Category: ព័ត៌មានជាតិ​

អ៊ីរ៉ង់ បាននិយាយកាលពីថ្ងៃចន្ទ (០៩ មិថុនា) ថា ខ្លួននឹងប្រគល់សំណើប្រឆាំងតប ចំពោះកិច្ចព្រមព្រៀងនុយក្លេអ៊ែរទៅកាន់សហរដ្ឋអាមេរិក ក្នុងពេលឆាប់ៗនេះ ដើម្បីឆ្លើយតបទៅនឹងសំណើផ្តល់ជូនរបស់ទីក្រុងវ៉ាស៊ីនតោន ដែលទីក្រុងតេអេរ៉ង់ ចាត់ទុកថា “មិនអាចទទួលយកបាន” ខណៈលោកប្រធានាធិបតីអាមេរិក Donald Trump បាននិយាយថា កិច្ចពិភាក្សានុយក្លេអ៊ែរជុំទី៦ នឹងបន្តទៅមុខ។ លោក Trump បានបញ្ជាក់យ៉ាងច្បាស់ថា ភាគីទាំងពីរនៅតែមានជម្លោះទៅលើថា តើអ៊ីរ៉ង់ នឹងត្រូវអនុញ្ញាតឱ្យបន្តការចម្រាញ់សារធាតុអ៊ុយរ៉ានីញ៉ូមលើទឹកដីខ្លួនទៀតដែរឬទេ។ ថ្លែងប្រាប់អ្នកយកព័ត៌មាននៅសេតវិមាន លោក Trump បានលើកឡើងថា “អ៊ីរ៉ង់ ចង់ស្នើសុំនូវអ្វីដែលមិនអាចធ្វើបាន។ អ៊ីរ៉ង់មិនចង់បោះបង់នូវអ្វីដែលពួកគេត្រូវលះបង់ទេ ហើយពួកគេចង់បន្តការចម្រាញ់ ប៉ុន្តែអាមេរិក មិនអាចឱ្យមានសកម្មភាពនេះបានឡើយ”។ នៅមុននោះ អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei បាននិយាយថា ទីក្រុងតេអេរ៉ង់ កំពុងរៀបចំសំណើប្រឆាំងតប ចំពោះសំណើមានស្រាប់របស់អាមេរិក ដែលបង្ហាញកាលពីចុងខែឧសភា។ លោកបន្ថែមថា មិនមានព័ត៌មានលម្អិតពីពេលវេលានៃការចរចាជុំទី៦ ទេ។ ខណៈដែលលោក Trump និយាយថា ជុំបន្ទាប់នៃកិច្ចចរចា នឹងធ្វើឡើងនៅថ្ងៃព្រហស្បតិ៍សប្ដាហ៍នេះ ប្រភពពីមន្ត្រីជាន់ខ្ពស់អ៊ីរ៉ង់ និងមន្ត្រីអាមេរិកនិយាយថា កិច្ចចរចាជុំទី៦…

កិច្ចចរចាពាណិជ្ជកម្មរវាងសហរដ្ឋអាមេរិក និងប្រទេសចិន គ្រោងនឹងបន្តដល់ថ្ងៃទីពីរ នៅទីក្រុងឡុងដ្រ៍ របស់ចក្រភពអង់គ្លេស ខណៈបណ្ដាមន្ត្រីសេដ្ឋកិច្ចជាន់ខ្ពស់មកពីប្រទេសដែលមានសេដ្ឋកិច្ចធំជាងគេទាំងពីរនេះ បានស្វះស្វែងរកដំណោះស្រាយជម្លោះពាណិជ្ជកម្មដ៏ជូរចត់ ដែលបានពង្រីកចាប់ពីការដំឡើងពន្ធទៅមក រហូតដល់ការរឹតបន្តឹងលើរ៉ែកម្រ ដែលគំរាមកំហែងបង្អាក់ខ្សែច្រវាក់ផ្គត់ផ្គង់សកល និងពន្យឺតកំណើនសេដ្ឋកិច្ច។ កិច្ចពិភាក្សាថ្ងៃទីមួយនៅឯវិមាន Lancaster House ដែលជាវិមានរដ្ឋាភិបាលចក្រភពអង់គ្លេសដ៏ស្រស់បំព្រង បានបញ្ចប់នៅពេលយប់កាលពីថ្ងៃចន្ទ ហើយត្រូវបានកំណត់ឱ្យបន្តនៅម៉ោង ១០ព្រឹក (ម៉ោងក្នុងស្រុក) នៅថ្ងៃអង្គារ ១០ មិថុនា នេះ នេះបើតាមប្រភពពីសហរដ្ឋអាមេរិកដែលដឹងពីកិច្ចចរចា។ ទីក្រុងវ៉ាស៊ីនតោន និងទីក្រុងប៉េកាំង កំពុងព្យាយាមស្តារឡើងវិញនូវកិច្ចព្រមព្រៀងបណ្តោះអាសន្នមួយ ដែលធ្វើឡើងនៅទីក្រុងហ្សឺណែវ ដើម្បីបន្ថយភាពតានតឹងពាណិជ្ជកម្មក្នុងរយៈពេលខ្លី និងធ្វើឱ្យទីផ្សារស្ងប់ស្ងាត់។ ចាប់តាំងពីពេលនោះមក អាមេរិកបានចោទដាក់ចិន ថាបានដើរយឺតក្នុងការប្តេជ្ញាចិត្តរបស់ខ្លួន ជាពិសេសជុំវិញការនាំចេញរ៉ែកម្រ ចំណែកទីក្រុងប៉េកាំង ចោទដាក់អាមេរិកវិញថាបានរំលោភលើកិច្ចព្រមព្រៀង។ ប្រធានាធិបតីអាមេរិក លោក Donald Trump កាលពីថ្ងៃចន្ទ បានដាក់ការជំរុញជាវិជ្ជមានលើកិច្ចពិភាក្សា ដោយនិយាយថា ជំនួបកំពុងដំណើរការល្អ ហើយលោកកំពុង “ទទួលបានរបាយការណ៍ល្អៗ” ពីក្រុមមន្រ្តីអាមេរិក នៅទីក្រុងឡុងដ្រ៍។ កិច្ចពិភាក្សានៅអង់គ្លេសនេះ បានកើតឡើងក្នុងពេលវេលាដ៏សំខាន់មួយសម្រាប់សេដ្ឋកិច្ចទាំងពីរ ដែលកំពុងបង្ហាញសញ្ញានៃភាពតានតឹងពីការដំឡើងពន្ធរបស់លោក Trump ចាប់តាំងពីការវិលត្រឡប់របស់លោកទៅកាន់សេតវិមានក្នុងខែមករាមក៕

(សៀមរាប) ៖ នេះជាជំហានថ្មីមួយទៀត របស់ក្រសួងរៀបចំដែនដី នគរូបនីយកម្ម និងសំណង់ ក្រសួងវប្បធម៌ និងវិចិត្រសិល្បៈ ក្រុមការងាររាជរដ្ឋាភិបាលចុះមូលដ្ឋានខេត្តសៀមរាប អាជ្ញាធរជាតិអប្សរា និងរដ្ឋបាលខេត្តសៀមរាប ក្នុងការស្វែងរកការឯកភាពគ្នា ទាំងស្មារតី និងគោលការណ៍រួម លើការកំណត់លក្ខខណ្ឌនៃការប្រើប្រាស់ដី និងការគ្រប់គ្រងនគរូបនីយកម្ម និងសំណង់ ក្នុងតំបន់រមណីយដ្ឋានបេតិកភណ្ឌពិភពលោកអង្គរ ដោយធ្វើការពិនិត្យឡើងវិញនូវរបៀបរបបការងារ លិខិតបទដ្ឋានគតិយុត្តិ របៀបរបបរស់នៅរបស់ពលរដ្ឋក្នុងតំបន់ការពារបេតិកភណ្ឌ ឱ្យមានការយល់គ្នាកាន់តែច្រើនជាងមុនរវាងប្រជាពលរដ្ឋ និងអាជ្ញាធរពាក់ព័ន្ធ ស្របទៅតាមកិច្ចការបេតិកភណ្ឌ និងជាមួយអន្តរជាតិ ក្នុងស្មារតីការពារនិងអភិរក្សមរតកដូនតា និងលើកស្ទួយជីវភាពអ្នកស្រុកអង្គរ ឱ្យស្របទៅតាមប្រសាសន៍សម្តេចធិបតីលើការរៀបចំផ្ទះសំបែងឱ្យរៀបរយ និងពង្រឹងខឿនសេដ្ឋកិច្ចជាតិ ។ ថ្លែងក្នុងកិច្ចប្រជុំផ្សព្វផ្សាយស្តីពីការកំណត់លក្ខខណ្ឌនៃការប្រើប្រាស់ដី និងការគ្រប់គ្រងនគរូបនីយកម្មនិងសំណង់ក្នុងតំបន់រមណីយដ្ឋានបេតិកភណ្ឌពិភពលោកអង្គរ ដែលបានធ្វើឡើងនារសៀលថ្ងៃទី៩ ខែមិថុនា ឆ្នាំ២០២៥ នៅខេត្តសៀមរាប ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ឱ្យដឹងថា ការជួបជុំគ្នានាពេលនេះគឺជាឱកាសដែលក្រុមការងារក្រសួងរៀបចំដែនដី នគរូបនីយកម្ម និងសំណង់ បង្ហាញជូនអំពីការកំណត់លក្ខខណ្ឌនៃការប្រើប្រាស់ដីឡើងវិញ និងការគ្រប់គ្រងនគរូបនីយកម្ម និងសំណង់ ក្នុងតំបន់រមណីយដ្ឋានបេតិកភណ្ឌពិភពលោកអង្គរ ដែលនេះជាជំហានថ្មី១ផ្សារភ្ជាប់ទៅនឹងជំហានដែលមានពីមុនមក ហើយតាមរយៈកិច្ចប្រជុំនេះឯកឧត្តមឧបនាយករដ្ឋមន្ត្រី ក៏បានស្នើឱ្យសមាជិកអង្គប្រជុំដែលជាអន្តរក្រសួងស្ថាប័នពាក់ព័ន្ធ ផ្ដល់មតិយោបល់និងធាតុចូលបន្ថែមទៀត ថាតើអ្វីដែលក្រុមការងារក្រសួងបានបង្ហាញជូននាពេលនេះ…

ញូវដែលី ៖ ស្ពានផ្លូវរថភ្លើងខ្ពស់បំផុតរបស់ពិភពលោក ដែលជាផ្នែកវិស្វកម្មប្រកបដោយមហិច្ឆតារបស់ឥណ្ឌា ឆ្លងកាត់ជ្រលងភ្នំក្នុងតំបន់កាស្មៀរ ត្រូវបានលោកនាយករដ្ឋមន្ត្រី Narenda Modi បើកដំណើរការជាផ្លូវការ។ យោងតាមការចុះផ្សាយរបស់សារព័ត៌មាន CNN ស្ពាន Chenab ត្រូវបានឥណ្ឌាចំណាយពេលរាប់ទសវត្សរ៍សងសង់ឡើងមានរាងកោងកម្ពស់ ៣៥៩ម៉ែត្រ ពីលើទន្លេ Chenab ខ្ពស់ជាងកំពូលប៉ម Eiffel Tower របស់បារាំង ២៩ម៉ែត្រ។ ស្ពាន Chenab បានចំណាយលុយសាងសង់អស់ជាង ១៦០លានដុល្លារ និងមានប្រវែងសរុប ១.៣១៥ម៉ែត្រ ហើយស្ពាននេះគឺជាផ្នែកមួយនៃផ្លូវរថភ្លើងដំបូងគេដែលតភ្ជាប់រវាងតំបន់កាស្មៀរ និងតំបន់ផ្សេងទៀតនៃប្រទេសឥណ្ឌា។ បន្ថែមពីលើស្ពាន Chenab លោកនាយករដ្ឋមន្ត្រីឥណ្ឌា Modi ក៏បានសម្ពោធគម្រោង Udhampur-Srinagar-Baramulla Rail Link ដែលជាផ្លូវដែកប្រវែង ២៧២គីឡូម៉ែត្រ តភ្ជាប់ទីក្រុងសំខាន់ៗនៅក្នុងតំបន់កាស្មៀរ ដែលគ្រប់គ្រងដោយឥណ្ឌាទៅកាន់តំបន់ផ្សេងៗទៀតនៃប្រទេសឥណ្ឌា។ រដ្ឋបាលរបស់លោក Modi បានចំណាយលុយរាប់ពាន់លានដុល្លារធ្វើទំនើបកម្មបណ្តាញដឹកជញ្ជូនចំណាស់ និងហួសសម័យរបស់ប្រទេសឥណ្ឌា ដែលជាផ្នែកមួយនៃចក្ខុវិស័យប្រែក្លាយឥណ្ឌាទៅជាប្រទេសអភិវឌ្ឍន៍នៅឆ្នាំ២០៤៧៕ ប្រភព ៖ CNN

(នីស)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឆ្លៀតពេលអញ្ជើញជួបសំណេះសំណាលជាមួយព្រះអង្គម្ចាស់ Haakon រជ្ជទាយាទនៃប្រទេសន័រវែស ក្នុងឱកាសសម្តេចធិបតី អញ្ជើញចូលរួមសន្និសីទរបស់អង្គការសហប្រជាជាតិស្តីពីមហាសមុទ្រលើកទី៣ (UNOC3) នៅទីក្រុងនីស ប្រទេសបារាំង នាព្រឹកថ្ងៃទី៩ ខែមិថុនា ឆ្នាំ២០២៥ ៕

(ភ្នំពេញ)៖ នៅក្នុងពីធីអបអរសាទរទិវាបរិស្ថានជាតិ និងបរិស្ថានពិភពលោក ៥ មិថុនា រៀបចំឡើងដោយមន្ទីរបរិស្ថានខេត្តត្បូងឃ្មុំ ទី៩ ខែមិថុនា ឆ្នាំ២០២៥ នៅវិទ្យាល័យ ហ៊ុន សែន ពាមជាំង ក្នុងស្រុកអូររាំងឪ ខេត្តត្បូងឃ្មុំ ឯកឧត្តម ខ្វៃ អាទិត្យា អ្នកនាំពាក្យក្រសួងបរិស្ថាន បានថ្លែងថា ទិវាបរិស្ថានជាតិនិងបរិស្ថានពិភពលោក៥ មិថុនា ឆ្នាំ២០២៥ ដែលប្រព្រឹត្តទៅក្រោមប្រធានបទ«ប្រយុទ្ធប្រឆាំងការបំពុលដោយប្លាស្ទិក» គឺសមស្របទៅនឹងបរិបទរបស់ពិភពលោក ដែលកំពុងប្រឈមនឹងការកើនឡើងនៃសំណល់ប្លាស្ទិក និងការបំពុលដោយប្លាស្ទិក។ ឯកឧត្តម ខ្វៃ អាទិត្យា បានឱ្យដឹងថាប្រធានបទនេះ ពិតជាបានឆ្លុះបញ្ចាំងពីការពិត និងការព្រួយបារម្ភរបស់ពិភបលោកចំពោះបញ្ហាប្លាស្ទិក ប្រសិនបើគ្មានវិធានការប្រកបដោយនិរន្តភាពនោះទេ គេរំពឹងថា បរិមាណសំណល់ប្លាស្ទិក ដែលហូរចូលទៅក្នុងប្រព័ន្ធអេកូឡូស៊ី ក្នុងទឹក នឹងកើនឡើងជិតបីដង ប្រមាណ២៩លានតោន ក្នុងឆ្នាំ២០៤០។ ឯកឧត្តម បានបញ្ជាក់ថា ការបំពុលដោយប្លាស្ទិក បានប៉ះពាល់ដល់សុខុមាលភាពរបស់មនុស្ស សត្វ និងបរិស្ថាន ក្នុងនោះប្លាស្ទិកហូរចូលទៅសមុទ្រ នៅឆ្នាំ២០៥០ នឹងមានចំនួនច្រើនជាងត្រីនៅក្នុងសមុទ្រ។ ដោយឡែក ការដុតសំណល់ប្លាស្ទិកនៅទីវាល បានបង្កឱ្យមានផលប៉ះពាល់ដល់ស្រទាប់អូហ្សូន និងសុខភាពមនុស្ស គឺនៅពេលដកដង្ហើម…

(ភ្នំពេញ)៖ ឆ្នាំនេះ ត្រីមានការសម្បូរ ឯទឹកទន្លេក៏មិនសូវខ្វះបើប្រៀបធៀបទៅនឹងឆ្នាំមុនៗ ធ្វើឱ្យអ្នកនេសាទមួយចំនួនតែងតែលួចឆ្មក់ចូល ទៅនេសាទក្នុងកន្លែងអភិរក្សទាំងនេះ នៅពេលដែលយើងមានការធ្វេសប្រហែស ។ នេះជាការលើកឡើងពីសំណាក់ ឯកឧត្តម ប៉ែន ផល្លីកា អនុរដ្ឋលេខាធិការ ក្រសួងកសិកម្មរុក្ខាប្រមាញ់ និងនេសាទ។ បញ្ជាក់ក្នុងពិធីចុះទៅពិនិត្យ និងសួរសុខទុក្ខមន្រ្តីជលផល កងកម្លាំងចម្រុះ នៅឃុំផាត់សណ្តាយ ខេត្តកំពង់ធំ នៅថ្ងៃ ០៩ មិថុនា ២០២៥ ឯកឧត្តម ប៉ែន ផល្លីកា ថ្លែងដោយបានធ្វើការកោតសរសើរ ចំពោះកិច្ចសហការចុះល្បាត ផ្សព្វផ្សាយ ត្រួតពិនិត្យ និងបង្រ្កាបបទល្មើសនេសាទយ៉ាងសស្រាក់សស្រាំដូចភ្លៀងរលឹម។ ឯកឧត្តមអនុរដ្ឋលេខាធិការក៏បានលើកឡើងថា”រៀងរាល់ថ្ងៃមន្រ្តីដែលប្រចាំការក្នុងភូមិសាស្រ្តជុំវិញបឹងទន្លេសាប ត្រូវតែសហការជាមួយកម្លាំងចម្រុះឱ្យកាន់តែស្អិតរមួត ចុះល្បាតរួមគ្នាដើម្បីឱ្យបេសកកម្មនេះកាន់តែមានប្រសិទ្ធភាព”។ ឯកឧត្តមបានណែនាំទៅមន្ត្រីជំនាញត្រួតពិនិត្យ និងជួយផ្សព្វផ្សាយឱ្យប្រជានេសាទ ក្នុងអន្តរកាលនៃរដូវបិទនេសាទ នៅក្នុងភូមិសាស្រ្តបឹងទន្លេសាប ពីឧបករណ៍នេសាទឱ្យបានត្រឹមត្រូវ ដើម្បីជួយអភិរក្ស និងអភិវឌ្ឍធនធានជលផលរបស់យើងឱ្យកាន់សម្បូរណ៍ថែមទៀត ធ្វើយ៉ាងណាឱ្យពួកគាត់អនុវត្តទៅតាមគោលការណ៍មួយដែលបានឯកភាពគ្នារវាងរដ្ឋបាលជលផល និងមេបញ្ជាការដែលទទួលបន្ទុកកិច្ចការនេះ។ ជាមួយគ្នានេះ ឯកឧត្តម អនុរដ្ឋលេខាធិការបានលើកឡើងដែរថាកន្លងមកនេះ ការបំពេញកាតព្វកិច្ចរបស់ក្រុមចម្រុះយើងតែងតែទប់ស្កាត់បានល្អ និងទាន់ពេលវេលា។ ឯកឧត្តមអនុរដ្ឋលេខាធិការ បានថ្លែងអំណរគុណក្រុមការងារចំពោះបេសកកម្មប្រកបដោយអត្ថន័យឆន្ទៈជាតិ និងតម្កល់ផលប្រយោជន៍ជាតិជាធំ ដើម្បីជួយទប់ស្កាត់បទល្មើស និងអភិរក្សធនធានជលផលក្នុងបឹងទន្លេសាប ដែលជាធនធានដ៏មានតម្លៃមិនអាចកាត់ថ្លៃបាន…

(ភ្នំពេញ)៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានរម្លឹកដល់អ្នកសារព័ត៌មានអាជីព អ្នកបង្កើតមាតិកា អ្នកមានឥទ្ធិពលលើបណ្តាញសង្គម (influencers) និងអ្នកលេងបញ្តាញសង្គមទាំងអស់ ត្រូវរួមគ្នាផ្សព្វផ្សាយព័ត៌មានពិត មានប្រភពច្បាស់ការពីរាជរដ្ឋាភិបាល ក្រសួងការពារជាតិ និងសូមប្រុងប្រយ័ត្នឱ្យបានខ្ពស់ចំពោះការចែកចាយ និងផ្សព្វផ្សាយព័ត៌មាននានាជុំវិញស្ថានភាពព្រំដែនរវាងកម្ពុជា និងថៃ។ ការក្រើនរម្លឹកបែបនេះរបស់ឯកឧត្តម នេត្រ ភក្ត្រា បានធ្វើឡើងនៅព្រឹកថ្ងៃទី០៩ ខែមិថុនា ឆ្នាំ២០២៥នេះ ក្នុងឱកាសដែលឯកឧត្តមបានជួបពិភាក្សាជាមួយអ្នកបង្កើតមាតិកា នៅសាលប្រជុំព្រះវិហារ នៃទីស្តីការក្រសួងព័ត៌មាន។ ឯកឧត្តម នេត្រ ភក្ត្រា បានបញ្ជាក់ថា ក្នុងនាមជាអ្នកសារព័ត៌មាន និងអ្នកបង្កើតមាតិកា ត្រូវចូលរួមផ្សព្វផ្សាយលើកតម្កើងពីតម្លៃនៃសន្តិភាព ដែលកំពុងមានក្នុងពេលច្ចុប្បន្ននេះដែលបានឱកាសគ្រប់បែបយ៉ាងដើម្បីអភិវឌ្ឍន៍ប្រទេសជាតិ។ ភ្ជាប់ជាមួយគ្នានេះដែរ ឯកឧត្តម នេត្រ ភក្ត្រា បានបន្តថា ការផ្សព្វផ្សាយព័ត៌មាន មិនមានប្រភពច្បាស់លាស់ ឬក៏យកប្រភពព័ត៌មានពីប្រទសេសជិតខាងដែលកំពុងតែមានបញ្ហាជាមួយកម្ពុជាច្បាស់ណាស់នឹងធ្វើប្រជាពលរដ្ឋមានការយល់ច្រឡំ ពីស្ថានភាពជាក់ស្តែងជុំវិញបញ្ហាព្រំដែន។ ដូច្នេះ សូមបងប្អូនដែលមានឥទ្ធិពលលើបណ្តាញសង្គម (influencers) ត្រូវប្រកាន់នូវគោលជំហររបស់រាជរដ្ឋាភិបាលកម្ពុជា គឺគោលការណ៍សន្តិសហវិជ្ជមាន មានន័យថាការរស់នៅដោយសុខដុមនីយកម្មជាមួយគ្នា ខណៈសន្តិភាព ជាចំណុចសំខាន់របស់រាជរដ្ឋាភិបាលកម្ពុជា។ ឯកឧត្តម រដ្ឋមន្ត្រីក្រសួងព័ត៌មាន ក៏បានអំពាវនាវដល់អ្នកសារព័ត៌មាន និងអ្នកលេងបណ្តាញសង្គម សូមកុំចែកចាយ…

បរទេស៖ នាព្រឹកថ្ងៃចន្ទ ទី៩ ខែមិថុនានេះ មានហេតុការណ៍ផ្ទុះ នៅឯរោងចក្ររក្សាទុកគ្រាប់មិនទាន់ផ្ទុះ ស្ថិតក្នុងមូលដ្ឋានទ័ពអាកាសអាមេរិក Kadena នៅលើកោះ Okinawa នៃប្រទេសជប៉ុន បណ្តាលឲ្យមនុស្ស៤នាក់ រងរបួស នេះបើតាមការចុះផ្សាយ របស់ទីភ្នាក់ងារព័ត៌មាន CNA។ លោក Akira Kamiunten មន្ត្រីពន្លត់អគ្គីភ័យ បាននិយាយថា អ្នកដែលរងរបួស ទាំងនោះ គឺជាសមាជិកនៃកងកម្លាំងស្វ័យការពារ របស់ប្រទេសជប៉ុន ហៅកាត់ SDF ប៉ុន្តែ មិនមានរបួសធ្ងន់ធ្ងរនោះទេ ហើយ ត្រូវបានបញ្ជូន ទៅកាន់មន្ទីរពេទ្យ ភ្លាមៗ។ រីឯ មូលហេតុនៃការផ្ទុះនេះ កំពុងត្រូវបានស៊ើបអង្កេត បន្ថែម ដោយព្យាយាមស្វែងរកប្រភេទគ្រាប់បែកសង្ស័យដែលបានផ្ទុះ នាពេលនោះ។ ជាមួយគ្នានេះ ទីភ្នាក់ងារព័ត៌មានអង់គ្លេស Independent បានចុះផ្សាយ បន្ថែមថា គ្រាប់បែកសង្រ្គាម មិនទាន់ផ្ទុះ រាប់រយតោន ដែលភាគច្រើន ត្រូវបានទម្លាក់ ដោយយោធាអាមេរិក នៅតែកប់ តាមតំបន់ជុំវិញប្រទេសជប៉ុន ហើយពេលខ្លះ ត្រូវបានគេឃើញមាន នៅកន្លែងធ្វើសំណង់…