Category: ព័ត៌មានជាតិ​

សមត្ថកិច្ច បានឱ្យដឹងថា វេលាម៉ោង ១២ និង១០នាទីយប់ ឈានចូលថ្ងៃទី២៥ ខែតុលា ឆ្នាំ២០២៤នេះ អគ្គិភ័យឆាបឆេះរោងចក្រមួយកន្លែងដែលស្ថិតនៅច្រកចូលខ្លោងទ្វារវត្តព្រៃស្ពឺ ផ្លូវជាតិលេខ៣ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ គិតមកដល់ម៉ោង០៦ព្រឹកថ្ងៃដដែលនេះ សមត្ថកិច្ចអគ្គិភ័យនៅមិនទាន់គ្រប់គ្រងបានទាំងស្រុងនៅឡើយទេ។ ទោះយ៉ាងណាករណីនេះ អាជ្ញាធរ និងសមត្ថកិច្ចនៅមិនទាន់បានបញ្ជាក់ថា មានគ្រោះថ្នាក់ធ្ងន់ធ្ងរដល់មនុស្សណាម្នាក់នៅឡើយទេ ជាក់ស្ដែងមានសមត្ថកិច្ចម្នាក់ទទួលរងរបួសជើង។ កម្លាំងអន្តរាគមន៍ពីក្រុមពន្លត់អគ្គិភ័យក៏បានចេញជួយជាបន្តបន្ទាប់ និងគ្រប់គ្រងស្ថានការណ៍បានប្រមាណ៧០ ទៅ៨០ភាគរយហើយ៕វ៉ាន់ដា

ព្យុះត្រូពិច ត្រាមី (Trami) បានបោកបក់ដល់ដីនៅផ្នែកភាគឦសាននៃកោះភាគខាងជើង លូហ្សូន (Luzon) ដ៏សំខាន់របស់ប្រទេសហ្វីលីពីន នៅព្រឹកថ្ងៃព្រហស្បតិ៍ (២៤ តុលា) នេះ ដោយបង្ខំឱ្យសាលារៀន និងការិយាល័យរដ្ឋាភិបាលត្រូវបិទរយៈពេលពីរថ្ងៃជាប់គ្នា ខណៈភ្នាក់ងារគ្រោះមហន្តរាយបានទប់ទល់នឹងភ្លៀង និងទឹកជំនន់បន្ថែមទៀត ហើយមនុស្សយ៉ាងតិច ១៤នាក់បានស្លាប់។ ទីភ្នាក់ងារអាកាសធាតុរដ្ឋ បាននិយាយនៅក្នុងព្រឹត្តិបត្រអាកាសធាតុម៉ោង ៨ព្រឹក (ម៉ោងក្នុងស្រុក) ថា ព្យុះ Trami ដែលមានល្បឿនខ្យល់បក់អតិបរមា ៩៥គីឡូម៉ែត្រក្នុងមួយម៉ោង និងខ្យល់កន្រ្តាក់រហូតដល់ ១៦០គីឡូម៉ែត្រក្នុងមួយម៉ោង កំពុងធ្វើដំណើរឆ្ពោះទៅទិសខាងលិចឆ្លងកាត់ខេត្ត អ៊ីសាបេឡា (Isabela) ឆ្ពោះទៅសមុទ្រចិនខាងត្បូង។ ទីភ្នាក់ងារអាកាសធាតុបានព្រមានពីភ្លៀងធ្លាក់យ៉ាងខ្លាំង ទឹកជំនន់ បំណាក់ដី និងរលកសមុទ្រធំៗសម្រាប់ខេត្តភាគខាងជើងមួយចំនួន។ ក្រុមមន្ត្រីបាននិយាយកាលពីថ្ងៃពុធថា ព្យុះដែលត្រូវបានគេហៅក្នុងស្រុកថា គ្រីស្ទីន (Kristine) នេះបានសម្លាប់មនុស្សយ៉ាងហោចណាស់ ១៤នាក់រួចមកហើយ ក្នុងពេលធ្វើដំណើរបោកបក់ទៅកាន់ប្រទេសហ្វីលីពីន ដោយអ្នកស្លាប់ ១២នាក់នៅកណ្តាលទីក្រុង ណាហ្កា (Naga)។ អ្នកស្រុករាប់ពាន់នាក់បានភៀសខ្លួនចេញពីផ្ទះសម្បែងរបស់ពួកគេនៅតំបន់ ប៊ីខូល (Bicol) ភាគកណ្តាល ខណៈទឹកជំនន់បានឡើងដល់កម្រិតខ្ពស់រហូតដល់ដំបូលផ្ទះបឹងហ្គាឡូ។ ហ្វីលីពីន ជាធម្មតាកត់ត្រាជាមធ្យមនូវព្យុះត្រូពិចចំនួន២០ ក្នុងមួយឆ្នាំ…

វ៉ាស៊ីនតោន៖ រដ្ឋមន្ត្រីហិរញ្ញវត្ថុអាមេរិក លោកស្រី Janet Yellen កាលពីថ្ងៃអង្គារនិយាយថា សហរដ្ឋអាមេរិកនឹងផ្តល់វិភាគទានទំហំ ២០ពាន់លានដុល្លារដល់កញ្ចប់កម្ចីក្រុមប្រទេស G7 សម្រាប់ជួយអ៊ុយក្រែន ហើយអាចនឹងប្រកាសនាពេលឆាប់ៗនេះនូវទណ្ឌកម្មថ្មី ដែលផ្តោតលើការទិញអាវុធរុស្ស៊ី។ លោកស្រី Yellen បានប្រាប់សន្និសីទសារព័ត៌មានមួយថា កញ្ចប់ប្រាក់កម្ចីទំហំ ៥០ពាន់លានដុល្លារកាន់តែជិតឈានដល់ហើយ នៅពេលដែលមេដឹកនាំហិរញ្ញវត្ថុពិភពលោក ប្រមូលផ្តុំគ្នានៅទីក្រុងវ៉ាស៊ីនតោន សម្រាប់កិច្ចប្រជុំប្រចាំឆ្នាំរបស់មូលនិធិរូបិយវត្ថុអន្តរជាតិ (IMF) និងធនាគារពិភពលោក (WB) នៅចុងសប្តាហ៍នេះ។ លោកស្រី Yellen បានបញ្ជាក់យ៉ាងដូច្នេះថា យើងរំពឹងថា នឹងអាចផ្តល់ប្រាក់ ២០ពាន់លានដុល្លារដល់កញ្ចប់ប្រាក់កម្ចី G7 ដែលមានទំហំ ៥០ពាន់លានដុល្លារ។ ហើយលោកស្រីបានអះអាងទៀតថា ការទទួលបានប្រភពហិរញ្ញប្បទានសម្រាប់ប្រក់កម្ចីទាំងនេះ មិនមែនក្លាយជាអ្នកជាប់ពន្ធអាមេរិកនោះទេ។ រដ្ឋមន្ត្រីហិរញ្ញវត្ថុអាមេរិករូបនេះបន្ថែមថា ទីក្រុងវ៉ាស៊ីនតោនក៏គ្រោងនឹងប្រកាសដាក់ទណ្ឌកម្មថ្មីនៅដើមសប្តាហ៍ក្រោយ ដែលផ្តោតលើប្រទេសរុស្ស៊ី ជុំវិញសង្គ្រាមនៅអ៊ុយក្រែនផងដែរ។ ការអត្ថាធិប្បាយរបស់លោកស្រី Yellen កើតឡើងពីរសប្តាហ៍មុនការបោះឆ្នោតប្រធានាធិបតីអាមេរិក ដែលក្នុងនោះបេក្ខជនគណបក្សសាធារណរដ្ឋ លោក Donald Trump និងអនុប្រធានាធិបតីគណបក្សប្រជាធិបតេយ្យ លោកស្រី Kamala Harris កំពុងតែរត់ប្រណាំងប្រជែងតំណែងនៅសេតវិមាន៕ ប្រភព៖ AFP ប្រែសម្រួលដោយ៖…

ព្យុងយ៉ាង៖ លោកស្រី គីម យ៉ូជុង ជាមន្ត្រីជាន់ខ្ពស់កូរ៉េខាងជើង និងជាប្អូនស្រីបង្កើតមេដឹកនាំកូរ៉េខាងជើង លោក គីម ជុងអ៊ុន បានរិះគន់ និងហៅកូរ៉េខាងត្បូង និងអ៊ុយក្រែនថា ជា “មនុស្សឆ្កួត” ដែលហ៊ានគំរាមកំហែងប្រទេសមានអាវុធនុយក្លេអ៊ែរ។ ទីភ្នាក់ងារព័ត៌មានរដ្ឋ KCNA របស់កូរ៉េខាងជើង កាលពីថ្ងៃអង្គារ បានស្រង់សម្តីលោកស្រី គីម យ៉ូជុង ចេញផ្សាយថា ការកត់សម្គាល់ដែលមិនប្រុងប្រយ័ត្នរបស់ពួកគេ ដែលសំដៅលើកូរ៉េខាងត្បូង និងអ៊ុយក្រែន ហាក់ដូចជាលក្ខណៈទូទៅនៃសត្វឆ្កែអាក្រក់ចិញ្ចឹមដោយសហរដ្ឋអាមេរិក។ ការអត្ថាធិប្បាយរបស់លោកស្រី គីម នេះកើតឡើងបន្ទាប់ពីមន្ត្រីអ៊ុយក្រែនអះអាងថា ទាហានកូរ៉េខាងជើងត្រូវបានដាក់ពង្រាយនៅខាងរុស្ស៊ី ក្នុងសង្គ្រាមអ៊ុយក្រែន។ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បាននិយាយនៅក្នុងសុន្ទរកថាសំខាន់មួយកាលពីសប្តាហ៍មុនថា ទីក្រុងគៀវ ឥឡូវនេះកំពុងប្រយុទ្ធជាមួយកូរ៉េខាងជើង និងអ៊ីរ៉ង់ បន្ថែមពីលើរុស្ស៊ី។ រីឯកូរ៉េខាងត្បូងក៏បានអះអាងស្រដៀងគ្នានេះកាលពីសប្តាហ៍មុនដែរថា កូរ៉េខាងជើងមានបំណងបញ្ជូនកងពលតូចចំនួនបួន ដែលមានទាហានសរុបចំនួន ១២,០០០នាក់ រួមទាំងកងកម្លាំងពិសេសទៅជួយរុស្ស៊ី។ នេះបើយោងតាមការវាយតម្លៃ បានមកពីសេវាស៊ើបការណ៍សម្ងាត់ជាតិ (NIS)។ ទោះបីជាយ៉ាងណា ទាំងរុស្ស៊ី និងកូរ៉េខាងជើង បានប្រកាសច្រានចោលការចោទប្រកាន់នេះ ដោយអ្នកនាំពាក្យវិមានក្រឹមឡាំង លោក…

ក្នុងពេលដែលពលរដ្ឋអាមេរិករាប់លាននាក់បានទៅបោះឆ្នោតរួចហើយនោះ យុទ្ធនាការប្រធានាធិបតីរបស់បេក្ខភាពខាងគណបក្សប្រជាធិបតេយ្យ និងគណបក្សសាធារណរដ្ឋ បានបន្តកាន់តែក្ដៅគគុក ដោយលោកស្រី Kamala Harris នៅថ្ងៃពុធ (២៣ តុលា) ស្វះស្វែងរកការគាំទ្រពីអ្នកបោះឆ្នោតដែលមិនទាន់បានសម្រេចចិត្តនៅក្នុងរដ្ឋប្រទាញប្រទង់ ផិនស៊ីលវេនៀ (Pennsylvania) ខណៈលោក Donald Trump បានសម្រុករកសំឡេងឆ្នោតទូទាំងរដ្ឋ ចចា (Georgia)។ ពលរដ្ឋជិត ២៥លាននាក់ បានទៅបោះឆ្នោតរួចរាល់ហើយ ទាំងតាមរយៈការទៅបោះឆ្នោតដោយផ្ទាល់ ឬដាក់សន្លឹកឆ្នោតតាមប្រអប់សំបុត្រ នេះបើយោងតាមទិន្នន័យតាមដានពីមណ្ឌលសិក្សាការបោះឆ្នោតនៅសាកលវិទ្យាល័យរដ្ឋ ហ្វ្លរីដា (Florida)។ រដ្ឋជាច្រើន រួមទាំងរដ្ឋប្រទាញប្រទង់ដូចជា ណស ខារ៉ូឡាញណា (North Carolina) និង ចចា (Georgia) បានបង្កើតកំណត់ត្រានៅថ្ងៃដំបូងរៀងៗខ្លួនដោយមានអ្នកទៅបោះឆ្នោតមុនថ្ងៃកំណត់យ៉ាងច្រើនបំផុតកាលពីសប្តាហ៍មុន។ តួលេខបោះឆ្នោតមុនថ្ងៃកំណត់ដ៏រឹងមាំនេះបានកើតឡើងខណៈដែលអនុប្រធានាធិបតី លោកស្រី Harris និងលោកអតីតប្រធានាធិបតី Trump បន្តតាមពីក្រោយគ្នាយ៉ាងប្រកៀកប្រកិតក្នុងរដ្ឋប្រទាញប្រទង់ចំនួនប្រាំពីរ ដោយនៅសល់ពេលតិចជាងពីរសប្តាហ៍ប៉ុណ្ណោះរហូតដល់ការបោះឆ្នោតថ្ងៃទី០៥ ខែវិច្ឆិកា។ រដ្ឋ Pennsylvania និង Georgia ស្ថិតក្នុងចំណោមរដ្ឋប្រទាញប្រទង់ទាំងនោះដែលនឹងសម្រេចថាអ្នកណាជាអ្នកឈ្នះតំណែងប្រធានាធិបតី ហើយបេក្ខជនទាំងពីរទំនងជាចំណាយពេលភាគច្រើននៃយុទ្ធនាការរបស់ពួកគេទៅកាន់រដ្ឋទាំងពីរនេះ។ នៅក្នុងការស្ទង់មតិថ្នាក់ជាតិចុងក្រោយជាច្រើនបានបង្ហាញថា លោកស្រី Harris បានបន្តនាំមុខលើលោក…

សហរដ្ឋអាមេរិកបាននិយាយកាលពីថ្ងៃពុធសប្ដាហ៍នេះថា ទាហានកូរ៉េខាងជើងចំនួន៣.០០០នាក់ បានបញ្ជូនទៅកាន់ប្រទេសរុស្ស៊ី ហើយកំពុងហ្វឹកហាត់នៅទីតាំងជាច្រើន ដោយបានហៅការបញ្ជូននេះថាជាបញ្ហាធ្ងន់ធ្ងរ និងព្រមានថាកងកម្លាំងទាំងនោះនឹងក្លាយជាល្បែងយុត្តិធម៌ ប្រសិនបើពួកគេចូលទៅប្រយុទ្ធនៅអ៊ុយក្រែន។ ការដាក់ពង្រាយនេះបង្កើនសក្តានុពលសម្រាប់កូរ៉េខាងជើងក្នុងការចូលរួមជាមួយកងកម្លាំងរុស្ស៊ីក្នុងប្រទេសអ៊ុយក្រែន និងការពង្រីកទំនាក់ទំនងយោធារវាងប្រទេសទាំងពីរ ខណៈទីក្រុងមូស្គូស្វែងរកអាវុធ និងកងទ័ពដើម្បីវាយដណ្ដើមទឹកដីនៅក្នុងសង្គ្រាម ដែលបានជាប់គាំងបន្ទាប់ពីជាងពីរឆ្នាំ។ រដ្ឋមន្ត្រីការពារជាតិអាមេរិកលោក Lloyd Austin បានហៅសកម្មភាពកូរ៉េខាងជើងថាជាជំហានបន្ទាប់ ក្រោយកូរ៉េខាងជើងបានផ្តល់អាវុធដល់រុស្ស៊ី ហើយបាននិយាយថា ទីក្រុងព្យុងយ៉ាងអាចប្រឈមផលវិបាកដោយសារការផ្តល់ជំនួយដល់រុស្ស៊ីដោយផ្ទាល់។ ការអត្ថាធិប្បាយរបស់លោកគឺជាការបញ្ជាក់ជាសាធារណៈលើកដំបូងរបស់សហរដ្ឋអាមេរិកទាក់ទងនឹងការបញ្ជូនកងទ័ពរបស់កូរ៉េខាងជើងទៅកាន់ប្រទេសរុស្ស៊ី ដែលជាការអះអាងរបស់ក្រុមមន្ត្រីកូរ៉េខាងត្បូង ប៉ុន្តែត្រូវបានទាត់ចោលដោយទីក្រុងព្យុងយ៉ាង និងទីក្រុងម៉ូស្គូ។ អ្នកនាំពាក្យសន្តិសុខជាតិសេតវិមាន លោក John Kirby បាននិយាយថា សហរដ្ឋអាមេរិកជឿជាក់ថា យ៉ាងហោចណាស់មានទាហានកូរ៉េខាងជើង ៣.០០០ នាក់បានធ្វើដំណើរតាមនាវាទៅកាន់ទីក្រុង Vladivostok ដែលជាកំពង់ផែប៉ាស៊ីហ្វិកដ៏ធំបំផុតរបស់រុស្ស៊ី កាលពីដើមខែនេះរហូតដល់ពាក់កណ្តាលខែតុលានេះ៕