Category: ព័ត៌មានជាតិ​

ប្រទេសស៊ែរប៊ី បានចុះប្រតិបត្តិការជួយសង្រ្គោះ និងបើកការស៊ើបអង្កេតចំពោះឧបទ្ទេវហតុបាក់ដំបូលអគារស្ថានីយ៍រថភ្លើងដែលបានសម្លាប់មនុស្សយ៉ាងហោច ១៤នាក់ និងមនុស្ស ៣នាក់ផ្សេងទៀត រងរបួស នៅទីក្រុងភាគខាងជើង Novi Sad ។ គ្រោះមហន្តរាយនេះ បានកើតឡើងកាលពីថ្ងៃសុក្រ ពេលដែលដំបូលអគារនៅតាមច្រកចូលស្ថានីយ៍រថភ្លើងបានបាក់នៅពេលថ្ងៃ ។ ក្រុមជួយសង្រ្គោះ បានធ្វើការរហូតដល់ពេលយប់ ដោយប្រើប្រាស់គ្រឿងចក្រធន់ធ្ងន់ ដើម្បីរំដោះអ្នកស្លាប់ និងអ្នករបួសចេញពីក្រោមគំនរបាក់បែក ។ កាលពីព្រឹកថ្ងៃសៅរ៍ ប្រជាពលរដ្ឋនាំគ្នាយកផ្កា និងអុជទៀននៅកន្លែងកើតហេតុ ហើយកម្មករ បោសសម្អាតគំនរបាក់បែកចុងក្រោយ ។ ស្ថានីយ៍រថភ្លើងមួយនេះដែលស្ថិតនៅចម្ងាយប្រហែល ៧០គ.ម ភាគពាយ័ព្យទីក្រុង Belgrade កំពុងស្ថិតក្រោមការជួសជុលឡើងវិញ ។ រដ្ឋមន្រ្តីក្រសួងដឹកជញ្ជូនស៊ែរប៊ីលោក Goran Vesic និយាយថា ការស៊ើបអង្កេតត្រូវបានធ្វើឡើងដោយក្រុមអាជ្ញាធរនៅក្នុងទីក្រុង Novi Sad រួមទាំងវិទ្យាស្ថានចរាចរណ៍រដ្ឋ ក្រុមហ៊ុនផ្លូវរថភ្លើងរដ្ឋ និងសម្ព័ន្ធចិនដែលទទួលយកការងារជួសជុលឡើងវិញនេះ ។ ក្រុមអាជ្ញាធរបានប្រកាសការកាន់ទុក្ខថ្នាក់ជាតិរយៈពេល ១ថ្ងៃកាលពីថ្ងៃសៅរ៍ ៕

ប្រតិបត្តិការបោសសម្អាត និងជួយសង្រ្គោះ កំពុងបន្តពេញមួយថ្ងៃកាលពីថ្ងៃសៅរ៍ រយៈពេល ៤ថ្ងៃក្រោយភ្លៀងធ្លាក់ខ្លាំងវាយប្រហារតំបន់ភាគខាងកើត Valencia របស់ប្រទេសអេស្ប៉ាញ ។ នាយករដ្ឋមន្រ្តីអេស្ប៉ាញលោក Pedro Sanchez និយាយថា ទឹកជំនន់ដ៏គំហក់ស្លាប់មនុស្សច្រើនបំផុតនៅក្នុងប្រវត្តិសាស្រ្តនាសម័យទំនើបរបស់អេស្ប៉ាញ បានសម្លាប់មនុស្សយ៉ាងហោច ២១១នាក់ ហើយមនុស្សរាប់សិបនាក់ផ្សេងទៀត នៅបាត់ខ្លួន ។ ក្រុមរុករក បានស្វែងរកមនុស្សបាត់ខ្លួននៅតាមបង្អួចរថយន្តក្នុងចំណតរថយន្តក្រោមដីរងការជន់លិច ហើយនិងបោសសម្អាតកម្ទេចកម្ពីបន្សល់ទុកពីទឹកជំនន់ ដោយពួកគេសង្ឃឹមថានឹងរកឃើញអ្នករស់រាន ។ សោកនាដកម្មនេះ គឺជាគ្រោះមហន្តរាយធម្មជាតិពាក់ព័ន្ធនឹងទឹកជំនន់ដ៏អាក្រក់បំផុតនៅអឺរ៉ុប ចាប់តាំងពីឆ្នាំ ១៩៦៧ ពេលដែលមនុស្សយ៉ាងហោច ៥០០នាក់ បានស្លាប់នៅក្នុងប្រទេសព័រទុយហ្គាល់ ។ នាយករដ្ឋមន្រ្តីអេស្ប៉ាញ បាននិយាយថា រដ្ឋាភិបាលរបស់លោកនឹងផ្តល់ធនធានចាំបាច់ ដើម្បីជួយដល់ប្រតិបត្តិការរុករក និងបោសសម្អាត រួមទាំងការបញ្ជូនទាហាន ៥ពាន់នាក់ បន្ថែមពីលើទាហាន ២.៥០០នាក់ ដែលត្រូវបានដាក់ពង្រាយរួចរាល់ទៅកាន់តំបន់រងគ្រោះ ៕

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាស​ថ្លែង​អំណរ​គុណ​ដល់​ស្ថាន​ឯក​អគ្គ​រាជ​ទូតខ្មែរប្រចាំនៅប្រទេសកូរ៉េ និងភាគីពាក់ព័ន្ធទាំងអស់ដែលបានខិតខំប្រឹងប្រែងរៀបចំ និង​សម្រប​សម្រួលការផ្តល់សេវាលិខិតឆ្លងដែនជូនប្រជាពលរដ្ឋ និងពលករខ្មែរ​ដែល​កំពុង​ស្នាក់​នៅ និងធ្វើការនៅក្នុងសាធារណរដ្ឋកូរ៉េ​រហូតឈាន​សម្រេច​បាន​នូវ​ការ​បិទ​បញ្ចប់​ដំណើរ​ការ​ដោយ​ជោគ​ជ័យ​គួរ​ជាទីមោទនៈ ខណៈយុទ្ធនាការដែលបានចាប់ផ្តើមពីខែមករា រហូតដល់ថ្ងៃទី២​ខែ​វិច្ឆិកា​ ឆ្នាំ​២០២៤នេះបានចំនួនជាងមួយម៉ឺននាក់នោះ។ តាមរយៈបណ្ដាញសង្គម​នាព្រឹកថ្ងៃទី៣ ខែវិច្ឆិកា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា គិតចាប់តាំងពីពេលបើកដំណើរការនាថ្ងៃទី១០ ខែមករា ឆ្នាំ​២០២៤ មកដល់ថ្ងៃទី២ ខែវិច្ឆិកា ឆ្នាំ២០២៤នេះ ស្ថាន​ឯក​អគ្គ​រាជ​ទូត​កម្ពុជា​ប្រចាំ​សាធារណ​រដ្ឋ​កូរ៉េ ​បានទទួលពាក្យស្នើសុំផ្តល់លិខិតឆ្លងដែនសរុបចំនួន៦.២៥២ ច្បាប់ និងបានបើក​លិខិត​ឆ្លង​ដែន​​ជូ​​នប្រជាពលរដ្ឋ និងពលករខ្មែរបានសរុបចំនួន ៤.៩៧១ នាក់។ សម្តេចបានបញ្ជាក់ថា «ក្នុងនាមរាជរដ្ឋាភិបាល និងក្នុង​នាម​ខ្លួន​ខ្ញុំផ្ទាល់​ខ្ញុំ​សូម​ថ្លែង​អំណរ​គុណ​យ៉ាង​ជ្រាល​ជ្រៅចំពោះថ្នាក់ដឹកនាំ មន្ត្រីនគរបាលជាតិ នៃអគ្គនាយកដ្ឋានអត្តសញ្ញាណកម្ម ក្រសួង​មហាផ្ទៃ, មន្ត្រី និងបុគ្គលិក នៃស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ ព្រមទាំង​និស្សិត និងសហគមន៍ខ្មែរស្ម័គ្រចិត្តទាំងអស់ ដែលបានខិតខំប្រឹងប្រែងរៀបចំ និងសម្រប​សម្រួល​ការ​ផ្តល់​សេវាលិខិតឆ្លងដែនជូនប្រជាពលរដ្ឋ និងពលករខ្មែរដែលកំពុងស្នាក់នៅ និងធ្វើការ​នៅ​ក្នុង​សាធារណ​រដ្ឋ​កូរ៉េ នៅស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ រហូតឈាន​សម្រេច​បាន​នូវ​ការ​បិទ​បញ្ចប់ដំណើរការនៃការផ្តល់សេវាដោយជោគជ័យគួរជាទីមោទនៈ ហើយដែល​ពិត​ជា​បាន​ជួយ​សម្រួលដល់ការលំបាក និងកាត់បន្ថយបន្ទុកចំណាយរបស់ប្រជាពលរដ្ឋ និងពលករ​យើង​នៅ​ក្នុង​ប្រទេសកូរ៉េបានយ៉ាងច្រើន»។ ជាមួយគ្នានេះ​ផងដែរ សម្តេចធិបតី…

(ភ្នំពេញ)៖ ដើម្បីរួមចំណែកសម្រួលការលំបាករបស់ប្រជាពលរដ្ឋ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានស្នើសុំគ្រឹះស្ថានសិក្សានៅកម្ពុជា កុំដំឡើងថ្លៃសិក្សានៅក្នុងឆ្នាំ​សិក្សា​២០២៤-២០២៥នេះ។ តបតាមសំណើនេះ គ្រឹះស្ថានមួយចំនួនសម្រេចមិនដំឡើងថ្លៃសិក្សាសម្រាប់ឆ្នាំសិក្សា២០២៤-២០២៥ ខណៈគ្រឹះស្ថានសិក្សាខ្លះទៀត សម្រេចមិនដំឡើងថ្លៃនៅឆ្នាំសិក្សាឆ្នាំ២០២៥-២០២៦។ តាមរយៈបណ្តាញសង្គមនៅថ្ងៃទី៣ ខែវិច្ឆិកា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត បានគូសបញ្ជាក់ថា ដើម្បីសម្រាលបន្ទុកឪពុក​ម្តាយ អ្នកអាណាព្យាបាល និងសិស្ស-និស្សិត ក្នុងការ​បង់​ថ្លៃសិក្សានៅតាមគ្រឹះស្ថានសិក្សា សម្តេចបានប្រគល់ភារកិច្ចជូនលោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា សមាគមគ្រឹះស្ថានឧត្តម​សិក្សាកម្ពុជាដែលមានសមាជិក១៤១ និងសហព័ន្ធសេវាអប់រំនៃកម្ពុជាដែលមានសមាជិក១២០ ពិនិត្យលទ្ធភាពមិនដំឡើងថ្លៃសិក្សាសម្រាប់ឆ្នាំសិក្សាថ្មីនេះ ក៏ដូចជាពិនិត្យលទ្ធភាពជាក់ស្ដែង​ក្នុង​ការ​​បញ្ចុះថ្លៃសិក្សាសម្រាប់សិស្ស-និស្សិត។ សម្តេចមហាបវរធិបតី បានបន្ថែមថា ជាលទ្ធផលសមាគមគ្រឹះស្ថានឧត្ដមសិក្សាកម្ពុជា បានឯក​ភាព​មិន​ដំឡើងថ្លៃសិក្សាសម្រាប់ឆ្នាំសិក្សាថ្មី២០២៤-២០២៥នេះ ហើយគ្រឹះស្ថានសិក្សាទាំងអស់​នឹងពិនិត្យលទ្ធភាពបញ្ចុះតម្លៃសិក្សាជូនសិស្ស-និស្សិត ទៅតាមលទ្ធភាពរៀងៗខ្លួនផងដែរ។ ដោយ​ឡែក​ចំពោះសហព័ន្ធសេវាអប់រំនៃកម្ពុជា ក៏បានឯកភាពមិនដំឡើងថ្លៃសិក្សា​សម្រាប់ឆ្នាំសិក្សា ២០២៥-២០២៦ជំនួសវិញ ព្រោះឆ្នាំសិក្សា ២០២៤-២០២៥ គ្រឹះស្ថានសិក្សាជាច្រើនដែលជា​សមាជិក​សហព័ន្ធបានបើកបវេសនកាលតាំងពីខែកក្កដា ឬសីហា រួចទៅហើយ។ ក្នុងនាមរាជរដ្ឋាភិបាល សម្តេចប្រមុខរាជរដ្ឋាភិបាល បានកោតសរសើរចំពោះស្មារតីសហការ និងសូមថ្លែងអំណរគុណចំពោះសមាគមគ្រឹះស្ថានឧត្តមសិក្សាកម្ពុជា និងសហព័ន្ធសេវាអប់រំ​នៃកម្ពុជា ដែលបានយល់ស្របតាមសំណើរបស់សម្តេច ដោយមិនដំឡើងថ្លៃសិក្សាសម្រាប់ឆ្នាំ​សិក្សាថ្មី…

(ភ្នំពេញ)៖ ការផ្តល់សេវាលិខិតឆ្លងដែននៅស្ថានទូតខ្មែរក្នុងប្រទេសកូរ៉េខាងត្បូង ត្រូវបានបិទ​បញ្ចប់​ហើយ​នៅថ្ងៃទី២ ខែវិច្ឆិកា ឆ្នាំ២០២៤ បន្ទាប់ពីបានពន្យារចំនួនពីរលើក។ យោងតាមបណ្តាញសង្គមរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានឱ្យដឹងថា រយៈពេលប្រមាណជា១០ខែមកនេះ គិតចាប់តាំងពីពេលបើកដំណើរការនាថ្ងៃទី១០ ខែមករា ឆ្នាំ២០២៤ មកដល់ថ្ងៃទី២ ខែវិច្ឆិកា ឆ្នាំ​២០២៤នេះ ស្ថានឯកអគ្គរាជទូតកម្ពុជាប្រចាំ​ប្រទេស​​កូរ៉េខាត្បូង បានទទួលពាក្យស្នើសុំ​ផ្តល់​លិខិតឆ្លងដែនសរុបចំនួន ៦,២៥២ច្បាប់ និងបាន​បើក​លិខិត​ឆ្លងដែនជូនប្រជាពលរដ្ឋ និងពលករ​ខ្មែរបានសរុបចំនួន ៤,៩៧១នាក់។ សម្តេចមហាបវរធិបតី ហ៊ុន ម៉ាណែត បានថ្លែងអំណរគុណយ៉ាងជ្រាលជ្រៅ​ចំពោះថ្នាក់​ដឹក​នាំ​មន្ត្រី​នគរបាលជាតិ​ ​នៃអគ្គនាយកដ្ឋានអត្តសញ្ញាណកម្ម​​​ ក្រសួងមហាផ្ទៃ, មន្ត្រី និងបុគ្គលិក នៃស្ថាន​ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង ព្រមទាំងនិស្សិត និងសហគមន៍ខ្មែរស្ម័គ្រ​ចិត្តទាំង​អស់ ដែលបានខិតខំប្រឹងប្រែងរៀបចំ និងសម្របសម្រួលការផ្តល់សេវាលិខិតឆ្លងដែនជូន​ប្រជាពល​រដ្ឋ និងពលករខ្មែរដែលកំពុងស្នាក់នៅ និងធ្វើការនៅក្នុងកូរ៉េខាងត្បូង នៅស្ថានឯក​អគ្គរាជ​ទូត​កម្ពុជាប្រចាំប្រទេសកូរ៉េខាងត្បូង រហូតឈានសម្រេចបានការបិទបញ្ចប់ដំណើរការនៃការផ្តល់​សេវាដោយជោគជ័យគួរជាទីមោទនៈ ហើយដែលពិតជាបានជួយសម្រួលការលំបាក និងកាត់​បន្ថយ​បន្ទុកចំណាយរបស់ប្រជាពលរដ្ឋ និងពលករនៅប្រទេសកូរ៉េបានយ៉ាងច្រើន។ សម្តេចមហាបវរធិបតី ក៏បានសម្តែងក្តីរីករាយសាទរចំពោះទំនុកចិត្ត និងភាពកក់ក្តៅរបស់​ប្រជា​ពលរដ្ឋ និងពលករខ្មែររស់នៅក្នុងប្រទេសកូរ៉េ ដែលបានមកទទួលសេវាផ្តល់លិខិតឆ្លងដែននេះ។ សូមរំលឹកថា កាលពីរដើមឆ្នាំ២០២៤ ក្រោយពេលឡើងកាន់ការងារជានាយករដ្ឋមន្ត្រីភ្លាម សម្តេច​មហាបវរ​ធិប​តី ហ៊ុន ម៉ាណែត…

យោងតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា តំបន់វាលទំនាប អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ៤៥% ។ តំបន់ខ្ពង់រាប គ្របដណ្ដប់លើផ្ទៃដី៣០% និង តំបន់មាត់សមុទ្រ គ្របដណ្ដប់លើផ្ទៃដី២០%។ ការប្រែប្រួលអាកាសធាតុដែលអាចមានភ្លៀងធ្លាក់នេះគឺអាស្រ័យដោយ ព្យុះទី២១ឈ្មោះកង្រី នៅតែបន្តមានឥទ្ធិពលលើរបបខ្យល់មូសុងឦសាន ខណៈសម្ពាធទាបគ្របដណ្តប់លើសមុទ្រចិនខាងត្បូង ឈូងសមុទ្រថៃ និងគ្របដណ្តប់លើភាគខាងក្រោមនៃអាងទន្លេមេគង្គ និងលើព្រះរាជាណាចក្រកម្ពុជា។ ស្ថានភាពបែបនេះចាប់ពីថ្ងៃទី៣ ដល់ថ្ងៃទី៥ ខែវិច្ឆិកា ឆ្នាំ២០២៤។ ទន្ទឹងនេះទៀត កម្ពុជាត្រូវបានគេព្យាករណ៍ថា ទទួលរងការប្រែប្រួលអាកាសធាតុ ដែលតំបន់វាលទំនាប នឹងមានសីតុណ្ហភាពអប្បបរមា២២°C និងសីតុណ្ហភាពអតិបរមា៣២°C។ ដោយឡែក សម្រាប់តំបខ្ពង់រាប នឹងមានសីតុណ្ហភាពអប្បបរមា២០°C និងសីតុណ្ហភាពអតិបរមា៣១°C។ ចំណែកឯ តំបន់មាត់សមុទ្រវិញ នឹងមានសីតុណ្ហភាពអប្បបរមា២១°C និងសីតុណ្ហភាពអតិបរមា៣១°C។ ជាមួយគ្នានោះតំបន់មាត់សមុទ្រ រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា ១,៥០ម៉ែត្រ៕ ដោយ ធូ កុសល

ព្រះរាជាណាចក្រថៃ៖ កាលពីរសៀលថ្ងៃសុក្រ ទី១ ខែវិច្ឆិកា ឆ្នាំ២០២៤ ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញថ្លែងសុន្ទរកថាគន្លឹះក្នុងសិក្ខាជំរុញ និងទាក់ទាញវិនិយោគ ដែលសហការរៀបចំដោយអង្គការពាណិជ្ជកម្មក្រៅប្រទេសជប៉ុន (JETRO) ប្រចាំកម្ពុជា និងថៃ និងគណៈកម្មាធិការសហប្រតិបត្តិការសេដ្ឋកិច្ច និងឧស្សាហកម្ម AEM-METI (AMEICC) ដើម្បីសម្លឹងមើលឱកាសទាក់ទាញវិនិយោគិនតាមរយៈយន្តការប្រទេសបូក (Thailand +1)។ កម្មវិធីនេះក៏មានការចូលរួមពីសមាគមធុរកិច្ចជប៉ុនប្រចាំកម្ពុជា (JBAC), សភាពាណិជ្ជកម្មជប៉ុន បាងកក (JCC), ឯកឧត្តម លោកជំទាវជាថ្នាក់ដឹកនាំពីក្រសួងស្ថាប័នរបស់កម្ពុជា វិស័យឯកជន ដែលបានចូលរួមដោយផ្ទាល់ និងតាមប្រពន្ធ័វីឌីអូពីចម្ងាយ (Zoom) ចំនួនប្រមាណ ២០០នាក់។ សិក្ខាសាលានេះត្រូវបានរៀបចំឡើងក្នុងគោលបំណងដើម្បីផ្សព្វផ្សាយគោលនយោបាយរបស់កម្ពុជាលើកិច្ចការងារវិនិយោគ ពិសេសការចូលរួមរបស់ក្រុមប្រឹក្សាអភិវឌ្ឍន៍កម្ពុជាក្នុងកិច្ចការងារទាក់ទាញ សម្របសម្រួល និងថែទាំវិនិយោគ សំដៅជំរុញកម្ពុជាចូលរួមឱ្យបានកាន់តែប្រសើរក្នុងខ្សែច្រវាក់ផ្គត់ផ្គង់របស់ពិភពលោក។ តាមរយៈច្បាប់ស្ដីពីវិនិយោគ កម្ពុជាបានបើកចំហរ និងផ្ដល់ការលើកទឹកចិត្តជាច្រើនជូនវិនិយោគិន លើវិស័យជាអាទិភាពនានា។ ក្នុងឱកាសនៃសិក្ខាសាលានេះ កម្ពុជាបានបង្ហាញនូវជម្រើសជាវិជ្ជមានដែលវិនិយោគិន ពិសេសវិនិយោគិនជប៉ុន គួរសម្រេចចិត្តពង្រីកផលិតកម្មរបស់ខ្លួនតាមរយៈយន្តការប្រទេសបូក ដោយទាញយកសក្ដានុពលដែលកម្ពុជាអាចផ្ដល់ជូនក្នុងខ្សែច្រវ៉ាក់ផលិតកម្មនោះ។ មានប្រសាសន៍ក្នុងសិក្ខាសាលានេះ ឯកឧត្តមឧបនាយករដ្ឋមន្រ្តី បានថ្លែងអំណរគុណដល់អង្គការ JETRO…

(ភ្នំពេញ)៖ ឯកឧត្តមបណ្ឌិត ថោង ខុន ទេសរដ្ឋមន្រ្តីទទួលបន្ទុកជំរុញការអភិវឌ្ឍចលនាកីឡា និងជាប្រធានគណៈកម្មាធិការជាតិអូឡាំពិកកម្ពុជា (NOCC) បានថ្លែងថា ការប្រកួតកីឡាហែលទឹកពាក់ជើងទាជ្រើសរើសជើងឯកអាស៊ីអាគ្នេយ៍ លើកទី១ នាពេលនេះ គឺពិតជាមានសារៈសំខាន់ និងជាកាលានុវត្តភាពថ្មីបន្ថែមទៀត ក្នុងការជំរុញលើកកម្ពស់ និងអភិវឌ្ឍកីឡាហែលទឹកពាក់ជើងទានៅអាស៊ីអាគ្នេយ៍។ ឯកឧត្តមបណ្ឌិត ថោង ខុន ថ្លែងលើកឡើង ក្នុងឱកាសអញ្ជើញជាអធិបតីបើកការប្រកួតកីឡាហែលទឹកពាក់ជើងទា ជើងឯកអាស៊ីអាគ្នេយ៍ លើកទី១ ឆ្នាំ២០២៤ នៅអាងហែលទឹកនៃពហុកីឡដ្ឋានជាតិ។ ប្រធាន NOCC បានសង្កត់ធ្ងន់ថា ការសម្រេចរបស់រាជរដ្ឋាភិបាលក្នុងការអនុញ្ញាតឱ្យសហព័ន្ធខ្មែរកីឡាហែលទឹករៀបចំធ្វើជាម្ចាស់ផ្ទះការរៀបចំការប្រកួតកីឡាហែលទឹកពាក់ជើងទា ជ្រើសរើសជើងឯកអាស៊ីអាគ្នេយ៍ លើកទី១ នាពេលនេះ ក៏បានបង្ហាញពីការគាំទ្រយ៉ាងពេញទំហឹងរបស់រាជរដ្ឋាភិបាលកម្ពុជា ក្នុងការរួមចំណែកអភិវឌ្ឍកីឡាជំនាញកម្រិតខ្ពស់នៅអាស៊ីអាគ្នេយ៍ផងដែរ។ រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃ ប្រកបដោយថាមពល និងទស្សនវិស័យទំនើបជឿនលឿនរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានដាក់ចេញនូវយុទ្ធសាស្ត្របញ្ចកោណដំណាក់កាលទី១ ក្នុងការកសាងមូលដ្ឋានគ្រឹះឆ្ពោះទៅសម្រេចបានចក្ខុវិស័យកម្ពុជាក្លាយជាប្រទេសមានចំណូលខ្ពស់នៅឆ្នាំ២០៥០។ ក្នុងនោះវិស័យកីឡានៅតែជាវិស័យអាទិភាព និងដើរតួនាទីយ៉ាងសំខាន់ ក្នុងការរួមចំណែកអភិវឌ្ឍគុណភាពមូលធនមនុស្ស និងលើកកម្ពស់កិត្យានុភាពជាតិជាមួយនឹងការបន្តជំរុញយុទ្ធនាការជាតិ “យុវជនម្នាក់លេងកីឡាមួយប្រភេទយ៉ាងតិចប្រចាំជីវិត”។ ក្នុងនាមគណៈកម្មាធិការជាតិអូឡាំពិកកម្ពុជាសូមថ្លែងអំណរគុណដល់សហព័ន្ធកីឡាក្រោមទឹកអន្តរជាតិ (World Underwater Federation) និងសហព័ន្ធកីឡាក្រោមទឹកអាស៊ីអាគ្នេយ៍ (Southeast Asian Underwater…

(ភ្នំពេញ)៖ ឯកឧត្តម ខៀវ កាញារីទ្ធ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា អ្នកតំណាងរាស្ត្រមណ្ឌលកំពង់ចាម និងជាប្រធានកិត្តិយសសហព័ន្ធកីឡារាំកម្ពុជាបានគូសបញ្ជាក់ថា សហព័ន្ធកីឡារាំកម្ពុជាមានការអភិវឌ្ឍ និងរីកចម្រើនពីមួយថ្ងៃទៅមួយថ្ងៃទាំងធនធានកីឡាករ កីឡាការិនី និងសមត្ថភាពនៃការចូលរួមប្រកួតថ្នាក់ជាតិ និងអន្តរជាតិ ដែលទទួលបានលទ្ធផលផ្លែផ្កាគួរជាទីមោទនៈ។ ឯកឧត្តម ខៀវ កាញារីទ្ធ បានថ្លែងនៅក្នុងឱកាសអញ្ជើញជាអធិបតីជាមួយលោកជំទាវ បើកការប្រកួតកីឡារាំនៃព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ នៅថ្ងៃទី០២ ខែវិច្ឆិកា ឆ្នាំ២០២៤ នៅ CJCC រាជធានីភ្នំពេញ។ ឯកឧត្តម ខៀវ កាញារីទ្ធ មានប្រសាសន៍ថា ៖«ជាមួយនឹងការរីកចម្រើនពីមួយថ្ងៃទៅមួយថ្ងៃទាំងធនធានកីឡាករ កីឡាការិនី និងសមត្ថភាពនៃការចូលរួមប្រកួតថ្នាក់ជាតិ និងអន្តរជាតិ ដែលទទួលបានលទ្ធផលផ្លែផ្កាគួរជាទីមោទនៈនេះ ជាពិសេសកន្លងមក កីឡាករ កីឡាការិនីរាំកម្ពុជាបានចេញទៅប្រកួតនៅវៀតណាមដណ្តើមបានមេដាយកម្រិតពិភពលោកទៀតផង»។ ឯកឧត្តមប្រធានកិត្តិយសសហព័ន្ធបានថ្លែងអំណរគុណយ៉ាងជ្រាលជ្រៅចំពោះក្រសួងអប់រំ យុវជន និងកីឡា ដែលបានរៀបចំព្រឹត្តិការណ៍នេះឡើង ក្នុងគោលបំណងលើកកម្ពស់សមត្ថភាពបច្ចេកទេសដល់កីឡាករ កីឡាការិនីទាំងអស់ ដើម្បីត្រៀមលក្ខណៈសម្បត្តិ ក៏ដូចជាការប្រមែលប្រមូលធនធានកីឡាករ កីឡាការិនី ដែលមានសក្តានុពលចូលរួមប្រកួតកីឡាជាតិ លើប្រភេទកីឡារាំ ត្រៀមចូលរួមប្រកួតកីឡារាំអន្តរជាតិនានា នាពេលខាងមុខនេះ។ ជាមួយគ្នានេះ ឯកឧត្តម ខៀវ…