Category: ព័ត៌មានជាតិ​

(ភ្នំពេញ)៖ប្រាក់រៀលរបស់ខ្មែរបានហក់ឡើងថ្លៃជាបន្ត​បន្ទាប់​មួយរយៈពេលមកនេះ បើធៀបទៅនឹងប្រាក់ដុល្លារ​របស់ប្រទេសសហរដ្ឋអាមេរិក។ ជាមួយការហក់ឡើងនេះត្រូវបានមន្រ្តីពាក់ព័ន្ធមួយចំនួនលើកឡើង ដោយសារតែបញ្ហានយោបាយរបស់​ប្រធានា​ធិបតីថ្មីរបស់ប្រទេសមហាអំណាចសហរដ្ឋអាមេរិកដឹកនាំដោយ លោក ដុលណា ត្រាំ ត្រូវបានគេបន្ទោសថា មិន​មាន​​​គោលនយោបាយច្បាសលាស់ ។ ដោយឡែក​មន្រ្តី​មួយ​ចំនួនរបស់កម្ពុជា ក៏បានពន្យល់ថាការឡើងថ្លៃប្រាក់​រៀល​​នាពេលនេះ ដោយសារតែតម្រូវការប្រាក់រៀល​ខ្មែរ​ច្រើនឡើង ពិសេស ដល់ពេលពលរដ្ឋបង់ពន្ធ ជិតពិធី​បុណ្យ​ចូលឆ្នាំប្រពៃណីខ្មែរ បុណ្យភ្ជុំបិណ្ឌជាដើម ដែល​ត្រូវបានពលរដ្ឋត្រូវការប្រាក់រៀលសម្រាប់ចាយវាយច្រើន ជាដើម។ គួរបញ្ជាក់ថាអត្រាប្តូរប្រាក់របស់ធានាគារជាតិកម្ពុជាសម្រាប់ថ្ងៃទី២៦ ខែមីនា ឆ្នាំ២០២៥ តម្លៃប្រាក់ដុល្លារអាមេរិក ១ដុល្លារដូរបាន ៤,០០២រៀល ។ អត្រាប្តូរប្រាក់នេះ​ឃើញ​ថា ធ្លាក់ថ្លៃជាងមុន ដោយអំឡុងពេលមុន ការប្តូរប្រាក់​មាន​អត្រាខ្ពស់ជាងនេះដោយ១ដុល្លារអាចដូរបានរហូតដល់៤០៥០ឬ៤១០០ជាងក៏មានផងដែរ។ ទាក់ទិនទៅនឹងការឡើងថ្លៃប្រាក់រៀលនេះដែរ លោក រ័ត្ន សោភ័ណ ប្រធានសមាគមធនាគារនៅកម្ពុជាបាន​បញ្ជាក់​ប្រាប់បណ្តាញសារព័ត៌មានក្នុងពិធី បើកកិច្ចពិភាក្សាជា​មួយ​អ្នកសារព័ត៌មាន និងអ្នកជំនាញក្នុងវិស័យហិរញ្ញវត្ថុស្តីពី​”ការចូលរួមផ្សព្វផ្សាយចំណេះដឹងហិរញ្ញវត្ថុ និងការប្រើ​ប្រាស់ឥណទានប្រកបដោយការទទួលខុសត្រូវ”នាសណ្ឋានគារ NOVOTELក្នុងរាជធានីភ្នំពេញនៅថ្ងៃទី ២៦ ខែ មីនា ឆ្នាំ២០២៥ឱ្យដឹងថា ៖ មានសូចនាករចំនួន២ ដែល​ល្អ គឺទី១អតិផរណាក្រោម១ភាគរយ និង អត្រាប្តូរប្រាក់​ដុល្លារ និង លុយខ្មែរមានលំនឹងល្អ ដែលនេះគឺជាប្រការ​មួយ​ល្អពោលគឺមិនបង្កឱ្យមានការប៉ះពាល់ដល់តម្លៃទំនិញ​ឡើងថ្លៃ ការប្តូរប្រាក់មិនមានការប្រែប្រួលច្រើន។ យើង​ឃើញថាការប្តូរប្រាក់ដុល្លារជាមួយលុយខ្មែរយើងក្នុងរយៈពេលប៉ុន្មានឆ្នាំនេះគឺមានលំនឹងល្អដោយស្ថិតនៅក្នុងរង្វង់១ដុល្លារប្តូរបានជាង ៤០០០រៀលជានិច្ច។…

រដ្ឋមន្ត្រីការបរទេសអាមេរិក លោក Marco Rubio បាននិយាយកាលពីថ្ងៃពុធ (២៦ មីនា) ថា សហរដ្ឋអាមេរិក នឹងវាយតម្លៃការទាមទារដែលធ្វើឡើងដោយប្រទេសរុស្ស៊ី បន្ទាប់ពីទីក្រុងមូស្គូ បានយល់ព្រម “ជាគោលការណ៍” ចំពោះបទឈប់បាញ់ដែលសម្របសម្រួលដោយសហរដ្ឋអាមេរិក ជាមួយអ៊ុយក្រែន នៅក្នុងសមុទ្រខ្មៅ ដើម្បីអនុញ្ញាតឱ្យមានការធ្វើនាវាចរណ៍ប្រកបដោយសុវត្ថិភាព។ គួរបញ្ជាក់ថា អាមេរិក បានប្រកាសកិច្ចព្រមព្រៀងសមុទ្រខ្មៅដាច់ដោយឡែកជាមួយអ៊ុយក្រែន និងរុស្ស៊ីកាលពីថ្ងៃអង្គារសប្ដាហហ៍នេះ បន្ទាប់ពីកិច្ចចរចានៅអារ៉ាប៊ីសាអ៊ូឌីត ដើម្បីធានាសុវត្ថិភាពនាវាចរណ៍ បញ្ឈប់ការវាយប្រហារ និងទប់ស្កាត់ការប្រើប្រាស់នាវាពាណិជ្ជកម្មសម្រាប់គោលបំណងយោធា។ លោក Rubio បានប្រាប់អ្នកយកព័ត៌មានកាលពីថ្ងៃពុធ ក្នុងអំឡុងដំណើរទស្សនកិច្ចទៅប្រទេសហ្សាម៉ាអ៊ីកថា “បន្ទាប់ពីកិច្ចប្រជុំអារ៉ាប៊ីសាអ៊ូឌីត ភាគីរុស្ស៊ី បានរៀបរាប់លម្អិតពីលក្ខខណ្ឌមួយចំនួនដែលពួកគេចង់ឱ្យសម្រេចបាន ដើម្បីអនុវត្តបទឈប់បាញ់ ហើយអាមេរិកនឹងវាយតម្លៃលើការចង់បានទាំងនោះ”។ ការទាមទាររបស់រុស្ស៊ី ត្រូវបានគេដឹងយ៉ាងច្បាស់។ លក្ខខណ្ឌដែលបានរាយក្នុងសេចក្តីថ្លែងការណ៍ដោយវិមានក្រឹមឡាំង កាលពីថ្ងៃអង្គារ – រួមទាំងការដកការរឹតបន្តឹង និងការដាក់ទណ្ឌកម្មលើធនាគារកសិកម្មធំមួយ ក្រុមហ៊ុននាំចេញអាហារ និងជី និងលើនាវារុស្ស៊ី – ភាគច្រើនឆ្លុះបញ្ចាំងពីការទាមទារដែលធ្វើឡើងដោយទីក្រុងមូស្គូ កាលពី ២ឆ្នាំមុន ក្នុងអំឡុងកិច្ចចរចាដើម្បីបន្តកិច្ចព្រមព្រៀងសមុទ្រខ្មៅ ដែលបានព្រមព្រៀងគ្នាជាលើកដំបូងនៅក្នុងខែកក្កដា ឆ្នាំ២០២២៕

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ (ក.ប.ទ.) សូមជម្រាបជូន លោក លោកស្រី ជាម្ចាស់ ឬតំណាងក្រុមហ៊ុន សហគ្រាស និងសាខាក្រុមហ៊ុន​បរទេស ដែលកំពុងធ្វើប្រតិបត្តិការ ឬមានបំណងធ្វើ​ប្រតិបត្តិការនៅក្នុងវិស័យបច្ចេកវិទ្យាគមនាគមន៍និងព័ត៌មាន (Information and Communication Technology – ICT) នៅព្រះរាជាណាចក្រកម្ពុជា ជ្រាបថា មាត្រា ៥ នៃអនុក្រឹត្យលេខ១១០ អនក្រ.បក ចុះថ្ងៃទី២១ ខែកក្កដា ឆ្នាំ២០១៧ ស្តីពីការផ្តល់ការអនុញ្ញាត​ប្រតិបត្តិ​ការ​​លើវិស័យបច្ចេកវិទ្យាគមនាគមន៍និងព័ត៌មាន បាន​កំ​ណត់​ថា “គ្មានបុគ្គលណាអាចបំពេញប្រតិបត្តិការ​លើ​វិស័យ​បច្ចេកវិទ្យាគមនាគមន៍និងព័ត៌មាននៅក្នុង​ព្រះរាជា​ណាចក្រកម្ពុជាទេ លើកលែងតែបុគ្គលនោះបានទទួល​លិខិតអនុញ្ញាត វិញ្ញាបនបត្រ ឬអាជ្ញាបណ្ណ ពី ក.ប.ទ.”។ កន្លងមក ក.ប.ទ. តែងតែអនុគ្រោះ និងធ្វើការផ្សព្វផ្សាយ​ជាប្រចាំដល់ប្រតិបត្តិករដែលកំពុងធ្វើប្រតិបត្តិការនៅក្នុងវិស័យ ICT ដោយពុំមានការអនុញ្ញាត ឱ្យមកដាក់ពាក្យ​ស្នើ​សុំការអនុញ្ញាតបំពេញប្រតិបត្តិការពី ក.ប.ទ. ស្របតាម​បទប្បញ្ញត្តិជាធរមាន។ ទោះបីជាយ៉ាងនេះក្តី ក៏ប្រតិបត្តិករ​មួយចំនួន ពុំទាន់បានមកបំពេញកាតព្វកិច្ចស្នើ​សុំការ​អនុញ្ញាត​នៅឡើយទេ ហើយនៅតែបន្តធ្វើប្រតិបត្តិការ​ដោយ​ពុំមានការអនុញ្ញាតដដែល។ ក្នុងន័យនេះ ក.ប.ទ. សូមអំពាវនាវសារជាថ្មីដល់ លោក លោកស្រី ជាម្ចាស់ ឬតំណាងក្រុមហ៊ុន…

គណៈកម្មការសហភាពអឺរ៉ុបនិយាយថា ពលរដ្ឋសហភាពអឺរ៉ុបគួរតែស្តុកទុកអាហារគ្រប់គ្រាន់ និងការផ្គត់ផ្គង់សំខាន់ៗផ្សេងទៀត ដើម្បីត្រៀមយ៉ាងហោចណាស់៧២ម៉ោងក្នុងករណីមានវិបត្តិ។ក្នុងការណែនាំថ្មីដែលបានចេញផ្សាយកាលពីថ្ងៃពុធសប្ដាហ៍នេះ គណៈកម្មាការនេះបានសង្កត់ធ្ងន់លើតម្រូវការសម្រាប់អឺរ៉ុបក្នុងការផ្លាស់ប្តូរផ្នត់គំនិតរបស់ខ្លួន ដើម្បីជំរុញវប្បធម៌នៃការត្រៀមខ្លួននិងភាពធន់។ ឯកសារដែលមានកម្រាស់១៨ ទំព័របានព្រមានថា អឺរ៉ុបកំពុងប្រឈមការពិតថ្មីពោរពេញទៅដោយហានិភ័យ និងភាពមិនច្បាស់លាស់ ដោយលើកឡើងពីសង្គ្រាមពេញបន្ទុករបស់រុស្ស៊ីនៅអ៊ុយក្រែន ការកើនឡើងភាពតានតឹងភូមិសាស្ត្រនយោបាយ ការបំផ្លិចបំផ្លាញនៃហេដ្ឋារចនាសម្ព័ន្ធសំខាន់ៗ និងសង្គ្រាមអេឡិចត្រូនិកជាកត្តាចម្បង។ រដ្ឋាភិបាលនានាក៏ត្រូវបានជំរុញឱ្យបញ្ជាក់ពីវិបត្តិចំពោះសេវាជាតិរបស់ខ្លួនផងដែរ ដូចជាសេវាថែទាំសុខភាព ការផ្គត់ផ្គង់ទឹក និងទូរគមនាគមន៍ ក្នុងករណីមានជម្លោះ ឬគ្រោះមហន្តរាយណាមួយ។ គំនិតផ្តួចផ្តើមនៅទីក្រុងប្រ៊ុចសែល ហាក់ដូចជាការដាស់តឿនសម្រាប់រដ្ឋជាសមាជិកចំពោះភាពធ្ងន់ធ្ងរនៃស្ថានភាពសន្តិសុខរបស់ប្លុកនេះ។ ការគំរាមកំហែងមិនធ្លាប់មានពីប្រទេសរុស្ស៊ីបានជំរុញឱ្យក្រុមមេដឹកនាំអឺរ៉ុបសង្កត់ធ្ងន់លើតម្រូវការសម្រាប់ការត្រៀមខ្លួនចំពោះសង្គ្រាម ស្របពេលប្លុកនេះត្រៀមទប់ទល់គោលនយោបាយទាំងការដំឡើងពន្ធ និងយោធា ក៏ក្ដៅគគុករបស់រដ្ឋបាលលោកTrump លើអឺរ៉ុប ជាពិសេសលើការរួមចំណែកដល់អង្គការណាតូ និងលើសង្រ្គាមនៅអ៊ុយក្រែន ដែលបានជំរុញឱ្យមានការប្រកួតប្រជែងនៅលើទ្វីបនេះ ដើម្បីឈានទៅដល់ការត្រៀមខ្លួនខាងយោធារបស់ខ្លួន។ យុទ្ធសាស្ត្រត្រៀមលក្ខណៈក្នុងសហភាពអឺរ៉ុបរបស់គណៈកម្មាការខាងលើ និយាយថា ពលរដ្ឋនៅទូទាំងទ្វីបគួរតែជ្រើសរើសយកវិធានការជាក់ស្តែង ដើម្បីធានាថាពួកគេត្រៀមខ្លួនរួចជាស្រេចក្នុងករណីមានអាសន្ន។ ឯកសារនេះបាននិយាយថា នេះរួមបញ្ចូលទាំងការផ្គត់ផ្គង់ចាំបាច់គ្រប់គ្រាន់ដើម្បីបម្រុងទុកឱ្យបានយ៉ាងតិចបីថ្ងៃ ក្នុងករណីមានការរំខានខ្លាំង ហើយរយៈពេលដំបូងគឺធ្ងន់ធ្ងរបំផុត៕

(កណ្តាល)៖ ក្រសួងការងារ និងបណ្តុះបណ្តាលវិជ្ជាជីវៈ បាន​បើកវគ្គបណ្តុះបណ្តាលស្តីពីការ «បង្ការនិងទប់​ស្កាត់​ការប្រើប្រាស់ពលកម្មកុមារ នៅតាមសហគ្រាស គ្រឹះស្ថាន​ផលិតឥដ្ឋ ក្បឿង» នៅវិទ្យាស្ថានពហុបច្ចេកទេសតេជោ​សែន ក្រុងតាខ្មៅ ខេត្តកណ្តាល។ ពិធីបើកវគ្គបណ្តុះ​បណ្តា​ល​នេះធ្វើឡើង កាលពីថ្ងៃទី២៦ ខែមីនា ឆ្នាំ២០២៥ ក្រោម​អធិបតីភាព ឯកឧត្តម អ៊ិន ខេមរា រដ្ឋលេខាធិការ ក្រសួង​ការងារ និងបណ្តុះបណ្តាលវិជ្ជាជីវៈ និងដោយ​មានការចូលរួមពីមន្ត្រីអធិការការងារ, មន្ទីរការងារ និង​បណ្តុះបណ្តាលវិជ្ជាជីវៈ រាជធានីភ្នំពេញ មន្ត្រីថ្នាក់ក្រុង/ស្រុក និងឃុំ/សង្កាត់ រាជធានីភំពេញ ខេត្តកណ្តាល ខេត្តតាកែវ ខេត្តកោះកុង, ខេត្តព្រះសីហនុ សរុបជិត ១៥០នាក់។ ថ្លែងនៅក្នុងពិធីបើកវគ្គបណ្តុះបណ្តាល ឯកឧត្តមរដ្ឋលេខា​ធិការ​បានគូសបញ្ជាក់ថា វគ្គបណ្តុះបណ្តាលនេះធ្វើឡើង​ក្នុងគោលបំណងបង្កើនសមត្ថភាព និងអភិវឌ្ឍ​ចំណេះដឹង​ជូនដល់មន្ត្រីអធិការកិច្ចការងារ និងជាពិសេសមន្ត្រីមូល​ដ្ឋាន​រាជធានី/ខេត្ត ក្រុង/ស្រុក ឃុំ/សង្កាត់ ដែលមាន​សហ​គ្រាស គ្រឹះស្ថានផលិតឥដ្ឋ ក្បឿង និងដើម្បីចូលរួមក្នុងការ​ផ្សព្វផ្សាយពាក់ព័ន្ធនឹងការហាមឃាត់ការប្រើប្រាស់ពលកម្មកុមារ និងទប់ស្កាត់ ទម្រង់ធ្ងន់ធ្ងរបំផុតនៃពលកម្មកុមារ នៅតាមសហគ្រាស គ្រឹះស្ថានផលិតឥដ្ឋ ក្បឿង។ ឯកឧត្តមរដ្ឋលេខាធិការបន្ថែមថា វគ្គបណ្តុះបណ្តាលនេះ​ត្រូវ​បានរៀបចំឡើង ដោយមានការចង្អុលបង្ហាញ​ដ៏ខ្ពង់ខ្ពស់​ពី ឯកឧត្តមរដ្ឋមន្ត្រី…

(ភ្នំពេញ)៖សហគមន៍កសិកម្មទំនើបចំនួន ៣បានចុះហត្ថ​លេ​ខា​រួមគ្នាមួយលើការផលិត និងផ្គត់ផ្គង់គ្រាប់ស្វាយចន្ទី ៤០០តោន នៅក្នុងខេត្តកំពង់ធំជាមួយនឹងទំហំទឹក​ប្រាក់​សរុបប្រមាណ ៦៥ម៉ឺនដុល្លារ។ ឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទបានថ្លែងឱ្យដឹងក្នុងពិធី​ដែលបាន​រៀបចំឡើងនៅថ្ងៃទី២៦ ខែមីនា ឆ្នាំ២០២៥ថា សហគម​ន៍​កសិកម្មទំនើបទាំងបីនេះរួមមានដូចជា ៖ សហគមន៍​កសិកម្មទំនើបប្រាសាទសំបូររុងរឿង សហគមន៍កសិកម្ម​ទំនើបសាលាវិស័យកំពង់ធំ និងសហគមន៍កសិកម្មទំនើប​ទំរីងកំពង់ធំ ជាមួយនឹងក្រុមហ៊ុនMIRARTH នៅក្នុង​ខេត្តកំពង់ធំ។សមាគមន៍ទាំង៣នេះបានទទួល​ប្រាក់កក់​ចំនួន ៣០ភាគរយនៃកិច្ចសន្យានេះ។ ឯកឧត្តម ឃឹម ហ្វីណង់ បានថ្លែងថាការរួមសហការគ្នា​រវាង​សហ​គម​កសិកម្ម ជាមួយក្រុមហ៊ុនទទួល​ទិញគ្រាប់ចន្ទី​នេះ​ពិតជាបានផ្តល់សារៈសំខាន់នៃការធ្វើផលិតកម្មកសិកម្មតាមកិច្ចសន្យាសម្រាប់សហគមន៍ ដើម្បីការពារសមាជិក​ទាំង​អស់​ពីហានិភ័យទីផ្សារនៃការប្រែប្រួលថ្លៃលើស​ពីការ​រំពឹង​ទុក​។ ឯកឧត្តមអនុរដ្ឋលេខាធិការ បានណែនាំឱ្យនាយកដ្ឋាន​កសិ​ឧស្សា​ហកម្ម និងសហគមន៍ផ្ទាល់ បន្តចុះកិច្ចសន្យា​លក់​គ្រាប់​ស្វាយចន្ទីបន្ថែមទៀត រហូតដល់ចប់រដូវប្រមូលផល ព្រមទាំងពិចារណាស្តុកទុកក្នុងកម្រិតណាមួយ សម្រាប់​ការលក់ជាគ្រាប់ស្ងួតផងដែរ។ បន្ថែមពីនោះ​សម្រាប់​រដូវ​កាលបន្ទាប់ សហគមន៍គួរត្រៀមធ្វើកិច្ចសន្យា​ជាមួយក្រុម​ហ៊ុនទទួលទិញពីដើមរដូវទុកឱ្យហើយទើបជាការប្រសើរ។ សូមបញ្ជាក់ថា កិច្ចសន្យានេះមានទំហំគិតជាទឹកប្រាក់​ចំនួន​​ប្រមាណ ៦៥ម៉ឺនដុល្លារ សម្រាប់ការផ្គត់ផ្គង់គ្រាប់​ស្វាយចន្ទី ៤០០តោន ហើយនេះគឺជាលើកទីមួយហើយ ដែលសហគមន៍កសិកម្មទំនើបសម្រាប់ដំណាំស្វាយចន្ទីទាំង៣ បានសហការគ្នាលក់គ្រាប់ស្វាយចន្ទី តាមរយៈការ​ចុះ​កិច្ចសន្យាទុកជាមុនច្បាស់លាស់ក្នុងតម្លៃថេរមួយ សម្រាប់​រដូវកាលប្រមូលផលដំបូងរបស់ខ្លួន។ តាមការព្យាករណ៍ បរិមាណគ្រាប់ស្វាយចន្ទីដែលបាន​ចុះ​កិច្ចសន្យានេះ មានចំនួនប្រហាក់ប្រហែលនឹង ២០ភាគរយ នៃបរិមាណផលសរុបដែលសហគមន៍ទាំង៣គ្រោងនឹងផលិតបានក្នុងឆ្នាំ២០២៥នេះ៕ ដោយ ៖ ម៉ាដេប៉ូ

(ភ្នំពេញ)៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការ​ជាមួយសហភាពសហព័ន្ធយុវជនកម្ពុជាវិស័យការងារ សន្តិសុខ​សង្គម និងបណ្តុះបណ្តាលវិជ្ជាជីវៈ នឹងរៀបចំ​វេទិកាការងារ និងឱកាសកម្មសិក្សាការងារ នៅថ្ងៃព្រហស្ប​តិ៍ ទី២៧ ខែមីនា ឆ្នាំ២០២៥នេះ ដោយនាំយកក្រុមហ៊ុន​ធំៗ​ចំនួន៩ ដើម្បីផ្តល់ឱកាសការងារថ្មីបន្ថែមទៀតចំនួន ៨៨៩ កន្លែង សម្រាប់យុវជន សិស្ស/និស្សិត និង​អ្នក​កំពុងស្វែងរកការងារធ្វើ។ ក្រុមហ៊ុនធំៗទាំង៩ ដែលនឹងចូលរួមក្នុងវេទិកាការងារនេះ​មានដូចជា៖ គ្រឹះស្ថានមីក្រូហិរញ្ញវត្ថុ ជេកស៍ (ខេមបូឌា) ម.ក, ត្រាំ ហ្វីតនេស ឯ.ក, ហ្គោលហ្វាយ​នេនសល់​គ្លូប៊ល​អ៊ិន​វេសម៉ិន,គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី, ក្រុមហ៊ុន Goodhill, ក្រុមហ៊ុន ស៊ីថេប សូសល អេនធើប្រាយ ឯ.ក, ក្រុមហ៊ុន ទន្សាយ Tunsai Cleaning, ក្រុមហ៊ុន ចម&លី ខបភើរេសិន (ប្រ៊េដថកកម្ពុជា), ក្រុមហ៊ុន លី ហួរ អេស…

ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃព្រហស្បតិ៍ (២៧ មីនា) នេះថា មេដឹកនាំកូរ៉េខាងជើង លោក Kim Jong Un បានត្រួតពិនិត្យការសាកល្បងយានដ្រូនអត្តឃាតបំពាក់បច្ចេកវិទ្យាបញ្ញាសិប្បនិម្មិត (AI) ហើយបាននិយាយថា យានដ្រូនប្រើប្រព័ន្ធបញ្ជា និងសមត្ថភាព AI ត្រូវតែជាអាទិភាពចម្បងនៅក្នុងការអភិវឌ្ឍអាវុធទំនើប។ ទីភ្នាក់ងារសារព័ត៌មានរដ្ឋ KCNA បាននិយាយថា លោក Kim បានត្រួតពិនិត្យយានដ្រូនឈ្លបយកការណ៍ដ៏ទំនើប ដែលមានសមត្ថភាពអាចរកឃើញគោលដៅយុទ្ធសាស្ត្រផ្សេងៗ និងសកម្មភាពរបស់សត្រូវនៅលើដីគោក និងនៅសមុទ្រ។ លើសពីនេះ កូរ៉េខាងជើងដែលមានអាវុធនុយក្លេអ៊ែរ ក៏បានបង្ហាញជាផ្លូវការនូវយន្តហោះឯកទេសពិសេសបំពាក់ដោយរ៉ាដាចាប់សញ្ញាជាលើកដំបូង ដែលជាសមត្ថភាពមួយអាចកែលម្អប្រព័ន្ធការពារដែនអាកាសដ៏ចំណាស់របស់ខ្លួន។ ដោយប្រើរូបភាពផ្កាយរណបពាណិជ្ជកម្ម ក្រុមអ្នកវិភាគធ្លាប់រាយការណ៍ថា កូរ៉េខាងជើងកំពុងបម្លែងយន្តហោះដឹកទំនិញ Il-76 ផលិតដោយរុស្ស៊ី ឱ្យទៅជាយានមានតួនាទីចាប់សញ្ញាព្រមានពិសេស។ វិទ្យាស្ថានអន្តរជាតិសម្រាប់ការសិក្សាយុទ្ធសាស្ត្ររបស់ទីក្រុងឡុងដ្រ៍ បាននិយាយនៅក្នុងរបាយការណ៍មួយកាលពីខែកញ្ញាថា យន្តហោះបែបនេះនឹងជួយបង្កើនប្រព័ន្ធរ៉ាដានៅលើដីគោកដែលមានស្រាប់របស់កូរ៉េខាងជើង ដែលជួនកាលជួបឧបសគ្គដោយសារតែសណ្ឋានដីតំបន់ភ្នំនៃឧបទ្វីបនេះ៕

ប្រធានាធិបតីអាមេរិកលោក Donald Trump បាននិយាយកាលពីថ្ងៃពុធ២៦ មីនា ថា លោកនឹងព្រមបន្ធូរបន្ថយការដំឡើងពន្ធដើម្បីសម្រេចបានកិច្ចព្រមព្រៀងជាមួយក្រុមហ៊ុនមេរបស់ TikTok គឺ ByteDance របស់ចិនក្នុងការលក់ app វីដេអូកម្សាន្តខ្លីៗ ដែលប្រើដោយជនជាតិអាមេរិកចំនួន១៧០ លាននាក់។ ក្រុមហ៊ុន ByteDance មានថ្ងៃផុតកំណត់នៅថ្ងៃទី ៥ ខែមេសា ដើម្បីស្វែងរកអ្នកទិញយកដែលមិនមែនជាជនជាតិចិនសម្រាប់បណ្ដាញសង្គម TikTok ពុំនោះប្រឈមការហាមប្រាមមិនឲ្យមានវត្តមាននៅក្នុងទឹកដីសហរដ្ឋអាមេរិកផ្អែកលើសន្តិសុខជាតិ ដែលត្រូវបានចូលជាធរមានកាលពីខែមករា ក្រោមច្បាប់ឆ្នាំ២០២៤ ។ លោក Trump បាននិយាយថា លោកសុខចិត្តពន្យាពេលកំណត់ ប្រសិនបើកិច្ចព្រមព្រៀងលើកម្មវិធីប្រព័ន្ធផ្សព្វផ្សាយសង្គមនេះ ពុំទាន់ត្រូវបានសម្រេច។

ចំនួនអ្នកស្លាប់ក្នុងគ្រោះមហន្តរាយភ្លើងឆេះព្រៃជាច្រើនកន្លែង បានកើនឡើងដល់២៤នាក់ ខណៈដែលភ្លើងឆេះព្រៃនៅតែរាលដាលក្នុងតំបន់ភាគអាគ្នេយ៍របស់ប្រទេសកូរ៉េខាងត្បូង។ ក្រុមអាជ្ញាធរបាននិយាយថា ជនរងគ្រោះភាគច្រើនមានអាយុ ៦០ឆ្នាំ និង ៧០ឆ្នាំ ។ មនុស្ស ២៦នាក់បានរងរបួស ក្នុងនោះ ១២នាក់ស្ថិតក្នុងស្ថានភាពធ្ងន់ធ្ងរ។ មនុស្សជាង ២៣,០០០នាក់ ត្រូវបានបង្ខំឱ្យភៀសខ្លួនចេញពីផ្ទះសម្បែងរបស់ពួកគេ។ ប្រធានាធិបតីស្តីទីលោក Han Duck-soo បាននិយាយថា វិបត្តិមិនធ្លាប់មានកំពុងត្រូវបានកត់ត្រាឡើងវិញសម្រាប់ភ្លើងឆេះព្រៃដ៏ធ្ងន់ធ្ងរបំផុតក្នុងប្រវត្តិសាស្រ្តប្រទេសរបស់យើង។ អណ្ដាតភ្លើងបានឆាបឆេះប្រាសាទមានអាយុកាល១.៣០០ឆ្នាំ នៅក្នុងទីក្រុង Uiseong ជាកន្លែងដែលវត្ថុបុរាណវប្បធម៌ជាច្រើនត្រូវបានដកចេញ និងដឹកជញ្ជូនទៅកាន់ទីទួលសុវត្ថិភាព។ ភ្លើងបានចាប់ផ្តើមឆាបឆេះនៅក្នុងស្រុក Sancheong កាលពីថ្ងៃសុក្រ ហើយក្រោយមកបានរាលដាលដល់ស្រុក Uiseong ។ ដោយមានការរុញបន្ថែមពីកម្លាំងខ្យល់បក់ខ្លាំង និងស្ងួត ចំហេះព្រៃបានរាលដាលដល់ស្រុកជិតខាងដូចជាស្រុក Gyeongbuk, Uiseong, Andong, Cheongsong, Yeongyang និងស្រុក Sancheong។ កាលពីថ្ងៃអង្គារ ទីភ្នាក់ងារពន្លត់អគ្គិភ័យជាតិ បានបង្កើនវិបត្តិនេះដល់កម្រិតឆ្លើយតបអគ្គិភ័យខ្ពស់បំផុត។កាលពីថ្ងៃពុធសប្ដាហ៍នេះ ឧទ្ធម្ភាគចក្រពន្លត់អគ្គិភ័យមួយគ្រឿងបានធ្លាក់នៅភ្នំ Uiseong ដោយបានសម្លាប់អ្នកបើកយន្តហោះម្នាក់។ មន្ត្រីជំនាញកំពុងស៊ើបអង្កេតរកមូលហេតុ។ កងកម្លាំងអ្នកពន្លត់អគ្គិភ័យរាប់ពាន់នាក់ និងបុគ្គលិកយោធាប្រហែល៥.០០០នាក់ត្រូវបានដាក់ពង្រាយដើម្បីទប់ស្កាត់អណ្តាតភ្លើង ក៏ដូចជាឧទ្ធម្ភាគចក្រជាច្រើនគ្រឿងពីយោធាអាមេរិកដែលឈរជើងនៅក្នុងប្រទេសកូរ៉េខាងត្បូង៕