Category: ព័ត៌មានជាតិ​

(ភ្នំពេញ)៖ សមត្ថកិច្ចខណ្ឌឫស្សីកែវ ដាក់កំលាំងចុះល្បាត ទប់ស្កាត់បទល្មើសផ្សេងៗ ជាពិសេសក្មេងទំនើង ក្រោមការចង្អុលបង្ហាញពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដោយវិធានការទាំងនេះ កម្លាំងនគរបាលរាជធានីភ្នំពេញ កំពុងអនុវត្តរឹតបន្តឹង ។ នៅថ្ងៃទី២៦ ខែធ្នូ ឆ្នាំ២០២៤ វេលាម៉ោង ០០ ដល់ម៉ោង ៣រំលងអាធ្រាត្រ កំលាំងផ្នែកព្រហ្មទណ្ឌ នៃអធិការដ្ឋាន នគរបាលខណ្ឌឫស្សីកែវ បានល្បាតទប់ស្កាត់បទល្មើស លួច ឆក់ ប្លន់ ជាពិសេស ក្មេងទំនើង ក្នុងភូមិសាស្រ្តខណ្ឌឫស្សីកែវ ។ លោក ហ៊ាង ថារ៉េត អធិការខណ្ឌឫស្សីកែវ បានដាក់បញ្ជាដល់មន្រ្តី ដឹកនាំដោយលោកអធិការរង ផល មេសា ទទួលផែនការងារព្រហ្មទណ្ឌ ចុះល្បាត និងត្រួតពិនិត្យក្នុងមូលដ្ឋាន ដើម្បីថែរក្សា សុខសុវត្ថិភាព ជូនដល់ប្រជាពលរដ្ឋ ៕ ដោយ ៖ វណ្ណលុក

សារព័ត៌មានរបស់ប្រទេសអាស៊ែរបៃហ្សង់ និងមន្ត្រីអាមេរិកមួយរូប បាននិយាយកាលពីថ្ងៃព្រហស្បតិ៍ ២៦ ធ្នូ ថា ក្រុមមន្ត្រី អាស៊ែរបៃហ្សង់ និងមន្ត្រីអាមេរិកជឿថាមីស៊ីលបាញ់ពីដីទៅលើអាកាសរបស់រុស្ស៊ី បានបណ្ដាលឲ្យយន្តហោះដឹកអ្នកដំណើររបស់ប្រទេសអាស៊ែរបៃហ្សង់ បានធ្លាក់ ខណៈវិមានក្រឹមឡាំង ព្រមានប្រឆាំងការចោទប្រកាន់គ្មានមូលដ្ឋានជុំវិញគ្រោះមហន្តរាយនេះ។ អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានថា នោះនឹងក្លាយជាកំហុសក្នុងការបង្កើតសម្មតិកម្មណាមួយ មុនពេលការសន្និដ្ឋាននៃការស៊ើបអង្កេត។ យន្តហោះរបស់ក្រុមហ៊ុនអាកាសចរណ៍អាស៊ែរបៃហ្សង់អ៊ែរឡាញ បានធ្លាក់នៅជិតទីក្រុងអោកតាវ (Aktau)របស់ប្រទេសកាហ្សាក់ស្ថាន ដែលជាមជ្ឈមណ្ឌលប្រេង និងឧស្ម័ន កាលពីថ្ងៃពុធទី២៥ធ្នូសប្ដាហ៍នេះ បន្ទាប់ពីបានហោះហើរ ហើយមូលហេតុនាំឲ្យធ្លាក់នៅមិនទាន់បានកំណត់បានទេ។មនុស្ស ៣៨ នាក់ក្នុងចំណោម ៦៧ នាក់នៅលើយន្តហោះបានស្លាប់។ យន្តហោះ អ៊ីមប្រាយយ៉ា ១៩០ (Embraer 190) ត្រូវបានគេសន្មត់ថាហោះហើរពីភាគពាយ័ព្យពីរដ្ឋធានីបាគូ(Baku)របស់អាស៊ែរបៃហ្សង់ទៅកាន់ទីក្រុងក្រូស្នី(Grozny)ក្នុងតំបន់ឆេកស្នី(Chechnya)ភាគខាងត្បូងនៃប្រទេសរុស្ស៊ី ប៉ុន្តែបានបង្វែរទិសដៅឆ្លងកាត់សមុទ្រកាសព្យែន (Caspian)។ ការស៊ើបអង្កេតកំពុងដំណើរការ ដោយគេហទំព័រដែលគាំទ្ររដ្ឋាភិបាលអាស៊ែរបៃហ្សង់ Caliber បានដកស្រង់សម្តីមន្ត្រីដែលមិនបញ្ចេញឈ្មោះដោយនិយាយថា ពួកគេជឿថា មីស៊ីលរុស្ស៊ីបានបាញ់ចេញពីប្រព័ន្ធការពារដែនអាកាស ផានស្ទ័រ-អេស (Pantsir-S) បានបណ្ដាលឲ្យយន្តហោះនោះធ្លាក់។ ការអះអាងនេះក៏ត្រូវបានរាយការណ៍ដោយសារព័ត៌មានNew York Times ទូរទស្សន៍Euro news និងទីភ្នាក់ងារព័ត៌មានទួរគី…

បេរូត៖ ប្រភពពីមន្ត្រីយោធា និងប្រទេសលីបង់ បានឲ្យដឹងថា ការវាយប្រហារ តាមអាកាសរបស់អ៊ីស្រាអែល បានវាយប្រហារលើ ផ្ទះមួយខ្នង នៅតំបន់ Baalbek ភាគខាងកើតប្រទេសលីបង់ កាលពីថ្ងៃពុធ បើទោះបីជាមានកិច្ចព្រមព្រៀង ឈប់បាញ់គ្នា រវាងប្រទេសលីបង់ និងអ៊ីស្រាអែលក៏ដោយ ។ ទីភ្នាក់ងារព័ត៌មានជាតិផ្លូវការ បានចុះផ្សាយថា កូដកម្មនាពេលព្រឹកព្រលឹម បានវាយប្រហារផ្ទះមួយខ្នង ក្នុងភូមិ Taraya ក្បែរទន្លេ Litani ភាគខាងលិចទីក្រុង Baalbek ដោយមិនបណ្តាល ឲ្យមានអ្នករងរបួសនោះទេ និងបានចោទប្រកាន់ យន្តហោះចម្បាំងអ៊ីស្រាអែលថា “រំលោភលើកិច្ចព្រមព្រៀងឈប់បាញ់” ។ ប្រភពយោធាលីបង់បានប្រាប់ស៊ីនហួថា កាំភ្លើងធំរបស់អ៊ីស្រាអែល ក៏បានបាញ់ផ្លោងជាច្រើនគ្រាប់នៅភូមិ Maroun al-Ras ក្នុងតំបន់ព្រំដែនភាគខាងត្បូង នៅពេលថ្ងៃត្រង់ ។ ប្រភពបានបន្ថែមថា “កងកម្លាំងរបស់អ៊ីស្រាអែល បានលើកទង់ជាតិ អ៊ីស្រាអែល នៅលើភ្នំ Awaida នៅជាយក្រុងភាគខាងត្បូង នៃស្រុក Marjeyoun” ។ ផ្ទាំងពាណិជ្ជកម្ម បទឈប់បាញ់ដែលមានបំណង បញ្ឈប់ការប្រយុទ្ធគ្នាដែលមានរយៈជិត ១៤ខែរវាងអ៊ីស្រាអែល…

បរទេស៖ នៅពេលដែលពិភពលោក រៀបចំសម្រាប់ការវិលត្រឡប់ របស់ប្រធានាធិបតី ជាប់ឆ្នោតអាមេរិកលោក Donald Trump ទៅកាន់សេតវិមានវិញនោះ កោះតៃវ៉ាន់បានរកឃើញថា ខ្លួនស្ថិតនៅចំកណ្តាល រវាងទីក្រុងវ៉ាស៊ីនតោន និងទីក្រុងប៉េកាំង ខណៈដែលកោះនេះ កំពុងប្រឈមមុខនឹងភាព មិនច្បាស់លាស់ អំពីទស្សនវិស័យ នៃទំនាក់ទំនង រវាងសហរដ្ឋអាមេរិក និងកោះតៃវ៉ាន់ និងការបង្កើនសម្ពាធយោធា ពីប្រទេសចិន។ យោងតាមសារព័ត៌មាន VOA ចេញផ្សាយនៅថ្ងៃទី២៦ ខែធ្នូ ឆ្នាំ២០២៤ បានឱ្យដឹងថា លោក Trump បានជ្រើសរើស អ្នកនយោបាយមួយ ចំនួនដែលត្រូវបានគេស្គាល់ថា សម្រាប់ជំហរ ធ្វើគោលនយោបាយ របស់ពួកគេលើប្រទេសចិន ជាអ្នកតែងតាំង ដ៏មានសក្តានុពលសម្រាប់គណៈរដ្ឋមន្ត្រីរបស់លោក រួមទាំង Marco Rubio និង Mike Waltz ប៉ុន្តែអ្នកវិភាគនិយាយថា ការអត្ថាធិប្បាយរបស់ប្រធានាធិបតីជាប់ឆ្នោតអំពីកោះតៃវ៉ាន់នៅលើផ្លូវនៃយុទ្ធនាការ ហើយនៅក្នុងបទសម្ភាសន៍ថ្មីៗនេះ មិនបានផ្តល់ភាពច្បាស់លាស់ច្រើននោះទេ អំពីរបៀបដែលលោកអាច ដោះស្រាយទំនាក់ទំនងដ៏សំខាន់ របស់ទីក្រុងវ៉ាស៊ីនតោន។ លោក J. Michael Cole មន្ត្រីជាន់ខ្ពស់ប្រចាំទីក្រុងតៃប៉ិ…

ប៉េកាំង៖ ប្រទេសចិន បានដាក់តំណាងដ៏ឱឡារិក ជាមួយសហរដ្ឋអាមេរិក ជុំវិញការចុះហត្ថលេខាលើច្បាប់ ស្តីពីការអនុញ្ញាតការពារជាតិ (NDAA) សម្រាប់ឆ្នាំសារពើពន្ធ ២០២៥ ដែលមានខ្លឹមសារអវិជ្ជមាន ទាក់ទងនឹងប្រទេសចិន នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។ អ្នកនាំពាក្យចិនលោកស្រី ម៉ៅ នីង បានធ្វើការកត់សម្គាល់ នៅក្នុងសន្និសីទសារព័ត៌មានប្រចាំថ្ងៃ ដើម្បីឆ្លើយតបទៅនឹងសំណួរដែល ប្រធានាធិបតីសហរដ្ឋអាមេរិកលោក ចូ បៃដិន បានចុះហត្ថលេខាលើ NDAA សម្រាប់ឆ្នាំសារពើពន្ធ ២០២៥ ទៅជាច្បាប់កាលពីថ្ងៃចន្ទ។ លោកស្រីបានសង្កត់ធ្ងន់ថា ភាគីអាមេរិក បានលេងសើចនឹង “ការគំរាមកំហែងរបស់ចិន” ពីមួយឆ្នាំទៅមួយឆ្នាំ បានផ្សព្វផ្សាយការគាំទ្រផ្នែកយោធាដល់កោះតៃវ៉ាន់ រំលោភអំណាចរដ្ឋ ដើម្បីគាបសង្កត់ការអភិវឌ្ឍន៍វិទ្យាសាស្ត្រ បច្ចេកវិទ្យា និងសេដ្ឋកិច្ចរបស់ចិន ព្រមទាំងរឹតបន្តឹងការផ្លាស់ប្តូរសេដ្ឋកិច្ច និងពាណិជ្ជកម្ម ព្រមទាំងប្រជាជន ការផ្លាស់ប្តូរប្រជាជនរវាងចិន និងសហរដ្ឋអាមេរិក។ ទង្វើរបស់អាមេរិកបានធ្វើឱ្យខូចអធិបតេយ្យភាព សន្តិសុខ និងផលប្រយោជន៍អភិវឌ្ឍន៍របស់ចិន ហើយបានបង្អាក់កិច្ចខិតខំប្រឹងប្រែងពីភាគីទាំងពីរ ដើម្បីរក្សាស្ថិរភាពទំនាក់ទំនងទ្វេភាគី។ លោកស្រីបានលើកឡើងថា “ប្រទេសចិនមានការមិនពេញចិត្តជាខ្លាំង និងប្រឆាំងយ៉ាងម៉ឺងម៉ាត់ ចំពោះរឿងនេះ ហើយបានធ្វើការតំណាងយ៉ាងតឹងរ៉ឹង ជាមួយភាគីសហរដ្ឋអាមេរិក”។ ផ្ទាំងពាណិជ្ជកម្ម អ្នកនាំពាក្យរូបនេះបានបន្ដថា…

(ភ្នំពេញ)៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងថ្នាក់ដឹកនាំក្រសួងសុខាភិបាល នាថ្ងៃទី២៥ ខែធ្នូ ឆ្នាំ២០២៤ បានអញ្ជើញចុះពិនិត្យវឌ្ឍនភាព និងសំណេះសំណាល ដើម្បីស្វែងយល់ពីសុខទុក្ខថ្នាក់ដឹកនាំ និងមន្រ្តីរាជការ និងបុគ្គលិក នៃមជ្ឈមណ្ឌលជាតិលើកកម្ពស់សុខភាព ។ ឯកឧត្តមសាស្រ្តាចារ្យរដ្ឋមន្រ្តី បានកោតសរសើរដល់ថ្នាក់ដឹកនាំ មន្រ្តីរាជការ បុគ្គលិក នៃមជ្ឈមណ្ឌលជាតិលើកកំពស់សុខភាព ដែលខិតខំបំពេញការងារយ៉ាងសកម្ម ប្រកបស្មារតីទទួលខុសត្រូវខ្ពស់ សាមគ្គីភាព សុខដុមនីយកម្ម និងការចេះគោរពគ្នាទៅវិញទៅមក ដែលនាំឱ្យមានផលិតភាពការងារ និងការរៀបចំហេដ្ឋារចនាសម្ព័ន្ធមានភាពសមរម្យ និងមានបរិយាកាសការងារមនោរម្យ ។ ឯកឧត្តមសាស្រ្តាចារ្យរដ្ឋមន្រ្តី បានលើកទឹកចិត្តដល់មន្រ្តី បុគ្គលិកមជ្ឈមណ្ឌលទាំងអស់ ត្រូវបង្កើនសមត្ថភាពបន្ថែមទៀត តាមរយៈការបណ្តុះបណ្តាល ជាពិសេសជំនាញក្នុងការបង្កើតនូវគំនិតនវានុវត្តន៍ លើការផលិតសារអប់រំសុខភាពឱ្យកាន់តែទូលំទូលាយ ។ ឯកឧត្តមសាស្រ្តាចារ្យរដ្ឋមន្រ្តី បានណែនាំដល់មជ្ឈមណ្ឌលជាតិ ត្រូវរៀបចំឱ្យផែនការបន្ថែមក្នុងការផលិតសារអប់រំ និងស្ប៉តវីដេអូ ដែលជុំវិញនឹងសុខភាពប្រជាពលរដ្ឋ ការរស់នៅប្រជាពលរដ្ឋ លើកកម្ពស់សុខភាពស្រ្តី កុមារ ទារក និងជាពិសេសបញ្ហាជំងឺទឹកនោមផ្អែម និងជំងឺផ្សេងៗ ដែលបណ្តាលមកពីការពិសាផ្អែម គ្រឿងស្រវឹង និងការជក់បារី។ ឯកឧត្តមបានផ្តាំផ្ញើដល់មន្រ្តីរាជការ និងបុគ្គលិកសុខាភិបាលមជ្ឈមណ្ឌលជាតិទាំងអស់ ត្រូវចេះជួយគ្នា…

ក្រុមអាជ្ញាធរក្នុងតំបន់បាននិយាយថា មនុស្សយ៉ាងហោចណាស់៣៨នាក់បានស្លាប់ បន្ទាប់ពីយន្តហោះដឹកអ្នកដំណើរចំនួន៦៧នាក់ពីប្រទេសអាស៊ែរបៃហ្សង់ទៅកាន់ភាគខាងត្បូងនៃប្រទេសរុស្ស៊ីបានធ្លាក់នៅជិតទីក្រុង អោក តាវ(Aktau)នៃប្រទេសកាហ្សាក់ស្ថាន កាលពីថ្ងៃពុធសប្ដាហ៍នេះ។ ក្រុមហ៊ុនអាកាសចរណ៍នេះបាននិយាយថា ជើងហោះហើរ J2-8243 របស់ក្រុមហ៊ុនអាកាសចរណ៍ អាស៊ែរបៃហ្សង់ អ៊ែរឡាញ (Azerbaijan Airlines)ដែលហោះហើរពីរដ្ឋធានី បាគូ (Baku) របស់ប្រទេសអាស៊ែបៃហ្សង់ ទៅកាន់ទីក្រុង ក្រូស្នី (Grozny) ក្នុងតំបន់ ឆេកស្នីយ៉ា (Chechnya)របស់រុស្ស៊ី បានចុះចតបន្ទាន់ប្រហែល ៣ គីឡូម៉ែត្រ ពីរដ្ឋធានី អោកតាវ ។ កុមារពីរនាក់ស្ថិតក្នុងចំណោមមនុស្ស២៩នាក់ដែលរួចរស់ជីវិតពីការធ្លាក់យន្តហោះនេះ។ ថ្លែងក្នុងសន្និសីទសារព័ត៌មានមួយ ប្រធានាធិបតីអាស៊ែបៃហ្សង់ លោក អ៊ីលហាំ អាលីយ៉េវ (Ilham Aliyev) បាននិយាយថា វាឆាប់ពេកក្នុងការប៉ាន់ស្មានអំពីហេតុផលនៅពីក្រោយការធ្លាក់យន្តហោះនេះ ប៉ុន្តែបាននិយាយថា អាកាសធាតុបានបង្ខំឱ្យយន្តហោះផ្លាស់ប្តូរពីដំណើរដែលបានគ្រោងទុក។ ក្រសួងស្ថានការណ៍គ្រាអាសន្នរបស់កាហ្សាក់ស្ថានបាននិយាយថា ក្រុមការងាររបស់ខ្លួនបានមើលឃើញយន្តហោះកំពុងឆេះពេលមកដល់កន្លែងកើតហេតុ។ អង្គភាពសង្គ្រោះបានចាប់ផ្តើមពន្លត់ភ្លើង។ បច្ចុប្បន្នព័ត៌មានអំពីជនរងគ្រោះកំពុងត្រូវបានបញ្ជាក់ ហើយបើតាមព័ត៌មានបឋមមានអ្នកនៅរស់។ ក្រសួងដឹកជញ្ជូនរបស់ប្រទេសកាហ្សាក់ស្ថានបាននិយាយនៅក្នុងរបាយការណ៍បឋមមួយថា មានអ្នកដំណើរចំនួន ៦២ នាក់ និងសមាជិកអាកាសយានិកចំនួន ៥នាក់នៅលើយន្តហោះ។ យោងតាមទិន្នន័យបឋមបាននិយាយថា អ្នកដំណើរ៣៧នាក់ជាពលរដ្ឋអាស៊ែរបៃហ្សង់ ៦នាក់កាហ្សាក់ស្ថាន…

(ភ្នំពេញ)៖ ក្រោមរូបភាពកាប់ចាក់ និងព្រួតវាយដល់ជនរងគ្រោះយ៉ាងសាហាវ ពីពួកក្រុមក្មេងទំនើងត្រូវបានក្រសួងយុត្តិធម៌ធ្វើការព្រមានចាត់វិធានការផ្លូវច្បាប់ជាដាច់ខាត គ្មានការលើកលែងទេ ហើយព្រមជាមួយគ្នាបានអំពាវនាវដល់ប្រជាពលរដ្ឋត្រូវសហការរាយការណ៍ បើមានករណីនេះកើតឡើងដើម្បីធ្វើការបង្រ្កាប និងចាប់ជនល្មើសមកផ្តន្ទាទោសមិនអត់ឱនឱ្យបានឡើយ ។ ថ្លែងក្នុងសន្និសីទសារព័ត៌មាននារសៀលថ្ងៃទី ២៥ ខែធ្នូ ឆ្នាំ២០២៤នេះ ឯកឧត្តម ជិន ម៉ាលីន រដ្ឋលេខាធិការ ប្រចាំការ ក្រសួងយុត្តិធម៌បានឱ្យដឹងថា ៖ ស្ថាប័នតុលាការ អយ្យការ និងសមត្ថកិច្ចត្រូវតែអនុវត្តច្បាប់ឱ្យបានម៉ឺងម៉ាត់បំផុតចំពោះក្មេងទំនើងបង្កការអុកឡុកក្នុងសង្គម ។ ដូចជាករណី ហិង្សាដ៏សាហាវមួយនៅថ្ងៃទី២២ ខែធ្នូឆ្នាំ២០២៤នៅវេលាម៉ោង ២ទាភ្លឺ ស្ថិតនៅក្នុងភូមិរហែក ឃុំសូភី ស្រុកបាទី ខេត្តតាកែវ ប្រព្រឹត្តិដោយក្មេងទំនើងមួយក្រុមយកកាំបិតផ្គាក់ កាប់លើជនរងគ្រោះបណ្តាលឲ្យមានរបួសធ្ងន់ ស្រាលចំនួន ២នាក់ ។ ឯកឧត្តមបានថ្លែងថាក្រោយប្រព្រឹត្តិបទល្មើសនេះក្រុមជនល្មើសត្រូវបានចាប់ខ្លួន ចំនួន ៣នាក់ និង ៩នាក់ផ្សេងទៀតកំពុងតាមចាប់ខ្លួនដើម្បីយកមកផ្តន្ទាទោស។ អ្នកពាក់ព័ន្ធ និងអ្នកប្រព្រឹត្តិមិនអាចឱ្យរួចពីសំណាញ់ច្បាប់ឡើយ ។ ឯកឧត្តម ជិន ម៉ាលីន បានឲ្យដឹងបន្ថែមថា ចំពោះការអនុវត្តបទបញ្ជារបស់សម្តេចបវរធិបតី នាយករដ្ឋម ន្ត្រី និងចំណាត់ការរបស់ក្រសួងយុត្តិធម៌សំណុំក្មេងទំនើងនៅទូទាំងប្រទេស គិតរហូតមក ដល់ពេលនេះមាន…