Category: ព័ត៌មានជាតិ​

វ៉ាស៊ីនតោន៖ ប្រធានហិរញ្ញវត្ថុមកពីក្រុមសេដ្ឋកិច្ចធំៗចំនួន ២០ បានសន្យាថា នឹងទប់ទល់នឹងលទ្ធិគាំពារនិយម នៅប៉ុន្មានថ្ងៃមុនការបោះឆ្នោតប្រធានាធិបតីអាមេរិក ចំពេលមានស្ថិរភាពនៃកំណើនពិភពលោក បើទោះបីជាមានការកើនឡើងហានិភ័យភូមិសាស្ត្រនយោបាយក៏ដោយ។ បន្ទាប់ពីកិច្ចប្រជុំរយៈពេលពីរថ្ងៃនៅទីក្រុងវ៉ាស៊ីនតោន រដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលនៃប្រទេសអភិវឌ្ឍន៍ និងកំពុងរីកចម្រើនឈានមុខគេបានឲ្យដឹងថា ពួកគេមើលឃើញ “ការរំពឹងទុកដ៏ល្អ” សម្រាប់ការធ្លាក់ចុះនៃសេដ្ឋកិច្ចពិភពលោក ដោយលើកឡើងពីការអភិវឌ្ឍន៍វិជ្ជមានដូចជាអតិផរណា ដែលធ្លាក់ចុះពីកម្រិតកើនឡើងនៅក្នុងផ្នែកជាច្រើននៃពិភពលោក។ ទោះជាយ៉ាងណាក៏ដោយ ពួកគេក៏បានព្រមានអំពីបញ្ហាប្រឈមជាច្រើននៅខាងមុខ រួមទាំងសង្រ្គាម ការកើនឡើងតម្លៃទំនិញ និងការប្រែប្រួលអាកាសធាតុ។ ក្រុមដែលរួមមានរុស្ស៊ី បានបដិសេធមិននិយាយអំពីជម្លោះជាក់លាក់ ដូចជាការលុកលុយ ដែលកំពុងបន្តរបស់ទីក្រុងមូស្គូ លើអ៊ុយក្រែននោះទេ។ ផ្ទាំងពាណិជ្ជកម្ម ប្រទេសប្រេស៊ីល ដែលជាប្រធាននៃកិច្ចពិភាក្សា G20 នៅឆ្នាំនេះ បានចេញសេចក្តីថ្លែងការណ៍ដាច់ដោយឡែកមួយដោយថា សមាជិកមួយចំនួនបានបង្ហាញពីទស្សនៈរបស់ពួកគេលើប្រទេសរុស្ស៊ី និងអ៊ុយក្រែន ក៏ដូចជាស្ថានភាពនៅតំបន់ហ្គាហ្សាស្ទ្រីប ដោយកត់សម្គាល់ថា “បញ្ហាទាំងនេះមានផលប៉ះពាល់ដល់សេដ្ឋកិច្ចពិភពលោក” ។ ប្រធានហិរញ្ញវត្ថុបានឲ្យដឹងនៅក្នុងសេចក្តីថ្លែងការណ៍រួមមួយថា “យើងប្តេជ្ញាទប់ទល់នឹងការការពារនិយម និងលើកទឹកចិត្តដល់កិច្ចខិតខំប្រឹងប្រែងរួមគ្នា ដើម្បីគាំទ្រដល់ប្រព័ន្ធពាណិជ្ជកម្មពហុភាគីដែលផ្អែកលើច្បាប់ មិនរើសអើង យុត្តិធម៌ បើកចំហ រួមបញ្ចូល សមធម៌ និរន្តរភាព និងតម្លាភាព”៕

នៅព្រឹកថ្ងៃសៅរ៍ ៨រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៦ ខែតុលា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែនប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញគោរពវិញ្ញាណក្ខន្ធសពឯកឧត្តម ជា ចាន់តូ តំណាងរាស្រ្តមណ្ឌលខេត្តកំពង់ធំ និងជាអគ្គទេសាភិបាលកិត្តិយសធនាគារជាតិនៃកម្ពុជា ដែលបានទទួលមរណៈភាពកាលពី ថ្ងៃនៅថ្ងៃសុក្រ ៨រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៥ ខែតុលា ឆ្នាំ២០២៤ វេលាម៉ោង ១០:៣០នាទីព្រឹក ក្នុងជន្មាយុ ៧៣ឆ្នាំ ដោយរោគាពាធ។ នៅក្នុងឱកាសនេះ សម្តេចតេជោ ហ៊ុន សែន បានរួមរំលែកមរណទុក្ខយ៉ាងក្រៀមក្រំបំផុត និងមានការសោកស្ដាយក្រៃលែងជាមួយ លោកជំទាវ ខៀវ ស៊ីណា ចំពោះមរណភាពរបស់ ឯកឧត្តម ជា ចាន់តូ ដែលត្រូវជាស្វាមីរបស់លោកជំទាវ។ សម្ដេចពិតជាមានមានសេចក្តីតក់ស្លុត និងសោកស្ដាយយ៉ាងខ្លាំងក្រោយពីបានទទួលដំណឹងដ៏ក្រៀមក្រំនេះ។ ចំពោះការបាត់បង់ ឯកឧត្តមបណ្ឌិត ជា ចាន់តូ នាពេលនេះ គឺជាបាត់បង់នូវស្វាមី ឪពុក…

អ៊ីស្រាអែល បានបើកការវាយបកសកសឹកទៅលើប្រទេសអ៊ីរ៉ង់ នៅព្រឹកថ្ងៃសៅរ៍ ទី២៦ ខែតុលា​នេះ ដោយយោធារបស់ខ្លួន បាននិយាយថាកំពុងធ្វើការវាយលុកទៅលើគោលដៅយោធា ជា​ការ​ឆ្លើយ​តប​នឹងការវាយប្រហាររបស់ទីក្រុងតេអេរ៉ង់ ទៅលើអ៊ីស្រាអែល។ តំបន់មជ្ឈិមបូព៌ា បានស្ថិតនៅលើមាត់​ជ្រោះ​នៃ​ការ​រំពឹង​ទុក​ជាមុន​ក្នុង​ការ​សង​សឹក​របស់​អ៊ីស្រាអែល ចំពោះការបាញ់ស្រោចមីស៊ីលបាលីស្ទីកដែលបានធ្វើឡើងដោយអ៊ីរ៉ង់ កាលពីថ្ងៃទី១ ខែតុលា ដែលមីស៊ីលបាលីស្ទីកប្រហែល២០០គ្រាប់ ត្រូវបានបាញ់ទៅលើប្រទេសអ៊ីស្រាអែល ជា​ការ​វាយ​ប្រហារដោយផ្ទាល់លើកទីពីររបស់អ៊ីរ៉ង់ ទៅលើអ៊ីស្រាអែល ក្នុងរយៈ​ពេល​ប្រាំ​មួយ​ខែ​កន្លង​ទៅ​នេះ។ កងកម្លាំងការពារអ៊ីស្រាអែល បាននិយាយនៅក្នុងសេចក្តីថ្លែងការណ៍ថា ក្នុងការ​ឆ្លើយ​តប​ទៅ​នឹង​ការ​វាយ​ប្រហារជាបន្តបន្ទាប់ជាច្រើនខែពីប្រទេសអ៊ីរ៉ង់ប្រឆាំងរដ្ឋអ៊ីស្រាអែល ពេលនេះ​កង​កម្លាំង​ការពារ​ជាតិ​អ៊ីស្រាអែល កំពុងធ្វើការវាយលុកលើគោលដៅយោធា នៅក្នុងប្រទេសអ៊ីរ៉ង់។ អ៊ីស្រាអែល និយាយថា ខ្លួនមានសិទ្ធិ និងកាតព្វកិច្ច ក្នុងការ​ឆ្លើយ​តប​ទៅ​នឹង​ការ​វាយ​ប្រហារ​ពី​ទី​ក្រុង​តេអេរ៉ង់ និងអ្នកតំណាងរបស់ប្រទេសនេះ ដែលរួមមានការវា​យ​ប្រហារ​ដោយ​មីស៊ីល​បាញ់​ចេញ​ពី​ទឹក​ដីអ៊ីរ៉ង់។ សមត្ថភាពការពារ និងវាយលុករបស់យើង ត្រូវបានប្រមូលផ្តុំ​យ៉ាង​ពេញ​លេញ​។ វិសាលភាពនៃការវាយប្រហារនៅពុំទាន់ច្បាស់ភ្លាមៗនៅឡើយទេ។ ទូរទស្សន៍រដ្ឋរបស់អ៊ីរ៉ង់ បានរា​យ​ការណ៍ថា ការផ្ទុះដ៏ខ្លាំងជាច្រើន ត្រូវបានលាន់ឮនៅជុំវិញរដ្ឋធានីតេអេរ៉ង់។ ប្រព័ន្ធ​ផ្សព្វ​ផ្សាយ​ពាក់​កណ្តាលផ្លូវការរបស់អ៊ីរ៉ង់ និយាយថា ការផ្ទុះក៏ត្រូវបានគេឮផងដែរនៅក្នុងទីក្រុង Karaj ដែ​ល​នៅ​ក្បែរនោះ។ ទីភ្នាក់ងារសារព័ត៌មាន Tasnim រាយការណ៍ថា គ្មានអ្វីត្រូវ​បាន​គេ​រាយការណ៍​ក្រៅតែ​អំ​ពី​ការ​ឮ​សំឡេង​រ៉ូកែត ឬយន្តហោះនៅលើអាកាស នៅទីក្រុងតេអេរ៉ង់នោះទេ រហូតមកដល់ពេលនេះ។ ទូរ​ទស្សន៍រដ្ឋ បានដកស្រង់សម្តីមន្ត្រីចារកម្មអ៊ីរ៉ង់ដែលបាននិយាយថា ប្រភពដើមនៃការផ្ទុះដ៏ខ្លាំង…

(ហ្ស៊េរុយសាឡិម)៖ យោធាអ៉ីស្រាអែល នៅថ្ងៃសៅរ៍ ទី២៦ ខែតុលានេះ បានអះអាងថាខ្លួនបានបើកការវាយប្រហារលើអ៉ីរ៉ង់ ដោយកំណត់គោលដៅលើទីតាំងយោធាជាការសងសឹកទៅ នឹងទីក្រុងតេហេរ៉ង់ សម្រាប់ការបាញ់មីស៊ីលបាលិស្ទីគលើអ៉ីស្រាអែលកាលពីដើមខែតុលាកន្លងទៅនេះ។ នេះបើតាមការចេញផ្សាដោយទីភ្នាក់ងារសារព័ត៌មាន Reuters។ ការវាយប្រហារសងសឹករបស់អ៉ីស្រាអែល ត្រូវបានគេរំពឹងទុករួចជាមុនទៅហើយ បន្ទាប់ពីមេដឹកនាំអ៉ីស្រាអែលព្រមានថាត្រូវតែសងសឹកអ៉ីរ៉ង់វិញ សម្រាប់ការបាញ់ស្រោចមីស៊ីលបាលិស្ទីគ លើអ៉ីស្រាអែល កាលពីថ្ងៃទី១ ខែតុលា ដោយប្រើមីស៊ីលបាលិស្ទីគប្រហែលជិត២០០គ្រាប់ ហើយដែលនេះជាការវាយប្រហារដោយផ្ទាល់ជាលើទី២ ប្រឆាំងអ៉ីស្រាអែលក្នុងរយៈពេល ៦ខែ។ នៅក្នុងសេចក្ដីថ្លែងការណ៍មួយ កងកម្លាំងការពារអ៉ីស្រាអែល IDF បានគូសបញ្ជាក់ដូច្នេះថា «ជាការឆ្លើយតបទៅនឹងការវាយប្រហារពីរបបដឹកនាំក្នុងប្រទេសអ៉ីរ៉ង់ ប្រឆាំងនឹងអ៉ីស្រាអែល ឥលូវ កងកម្លាំងការពារអ៉ីស្រាអែល បានដឹកនាំការវាយប្រហារតាមផ្លូវអាកាសដោយកំណត់គោលដៅជាក់លាក់លើទីតាំងយោធានៅក្នុងប្រទេសអ៉ីរ៉ង់»។ IDF បន្ថែមទៀតថា «សមត្ថភាព ការពារ និងវាយលុករបស់យើង គឺត្រៀមលក្ខណៈយ៉ាងពេញលេញ»។ ប៉ុន្តែភ្លាមៗ មិនទាន់មានសេចក្ដីរាយការណ៍ពីទំហំខូចខាតនៅឡើយទេ។ គួរបញ្ជាក់ថា បើតាមទូរទស្សន៍រដ្ឋអ៉ីរ៉ង់ ស្នូរផ្ទុះជាច្រើនបានបន្លឺសំឡេងឡើងនៅជុំវិញរដ្ឋធានីតេហេរ៉ង់ រួមទាំងទីក្រុង Karaj។ អ៉ីរ៉ង់ក៏ធ្លាប់បានគំរាមផងដែរ នឹងសងសឹកអ៉ីស្រាអែលវិញ ប្រសិនបើអ៉ីស្រាអែលហ៊ានវាយប្រហារលើខ្លួន ដែលជាការសងសឹកខ្លាំងបំផុត៕