Author: Dol Pheakdey

(ភ្នំពេញ)៖ ពលករថៃចំនួន៦នាក់ ត្រូវបានចាប់ខ្លួនក្នុងពេលដែលហៀបនឹង​មកដល់​កម្ពុជា ដើម្បីធ្វើការនៅភោជនីយដ្ឋានមួយកន្លែងក្នុងក្រុងប៉ោយប៉ែត ខេត្តបន្ទាយ​មាន​ជ័យ។ នេះបើតាមការផ្សាយរបស់កាសែតថៃនៅថ្ងៃទី១០ ខែកក្កដា ឆ្នាំ២០២៥នេះ ។ បើតាមកាសែតដដែល ពលករថៃទាំាង៦នាក់ ដែលមានស្រី៣នាក់ និងក្មេងម្នាក់ ត្រូវបានចាប់ខ្លួនក្នុងភូមិសាស្ត្រស្រុកអារញ្ញប្រាថេត ខេត្តស្រះកែវ ប្រទេសថៃ ជាប់​ព្រំដែន​របស់កម្ពុជា ក្នុងខណៈដែលពួកគេកំពុងលួចឆ្លងដែនមកកម្ពុជា​ដើម្បីធ្វើការ​នៅភោជនីយដ្ឋានក្នុងក្រុងប៉ោយប៉ែតដោយផ្តល់ថវិកាឱ្យមេខ្យល់នាំផ្លូវប្រមាណ២ពាន់បាត ឬ៦០ដុល្លារក្នុងម្នាក់ដើម្បីបានឆ្លងដែនចូលមកធ្វើការនៅកម្ពុជា។ ទាក់ទងនឹងបញ្ហានេះ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ លោក ស៊ុន មេសា បានបញ្ជាក់ថា ការឆ្លងដែនមកធ្វើការទៅវិញទៅមករវាងប្រជាជន​នៃប្រទេស ដែលមានព្រំដែនជាប់គ្នាជារឿងធម្មតា។ ពោល គឺនៅកម្ពុជាក៏មាន​ពលរដ្ឋថៃមកធ្វើការប្រមាណជាង៦ពាន់នាក់ផងដែរ។ លោក ស៊ុន មេសា បញ្ជាក់ថា៖ «នេះមានន័យថា ទីផ្សារការងារនៅកម្ពុជាសម្បូរ និងមានលក្ខណៈល្អ ហើយប្រាក់ឈ្នួលសមរម្យ ដែលធ្វើឲ្យពលរដ្ឋប្រទេសជិត​ខាងមកធ្វើការនៅកម្ពុជា»។ បន្ថែមពីនេះ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈដដែលរូបនេះ បានបន្តអំពាវនាវឲ្យប្រជាពលរដ្ឋខ្មែរ កុំឆ្លងព្រំដែនខុសច្បាប់ទៅកាន់ប្រទេសថៃ​ក្នុងដំណាក់កាលនេះ ព្រោះអាចនឹងប្រឈមនឹងការធ្វើទុក្ខបុកម្នេញ និងការរើស​អើង​ណាមួយ ឬបាត់បង់អត្ថប្រយោជន៍ផ្សេងៗ ហើយបងប្អូនគួរតែធ្វើការនៅក្នុងប្រទេស​កម្ពុជាយើងវិញ ខណៈដែលកម្ពុជាកំពុងខ្វះកម្លាំងពលកម្មប្រមាណជាង២៥ម៉ឺន​កន្លែង​នៅទូទាំងប្រទេស។ បើតាមអ្នកនាំពាក្យដដែល ការធ្វើការនៅកម្ពុជា មានការចំណាយតិចជាង មាន​ការ​ថែទាំសុខភាព មានការថែទាំលើផ្នែកគ្រោះថ្នាក់ការងារ និងមានប្រាក់​សោធន​និវត្តន៍​ថែមទៀតផង…

នារសៀលថ្ងៃទី១០ ខែកក្កដា ឆ្នាំ២០២៥ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានជួបសំណេះសំណាលជាលើកទី៣ ជាមួយគណៈវិជ្ជាជីវៈសុខាភិបាលទាំង៥ រួមមានគណៈគ្រូពេទ្យ គណៈទន្តពេទ្យ គណៈគិលានុបដ្ឋាក គណៈឆ្មប និងគណៈឱសថការី ដើម្បីកសាងប្រព័ន្ធសុខាភិបាល ដែលមានភាពខ្លាំង គណនេយ្យភាព និងផលិតភាពខ្ពស់។ ពិធីសំណេះសំណាលនេះ ត្រូវបានរៀបចំក្នុងគោលបំណង ១) ពិនិត្យ និងវាយតម្លៃវឌ្ឍនភាព នៃការអនុវត្តចំណុចគន្លឹះ ដែលបានពិភាក្សានាជំនួបទាំង២ លើកកន្លងមក និង ២) ពិភាក្សាលើបញ្ហាប្រឈមថ្មីៗ និងដំណោះស្រាយជាក់ស្តែង រួមទាំងដាក់ចេញទិសដៅបន្តសម្រាប់គណៈវិជ្ជាជីវៈសុខាភិបាលទាំង៥ ដោយមានការអញ្ជើញចូលរួមដោយផ្ទាល់ និងតាមប្រព័ន្ធ Zoom ពីថ្នាក់ដឹកនាំក្រសួងសុខាភិបាល គណៈកម្មការសម្របសម្រួលគណៈវិជ្ជាជីវៈ សុខាភិបាល ថ្នាក់ដឹកនាំនៃក្រុមប្រឹក្សា គណៈវិជ្ជាជីវៈសុខាភិបាលជាតិ រាជធានី ខេត្ត និងភូមិភាគទាំង៥ សរុបចំនួន ប្រមាណជាង ១ ៣៤១ រូប។ ជាកិច្ចចាប់ផ្តើម ឯកឧត្តមសាស្ត្រាចារ្យរដ្ឋមន្ត្រី បានវាយតម្លៃខ្ពស់ចំពោះគណៈវិជ្ជាជីវៈសុខាភិបាលទាំង៥ និងលើកទឹកចិត្តឱ្យបន្តកិច្ចខិតខំប្រឹងប្រែងបំពេញការងារស្នូលរបស់ខ្លួន ដើម្បីបុព្វហេតុអ្នកជំងឺ សាធារណៈជន និងសហគមន៍ ដោយប្រតិបត្តិការងារឱ្យស្របតាមយុទ្ធសាស្រ្ត…

ប្រធានាធិបតីអាមេរិក លោក Donald Trump បាននិយាយកាលពីថ្ងៃព្រហស្បតិ៍ (១០ កក្កដា) ថា សហរដ្ឋអាមេរិក នឹងដាក់ពន្ធ ៣៥% លើការនាំចូលពីប្រទេសកាណាដា នៅខែក្រោយនេះ ហើយគ្រោងនឹងបង្កើនពន្ធចំនួន ១៥% ឬ ២០% លើទំនិញរបស់ដៃគូពាណិជ្ជកម្មផ្សេងទៀតភាគច្រើន។ នៅក្នុងលិខិតមួយដែលចេញផ្សាយលើវេទិកាប្រព័ន្ធផ្សព្វផ្សាយសង្គម លោក Trump បានប្រាប់លោកនាយករដ្ឋមន្ត្រីកាណាដា Mark Carney ថា អត្រាដ៏ខ្ពស់ថ្មីនេះនឹងចូលជាធរមាននៅថ្ងៃទី០១ ខែសីហា ហើយព្រមានថាតួលេខនឹងកើនឡើងទៀត ប្រសិនបើកាណាដាសងសឹក។ ក្នុងបទសម្ភាសន៍ជាមួយទូរទស្សន៍ NBC News ដែលចេញផ្សាយនៅថ្ងៃព្រហស្បតិ៍ដដែលនេះ លោក Trump បាននិយាយថា ដៃគូពាណិជ្ជកម្មផ្សេងទៀតដែលមិនទាន់បានទទួលលិខិតបញ្ជាក់អត្រាពន្ធបែបនេះ ទំនងជានឹងប្រឈមមុខនឹងពន្ធយ៉ាងទូលំទូលាយ។ លោក Trump បាននិយាយក្នុងបទសម្ភាសន៍នោះថា៖ មិនមែនអ្នករាល់គ្នាត្រូវតែទទួលលិខិតនោះទេ អាមេរិកគ្រាន់តែកំណត់អត្រាពន្ធរបស់ខ្លួនប៉ុណ្ណោះ។ លោកបន្តថា “ប្រទេសដែលនៅសេសសល់ទាំងអស់នឹងត្រូវបង់ពន្ធ មិនថា ២០% ឬ ១៥% នោះទេ ហើយឥឡូវអាមេរិកកំពុងបន្តធ្វើការលើរឿងនេះ”។ គួរឱ្យដឹងថា លោក Trump បានពង្រីកសង្រ្គាមពាណិជ្ជកម្មរបស់លោកយ៉ាងខ្លាំងក្លាក្នុងពេលប៉ុន្មានថ្ងៃថ្មីៗនេះ…

សាណាអា ៖ សមាជិកនាវិកចំនួន៦នាក់ត្រូវបានជួយសង្គ្រោះ ហើយយ៉ាងហោចណាស់មនុស្ស៣នាក់បានស្លាប់បាត់បង់ជីវិត បន្ទាប់ពីក្រុមឧទ្ទាមហ៊ូទីបានបើកការវាយប្រហារលើកប៉ាល់ដឹកទំនិញមួយគ្រឿងទៀត និងបានពន្លិចវាចូលទៅក្នុងសមុទ្រក្រហម នេះបើតាមសេចក្តីរាយការណ៍របស់បេសសកម្មកងទ័ពជើងទឹកអឺរ៉ុប។ សារព័ត៌មាន BBC បានរាយការណ៍ឱ្យដឹងថា កប៉ាល់ដឹកទំនិញដែលមានដោតទង់ជាតិលីបេរីយ៉ា គឺជាកម្មសិទ្ធិក្រុមហ៊ុន Eternity C របស់ក្រិក បានក្រុមនាវិកចំនួន២៥នាក់ នៅពេលដែលវារងការខូចខាតធ្ងន់ធ្ងរ រហូតដល់លិចបាត់ទៅក្នុងសមុទ្រ ក្រោយរងការវាយប្រហារដោយគ្រាប់រ៉ុក្តែត ដែលបាញ់ចេញពីទូតល្បាតតូចៗរបស់ក្រុមប្រដាប់អាវុធហ៊ូទី កាលពីថ្ងៃចន្ទ។ ការវាយប្រហារនោះ បានបន្តរហូតដល់ថ្ងៃអង្គារ ហើយប្រតិបត្តិការជួយសង្គ្រោះបានចាប់ផ្តើមពេញមួយយប់នៅថ្ងៃអង្គារដដែល។ ក្រុមហ៊ូទីដែលមានអ៊ីរ៉ង់ជាខ្នងបង្អែកប្រកាសថា មូលហេតុដែលពួកគេវាយប្រហារកប៉ាល់ Eternity C គឺដោយសារកប៉ាល់នោះ មានគោលដៅធ្វើដំណើរឆ្ពោះទៅកាន់ប្រទេសអ៊ីស្រាអែល។ បន្ទាប់ពីការវាយប្រហារនេះ ពួកគេបានចាប់ពង្រត់នាវិកនៅលើកប៉ាល់ជាច្រើននាក់នាំទៅកាន់ទីតាំងមានសុវត្ថិភាព។ ស្របពេលជាមួយគ្នានេះ ស្ថានទូតអាមេរិកប្រចាំប្រទេសយេម៉ែននិយាយថា ក្រុមឧទ្ទាមហ៊ូទីពិតជាបានចាប់ពង្រត់សមាជិកក្រុមនាវិកនៅលើកប៉ាក់ជាច្រើននាក់ និងបានអំពាវនាវឱ្យដោះលែងពួកគេជាបន្ទាន់។ ទន្ទឹមគ្នា អាជ្ញាធរហ្វីលីពីនបានអះអាងថា នាវិកចំនួន ២១នាក់គឺជាពលរដ្ឋរបស់ខ្លួន ហើយម្នាក់ទៀតជាជនជាតិរុស្សីដែលរងរបួសធ្ងន់ រហូតដល់បាត់បង់ជើងម្ខាង។ វាគឺជាកប៉ាល់ទីពីរហើយ ដែលក្រុមហ៊ូទីបានវាយប្រហារពន្លិចក្នុងរយៈពេលមួយសប្តាហ៍ បន្ទាប់ពីក្រុមប្រដាប់អាវុធមានឥទ្ធិពលនៅយេម៉ែននេះ កាលពីថ្ងៃអាទិត្យសប្តាហ៍មុន ក៏បានបាញ់មីស៊ីល និងវាយប្រហារដោយយន្តហោះដ្រូនលើកប៉ាល់ដឹកទំនិញដែលមានទង់ជាតិលីបេរីយ៉ាមួយទៀត គឺ Magic Seas ដោយពួកគេអះអាងថា វាជាកម្មសិទ្ធិរបស់ក្រុមហ៊ុនដែលបានរំលោភលើការហាមឃាត់ចូលចតនៅកំពង់ផែដែលគ្រប់គ្រងដោយជនជាតិប៉ាឡេស្ទីន។ ប៉ុន្តែជាសំណាងល្អ ក្រុមនាវិកនៅលើកប៉ាល់…

មូស្គូ ៖ ទោះបីរវល់ជាប់ដៃក្នុងសង្គ្រាមអ៊ុយក្រែនក៏ដោយ លោក Sergey Lavrov រដ្ឋមន្ត្រីការបរទេសរុស្ស៊ី មានផែនការហោះហើរបោះពួយសំដៅទៅកាន់ទឹកដីកូរ៉េខាងជើង នៅចុងសប្តាហ៍នេះ ចំពេលប្រទេសទាំងពីរបង្កើនទំនាក់ទំនងយោធាកាន់តែស៊ីជម្រៅ។ ទីភ្នាក់ងារសារព័ត៌មានមជ្ឈិមកូរ៉េបានចុះផ្សាយកាលពីថ្ងៃពុធថា ប្រមុខការទូតកំពូលរុស្ស៊ី លោក Lavrov នឹងទៅបំពេញទស្សនកិច្ចនៅកូរ៉េខាងជើង ចាប់ពីថ្ងៃទី១១ ដល់ថ្ងៃទី១៣ ខែកក្កដា តបតាមការអញ្ជើញរបស់ក្រសួងការបរទេសរដ្ឋកុម្មុយនីស្តក្នុងដៃក្តាប់ជាប់អាវុធនុយក្លេអ៊ែរមួយនេះ។ គម្រោងទស្សនកិច្ចរបស់បុរសខ្លាំងការទូតវ័យ៧៥ឆ្នាំរូបនេះ កើតឡើងបន្ទាប់ប្រធានសន្តិសុខរុស្ស៊ី លោក Sergei Shoigu បានទៅបំពេញទស្សនកិច្ចនៅទីក្រុងព្យុងយ៉ាងជាច្រើនដងក្នុងឆ្នាំនេះ រួមទាំងកាលពីខែមុន នៅពេលដែលប្រទេសទាំងពីរប្រារព្ធខួបមួយឆ្នាំនៃការចុះហត្ថលេខាលើកិច្ចព្រមព្រៀងយោធាដ៏ធំទូលាយរួមគ្នាមួយ។ សម្ព័ន្ធមិត្តចាក់ទឹកមិនលិច ដែលរងសម្ពាធទណ្ឌកម្មធ្ងន់ធ្ងរដូចគ្នាទាំងពីរនេះ បានចុះហត្ថលេខាលើកិច្ចព្រមព្រៀងយោធាកាលពីឆ្នាំមុន ក្នុងនោះផ្តោតសំខាន់លើការការពារគ្នាទៅវិញទៅមក ក្នុងអំឡុងដំណើរទស្សនកិច្ចដ៏កម្ររបស់លោកប្រធានាធិបតីរុស្ស៊ី វ្ល៉ាឌីមៀ ពូទីន ទៅកាន់កូរ៉េខាងជើង។ បន្ទាប់ពីពេលនោះមក កូរ៉េខាងជើងបានក្លាយជាសម្ព័ន្ធមិត្តដែកថែបដ៏សំខាន់មួយរបស់រុស្ស៊ី ក្នុងអំឡុងសង្គ្រាមនៅអ៊ុយក្រែនរយៈពេលជាង ៣ឆ្នាំ ដោយបានបញ្ជូនទាហានរាប់ពាន់នាក់ និងទូរកុងតឺន័រផ្ទុកអាវុធជួយដល់វិមានក្រឹមឡាំងបណ្តេញកងកម្លាំងអ៊ុយក្រែនចេញពីតំបន់ Kursk របស់រុស្ស៊ី៕ ប្រភព ៖ AFP

បរទេស ៖ នាយករដ្ឋមន្ត្រី នៃប្រទេសអ៊ីស្រាអែល លោក Netanyahu និង រដ្ឋមន្ត្រីការពារជាតិអាមេរិក លោក Hegseth កាលពីថ្ងៃពុធ បានជួបគ្នានិយាយអួតពីការវាយប្រហារ របស់ប្រទេសទាំងពីរ ទៅលើប្រទេសអ៊ីរ៉ង់។ អំឡុងជំនួប នៅក្នុងទីក្រុង Washington, DC នាយករដ្ឋមន្ត្រីអ៊ីស្រាអែល លោក Benjamin Netanyahu បានសរសើរពីយោធាអាមេរិក និង ទីបញ្ជាការកណ្តាល CENTCOM។ លោក Netanyahu បាននិយាយថា «អ្នកមានអំណរគុណ របស់ប្រជាជនអ៊ីស្រាអែល និង រដ្ឋ អ៊ីស្រាអែល» ដោយហៅការបង្ហាញអំណាចយោធាអាមេរិក នាពេលថ្មីៗនេះ «ជាការគ្រហឹម របស់សត្វតោ ពីរក្បាល… ដែលបានឮ នៅជុំវិញពិភពលោក»។ រដ្ឋមន្ត្រីការពារជាតិអាមេរិក លោក Hegseth វិញ បាននិយាយដែរថា ប្រតិបត្តិការនេះ បានផ្ញើសារ មិនត្រឹមតែទៅកាន់ប្រទេសអ៊ីរ៉ង់ ប៉ុណ្ណោះទេ ប៉ុន្តែ ទៅកាន់ “ពិភពលោក” ខណៈដែលលោកបាន អរគុណអ៊ីស្រាអែល…

តូក្យូ ៖ កងទ័ពជប៉ុន នៅថ្ងៃទី៩ ខែកក្កដា ចាប់ផ្តើមដាក់ពង្រាយកងឧទ្ធម្ភាគចក្រ V-22 Ospreys នៅឯមូលដ្ឋានទ័ពអចិន្ត្រៃយ៍ថ្មី ស្ថិតនៅភាគនិរតីនៃប្រទេសជប៉ុន ដែលនេះជាការពង្រឹងផ្នែកការពារជាតិ ចំពេលមានភាពតានតឹងក្នុងតំបន់ ពិសេសកូរ៉េខាងជើង និងចិន។ ចំណាត់ការនេះ គឺជាផ្នែកមួយនៃការបង្កើនកម្លាំងយោធារបស់ប្រទេសជប៉ុន ជាពិសេសនៅតំបន់ភាគនិរតី ពោលគឺផ្តោតចម្បងលើការរារាំងសកម្មភាពវាទទីដែនសមុទ្រកាន់តែខ្លាំងឡើងពីសំណាក់ប្រទេសចិន។ កងកម្លាំងស្វ័យការពារជើងគោករបស់ជប៉ុននិយាយថា ក្រុមដំបូងនៃកងឧទ្ធម្ភាគចក្រ Ospreys ចំនួន១៧គ្រឿងបានហោះហើរទៅដល់មូលដ្ឋានទ័ពថ្មី Camp Saga ហើយនៅសេសសល់ទៀតនឹងហោះហើរមកដល់នាពាក់កណ្តាលខែសីហាខាងមុខ។ យ៉ាងណា ការប្រើប្រាស់ឧទ្ធម្ភាគចក្រ Ospreys V-22 នៅតែមានភាពចម្រូងចម្រាសនៅក្នុងប្រទេសជប៉ុន ជាពិសេសនៅភាគខាងត្បូង ដោយសារតែកើតមានឧបទ្ទវហេតុជាបន្តបន្ទាប់ទាក់ទងនឹងឧទ្ធម្ភាគចក្រដែលផលិតដោយអាមេរិកមួយនេះ។ ជាក់ស្តែងនៅក្នុងខែវិច្ឆិកា ឆ្នាំ២០២៣ ឧទ្ធម្ភាគចក្រ Osprey របស់កងទ័ពអាកាសអាមេរិកបានធ្លាក់នៅឆ្នេរសមុទ្រភាគខាងត្បូងរបស់ប្រទេសជប៉ុន បណ្តាលឱ្យមនុស្ស ៨នាក់បាត់បង់ជីវិត។ ចំណែកនៅខែតុលា ឆ្នាំ២០២៤ ឧទ្ធម្ភាគចក្រ Osprey កងទ័ពជប៉ុន បានហោះផ្អៀង និងបុកដី នៅពេលព្យាយាមហោះហើរ អំឡុងពេលធ្វើសមយុទ្ធរួមគ្នាជាមួយយោធាអាមេរិក។ ហើយការស៊ើបអង្កេតបានរកឃើញថា បញ្ហានេះកំហុសរបស់មនុស្ស៕ ប្រភព ៖ AP

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក Nicolas NOTEBAERT ប្រធានក្រុមហ៊ុន VINCI Airports និងជាប្រធានក្រុមប្រឹក្សាភិបាលក្រុមហ៊ុន SCA ចូលជួបសម្តែងការគួរសម និងពិភាក្សាការងារ នៅវិមានសន្ដិភាព នាព្រឹក ថ្ងៃទី១០ ខែកក្កដា ឆ្នាំ២០២៥ ។ លោកប្រធានក្រុមហ៊ុន បានថ្លែងអំណរគុណយ៉ាងជ្រាលជ្រៅចំពោះសម្ដេចបវរធិបតីដែលបានចំណាយពេលដ៏មមាញឹកអនុញ្ញាតឱ្យរូបលោក និងសហការី ចូលជួបសម្ដែងការគួរសម។ លោកប្រធានក្រុមហ៊ុនបានថ្លែងអំណរគុណចំពោះរាជរដ្ឋាភិបាលកម្ពុជា ដែលធានាបាននូវសុខសន្តិភាព, ស្ថិរភាព និងការអភិវឌ្ឍរីកចម្រើនលើគ្រប់វិស័យ ដែលជាលក្ខខណ្ឌចាំបាច់នៃការធានាបាននូវស្ថិរភាពនៃវិនិយោគរបស់វិស័យឯកជន ក៏ដូចជាភាពជោគជ័យរបស់ក្រុមហ៊ុន។ លោកប្រធានក្រុមហ៊ុនក៏បានគូសបញ្ជាក់ពីការកើនឡើងគួរឱ្យកត់សម្គាល់នៃចំនួនអ្នកធ្វើដំណើរតាមយន្តហោះ ដែលក្នុងរយៈពេល ៣០ឆ្នាំ មកនេះ ចំនួនអ្នកធ្វើដំណើរមានការកើនឡើងប្រមាណជា ៤០ដង បើប្រៀបធៀបទៅនឹងឆ្នាំ១៩៩៥។ លើសពីនេះ, លោកប្រធានក្រុមហ៊ុនបានជម្រាបជូនដោយសង្ខេបអំពីដំណើរការ និងប្រតិបត្តិការអាជីវកម្មរបស់ក្រុមហ៊ុន ដែលបច្ចុប្បន្នក្រុមហ៊ុនកំពុងតែមមាញឹកដើម្បីត្រៀមលក្ខណៈ ខណៈពេលដែលអាកាសយានដ្ឋានអន្តរជាតិតេជោ គ្រោងនឹងដាក់ឱ្យដំណើរការនាពេលឆាប់ៗខាងមុខ។ ក្រៅពីវិស័យអាកាសចរ, លោកប្រធានក្រុមហ៊ុនក៏បានបន្ថែមទៀតថា ក្រុមហ៊ុនក៏មានចំណាប់អារម្មណ៍វិនិយោគលើវិស័យផ្សេងៗទៀត ដូចជា វិស័យថាមពលស្អាត និងទឹកស្អាត នៅកម្ពុជា ដែលក្រុមហ៊ុនរំពឹងថានឹងចូលរួមជាមួយរាជរដ្ឋាភិបាល ក្នុងការអភិវឌ្ឍសង្គម-សេដ្ឋកិច្ចដែលជាការវិនិយោគ ឈ្នះ…

(ភ្នំពេញ)៖ បច្ចុប្បន្ន កម្ពុជា-ឆែក មានទំនាក់ទំនងល្អប្រសើរ និងមានកិច្ចសហប្រតិបត្ដិការ កាន់តែមានភាពរីកចម្រើន ។ ការលើកឡើងបែបនេះរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសអនុញ្ញាតឲ្យ ឯកឧត្តម Martin Vávra ឯកអគ្គរដ្ឋទូតនៃសាធារណរដ្ឋឆែកប្រចាំនៅកម្ពុជា ចូលជួបសម្តែងការគួរសម និងជម្រាបលា នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃទី១០ ខែកក្កដា ឆ្នាំ២០២៥ ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងនៅក្រោយជំនួបថា សម្ដេចតេជោ ហ៊ុន សែន បានថ្លែងថា រយ:ពេលកន្លងមកដែល ឯកឧត្តម Martin Vávra ឯកអគ្គរដ្ឋទូត នៃសាធារណរដ្ឋឆែកប្រចាំនៅកម្ពុជា បំពេញភារកិច្ចនៅកម្ពុជា គឺបានចូលរួមចំណែកយ៉ាងសំខាន់ ក្នុងការអភិវឌ្ឍទំនាក់ទំនងកម្ពុជា-ឆែក ឱ្យកាន់តែល្អប្រសើរ ។ សម្ដេចតេជោ ហ៊ុន សែន បានថ្លែងថា ឆែក គឺតែងតែនៅជាមួយកម្ពុជាគ្រប់កាល:ទេស: ទោះស្ថិតក្នុងស្ថានភាពណាក៏ដោយ ហើយឆែក បានជួយមកកម្ពុជា ឱ្យតម្លៃកម្ពុជា…

ភ្នំពេញ ៖ ឯកឧត្តម Anatoly Borovik អគ្គរដ្ឋទូតរុស្ស៊ីប្រចាំកម្ពុជា មានប្រសាសន៍ថា ប្រទេសរុស្ស៊ីបានត្រៀមខ្លួនបង្កើនកិច្ចសហប្រតិបត្តិការជាមួយសមាគមប្រជាជាតិអាស៊ីអាគ្នេយ៍ ហៅកាត់ថា អាស៊ាន ចាប់ពីឆ្នាំ២០២៦រហូតដល់ឆ្នាំ២០៣០ខាងមុខ។ ឯកឧត្តម Anatoly Borovik បានថ្លែងបែបនេះក្នុងសន្និសីទសារព័ត៌មាន ស្តីពីគោលនយោបាយការបរទេសរុស្ស៊ី នៅព្រឹកថ្ងៃព្រហស្បតិ៍ ទី១០ ខែកក្កដា ឆ្នាំ២០២៥នេះ នៅស្ថានទូតរុស្ស៊ីប្រចាំកម្ពុជា។ ឯកឧត្តម Borovik បន្តថា ចាប់ពីថ្ងៃទី១០ដល់ថ្ងៃទី១១ ខែកក្កដានេះ ឯកឧត្តម Sergey Lavrov រដ្ឋមន្ត្រីការបរទេសរុស្ស៊ី បានចូលរួមក្នុងកិច្ចប្រជុំរដ្ឋមន្ត្រីការបរទេសអាស៊ាននៅប្រទេសម៉ាឡេស៊ី ហើយក្នុងនោះ រដ្ឋមន្ត្រីការបរទេសរុស្ស៊ីនឹងមានកិច្ចប្រជុំរដ្ឋមន្ត្រីការបរទេសអាស៊ានក្នុងទម្រង់ រុស្ស៊ី-អាស៊ាន កិច្ចប្រជុំកំពូលអាស៊ីបូព៌ា និងវេទិកាតំបន់អាស៊ានផងដែរ។ ឯកឧត្តម Borovik បន្ថែមថា ក្នុងកិច្ចប្រជុំរដ្ឋមន្ត្រីរុស្ស៊ី-អាស៊ាន ទីក្រុងម៉ូស្គូរំពឹងថា នឹងមានកិច្ចសន្ទនាបែបស្ថាបនាលើប្រធានបទជាច្រើននៃអន្តរកម្មជាមួយអាស៊ាន ក្នុងវិស័យនយោបាយ សន្តិសុខ ពាណិជ្ជកម្ម សេដ្ឋកិច្ច វប្បធម៌ និងសង្គម សម្រាប់ឆ្នាំ២០២៦រហូតដល់ឆ្នាំ២០៣០ខាងមុខ ។ ឯកឧត្តមអគ្គរដ្ឋទូតបានបញ្ជាក់ទៀតថា ក្នុងក្របខ័ណ្ឌនៃកិច្ចប្រជុំកំពូលអាស៊ីបូព៌ានេះដែរ រុស្ស៊ីបន្តគាំទ្រនូវការពង្រីកកិច្ចសហប្រតិបត្តិការជាក់ស្តែងដោយស្នើគំនិតផ្តួចផ្តើមថ្មី ដែលជាការបង្កើតយន្តការក្នុងតំបន់សម្រាប់ការឆ្លើយតបយ៉ាងឆាប់រហ័សចំពោះការគំរាមកំហែងនៃជំងឺរាតត្បាត និងការធានានូវកំណើនសេដ្ឋកិច្ច…