Category: ព័ត៌មានជាតិ​

ភ្នំពេញ៖ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានថ្លែងថា រាជរដ្ឋាភិបាលកម្ពុជា​កំពុងផ្ដល់​នូវ​ការអនុគ្រោះថ្លៃថាមពលអគ្គិសនី ចំពោះរោងម៉ាស៊ីនកិនស្រូវ និងអ្នក​សម្ងួត​ស្រូវ​នា​រដូវ​ប្រមូល​ផល ក្នុងន័យជួយដល់កសិករ ដើម្បីជំរុញផលិតកម្មស្រូវនាំទៅកាន់ទីផ្សារអន្តរជាតិ ។ ក្នុងសន្និសីទសារព័ត៌មានស្តីពី គោលនយោបាយថាមពលកម្ពុជា កាលរសៀលថ្ងៃទី៤ ខែតុលា ឆ្នាំ២០២៤ ឯកឧត្តម កែវ រតនៈ មានប្រសាសន៍ថា ពាក់ព័ន្ធនឹងវិស័យថាមពលអគ្គិសនី រាជរដ្ឋាភិបាល​បានខិតខំខ្លាំងណាស់ ក្នុងការអនុគ្រោះទៅដល់ប្រជាពលរដ្ឋ និងអ្នកធ្វើ​អាជីវកម្ម​លើ​វិស័យ​កសិកម្មជាដើម ដូចជាមិនយកតម្លៃខ្ពស់ ចំពោះការ​ប្រើប្រាស់​របស់​ពលរដ្ឋ​មាន​ជីវភាព​ខ្វះខាត ហើយរដ្ឋសុខចិត្តបញ្ចេញថវិកាប្រមាណ ១០០លានដុល្លារ ដើម្បីទប់​ទល់​កុំ​ឲ្យមា​ន​ការ​ឡើង​ថ្លៃ​អគ្គិសនី ។ ឯកឧត្តមបានបន្តថា ចំពោះវិស័យកសិកម្មវិញ កាលពីពេលថ្មីៗនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចអនុគ្រោះបន្ថែមទៀត ទៅឲ្យរោងម៉ាស៊ិនកិនស្រូវ ឬអ្នក​សម្ងួត​ស្រូវ ដើម្បីជួយកាត់បន្ថយការចំណាយលើការកិនស្រូវ និងសម្ងួតស្រូវ ក្នុងន័យជួយ​ដល់​កសិករ ជំរុញក្នុងការធ្វើផលិតកម្មស្រូវឲ្យកាន់តែទូលាយ នាំទៅកាន់ទីផ្សារពិភពលោក តាមរយៈ​ការ​បញ្ចុះ​តម្លៃអគ្គិសនីដល់វិស័យឯកជនទាំងនោះ ។ គួរបញ្ជាក់ថា តម្លៃអគ្គិសនីនៅកម្ពុជា ក្នុងមួយគីឡូ (1kWh) មានតម្លៃចាប់ពី ៣៨០រៀល…

អ្នកជំនាញអាជីវកម្ម ជំរុញឱ្យម្ចាស់សហគ្រាសធុនមីក្រូ តូច និងមធ្យម ត្រូវអភិវឌ្ឍជំនាញ Soft Skill និងការចាប់យកបច្ចេកវិទ្យាថ្មីៗ ដែលជាតម្រូវការ និងការគ្រប់គ្រង​ហិរញ្ញវត្ថុ​ឱ្យ​មាន​និរន្តរភាព ទើបជំរុញការធ្វើអាជីវកម្មរបស់ខ្លួនបានជោគជ័យ។ បណ្ឌិត តាន់ មុនីវណ្ណ អនុប្រធានសភាពាណិជ្ជកម្ពុជា លើកឡើងនៅក្នុងវេទិកាពិភាក្សា ស្តីពីការ​គ្រប់​គ្រង​ហិរញ្ញវត្ថុក្នុង អាជីវកម្មសហគ្រាសធុនមីក្រូ តូច និងមធ្យម នេះថា ជុំវិញការធ្វើជំនួញ ច្បាស់​ណាស់គឺម្ចាស់អាជីវកម្មចង់បានប្រាក់ចំណូល និងការ គ្រប់គ្រង់អាជីវកម្ម​ប្រកប​ដោយ​និរន្តរភាព។ បញ្ហានេះម្ចាស់អាជីវកម្ម ត្រូវតែពង្រឹងនិងពង្រីកជំនាញ និងចំណេះដឹង ឱ្យស្របនិង អាជីវកម្មរបស់ខ្លួន ជាពិសេសការចាប់យកនូវបច្ចេកវិទ្យាថ្មីៗនៅក្នុងបរិបថកំពុងរីកចម្រើន ដើម្បី​បម្រើ​ដល់​ដំណើរការផលិត និងការផ្គត់ ផ្គង់ផលិតផលលើទីផ្សារជាដើម ។

ក្រសួងការបរទេសរុស្ស៊ី មានផែនការដកក្រុមតាលីបង់ ចេញពីបញ្ជីអង្គការភេរវកកម្មរបស់ខ្លួន។ ទីក្រុងមូស្គូ បានដាក់បន្ថែមក្រុមឥស្លាមនិយម ដែលគ្រប់គ្រងប្រទេសអាហ្វហ្គានីស្ថានដោយប្រសិទ្ធភាពកាលពីឆ្នាំ ២០០៣។ លោក Zamir Kabulov បេសកជនពិសេសរបស់ប្រធានាធិបតីរុស្ស៊ីប្រចាំប្រទេសអាហ្វហ្គានីស្ថាន បាននិយាយកាលពីថ្ងៃសុក្រថា លោកសង្ឃឹមថាការសម្រេចចិត្តចុងក្រោយនឹងត្រូវបានប្រកាសក្នុងពេលដ៏ខ្លីខាងមុខនេះ។ រដ្ឋមន្ត្រីការបរទេសរុស្ស៊ី លោក Sergey Lavrov បានជួបជាមួយសមភាគីអាហ្វហ្គានីស្ថាន លោក Amir Khan Muttaqi កាលពីថ្ងៃសុក្រ ក្នុងសន្និសីទនៅទីក្រុងមូស្គូ។ លោក Lavrov និយាយថា យើងជឿជាក់លើតម្រូវការដើម្បីរក្សាការសន្ទនាប្រកបដោយប្រសិទ្ធភាពជាមួយរដ្ឋាភិបាលអាហ្វហ្គានីស្ថាន បច្ចុប្បន្ន។ លោក Lavrov ក៏បានជំរុញឱ្យបណ្តាប្រទេសលោកខាងលិច ទទួលស្គាល់ការទទួលខុសត្រូវរបស់ពួកគេសម្រាប់ការកសាងប្រទេសអាហ្វហ្គានីស្ថានឡើងវិញ ដកទណ្ឌកម្ម និងប្រគល់ទ្រព្យសម្បត្តិរបស់ទីក្រុងកាប៊ុល មកវិញ។

ពង់ឆ្នាំង៖ សព​ក្មេងស្រីប្រុស​២នាក់​ដែល​បាន​លង់​ទឹក​ទន្លេ​កាល​ពីយប់មិញ បាន​រក​ឃើញ​ហើយ​នៅ​វេលា​ម៉ោងជិត៩ នាព្រឹកថ្ងៃទី០៥ ខែតុលា ឆ្នាំ២០២៤នេះ។ នេះបើយោងតាមការ​បញ្ជាក់​ពី​លោក វន ស៊ីផា អភិបាលស្រុកកំពង់ត្រឡាច ខេត្តកំពង់ឆ្នាំង។ គួរំលឹកថា កាលពីម៉ោងប្រមាណជិត៧យប់ ថ្ងៃទី០៤ ខែតុលា ឆ្នាំ២០២៤នេះ នៅក្នុ​ង​ភូមិ​កំពង់​ត្រឡាច​ក្រោម ឃុំកំពង់ត្រឡាច ស្រុកកំពង់ត្រឡាច មានជនជាតិខ្មែរអ៊ីស្លាម១គ្រួសារ បានឆ្លង​ទូក​ពី​ត្រើយខាងកើតមកត្រើយខាងលិច ពេលមកដល់ចំណុចកើតហេតុកណ្តាលទន្លេ ទូកនោះ​បាន​ជួប​ជា​នឹងខ្យល់ខ្លាំងបណ្តាលអោយក្រឡាប់លិចតែម្តង ដោយឡែក​ឪពុក​បាន​ជួយ​បាន​កូន​អាយុ​៥​ឆ្នាំ​តែម្នាក់ប៉ុណ្ណោះ។ ដោយឡែកកូនស្រីអាយុ១៤ឆ្នាំ និងក្មួយប្រុសអាយុ១៤ឆ្នាំ បាន​លង់​ស្លាប់​នៅ​ក្នុងទន្លេនោះ និងទើបរកឃើញសពក្មេង​រង​គ្រោះទាំង​២នាក់​នៅ​ម៉ោង​ប្រមាណ​ជិត​៩​ព្រឹក​ថ្ងៃ​ទី​០៥ ខែតុលា ឆ្នាំ២០២៤នេះ ហើយសមត្ថកិច្ច​ក្រោយ​ពិនិត្យ​សព​រួច​បាន​ប្រគល់​អោយ​ក្រុម​គ្រួសារ​យក​ទៅ​ធ្វើបុណ្យតាមប្រពៃណី ៕ កាំង ហុងវាស្នា

មេដឹកនាំក្រុមហាម៉ាស លោក Yahya Sinwar មិនស្តាយក្រោយចំពោះការវាយប្រហារកាលពីថ្ងៃទី៧ ខែតុលា ឆ្នាំមុននោះទេ ទោះបីការវាយលុករបស់អ៊ីស្រាអែល បានសម្លាប់ពលរដ្ឋប៉ាឡេស្ទីនរាប់ម៉ឺននាក់ក៏ដោយ និងបានពង្រាបឲ្យទៅជាកម្ទេចកម្ទីក្នុងដែនដីហ្កាហ្សា និងបានបំផ្លាញសម្ព័ន្ធមិត្ត ក្រុមហេសបូឡា ក៏ដោយ។ មន្ត្រីប៉ាឡេស្ទីន៤រូប និងប្រភពព័ត៌មានចំនួន២មកពីរដ្ឋាភិបាលនៅតំបន់មជ្ឈិមបូព៌ា បាននិយាយថា សម្រាប់លោក Sinwar មានអាយុ៦២ឆ្នាំ ជាអ្នករៀបចំការវាយឆ្មក់ឆ្លងព្រំដែនរបស់ក្រុមហាម៉ាស ដែលបានក្លាយជាថ្ងៃដ៏បង្ហូរឈាមបំផុតក្នុងប្រវត្តិសាស្ត្ររបស់អ៊ីស្រាអែល បាននិយាយថា ការតស៊ូប្រដាប់អាវុធនៅតែជាមធ្យោបាយតែមួយគត់ដើម្បីបង្ខំឱ្យមានការបង្កើតប្រជាជាតិប៉ាឡេស្ទីន។ កាលពីថ្ងៃទី ៧ ខែតុលា ឆ្នាំ ២០២៣ ការវាយប្រហាររបស់ក្រុមហាម៉ាស បានសម្លាប់មនុស្ស១.២០០នាក់ ភាគច្រើនជាជនស៊ីវិល និងបានចាប់ចំណាប់ថ្នូរ ២៥០នាក់ នេះបើយោងតាមចំនួនសរុបរបស់អ៊ីស្រាអែល ខណៈអ៊ីស្រាអែល បានឆ្លើយតបដោយការបើកការវាយលុកទ្រង់ទ្រាយធំ បានសម្លាប់មនុស្ស ៤១.៦០០នាក់ និងបណ្តាលឱ្យមនុស្ស ១,៩ លាននាក់ភៀសខ្លួនចេញ នេះបើយោងតាមអាជ្ញាធរសុខាភិបាលប៉ាឡេស្ទីន និងតួលេខពីអង្គការសហប្រជាជាតិ។ បច្ចុប្បន្ននេះជម្លោះបានរីករាលដាលដល់ប្រទេសលីបង់ ដោយអ៊ីស្រាអែលបានបំបាក់ក្រុមសកម្មប្រយុទ្ធហេសបូឡាគាំទ្រដោយអ៊ីរ៉ង់យ៉ាងខ្លាំង រួមទាំងការសម្លាប់មេដឹកនាំភាគច្រើនរបស់ក្រុមនេះ។

រាជធានីភ្នំពេញ៖ នៅថ្ងៃទី០៤ ខែតុលា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៧លើក បណ្ដាលឲ្យមនុស្សស្លាប់៤នាក់ និងរបួស៨នាក់។​ នេះបើយោងតាមរបាយការណ៍ របស់អគ្គស្នងការដ្ឋាននគរបាលជាតិ។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមាន ៖ ល្មើសល្បឿន ​, មិនគោរពសិទ្ឋិ ​, មិនប្រកាន់ស្តាំ ​, ប្រជែង ​និងស្រវឹង ​ ៕

ក្រុងបារីស ៖ លោកស្រី ដោ សម្ផស្ស អ្នកនាំពាក្យសាលារាជធានីភ្នំពេញ និងជានាយកទីចាត់ការរដ្ឋបាលសាលារាជធានីភ្នំពេញបានឱ្យដឹហពីទីក្រុងប៉ារីស នារសៀលថ្ងៃទី០៤ ខែតុលា ឆ្នាំ២០២៤ ថា កាលពីរសៀលថ្ងៃទី០៣ ខែតុលា ឆ្នាំ២០២៤ ឯកឧត្តម ឃួង ស្រេង អភិបាលរាជធានីភ្នំពេញ និងជាអនុប្រធានអចិន្ត្រៃយ៍សមាគមអន្តរជាតិអភិបាលក្រុងប្រើប្រាស់ភាសាបារាំង AIMF និងសហការី បានអញ្ជើញចូលរួមកិច្ចប្រជុំការិយាល័យអចិន្ត្រៃយ៍លើកទី ១០២ ក្រោមអធិបតីភាពលោកជំទាវ អាន អ៊ីដាល់ហ្គោ (Anne HIDALGO) អភិបាលក្រុងប៉ារីស និងជាប្រធានសមាគមអន្តរជាតិអភិបាលក្រុងប្រើប្រាស់ភាសាបារាំង នៅសាលប្រជុំសាលាក្រុងបារីស ប្រទេសបារាំង។ លោកស្រីអ្នកនាំពាក្យសាលារាជធានីភ្នំពេញបានបន្ថែមថា កិច្ចប្រជុំការិយាល័យអចិន្ត្រៃយ៍លើកទី ១០២នេះប្រព្រឹត្តទៅដើម្បីពិនិត្យ និងអនុម័តរបៀបវារៈសំខាន់មួយចំនួនរបស់សមាគមរួមមាន អនុម័តរបាយការណ៍កិច្ចប្រជុំការិយាល័យអចិន្ត្រៃយ៍លើកទី ១០១ ដែលបានប្រព្រឹត្តទៅនៅទីក្រុងឡូហ្សាន ប្រទេសស្វីស កាលពីថ្ងៃទី២៤ ខែឧសភា ឆ្នាំ២០២៤ ដែលក្នុងរបាយការណ៍នេះគឺ ឯកឧត្ដម ឃួង ស្រេង អភិបាលរាជធានីភ្នំពេញត្រូវបានការិយាល័យអចិន្ត្រៃយ៍ និងអង្គសន្និបាតសម្រេចបោះឆ្នោតបន្តអាណត្តិជាសមាជិកការិយាល័យអចិន្ត្រៃយ៍ និងជាពិសេសគាំទ្រឱ្យក្លាយជាអនុប្រធានការិយាល័យអចិន្ត្រៃយ៍របស់សមាគម AIMF និងសម្រេចរៀបចំមហាសន្និបាតនៃសមាគម AIMF ឆ្នាំ២០២៥ នៅទីក្រុងវ៉េ…