Category: ព័ត៌មានជាតិ
-
ស្នងការនគរបាលរាជធានីភ្នំពេញដឹកនាំកម្លាំងឆ្មក់ចុះបង្ក្រាបទីតាំងក្លឹបមួយកន្លែង ឃាត់ខ្លួនមនុស្សជាង ១០០នាក់
ឯកឧត្តមឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញបានដឹកនាំកម្លាំងនគបាលជំនាញចុះឆ្មក់បង្ក្រាបទីតាំងក្លឹបមួយកន្លែងដោយឃាត់ខ្លួនមនុស្សជាង ១០០នាក់ នាំយកទៅស្នងការដ្ឋាននគរបាលរាជធានីភ្នំពេញ។ កម្លាំងនគរបាលព្រហ្មទណ្ឌ សហករជាមួយកម្លាំងនគរបាលនៃការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលរាជធានីភ្នំពេញ បានចុះបង្ក្រាបទីតាំងក្លឹបមួយកន្លែងដែលមានយីហោ GT ដែលស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ប្រតិបត្តិការនេះផងដែរធ្វើឡើងនៅវេលាម៉ោង០១រំលងអធាត្រឈានចូលថ្ងៃទី១០ ខែសីហា ឆ្នាំ២០២៤ បានដឹកនាំផ្ទាល់ដោយឯកឧត្តមឧត្តមសេនីយ៍ឯក ជួន ណារិន អគ្គស្នងការរង និងជាស្នងការនគរបាលរាជធានីភ្នំពេញ បានដឹកនាំឆ្មក់បង្ក្រាបចុះទីតាំងក្លឹបនេះនឹងឃាត់ខ្លួនមនុស្សជាង១០០នាក់នាំខ្លួនទៅចាត់ការតាមនីតិវិធី។ តាមប្រភពព័ត៌មានពីមន្ត្រីនគរបាលបានឲ្យដឹងថាទីតាំងក្លឹបមួយកន្លែងនេះគឺមានមនុស្សជាច្រើនចេញចូលនៅទីតាំងនេះរួមមានជនជាតិបរទេសផងដែរ។ ដោយទីតាំងក្លឹប GTនោះ មានការពាក់ព័ន្ធនឹងសារធាតុញៀនផងដែរ។ ក្រោយប្រតិបត្តិការកម្លាំងនគរបាលជំនាញបានឃាត់ខ្លួនមនុស្សជាង១០០នាក់ រួមមានជនបរទេសជាច្រើននាក់ និងវត្ថុតាងមួយចំនួននាំយកទៅស្នងការដ្ឋាននគរបាលរាជធានីភ្នំពេញដើម្បីចាត់ការតាមនីតិវិធី។ គួរបញ្ជាក់ផងដែរ កាលពីពេលកន្លងទៅថ្មីៗ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ មានប្រសាសន៍ បញ្ជាឲ្យស្នងការរាជធានី ខេត្ត បន្តយកចិត្តទុកដាក់បោសសម្អាតពីបញ្ហាគ្រឿងញៀន ជួយដូរមនុស្សជាដើម នៅតាមបណ្ដាទីតាំងក្លឹប ខារ៉ាអូខេ .ល. ដោយទុករយៈពេលមួយសប្ដាហ៍ ដើម្បីចាត់ការរឿងទាំងនេះ៕ អត្ថបទ៖ កុម្ភះ
-
ស្រ្តីទីមួយកម្ពុជា ផ្ដល់អនុសាសន៍ដល់ប្រតិភូយុវជនមុនទៅចូលរួមកម្មវិធីអ្នកដឹកនាំយុវជនអាស៊ីនៅជប៉ុន
លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ស្រ្តីទី១កម្ពុជា និងក្នុងនាមជាអគ្គស្នងការសមាគមកាយប្ញទ្ធីនារីកម្ពុជា បានអនុញ្ញាតឱ្យប្រតិភូយុវជនវ័យក្មេងចំនួន ៨ រូប ចូលជួបសម្ដែងការគួរសម និងសំណេះសំណាល មុននឹងចេញដំណើរទៅចូលរួមកម្មវិធីអ្នកដឹកនាំយុវជនអាស៊ីវ័យក្មេងនៅឯប្រទេសជប៉ុននាប៉ុន្មានថ្ងៃខាងមុខនេះ ដែលជំនួបខាងលើធ្វើឡើងនាព្រឹកថ្ងៃទី ៩ ខែសីហា ឆ្នាំ ២០២៤ នៅសណ្ឋាគារហៃយ៉ាត់រីជេនស៊ីភ្នំពេញ។ ប្រតិភូយុវជនវ័យក្មេងកម្ពុជាទាំង៨រូប ចូលជួបសម្ដែងការគួរសមជាមួយ លោកជំទាវបណ្ឌិតដែលជាថ្នាក់ដឹកនាំគំរូរបស់កម្ពុជានាពេលនេះ ត្រូវបានដឹកនាំដោយលោកជំទាវ ស្រូយ សុជាតិ អគ្គនាយកនៃអគ្គនាយកដ្ឋានយុវជន នៃក្រសួងអប់រំយុវជន និងកីឡា ព្រមទាំងមានការអញ្ជើញចូលរួមពីសំណាក់អាណាព្យាបាលយុវជនទាំង៨រូប ព្រមទាំងថ្នាក់ដឹកនាំ និងសមាជិកនៃសមាគមកាយប្ញទ្ធិនារីកម្ពុជា និងគណៈកម្មាការអាហារូបករណ៍សម្ដេចតេជោ និងសម្ដេចកិត្តិព្រឹទ្ធបណ្ឌិត ផងដែរ។ នៅក្នុងឱកាសដ៏ប្រសើរនេះ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានមានប្រសាសន៍ចូលរួមអបអរសាទរដល់ប្រតិភូយុវជនទាំង៨រូប ពេញដោយសមត្ថភាព មានឱកាសចូលរួមនៅក្នុងកម្មវិធីអ្នកដឹកនាំយុវជនអាស៊ី ឆ្នាំ ២០២៤ នៅឯប្រទេសជប៉ុន។ លោកជំទាវបណ្ឌិតបានមានប្រសាសន៍បន្តថា យុវជនគឺជាសរសេរទ្រូងរបស់ប្រទេសជាតិ ហើយជាកម្លាំងបន្តវេនដ៏សំខាន់ក្នុងប្រទេសនាថ្ងៃអនាគតដែលស្ដែងឡើងតាមរយៈសមត្ថភាព និងភាពច្នៃប្រឌិតរបស់ប្អូនៗយុវជន។ ឆ្លៀតក្នុងឱកាសនេះ លោកជំទាវក៏បានលើកឡើងពីគំរូរបស់សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា…
-
លោកស្រី Sheikh Hasina នឹងវិលត្រឡប់ទៅបង់ក្លាដែសវិញសម្រាប់ការបោះឆ្នោត
កូនប្រុសរបស់អតីតនាយករដ្ឋមន្ត្រីបង់ក្លាដែស លោកស្រី សេក ហាស៊ីណា (Sheikh Hasina)បាននិយាយថា លោកស្រីនឹងវិលត្រលប់ទៅប្រទេសបង់ក្លាដែសវិញ នៅពេលដែលរដ្ឋាភិបាលចាំផ្ទះថ្មីរបស់ខ្លួនសម្រេចចិត្តរៀបចំការបោះឆ្នោត។ លោកស្រី Hasina បានភៀសខ្លួនទៅកាន់ប្រទេសជិតខាង ឥណ្ឌា កាលពីថ្ងៃចន្ទ (០៥ សីហា) បន្ទាប់ពីការតវ៉ាដ៏បង្ហូរឈាមជាច្រើនសប្តាហ៍ដែលសម្លាប់មនុស្សរាប់រយនាក់ និងរាប់ពាន់នាក់រងរបួស បានបង្ខំឱ្យលោកស្រីលាលែងពីតំណែង។ រដ្ឋាភិបាលចាំផ្ទះដែលដឹកនាំដោយម្ចាស់ជ័យលាភីណូបែលសន្តិភាព លោក ម៉ូហាម៉ាដ យូនុស (Muhammad Yunus) បានស្បថចូលកាន់តំណែងកាលពីថ្ងៃព្រហស្បតិ៍ ដែលនឹងត្រូវទទួលភារកិច្ចរៀបចំការបោះឆ្នោត។ គណបក្ស អាវ៉ាមី លីគ (Awami League) របស់លោកស្រី Hasina មិនមានវត្តមាននៅក្នុងរដ្ឋាភិបាលបណ្តោះអាសន្ននេះទេ។ ថ្លែងទៅកាន់សារព័ត៌មានឥណ្ឌា (Times of India) កូនប្រុសរបស់លោកស្រី ឈ្មោះលោក សាជីប វ៉ាហ្សេដ ចយ (Sajeeb Wazed Joy) ដែលកំពុងនៅសហរដ្ឋអាមេរិក បាននិយាយថា «សម្រាប់ពេលនេះ លោកស្រី Hasina បន្តស្ថិតនៅឥណ្ឌា ហើយនឹងត្រឡប់ទៅបង់ក្លាដែសវិញ នៅពេលដែលរដ្ឋាភិបាលបណ្តោះអាសន្នសម្រេចចិត្តរៀបចំការបោះឆ្នោត”។ អតីនាយករដ្ឋមន្រ្តីបង់ក្លាដែសរូបនេះកំពុងជ្រកកោនក្នុងផ្ទះសុវត្ថិភាពក្នុងតំបន់ញូវដេលី។…
-
[TOP STORY] លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បញ្ជាក់ថាសមិទ្ធផលរយៈពេល ២៥ ឆ្នាំ ដែលកើតចេញពីកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) បានតភ្ជាប់សេដ្ឋកិច្ចរបស់ប្រទេសទាំងបីធ្វើឱ្យកំណើនពាណិជ្ជកម្ម និងកសិពាណិជ្ជកម្មមានការកើនឡើង។
លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានបញ្ជាក់ថា សមិទ្ធផលរយៈពេល ២៥ ឆ្នាំ ដែលកើតចេញពីកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាម (CLV-DTA) តាំងពីការចាប់ផ្ដើមក្នុងឆ្នាំ ១៩៩៩ រហូតមកដល់ឆ្នាំ២០២៤នេះ គឺបានតភ្ជាប់សេដ្ឋកិច្ចរបស់ប្រទេសទាំងបី ធ្វើឱ្យកំណើនពាណិជ្ជកម្ម និងកសិពាណិជ្ជកម្មរបស់ត្រីភាគីមានការកើនឡើង។ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម មានប្រសាសន៍បញ្ជាក់តាមរយៈកិច្ចសម្ភាសន៍ពិសេស ស្តីពីកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាម (CLV-DTA) បានបញ្ជាក់ថា សមិទ្ធផលរយៈពេល២៥ឆ្នាំ ដែលកើតចេញពីកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាមគឺតាំងពីការចាប់ផ្ដើមក្នុងឆ្នាំ ១៩៩៩ រហូតមកដល់ឆ្នាំ ២០២៤នេះ មានកិច្ចប្រជុំចំនួន១១ដង ក្នុងនោះសមិទ្ធផលជារួមសម្រាប់ត្រីភាគីតែម្ដង គឺជាការតភ្ជាប់សេដ្ឋកិច្ចរបស់ប្រទេសទាំងបី កំណើនពាណិជ្ជកម្ម និងកសិពាណិជ្ជកម្មរបស់ត្រីភាគី។ លោកជំទាវបន្តថា តាមរយៈកិច្ចសហប្រតិបត្តិការតំបន់ត្រីកោណអភិវឌ្ឍ កម្ពុជា-ឡាវ-វៀតណាម ចំពោះកម្ពុជា សមិទ្ធផលផ្នែកពាណិជ្ជកម្មដែលកម្ពុជាទទួលបាន គឺផលិតផលសរុបរបស់ខេត្តទាំង៤ មានការកើនឡើង និងបង្កើតបាននូវតុល្យភាព ដែលបានកាត់បន្ថយនូវគម្លាតអភិវឌ្ឍ ដែលពីមុនមកខេត្តទាំង៤ គឺក្រចេះ ស្ទឹងត្រែង មណ្ឌលគិរី និងរតនគិរី ជាតំបន់ដាច់ស្រយាលនៅជាប់ព្រុំដែន មានការអភិវឌ្ឍ យឺតយ៉ាវ និងតិចតួចជាងខេត្តផ្សេងៗទៀតដែលទាមទារឱ្យមានការបង្កើនកិច្ចសហប្រតិបត្តិការអភិវឌ្ឍបន្ថែម។…
-
ជនសង្ស័យដែលគ្រោងវាយប្រហារក្នុងការប្រគំតន្រ្តី Taylor Swift នៅអូទ្រីស ទម្លាយប្រាប់ពីផែនការខ្លួន
អាជ្ញាធរបាននិយាយកាលពីថ្ងៃព្រហស្បតិ៍ (០៨ សីហា) ថា ក្មេងជំទង់ជនជាតិអូទ្រីសម្នាក់ ដែលត្រូវបានចាប់ខ្លួនពីបទគ្រោងវាយប្រហារលើការប្រគំតន្ត្រីរបស់កំពូលតារាចម្រៀងអាមេរិកដ៏ល្បី កញ្ញា ថេល័រ ស្វីស (Taylor Swift) នៅទីក្រុងវីយែន បានគ្រោងវាយប្រហារអត្តឃាត ដែលអាចនឹងធ្វើឱ្យមាន «ការបង្ហូរឈាម» និងបានប្តេជ្ញាចិត្តស្មោះត្រង់ចំពោះក្រុមរដ្ឋអ៊ីស្លាម (IS) ។ លោក ហ្វ្រង់ រូហ្វ (Franz Ruf) អគ្គនាយករងសន្តិសុខសាធារណៈរបស់ប្រទេសអូទ្រីស បានប្រាប់សន្និសីទសារព័ត៌មានមួយថា ជនសង្ស័យដែលជាបុរសវ័យ ១៩ឆ្នាំ មានដើមកំណើតនៅប្រទេសម៉ាសេដូនីខាងជើង បានសារភាពគ្រប់យ៉ាងក្នុងពេលឃុំឃាំង។ លោក Ruf បានបន្ថែមថា ជនសង្ស័យនោះបានស្បថសច្ចាស្មោះស្ម័គ្រជាមួយមេដឹកនាំក្រុម IS នៅតាមអ៊ីនធឺណិត ហើយបានត្រៀមសារធាតុគីមី កាំបិត និងឧបករណ៍បច្ចេកទេសនៅផ្ទះរបស់ខ្លួនក្នុងទីក្រុង ថើនីតស៍ (Ternitz) ដើម្បីរៀបចំការវាយប្រហារ។ ប្រធានចារកម្មជាតិ លោក អូម៉ា ហៃចាវី ផើច្នើ (Omar Haijawi-Pirchner) បាននិយាយថា ជនសង្ស័យរូបនេះកំពុងរៀបចំផែនការវាយប្រហារដ៏បង្ហូរឈាមក្នុងចំណោមអ្នកគាំទ្រតារាចម្រៀង Taylor Swift ប្រមាណ ២០.០០០នាក់ ដែលគ្រោងនឹងប្រមូលផ្តុំនៅខាងក្រៅកីឡាដ្ឋាន…
-
ប្រជាជនវេណេស៊ុយអេឡា រៀបចំពិធីដុតទៀន ដើម្បីទាមទារឲ្យដោះលែងអ្នកទោសនយោបាយ
ប្រជាជនវេណេស៊ុយអេឡា បានរៀបចំពិធីដុតទៀន កាលពីថ្ងៃព្រហស្បតិ៍ ដើម្បីទាមទារឱ្យមានការដោះលែងអ្នកទោសនយោបាយ ដែលត្រូវបានឃុំខ្លួនដោយរដ្ឋាភិបាលរបស់ប្រធានាធិបតី លោកNicolas Maduro ។ ក្រុមប្រឆាំង និងសកម្មជនសិទ្ធិមនុស្ស បានរៀបចំព្រឹត្តិការណ៍នេះ នៅទីលានសាធារណៈមួយកន្លែង នៅភាគខាងកើតទីក្រុង ការ៉ាកាស។ អ្នកចូលរួម បានបង្កើតពាក្យថា «សន្តិភាព» និង «សេរីភាព» ជាមួយនឹងពន្លឺភ្លើងទៀនរបស់ពួកគេ។ ការរៀបចំពិធីនេះ បានបញ្ជាក់ពីស្ថានភាពរបស់បាតុករ សកម្មជន និងមន្ត្រីជាន់ខ្ពស់នយោបាយជាច្រើននាក់ ដែលត្រូវបានឃុំខ្លួន បន្ទាប់ពីការបោះឆ្នោតប្រធានាធិបតីដែលមានភាពចម្រូងចម្រាស។ លោក Maduro បាននិយាយថា មនុស្សប្រហែល ២.០០០នាក់ ត្រូវបានចាប់ខ្លួនក្នុងអំឡុងពេលការធ្វើបាតុកម្ម។ អង្គការឃ្លាំមើលសិទ្ធិមនុស្ស ដែលមានមូលដ្ឋាននៅសហរដ្ឋអាមេរិក បានរាយការណ៍ថា មនុស្សយ៉ាងហោចណាស់២០នាក់ ត្រូវបានសម្លាប់។ អង្គការក្រៅរដ្ឋាភិបាលក្នុងតំបន់ Foro Penal បានចុះបញ្ជីអ្នកជាប់ឃុំឃាំងចំនួន ១.២២៩នាក់ គិតត្រឹមព្រឹកថ្ងៃព្រហស្បតិ៍ ដែលក្នុងនោះរួមមានអនីតិជនចំនួន១០៥នាក់។ លទ្ធផលបោះឆ្នោត ដែលបានចេញផ្សាយ បង្កឱ្យមានការចោទប្រកាន់យ៉ាងទូលំទូលាយអំពីការក្លែងបន្លំ និងការតវ៉ា។ ក្រោយមក កងកម្លាំងសន្តិសុខ បានបង្រ្កាបការតវ៉ា ដែលរដ្ឋាភិបាលរបស់លោក Maduro បានចាត់ទុកថាជាផ្នែកមួយនៃការប៉ុនប៉ងធ្វើរដ្ឋប្រហារ គាំទ្រដោយសហរដ្ឋអាមេរិក។…
-
រុស្ស៊ី បន្តប្រយុទ្ធជាមួយទាហានអ៊ុយក្រែន ក្នុងថ្ងៃទីបីបន្ទាប់ពីការវាយលុកព្រំដែនដ៏ធំ
កងកម្លាំងរុស្ស៊ី កាលពីថ្ងៃព្រហស្បតិ៍ (០៨ សីហា) បានបន្តប្រយុទ្ធជាមួយកងទ័ពអ៊ុយក្រែនក្នុងថ្ងៃទីបី បន្ទាប់ពីពួកគេបានវាយលុកតាមព្រំដែនរុស្ស៊ីក្នុងតំបន់ ឃើកស្ក៍ (Kursk) ដែលជាការវាយប្រហារដ៏ខ្លាំងក្លាមួយទៅលើតំបន់មហាអំណាចនុយក្លេអ៊ែរដ៏ធំបំផុតរបស់ពិភពលោក ដែលបានបង្ខំឱ្យទីក្រុងមូស្គូ កោះហៅទាហានបម្រុងទៅទប់ទល់។ នៅក្នុងការវាយប្រហារដ៏ធំបំផុតមួយរបស់អ៊ុយក្រែន លើប្រទេសរុស្ស៊ី ចាប់តាំងពីសង្រ្គាមបានចាប់ផ្តើមក្នុងខែកុម្ភៈ ឆ្នាំ២០២២មក ទាហានអ៊ុយក្រែនប្រហែល ១.០០០នាក់បានឆ្លងកាត់ព្រំដែនរុស្ស៊ី នៅព្រឹកព្រលឹមថ្ងៃទី០៦ ខែសីហា ជាមួយនឹងរថក្រោះ និងរថពាសដែក ដែលអមដោយដោយយានដ្រូនតាមអាកាសជាច្រើន និងបាញ់កាំភ្លើងធំ នេះបើយោងតាមក្រុមមន្ត្រីរុស្ស៊ី។ ការប្រយុទ្ធគ្នាយ៉ាងខ្លាំងក្លាត្រូវបានគេរាយការណ៍ថានៅជិតទីក្រុង ស៊ូដហ្សា (Sudzha) ជាទីដែលឧស្ម័នធម្មជាតិរបស់រុស្ស៊ី ហូរចូលអ៊ុយក្រែន ដោយបង្កើនកង្វល់ពីលទ្ធភាពនៃការបញ្ឈប់ភ្លាមៗដល់លំហូរឆ្លងកាត់ទៅកាន់អឺរ៉ុប។ ការវាយលុកនេះបានកើតឡើងជាការភ្ញាក់ផ្អើលយ៉ាងខ្លាំងដល់រុស្ស៊ី ក្នុងពេលជាង ២ឆ្នាំបន្ទាប់ពីលោកប្រធានាធិបតី វ្ល៉ាឌីមៀ ពូទីន (Vladimir Putin) បានបញ្ជូនកងទ័ពរបស់ខ្លួនចូលទៅអ៊ុយក្រែន។ ក្រសួងការពារជាតិរុស្ស៊ី បាននិយាយកាលពីថ្ងៃព្រហស្បតិ៍ថា កងទ័ព និងសេវាសន្តិសុខសហព័ន្ធ (FSB) បានបញ្ឈប់វាយរុលរបស់អ៊ុយក្រែន ហើយកំពុងប្រយុទ្ធជាមួយអង្គភាពរបស់ទីក្រុងគីវ នៅក្នុងតំបន់ Kursk។ យោធាអ៊ុយក្រែន បានបន្តរក្សាភាពស្ងៀមស្ងាត់ចំពោះការវាយលុកលើតំបន់ Kursk នេះ ខណៈលោកប្រធានាធិបតី វ្ល៉ូឌីមី ហ្សេឡិនស្គី (Volodymyr…
-
លោក Trump និង លោកស្រី Harris យល់ព្រមជជែកដេញដោលលើវាទិកា ABC News នៅថ្ងៃទី១០ខែកញ្ញា
លោក Donald Trump និង លោកស្រី Kamala Harris គ្រោងនឹងជជែកដេញដោលនៅលើកញ្ចក់ទូរទស្សន៍របស់ ABC News ក្នុងទីក្រុងញូវយ៉កថ្ងៃទី ១០ ខែកញ្ញា បន្ទាប់ពីអតីតប្រធានាធិបតីរូបនេះបាននិយាយកាលពីថ្ងៃព្រហស្បតិ៍សប្ដាហ៍នេះថាលោកបានយល់ព្រមជួបតទល់មុខគ្នានៅខែក្រោយ។ បណ្ដាញទូរទស្សន៍ ABC News បាននិយាយក្នុងសេចក្ដីថ្លែងការណ៍មួយថា ខ្លួននឹងរៀបចំបេក្ខជនប្រធានាធិបតីដែលមានលក្ខណៈសម្បត្តិគ្រប់គ្រាន់ដើម្បីជជែកដេញដោលនៅថ្ងៃទី ១០ ខែកញ្ញានៅលើ ទូរទស្សន៍ABC ។ លោកស្រីអនុប្រធានាធិបតី Harris និងអតីតប្រធានាធិបតី លោក Trump បានអះអាងថាពួកគេនឹងចូលរួមការជជែកដេញដោលរបស់បណ្ដាញទូរទស្សន៍ABC ។ ថ្លែងនៅក្នុងសន្និសីទសារព័ត៌មាននៅឯរមណីយដ្ឋាន Mar-a-Lago របស់លោកក្នុងរដ្ឋ Florida លោក Trump បាននិយាយថារូបលោក “ទន្ទឹងរង់ចាំ”ឱកាសជជែកដេញដោលជាមួយលោកស្រីអនុប្រធានាធិបតី ហើយថាលោកបានយល់ព្រមចំពោះកាលបរិច្ឆេទនាពេលខាងមុខជាមួយទូរទស្សន៍ Fox News, ABC និង NBC ។ ខ្ញុំគិតថាវាមានសារៈសំខាន់ខ្លាំងណាស់ក្នុងការជជែកដេញដោលនានា ហើយយើងបានយល់ព្រមជាមួយ Fox News នៅថ្ងៃទី ៤ ខែកញ្ញា។ យើងបានយល់ព្រមជាមួយ NBC ថ្ងៃ២៥…
-
កសិករម៉ិកស៊ិក បិទផ្លូវហាយវ៉េ រយៈពេលជាង៤០ម៉ោង ដើម្បីទាមទារសំណងហួសកាលកំណត់
កសិករប្រទេសម៉ិកស៊ិក បានបិទផ្លូវហាយវ៉េដ៏សំខាន់មួយ រវាងទីក្រុង Mexico City និងទីក្រុង Puebla នៅម៉ិកស៊ិកភាគកណ្តាលរយៈពេលជាង៤០ម៉ោង ដើម្បីទាមទារប្រាក់សំណងហួសកាលកំណត់ពីរដ្ឋាភិបាល។ កសិកររាប់សិបនាក់ បានចាប់ផ្តើមការតវ៉ាចាប់តាំងពីថ្ងៃអង្គារ ដោយទាមទារឱ្យរដ្ឋាភិបាលបង់ប្រាក់សំណងដែលហួសកាលកំណត់ សម្រាប់ដីដែលត្រូវបានដកហូតយកកាលពី៦០ឆ្នាំមុន ដើម្បីសាងសង់ផ្លូវហាយវ៉េ។ ការតវ៉ានេះ បានធ្វើឱ្យមនុស្សរាប់រយនាក់ជាប់គាំងដំណើរនៅក្នុងរថយន្តរបស់ពួកគេរយៈពេលជាង៤០ម៉ោង។ កសិករ បានអនុញ្ញាតឲ្យចរាចរណ៍ឆ្លងកាត់រយៈពេលប្រហែលពីរម៉ោងកាលពីរសៀលថ្ងៃពុធ មុននឹងបន្តការបិទផ្លូវឡើងវិញ។ ពួកគេបាននិយាយថា ការបិទផ្លូវនឹងមិនត្រូវបានដកចេញឡើយ រហូតដល់ការទាមទាររបស់ពួកគេត្រូវបានបំពេញ។ រដ្ឋាភិបាលប្រទេសម៉ិកស៊ិក បានព្រមព្រៀងផ្តល់សំណងដល់កសិករសម្រាប់ការខូចខាតដែលបណ្តាលមកពីការសាងសង់ផ្លូវហាយវ៉េម៉ិកស៊ិក-ពូអេប្លា ប៉ុន្តែបានត្រឹមតែតម្លៃដែលបង្កើតឡើងដោយការវាយតម្លៃជាផ្លូវការ ប៉ុណ្ណោះ។