Author: Dol Pheakdey

កៀវ ៖ នាយករដ្ឋមន្ត្រីកាណាដា លោក Mark Carney និយាយថា លោក ពូទីន ជាមេដឹកនាំមិនអាចទុកចិត្តបានទេ ដូច្នេះយើងដឹងថា សន្តិភាព និងសន្តិសុខពិតប្រាកដគឺទាមទារការធានាសន្តិសុខសម្រាប់អ៊ុយក្រែន។ ជាមួយគ្នានេះ លោកនាយករដ្ឋមន្ត្រី Carney ក៏បានអំពាវនាវឱ្យមានបទឈប់បាញ់នៅអ៊ុយក្រែនផងដែរ អំឡុងដំណើរទស្សនកិច្ចទៅកាន់ទីក្រុងកៀវ ដើម្បីចូលរួមប្រារព្ធទិវាឯករាជ្យ ខណៈដែលកិច្ចខិតខំប្រឹងប្រែងការទូតកើនឡើង ដើម្បីបញ្ចប់ការឈ្លានពានរបស់រុស្ស៊ី។ មេដឹកនាំអូស្ត្រាលីរូបនេះ បានប្រាប់អ្នកយកព័ត៌មានដោយនិយាយជាប់ជាមួយប្រធានាធិបតីអ៊ុយក្រែន លោក Volodymyr Zelensky ថា យើងត្រូវការការបញ្ឈប់អរិភាព… យើងត្រូវការបទឈប់បាញ់ ហើយនោះជារឿងចាំបាច់ដើម្បីបញ្ឈប់ការសម្លាប់មនុស្សតទៅទៀត៕ ប្រភព ៖ AFP

តេហេរ៉ង់ ៖ មេដឹកនាំកំពូលអ៊ីរ៉ង់ លោក Ayatollah Ali Khamenei នៅថ្ងៃទី២៤ ខែសីហា និយាយថា ប្រទេសរបស់លោកនឹងមិនអោនក្បាលសុំចុះចាញ់អាមេរិកជាដាច់ខាត និងបានអំពាវនាវឱ្យមានរណសិរ្សរួបរួមជាតិ ដើម្បីប្រឈមមុខនឹងរដ្ឋបាលលោកប្រធានាធិបតី Donald Trump ដែលចង់ផ្តួលរលំរបបដឹកនាំអ៊ីរ៉ង់។ ការអះអាងបែបនេះរបស់លោក Khamenei កើតឡើងពីរខែចាប់តាំងពីការប្រយុទ្ធគ្នាបានបញ្ឈប់រវាងអ៊ីរ៉ង់ និងអ៊ីស្រាអែល ដែលជាសង្គ្រាមមានការលូកដៃដោយផ្ទាល់ពីអាមេរិក និងស្របពេលដែលអ៊ីរ៉ង់កំពុងពិភាក្សាជាមួយមហាអំណាចពិភពលោក អំពីកម្មវិធីនុយក្លេអ៊ែររបស់ខ្លួន។ លោក Khamenei បានអះអាងថា ការវាយប្រហារដ៏កម្ររបស់អ៊ីស្រាអែល និងអាមេរិកកាលពីខែមិថុនា ដែលកំណត់គោលដៅលើទីតាំងនុយក្លេអ៊ែរសំខាន់ៗ និងបានជំរុញឱ្យមានការសងសឹករបស់អ៊ីរ៉ង់ គឺជាផែនការរៀបចំឡើងក្នុងគោលបំណងបង្កភាពចលាចល និងបំបែកបំបាកផ្ទៃក្នុងរបស់ប្រទេសអ៊ីរ៉ង់។ មេដឹកនាំអ៊ីរ៉ង់រូបនេះ បានសង្កត់ធ្ងន់ថា អ៊ីស្រាអែល និងអាមេរិកកំពុងស្វែងរកការបំបែកបំបាក់ផ្ទៃក្នុងរបស់អ៊ីរ៉ង់ ប៉ុន្តែទោះបីជាយ៉ាងណា ប្រជាជនអ៊ីរ៉ង់នៅតែរួបរួមគ្នាយ៉ាងរឹងមាំជាមួយកងកម្លាំងប្រដាប់អាវុធ និង រដ្ឋាភិបាល ដើម្បីវាយលុកយ៉ាងខ្លាំងក្លាទៅកាន់សត្រូវវិញ។ សូមរម្លឹកថា ទំនាក់ទំនងរវាងទីក្រុងតេហេរ៉ង់ និងទីក្រុងវ៉ាស៊ីនតោនត្រូវបានកាត់ផ្តាច់ បន្ទាប់ពីបដិវត្តន៍អ៊ីស្លាមឆ្នាំ ១៩៧៩។ ចាប់តាំងពីពេលនោះមក អាមេរិកបានដាក់ទណ្ឌកម្មជាបន្តបន្ទាប់លើរបបដឹកនាំអ៊ីរ៉ង់ ពិសេសពាក់ព័ន្ធនឹងកម្មវិធីនុយក្លេអ៊ែរ៕ ប្រភព ៖ AFP

ហាណូយ ៖ កាលពីថ្ងៃទី២៤ ខែសីហា ឆ្នាំ២០២៥ វៀតណាមបានប្រកាសថា មានការជម្លៀសមនុស្សចំនួន ៣០ម៉ឺននាក់ ខណៈព្យុះទីហ្វុង កាជីគី (Kajiki) ខិតជិតទៅដល់ប្រទេស មួយនេះ។ វៀតណាម បន្តថា ក៏មានការលុបចោលជើងហោះហើរ ក្នុងស្រុក ជាច្រើនលើក ផងដែរ ខណៈដែលក្រុមហ៊ុនអាកាសចរណ៍ជាតិ Vietnam Airlines និង Vietjet បានប្រកាសពីការលុបចោល ជើងហោះហើរ បណ្តើរៗ ទៀតផង។ អាជ្ញាធរបានបញ្ជាក់ថា ប្រជាពលរដ្ឋទាំងនោះ មាននៅក្នុងខេត្តជាប់ឆ្នេរសមុទ្រ ចំនួន៥ ដោយត្រូវផ្លាស់ ទៅកាន់សាលារៀន និងអគារសាធារណៈ ដែលត្រូវប្រែក្លាយ ទៅជាមជ្ឈមណ្ឌលជម្លៀសបណ្តោះអាសន្ន ហើយ ព្យុះនេះត្រូវបោកបក់ទៅលើឆ្នេរភាគខាងកើត ប្រទេសវៀតណាម នៅថ្ងៃចន្ទនេះ។ អាជ្ញាធរគ្រោះមហន្តរាយ ដែលធ្វើការ ចម្រុះក្រោម ក្រសួងកសិកម្ម និងបរិស្ថាន បាននិយាយថា «ស្ថានភាពនេះ គឺមានគ្រោះថ្នាក់ខ្លាំងណាស់ និង មិនមានសុវត្ថិភាព សម្រាប់យានជំនិះ ឬ រចនាសម្ព័ន្ធ នានា…

បាងកក ៖ នៅព្រឹកថ្ងៃទី២២ ខែសីហា ឆ្នាំ២០២៥នេះ តុលាការទីក្រុងបាងកកនឹងប្រកាសសាលក្រម លើសំណុំរឿងប្រមាថព្រះមហាក្សត្រ របស់លោក ថាក់ស៊ីន ស៊ីណាវ៉ាត់ អតីតនាយករដ្ឋមន្ត្រីថៃ។ បុរស វ័យ៧៦ឆ្នាំ រូបនេះ អាចប្រឈមនឹងការជាប់ពន្ធនាគារ រហូតដល់១៥ឆ្នាំ ប្រសិនបើរកឃើញថា ពិតជាមានពិរុទ្ធ មែននោះ។ ច្បាប់ស្តីពីការប្រមាថព្រះមហាក្សត្រ គឺជាច្បាប់ដ៏តឹងរឹង របស់ប្រទេសថៃ ដែលដាក់ទោសទណ្ឌ ស្ទើរតែគ្រប់ការរិះគន់ ដល់ព្រះមហាក្សត្រ Maha Vajiralongkorn និងគ្រួសារ រាជវង្ស។ សាលក្រមអាចនឹងត្រូវប្រកាស នៅម៉ោងប្រហែល ១០ព្រឹក ហើយ គម្រោងប្រកាសនេះ កើតឡើងមួយសប្តាហ៍ មុនពេលតុលាការធម្មនុញ្ញ ត្រូវប្រកាសសាលក្រុម ករណីលោកស្រី ផែថងថាន ស៊ីណាវ៉ាត់ ដែលអាចប្រឈមនឹងត្រូវទម្លាក់ចេញពីតំណែង ជានាយករដ្ឋមន្ត្រី បើរកឃើញពិរុទ្ធ ដែរនោះ។ ប្រសិនបើសាលក្រមទាំងពីរពិតជាដាក់ទោសទណ្ឌលើ ឪពុក កូនទាំងពីរ រូបមែន នោះអាចនឹងបង្ហាញពីការបញ្ចប់ពេលវេលារបស់គ្រួសារនេះ នៅក្នុងតំណែងខ្ពស់ បន្ទាប់ពីរយៈពេល២០ឆ្នាំ ដែលបានឃើញ នាយករដ្ឋមន្ត្រី ត្រកូល ស៊ីណាវ៉ាត់…

ភ្នំពេញ)៖ លេខាធិការដ្ឋាននៃគណៈកម្មការចំពោះកិច្ចប្រយុទ្ធប្រឆាំងការឆបោក តាមប្រព័ន្ធបច្ចេកវិទ្យានៅថ្ងៃទី២១ ខែសីហា ឆ្នាំ២០២៥ បានបង្ហាញលទ្ធផល ប្រតិបត្តិការបង្ក្រាបសកម្មភាពឆបោកតាមប្រព័ន្ធបច្ចេកវិទ្យា (ONLINE SCAMS) ទូទាំងព្រះរាជាណាចក្រកម្ពុជា រួមមាន ៖ ក្នុងក្របខណ្ឌនៃយុទ្ធនាការ និងការអនុវត្តបទបញ្ជាម៉ឺងម៉ាត់របស់រាជរដ្ឋាភិបាលកម្ពុជា ក្នុងការបោសសម្អាត ការឆបោកតាមប្រព័ន្ធបច្ចេកវិទ្យា(Online Scams) ដោយគិតចាប់ពីថ្ងៃទី២៧ ខែមិថុនា ឆ្នាំ២០២៥ ដល់ថ្ងៃទី១៨ ខែសីហា ឆ្នាំ២០២៥ គណៈបញ្ជាការឯកភាពរដ្ឋបាលរាជធានី ខេត្ត ក្រោមការចង្អុលបង្ហាញពីគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ហៅកាត់ថា គ.ប. ឆ.ប. (ONLINE SCAMS) បានចាត់វិធានការបង្រ្កាបតាមគោលដៅចំនួន ៧២ទីតាំង ក្នុង ១៨ រាជធានី ខេត្ត ដោយបានឃាត់ខ្លួនជនសង្ស័យសរុបចំនួនប្រមាណ ៣,១៧០នាក់ មាន ១៩សញ្ជាតិ។ ក្នុងយុទ្ធនាការបង្ក្រាបសកម្មភាពឆបោកអនឡាញក្នុងនោះដែរ សមត្ថកិច្ច បានចាត់វិធានការបញ្ជូនមុខសញ្ញាសង្ស័យជាមេខ្លោងចំនួន ៦៦នាក់ និងបក្ខពួករបស់ពួកគេទៅតុលាការ ដើម្បីចាត់វិធានការតាមនីតិវិធីច្បាប់ជាធរមាន ខណៈជនបរទេសពាក់ព័ន្ធការឆបោកអនឡាញចំនួនសរុបប្រមាណជាង ២,៤៥០នាក់ និរទេសចេញពីកម្ពុជា ។ គួរកត់សម្គាល់ថា ក្នុងប្រតិបត្តិការបោសសម្អាតអំពើឆបោកអនឡាញនៅខេត្តកំពត កាលពីពេលថ្មីៗនេះ សមត្ថកិច្ចបានបង្រ្កាបនិងឃាត់ខ្លួនមេខ្លោងចំនួន…

បាងកក ៖ នាយករដ្ឋមន្ត្រីស្តីទីថៃ លោក ភុំថាម កាលពីថ្ងៃទី ២១ ខែសីហា បានអះអាងថា លោកបានបញ្ជូនមេធាវី ប្តឹងអ្នកវិភាគ នៅក្នុងប្រទេស ពីបទបរិហារកេរ្តិ៍ ហើយថែមទាំងបានព្រមានថា អាចនឹងប្តឹង អ្នកផ្សេងៗទៀត។ យោងតាមការចុះផ្សាយ របស់កាសែត ខៅសត់ លោក ភុំថាម សំអាងថា អ្នកវិភាគក្នុងស្រុក រូបនេះ បំផ្លាញកិត្តិយស និងសេចក្តីថ្លៃថ្នូរ របស់លោក។ លោកថា លោកនឹងមិនទទួលយកពាក្យសុំទោស ដោយបញ្ជាក់ថា អ្នកណានិយាយ មិនទទួលខុសត្រូវ ត្រូវតែប្តឹង។ អ្នកដែលលោក ភុំថាម ប្តឹង គឺ លោក ថាណាផន ស្រ៊ីយ៉ាគល់ (Thanaporn Sriyakul) នាយកវិទ្យាស្ថាន វិភាគនយោបាយ ដែលបាននិយាយរិះគន់ លោក នាយករដ្ឋមន្ត្រីស្តីទី រូបនេះ។ លោក ភុំថាម ថែមទាំងព្រមានថា នឹងប្តឹងអ្នកផ្សេងទៀត ដែរ បើលោកគិតថា រិះគន់…

បាងកក ៖ នាយករដ្ឋមន្ត្រីថៃ ដែលត្រូវបានព្យួរមុខតំណែង លោកស្រី ផែថងថាន ស៊ីណាវ៉ាត់ បានឡើងតុលាការ នៅក្នុងទីក្រុងបាងកក នាថ្ងៃទី ២១ ខែសីហា ឆ្នាំ ២០២៥នេះ។ គួរបញ្ជាក់ថា ក្រុមសមាជិកព្រឹទ្ធសភា បានដាក់សំណុំរឿង ទៅតុលាការ ចោទប្រកាន់លោកស្រី ផែនថងថាន ពីបទប្រព្រឹត្តិ គ្មានវិជ្ជាជីវៈ និងបំពានក្រមសីលធម៌ អំឡុងពេលមានជម្លោះព្រំដែនជាមួយកម្ពុជា ដែលនាំឱ្យមានការប៉ះទង្គិចគ្នា ខាងយោធាយ៉ាងបង្ហូរឈាមបំផុតរបស់អ្នកជិតខាងទាំងពីរ ដែលមិនធ្លាប់ ក្នុងរយៈពេល ជាច្រើនទសវត្សរ៍។ តុលាការធម្មនុញ្ញថៃ គ្រោងនឹងសម្រេចដក ឬ មិនដកតំណែង នាយករដ្ឋមន្ត្រី របស់លោកស្រី ផែនថងថាន នៅចុងខែសីហា នេះ។ គួរបញ្ជាក់ដែរថា ស្ត្រី វ័យ ៣៨ ឆ្នាំ រូបនេះ បានចូលកាន់តំណែង បន្តពីអតីតនាយករដ្ឋមន្ត្រីម្នាក់ផ្សេងទៀត ដែលត្រូវបានបណ្តេញចេញពីតំណែង ពីសំណាក់តុលាការធម្មនុញ្ញ៕ ប្រភព ៖ AFP

វ៉ាស៊ីងតោន ៖ លោក Scott Bessent រដ្ឋមន្ត្រីការហិរញ្ញវត្ថុអាមេរិក កាលពីថ្ងៃទី១៩ ខែសីហា បានថ្លែងចោទប្រកាន់ចំៗ លើឥណ្ឌា ថា ជាប្រទេសឆ្លៀតឱកាស កេងចំណេញ លើប្រេងរុស្ស៊ី អំឡុងពេលមានសង្គ្រាម ជាមួយនឹងប្រទេសអ៊ុយក្រែន។ យោងតាមការចុះផ្សាយ របស់ទីភ្នាក់ងារព័ត៌មាន CNA បានឲ្យដឹងថា ការឆ្លៀតកេងចំណេញ របស់រដ្ឋាភិបាលក្រុង ញូវ ដែលី នេះ គឺ ធ្វើឡើង តាមរយៈការសម្រុកបញ្ជាទិញប្រេង ដែលមានតម្លៃថោកៗ ពីរុស្ស៊ី ចំពេលមានសង្គ្រាម ហើយ យកទៅលក់ចែកចាយបន្ត ធ្វើជាផលិតផល របស់ខ្លួន។ លោក Scott Bessent បានអះអាង រដ្ឋាភិបាលក្រុងវ៉ាស៊ីងតោន មិនអាចទទួលបានទេ ចំពោះទង្វើរបស់ឥណ្ឌា បែបនេះ។ លោក រដ្ឋមន្ត្រីហិរញ្ញវត្ថុអាមេរិក បានលើកឡើងថា មុនពេលមានសង្គ្រាម ឥណ្ឌាបាននាំចូល មិនដល់១ភាគរយ ពីរុស្ស៊ី តែឥលូវនេះ បានកើនដល់ ៤២ភាគរយ។ លោកថែមទាំង បានថ្លែងការពារ…

ហ្គាហ្សា៖ ការិយាល័យប្រព័ន្ធផ្សព្វផ្សាយ របស់រដ្ឋាភិបាលហ្គាហ្សា បានអះអាងថា កុមារប៉ាឡេស្ទីន ចំនួន១៨,៨៨៥នាក់ បានស្លាប់ ក្រោមស្នាដៃ របស់អ៊ីស្រាអែល ចាប់តាំងពីប្រទេសមួយនេះ បានចាប់ផ្តើមសង្គ្រាមប្រល័យពូជសាសន៍ នៅក្នុងតំបន់ហ្គាហ្សា រយៈពេលជិត ២ឆ្នាំ កន្លងមកនេះ។ ទីភ្នាក់ងារព័ត៌មាន aljazeera បានចុះផ្សាយ កាលពីថ្ងៃទី១៩ ខែសីហាថា ក្មេងៗទាំងនោះ ស្ថិតក្នុងចំណោមជនជាតិប៉ាឡេស្ទីន ជាង៦២,០០០នាក់ ដែលត្រូវបានសម្លាប់ ដោយសារតែវាយប្រហាររបស់អ៊ីស្រាអែល។ ជាមួយគ្នានេះ ទីភ្នាក់ងារអង្គការសហប្រជាជាតិ ទទួលបន្ទុកជនភៀសខ្លួនប៉ាឡេស្ទីន ហៅកាត់ UNRWA កាលពីថ្ងៃអង្គារ បានអះអាងដែរថា ចំនួនកុមារស្លាប់ដ៏គួរឱ្យភ្ញាក់ផ្អើលនេះ បានកើតមានឡើង ខណៈដែល គ្មានកន្លែងណាមានសុវត្ថិភាព សម្រាប់កុមារនោះទេ។ ផ្ទុយទៅវិញ មានតែកន្លែង នៃភាពអត់ឃ្លាន ខណៈដែលអ៊ីស្រាអែលបង្កើនការរារាំងជំនួយ និង ការផ្គត់ផ្គង់វេជ្ជសាស្រ្ត ដែលត្រូវការយ៉ាងខ្លាំង។ ប្រភពពី UNRWA បានបន្តថា សាលារៀន ដែលគ្រប់គ្រងដោយអង្គការសហប្រជាជាតិ បានក្លាយជាជម្រកសម្រាប់ មនុស្សរាប់សែននាក់ ចំពេលមានការទម្លាក់គ្រាប់បែក ជាបន្តបន្ទាប់ របស់អ៊ីស្រាអែល។ រីឯ…

ប៉េកាំង ៖ ប្រទេសចិនមានផែនការធ្វើក្បួនព្យុហយាត្រាយោធាដ៏ធំសម្បើមមួយនៅខែក្រោយនេះ ដោយមានការចូលរួមពីមនុស្សរាប់ម៉ឺននាក់ និងសព្វាវុធទំនើបៗមិនធ្លាប់មាន នៅចំកណ្តាលរដ្ឋធានីប៉េកាំង ដែលជាបេះដូងរបស់ប្រទេសចិន ដើម្បីរំលឹកខួប៨០ឆ្នាំចាប់តាំងពីការបញ្ចប់សង្គ្រាមលោកលើកទីពីរ ក្រោយការចុះចាញ់របស់ជប៉ុន។ នេះបើតាមការចុះផ្សាយរបស់សារព័ត៌មាន Channel News Asia។ មន្ត្រីយោធាចិនបាននិយាយក្នុងសន្និសីទសារព័ត៌មានមួយនៅថ្ងៃពុធនេះថា យន្តហោះចម្បាំងរាប់រយ រួមទាំងយន្តហោះចម្បាំង និងយន្តហោះទម្លាក់គ្រាប់បែក ក៏ដូចជាសម្ភារៈសឹកសង្គ្រាមថ្មើរជើង ដែលខ្លះមិនធ្លាប់ត្រូវមើលឃើញជាសាធារណៈពីមុនមក ក៏នឹងត្រូវដាក់បង្ហាញនៅក្នុងក្បួនដង្ហែនោះផងដែរ។ ក្បួនដង្ហែរនៅថ្ងៃទី៣ ខែកញ្ញាខាងមុខ គឺជាព្យុហយាត្រាយោធាទ្រង់ទ្រាយធំបំផុតលើកទីពីរ ចាប់តាំងពីឆ្នាំ២០១៥មក ដែលរៀបចំឡើងដើម្បីប្រាព្ធទិវាជ័យជម្នះក្នុងសង្រ្គាមលោកលើកទីពីរឆ្នាំ១៩៤៥ នឹងក្លាយជាទីលានបង្ហាញសាច់ដុំយោធារបស់ចិនទៅកាន់ពិភពលោក ខណៈប្រទេសជិតខាង និងប្រទេសលោកខាងលិចមួយចំនួន កំពុងចោលភ្នែកសម្លឹងមើលដោយក្តីបារម្ភ ដោយសារការកើនឡើងឥទ្ធិពល នៃកម្លាំងកងទ័ពរំដោះប្រជាជនចិនក្នុងពេលប៉ុន្មានឆ្នាំថ្មីៗនេះ។ រាប់ចាប់ពីយានជំនិះដឹកទំនិញបំពាក់ឧបករណ៍យោធា រហូតដល់យន្តហោះដ្រូន រថក្រោះស៊េរីថ្មី និងយន្តហោះឱ្យសញ្ញាព្រមានជាមុនដើម្បីការពារនាវាផ្ទុកយន្តហោះរបស់ចិន, ក្រុមអនុព័ន្ធយោធា និងអ្នកវិភាគសន្តិសុខបាននិយាយថា ពួកគេកំពុងរំពឹងថា ប្រទេសចិននឹងបើកបង្ហាញសព្វាវុធ រួមទាំងគ្រឿងសព្វាវុធយោធាថ្មីៗជាច្រើនទៀតនៅក្នុងក្បួនដង្ហែដ៏ធំសម្បើមនេះ។ លើសពីនេះ ប្រទេសចិន ក៏ត្រូវបានគេរំពឹងដែរថា នឹងបង្ហាញឈុតមីស៊ីលដែលកំពុងធ្វើទំនើបកម្មរបស់ខ្លួន ពិសេសមីស៊ីលប្រឆាំងនាវា និងមីស៊ីលលឿនជាងសំលេងជាដើម ស្របពេលដែលសហរដ្ឋអាមេរិក និងសម្ព័ន្ធមិត្តរបស់ខ្លួន ត្រៀមខ្លួនទប់ទល់នឹងឥទ្ធិពលរបស់ប្រទេសចិន ក្នុងករណីផ្ទុះជម្លោះណាមួយក្នុងតំបន់នាពេលអនាគត៕ ប្រភព ៖ Channel News Asia