្ឋលេខាធិការ និងជាអ្នកនាំពាក្យក្តសួង​សារធា​រណៈ​ការ និងដឹកជញ្ជូន នៅព្រឹកថ្ងៃទី១០ ខែមិថុនា ឆ្នាំ២០២៥ ។ បេសកកម្មចុះកំណត់និយាមកា និងបោះបង្គោលព្រំដីតាមបណ្តោយ​ព្រែកជីក​ហ្វូណន​តេជោ សម្រាប់កំណាត់ទី២ ក្នុងភូមិសាស្រ្តខេត្តតាកែវនៅថ្ងៃទី០៩ ខែ​មិថុនាឆ្នាំ២០២៥ ក្រុមការងារបច្ចេកទេសអន្តរក្រសួងសម្រេចបាន៤៧ចំណុច ក្នុងភូមិសាស្រ្តខេត្តតាកែវ។ គិតត្រឹមបំណាច់​​ខែឧសភា ឆ្នាំ២០២៥ ក្រុមការងារបច្ចេកទេស​បាន​ចុះពិនិត្យទី​តាំង ប្រមូលទិន្នន័យ ផ្ទៀងផ្ទាត់និយាមកា និងបោះបង្គោលព្រំដី តាម​បណ្តោយ​ព្រែកជីកហ្វូណនតេជោបញ្ចប់ការងារសម្រាប់កំណាត់ទី២ ក្នុងភូមិ​សាស្ត្រ​ខេត្តកណ្តាលទាំងស្រុងហើយ។ កិច្ចការខាងលើនេះ បានចាប់ផ្តើមនៅថ្ងៃទី១៧ ខែឧសភា ឆ្នាំ២០២៥ ដោយបន្ត​ពីកំណាត់ទី១ ពីភូមិសាស្ត្រព្រែកពោធិ៍…

បរទេស ៖ កប៉ាល់ដឹកកុងតឺន័រ ដែលមានទង់ជាតិសិង្ហបុរី បានឆេះ នៅតំបន់ឆ្នេរសមុទ្រ ភាគខាងត្បូង នៃប្រទេសឥណ្ឌា។ វីដេអូដែលចេញផ្សាយ ដោយឆ្មាំឆ្នេរសមុទ្រឥណ្ឌា បានបង្ហាញពីផ្សែងខ្មៅយ៉ាងក្រាស់ និង កុងតឺន័រផ្ទុកទំនិញ ដែលហាក់ដូចជា មានផ្សែងហុយឡើង ដោយសារការផ្ទុះដ៏ខ្លាំងមួយ នៅលើនាវា MV Wan Hai 503។ ក្រោយកើតហេតុ កាលពីថ្ងៃចន្ទ ក្រសួងការពារជាតិ បាននិយាយថា ខ្លួនបានដាក់ពង្រាយយន្តហោះ ឆ្មាំឆ្នេរសមុទ្រ និងនាវាចម្បាំង អន្តរាគមន៍។ គេបញ្ជាក់ថា ករណីនេះ មានសមាជិកនាវិកបួននាក់ បានបាត់ខ្លួន ហើយកំពុងតាមស្វែងរក។ ប្រភពបន្តថា កប៉ាល់ប្រវែង ២៦៨ម៉ែត្រ មួយគ្រឿងនេះ បានឆេះនៅចម្ងាយប្រហែល ប្រមាណ ១៤៤គីឡូមែត្រ ពីកំពង់ផែ Beypore។ រីឯ អាជ្ញាធរដែនសមុទ្រ និងកំពង់ផែ ហៅកាត់ MPA របស់ប្រទេសសិង្ហបុរី បាននិយាយ នៅក្នុងសេចក្តីថ្លែងការណ៍មួយថា មានការរងរបួស នាវិកចំនួន៤នាក់ ផ្សេងទៀត ក្រៅពីការបាត់ខ្លួន។…

(ខេត្តកណ្តាល)៖ តំបន់រមណីយដ្ឋានកៀនស្វាយក្រៅ គឺជាទីតាំងដែលមាន​សក្ដា​នុពល នៅជិតរាជធានីភ្នំពេញ ក៏ដូចជាក្រុងតាខ្មៅ ដែលងាយស្រួលក្នុងការធ្វើដំណើរ​មកពិសារអាហារពេលរសៀល ក៏ដូចជាមកលំហែកាយ ដូច្នេះប្រសិនបើយើងបានរៀបចំ​ឱ្យមានសណ្ដាប់ធ្នាប់ របៀបរៀបរយ សោភ័ណភាព សុវត្ថិភាព និងសុគតភាព នោះភ្ញៀវទេសចរណ៍នឹងមកកម្សាន្តនៅទីនេះកាន់តែច្រើនជាងមុន។ ដោយសង្កេតឃើញរមណីយដ្ឋានកៀនស្វាយក្រៅ ក្រៅពីថ្ងៃសៅរ៍ ថ្ងៃអាទិត្យ និងថ្ងៃឈប់សម្រាកផ្សេងៗ មិនសូវមានភ្ញៀវទេសចរមកកំសាន្តនៅទីនេះឡើយ ដូច្នេះយើងទាំងអស់គ្នាជាអាជ្ញាធរ ក៏ដូចជាអាជីវករផ្ទាល់ ត្រូវខិតខំកែលម្អនៅ​តំបន់នេះឱ្យទាក់ទាញ ពិសេសផ្សព្វផ្សាយនូវអ្វីដែលល្អ អ្វីដែលទាក់ទាញ ដល់​ភ្ញៀវទេសចរណ៍របស់យើង ដើម្បីមកកំសាន្ត និងលំហែកាយនៅតំបន់នេះ ឱ្យ​បានកាន់តែច្រើនដោយមិនគិតថ្ងៃឈប់សម្រាកឡើយ។ ការលើកឡើងបែបនេះ របស់ ឯកឧត្តម គួច ចំរើន អភិបាល នៃគណៈអភិបាល​ខេត្តកណ្ដា កាលពីថ្ងៃទី៩ ខែមិថុនា ឆ្នាំ២០២៥ ក្នុងឱកាសអញ្ជើញចុះពិនិត្យស្ថាន​ភាពជាក់ស្ដែង និងសំណេះសំណាលជាមួយអាជីវករ កំពុងប្រកបរបរលក់ដូរនៅ​រមណីយដ្ឋានកៀនស្វាយក្រៅ។ ការចុះពិនិត្យនេះដែរ ក៏មានការអញ្ជើញចូលរួមពី មន្ត្រីជាន់ខ្ពស់ក្រសួងពាណិជ្ជកម្មផងដែរ។ ឯកឧត្តម អភិបាលខេត្តកណ្ដាល បន្ថែមថា ដើម្បីឱ្យតំបន់នេះកាន់តែទាក់ទាញ​ភ្ញៀវ​ទេសចរណ៍បន្ថែមទៀត អាជ្ញាធរស្រុកកៀនស្វាយ ត្រូវខិតខំផ្សព្វផ្សាយ​ដល់​អាជីវករ​យើងទាំងអស់ មិនត្រូវដំឡើងថ្លៃហួសហេតុ ដែលធ្វើឱ្យបាត់បង់ភ្ញៀវ​របស់យើង​ឡើយ។ បើយើងដំឡើងថ្លៃខ្ពស់ហួសហេតុ នោះយើងបានចំណេញ​តែមួយពេល​នេះទេ តែប្រសិនបើយើងលក់តម្លៃសមរម្យ នោះយើងនឹងទទួលបាន​ការចំ​ណេញ​ជារៀងរហូត។…

វ៉ាសូវី ៖ ដើម្បីប្រុងជើងការទុកជាមុន ប៉ូឡូញ និងសម្ព័ន្ធមិត្ត នៅព្រឹកថ្ងៃចន្ទនេះ នឹងបញ្ជាឱ្យយន្តហោះចម្បាំងសកម្មនៅក្នុងប្រតិបត្តិការធានាសុវត្ថិភាពដែនអាកាសរបស់ប្រទេសប៉ូឡូញ ក្រោយប្រទេសជិតខាងអ៊ុយក្រែនកំពុងរងការវាយប្រហារតាមអាកាសទ្រង់ទ្រាយធំពីសំណាក់រុស្ស៊ី។ នៅក្នុងសេចក្តីថ្លែងការណ៍បង្ហោះលើបណ្តាញសង្គម បញ្ជាការប្រតិបត្តិការនៃកងកម្លាំងប្រដាប់អាវុធប៉ូឡូញ បានគូសបញ្ជាក់ថា យោងតាមស្ថានការណ៍រុស្ស៊ីវាយប្រហារផ្លូវអាកាសកាន់តែខ្លាំងក្លានៅលើទឹកដីអ៊ុយក្រែននោះ យន្តហោះចម្បាំងប៉ូឡូញ រួមទាំងសម្ព័ន្ធមិត្តបានចាប់ផ្តើមប្រតិបត្តិការកាន់តែសកម្ម ដើម្បីចាត់វិធានការការពារដែនអាកាសប៉ូឡូញទាំងព្រឹក។ ប៉ូឡូញ គឺជាសម្ព័ន្ធមិត្តដ៏ជិតស្និទ្ធបំផុតមួយរបស់អ៊ុយក្រែន ហើយក៏បម្រើជាមជ្ឈមណ្ឌលដឹកជញ្ជូនជំនួយយោធាលោកខាងលិចដ៏សំខាន់ដល់ទីក្រុងកៀវ។ កាលពីខែមីនា ឆ្នាំ២០២៤ ប៉ូឡូញដែលជាសមាជិកអង្គការណាតូបានរាយការណ៍អំពីការរំលោភលើដែនអាកាសរបស់ខ្លួន ដោយកាំជ្រួចរបស់រុស្ស៊ី ហើយថែមទាំងទាមទារឱ្យមានការបកស្រាយពីទីក្រុងមូស្គូ។ ឧបទ្ទវហេតុស្រដៀងគ្នានេះក៏ធ្លាប់កើតឡើងនៅក្នុងខែធ្នូ ឆ្នាំ២០២៣ផងដែរ នៅពេលដែលមីស៊ីលរុស្ស៊ីមួយគ្រាប់បានបាញ់ឆ្លងចូលដែនអាកាសប៉ូឡូញជាច្រើននាទី មុនពេលហោះត្រឡប់ទៅកាន់អ៊ុយក្រែនវិញ។ ហើយឥឡូវនេះ រុស្សីបានបង្កើនការវាយលុកកាន់តែជ្រៅនៅភាគខាងលិចអ៊ុយក្រែន ដោយប្រើប្រាស់យន្តហោះដ្រូន និងកាំជ្រួចរាប់សិបគ្រាប់ ជាអ្វីដែលអភិបាលក្រុង Rivne លោក Oleksandr Tretyak ហៅវាថា ជា “ការវាយប្រហារដ៏ធំបំផុត” នៅក្នុងតំបន់។ ហើយថ្មីៗនេះ រុស្ស៊ីបានពន្លឿនយុទ្ធនាការប្រឆាំងនឹងអ៊ុយក្រែន ដែលនាំឱ្យកាត់បន្ថយក្តីសង្ឃឹមស្វែងរកបទឈប់បាញ់ បន្ទាប់ពីការជំរុញការទូតជាថ្មី ដើម្បីបញ្ចប់ជម្លោះដ៏ធំបំផុតនៅអឺរ៉ុប ចាប់តាំងពីសង្គ្រាមលោកលើកទីពីរ៕ ប្រភព ៖ AFP