Category: ព័ត៌មានជាតិ​

អាជ្ញាធរបាននិយាយកាលពីថ្ងៃព្រហស្បតិ៍ (០៨ សីហា) ថា ក្មេងជំទង់ជនជាតិអូទ្រីសម្នាក់ ដែលត្រូវបានចាប់ខ្លួនពីបទគ្រោងវាយប្រហារលើការប្រគំតន្ត្រីរបស់កំពូលតារាចម្រៀងអាមេរិកដ៏ល្បី កញ្ញា ថេល័រ ស្វីស (Taylor Swift) នៅទីក្រុងវីយែន បានគ្រោងវាយប្រហារអត្តឃាត ដែលអាចនឹងធ្វើឱ្យមាន «ការបង្ហូរឈាម» និងបានប្តេជ្ញាចិត្តស្មោះត្រង់ចំពោះក្រុមរដ្ឋអ៊ីស្លាម (IS) ។ លោក ហ្វ្រង់ រូហ្វ (Franz Ruf) អគ្គនាយករងសន្តិសុខសាធារណៈរបស់ប្រទេសអូទ្រីស បានប្រាប់សន្និសីទសារព័ត៌មានមួយថា ជនសង្ស័យដែលជាបុរសវ័យ ១៩ឆ្នាំ មានដើមកំណើតនៅប្រទេសម៉ាសេដូនីខាងជើង បានសារភាពគ្រប់យ៉ាងក្នុងពេលឃុំឃាំង។ លោក Ruf បានបន្ថែមថា ជនសង្ស័យនោះបានស្បថសច្ចាស្មោះស្ម័គ្រជាមួយមេដឹកនាំក្រុម IS នៅតាមអ៊ីនធឺណិត ហើយបានត្រៀមសារធាតុគីមី កាំបិត និងឧបករណ៍បច្ចេកទេសនៅផ្ទះរបស់ខ្លួនក្នុងទីក្រុង ថើនីតស៍ (Ternitz) ដើម្បីរៀបចំការវាយប្រហារ។ ប្រធានចារកម្មជាតិ លោក អូម៉ា ហៃចាវី ផើច្នើ (Omar Haijawi-Pirchner) បាននិយាយថា ជនសង្ស័យរូបនេះកំពុងរៀបចំផែនការវាយប្រហារដ៏បង្ហូរឈាមក្នុងចំណោមអ្នកគាំទ្រតារាចម្រៀង Taylor Swift ប្រមាណ ២០.០០០នាក់ ដែលគ្រោងនឹងប្រមូលផ្តុំនៅខាងក្រៅកីឡាដ្ឋាន…

ប្រជាជនវេណេស៊ុយអេឡា បានរៀបចំពិធីដុតទៀន កាលពីថ្ងៃព្រហស្បតិ៍ ដើម្បីទាមទារឱ្យមានការដោះលែងអ្នកទោសនយោបាយ ដែលត្រូវបានឃុំខ្លួនដោយរដ្ឋាភិបាលរបស់ប្រធានាធិបតី លោកNicolas Maduro ។ ក្រុមប្រឆាំង និងសកម្មជនសិទ្ធិមនុស្ស បានរៀបចំព្រឹត្តិការណ៍នេះ នៅទីលានសាធារណៈមួយកន្លែង នៅភាគខាងកើតទីក្រុង ការ៉ាកាស។ អ្នកចូលរួម បានបង្កើតពាក្យថា «សន្តិភាព» និង «សេរីភាព» ជាមួយនឹងពន្លឺភ្លើងទៀនរបស់ពួកគេ។ ការរៀបចំពិធីនេះ បានបញ្ជាក់ពីស្ថានភាពរបស់បាតុករ សកម្មជន និងមន្ត្រីជាន់ខ្ពស់នយោបាយជាច្រើននាក់ ដែលត្រូវបានឃុំខ្លួន បន្ទាប់ពីការបោះឆ្នោតប្រធានាធិបតីដែលមានភាពចម្រូងចម្រាស។ លោក Maduro បាននិយាយថា មនុស្សប្រហែល ២.០០០នាក់ ត្រូវបានចាប់ខ្លួនក្នុងអំឡុងពេលការធ្វើបាតុកម្ម។ អង្គការឃ្លាំមើលសិទ្ធិមនុស្ស ដែលមានមូលដ្ឋាននៅសហរដ្ឋអាមេរិក បានរាយការណ៍ថា មនុស្សយ៉ាងហោចណាស់២០នាក់ ត្រូវបានសម្លាប់។ អង្គការក្រៅរដ្ឋាភិបាលក្នុងតំបន់ Foro Penal បានចុះបញ្ជីអ្នកជាប់ឃុំឃាំងចំនួន ១.២២៩នាក់ គិតត្រឹមព្រឹកថ្ងៃព្រហស្បតិ៍ ដែលក្នុងនោះរួមមានអនីតិជនចំនួន១០៥នាក់។ លទ្ធផលបោះឆ្នោត ដែលបានចេញផ្សាយ បង្កឱ្យមានការចោទប្រកាន់យ៉ាងទូលំទូលាយអំពីការក្លែងបន្លំ និងការតវ៉ា។ ក្រោយមក កងកម្លាំងសន្តិសុខ បានបង្រ្កាបការតវ៉ា ដែលរដ្ឋាភិបាលរបស់លោក Maduro បានចាត់ទុកថាជាផ្នែកមួយនៃការប៉ុនប៉ងធ្វើរដ្ឋប្រហារ គាំទ្រដោយសហរដ្ឋអាមេរិក។…

កងកម្លាំងរុស្ស៊ី កាលពីថ្ងៃព្រហស្បតិ៍ (០៨ សីហា) បានបន្តប្រយុទ្ធជាមួយកងទ័ពអ៊ុយក្រែនក្នុងថ្ងៃទីបី បន្ទាប់ពីពួកគេបានវាយលុកតាមព្រំដែនរុស្ស៊ីក្នុងតំបន់ ឃើកស្ក៍ (Kursk) ដែលជាការវាយប្រហារដ៏ខ្លាំងក្លាមួយទៅលើតំបន់មហាអំណាចនុយក្លេអ៊ែរដ៏ធំបំផុតរបស់ពិភពលោក ដែលបានបង្ខំឱ្យទីក្រុងមូស្គូ កោះហៅទាហានបម្រុងទៅទប់ទល់។ នៅក្នុងការវាយប្រហារដ៏ធំបំផុតមួយរបស់អ៊ុយក្រែន លើប្រទេសរុស្ស៊ី ចាប់តាំងពីសង្រ្គាមបានចាប់ផ្តើមក្នុងខែកុម្ភៈ ឆ្នាំ២០២២មក ទាហានអ៊ុយក្រែនប្រហែល ១.០០០នាក់បានឆ្លងកាត់ព្រំដែនរុស្ស៊ី នៅព្រឹកព្រលឹមថ្ងៃទី០៦ ខែសីហា ជាមួយនឹងរថក្រោះ និងរថពាសដែក ដែលអមដោយដោយយានដ្រូនតាមអាកាសជាច្រើន និងបាញ់កាំភ្លើងធំ នេះបើយោងតាមក្រុមមន្ត្រីរុស្ស៊ី។ ការប្រយុទ្ធគ្នាយ៉ាងខ្លាំងក្លាត្រូវបានគេរាយការណ៍ថានៅជិតទីក្រុង ស៊ូដហ្សា (Sudzha) ជាទីដែលឧស្ម័នធម្មជាតិរបស់រុស្ស៊ី ហូរចូលអ៊ុយក្រែន ដោយបង្កើនកង្វល់ពីលទ្ធភាពនៃការបញ្ឈប់ភ្លាមៗដល់លំហូរឆ្លងកាត់ទៅកាន់អឺរ៉ុប។ ការវាយលុកនេះបានកើតឡើងជាការភ្ញាក់ផ្អើលយ៉ាងខ្លាំងដល់រុស្ស៊ី ក្នុងពេលជាង ២ឆ្នាំបន្ទាប់ពីលោកប្រធានាធិបតី វ្ល៉ាឌីមៀ ពូទីន (Vladimir Putin) បានបញ្ជូនកងទ័ពរបស់ខ្លួនចូលទៅអ៊ុយក្រែន។ ក្រសួងការពារជាតិរុស្ស៊ី បាននិយាយកាលពីថ្ងៃព្រហស្បតិ៍ថា កងទ័ព និងសេវាសន្តិសុខសហព័ន្ធ (FSB) បានបញ្ឈប់វាយរុលរបស់អ៊ុយក្រែន ហើយកំពុងប្រយុទ្ធជាមួយអង្គភាពរបស់ទីក្រុងគីវ នៅក្នុងតំបន់ Kursk។ យោធាអ៊ុយក្រែន បានបន្តរក្សាភាពស្ងៀមស្ងាត់ចំពោះការវាយលុកលើតំបន់ Kursk នេះ ខណៈលោកប្រធានាធិបតី វ្ល៉ូឌីមី ហ្សេឡិនស្គី (Volodymyr…

លោក Donald Trump និង លោកស្រី Kamala Harris គ្រោងនឹងជជែកដេញដោលនៅលើកញ្ចក់ទូរទស្សន៍របស់ ABC News ក្នុងទីក្រុងញូវយ៉កថ្ងៃទី ១០ ខែកញ្ញា បន្ទាប់ពីអតីតប្រធានាធិបតីរូបនេះបាននិយាយកាលពីថ្ងៃព្រហស្បតិ៍សប្ដាហ៍នេះថាលោកបានយល់ព្រមជួបតទល់មុខគ្នានៅខែក្រោយ។ បណ្ដាញទូរទស្សន៍ ABC News បាននិយាយក្នុងសេចក្ដីថ្លែងការណ៍មួយថា ខ្លួននឹងរៀបចំបេក្ខជនប្រធានាធិបតីដែលមានលក្ខណៈសម្បត្តិគ្រប់គ្រាន់ដើម្បីជជែកដេញដោលនៅថ្ងៃទី ១០ ខែកញ្ញានៅលើ ទូរទស្សន៍ABC ។ លោកស្រីអនុប្រធានាធិបតី Harris និងអតីតប្រធានាធិបតី លោក Trump បានអះអាងថាពួកគេនឹងចូលរួមការជជែកដេញដោលរបស់បណ្ដាញទូរទស្សន៍ABC ។ ថ្លែងនៅក្នុងសន្និសីទសារព័ត៌មាននៅឯរមណីយដ្ឋាន Mar-a-Lago របស់លោកក្នុងរដ្ឋ Florida លោក Trump បាននិយាយថារូបលោក “ទន្ទឹងរង់ចាំ”ឱកាសជជែកដេញដោលជាមួយលោកស្រីអនុប្រធានាធិបតី ហើយថាលោកបានយល់ព្រមចំពោះកាលបរិច្ឆេទនាពេលខាងមុខជាមួយទូរទស្សន៍ Fox News, ABC និង NBC ។ ខ្ញុំគិតថាវាមានសារៈសំខាន់ខ្លាំងណាស់ក្នុងការជជែកដេញដោលនានា ហើយយើងបានយល់ព្រមជាមួយ Fox News នៅថ្ងៃទី ៤ ខែកញ្ញា។ យើងបានយល់ព្រមជាមួយ NBC ថ្ងៃ២៥…

កសិករប្រទេសម៉ិកស៊ិក បានបិទផ្លូវហាយវ៉េដ៏សំខាន់មួយ រវាងទីក្រុង Mexico City និងទីក្រុង Puebla នៅម៉ិកស៊ិកភាគកណ្តាលរយៈពេលជាង៤០ម៉ោង ដើម្បីទាមទារប្រាក់សំណងហួសកាលកំណត់ពីរដ្ឋាភិបាល។ កសិកររាប់សិបនាក់ បានចាប់ផ្តើមការតវ៉ាចាប់តាំងពីថ្ងៃអង្គារ ដោយទាមទារឱ្យរដ្ឋាភិបាលបង់ប្រាក់សំណងដែលហួសកាលកំណត់ សម្រាប់ដីដែលត្រូវបានដកហូតយកកាលពី៦០ឆ្នាំមុន ដើម្បីសាងសង់ផ្លូវហាយវ៉េ។ ការតវ៉ានេះ បានធ្វើឱ្យមនុស្សរាប់រយនាក់ជាប់គាំងដំណើរនៅក្នុងរថយន្តរបស់ពួកគេរយៈពេលជាង៤០ម៉ោង។ កសិករ បានអនុញ្ញាតឲ្យចរាចរណ៍ឆ្លងកាត់រយៈពេលប្រហែលពីរម៉ោងកាលពីរសៀលថ្ងៃពុធ មុននឹងបន្តការបិទផ្លូវឡើងវិញ។ ពួកគេបាននិយាយថា ការបិទផ្លូវនឹងមិនត្រូវបានដកចេញឡើយ រហូតដល់ការទាមទាររបស់ពួកគេត្រូវបានបំពេញ។ រដ្ឋាភិបាលប្រទេសម៉ិកស៊ិក បានព្រមព្រៀងផ្តល់សំណងដល់កសិករសម្រាប់ការខូចខាតដែលបណ្តាលមកពីការសាងសង់ផ្លូវហាយវ៉េម៉ិកស៊ិក-ពូអេប្លា ប៉ុន្តែបានត្រឹមតែតម្លៃដែលបង្កើតឡើងដោយការវាយតម្លៃជាផ្លូវការ ប៉ុណ្ណោះ។

ការិយាល័យរបស់នាយករដ្ឋមន្ត្រី លោក Benjamin Netanyahu បាននិយាយកាលពីថ្ងៃព្រហស្បតិ៍សប្ដាហ៍នេះថា អ៊ីស្រាអែល បានយល់ព្រមចាប់ផ្តើមកិច្ចចរចាបទឈប់បាញ់នៅតំបន់ហ្កាហ្សា នៅថ្ងៃទី ១៥ ខែសីហា តាមការទាមទាររបស់សហរដ្ឋអាមេរិក កាតា និងក្រុមអ្នកសម្របសម្រួលរបស់អេហ្ស៊ីប ខណៈភាពតានតឹងក្នុងតំបន់បានកើនឡើងយ៉ាងខ្លាំងជុំវិញសង្គ្រាមនេះ។ ទីភ្នាក់ងារការពារជនស៊ីវិលក្នុងដែនដីហ្កាហ្សាគ្រប់គ្រងដោយក្រុមហាម៉ាស និយាយថា ការទម្លាក់គ្រាប់បែកយ៉ាងសន្ធាប់របស់អ៊ីស្រាអែលបានសម្លាប់មនុស្សរាប់សិបនាក់ក្នុងការវាយប្រហារលើសាលារៀនចំនួនពីរកាលពីថ្ងៃព្រហស្បតិ៍ ខណៈអ៊ីរ៉ង់បានចោទប្រកាន់អ៊ីស្រាអែលពីបទចង់ឲ្យសង្រ្គាមឆាបឆេះនៅមជ្ឈិមបូព៌ា។ កាតា អេហ្ស៊ីប និងសហរដ្ឋអាមេរិក បានអញ្ជើញអ៊ីស្រាអែល និងក្រុមហាម៉ាស ចាប់ផ្ដើមកិច្ចចរចាដើម្បីឈានដល់បទឈប់បាញ់នៅតំបន់ហ្កាហ្សាស្ទ្រីប ស្របពេលការទម្លាក់គ្រាប់បែកជាបន្តបន្ទាប់របស់អ៊ីស្រាអែលទៅលើដែនដីនេះបានសម្លាប់ប្រជាជនប៉ាឡេស្ទីនជិត ៤ម៉ឺនាក់ និងបង្កើនក្ដីបារម្ភថាសង្គ្រាមនេះអាចនឹងហៀរពាសពេញតំបន់បន្ថែមទៀត។ នៅក្នុងសេចក្តីថ្លែងការណ៍រួមមួយកាលពីថ្ងៃព្រហស្បតិ៍ មេដឹកនាំប្រទេសទាំងបីបានអញ្ជើញភាគីសង្រ្គាមឱ្យបន្តការចរចាឡើងវិញនៅថ្ងៃទី ១៥ ខែសីហានៅទីក្រុងដូហា(Doha) ឬ ទីក្រុងគែរ (Cairo) ដើម្បីបិទចន្លោះប្រហោងដែលនៅសល់ទាំងអស់ ហើយចាប់ផ្តើមការអនុវត្តកិច្ចព្រមព្រៀងដោយគ្មានការពន្យារពេលបន្ថែមទៀត។ ប្រទេសទាំង៣នោះបាននិយាយថា កិច្ចព្រមព្រៀងក្របខ័ណ្ឌមួយគឺ “ឥឡូវនេះនៅលើតុ ដោយនៅសល់តែព័ត៌មានលម្អិតនៃការអនុវត្តប៉ុណ្ណោះ” ហើយក្រុមអ្នកសម្របសម្រួលត្រូវបាន”រៀបចំដើម្បីបង្ហាញសំណើចុងក្រោយ” ដើម្បីដោះស្រាយបញ្ហាដែលនៅសេសសល់៕9/8/2024

​​ម្ចាស់ជ័យលាភីពានរង្វាន់ណូបែលសន្តិភាព លោក ម៉ូហាម៉ាដ យូនុស (Muhammad Yunus) បានស្បថចូលកាន់តំណែងជារដ្ឋាភិបាលចាំផ្ទះរបស់ប្រទេសបង់ក្លាដែស កាលពីថ្ងៃព្រហស្បតិ៍ (០៨ សីហា) ដោយសង្ឃឹមថានឹងជួយស្រោចស្រង់ប្រទេសដែលត្រូវបានរួមរឹតដោយអំពើហិង្សាជាច្រើនសប្តាហ៍ ដោយបង្ខំឱ្យនាយករដ្ឋមន្ត្រី លោកស្រី សេក ហាស៊ីណា (Sheikh Hasina) លាលែងពីតំណែង ហើយភៀសខ្លួនទៅកាន់ប្រទេសជិតខាងឥណ្ឌា។ ដោយត្រូវបានគេស្គាល់ថាជា «ធនាគារិកសម្រាប់ជនក្រីក្រ» លោក Yunus គឺជាអ្នកត្រួសត្រាយផ្លូវនៃចលនាមីក្រូឥណទានសកល។ ក្នុងនាមជាប្រធានទីប្រឹក្សារដ្ឋាភិបាលចាំផ្ទះ លោកមានភារកិច្ចក្នុងការនាំយកស្ថិរភាពមកឱ្យប្រទេស ដែលបានមើលឃើញពីអំពើហិង្សាដ៏អាក្រក់បំផុតរបស់ខ្លួនក្នុងរយៈពេលជាច្រើនទសវត្សរ៍មកហើយ ហើយបន្ទាប់មកត្រូវរៀបចំការបោះឆ្នោតសភាថ្មី។ លោក Yunus បាននិយាយក្នុងសុន្ទរកថាតាមទូរទស្សន៍មួយទៅកាន់ប្រទេសជាតិបន្ទាប់ពីទទួលតំណែងថា៖ «របបផ្តាច់ការ និងឃោរឃៅបានបាត់បង់ទៅហើយ។ ថ្ងៃស្អែកជាថ្ងៃថ្មី ប្រជាជននឹងបន្តទទួលបានលទ្ធិប្រជាធិបតេយ្យ យុត្តិធម៌ សិទ្ធិមនុស្ស និងសេរីភាពពេញលេញនៃការបញ្ចេញមតិដោយគ្មានការភ័យខ្លាច ដោយមិនគិតពីការចូលបក្សពួកឡើយ។ នោះហើយគឺជាគោលដៅរបស់យើង»។ លោកប្រធានាធិបតី ម៉ូហាម៉េដ សាហាប៊ូឌីន (Mohammed Shahabuddin) បានចូលរួមក្នុងពិធីស្បថចូលកាន់តំណែងរបស់លោក Yunus និងទីប្រឹក្សាចំនួន ១៣នាក់ទៀត ដែលនឹងជួយលោកក្នុងការគ្រប់គ្រង នៅក្នុងពិធីដ៏ខ្លីមួយនៅក្នុងនិវេសនដ្ឋានផ្លូវការរបស់ប្រធានាធិបតី។ មេដឹកនាំនិស្សិតពីរនាក់ដែលមានអាយុជាង ២០ឆ្នាំប៉ុណ្ណោះ និងដែលបានដឹកនាំការតវ៉ានោះ គឺស្ថិតក្នុងចំណោមអ្នកទាំង…