Author: Dol Pheakdey

ហ្សេរុយសាឡឹម ៖ នាយករដ្ឋមន្រ្តីអ៊ីស្រាអែល លោក Benjamin Netanyahu បានចេញមុខច្រានចោលការអំពាវនាវនាពេលថ្មីៗនេះ របស់ប្រធានាធិបតីអាមេរិក លោក Donald Trump ដែលហាមមិនឱ្យអ៊ីស្រាអែលផ្តាច់ជីវិតមេដឹកនាំកំពូលអ៊ីរ៉ង់ លោក Ayatollah Ali Khamenei ដោយលោក Netanyahu បានលើកហេតុផលថា វានឹងនាំទៅរកការបិទបញ្ចប់សង្គ្រាមរវាងប្រទេសគូសត្រូវទាំងពីរ។ នៅក្នុងបទសម្ភាសន៍មានរយៈពេល២០នាទី ជាមួយសារព័ត៌មានអាមេរិក ABC News លោកនាយករដ្ឋមន្រ្តី Netanyahu បានគូសបញ្ជាក់ថា ការវាយប្រហាររបស់អ៊ីស្រាអែលប្រឆាំងអ៊ីរ៉ង់ គឺជម្រើសដ៏ត្រឹមត្រូវ ហើយបានហៅមេដឹកនាំកំពូលអ៊ីរ៉ង់ លោក Khamenei ជា “ហ៊ីត្លែរសម័យទំនើប”។ ប៉ុន្តែនៅពេលត្រូវបានសាកសួរពីសេចក្ដីរាយការណ៍របស់ប្រព័ន្ធផ្សព្វផ្សាយអាមេរិកដែលថា លោកប្រធានាធិបតី Trump បានជំទាស់នឹងផែនការសម្លាប់មេដឹកនាំកំពូលអ៊ីរ៉ង់ ដោយបារម្ភខ្លាចថា វានឹងបង្កើនជម្លោះកាន់តែធំរវាងអ៊ីរ៉ង់ និងអ៊ីស្រាអែលនោះ លោក Netanyahu បានច្រាលចោលការព្រួយបារម្ភបែបនេះ ហើយថែមទាំងបានអះអាងថា វានឹងមិនធ្វើឱ្យជម្លោះកើនឡើងនោះទេ ផ្ទុយទៅវិញជម្លោះនឹងត្រូវបិទបញ្ចប់។ មេដឹកនាំអ៊ីស្រាអែលរូបនេះ បានសង្កត់ធ្ងន់ទៀតថា ការបង្កាត់ភ្លើងសង្រ្គាមយូរអង្វែង គឺជាអ្វីដែលអ៊ីរ៉ង់ចង់បាន ហើយពួកគេកំពុងនាំពួកយើងទៅកាន់មាត់ជ្រោះនៃសង្រ្គាមនុយក្លេអ៊ែរ ហើយជាការពិតណាស់ យើងកំពុងរារាំងកុំឱ្យរឿងបែបនេះកើតឡើង។ យ៉ាងណាមិញ…

បរទេស ៖ អគ្គីភ័យបានឆាបឆេះ អគារទូរទស្សន៍រដ្ឋ របស់អ៊ីរ៉ង់ IRIB ស្ថិតក្នុងទីក្រុងតេអេរ៉ង់ បន្ទាប់ពីរងការវាយប្រហារ ពីសំណាក់អ៊ីស្រាអែល កាលពីថ្ងៃចន្ទ នេះបើតាមរូបភាព ដែលចេញផ្សាយដោយគេហទំព័រអនឡាញ របស់តុលាការអ៊ីរ៉ង់។ អ៊ីរ៉ង់បានថ្កោលទោស ការវាយប្រហារនេះ ថា ជា “ឧក្រិដ្ឋកម្មសង្គ្រាម” ហើយបានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិ ចាត់វិធានការ។ ការផ្សាយផ្ទាល់ របស់ IRIB ត្រូវបានរំខាន ពោលគឺចំពេលដែលអ្នកអត្ថាធិប្បាយព័ត៌មាន កំពុងធ្វើសេចក្តីរាយការណ៍ព័ត៌មាន ស្រាប់តែមានការផ្ទុះមួយ បានកើតឡើង ធ្លាក់កំទេចកំទី ពីលើពិដាន ផ្អាកប្រតិបត្តិការ ភ្លាមៗ។ នៅមុនការវាយប្រហារនេះ រដ្ឋមន្ត្រីការពារជាតិអ៊ីស្រាអែល បាននិយាយថា «ការឃោសនាព័ត៌មាន និងការញុះញង់ របស់អ៊ីរ៉ង់ នឹងរលាយបាត់»។ គួរបញ្ជាក់ថា អ៊ីស្រាអែល បានបើកការវាយប្រហារទ្រង់ទ្រាយធំលើប្រទេសអ៊ីរ៉ង់ កាលពីថ្ងៃសុក្រ សប្តាហ៍មុន ក្រោយពេលការចរចាកម្មវិធីនុយក្លេអ៊ែរ របស់អ៊ីរ៉ង់ ជាមួយអាមេរិក ហាក់មិនមានលទ្ធផល ហើយទាំងអ៊ីស្រាអែល និងអាមេរិក ធ្លាប់បានព្រមានថា ដល់បន្ទាត់ក្រហមហើយ៕ ប្រភពពី AFP

វ៉ាស៊ីនតោន ៖ អាមេរិកត្រូវបានគេរាយការណ៍ថា បានដាក់ពង្រាយកងយន្តហោះចាក់ប្រេងពីលើអាកាសជាង ៣០គ្រឿងឆ្លងកាត់មហាសមុទ្រអាត្លង់ទិកឆ្ពោះទៅកាន់តំបន់មជ្ឈិមបូព៌ា ស្របពេលជម្លោះអ៊ីស្រាអែល និងអ៊ីរ៉ង់កាន់តែក្តៅគគុក នេះបើតាមការចុះផ្សាយរបស់ទស្សនាវដ្តីតាមដានយោធាកាលពីថ្ងៃចន្ទ។ យោងតាមទិន្នន័យតាមដានការហោះហើរបានឱ្យដឹងថា អាមេរិកបានចាប់ផ្តើមដាក់ពង្រាយកងយន្តហោះចាក់ប្រេងពីលើអាកាស KC-135 និង KC-46 ទៅកាន់តំបន់មជ្ឈិមបូព៌ារួចហើយ។ របាយការណ៍ដដែលបានឱ្យដឹងទៀតថា កងយន្តហោះដឹកប្រេងមកពីប្រទេសលោកខាងលិចផ្សេងទៀតក៏បានចូលរួមក្នុងប្រតិបត្តិការនេះផងដែរ ហើយអាមេរិកត្រូវបានគេជឿថា បានផ្តល់ព័ត៌មានស៊ើបការណ៍សម្ងាត់ ទិន្នន័យគោលដៅតាមផ្កាយរណប និងការគាំទ្រផ្នែកការពារមីស៊ីល។ បើតាមទស្សនាវដ្ដីតាមដានយោធា កងយន្តហោះចាក់ប្រេងទាំងនេះត្រូវបានបញ្ជូនទៅកាន់មជ្ឈិមបូព៌ា ក្នុងគោលបំណងជួយដល់ប្រតិបត្តិការរបស់កងទ័ពអាកាសអ៊ីស្រាអែល ឬក៏ចាក់សាំងដល់យន្តហោះចម្បាំង និងយន្តហោះទម្លាក់គ្រាប់បែកអាមេរិក ក្នុងករណីដែលទីក្រុងវ៉ាស៊ីនតោនលូកដៃចូលក្នុងសង្គ្រាមប្រឆាំងអ៊ីរ៉ង់ដែរ។ ទស្សនាវដ្តីនេះបានចាត់ទុកស្ថានការណ៍វិវត្តន៍ចុងក្រោយនេះ ជារឿងមិនធ្លាប់មានពីមុនមក ហើយថា សកម្មភាពនេះទំនងជាបង្ហាញពីការចូលរួមរបស់អាមេរិកកាន់តែបើកចំហរ នៅក្នុងសង្គ្រាមអ៊ីស្រាអែល និងអ៊ីរ៉ង់ដែលកំពុងឆេះរោលរាលនៅមជ្ឈិមបូព៌ា ឈានចូលដល់ថ្ងៃទីបួននៃអរិភាព។ ហើយថ្មីៗនេះ លោកប្រធានាធិបតី ត្រាំ ក៏ធ្លាប់បានបង្ហោះសារព្រមានលើបណ្តាញសង្គម Truth Social ដែរថា ប្រសិនបើអាមេរិករងការវាយប្រហារដោយអ៊ីរ៉ង់ ទោះបីក្នុងទម្រង់ណាមួយក៏ដោយ នោះកងកម្លាំងប្រដាប់អាវុធអាមេរិកនឹងវាយប្រហារសងសឹកវិញក្នុងកម្រិតដែលមិនធ្លាប់មានពីមុនមក។ យ៉ាងណា លោកនៅតែទទូចថា អាមេរិកគ្មានអ្វីពាក់ព័ន្ធនឹងការវាយប្រហារលើអ៊ីរ៉ង់ទេ ហើយបានអំពាវនាវឲ្យទីក្រុងតេហេរ៉ង់វិលទៅរកការចរចាវិញ៕ ប្រភព ៖ RT

បរទេស៖ ប្រទេសវៀតណាមបានសម្រេចថា នឹងតំឡើងពន្ធលើគ្រឿងស្រវឹង ឲ្យកើនដល់៩០ភាគរយ ក្នុងគោលបំណងកាត់បន្ថយការផឹកស្រា របស់ប្រជាជន នេះបើតាមការចេញផ្សាយ របស់ទីភ្នាក់ងារព័ត៌មាន VEexpress។ រដ្ឋសភាវៀតណាមបានអនុម័តផែនការដំឡើងពន្ធនេះ កាលពីចុងសប្តាហ៍ ។ នៅក្រោមច្បាប់ថ្មី អត្រាពន្ធលើស្រាបៀរ និងស្រា នឹងកើនឡើងដល់ ៧០% នៅឆ្នាំ២០២៧ មុននឹងឈានដល់ ៩០% នៅឆ្នាំ២០៣១។ បច្ចុប្បន្ន វៀតណាមបានដាក់ពន្ធ ៦៥% លើផលិតផលទាំងនេះ ហើយសំណើដំបូង កាលពីឆ្នាំមុន ធ្លាប់បានស្នើឲ្យដំឡើងពន្ធ រហូតដល់១០០% ។ ក្រសួងហិរញ្ញវត្ថុបាននិយាយថា គោលបំណងនៃការដំឡើងពន្ធខ្ពស់ គឺដើម្បីទប់ស្កាត់ការផឹកគ្រឿងស្រវឹង ដែលប៉ះពាល់ដល់សុខភាព និងបង្កគ្រោះថ្នាក់ចរាចរណ៍។ យោងតាមរបាយការណ៍ របស់ទីភ្នាក់ងារប្រឹក្សា KPMG ក្នុងឆ្នាំ២០២៤ បានឱ្យដឹងថា ប្រទេសវៀតណាម គឺជាទីផ្សារស្រាបៀរធំទីពីរ ប្រចាំនៅតំបន់អាស៊ីអាគ្នេយ៍។ យ៉ាងណាមិញ ឧស្សាហកម្មស្រាបៀររបស់វៀតណាម មានទាំងក្រុមហ៊ុនបរទេស និងក្រុមហ៊ុនក្នុងស្រុក បានប្រឈមមុខនឹងបញ្ហារួចហើយ ពីច្បាប់ស្តីពីការបើកបរ មានជាតិស្រវឹងដ៏តឹងរ៉ឹង ដែលបានអនុវត្ត តាំងពីឆ្នាំ២០១៩។ ប្រធានសមាគមស្រាបៀរ និងគ្រឿងស្រវឹងរបស់ប្រទេសវៀតណាម បាននិយាយថា…

បរទេស៖ ប្រធានាធិបតីអ៊ុយក្រែន លោក Volodymyr Zelensky ភ័យខ្លាចថា អន្តរជាតិនឹងផ្អាកជួយដល់ប្រទេសរបស់ខ្លួន ក្រោយពេលផ្ទុះសង្គ្រាម រវាងអ៊ីស្រាអែល និង អ៊ីរ៉ង់។ ផ្អែកតាមការចេញផ្សាយ របស់ទីភ្នាក់ងារព័ត៌មាន CNA លោក Zelensky បាននិយាយ កាលពីចុងសប្តាហ៍ បង្ហាញពីក្តី សង្ឃឹមថា ការកើនកម្តៅ រវាងអ៊ីស្រាអែលនិងអ៊ីរ៉ង់ នឹងមិននាំឱ្យមានការធ្លាក់ចុះ នៃជំនួយដល់ទីក្រុង Kyiv ស្របពេលដែលការគាំទ្ររបស់អឺរ៉ុប កំពុងជាប់គាំង រួចស្រាប់ ព្រោះតែគ្មានការចូលរួម ពីសហរដ្ឋអាមេរិក។ រដ្ឋាភិបាលទីក្រុង Kyiv បារម្ភថា ទីក្រុងវ៉ាស៊ីនតោនអាចនឹងបង្វែរជំនួយយោធា ទៅជួយពង្រឹងការការពារប្រទេសអ៊ីស្រាអែល ដែលជាសម្ព័ន្ធមិត្តជិតស្និទ្ធ របស់សហរដ្ឋអាមេរិក។ គួរបញ្ជាក់ថា ចាប់តាំងពីលោក Trump ចូលមកគ្រប់គ្រងសេតវិមាន ទាំងអាមេរិក និងអឺរ៉ុប មានភាពរអាក់រអួល ក្នុងការផ្តល់ជំនួយដល់ទីក្រុង Kyiv រួចទៅហើយ។ ហេតុនេះ បាននាំឲ្យលោក Zelensky បារម្ភខ្លាំង ក្រោយពេលមានជម្លោះ រវាងអ៊ីរ៉ង់ និងអ៊ីស្រាអែល។ លោក…

បរទេស៖ លោក នាយករដ្ឋមន្ត្រីប្រទេសអ៊ីស្រាអែល Netanyahu បានអះអាងថា អ៊ីស្រាអែល «មានការសម្របសម្រួលយ៉ាងល្អ» ជាមួយសហរដ្ឋអាមេរិក ក្នុងអំឡុងពេលយុទ្ធនាការ វាយប្រហារ លើអ៊ីរ៉ង់។ ជាការអះអាង បើទោះបីជាអាមេរិកធ្លាប់ប្រកែកថា មិនពាក់ព័ន្ធ ក័ដោយ។ អំឡុងសេចក្តីថ្លែងការណ៍ តាមទូរទស្សន៍ស្តីពីយុទ្ធនាការយោធា ប្រឆាំងនឹងអ៊ីរ៉ង់ កាលពីថ្ងៃចន្ទ លោក នាយករដ្ឋមន្ត្រី Benjamin Netanyahu បាននិយាយថា «យើងនឹងធ្វើអ្វីដែលចាំបាច់ ដើម្បីសម្រេចបាននូវគោលដៅទាំងនេះ ហើយយើងមានការសម្របសម្រួលយ៉ាងល្អ ជាមួយសហរដ្ឋអាមេរិក»។ គួរបញ្ជាក់ថា អ៊ីស្រាអែល បានបើកការវាយប្រហារទ្រង់ទ្រាយធំលើប្រទេសអ៊ីរ៉ង់ កាលពីថ្ងៃសុក្រ សប្តាហ៍មុន ក្រោយពេលការចរចាកម្មវិធីនុយក្លេអ៊ែររបស់អ៊ីរ៉ង់ ជាមួយអាមេរិក ហាក់មិនមានលទ្ធផល ហើយទាំងអ៊ីស្រាអែល និងអាមេរិក ធ្លាប់បានព្រមានថា ដល់បន្ទាត់ក្រហមហើយ។ យ៉ាងណាមិញ សហរដ្ឋអាមេរិក ក៏ដូចជា លោកប្រធានាធិបតី Donald Trump បានអះអាងថា អាមេរិកមិនពាក់ព័ន្ធនឹងការវាយប្រហារ កាលពីថ្ងៃសុក្រ សប្តាហ៍មុននោះទេ។ តែ លោក Trump ទើបបានប្រាប់ឲ្យប្រជាជនអ៊ីរ៉ង់ ក្នុងរដ្ឋធានី…

តេហេរ៉ង់ ៖ អ៊ីរ៉ង់បានស្នើឱ្យប្រទេសកាតា អារ៉ាប៊ីសាអូឌីត និងអូម៉ង់ ជំរុញប្រធានាធិបតីអាមេរិក លោក ដូណាល់ ត្រាំ ឱ្យប្រើឥទ្ធិពលរបស់គាត់លើអ៊ីស្រាអែល ដើម្បីយល់ព្រមលើបទឈប់បាញ់ជាបន្ទាន់ នេះបើតាមប្រភពអ៊ីរ៉ង់ចំនួនពីរ និងប្រភពក្នុងតំបន់ចំនួនបី។ សំណើរបស់អ៊ីរ៉ង់នេះធ្វើឡើងបន្ទាប់ពីយោធាអ៊ីស្រាអែលបានជំរុញឱ្យអ្នកស្រុកនៅភាគខាងជើងនៃទីក្រុងតេហេរ៉ង់ ភៀសខ្លួនជាបន្ទាន់កាលពីថ្ងៃចន្ទ ដោយនិយាយថា ខ្លួនមានបំណងវាយប្រហារតាមអាកាសនៅទីនោះ ដើម្បីកម្ទេចហេដ្ឋារចនាសម្ព័ន្ធយោធានៃរបបដឹកនាំអ៊ីរ៉ង់បច្ចុប្បន្ន។ យោងតាមប្រភពមួយពីអ៊ីរ៉ង់បាន និយាយ ថា អ៊ីរ៉ង់ មាន ឆន្ទៈ បត់បែន ក្នុងការចរចានុយក្លេអ៊ែរជាមួយអាមេរិក ប្រសិនបើមានបទឈប់បាញ់។ រីឯប្រភពពីឈូងសមុទ្រក៏បានអះអាងដែរថា រដ្ឋឈូងសមុទ្រមានការព្រួយបារម្ភយ៉ាងខ្លាំងថា ជម្លោះអ៊ីស្រាអែល-អ៊ីរ៉ង់នឹងហួសពីការគ្រប់គ្រងបាន។ បើតាមប្រភពពីឈូងសមុទ្រ ប្រទេសកាតា អូម៉ង់ និងអារ៉ាប៊ីសាអូឌីត បានអំពាវនាវឲ្យរដ្ឋបាលលោក ត្រាំ ដាក់សម្ពាធលើអ៊ីស្រាអែលឱ្យយល់ព្រមលើបទឈប់បាញ់ និងបន្តការពិភាក្សាជាមួយអ៊ីរ៉ង់ ឆ្ពោះទៅរកកិច្ចព្រមព្រៀងនុយក្លេអ៊ែរ។ ចំណែកលោកប្រធានាធិបតី ត្រាំ បានប្រាប់អ្នកយកព័ត៌មាននៅឯកិច្ចប្រជុំ G7 ក្នុងប្រទេសកាណាដាថា អ៊ីរ៉ង់មិនឈ្នះជម្លោះជាមួយអ៊ីស្រាអែលទេ ហើយគួរតែរត់រកតុចរចាឡើងវិញ មុននឹងអ្វីៗហួសពេល៕ ប្រភព ៖ CNA

ឯកឧត្តម ឧបនាយករដ្ឋមន្ត្រី ប្រាក់ សខុន រដ្ឋមន្ត្រីក្រសួងការបរទេស និងសហប្រតិបត្តិការអន្តិជាតិ ជួបជាមួយអង្គទូតបរទេសប្រចាំកម្ពុជា ចំនួន ២៧ ប្រទេស ដើម្បីធ្វើការពន្យល់អំពីការវិវត្តនៃស្ថានការណ៍បញ្ហាព្រំដែនកម្ពុជា-ថៃ នៅតំបន់មុំបី ប្រាសាទតាមាន់តូច ប្រាសាទតាមាន់ធំ និងប្រាសាទតាក្របី នៅព្រឹកថ្ងៃទី១៧ ខែមិថុនា ឆ្នាំ២០២៥ នៅទីស្តីការក្រសួង។ សូមជម្រាបថា កាលពីថ្ងៃទី១៦ ខែមិថុនា ឆ្នាំ២០២៥ វេលាម៉ោង ១១:៣០នាទីព្រឹក នៅទីក្រុងឡាអេ (ត្រូវនឹងម៉ោង ៤:៣០នាទី ល្ងាចនៅរាជធានីភ្នំពេញ) លិខិតផ្លូវការរបស់កម្ពុជាទៅកាន់តុលាការយុត្តិធម៌អន្តរជាតិ (ICJ) ដើម្បីជួយស្វែងរកដំណោះស្រាយបញ្ហាវិវាទព្រំដែននៅតំបន់ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ត្រូវបានឯកអគ្គរាជទូតកម្ពុជាប្រចាំប្រទេសហូឡង់ ប្រគល់ដោយផ្ទាល់ដៃជូនលោកក្រឡាបញ្ជី Philippe Gautier នៅតុលាការយុត្តិធម៌អន្តរជាតិ (ICJ)។ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានបញ្ជាក់ថា កម្ពុជាមិនដកថយទេ ពាក់ព័ន្ធនឹងការស្នើសុំអោយតុលាការយុត្តិធម៌អន្តរជាតិ (ICJ) ជួយដោះស្រាយបញ្ហាព្រំដែនកម្ពុជា-ថៃ នៅប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី។ រាជរដ្ឋាភិបាលនឹងបន្តកិច្ចការនេះប្រកបដោយការប្តេជ្ញាចិត្ត និងការទទួលខុសត្រូវខ្ពស់…

ហ្សេរុយសាឡឹម ៖ រូបភាពផ្កាយរណបដែលចេញផ្សាយដោយវិទ្យាស្ថាន Maxar Technologies បានបង្ហាញពីផលប៉ះពាល់នៃការវាយប្រហាររបស់អ៊ីស្រាអែលទៅលើទីតាំងនុយក្លេអ៊ែរ និងមីស៊ីលរបស់ប្រទេសអ៊ីរ៉ង់។ យោធាអ៊ីស្រាអែល កាលពីថ្ងៃចន្ទ បាននិយាយថា ខ្លួនបានបំផ្លាញមួយភាគបីនៃឃ្លាំងមីស៊ីលបាញ់ពីដីទៅដីរបស់អ៊ីរ៉ង់ ខណៈដែលការវាយប្រហាររវាងគូរសត្រូវទាំងពីរបានឈានចូលដល់ថ្ងៃទីបួន។ អ្នកនាំពាក្យយោធាអ៊ីស្រាអែល លោក Effie Defrin បាននិយាយនៅក្នុងសេចក្តីថ្លែងការណ៍តាមទូរទស្សន៍ថា យន្តហោះចម្បាំងជាង ៥០គ្រឿងបានវាយប្រហារ និងបំផ្លាញមីស៊ីលបាញ់ពីដីទៅដីជាង ១២០គ្រាប់។ តួលេខនេះស្មើនឹងមួយភាគបីនៃមីស៊ីលបាញ់ពីដីទៅដី ដែលគ្រប់គ្រងដោយរបបដឹកនាំអ៊ីរ៉ង់៕ ប្រភព ៖ AFP