Category: ព័ត៌មានជាតិ​

នាយករដ្ឋមន្ត្រីអ៊ីស្រាអែល លោក Benjamin Netanyahu បានប្រឈមការជំទាស់យ៉ាងដាច់អហង្ការពីបក្សប្រឆាំងនៅក្នុងសភា កាលពីថ្ងៃពុធ ១៧ កក្កដា។ លោកត្រូវបានរំខាន និងប្រឆាំង ម្តងហើយម្តងទៀត ចំពោះការគ្រប់គ្រងរបស់លោកក្នុងសង្គ្រាមរបស់អ៊ីស្រាអែលប្រឆាំងនឹងក្រុមហាម៉ាសនៅហ្កាហ្សា និងជុំវិញការចរចារសម្របសម្រួលដោយអេហ្ស៊ីប និងកាតានៅតែជាប់គាំងក្នុងគោលបំណងដោះលែងជនជាតិអ៊ីស្រាអែល ដែលត្រូវបានចាប់ជាចំណាប់ខ្មាំង ដោយក្រុមសកម្មប្រយុទ្ធប៉ាឡេស្ទីន។ លោក Netanyahu បានការពារសមិទ្ធផលរបស់យោធា ដោយនិយាយថា លោកបានផ្គើននឹងសម្ពាធអន្តរជាតិឲ្យបញ្ឈប់ផែនឈ្លានពាន ដែលលោកនិយាយថា ត្រូវតែកម្ចាត់ក្រុមហាម៉ាសឲ្យអស់។ មិនមែនតែសម្ពាធក្រៅស្រុកទេ នៅក្នុងប្រទេសវិញ ក្រុមបាតុកម្មអ៊ីស្រាអែល ពេលខ្លះមានរហូតដល់រាប់ម៉ឺននាក់ បានចេញតវ៉ា ឈានដល់អំពើហិង្សា ទាមទារឱ្យលោក Netanyahu នាំយកអ្នកដែលត្រូវបានចាប់ឃុំខ្លួនមកផ្ទះវិញ និងទាមទារឲ្យលោកលាលែងពីតំណែង។ ការប៉ះទង្គិចគ្នានៅក្នុងសភារបស់ប្រទេសនេះ កាលពីថ្ងៃពុធ បានកើតឡើងនៅមុនពេលដំណើរទស្សនកិច្ចដែលបានគ្រោងទុករបស់លោក Netanyahu ទៅកាន់ទីក្រុងវ៉ាស៊ីនតោននៅសប្តាហ៍ក្រោយ ដែលលោកគ្រោងនឹងថ្លែងសុន្ទរកថានៅក្នុងសម័យប្រជុំរួមនៃសភាសហរដ្ឋអាមេរិក។ មេដឹកនាំបក្សប្រឆាំងលោក យ៉ែ ឡាពីត (Yair Lapid )បានទាមទារឱ្យលោក Netanyahu បកស្រាយថាតើ លោក នឹងប្រើឱកាសនេះដើម្បីប្រកាសថា លោកទទួលយកកិច្ចព្រមព្រៀងចំណាប់ខ្មាំងដែរឬទេ៕

សៀមរាប៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានដាក់បទបញ្ជាជាបន្ទាន់ឱ្យធនាគារជាតិនៃកម្ពុជា ធ្វើការជាមួយធនាគារឯកជនពិនិត្យឡើងវិញ លើបញ្ហាពិបាកចាយលុយដុល្លារ ដោយសារមានបញ្ហាលុយចាស់ និងបញ្ហា​បន្តិចបន្តួច ដែលបង្កជាការមិនសប្បាយចិត្តដល់ទេសចរ។ ក្នុងឱកាសអញ្ជើញជាអធិបតីភាព ពិធីបញ្ចុះបឋមសិលាសាងសង់សារមន្ទីរ សម្តេចព្រះព្រហ្មរតនមុនី ពិន សែម ស្ថិតនៅវត្តរាជបូព៌ ខេត្តសៀមរាប នាព្រឹកថ្ងៃទី១៨ ខែកក្កដា ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា មានប្រជាពលរដ្ឋ និងភ្ញៀវទេសចរមួយចំនួនបានរិះគន់ និងមានការ​ថ្នាំងថ្នាក់​ចំពោះលុយ​ដែល​ពួកគេបានដកចេញ​ពីធនាគារ​ ដោយសារតែលុយខ្លះប្រឡាក់ ​និង​មាន​ស្នាមអ្វី​បន្តិចបន្តួច​ហើយ​ពិបាកចាយ ដូច្នេះខាង​ធនាគារជាតិត្រូវធ្វើការរឿងនេះជាបន្ទាន់ ធ្វើយ៉ាងណាកុំឲ្យ​បញ្ហានេះ បន្តបង្កើតឡើង​ជាបន្តទៀតនោះ។ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ​ក៏បានលើកឡើងផងដែរថា ​ការដោះស្រាយ​បញ្ហា​បន្តិចបន្ទួច​នេះសម្រាប់ភ្ញៀវទេសចរ ​គឺជាការធ្វើបដិសណ្ឋារកិច្ចមួយដ៏ល្អសម្រាប់ពួកគេ ហើយ​ក៏ជាការទាក់ទាញភ្ញៀវទេសចឲ្យមកលេង​កម្សាន្ត​នៅ​កម្ពុជា​បន្ថែម​ទៀតផងដែរ ប្រសិន​បើសេវាកម្មយើងល្អ និងពុំផ្តល់ភាពរកាំរកូសដល់ពួកគេនោះ។ ឆ្លៀតក្នុងឱកាសនោះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានឆើ្លយតបចំពោះការ រិះគន់មួយ​ចំនួនទាក់ទង នឹងភាព​ស្ងៀមស្ងាត់​ភ្ញៀវទេសចរនៅខេត្តសៀមរាបផងដែរ ដោយ​សម្តេច បានការពារចំពោះភាពរិះគន់នេះថា វិស័យទេសចរណ៍​ប្រៀប​បាន​ដូចជាវិស័យកសិកម្ម​យ៉ាង​ដូច្នេះដែរ…

មន្ត្រីអនុវត្តច្បាប់ និងសមាជិកសភាជាច្រើនរូប បានផ្ដល់របាយការណ៍អំពីហេតុការណ៍បាញ់ប្រហារថា ក្រុមមន្ត្រីអនុវត្តច្បាប់ដែលកំពុងស៊ើបអង្កេតការប៉ុនប៉ងធ្វើឃាតលើលោក Donald Trump បានប្រាប់សមាជិកសភាកាលពីថ្ងៃពុធសប្ដាហ៍នេះថា មានរយៈ២០ នាទី នៅចន្លោះពេលវេលាដែលកងកម្លាំងបាញ់ស៊ីបរបស់សេវាសម្ងាត់អាមេរិកបានប្រទះឃើញខ្មាន់កាំភ្លើងជាលើកដំបូងនៅលើដំបូលអគារ និងពេលវេលាដែលខ្មាន់កាំភ្លើងបាញ់ទៅលើអតីតប្រធានាធិបតី រូបនេះ ។ ក្រុមមន្ត្រីបាននិយាយថា កងកម្លាំងបាញ់ស៊ីប បានប្រទះឃើញជនសង្ស័យឈ្មោះ Thomas Matthew Crooks អាយុ២០ ឆ្នាំនៅលើដំបូលអគារមួយនៅខាងក្រៅតំបន់សន្តិសុខ នៅឯការជួបជុំយុទ្ធនាការជាមួយក្រុមអ្នកគាំទ្រ កាលពីថ្ងៃសៅរ៍នៅទីក្រុង Butler រដ្ឋ Pennsylvania វេលាម៉ោង ៥និង៥២នាទីល្ងាច ថ្ងៃសៅរ៍សប្ដាហ៍មុន ។ ហេតុការណ៍បាញ់ប្រហារនេះបានកើតឡើងកាលពីវេលាម៉ោង៦និង១២នាទីល្ងាច។ពោលគឺ២០នាទីក្រោយពេលឃើញខ្មាន់កាំភ្លើងនៅលើដំបូលអគារ។ ក្នុងរយៈពេលប៉ុន្មានថ្ងៃចាប់តាំងពីការបាញ់ប្រហារ សេវាសម្ងាត់បានស្ថិតនៅក្រោមសម្ពាធឲ្យត្រួតពិនិត្យឡើងវិញសម្រាប់ការឆ្លើយតបរបស់ខ្លួនចំពោះការប៉ុនប៉ងធ្វើឃាត ហើយប្រធានទីភ្នាក់ងារគឺ លោកស្រី គីមប៊ើលី ជីថល (Kimberly Cheatle) ត្រូវបានកោះហៅឱ្យផ្តល់សក្ខីកម្មនៅចំពោះមុខសភា។ អ្នកនាំពាក្យក្រសួងសន្តិសុខមាតុភូមិបាននិយាយថាលោកស្រី ស្វាគមន៍ឱកាសដើម្បីផ្តល់សក្ខីកម្ម។ ការស៊ើបអង្កេតពីពេលវេលានេះ បានកើតឡើង ខណៈប្រភពនានាបានប្រាប់ទូរទស្សន៍ ABC News ថា ក្មាន់កាំភ្លើង Crooks បានស្វែងរកនៅលើទូរស័ព្ទរបស់គេ រករូបភាពរបស់ប្រធានាធិបតី Joe Biden និងអតីតប្រធានាធិបតី…

ក្រសួងការបរទេសចិន បាននិយាយកាលពីថ្ងៃពុធ (១៧ កក្កដា) ថា ប្រទេសចិន បានបញ្ឈប់កិច្ចចរចាគ្រប់គ្រងអាវុធនុយក្លេអ៊ែរជាមួយសហរដ្ឋអាមេរិក នៅក្នុងការតវ៉ាប្រឆាំងនឹងការលក់អាវុធរបស់ទីក្រុងវ៉ាស៊ីនតោន ទៅឱ្យុកោះស្វ័យគ្រប់គ្រងតៃវ៉ាន់ ដែលទីក្រុងប៉េកាំង អះអាងសិទ្ធិថាជាទឹកដីរបស់ខ្លួន។ ក្រុមអ្នកវិភាគបាននិយាយថា ការសម្រេចចិត្តរបស់ចិន អាចជាលទ្ធភាពនៃជំហានថយក្រោយដ៏ធ្ងន់ធ្ងរចំពោះកិច្ចខិតខំប្រឹងប្រែងគ្រប់គ្រងអាវុធសកល ដោយទីក្រុងប៉េកាំង បានចូលរួមជាមួយទីក្រុងមូស្គូ ក្នុងការបដិសេធមិនពិភាក្សាជាមួយវិធានការរបស់ទីក្រុងវ៉ាស៊ីនតោន ដើម្បីទប់ស្កាត់ការប្រណាំងអាវុធនុយក្លេអ៊ែរ។ អ្នកនាំពាក្យក្រសួងការបរទេសចិន លោក លីន ជាន (Lin Jian) បាននិយាយថា ការលក់សព្វាវុធរបស់សហរដ្ឋអាមេរិក ម្តងហើយម្តងទៀតទៅឱ្យកោះតៃវ៉ាន់ ក្នុងប៉ុន្មានខែថ្មីៗនេះបាន «បង្កើនភាពតានតឹងដល់បរិយាកាសនយោបាយសម្រាប់ការបន្តការពិគ្រោះយោបល់គ្រប់គ្រងអាវុធ»។ លោក Lin បាននិយាយថា ចិនមានឆន្ទៈក្នុងការរក្សាទំនាក់ទំនងលើការគ្រប់គ្រងអាវុធអន្តរជាតិ ប៉ុន្តែថាសហរដ្ឋអាមេរិក «ត្រូវតែគោរពផលប្រយោជន៍ស្នូលរបស់ចិន និងបង្កើតលក្ខខណ្ឌចាំបាច់សម្រាប់ការសន្ទនា និងការផ្លាស់ប្តូរ»។ អ្នកនាំពាក្យក្រសួងការបរទេសអាមេរិក លោក ម៉ាស៊ូ មីលឡឺ (Matthew Miller) បាននិយាយថា ចិនបានជ្រើសរើសធ្វើតាមការដឹកនាំរបស់រុស្ស៊ី ដោយអះអាងថាការចូលរួមគ្រប់គ្រងអាវុធមិនអាចដំណើរការបានទេ ខណៈពេលមានបញ្ហាប្រឈមផ្សេងទៀតនៅក្នុងទំនាក់ទំនងទ្វេភាគី៕

យោងតាមឯកសារមួយ និងប្រភពការទូតហ្វីលីពីនបានឱ្យដឹងថា ប្រទេសហ្វីលីពីន និងចិនបានព្រមព្រៀងគ្នាបង្កើតខ្សែបណ្ដាញទំនាក់ទំនងថ្មី ដើម្បីកែលម្អការដោះស្រាយជម្លោះដែនសមុទ្ររបស់ពួកគេ ខណៈដែលទំនាក់ទំនងមានភាពជូរចត់ជុំវិញការប៉ះទង្គិចគ្នាលើដែនទឹកនៅសមុទ្រចិនខាងត្បូង។ ប្រទេសទាំងពីរបានចោទដាក់គ្នាម្តងហើយម្តងទៀតជុំវិញយុត្តាធិការនៅក្នុងសមុទ្រចិនខាងត្បូងដ៏ប្រកួតប្រជែង ខណៈហ្វីលីពីន ដែលមានការគាំទ្រពីសម្ព័ន្ធមិត្តការពារជាតិគឺសហរដ្ឋអាមេរិក បានប្រឈមមុខនឹងវត្តមានជាអចិន្ត្រៃយ៍របស់ចិន ជុំវិញដែនទឹកយុទ្ធសាស្ត្រក្នុងតំបន់សេដ្ឋកិច្ចផ្តាច់មុខរបស់ទីក្រុងម៉ានីល។ បណ្តាញទំនាក់ទំនងចំនួនបីនឹងត្រូវបានបង្កើតឡើងជាពិសេសសម្រាប់បញ្ហាដែនសមុទ្រ នេះបើយោងតាមប្រភពដែលបានផ្តល់ឯកសារ ជាមួយនឹងការគូសបញ្ជាក់លើ «ការរៀបចំកែលម្អយន្តការទំនាក់ទំនងដែនសមុទ្រហ្វីលីពីន-ចិន» ដែលត្រូវបានចុះហត្ថលេខាកាលពីថ្ងៃទី០២ ខែកក្កដា។ អ្នកនាំពាក្យក្រសួងការបរទេសចិន លោក លីន ជាន (Lin Jian) បានប្រាប់សន្និសីទសារព័ត៌មាននៅពេលត្រូវសាកសួរពីកិច្ចព្រមព្រៀងនេះថា «ចិនតែងតែប្តេជ្ញាចិត្តធ្វើការមួយហ្វីលីពីន ដើម្បីដោះស្រាយបញ្ហាដែនសមុទ្រឱ្យបានត្រឹមត្រូវ តាមរយៈការសន្ទនា និងការពិគ្រោះយោបល់»។ ក្រសួងការបរទេសចិន និងហ្វីលីពីន និងស្ថានទូតចិននៅទីក្រុងម៉ានីល មិនបានឆ្លើយតបភ្លាមៗទេកាលពីថ្ងៃពុធ លើសំណើសុំការអត្ថាធិប្បាយលើបញ្ហានេះ៕

សៀមរាប: នៅព្រឹកថ្ងៃទី​១៨ ខែកក្កដា ឆ្នាំ២០២៤ស្អែកនេះ សម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោកជំទាវបណ្ឌិត នឹងអញ្ជើញជាអធិបតីក្នុងពិធី បញ្ចុះបឋមសិលាសាងសង់សារមន្ទីសម្តេចព្រះព្រហ្មរតនមន្នី ពិន សែមរាជបូព៌ ដែលមានទីតាំងស្ថិតនៅភូមិ វត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ តាមរយៈប្រជាពលរដ្ឋប្រគេន កាលពីពេលកន្លងមក សម្តេចព្រះព្រហ្មរតនមន្នី ពិន សែមបានប្រមូលវត្ថុបុរាណពីគ្រប់ទីកន្លែង ដើម្បីថែរក្សាទុក។ បច្ចុប្បន្ន វត្ថុសិល្បៈសរុបប្រមាណ ២៥៧៥វត្ថុ មានអាយុកាលតាំងពីសម័យបុរេប្រវត្តិ រហូតដល់សម័យក្រោយអង្គរ ត្រូវបានរក្សាទុកនៅវត្តរាជបូព៌ ខេត្តសៀមរាប។ សម្តេច ពិនសែម សព្វហទ័យប្រគល់វត្ថុទាំងនោះជូនទៅក្រសួងវប្បធ៌ម និង វិចិត្រសិល្បៈ ដើម្បីរក្សាទុកជាសម្បត្តិរបស់ជាតិ ដោយព្រះអង្គមានបំណងសុំត្រឹមសាងសាង់សារមន្ទីមួយ នៅក្នុងវត្តរាជបូព៌ ដើម្បីតាំងបង្ហាញ វត្ថុសិល្បៈ ជូនសាធារណៈជនចូលទស្សនា និង ស្វែងយល់។ សម្រាប់គម្រោងសាងសង់សារមន្ទីនេះ គ្រោងចំណាយថវិកា ១,០៣៩,៦៦០,៧៩ដុល្លាអាមេរិក រយៈពេលសាងសង់ ២៤ ខែ ប្លង់ស្ថាបត្យកម្មរចនាបទខ្មែរ មានទំហំបណ្តោយ ៣៤ម៉ែត្រ…

ខេត្តពោធិ៍សាត់៖ ឯកឧត្ដម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធាន​អង្គភាព​អ្នក​នាំពាក្យរាជរដ្ឋាភិបាល នៅព្រឹកថ្ងៃទី១៧ ខែកក្កដា ឆ្នាំ២០២៤​ បាន​អញ្ជើញ​ជា​អធិបតី​ក្នុង​ពិធី​បើក​វគ្គ​បណ្តុះបណ្តាល ស្តីពី «ប្រសិទ្ធភាពនៃការងារព័ត៌មាននិងនាំពាក្យ» ជូនដល់មន្ត្រីព័ត៌មាន និង​អ្នកនាំពាក្យនៃរដ្ឋបាលខេត្តពោធិ៍សាត់ មន្ទីរ អង្គភាព រដ្ឋបាលក្រុង ស្រុក និងឃុំ សង្កាត់ ។ ឯកឧត្តម ហៀម ឃួន អភិបាលរងខេត្តពោធិ៍សាត់ បានមានប្រសាសន៍ថា បទបង្ហាញតម្រង់ទិស ដល់រដ្ឋបាលខេត្ត មន្ទីរ អង្គភាព រដ្ឋបាលក្រុង ស្រុក និងឃុំ សង្កាត់ ស្តីពី​«ប្រសិទ្ធភាព​នៃ​ការ​គ្រប់​គ្រង​ព័ត៌មាន និងនាំពាក្យ» នាពេលនេះ ជាសក្ខីភាព បង្ហាញ អំពីការយកចិត្តទុកដាក់ របស់​រាជ​រដ្ឋាភិបាល ដើម្បីជួយ ពង្រឹង និងលើកកម្ពស់នូវប្រសិទ្ធភាព នៃការប្រមូល និងការផ្តល់ព័ត៌មាន របស់​រដ្ឋបាលខេត្ត មន្ទីរ អង្គភាព រដ្ឋបាលក្រុង ស្រុក និងឃុំ សង្កាត់ ជូនដល់ប្រជាពលរដ្ឋ និង​សាធារណៈ​មិត…

នៅព្រឹកថ្ងៃទី១៧ ខែកក្កដា ឆ្នាំ២០២៤នេះ សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភា នៃព្រះរាជាណាចក្រកម្ពុជា បាន និងកំពុងអញ្ជើញដឹកនាំកិច្ចប្រជុំគណៈកម្មាធិការ​អចិន្ត្រៃយ៍​ព្រឹទ្ធសភា នីតិកាលទី៥ នៅវិមានព្រឹទ្ធសភា លើរបៀបវារៈដូច ខាងក្រោម៖ ១- ការពិនិត្យ និងសម្រេចអំពីតួនាទី ភារកិច្ច និងសមត្ថកិច្ចរបស់គណៈកម្មការសិទិ្ធមនុស្ស ទទួលពាក្យបណ្ដឹង និងអង្កេត។ ២- ការពិនិត្យ និងសម្រេចអំពីតួនាទី ភារកិច្ច និងសមត្ថកិច្ចរបស់គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម។ ៣- ការពិនិត្យ និងសម្រេចអំពីតួនាទី ភារកិច្ច និងសមត្ថកិច្ចរបស់គណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន។ ៤- ការពិនិត្យ និងសម្រេចអំពីតួនាទី ភារកិច្ច និងសមត្ថកិច្ចរបស់គណៈកម្មការមហាផ្ទៃ ការពារជាតិ ទំនាក់ទំនងរដ្ឋសភា ព្រឹទ្ធសភា អធិការកិច្ច និងមុខងារសាធារណៈ។ ៥- ការពិនិត្យ និងសម្រេចអំពីតួនាទី ភារកិច្ច និងសមត្ថកិច្ចរបស់គណៈកម្មការ…