Author: Dol Pheakdey
-
ក្រុមហាម៉ាស៖ អ៊ីស្រាអែល នឹងមិនសម្រេចគោលដៅដោយការសម្លាប់មេដឹកនាំខ្លួននោះទេ មន្ត្រីក្រុមហាម៉ាស លោក សាមី អាប៊ូ ហ្សូរី (Sami Abu Zuhri) បានប្រាប់សារព័ត៌មានរ៉យទ័រថា ការធ្វើឃាតមេដឹកនាំក្រុមហាម៉ាស លោក អ៊ីស្មេល ហានីយ៉េ (Ismail Haniyeh) នៅអ៊ីរ៉ង់ គឺជាការបង្កើនភាពតានតឹងយ៉ាងធ្ងន់ធ្ងរ ដែលអ៊ីស្រាអែល នឹងមិនសម្រេចបាននូវគោលដៅរបស់ខ្លួនឡើយ។
ក្រុមហាម៉ាស៖ អ៊ីស្រាអែល នឹងមិនសម្រេចគោលដៅដោយការសម្លាប់មេដឹកនាំខ្លួននោះទេ មន្ត្រីក្រុមហាម៉ាស លោក សាមី អាប៊ូ ហ្សូរី (Sami Abu Zuhri) បានប្រាប់សារព័ត៌មានរ៉យទ័រថា ការធ្វើឃាតមេដឹកនាំក្រុមហាម៉ាស លោក អ៊ីស្មេល ហានីយ៉េ (Ismail Haniyeh) នៅអ៊ីរ៉ង់ គឺជាការបង្កើនភាពតានតឹងយ៉ាងធ្ងន់ធ្ងរ ដែលអ៊ីស្រាអែល នឹងមិនសម្រេចបាននូវគោលដៅរបស់ខ្លួនឡើយ។ នៅក្នុងគេហទំព័រព័ត៌មាន ស៊ីហាប (Shehab) ដែលមានទំនាក់ទំនងជាមួយក្រុមហាម៉ាស លោក Abu Zuhri ត្រូវបានដកស្រង់សម្តីដោយនិយាយថា ក្រុមសកម្មប្រយុទ្ធនេះជាចលនាមួយមានភាពរឹងមាំគ្រប់គ្រាន់ដើម្បីទប់ទល់នឹងការស្លាប់របស់មេដឹកនាំណាម្នាក់របស់ខ្លួន។ លោកបន្តថា៖ «យើងកំពុងធ្វើសង្រ្គាមបើកចំហមួយដើម្បីរំដោះក្រុងហ្សេរុយសាឡិម ហើយយើងត្រៀមខ្លួនជាស្រេចក្នុងការបង់ខាតណាមួយទាំងអស់»។ មន្រ្តីហាម៉ាសរូបនេះបន្ថែមថា ក្រុមអ៊ីស្លាមនិយមប៉ាឡេស្ទីន ហាម៉ាស ដែលគ្រប់គ្រងតំបន់ហ្កាហ្សា នឹងបន្តផ្លូវដែលខ្លួនកំពុងដើរ ដោយសង្កត់ធ្ងន់ថា «យើងមានទំនុកចិត្តចំពោះជ័យជំនះ»។ ប្រភពនៅអ៊ីរ៉ង់បានឱ្យដឹងថា ស្ថាប័នសន្តិសុខកំពូលរបស់អ៊ីរ៉ង់ ត្រូវបានគេរំពឹងថានឹងជួបប្រជុំ ដើម្បីសម្រេចយុទ្ធសាស្ត្ររបស់ខ្លួន ក្នុងការឆ្លើយតបលើការស្លាប់របស់លោក Haniyeh សម្ព័ន្ធមិត្តជិតស្និទ្ធរបស់ទីក្រុងតេអេរ៉ង់ ដែលត្រូវបានធ្វើឃាតកាលពីព្រឹកព្រលឹមនៅអ៊ីរ៉ង់ ក្នុងពេលដែលលំនៅឋានរបស់លោកត្រូវបានកំណត់គោលដៅ។ ប្រធានអាជ្ញាធរប៉ាឡេស្ទីន លោក ម៉ាសឃ្មូដ អាបាស (Mahmoud…
-
WHO៖ អ្នកជំងឺជាង ៨០នាក់ត្រូវបានបញ្ជូនចេញពីហ្កាហ្សា ក្នុងការជម្លៀសវេជ្ជសាស្រ្តដ៏ធំបំផុត
អគ្គនាយកអង្គការសុខភាពពិភពលោក (WHO) បាននិយាយកាលពីថ្ងៃអង្គារ (៣០ កក្កដា) ថា យ៉ាងហោចណាស់មានប្រជាជនប៉ាឡេស្ទីនដែលមានជំងឺ និងរបួសយ៉ាងធ្ងន់ធ្ងរចំនួន ៨៥នាក់មកពីតំបន់ហ្កាហ្សា រួមទាំងកុមារចំនួន ៣៥នាក់ត្រូវបានជម្លៀសខ្លួនទៅកាន់ទីក្រុង អាប៊ុយដាប៊ី (Abu Dhabi) សម្រាប់ការថែទាំពិសេស។ អគ្គនាយក WHO លោក តេដ្រូស អាដហាណូម ហ្កេប្រេយ៉េស៊ូស (Tedros Adhanom Ghebreyesus) បានបង្ហោះនៅលើបណ្ដាញសង្គម X ថា «ការជម្លៀសរួមគ្នាដ៏ស្មុគស្មាញបំផុតនេះត្រូវបានគាំទ្រដោយអារ៉ាប់រួម អង្គការ WHO និងបណ្ដាដៃគូ ហើយវាជាប្រតិបត្តិការជម្លៀសផ្នែកវេជ្ជសាស្រ្តដ៏ធំបំផុតចាប់តាំងពីខែតុលា ឆ្នាំ២០២៣ មក»។ អ្នកជំងឺ ដែលត្រូវបានជម្លៀសចេញទាំងនោះ ទទួលរងនូវស្ថានភាពធ្ងន់ធ្ងរផ្សេងៗរួមមានជំងឺមហារីក បញ្ហាប្រព័ន្ធប្រសាទ និងជំងឺបេះដូងជាដើម។ វិស័យវេជ្ជសាស្រ្ដរបស់តំបន់ហ្កាហ្សា ត្រូវបានខូចខាត បន្ទាប់ពីប្រតិបត្តិការយោធារយៈពេលជិត ១០ខែ ដែលត្រូវបានជំរុញដោយការវាយប្រហារឆ្លងព្រំដែនកាលពីថ្ងៃទី០៧ ខែតុលា របស់ក្រុមហាម៉ាស ទៅលើភាគខាងត្បូងអ៊ីស្រាអែល។ ក្នុងអំឡុងពេលជម្លោះ អ៊ីស្រាអែលបានវាយឆ្មក់ និងទម្លាក់គ្រាប់បែកលើមន្ទីរពេទ្យ ដោយលើកហេតុផលថា ក្រុមហាម៉ាស បានប្រើប្រាស់មូលដ្ឋានទាំងនោះសម្រាប់គោលបំណងយោធា។ ការជម្លៀសវេជ្ជសាស្រ្ដចេញពីហ្កាហ្សា គឺកម្រមានណាស់តាំងពីខែឧសភាមក…
-
ប្រជាជនវេណេស៊ុយអេឡានៅទូទាំងអាមេរិកឡាទីន តវ៉ាទាមទារតម្លាភាពក្នុងលទ្ធផលឆ្នោត
ប្រជាជនវេណេហ្ស៊ុយអេឡា ដែលរស់នៅក្នុងប្រទេសអាហ្សង់ទីន ម៉ិកស៊ិក និងឈីលី បានចេញធ្វើបាតុកម្មកាលពីថ្ងៃអង្គារ (៣០ កក្កដា) ដើម្បីតវ៉ាទាមទារតម្លាភាព និងយុត្តិធម៌នៅក្នុងលទ្ធផលបោះឆ្នោតនាពេលថ្មីៗនេះរបស់ប្រទេសកំណើតរបស់ពួកគេ។ នៅរដ្ឋធានី ប៊ុយណូស៊ែរ របស់អាហ្សង់ទីន ក្រុមបាតុករបានប្រមូលផ្តុំគ្នានៅខាងក្រៅស្ថានទូតវេណេស៊ុយអេឡា ដោយគ្រវីទង់ជាតិ និងកាន់ស្លាកដែលសរសេរថា «អ្នកគ្រប់គ្នាដឹងថាវាជាការបោកប្រាស់»។ នៅរដ្ឋធានី សាន់ត្យាហ្គោ របស់ឈីលី សហគមន៍វេណេស៊ុយអេឡា បានប្រមូលផ្តុំគ្នានៅភាគខាងលិចនៃទីក្រុងដើម្បីតវ៉ាប្រឆាំងនឹងការឈ្នះឆ្នោតឡើងវិញរបស់ប្រធានាធិបតីវេណេស៊ុយអេឡា លោក នីកូឡាស ម៉ាឌូរ៉ូ (Nicolas Maduro)។ ប្រជាជនវេណេហ្ស៊ុយអេឡា ដែលរស់នៅក្នុងរដ្ឋធានី ម៉ិកស៊ិកូស៊ីធី បានតវ៉ានៅវិមានឯករាជ្យ (Angel of Independence) ដោយស្រែកពាក្យតវ៉ា និងអំពាវនាវឱ្យមានអន្តរាគមន៍ពីអន្តរជាតិដើម្បីការពារលទ្ធិប្រជាធិបតេយ្យនៅវ៉េណេស៊ុយអេឡា។ ការតវ៉ាបានផ្ទុះឡើងជាបន្តបន្ទាប់នៅទូទាំងប្រទេសវ៉េណេស៊ុយអេឡា ចាប់តាំងពីថ្ងៃចន្ទ (២៩ កក្កដា) មក បន្ទាប់ពីអាជ្ញាធរបោះឆ្នោតបានប្រកាសថា ប្រធានាធិបតីដែលកំពុងកាន់អំណាច លោក Maduro បានឈ្នះតំណែងអាណត្តិទី៣ ជាមួយនឹងសំឡេងគាំទ្រ ៥១ភាគរយ ដោយផ្ទុយនឹងការស្ទង់មតិក្រោយបោះឆ្នោតដែលបង្ហាញពីជ័យជម្នះបក្សប្រឆាំងទៅវិញ។ សហគមន៍វេណេហ្ស៊ុយអេឡា នៅទូទាំងអាមេរិកឡាទីន បានកើនឡើងយ៉ាងខ្លាំងក្នុងប៉ុន្មានឆ្នាំថ្មីៗនេះ ដោយមនុស្សជាច្រើនបានភៀសខ្លួនចេញពីវិបត្តិសេដ្ឋកិច្ច និងអស្ថិរភាពនយោបាយក្នុងប្រទេសអាមេរិកខាងត្បូងមួយនេះ៕
-
្រឹទ្ធសភាបានឯកភាពទាំងស្រុងលើសេចក្តីព្រាងច្បាប់ពាក់ព័ន្ធនឹងការដឹកជញ្ជូនអន្តរជាតិតាមផ្លូវអាកាស
សម័យប្រជុំព្រឹទ្ធសភាជាវិសាមញ្ញ នីតិកាលទី៥ នាព្រឹកថ្ងៃទី៣១ ខែកក្កដា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់សម្តេច អគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អង្គប្រជុំព្រឹទ្ធសភាបាន ឯកភាពទាំងស្រុងលើសេចក្តី ព្រាងច្បាប់ស្តីពី ការអនុម័តយល់ព្រមលើអនុសញ្ញាស្តីពីឯកភាវូបនីយកម្មនៃវិធានមួយចំនួន ពាក់ព័ន្ធនឹងការដឹកជញ្ជូនអន្តរជាតិតាមផ្លូវអាកាស ដោយទទួលបាន ៥៦សំឡេង។ នេះបើយោងតាមសេចក្តីប្រកាសព័ត៌មាន ស្តីពីលទ្ធផលកិច្ចប្រជុំ។ ក្នុងសម័យប្រជុំព្រឹកនេះ មានសមាជិកព្រឹទ្ធសភាមានវត្តមានចំនួន ៥៦រូប។ អង្គប្រជុំបានដំណើរការដោយមានរបៀបវារៈតែមួយគឺ ពិនិត្យ ហើយឱ្យយោបល់លើសេចក្តី ព្រាងច្បាប់ស្តីពី ការអនុម័តយល់ព្រមលើអនុសញ្ញាស្តីពីឯកភាវូបនីយកម្មនៃវិធានមួយចំនួន ពាក់ព័ន្ធនឹងការដឹកជញ្ជូនអន្តរជាតិតាមផ្លូវអាកាស។ អង្គប្រជុំព្រឹទ្ធសភាបានអនុម័តយល់ព្រមលើរបៀបវារៈ ដោយទទួលបាន ៥៦សំឡេង។ កម្ពុជារំពឹងថា បន្ទាប់ពីការចូលជាធរមាន ច្បាប់នេះ នឹងផ្តល់ឱ្យកម្ពុជានូវក្របខ័ណ្ឌ ច្បាប់ដ៏រឹងមាំដែលគាំទ្រដល់ការអភិវឌ្ឍវិស័យអាកាសចរណ៍របស់ខ្លួន ហើយក៏នឹងជំរុញកំណើន សេដ្ឋកិច្ចតាមរយៈទេសចរណ៍ ពាណិជ្ជកម្ម និងធានាការការពារសិទ្ធិអ្នកដំណើរតាមផ្លូវអាកាស ដែលរួមចំណែកដល់វឌ្ឍនភាព និងយុត្តិធម៌សង្គម ព្រមទាំងការធ្វើសមាហរណកម្មកម្ពុជាទៅក្នុង តំបន់និងពិភពលោកផង។ តាមរយៈសេចក្តីសន្និដ្ឋានរួមរបស់គណៈកម្មការសាធារណការ ដឹកជញ្ជូន អាកាសចរស៊ីវិល ប្រៃសណីយ៍ ទូរគមនាគមន៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី…
-
និយតករហិរញ្ញវត្ថុកោះតៃវ៉ាន់ថា ខ្លួនបានត្រៀមជាស្រេចសម្រាប់លទ្ធផលបោះឆ្នោតអាមេរិក
និយតករហិរញ្ញវត្ថុជាន់ខ្ពស់របស់កោះតៃវ៉ាន់បាននិយាយថា ទីភ្នាក់ងាររបស់ខ្លួនមានផែនការឆ្លើយតបបន្ទាន់សម្រាប់លទ្ធផលដែលអាចកើតឡើងណាមួយនៃការបោះឆ្នោតប្រធានាធិបតីអាមេរិក មិនថាលោក ដូណាល់ ត្រាំ (Donald Trump) ឬលោកស្រី កាម៉ាឡា ហារីស (Kamala Harris ) ជាអ្នកឈ្នះឆ្នោតនោះទេ។ លោក ជីនលុង ផឹង (Jin-lung Peng) ប្រធានគណៈកម្មការត្រួតពិនិត្យហិរញ្ញវត្ថុតៃវ៉ាន់ (FSC) បានប្រាប់សារព័ត៌មានរ៉យទ័រក្នុងបទសម្ភាសន៍មួយនៅថ្ងៃពុធ (៣១ កក្កដា) នេះថា «យើងពិតជាមានផែនការត្រៀមទុកជាស្រេច» ប៉ុន្តែមិនបានផ្តល់ព័ត៌មានលម្អិតលើផែនការនោះទេ។ លោកបានបន្ថែមថា «នៅពេលណាដែលយើងកំណត់យុទ្ធសាស្ត្រ យើងត្រូវពិចារណាពីហានិភ័យភូមិសាស្ត្រនយោបាយអន្តរជាតិ និងនយោបាយក្នុងស្រុក»។ ចំណាត់ការនេះកើតឡើងបន្ទាប់ពីលោក Trump កាលពីថ្ងៃទី១៧ ខែកក្កដាបាននិយាយថា តៃវ៉ាន់គួរតែបង់ថ្លៃការពារជាតិឱ្យសហរដ្ឋអាមេរិក ដោយនោះជាការលើកឡើងដែលបានធ្វើឱ្យមានការរង្គោះរង្គើទូទាំងកោះ និងបានគូសបញ្ជាក់អំពីហានិភ័យនៃការបោះឆ្នោតប្រធានាធិបតីនាពេលខាងមុខសម្រាប់សម្ព័ន្ធមិត្ត និងដៃគូរបស់ទីក្រុងវ៉ាស៊ីនតោននៅអាស៊ីមួយនេះ។ ភាគហ៊ុនរបស់ក្រុមហ៊ុនតៃវ៉ាន់ TSMC ដែលជាក្រុមហ៊ុនផលិតបន្ទះឈីបដ៏ធំបំផុតរបស់ពិភពលោកតាមរយៈការលក់ បានធ្លាក់ចុះ ២,៤ភាគរយក្នុងពេកនោះ បន្ទាប់ពីការលើកឡើងរបស់បេក្ខភាពមកពីគណបក្សសាធារណរដ្ឋរូបនេះនៅក្នុងបទសម្ភាសន៍ជាមួយសារព័ត៌មាន ប្លូមប៊ឺក (Bloomberg)៕
-
អ៊ីស្រាអែល៖ ក្រុមហេសបូឡាឆ្លងបន្ទាត់ក្រហម ក្នុងការអះអាងពីការសម្លាប់មេដឹកនាំក្រុមនេះ ក្រោយវាយប្រហារលើទីក្រុងបេរូតភាគខាងត្បូង
រដ្ឋមន្ត្រីការពារជាតិអ៊ីស្រាអែល លោក Yoav Gallant និយាយថា ក្រុមហេសបូឡា «ឆ្លងបន្ទាត់ក្រហម» បន្ទាប់ពីកងទ័ពវាយប្រហារដាក់គោលដៅ លើទីក្រុងបេរូត(Beirut)ភាគខាងត្បូង។ លោកGallant បានសរសេរនៅលើបណ្ដាញសង្គម X ប៉ុន្មាននាទីបន្ទាប់ពីយោធាអ៊ីស្រាអែលបាននិយាយថា “ក្រុមហេសបូឡាបានឆ្លងបន្ទាត់ក្រហម” ដោយដាក់គោលដៅទៅលើមេបញ្ជាការម្នាក់ដែលទទួលខុសត្រូវចំពោះការវាយប្រហារដោយគ្រាប់រ៉ូកែតលើតំបន់ខ្ពង់រាបហ្គូឡង់(GolanHeights)របស់អ៊ីស្រាអែលកាលពីថ្ងៃសៅរ៍សប្ដាហ៍មុន សម្លាប់កុមារ ១២នាក់។ យោងតាមសារព័ត៌មាន AFP ក្រសួងសុខាភិបាលប្រទេសលីបង់បានចេញរបាយការណ៍ដំបូងថា “ជនស៊ីវិលជាស្ត្រីម្នាក់ត្រូវបានសម្លាប់ និងជនស៊ីវិលចំនួន ៦៨ នាក់បានរងរបួស ៥ នាក់ក្នុងចំណោមពួកគេមានសភាពធ្ងន់ធ្ងរ” ។ យោធាអ៊ីស្រាអែលកាលពីថ្ងៃអង្គារបាននិយាយថា ខ្លួនបានសម្លាប់ មេបញ្ជាការយោធាជាន់ខ្ពស់បំផុតរបស់ ក្រុមហេសបូឡា លោក ហ្វូដ ស៊ូគើរ (Fuad Shukr) ក្រោយវាយប្រហារដ៏កម្រមួយក្នុងទីក្រុង បេរូត ដែលរុញឲ្យមានភាពតានតឹងកាន់តែខ្លាំងថែមទៀតជាមួយក្រុមសកម្មប្រយុទ្ធលីបង់។ មេដឹកនាំក្រុមហេសបូឡា លោកHassan Nasrallah បានសរសេរនៅលើប្រព័ន្ធផ្សព្វផ្សាយសង្គមភ្លាមៗបន្ទាប់ពីបើកការវាយប្រហារកាលពីថ្ងៃអង្គារសប្ដាហ៍នេះថា “ការប៉ុនប៉ងធ្វើឃាត” បានបរាជ័យ ដោយបន្ថែមថា “សេចក្តីថ្លែងការណ៍ផ្លូវការឆ្លើយតបមួយ នឹងត្រូវបានចេញដោយក្រុមតស៊ូអ៊ីស្លាមភ្លាមៗនៅពេលដែលការពិតទាំងអស់ត្រូវបានយកមកពិចារណា” ៕