Author: Dol Pheakdey

មូស្គូ ៖ ប្រទេសរុស្ស៊ីកំពុងសំងំផលិតអាវុធក្នុងបរិមាណច្រើនសន្ធឹកសន្ធាប់ និងគ្មានប្រទេសណានៅលើពិភពលោក អាចធ្វើបានដូចខ្លួន និងសូម្បីតែស្រមៃ ។ នេះបើតាមការបញ្ជាក់របស់លោក Sergey Chemezov ប្រធានក្រុមហ៊ុនផលិតអាវុធការពារជាតិរុស្ស៊ី Rostec ។ ថ្លែងក្នុងបទសម្ភាសន៍ជាមួយទីភ្នាក់ងារព័ត៌មាន TASS កាលពីថ្ងៃអង្គារ, លោក Chemezov និយាយថា រុស្ស៊ីបានបង្កើនការផលិតអាវុធយ៉ាងខ្លាំងក្លា ចាប់តាំងពីផ្ទុះជម្លោះជាមួយអ៊ុយក្រែន ក្នុងឆ្នាំ ២០២២ ។ លោកថា ការសម្រុកផលិតសព្វាវុធទាំងនោះ រួមមានគ្រាប់កាំភ្លើងធំ, គ្រាប់បែកទម្លាក់ពីលើអាកាស, យន្តហោះចម្បាំង, រថក្រោះ, កាំភ្លើងយន្ត, ប្រព័ន្ធសង្គ្រាមអេឡិចត្រូនិក, យន្តហោះដ្រូន និងសព្វាវុធជាច្រើនផ្សេងទៀត ក្នុងបរិមាណដ៏ច្រើនសន្ធឹកសន្ធាប់ ហើយ គ្មានប្រទេសណាមួយលើពិភពលោក អាចផលិតគ្រាប់ផ្លោង និងគ្រាប់បែកទម្លាក់ពីលើអាកាសបានច្រើនដូចរុស្ស៊ីនោះទេ ។ យ៉ាងណា លោក Chemezov មិនអាចផ្តល់តួលេខជាក់លាក់ណាមួយទាក់ទិនទៅនឹងចំនួននៃការផលិតអាវុធទាំងនេះនោះទេ ។ ប៉ុន្តែលោកប្រធានាធិបតីរុស្ស៊ី វ្ល៉ាឌីមៀ ពូទីន ធ្លាប់បានលើកឡើងកាលពីខែឧសភា ឆ្នាំ២០២៤ ថា ការផលិតគ្រាប់រំសេវរបស់ប្រទេសរុស្ស៊ីបានកើនឡើង ១៤ ដង ក្នុងអំឡុងពេលមានសង្គ្រាមជាមួយអ៊ុយក្រែន…

តូក្យូ ៖ ប្រទេសជប៉ុន កាលពីថ្ងៃអង្គារ បានសម្រេចបង្កើតនាយកដ្ឋានប្រសិទ្ធិភាពរដ្ឋាភិបាល ហៅកាត់ DOGE កាត់បន្ថយចំណាយខ្ជះខ្ជាយ។ ជាស្ថាប័នដែលលោកមហាសេដ្ឋីបច្ចេកវិទ្យា Elon Musk ធ្លាប់បានបង្កើតនិងដឹកនាំ កាត់បន្ថយចំណាយលើសលុបនៅអាមេរិក ក្រោមរដ្ឋបាលរបស់លោកប្រធានាធិបតី Donald Trump។ យោងតាមការចេញផ្សាយ របស់សារព័ត៌មាន CNA នៅថ្ងៃពុធនេះ, DOGE ជប៉ុន ត្រូវបានរៀបចំឡើង នៅប៉ុន្មានថ្ងៃ បន្ទាប់ពីរដ្ឋាភិបាលរបស់លោកស្រីនាយករដ្ឋមន្ត្រីថ្មីថ្មោង Sanae Takaichi បានដាក់ចេញកញ្ចប់ថវិកាជំរុញសេដ្ឋកិច្ច តម្លៃ១៣៥ពាន់លានដុល្លារ ក្នុងគោលបំណងដោះស្រាយបញ្ហាអតិផរណា និងស្ដារប្រជាប្រិយភាពរបស់គណបក្សកាន់អំណាច ហើយ DOGE ជប៉ុន នឹងត្រូវចូលខ្លួនមកបន្ធូរបន្ថយការព្រួយបារម្ភ លើកញ្ចប់ថវិកាដ៏ច្រើនសន្ធឹកសន្ធាប់នេះ។ រដ្ឋមន្ត្រីក្រសួងហិរញ្ញវត្ថុជប៉ុន លោកស្រី Satsuki Katayama បានប្រាប់សន្និសីទសារព័ត៌មានថា នាពេលអនាគត និរន្តរភាពសារពើពន្ធគឺសំខាន់បំផុត ហើយសាធារណជនអាចមើលឃើញថា រដ្ឋាភិបាលកំពុងធ្វើការយ៉ាងខ្ជាប់ខ្ជួន ចំពោះរឿងនេះ ហើយមានការចាប់អារម្មណ៍ជាសាធារណៈខ្ពស់ ក្នុងការកាត់បន្ថយចំណាយខ្ជះខ្ជាយ។ ទោះបីជាយ៉ាងណាក៏ដោយ លោកស្រីរដ្ឋមន្ត្រី បញ្ជាក់ថា DOGE ជប៉ុន មិនមានបំណងផ្លាស់ប្តូរស្ថាប័នរដ្ឋាភិបាលនោះទេ ហើយនឹងត្រូវបានបង្កើតឡើងដោយមន្ត្រីរដ្ឋាភិបាល…

(ភ្នំពេញ)៖ លោកស្រី ស៊ិនកេត អរុណ បានឱ្យដឹងថា នៅមន្ទីរពេទ្យកុមារអង្គរ ១ថ្ងៃទទួលបានការពិនិត្យព្យា​បាល​ជំងឺ មានចំនួន ចន្លោះពី៤០០ ទៅ៤៥០ នាក់ ដែលភាគច្រើជាជំងឺផ្លូវដង្ហើម និងមួយចំនួនជំងឺរាករុស កង្វះអារហាររូបត្ថម្ភជាដើម ។ ហើយ ក្រៅពីជំងឺទូទៅ​មន្ទីរ​ពេទ្យ​មួយនេះក៏ទទួលការពិន្យព្យាបាលជំងឺ​ឯក​ទេ​ស​ផងដែរ ដូចជា ជំងឺមហារីក ប៉ះទង្គិច និងជំងឺ​ជា​ច្រើនទៀតដែលមន្ទីរពេត្យកុមារអង្គរធ្វើការព្យាបាល។ លោកស្រី ស៊ិនកេត អរុណ ប្រធានការិយាល័យរៃ​អង្គាស​មូលនិធិក្នុងប្រទេសកម្ពុជា នៃមន្ទីរពេទ្យ​កុមារ​អង្គរ បានបញ្ជាក់បែបនេះប្រាប់ទូរទស្សន៍អប្សរា នៅ​ព្រឹកថ្ងៃទី២៥ ខែវិច្ឆិកា ឆ្នាំ២០២៥ នៅក្នុងសន្និសីទ​សារព័ត៌មានស្តីពី “ការដើរឡើងភ្នំបូកគោ ដើម្បីសុខភាព​កុមារកម្ពុជា ឆ្នាំ២០២៥” នៅរាជធានីភ្នំពេញ។ លោកស្រីបន្ថែមថា នៅក្នុងមួយឆ្នាំៗ មន្ទីរពេទ្យកុមារ​អង្គរ​ត្រូវការថវិកាប្រមាណ ៦លានដុល្លារសហរដ្ឋ​អា​មេរិក សំរាប់ពិនិត្យនិងព្យាបាលដល់កុមារ និងដំណើរ​ទៅ​លើកម្មវិធី មួយចំនួនទៀត ដែលទាក់ទងទៅដល់​ការបណ្តុះបណ្តាលផ្នែកវិជ្ជសាស្រ្តទៅដល់ គ្រូពេទ្យ​ជំនាញ និងកម្មវិធីអប់រំសុខភាពនៅតាមសហគមន៍ ដើម្បី​ពង្រឹង សមត្ថភាពមណ្ឌលសុខភាព ក៏ដូចជាវិស័យ​សុខុមាលភាពសារធារណៈ ឱ្យរឹងមាំល្អជាងមុន ។ បច្ចុប្ប​ន្នេះ​មន្ទីរពេទ្យកុមារអង្គរ បាននិងកំពុងស្វែង​រក​ថវិ​កា ទាំងក្នុងនិងក្រៅប្រទេស ដើម្បីទ្រទ្រង់ការចំណាយ​ទូទៅ ខណៈនៅចុងឆ្នាំ២០២៥នេះ…

ហ្សាកាតា ៖ ប្រទេសឥណ្ឌូនេស៊ីប្រកាសហាមឃាត់ការលក់ និងបរិភោគសាច់ឆ្កែ ឆ្មា និងប្រចៀវ ដើម្បីការពារការចម្លងជំងឺឆ្កែឆ្កួតដល់ប្រជាជន នេះបើតាមអភិបាលក្រុងហ្សាកាតាប្រកាសក្នុងថ្ងៃអង្គារ ក្រោយឈ្នះការតស៊ូមតិគាំទ្រសិទ្ធិសត្វពាហណៈ។ អភិបាលក្រុងហ្សាកាតា លោក Pramono Anung និយាយថា លោកបានចុះហត្ថលេខាលើបទប្បញ្ញត្តិមួយ កាលពីថ្ងៃចន្ទ តបតាមការសន្យារបស់គាត់កាលពីខែមុន ដែលមានគោលបំណងហាមឃាត់ការលក់ “សាច់សត្វអាចចម្លងជំងឺឆ្កែឆ្កួត” ដល់មនុស្ស។ បើតាមឯកសារដែលឃើញដោយសារព័ត៌មាន AFP, ឥណ្ឌូនេស៊ីបានដាក់ឱសានវាទ ៦ខែ មុននឹងចាប់ផ្តើមអនុវត្តច្បាប់នេះ។ សម្រាប់អ្នកបំពានច្បាប់នេះ នឹងត្រូវប្រឈមមុខនូវការដាក់ទណ្ឌកម្ម រាប់ចាប់ពីការព្រមានជាលាយលក្ខណ៍អក្សរ រហូតដល់ការដកហូតអាជ្ញាប័ណ្ណអាជីវកម្មតែម្តង។ បើតាមលោកអភិបាលក្រុងហ្សាកាតា, ការហាមប្រាមនេះនឹងចាប់អនុវត្តលើសត្វមានជីវិត ដូចជាឆ្កែ ឆ្មា និងសាច់បង្កក ឬផលិតផលសាច់សត្វផ្សេងទៀត មិនថាឆៅ ឬកែច្នៃរួច ឱ្យតែមានការសង្ស័យជាប់ទាក់ទងនឹងសាច់សត្វអាចចម្លងជំងឺឆ្កែឆ្កួតទៅកាន់មនុស្ស។ គួរកត់សម្គាល់ មុនពេលមានបម្រាមខាងលើនេះ ឥណ្ឌូនេស៊ីគឺជាប្រទេសមួយក្នុងចំណោមប្រទេសមួយចំនួន ដែលនៅតែអនុញ្ញាតឱ្យលក់សាច់ឆ្កែ និងឆ្មា ទោះបីមានការប្រឆាំងកើនឡើង ហើយទីក្រុងរបស់ឥណ្ឌូនេស៊ីជាច្រើនបានអនុវត្តបម្រាមក្នុងស្រុកក៏ដោយ។ បើតាមអង្គការសុខភាពពិភពលោក (WHO), ប្រជាជនឥណ្ឌូនេស៊ីរាប់សិបនាក់បានស្លាប់ ដោយសារជំងឺឆ្កែឆ្កួតស្ទើរតែរៀងរាល់ឆ្នាំ។ ចំណែកក្រសួងសុខាភិបាលឥណ្ឌូនេស៊ី ក៏បានឱ្យដឹងដែរថា មានមនុស្សបាត់បង់ជីវិតចំនួន ២៥នាក់នៅចន្លោះខែមករា ដល់ខែមីនា ឆ្នាំ២០២៥៕…

អាប៊ុដាប៊ី ៖ បេសកជនអាមេរិក កាលពីថ្ងៃអង្គារ បានជំរុញឱ្យភាគីជម្លោះស៊ូដង់ទទួលយកសំណើបទឈប់បាញ់ ដោយគ្មានលក្ខខណ្ឌជាមុន។ ជាការទទូចឲ្យអនុវត្តតាម ចំពេលមានការរិះគន់ អំពីភាពលម្អៀង។ បេសកជនអាមេរិក លោក Massad Boulos បាននិយាយបែបនេះ នៅក្នុងសន្និសីទសារព័ត៌មានរួមគ្នា ជាមួយទីប្រឹក្សាប្រធានាធិបតី ប្រទេស អេមីរ៉ាត់ អារ៉ាប់រួម លោក Anwar Gargash នៅក្នុងរាជធានី Abu Dhabi នៃប្រទេសអេមីរ៉ាត់ អារ៉ាប់រួម។ បេសកជនប្រចាំអាហ្រ្វិក របស់ប្រធានាធិបតី Donald Trump រូបនេះ បាននិយាយប្រាប់អ្នកយកព័ត៌មានថា «យើងអំពាវនាវឱ្យភាគីទាំងពីរ ទទួលយកបទឈប់បាញ់មនុស្សធម៌ ដូចដែលបានបង្ហាញ ដោយគ្មានលក្ខខណ្ឌជាមុន»។ ការជំរុញបែបនេះ បានធ្វើឡើង នៅប៉ុន្មានថ្ងៃបន្ទាប់ពីមេទ័ព របស់ប្រទេសស៊ូដង់ លោក Abdel Fattah al-Burhan បានរិះគន់សំណើចុងក្រោយ ដែលបង្ហាញដោយ លោក Boulos ដោយបានចោទប្រកាន់ថា គ្រាន់តែជាសេកនិយាយឡើងវិញ នូវសម្តី របស់ប្រទេសអេមីរ៉ាត់ អារ៉ាប់រួម។ មេទ័ព…

ភ្នំពេញ៖សម្ដេចធិបតី ហ៊ុន ម៉ាណែត នាយករដ្ឋមន្ត្រីបានចាត់ទុកផ្លូវជាតិលេខ១០ នឹងក្លាយជាចរន្តបម្រើដល់សេដ្ឋកិច្ច និងការតភ្ជាប់តាមបណ្តាទិសទេសចរណ៍ រវាងខេត្តព្រៃភ្នំ​ និងខេត្តសមុទ្រ ។ នេះបើយោងតាមបណ្ដាញសង្គម​សម្ដេច​ធិបតីកាលពីល្ងាចថ្ងៃទី២៦ ខែវិច្ឆិកា ឆ្នាំ២០២៥ ។ សម្ដេចធិបតី ហ៊ុន ម៉ាណែត បានគូសបញ្ជាក់ថា ផ្លូវជាតិលេខ១០ ជាប្រព័ន្ធហេដ្ឋា​រចនាសម្ព័ន្ធ​មួយខ្សែដ៏មាន​សារ​សំខាន់តភ្ជាប់​ពីស្រុក​សំឡូត ខេត្តបាត់ដំបង ឆ្លងកាត់ខេត្តពោធិ៍សាត់ ក្នុងភូមិសាស្ត្រឃុំប្រមោយ និងឃុំអូរ​សោម ស្រុកវាលវែង រហូតដល់ក្រុងខេមរភូមិន្ទ ខេត្តកោះ​កុង មាន ប្រវែងជាង ១៩៧គីឡូម៉ែត្រ។ ផ្លូវជាតិមួយខ្សែនេះ​ នឹងក្លាយជាចរន្តបម្រើដល់សេដ្ឋកិច្ចខេត្តទាំងពីរផង​ និងជាប្រភពនៃការតភ្ជាប់តាមបណ្តាទិសទេសចរណ៍ផង​ ដែលនឹងក្លាយជាជម្រើសបន្ថែមសម្រាប់អ្នកទេសចរណ៍ក្នុងការធ្វើដំណើរកម្សាន្តនៃខេត្តព្រៃភ្នំ​ និងខេត្តសមុទ្រ។ សម្ដេចធិបតីបញ្ជាក់ថា នេះជាការបំពេញយ៉ាងសំខាន់នៃយុទ្ធសាស្ត្របញ្ចកោណរបស់រាជរដ្ឋភិបាលនីតិកាលទី៧​ សំដៅពង្រឹងសរសៃឈាមសេដ្ឋកិច្ច ​បង្កើនចរន្តដឹកជញ្ជូន​ បង្កើតឱកាស សម្រាប់អ្នកវិនិយោគ​ និងប្រជាជន ។ គួរជម្រាបថា ផ្លូវជាតិតភ្ជាប់ខេត្តពាយ័ព្យ ទៅកាន់ខេត្តភាគនិរតី នៃប្រទេសកម្ពុជាមួយខ្សែនេះ បាន​ឆ្លង​កាត់តំបន់​ភ្នំខ្ពស់ទាបជ្រោះជ្រងជ្រលងដងអូរស្ទឹង ព្រៃព្រឹក្សាខ្ពស់ទាបដ៏ខៀវ​ស្រងាត់​។ ព្រមជាមួយគ្នានេះ​ ក៏មានស្ពាន​ដែលខ្ពស់ជាងគេ​ ភ្ជាប់កំពូលភ្នំពីម្ខាងទៅម្ខាង​ បង្កើតបានផ្ទាំងទស្សនីយភាពធម្មជាតិកាន់តែទាក់ទាញ ។ គួរបញ្ជាក់ថា ផ្លូវជាតិលេខ១០…

កាប៊ុល ៖ រដ្ឋាភិបាលតាលីបង់អាហ្វហ្គានីស្ថាន នៅថ្ងៃអង្គារ បានប្តេជ្ញាចាត់វិធានការសងសឹកឱ្យសាកសម ក្រោយចោទប្រកាន់ប៉ាគីស្ថាននៅពីក្រោយការវាយប្រហារផ្លូវអាកាសនាពេលថ្មីៗនេះ បណ្តាលឱ្យស្លាប់កុមារចំនួន ៩នាក់ និងស្រ្តីម្នាក់ ប៉ុន្តែភ្លាមៗ ទីក្រុងអ៊ីស្លាម៉ាបាដបានចេញមុខច្រានចោល។ អ្នកនាំពាក្យរដ្ឋាភិបាលតាលីបង់ លោក Zabihullah Mujahid បាននិយាយនៅក្នុងសេចក្តីថ្លែងការណមួយថា ប្រទេសឥស្លាមអេមីរ៉ាតបានថ្កោលទោសយ៉ាងខ្លាំង ចំពោះការរំលោភបំពាននេះ ហើយបានបញ្ជាក់ជាថ្មីថា ការការពារដែនអាកាស ទឹកដី និងប្រជាជន គឺជាសិទ្ធិស្របច្បាប់របស់អាហ្វហ្គានីស្ថាន ហើយខ្លួននឹងសងសឹកវិញឱ្យសាកសមឆាប់ៗនេះ។ ទោះបីជាយ៉ាងណា អ្នកនាំពាក្យយោធាប៉ាគីស្ថាន លោកឧត្តមសេនីយ៍ឯក Ahmed Sharif Chaudhry បានអះអាងថា ប៉ាគីស្ថានមិនបានវាយប្រហារអាហ្វហ្គានីស្ថានទេ។ លោកថា បើសិនប៉ាគីស្ថានបើកការវាយប្រហារ នោះខ្លួននឹងធ្វើវាដោយបើកចំហ និងត្រឹមត្រូវ។ ប៉ាគីស្ថានមិនដែលវាយប្រហារប្រជាជនស៊ីវិលទេ។ ការចោទប្រកាន់របស់រដ្ឋាភិបាលតាលីបង់អាហ្វហ្គានីស្ថាន គឺជារឿងគ្មានភស្តុតាង។ សូមរម្លឹកថា ការវាយលុកផ្លូវអាកាសដោយទម្លាក់គ្រាប់បែកចុងក្រោយនេះ បានកើតឡើងក្រោយមានករណីបំផ្ទុះគ្រាប់បែកអត្តឃាត កាលពីថ្ងៃចន្ទ បានសម្លាប់មន្ត្រី៣នាក់ និងរបួស១១នាក់នៅឯទីស្នាក់ការកណ្តាលនៃកងកម្លាំងសន្តិសុខសហព័ន្ធប៉ាគីស្ថានក្នុងទីក្រុងPeshawar។ មកទល់ពេលនេះ គ្មានក្រុមសកម្មប្រយុទ្ធណាមួយចេញមុខអះអាងទទួលខុសត្រូវនោះទេ ប៉ុន្តែទូរទស្សន៍រដ្ឋ PTV បានរាយការណ៍ថា អ្នកវាយប្រហារគឺជាជនជាតិអាហ្វហ្គានីស្ថាន៕ ប្រភព ៖ AFP

សេអ៊ូល ៖ ប្រធានាធិបតីកូរ៉េខាងត្បូង លោក លី ជេម្យុង បានព្រមានកាលពីថ្ងៃចន្ទ អំពីហានិភ័យប៉ះទង្គិចគ្នាដោយចៃដន្យជាមួយកូរ៉េខាងជើង ដែលបានសម្រេចចិត្តកាត់ផ្តាច់បណ្តាញទំទាក់ទំទងទាំងអស់ជាមួយកូរ៉េខាងត្បូង។ លោកប្រធានាធិបតី លី ដែលបានដាក់ចេញវិធានការជាច្រើន ក្នុងគោលបំណងបន្ធូរបន្ថយភាពតានតឹងជាមួយកូរ៉េខាងជើង ចាប់តាំងពីរូបលោកឡើងកាន់តំណែងក្នុងខែមិថុនា បានស្នើឱ្យមានការសន្ទនាក្នុងន័យស្តារទំនាក់ទំនងជាមួយទីក្រុងព្យុងដោយគ្មានលក្ខខណ្ឌ ដែលនេះជាគោលនយោបាយផ្ទុយស្រឡះពីអ្នកតំណែងមុនរបស់លោក។ ទោះបីជាយ៉ាងណា ខាងភាគីកូរ៉េខាងជើងនៅតែរឹងទទឹងមិនព្រមឆ្លើយតប ចំពោះសំណើរបស់លោកប្រធានាធិបតី លី។ បើតាមមេដឹកនាំកូរ៉េខាងត្បូងមានវ័យ៦២ឆ្នាំរូបនេះ, ទំនាក់ទំនងអន្តរកូរ៉េបានក្លាយទៅជាអរិភាព និងការប្រឈមមុខដាក់គ្នាខ្លាំងឡើង ក្រោយកូរ៉េខាងជើងកាត់ផ្តាច់បណ្តាញទំនាក់ទំនងទាំងអស់ជាមួយកូរ៉េខាងត្បូង ប៉ុន្តែបីទោះជាយ៉ាងណា ទីក្រុងសេអ៊ូលនឹងនៅតែបន្តព្យាយាមបញ្ចុះបញ្ចូលភ្ជាប់បណ្តាញទំនាក់ទំនងជាមួយទីក្រុងព្យុងយ៉ាង ហើយកូរ៉េខាងត្បូងតែងតែបើកចំហរចំពោះរឿងនេះ។ គួរបញ្ជាក់ថា កូរ៉េខាងត្បូងបានស្នើឱ្យមានកិច្ចចរចាយោធាជាមួយកូរ៉េខាងជើងកាលពីថ្ងៃទី១៧ ខែវិច្ឆិកា ដើម្បីពិភាក្សាអំពីការបង្កើតព្រំដែនច្បាស់លាស់នៅតាមខ្សែបន្ទាត់ព្រំដែនយោធា (MDL) ដើម្បីបញ្ជៀសការប៉ះទង្គិចគ្នាប្រដាប់អាវុធនៅតាមតំបន់ព្រំដែន ដែលអាចបង្កឱ្យមានជម្លោះកាន់តែទូលំទូលាយ។ កូរ៉េខាងត្បូងបានដាក់សំណើបែបនេះជាលើកដំបូងក្នុងពេល៧ឆ្នាំ ប៉ុន្តែកូរ៉េខាងជើងមិនបានឆ្លើយតប ឬបញ្ចេញប្រតិកម្មចំពោះសំណើនេះទ៕ ប្រភព ៖ AFP

ប៉េកាំង ៖ ប្រទេសចិនបានទទួលជោគជ័យទាំងស្រុង ក្នុងការបាញ់បង្ហោះយានអវកាស Shenzhou-22 ទៅដាក់នៅទីអវកាសដូចតាមការគ្រោងទុក។ នេះបើតាមសារព័ត៌មានរដ្ឋចិនស៊ីនហួ ចុះផ្សាយនៅថ្ងៃអង្គារនេះ។ យោងតាមទីភ្នាក់ងារអវកាសចិន (CMS), យានអវកាស Shenzhou-22 នេះ ត្រូវបានបាញ់បង្ហោះនៅវេលាម៉ោង ១២និង១១នាទី រសៀលថ្ងៃអង្គារនេះ (ម៉ោងក្នុងតំបន់) ចេញពីមជ្ឈមណ្ឌលបាញ់ផ្កាយរណប Jiuquan នៅភាគពាយព្យប្រទេសចិន។ ប៉ុន្មាននាទីបន្ទាប់ពីការហោះឡើង ទីភ្នាក់ងារ CMSA ប្រកាសថា យានអវកាស Shenzhou-22 បានផ្ដាច់ខ្លួនចេញពីយានជំរុញ Long March ដោយជោគជ័យ ហើយចូលទៅក្នុងគន្លងដែលបានគ្រោងទុក។ យាន Shenzhou-22 នេះ ត្រូវបានអ្នកវិទ្យាសាស្ត្រចិន ប្រើប្រាស់ដើម្បីផ្ទុកទំនិញជាច្រើន រួមទាំងស្បៀងអាហារសម្រាប់អវកាសយានិកចិន និងឧបករណ៍សម្រាប់ស្ថានីយ៍អវកាសជាដើម។ យាន Shenzhou-22 ត្រូវបានបញ្ជូនទៅកាន់ស្ថានីយអវកាស Tiangong របស់ប្រទេសចិន ដើម្បីជំនួសយាន Shenzhou-21 ដែលបានបង្ខំចិត្តត្រឡប់មកផែនដីវិញក្នុងរយៈពេល ៦ខែ ពោលគឺលឿនជាងពេលកំណត់ បន្ទាប់ពីយានមួយទៀតដែលចូលចតនៅស្ថានីយអវកាសរងការខូចខាត។ ភាពខុសគ្នាដ៏សំខាន់ជាមួយនឹងយាន Shenzhou-21 គឺថា យាន Shenzhou-22 ត្រូវបានបង្ហោះដោយពុំមានអវកាសយានិកនោះទេ…

វ៉ាស៊ីនតោន ៖ បន្ទាប់ពីជួបសន្ទនាតាមទូរស័ព្ទជាមួយលោកប្រធានាធិបតី Xi Jinping កាលពីថ្ងៃចន្ទរួចមក, ប្រធានាធិបតីសហរដ្ឋអាមេរិកលោក Donald Trump ប្រកាសថា លោកនឹងធ្វើដំណើរទស្សនកិច្ចទៅកាន់ប្រទេសចិននាខែមេសា ឆ្នាំ២០២៦ ។ លោក Trump បានរៀបរាប់នៅក្នុងសារបង្ហោះលើបណ្តាញសង្គម Truth Social ថា «លោកប្រធានាធិបតី Xi Jinping បានអញ្ជើញលោកទៅធ្វើទស្សនកិច្ចនៅទីក្រុងប៉េកាំងក្នុងខែមេសា ឆ្នាំក្រោយ ហើយលោកក៏បានទទួលយកការអញ្ជើញនេះផងដែរ ។ លោកថា ទំនាក់ទំនងរបស់អាមេរិកជាមួយចិន គឺល្អខ្លាំងណាស់ ។ ស្របពេលជាមួយគ្នានេះ លោក Trump ក៏បានអញ្ជើញប្រធានាធិបតីចិន លោក Xi Jinping សម្រាប់ដំណើរទស្សនកិច្ចផ្លូវរដ្ឋមកកាន់ទឹកដីសហរដ្ឋអាមេរិកវិញផងដែរ នៅចុងឆ្នាំក្រោយ ។ បើតាមសារព័ត៌មាន BBC, ក្នុងអំឡុងកិច្ចសន្ទនាតាមទូរស័ព្ទនោះ, លោក Trump និង លោក Xi Jinpingបានពិភាក្សាគ្នាអំពីបញ្ហាជាច្រើន រួមទាំងសង្គ្រាមពាណិជ្ជកម្ម, ការលុកលុយរបស់រុស្ស៊ីលើអ៊ុយក្រែន, គ្រឿងញៀនហ្វេតានីល និងបញ្ហាកោះតៃវ៉ាន់ជាដើម ។ ជុំវិញរឿងកោះតៃវ៉ាន់…