Category: ព័ត៌មានជាតិ​

ទីភ្នាក់ងារសារព័ត៌មានរដ្ឋ KCNA បាននិយាយនៅថ្ងៃសុក្រ (១៦ សីហា) នេះថា មេដឹកនាំកូរ៉េខាងជើងលោក គីម ជុងអ៊ុន (Kim Jong Un) បានបញ្ជាក់ជាថ្មីនូវការប្ដេជ្ញាពង្រឹងកិច្ចសហប្រតិបត្តិការកាន់តែស៊ីជម្រៅជាមួយរុស្ស៊ី នៅក្នុងសារមួយទៅកាន់លោកប្រធានាធិបតី វ្ល៉ាឌីមៀ ពូទីន (Vladimir Putin) ខណៈទីក្រុងព្យុងយ៉ាង ប្រារព្ធខួបឯករាជ្យពីការគ្រប់គ្រងអាណានិគមរបស់ប្រទេសជប៉ុន។ សារព័ត៌មាន KCNA បាននិយាយថា នេះគឺជាការឆ្លើយតបទៅនឹងសារអបអរសាទរពីលោក ពូទីន ក្នុងថ្ងៃគម្រប់ខួបទិវារំដោះ ១៥ សីហា ដែលមេដឹកនាំរុស្ស៊ីបាននិយាយថា ចំណងមិត្តភាពត្រូវបានចងភ្ជាប់នៅពេលដែលទាហានសូវៀតបានប្រយុទ្ធជាមួយជប៉ុន ហើយនៅតែបន្តធ្វើជាមូលដ្ឋានគ្រឹះនៃទំនាក់ទំនងរបស់ភាគីទាំងពីរ។ លោក Kim បាននិយាយថា «អារម្មណ៍មិត្តភាពរវាងកងទ័ព និងប្រជាជននៃប្រទេសទាំងពីរបានបង្កើតឡើង និងស៊ីជម្រៅក្នុងការតស៊ូបង្ហូរឈាមប្រឆាំងនឹងសត្រូវរួមគ្នា បម្រើជាកម្លាំងចលករដ៏រឹងមាំសម្រាប់ការអភិវឌ្ឍទំនាក់ទំនងមិត្តភាព និងកិច្ចសហប្រតិបត្តិការទៅជាភាពជាដៃគូយុទ្ធសាស្ត្រគ្រប់ជ្រុងជ្រោយ និងសមមិត្តដែលមិនអាចកាត់ថ្លៃបាន»។ លោក គីម និងលោក ពូទីន បានបើកកិច្ចប្រជុំកំពូលលើកទី២ ក្នុងរយៈពេលតិចជាងមួយឆ្នាំក្នុងខែមិថុនា នៅទីក្រុងព្យុងយ៉ាង ដោយបានចុះហត្ថលេខាលើកិច្ចព្រមព្រៀងស្តីពី «ភាពជាដៃគូយុទ្ធសាស្ត្រគ្រប់ជ្រុងជ្រោយ» ដែលរួមមានកិច្ចព្រមព្រៀងការពារជាតិទៅវិញទៅមក។ កិច្ចព្រមព្រៀងនោះបានកើតឡើងស្របពេលមានការចោទប្រកាន់ពីកូរ៉េខាងត្បូង អ៊ុយក្រែន និងអាមេរិកថា លោក គីម…

កាលពីថ្ងៃព្រហស្បតិ៍សប្ដាហ៍នេះអ៊ុយក្រែន បានអះអាងពីការវាយរុលទៅមុខថ្មីក្នុងការវាយលុករបស់ខ្លួនចូលក្នុងប្រទេសរុស្ស៊ីដោយនិយាយថាខ្លួនបានដណ្តើមយកផ្ទៃដីជាង ១.១០០ គីឡូម៉ែត្រក្រឡាក្នុងការវាយប្រហារដ៏ធំបំផុតដោយកងទ័ពបរទេសនៅលើទឹកដីរុស្ស៊ីចាប់តាំងពីសង្គ្រាមលោកលើកទីពីរ។ រុស្ស៊ី បាននិយាយថា ខ្លួនបានដណ្តើមយកមកវិញនូវភូមិដំបូងពីកងកម្លាំងអ៊ុយក្រែននៅក្នុងតំបន់ព្រំដែន ឃើស (Kursk) ហើយបានប្រកាសថាខ្លួនកំពុងបញ្ជូនកងកម្លាំងបន្ថែម ទៅកាន់តំបន់ បេលកូរុដ (Belgorod) ដែលនៅជិតខាងនោះ។ ចំណែកអ៊ុយក្រែន បាននិយាយថាឥឡូវនេះកងទ័ពរបស់ខ្លួនបានគ្រប់គ្រងភូមិរាប់សិបកន្លែង និង ទីប្រជុំជន ស៊ូដហ្សា ( Sudzha) ស្ថិតនៅចម្ងាយ៨គីឡូម៉ែត្រពីព្រំដែន។ មេបញ្ជាការយោធាជាន់ខ្ពស់ អ៊ុយក្រែន លោក អូឡេកសាន់ឌើ ស៊ីស្គី (Oleksandr Syrsky) បាននិយាយថា យើងបានគ្រប់គ្រងលើទឹកដី ទំហំ ១.១៥០ គីឡូម៉ែត្រក្រឡា និងភូមិចំនួន៨២ក្នុងដែនដីរបស់រុស្ស៊ី។ កងទ័ពអ៊ុយក្រែនបានចាប់ផ្តើមការវាយលុកកាលពីថ្ងៃទី ៦ ខែសីហា ដោយបំបែកការបរាជ័យជាច្រើនខែ សម្រាប់កងទ័ពដែលបានទប់ទល់ការវាយលុករបស់រុស្ស៊ីអស់រយៈពេលជាង ២ ឆ្នាំមកនេះ៕

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសម្តែងការហួសចិត្តចំពោះជនឧទ្ទាមក្រៅច្បាប់ម្នាក់ ដែលមានឈ្មោះថា ហៃ វណ្ណា ដែលជាជន​អុជអាល​ និងបះបោរឲ្យបងប្អូនប្រជាពលរដ្ឋខ្មែរនៅក្នុងប្រទេសធ្វើបាតុកម្ម ផ្តួលរំលំរាជរដ្ឋាភិបាលស្របច្បាប់ ដោយជននេះមានចេតនាធំបំផុតគឺចង់ឃើញសេដ្ឋកិច្ចធ្លាក់ក្បាលចុះ ដើម្បីបំពេញមហិច្ឆតារបស់ខ្លួន ខណៈខ្លួននិងក្រុមគ្រួសារកំពុងរស់ស្រណុកសុខស្រួលនៅប្រទេសជប៉ុននោះ។ តាមរយៈហ្វេសបុក និងតេលេក្រាម នាព្រឹកថ្ងៃទី១៦ ខែសីហា ឆ្នាំ២០២៤នេះសម្តេចធិបតី នាយករដ្ឋមន្រ្តី បានបញ្ជាក់ថា «ខ្ញុំហួសចិត្តពេលបានស្ដាប់សាររបស់បុគ្គលឈ្មោះ ហៃ វណ្ណា (មេដឹកនាំបាតុកម្មនៅប្រទេសជប៉ុន) ព្រោះថាបុគ្គលនេះ មិនខ្លាចយកឆ្នាំងបាយ​របស់​ប្រជាពលរដ្ឋខ្មែរ​រាប់លាននាក់​នៅក្នុង​ប្រទេស​វាយបំបែកចោល ដើម្បីសម្រេចបាននូវ​មហិច្ឆតា​នយោបាយរបស់គេក្នុងការផ្ដួលរំលំរាជរដ្ឋាភិបាល»។ សម្តេចធិបតី បានបញ្ជាក់បន្ថែមទៀតថា«ខ្ញុំកោតតែបុគ្គលនេះនិយាយទៅរួច ថា​បើ​សេដ្ឋកិច្ច​ស្រុកខ្មែរ​ដាំក្បាលចុះ នឹងមិនប៉ះពាល់ប្រជាពលរដ្ឋខ្មែរទេ។ មិនតែប៉ុណ្ណោះបុគ្គលនេះខំប្រឹង​អំពាវនាវ​អោយក្រុមគេនៅក្នុងប្រទេស រិះរកវិធីសាស្ត្រធ្វើយ៉ាងណា​ដុតអោយសេដ្ឋកិច្ចខ្មែរ​ដាំក្បាលចុះ ដុតកាន់តែយូរកាន់តែល្អ»។ ជាមួយគ្នានោះដែរសម្តេចធិបតី នាយករដ្ឋមន្រ្តី ក៏បានលើកឡើងផងដែរថា ហៃ វណ្ណា និយាយនេះ​ប្រហែលជាសំដៅទៅលើគ្រួសាររបស់ខ្លួននោះឯង ព្រោះថាទាំងគាត់ទាំងក្រុមគ្រួសារបុគ្គលនេះ បានកំពុងរស់នៅប្រទេសជប៉ុន ហេតុដូច្នេះបើសេដ្ឋកិច្ចខ្មែរដាំក្បាលចុះមែននោះ ប្រាកដ​ជា​មិនប៉ះពាល់បុគ្គលនេះនឹងក្រុមគ្រួសារទេ។ ប៉ុន្តែសួរថា​ប៉ះពាល់ជីវភាពរស់នៅរបស់ប្រជាជនខ្មែរ​រាប់លាននាក់​ដែលកំពុង​រស់នៅក្នុង​ប្រទេស​កម្ពុជាឬទេ? សូមបងប្អូនប្រជាពលរដ្ឋខ្មែរទាំងអស់ស្ដាប់សារនេះហើយពិចារណាចុះ ជាពិសេស​អ្នក​ដែល​កំពុងរស់នៅក្នុងប្រទេសកម្ពុជាយើង៕អត្ថបទបាន ចក់

ភ្នំពេញ ៖ ក្នុងឱកាសនៃជំនួបនេះ លោក Masahiko Metoki អគ្គនាយកនៃសហភាពប្រៃសណីយ៍សកល (UPU) បានកោតសសើរចំពោះភាពរីកចម្រើនរបស់កម្ពុជា និងបានវាយតម្លៃខ្ពស់ចំពោះជោគជ័យនៃគម្រោងទំនើបកម្មដំណើរការប្រតិបត្តិការប្រៃសណីយ៍នៅកម្ពុជា ដែលមានការចូលរួមពី UPU និងប្រទេសជប៉ុន។ លោកអគ្គនាយកបានគូសបញ្ជាក់ថា ជោគជ័យនៃគម្រោងនេះ គឺដោយសារកម្ពុជាមានឆន្ទៈក្នុងការធ្វើឱ្យប្រសើរឡើងនូវវិស័យនេះ និងបានចាត់ទុកកម្ពុជា ជាប្រទេសគំរូមួយក្នុងកិច្ចប្រឹងប្រែងធ្វើទំនើបកម្មវិស័យប្រៃសណីយ៍ ។ លោកអគ្គនាយក ក៏បានអរគុណរាជរដ្ឋាភិបាលកម្ពុជាដែលបានទទួលធ្វើជាម្ចាស់ផ្ទះរៀបចំ “កិច្ចប្រជុំក្រុមប្រឹក្សាប្រតិបត្តិនៃសហភាពប្រៃសណីយ៍អាស៊ីប៉ាស៊ីហ្វិក” ដែលបានប្រព្រឹត្តទៅកាលពីថ្ងៃទី១២-១៤ ខែសីហា ឆ្នាំ២០២៤ នៅខេត្តសៀមរាប។ ការណ៍នេះគូសបញ្ជាក់ថា កម្ពុជាយកចិត្តទុកដាក់លើសារៈសំខាន់នៃការកសាងបណ្តាញប្រៃសណីយ៍។ សម្តេចធិបតី បានអរគុណនិងវាយតម្លៃខ្ពស់ចំពោះកិច្ចសហប្រតិបត្តិការរបស់ UPU ក្នុងការធ្វើទំនើបកម្មក្នុងវិស័យប្រៃសណីយ៍ នៅកម្ពុជា ដែលរួមចំណែកដល់ការអភិវឌ្ឍសង្គម-សេដ្ឋកិច្ចរបស់ប្រទេស និងបានលើកទឹកចិត្តឱ្យសហភាព UPU បន្តកិច្ចសហប្រតិបត្តិការក្នុងការគាំទ្រ និងចែករំលែកបទពិសោធន៍ និងចំណេះធ្វើ ពាក់ព័ន្ធនឹងបច្ចេកវិទ្យា និងសមត្ថភាពក្នងវិស័យប្រៃសណីយ៍ ជាមួយកម្ពុជា បន្តទៀត។ លោកអគ្គនាយកបានសន្យានឹងបន្តគាំទ្រកិច្ចសហប្រតិបត្តិការលើវិស័យប្រៃសណីយ៍នៅកម្ពុជា៕

គណបក្សភឿថៃ បានប្រកាសឲ្យដឹងនៅថ្ងៃព្រហស្បតិ៍នេះថា ពួកគេសម្រេចជ្រើសរើលលោកស្រី Paetongtarn Shinawatra វ័យ ៣៧ឆ្នាំ ដែលជាកូនស្រីមហាសេដ្ឋីរបស់លោកអតីតនាយករដ្ឋមន្រ្តី Thaksin Shinawatra ជាបេក្ខជននាយករដ្ឋមន្រ្តីថៃ រយៈពេល ១ថ្ងៃប៉ុណ្ណោះ ក្រោយតុលាការធម្មនុញ្ញ បានបណ្តេញនាយករដ្ឋមន្រ្តីកំពុងកាន់អំណាចលោក Srettha Thavisin ចេញពីតំណែង ពាក់ព័ន្ធករណីបំពានរដ្ឋធម្មនុញ្ញ ។ លោក Sorawong Thienthong គឺជាអគ្គលេខាធិការបក្ស និយាយប្រាប់សន្និសីទសារព័ត៌មាននៅទីក្រុងបាងកកថា ពួកយើងសម្រេចតែងទាំងលោកស្រី Paetongtarn Shinawatra ជាបេក្ខជននាយករដ្ឋមន្រ្តីថៃ ។ ថ្ងៃសុក្រស្អែកនេះ ក្រុមតំណាងរាស្រ្ត នឹងបោះឆ្នោតនៅសភាថាតើពួកគេនឹងយល់ព្រមដែរឬទេ ឲ្យលោកស្រី Paetongtarn ធ្វើជានាយករដ្ឋមន្រ្តី ជាទីដែលគណបក្សភឿថៃ ដឹកនាំរដ្ឋាភិបាលចម្រុះ ។ ការបោះឆ្នោតនេះ កើតមានឡើង ក្រោយកាលពីថ្ងៃពុធ តុលាការធម្មនុញ្ញថៃ បណ្តេញលោក Thavisin ចេញពីតំណែងនាយករដ្ឋមន្រ្តី បន្ទាប់ពីសម្រេចថារូបលោកបានបំពានច្បាប់ តាមរយៈការតែងតាំងរដ្ឋមន្ត្រីខុទ្ទកាល័យដែលមានទោសព្រហ្មទណ្ឌ ។ សូមបញ្ជាក់ថា លោក Srettha គឺជានាយករដ្ឋមន្រ្តីទី ៣មកពីគណបក្សភឿថៃ ដែលត្រូវបានបណ្តេញចេញពីតំណែងដោយតុលាការធម្មនុញ្ញ…

តំណាងអចិន្ត្រៃយ៍របស់អ៊ីរ៉ង់ប្រចាំអង្គការអន្តរជាតិ នៅទីក្រុងហ្សឺណែវ លោក Ali Bahraini បានថ្លែងថា អង្គការសហប្រជាជាតិ គួរតែប្រកាសអ៊ីស្រាអែលជារបបភេរវកម្ម ដោយសារការស្លាប់ជនស៊ីវិលយ៉ាងច្រើននៅតំបន់ហ្កាហ្សាស្ទ្រីប។ លោកបានសរសេរនៅក្នុងលិខិតមួយទៅកាន់ឧត្តមស្នងការUទទួលបន្ទុកសិទ្ធិមនុស្សលោក Volker Turk និងអ្នករាយការណ៍ពិសេសពីរនាក់របស់អង្គការនេះថា៖«អនុលោមតាមមាត្រា ២.១នៃអនុសញ្ញាអន្តរជាតិសម្រាប់ការបង្ក្រាបការផ្តល់ហិរញ្ញប្បទានភេរវកម្ម ស្ថាប័ននានានៃរបបអ៊ីស្រាអែល គួរតែត្រូវបានទទួលស្គាល់ថា ជាអង្គការភេរវកម្ម។ ដូច្នេះហើយ សកម្មភាពដែលរបបអ៊ីស្រាអែល បានធ្វើឡើងប្រឆាំងនឹងប្រជាជនប៉ាឡេស្ទីន គឺជាអំពើភេរវនិយមយ៉ាងច្បាស់»។ ខ្លឹមសារនៃលិខិតរបស់លោក ត្រូវបានដកស្រង់ដោយទីភ្នាក់ងារសារព័ត៌មាន Tasnim។ លោក Bahraini បាននិយាយថា៖«តាមរយៈការសម្លាប់មេដឹកនាំប៉ាឡេស្ទីនអស់ជាច្រើននាក់ អ៊ីស្រាអែល ស្វែងរកការបំផ្លាញអត្តសញ្ញាណនយោបាយប៉ាឡេស្ទីន និងដកហូតសិទ្ធិជាមូលដ្ឋានរបស់ប្រជាជនប៉ាឡេស្ទីនមិនឲ្យទទួលបានរដ្ឋឯករាជ្យ»។ លោកបានទាមទារឲ្យអង្គការសហប្រជាជាតិ ថ្កោលទោសការធ្វើឃាតប្រធានការិយាល័យនយោបាយរបស់ក្រុមហាម៉ាស លោក អ៊ីស្មេល ហានីយេ នៅក្នុងទីក្រុងតេអេរ៉ង់នៃប្រទេសអ៊ីរ៉ង់។

បេក្ខជនប្រធានាធិបតីនៃគណបក្សសាធារណរដ្ឋ លោក ដូណាល់ ត្រាំ (Donald Trump) បានធ្វើការរិះគន់ជាបន្តបន្ទាប់ ទាំងការវាយប្រហារផ្ទាល់ខ្លួន និងផ្អែកលើគោលនយោបាយទៅលើគូប្រជែងប្រជាធិបតេយ្យរបស់ខ្លួនគឺលោកស្រី កាម៉ាឡា ហារីស (Kamala Harris) ក្នុងសុន្ទរកថាមួយកាលពីថ្ងៃពុធ (១៤ សីហា) ដោយសង្ឃឹមថានឹងអាចងើបឡើងវិញក្រោយប្រជាប្រិយភាពក្នុងការស្ទង់មតិរបស់លោកបានធ្លាក់ចុះ។ សម្ព័ន្ធមិត្ត ម្ចាស់ជំនួយ និងទីប្រឹក្សាមួយចំនួនបានសម្តែងការព្រួយបារម្ភចំពោះការវាយប្រហាររបស់លោក Trump ទៅលើប្រាជ្ញាស្មារតីរបស់អនុប្រធានាធិបតីសហរដ្ឋអាមេរិករូបនេះ ហើយបានស្នើឱ្យលោកផ្លាស់ប្ដូរវិធីសាស្រ្តដោយផ្តោតទៅលើគោលនយោបាយបរាជ័យដែលលោកស្រី Harris បានផ្សព្វផ្សាយក្នុងពេលកាន់តំណែងជំនួសវិញ។ ថ្លែងទៅកាន់អ្នកគាំទ្រនៅក្រុង អាសស្វីល (Asheville) រដ្ឋ ណសខារ៉ូឡាញណា (North Carolina) លោក Trump បានរិះគន់អត្តសញ្ញាណជាតិសាសន៍របស់លោកស្រី Harris ហើយបានវាយប្រហារលើគោលនយោបាយយ៉ាងលម្អិតជាងពេលមុនៗ។ ប៉ុន្តែភាគច្រើនលោកផ្ដោតលើការវាយប្រហារផ្ទាល់ខ្លួន ដោយបានហៅលោកស្រី Harris ថាជា «មនុស្សល្ងង់» និងរិះគន់សំណើចរបស់លោកស្រីថា «នោះជាការសើចរបស់មនុស្សដែលមានបញ្ហាក្នុងខ្លួន»។ ចាប់តាំងពីទទួលបានតំណែងជាបេក្ខភាពប្រធានាធិបតីរបស់បក្សមក លោកស្រី Harris បានផ្លាស់ប្តូរការប្រកួតប្រជែងយ៉ាងខ្លាំង ដោយការស្ទង់មតិខ្លះបានបង្ហាញពីការនាំមុខយ៉ាងប្រកៀកប្រកិតនឹងលោក Trump ហើយឥឡូវនេះការស្ទង់មតិមួយចំនួនបង្ហាញថា លោកស្រីនាំមុខជាច្រើនពិន្ទុក្នុងការប្រជែងតំណែងសេតវិមាននៃការបោះឆ្នោតនៅថ្ងៃទី០៥ ខែវិច្ឆិកា៕

អភិបាលស្តីទីនៅតំបន់ ឃើស្ក៍ (Kursk) លោក អាឡិចស៊ី ស្មឺនូវ (Alexei Smirnov) បាននិយាយកាលពីល្ងាចថ្ងៃពុធ (១៤ សីហា) ថា អាជ្ញាធរនៅក្នុងតំបន់ Kursk របស់ប្រទេសរុស្ស៊ី បានសម្រេចចិត្តជម្លៀសប្រជាជននៃស្រុក គ្លូសខូវ (Glushkov) របស់ខ្លួន ខណៈស្ថានភាពកាន់តែតានតឹងខ្លាំងឡើងស្របពេលមានការបន្តវាយរុលដោយកងកម្លាំងអ៊ុយក្រែន ចូលទៅក្នុងតំបន់ព្រំដែនមួយនេះ។ ស្រុកនេះមានព្រំប្រទល់ជាប់ប្រទេសអ៊ុយក្រែនដោយផ្ទាល់ និងមានប្រជាជនប្រហែល ២០.០០០នាក់ ហើយលោក Smirnov បាននិយាយនៅលើកម្មវិធីផ្ញើសារតេលេក្រាមថា នគរបាល និងស្ថាប័នរដ្ឋផ្សេងទៀតនឹងសម្របសម្រួលដំណើរការជម្លៀសចេញនេះ។ អ៊ុយក្រែន បាននិយាយកាលពីថ្ងៃពុធថា ការវាយលុកឆ្លងព្រំដែនរបស់ខ្លួនបានវាយឆ្ពោះទៅមុខពីមួយទៅពីរគីឡូម៉ែត្រចូលទៅក្នុងតំបន់ Kursk ចាប់តាំងព្រឹកថ្ងៃដដែលនេះមក ហើយកងទ័ពរបស់ខ្លួនបានបញ្ចប់ការបោសសំអាតកងកម្លាំងរបស់ទីក្រុងមូស្គូ ក្នុងទីក្រុងព្រំដែនរុស្ស៊ី ស៊ូដហ្សា (Sudzha)។ ក្រុមមន្ត្រីរុស្ស៊ីបាននិយាយថា មនុស្សជិត ២០០.០០០នាក់ត្រូវបានជម្លៀសចេញរួចមកហើយពីតំបន់នានានៅជុំវិញនោះបន្ទាប់ពីការវាយប្រហារនេះ៕

ប្រព័ន្ធផ្សព្វផ្សាយរបស់របបសឹកបាននិយាយថា ប្រមុខរបបយោធាមីយ៉ាន់ម៉ា និងរដ្ឋមន្ត្រីការបរទេសចិន កាលពីថ្ងៃពុធ (១៣ សីហា) បានជួបពិភាក្សាអំពីសន្តិសុខនៅតាមព្រំដែនរួមគ្នារបស់ពួកគេ ដែលក្រុមប្រដាប់អាវុធជនជាតិភាគតិចបានដណ្តើមយកពីយោធាមីយ៉ាន់ម៉ា ក្នុងប៉ុន្មានសប្តាហ៍ថ្មីៗនេះ។ ប្រទេសចិន គឺជាសម្ព័ន្ធមិត្តដ៏សំខាន់ និងជាអ្នកផ្គត់ផ្គង់អាវុធដល់របបសឹក ប៉ុន្តែក្រុមអ្នកវិភាគនិយាយថាចិនក៏រក្សាទំនាក់ទំនងជាមួយក្រុមប្រដាប់អាវុធជនជាតិភាគតិចដែលកំពុងប្រយុទ្ធនឹងយោធានៅក្នុងរដ្ឋសាន (Shan) ភាគខាងជើងសហភាពមីយ៉ាន់ម៉ាផងដែរ។ ជំនួបនៅរដ្ឋធានីណៃពិដោ (Naypyidaw) គឺជាជំនួបលើកដំបូងរវាងលោក វ៉ាង យី (Wang Yi) និងលោក មីន អ៊ុងល៉ាំង (Min Aung Hlaing) ប្រមុខរបបសឹក ដែលបានដណ្តើមអំណាចនៅឆ្នាំ២០២១ ក្នុងរដ្ឋប្រហារ។ ភាគីទាំងពីរបានពិភាក្សាអំពី «ស្ថិរភាពនៃតំបន់ព្រំដែន» នេះបើយោងតាមការលើកឡើងរបស់របបសឹកចំពោះកិច្ចប្រជុំ។ លោក Min Aung Hlaing និងលោក Wang ក៏បាន «ពិភាក្សា និងផ្លាស់ប្តូរទស្សនៈដោយបើកចំហទាក់ទងនឹងការបោះឆ្នោតសកលពហុបក្សដោយសេរី និងយុត្តិធម៌ផងដែរ»។ របបសឹកបានសន្យារៀបចំការបោះឆ្នោតថ្មី ប៉ុន្តែអ្នករិះគន់និយាយថា ការបោះឆ្នោតណាមួយនឹងត្រឹមតែជារឿងបោកប្រាស់ប៉ុណ្ណោះ។ របបសឹកបានរុញច្រានពេលវេលាសម្រាប់ការបោះឆ្នោតជាច្រើនដង ហើយកាលពីឆ្នាំមុនបានហាមឃាត់គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ដែលមានប្រជាប្រិយភាពយ៉ាងទូលំទូលាយរបស់លោកស្រី អ៊ុងសាន ស៊ូជី៕