Category: ព័ត៌មានជាតិ​

ដាម៉ាស ៖ លោក ត្រាំ បានអះអាងថា ទាហានអាមេរិកត្រូវបានពួក ISIS សម្លាប់ អំឡុងការវាយឆ្មក់មួយ នៅប្រទេសស៊ីរី ដោយលោកប្តេជ្ញាថានឹងសងសឹក។ បើតាមក្រុមមន្ត្រី, ទាហានអាមេរិក ពីរនាក់ និងអ្នកបកប្រែ ជាជនស៊ីវិលម្នាក់ ត្រូវបានសម្លាប់ នៅភាគកណ្តាលប្រទេសស៊ីរី កាលពីថ្ងៃសៅរ៍ បន្ទាប់ពីក្រុមរដ្ឋឥស្លាម បានបើកការបាញ់ប្រហារ លើសកម្មភាពល្បាតរួមគ្នា រវាងសហរដ្ឋអាមេរិក និង ស៊ីរី។ ភ្លាមៗ តាមរយៈវេទិកាសង្គម Truth Social, ប្រធានាធិបតីអាមេរិក លោក Donald Trump បាននិយាយថា «យើងកាន់ទុក្ខ ចំពោះការបាត់បង់អ្នកស្នេហាជាតិអាមេរិកដ៏អស្ចារ្យ បីនាក់ នៅក្នុងប្រទេសស៊ីរី»។ លោក បានប្រាប់អ្នកសារព័ត៌មានបន្ថែម នៅក្រៅសេតវិមានថា សហរដ្ឋអាមេរិក នឹងសងសឹក។ លោក បានហៅថា ជាការវាយប្រហាររបស់ ISIS ប្រឆាំងនឹងសហរដ្ឋអាមេរិក ហើយនឹងប្រទេសស៊ីរី ដោយចាត់ទុកថា ជារឿងដ៏គ្រោះថ្នាក់បំផុត។ លោកបន្ថែមថា ទាហានអាមេរិកបីនាក់ ផ្សេងទៀត រងរបួស។…

លោក ត្រាំ ព្រមានចាត់ការលើអ្នកបំពានបទឈប់បាញ់កម្ពុជា-ថៃ ​វ៉ាស៊ីនតោន ៖ សេតវិមានបានប្រកាសថា លោក ដូណាល់ ត្រាំ ប្រធានាធិបតីអាមេរិក ព្រមានចាត់ការលើអ្នកណា ដែលហ៊ានបំពានបទឈប់បាញ់ នៅក្នុងជម្លោះព្រំដែន កម្ពុជា-ថៃ នេះបើតាមការចេញផ្សាយ របស់សារព័ត៌មាន រយធឺ។ ប្រព័ន្ធផ្សព្វផ្សាយ របស់អង់គ្លេស មួយនេះ បានចេញផ្សាយ នៅថ្ងៃអាទិត្យនេះ ដោយបានដកស្រង់សម្តី អ្នកនាំពាក្យ របស់សេតវិមាន ដាក់ចំណងជើងអត្ថបទធំៗថា «ថៃប្តេជ្ញាបន្តប្រយុទ្ធជាមួយកម្ពុជា បន្ទាប់ពីការទាមទារឲ្យមានបទឈប់បាញ់ របស់លោក Trump»។ ផ្អែកតាមប្រភព, «អ្នកនាំពាក្យសេតវិមាន បាននិយាយ នៅក្នុងសេចក្តីថ្លែងការណ៍មួយថា ប្រធានាធិបតី រំពឹងឲ្យភាគីទាំងអស់ នឹងគោរពយ៉ាងពេញលេញ នូវការប្តេជ្ញាចិត្ត ដែលពួកគេបានធ្វើ ក្នុងការចុះហត្ថលេខា លើកិច្ចព្រមព្រៀងទាំងនេះ ហើយ លោកនឹងចាត់វិធានការចាំបាច់នានា លើអ្នកបំពាន ដើម្បីបញ្ឈប់ការសម្លាប់ជិវិតមនុស្ស និង ធានាសន្តិភាព យូរអង្វែង»។ នៅក្នុងអត្ថបទ របស់កាសែត មួយនេះ បានរៀបរាប់ថា មេដឹកនាំកម្ពុជា គោរពបទឈប់បាញ់ តាមការសម្របសម្រួល…

គូឡា ឡាំពួ ៖ លោក អាន់វ៉ាន់ ប្រធានអាស៊ាន និងជានាយករដ្ឋមន្ត្រីម៉ាឡេស៊ី បានហៅទូរស័ព្ទទៅនាយករដ្ឋមន្ត្រីវៀតណាម ជជែកអំពីការប្រឹងប្រែងរួមគ្នា ធានាសន្តិភាព និងស្ថរិភាព នៅក្នុងតំបន់ ដែលគួរឲ្យព្រួយបារម្ភ។ តាមរយៈបណ្តាញសង្គមហ្វេសបុកផ្លូវការ នៅថ្ងៃទី១៣ ខែធ្នូ នេះ, លោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី បានរៀបរាប់ថា «ខ្ញុំបានទាក់ទង ទៅសហសេវិក របស់ខ្ញុំ គឺ នាយករដ្ឋមន្រ្តីវៀតណាម លោក Pham Minh Chính ដើម្បីពិភាក្សាអំពីការវិភិវឌ្ឍន៍ នាពេលបច្ចុប្បន្ន នៅក្នុងតំបន់ និងកិច្ចខិតខំប្រឹងប្រែងរួមគ្នាដើម្បីធានាការថែរក្សាបាន នូវសន្តិភាព និង ស្ថិរភាព។ ក្នុងនាមខ្ញុំ ជាប្រធានអាស៊ាន ខ្ញុំសូមជម្រាបថា ម៉ាឡេស៊ីនឹងរៀបចំកិច្ចប្រជុំពិសេស នៃរដ្ឋមន្ត្រីការបរទេសអាស៊ាន នាពេលខាងមុខ ដើម្បីវាយតម្លៃស្ថានភាព គាំទ្រវិធានការកាត់បន្ថយភាពតានតឹង និងពង្រឹងតួនាទីរួមរបស់អាស៊ាន ក្នុងការរក្សាសន្តិភាព ក្នុងតំបន់»។ ក្រៅពីនេះ លោក នាយករដ្ឋមន្ត្រីម៉ាឡេស៊ី រូបនេះ ក៏បានអះអាង ពីការពង្រឹងកិច្ចសហប្រតិបត្តិការទ្វេភាគីជាមួយវៀតណាម…

ប៉ារីស, ភ្នំពេញ ៖ ទីភ្នាក់ងារសារព័ត៌មានអន្តរជាតិបារាំង AFP នៅថ្ងៃសៅរ៍នេះ បានផ្សាយអំពីការខូចខាតយ៉ាងខ្លាំង នៃស្ពានមេទឹករបស់កម្ពុជា ព្រោះតែស្នាដៃវាយប្រហារ របស់ភាគីថៃ។ ប្រភពបានរៀបរាប់ថា «វីដេអូឯកសារ ដែលចេញផ្សាយដោយក្រសួងការពារជាតិរបស់កម្ពុជា បង្ហាញពីកំទេចកំទី នៅលើស្ពានដែលរងការខូចខាត បន្ទាប់ពីការវាយប្រហារដោយយោធាថៃ។ កម្ពុជាអះអាងថា ថៃបានបន្តទម្លាក់គ្រាប់បែកលើទឹកដីខ្លួន ប៉ុន្មានម៉ោងបន្ទាប់ពីប្រធានាធិបតីអាមេរិក លោក ដូណាល់ ត្រាំ បានប្រកាសថា ប្រទេសទាំងពីរបានព្រមព្រៀងគ្នាបញ្ឈប់អរិភាព»។ ក្រសួងការពារជាតិកម្ពុជា បានប្រកាសថា នៅព្រឹកព្រលឹមថ្ងៃទី១៣ ធ្នូ នេះ ទាហានថៃបានប្រើប្រាស់យន្តហោះចម្បាំង F-16 ចំនួន ២គ្រឿងទម្លាក់គ្រាប់បែកកម្ទេចគោលដៅអគារសណ្ឋាគារ និងស្ពានជ័យជំនះ ឬ ស្ពានមេទឹកទាំងថ្មី ទាំងចាស់ នៅភូមិសាស្រ្តថ្មដា ស្រុកវាលវែង ខេត្តពោធិ៍សាត់។ កាលពីប៉ុន្មានថ្ងៃមុន ទាហាថៃបានប្រកាសកម្ទេចស្ពានមួយនេះ ដោយយកលេសថា កម្ពុជាប្រើប្រាស់វាដើម្បីដឹកជញ្ជូនអាវុធ និងកងទ័ព៕

វ៉ាស៊ីនតោន ៖ លោក ដូណាល់ ត្រាំ បាននិយាយថា កម្ពុជានិងថៃព្រមវិលត្រលប់ទៅរកសន្តិភាពវិញ ហើយបន្តធ្វើពាណិជ្ជកម្ម ជាមួយអាមេរិក។ ជាការថ្លែង បន្ទាប់ពីបញ្ចប់ការជួបតាមទូរស័ព្ទ កាលពីយប់ថ្ងៃសុក្រ។ នៅលើវេទិកាបណ្តាញសង្គម Truth Social, លោក Trump បាននិយាយថា លោកបានមានការសន្ទនាដ៏ល្អមួយ ជាមួយនាយករដ្ឋមន្ត្រីកម្ពុជា និង ថៃ ទាក់ទងនឹងការរលឹកឡើងវិញ ជាអកុសល នៃសង្រ្គាមដ៏យូរអង្វែង រវាងប្រទេសទាំងពីរ។ នេះបើតាមការចេញផ្សាយរបស់សារព័ត៌មាន AFP។ ផ្អែកតាមប្រភពដដែល, លោក ត្រាំ បាននិយាយថា ប្រទេសទាំងពីរបានយល់ព្រម បញ្ឈប់ការបាញ់ប្រហារទាំងអស់ ដែលមានប្រសិទ្ធភាព ចាប់ពីថ្ងៃសៅរ៍នេះ ហើយត្រឡប់ទៅ កិច្ចព្រមព្រៀងសន្តិភាពដើម ដែលបានធ្វើឡើងជាមួយរូបលោក, មេដឹកនាំទាំងពីរ និង ដោយមានជំនួយពីនាយករដ្ឋមន្ត្រីម៉ាឡេស៊ី។ លោក Trump បញ្ជាក់ថា «ប្រទេសទាំងពីរបានត្រៀមខ្លួនរួចជាស្រេច សម្រាប់សន្តិភាព និង បន្តធ្វើពាណិជ្ជកម្មជាមួយសហរដ្ឋអាមេរិក»។ សម្តេច ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់បន្ថែមថា ពិតជាបានជជែកជាមួយលោក…

ប៊ែរឡាំង ៖ ប្រទេសអាល្លឺម៉ង់មានគម្រោងចាប់ផ្តើមផលិតមីស៊ីលបញ្ជាទិសរយៈចម្ងាយឆ្ងាយបាញ់ពីអាកាស Taurus ជំនាន់ថ្មីនៅឆ្នាំ ២០២៩ ។ នេះបើតាមកាសែតរ៉យទ័រ ។ មីស៊ីល Taurus ថ្មីនេះ មានឈ្មោះថា Taurus NEO ។ មីស៊ីលនេះកើតចេញពីសំណើកញ្ចប់ថវិកាប្រហែល ៤៨៣ លានដុល្លារ ហើយគ្រោងនឹងផលិតឡើងក្រុមហ៊ុនផលិតសព្វាវុធការពារជាតិ Saab របស់ស៊ុយអែត និងក្រុមហ៊ុន Williams International មានមូលដ្ឋាននៅអាមេរិក ។ បើតាមរ៉យទ័រដដែល, ការចង់បានមីស៊ីលជំនាន់ថ្មីនេះ គឺដោយសារតែអាល្លឺម៉ង់ចង់ពង្រីកការវាយប្រហារផ្លូវអាកាស និងពង្រឹងការការពារប្រឆាំងសត្រូវ ជាពិសេសជំរុញបច្ចេកវិទ្យារុករក និងចាប់គោលដៅសត្រូវឱ្យកាន់តែទំនើបជាងមុន ។ ក្រៅពីផលិត, អាល្លឺម៉ង់ក៏មានបំណងចំណាយលុយប្រហែល ២,៣០០ លានដុល្លារ ទិញមីស៊ីលរយៈចម្ងាយឆ្ងាយ Taurus NEO ដល់ទៅ ៦០០ គ្រាប់ផងដែរ ។ បច្ចុប្បន្ន កងកម្លាំងអាល្លឺម៉ង់មានមីស៊ីល Taurus ដែលអាចមានសមត្ថភាពបាញ់បានចម្ងាយជាង ៥០០ គីឡូម៉ែត្រមួយនេះ ចំនួន ៦០០ គ្រាប់ ហើយមីស៊ីលទាំងនេះនឹងត្រូវបំពាក់នៅក្នុងយន្តហោះចម្បាំងមួយចំនួន…

តូក្យូ ៖ ប្រមុខការពារជាតិជប៉ុន និងអាមេរិក បាននាំគ្នាចោទប្រកាន់ដោយបើកចំហរថា ទង្វើរបស់ប្រទេសចិនកំពុងបង្កការគំរាមកំហែងដល់សន្តិភាពក្នុងតំបន់ ។ នេះបើតាម Arab News កាលពីថ្ងៃព្រហស្បតិ៍ ។ ការចោទប្រកាន់របស់សម្ព័ន្ធមិត្តចាក់ទឹកមិនលិចទាំងពីរធ្វើឡើង ក្រោយយន្តហោះចម្បាំងចិនតម្រង់រ៉ាដាដាក់យន្តហោះយោធាជប៉ុន នៅក្បែរកោះតៃវ៉ាន់ ។ រដ្ឋមន្រ្តីការពារជាតិជប៉ុន លោក Shinjiro Koizumi បានប្រាប់រដ្ឋមន្ត្រីការពារអាមេរិកលោក Pete Hegseth ថា សកម្មភាពរបស់ទីក្រុងប៉េកាំងមិនអំណោយផលដល់សន្តិភាពក្នុងតំបន់នោះទេ ជាពិសេសប្រទេសចិនកំពុងផ្សព្វផ្សាយព័ត៌មានដែលផ្ទុយទាំងស្រុងពីការពិតនៃឧប្បត្តិយន្តហោះចម្បាំងចិនតម្រង់រ៉ាដាដាក់យន្តហោះយោធាជប៉ុន នៅក្បែរកោះតៃវ៉ាន់ ។ លោក Koizumi បន្ថែមថា “ប្រទេសជប៉ុនមិនស្វែងរកការបង្កើនភាពតានតឹងនោះទេ ហើយជប៉ុនកំពុងឆ្លើយតបដោយស្ងប់ស្ងាត់ និងរក្សាទ្វារបើកចំហសម្រាប់ការសន្ទនាផងដែរ” ។ ការិយាល័យរបស់លោក Hegseth និយាយថា ប្រទេសទាំងពីរកំពុងពិភាក្សាពីសកម្មភាពយោធារបស់ប្រទេសចិន ដោយក្នុងនោះរួមទាំងកិច្ចខិតខំប្រឹងប្រែងរបស់ប្រទេសជប៉ុនក្នុងការបង្កើនការចំណាយលើវិស័យការពារជាតិ និងពង្រឹងសមត្ថភាពរបស់ខ្លួន” ។ ទំនាក់ទំនងចិន និងជប៉ុន បានចាប់ផ្ដើមល្អក់កករ កាលពីខែមុន បន្ទាប់ពីនាយករដ្ឋមន្ត្រីជប៉ុន លោកស្រី Sanae Takaichi ព្រមានថា ប្រទេសជប៉ុនអាចឆ្លើយតបទៅនឹងសកម្មភាពយោធារបស់ចិន ប្រឆាំងនឹងតៃវ៉ាន់ ប្រសិនបើប្រទេសនេះ គំរាមកំហែងដល់សន្តិសុខ…

ម៉ោង ១៥:១៩នាទី យោធាថៃបានបន្តប្រើប្រាស់ដ្រូនទម្លាក់គ្រាប់បែកចូលមកភូមិសាស្ត្រភូមិព្រៃចាន់។ ម៉ោង ១៥:៥១នាទី កម្លាំងថ្មើរជើងរបស់យោធាថៃអមដោយរថក្រោះបានព្យាយាមធ្វើសកម្មភាពឈ្លានពានរុលចូលរំលោភបំពានមកភូមិសាស្ត្រភូមិជោគជ័យ។ ម៉ោង ១៧:១៤នាទី យោធាថៃបានប្រើប្រាស់ដ្រូនស៊ើបការណ៍ហោះក្តាប់សភាពការណ៍ខាង ក្រោយភូមិសាស្ត្រភូមិព្រៃចាន់។ ម៉ោង ១៧:៥៣នាទី យោធាថៃបានប្រើប្រាស់ដ្រូនស៊ើបការណ៍ហោះក្តាប់សភាពការណ៍ខាង ក្រោយភូមិសាស្ត្រភូមិជោគជ័យ។ ម៉ោង ១៧:៥៤នាទី យោធាថៃនៅតែបន្តការប្រើប្រាស់ដ្រូនទម្លាក់គ្រាប់បែកហោះចូលមក ភូមិសាស្ត្រភូមិព្រៃចាន់។ ក្រសួងការពារជាតិ ទាមទារឱ្យថៃបញ្ឈប់ជាបន្ទាន់ការបាញ់ប្រហារដោយមិនរើសគោលដៅ ការប្រើប្រាស់ យន្តហោះចម្បាំងហោះចូលក្នុងទឹកដីកម្ពុជា ដែលមិនត្រឹមតែជាការរំលោភបំពានដ៏ធ្ងន់ធ្ងរបំផុតលើ អធិបតេយ្យ បូរណភាពទឹកដីកម្ពុជា និងច្បាប់អន្តរជាតិប៉ុណ្ណោះទេ ប៉ុន្តែថែមទាំងបានផ្លោង និងទំលាក់គ្រាប់បែក ដោយមិនរើសអើង និងមិនសមមាត្រ ហើយបានធ្វើឱ្យគ្រោះថ្នាក់ដល់អាយុជីវិត និងសុវត្ថិភាពរបស់ប្រជាជនស៊ីវិលស្លូតត្រង់កម្ពុជា និងបំផ្លិចបំផ្លាញដល់ទ្រព្យសម្បត្តិ ហេដ្ឋារចនាសម្ព័ន្ធស៊ីវិល និងប្រាសាទបុរាណជាទីសក្ការៈ ដែលជាមរតកមនុស្សជាតិ ដូចជា៖ សាលារៀន មន្ទីពេទ្យ វត្តអារ៉ាម ផ្ទះសម្បែង ផ្សារ ប្រាសាទព្រះវិហារ ប្រាសាទតាក្របី និងទីតាំងសាធារណៈជាច្រើនរាប់មិនអស់។ សកម្មភាពឈ្លានពានដោយប្រដាប់អាវុធរបស់យោធាថៃបានបង្កឱ្យមានការខូចខាតយ៉ាងធ្ងន់ធ្ងរ គិតរហូត ដល់ម៉ោង ១៣:០០នាទីរសៀល ថ្ងៃទី១២ ខែធ្នូ ឆ្នាំ២០២៥ ជនស៊ីវិលស្លូតត្រង់បានបាត់បង់ជីវិតកើន ឡើងរហូតដល់ចំនួន ១១នាក់…

វ៉ាស៊ីនតោន, កៀវ ៖ លោក ដូណាល់ ត្រាំ ប្រធានាធិបតីសហរដ្ឋអាមេរិកអះអាងថា ប្រជាជនអ៊ុយក្រែនពេញមួយប្រទេសពេញចិត្តផែនការសន្តិភាពរបស់លោក ខុសតែលោកប្រធានាធិបតី Volodymyr Zelensky ម្នាក់ឯងប៉ុណ្ណោះ ។ ថ្លែងទៅកាន់ក្រុមអ្នកសារព័ត៌មាននៅសេតវិមានកាលពីថ្ងៃព្រហស្បតិ៍ លោក Trump និយាយថា សហរដ្ឋអាមេរិកកាន់តែខិតជិតសម្រេចបានការចុះកិច្ចព្រមព្រៀងសន្តិភាពរវាងរុស្ស៊ី និងអ៊ុយក្រែនទៅហើយ ប៉ុន្តែមានតែលោក Zelensky មួយប៉ុណ្ណោះដែលចង់ច្រានចោលកិច្ចព្រមព្រៀងមួយនេះ ។ លោក Trump បញ្ជាក់ថា ប្រជាជនអ៊ុយក្រែនទាំងមូល ចូលចិត្តគំនិត នៃកិច្ចព្រមព្រៀងមួយនេះ ព្រោះជាកិច្ចព្រមព្រៀងសន្តិភាព ដែលនឹងបញ្ឈប់ការសម្លាប់មនុស្ស រាប់ពាន់នាក់ ជារៀងរាល់ខែ» ។ បើតាម RT, ការច្រានចោលកិច្ចព្រមព្រៀងសន្តិភាពរបស់លោក Zelensky គឺទាក់ទងទៅនឹងលក្ខខណ្ឌកាត់ដីទៅឲ្យរុស្ស៊ី ជាថ្នូរនឹងការធានាសន្តិភាពរយៈពេលយូរសម្រាប់អ៊ុយក្រែន ។ យ៉ាងណា លោក Zelensky បញ្ជាក់ពីគោលជំហររបស់ខ្លួនថា អ៊ុយក្រែនមិនមានឆន្ទៈក្នុងការបោះបង់ចោលទឹកដីណាមួយដោយគ្មានការច្បាំងបង្ហូរឈាមនោះទេ ជាពិសេសបញ្ហានេះ អាចត្រូវបានសម្រេចចិត្ត តាមរយៈការបោះឆ្នោត ឬធ្វើប្រជាមតិ ។ ក្រៅពីលក្ខខណ្ឌកាត់ដីទៅឲ្យរុស្ស៊ី, សំណើសន្តិភាពមួយនេះ ក៏ស្នើឲ្យអ៊ុយក្រែនបន្ថយកម្លាំងទ័ពមិនឲ្យលើសពី ៦០…

ភ្នំពេញ៖ក្រសួងអប់រំយុវជន និងកីឡានឹងអនុញ្ញាតដល់កូនសិស្សដែលជាជនភៀសសឹកដោយសារសង្រ្គាមឈ្លានពានរបស់ថៃទាំងអស់ អាចចុះឈ្មោះចូលរៀនបណ្តោះអាសន្ននៅតាមសាលារៀននៅជិតតំបន់ភៀសសឹក ឬកន្លែងស្នាក់នៅតាមការស្ម័គ្រចិត្ត។ បើយោងតាមសេចក្តីប្រកាសរបស់ក្រសួងអប់រំនៅថ្ងៃទី១១ ខែធ្នូ ឆ្នាំ ២០២៥បានឱ្យដឹងថាដើម្បីសម្រួល និង ធានាដំណើរការរៀនសូត្ររបស់សិស្សភៀសសឹក ក្រសួងនឹងអនុញ្ញាតឱ្យសិស្សភៀសសឹកទាំងអស់ ចុះឈ្មោះចូលរៀនជាបណ្តោះអាសន្ននៅតាមសាលារៀន ដែលនៅជិតតំបន់ភៀសសឹក ឬកន្លែងស្នាក់នៅ តាមការស្ម័គ្រចិត្តគណៈគ្រប់គ្រងគ្រឹះស្ថានសិក្សា ត្រូវចាត់ចែង និងរៀបចំក្រុមការងារជួយគាំទ្រ ទទួល និងសម្របសម្រួលការចុះឈ្មោះ តាមកម្រិតថ្នាក់ ,រៀបចំថ្នាក់រៀន និងកាលវិភាគសម្រាប់សិស្សភៀសសឹក ,ផ្តល់ការប្រឹក្សា និងលើកទឹកចិត្តជាប្រចាំដល់សិស្សភៀសសឹក ,រៀបចំក្លឹបសិក្សាតាមមុខវិជ្ជា ដើម្បីជួយគាំទ្រ ជាពិសេសសិស្សថ្នាក់ទី៩ និងទី១២ ,រៀបចំរបាយការណ៍អំពី ការទទួលសិស្ស និងស្ថានភាពរៀនសូត្ររបស់សិស្សភៀសសឹក ។ ជាមួយគ្នានេះក្រសួងបានឱ្យ មាតាបិតា និងអ្នកអាណាព្យាបាល ត្រូវនាំកូនចៅ ទៅចុះឈ្មោះចូលរៀននៅតាមសាលារៀន ដែលនៅជិតតំបន់ភៀសសឹក ឬកន្លែងស្នាក់នៅលើកទឹកចិត្ត និងអប់រំកូនៗ ឱ្យមានស្មារតីរឹងមាំ និងផ្តោតលើការសិក្សារៀនសូត្រ។មន្ទីរអប់រំ យុវជន និងកីឡា រាជធានី ខេត្ត ការិយាល័យអប់រំ យុវជន និងកីឡានៃរដ្ឋបាលក្រុង ស្រុក ខណ្ឌ និងអាជ្ញាធរពាក់ព័ន្ធ ត្រូវផ្តល់កិច្ចសហការ និងគាំទ្រដល់សាលារៀន នៅក្នុងអំឡុងពេលទទួលចុះឈ្មោះសិស្សភៀសសឹក…