Author: Dol Pheakdey

មូស្គូ ៖ មេដឹកនាំរុស្ស៊ី លោក ពូទីន បានព្រមានឆ្លើយតបភ្លាមៗលើអឺរ៉ុប និង ផ្តាំទៅកាន់ មេដឹកនាំអាមេរិក លោក ដូណាល់ ត្រាំ ថា រុស្ស៊ីមិនមែនជាខ្លាក្រដាស។ ប្រធានាធិបតី វ្ល៉ាឌីមៀ ពូទីន បាននិយាយថា រុស្ស៊ីនឹងឆ្លើយតបភ្លាមៗ ប្រសិនបើខ្លួនគិតថា អឺរ៉ុបកំពុងបង្ករឿង ហើយបាននិយាយថា ស្ទើរតែទាំងអស់នៃសម្ព័ន្ធមិត្តណាតូ ដែលដឹកនាំដោយសហរដ្ឋអាមេរិក ឥឡូវនេះ កំពុងព្រួតដៃគ្នាប្រយុទ្ធជាមួយរុស្ស៊ីតែម្នាក់ឯង។ កាលពីថ្ងៃព្រហស្បតិ៍ ប្រធានាធិបតីរុស្ស៊ី លោក វ្ល៉ាឌីមៀ ពូទីន ថែមទាំងបានវាយបកទៅកាន់ ប្រធានាធិបតីអាមេរិក លោក ដូណាល់ ត្រាំ សម្រាប់ការហៅរុស្ស៊ីថាជា «ខ្លាក្រដាស» ដោយលើកឡើងថា អង្គការណាតូទេ ដែលអាចជាប្រទេសខ្លាក្រដាស និង ព្រមានសហរដ្ឋអាមេរិកវិញថា ប្រសិនបើខ្លួនផ្គត់ផ្គង់មីស៊ីល Tomahawk ដល់អ៊ុយក្រែន វានឹងបង្កឱ្យមានការកើនឡើងដ៏គ្រោះថ្នាក់។ សង្គ្រាមរបស់រុស្ស៊ី នៅអ៊ុយក្រែន ដែលជាសង្រ្គាមដ៏សាហាវបំផុតនៅអឺរ៉ុប ចាប់តាំងពីសង្គ្រាមលោកលើកទី២ បានបង្កឱ្យមានការប្រឈមមុខដាក់គ្នាដ៏ធំបំផុតរវាងរុស្ស៊ី និងលោកខាងលិច ចាប់តាំងពីវិបត្តិមីស៊ីលគុយបាក្នុងឆ្នាំ ១៩៦២…

ប៊ុយការ៉េស ៖ ក្រសួងការពារជាតិរ៉ូម៉ានីបានស្នើឱ្យសភាអនុម័តលើផែនការទិញរថក្រោះចម្បាំង Abrams ដល់ទៅរាប់រយគ្រឿង ព្រមទាំងគ្រាប់រំសេវ គ្រឿងបន្លាស់ និងការបណ្តុះបណ្តាល ដែលសរុបមានតម្លៃជាង ៧ពាន់លានដុល្លារ។ មូលហេតុដែលរូម៉ានីចង់ជះលុយដល់ទៅ ៧ពាន់លានដុល្លារ ទិញរថក្រោះចម្បាំងថែមទៀតនេះ គឺដោយសារតែថ្មីៗនេះ មានយន្តហោះដ្រូនបានរំលោភដែនអាកាសរបស់ខ្លួនម្តងហើយម្តងទៀត ចាប់តាំងពីរុស្ស៊ីបានចាប់ផ្តើមវាយប្រហារកំពង់ផែ និងហេដ្ឋារចនាសម្ព័ន្ធរបស់អ៊ុយក្រែនឆ្លងកាត់ទន្លេ Danube ចេញពីប្រទេសរ៉ូម៉ានី។ ហើយយុទ្ធសាស្ត្របញ្ជាទិញឧបករណ៍យោធាពង្រឹងវិស័យការពារជាតិរបស់រូម៉ានី ត្រូវបានអនុម័តដោយក្រុមប្រឹក្សាសន្តិសុខកំពូលរបស់ប្រទេសរូម៉ានី ដែលដឹកនាំដោយលោកប្រធានាធិបតី Nicusor Dan ប៉ុន្តែទោះបីជាយ៉ាងណា ការបញ្ជាទិញសព្វាវុធទ្រង់ទ្រាយធំទាមទារត្រូវតែឆ្លងកាត់ការអនុម័តពីសភាជាមុន។ កន្លងមក សហភាពអឺរ៉ុប និងសមាជិកអង្គការណាតូបានចុះហត្ថលេខាលើកិច្ចសន្យាដំបូង ដើម្បីបញ្ជាទិញរថក្រោះ Abrams ចំនួន ៥៤គ្រឿងពីស្តុករបស់កងទ័ពអាមេរិក ក្នុងតម្លៃ ១.០៧ពាន់លានដុល្លារក្នុងឆ្នាំ ២០២៣ ហើយការប្រគល់រថក្រោះទាំងអស់គឺនៅឆ្នាំ ២០២៨។ ឥឡូវនេះ ពួកគេក៏មានគោលបំណងទិញគ្រាប់រំសេវ គ្រឿងបន្លាស់ គ្រឿងម៉ាស៊ីន ជំនួយបច្ចេកទេស និងការបណ្តុះបណ្តាលសម្រាប់កងទ័ពរថក្រោះទាំងនោះក្នុងតម្លៃ ៤៥៨.២លានដុល្លារផងដែរ។ ជាងនេះទៅទៀត ពួកគេក៏បានកំណត់គោលដៅបញ្ជាទិញរថក្រោះចម្បាំងបន្ថែមចំនួន ២១៦គ្រឿង រួមទាំងគ្រឿងបន្លាស់ក្នុងតម្លៃ ៧.៦ពាន់លានដុល្លារ។ រថក្រោះចម្បាំង Abrams ត្រូវបានបង្កើតឡើងដោយក្រុមហ៊ុន General Dynamics៕…

ម៉ានីល ៖ ចំនួនអ្នកស្លាប់ដោយសារគ្រោះរញ្ជួយដី នៅប្រទេសហ្វីលីពីន បានកើនឡើងទៅដល់ ៧២នាក់ ខណៈដែលការស្វែងរក បានបន្ថយដៃ។ ក្រុមមន្ត្រីបាននិយាយថា ចំនួនអ្នកស្លាប់ ដោយសារការរញ្ជួយដីដ៏ខ្លាំងមួយ នៅភាគកណ្តាល ប្រទេសហ្វីលីពីន បានកើនឡើងដល់ ៧២នាក់ គិតត្រឹមព្រឹកថ្ងៃព្រហស្បតិ៍នេះ ខណៈដែលការស្វែងរកអ្នកបាត់ខ្លួន និង អ្នកជួយសង្គ្រោះបានបង្វែរការផ្តោតអារម្មណ៍ របស់ពួកគេ ទៅលើអ្នករងរបួស រាប់រយនាក់ និង រាប់ពាន់នាក់ទៀត ដែលគ្មានផ្ទះសម្បែង។ អ្នកនាំពាក្យក្រុមប្រឹក្សាកាត់បន្ថយ និងគ្រប់គ្រងគ្រោះមហន្តរាយជាតិ លោក Junie Castillo បាននិយាយថា «យើងមិនមានការបាត់ខ្លួនទៀតទេ ដូច្នេះ ការសន្មត់ទាំងអស់ ត្រូវបានរាប់បញ្ចូល»។ រដ្ឋាភិបាលបាននិយាយថា មនុស្ស២៩៤នាក់បានរងរបួស ហើយប្រហែល ២ម៉ឺននាក់បានភៀសខ្លួនចេញពីផ្ទះរបស់ពួកគេ។ ផ្ទះជិត ៦០០ខ្នង ត្រូវបានបំផ្លាញ នៅភាគខាងជើង នៃខេត្ត Cebu ហើយ មនុស្សជាច្រើនកំពុងដេក នៅតាមដងផ្លូវ ខណៈដែលការរញ្ជួយដី បានអង្រួនតំបន់នោះច្រើនលើក។ អភិបាលខេត្ត Cebu លោកស្រី Pamela Baricuatro…

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យគណៈប្រតិភូសហព័ន្ធសភាសន្ដិភាពពិភពលោកនៃសភាម៉ាឡេស៊ី (PFWP) ដឹកនាំដោយឯកឧត្តមបណ្ឌិត Mohd Hatta សមាជិកព្រឹទ្ធសភាម៉ាឡេស៊ី ចូលជួបសម្តែងការគួរសម និងពិភាក្សាការងារ​ នាព្រឹកថ្ងៃទី២ ខែតុលា ឆ្នាំ២០២៥ នៅវិមានសន្តិភាព។ ក្នុងឱកាសនៃជំនួប, ឯកឧត្តមបណ្ឌិត Mohd Hatta បានថ្លែងអំណរគុណយ៉ាងជ្រាលជ្រៅចំពោះសម្តេចបវរធិបតី ដែលបានចំណាយពេលវេលាដ៏មមាញឹកអនុញ្ញាតឱ្យរូបឯកឧត្តម និងគណៈប្រតិភូបានចូលជួបសម្តែងការគួរសម និងពិភាក្សាការងារនាពេលនេះ។ ឯកឧត្តមបណ្ឌិតបានសម្តែងនូវក្តី សោមនស្សរីករាយដែលបានដឹកនាំគណៈប្រតិភូសភាម៉ាឡេស៊ីមកបំពេញទស្សនកិច្ចនៅកម្ពុជា ព្រមទាំងបានកត់សម្គាល់នូវការរីកចម្រើននៅកម្ពុជា។ ឯកឧត្តមបណ្ឌិតបានថ្លែងអំណរគុណគណៈប្រតិភូសភាកម្ពុជា ដែលបានអញ្ជើញ ចូលរួមមហាសន្និបាតអន្តរសភាអាស៊ាន (AIPA) លើកទី៤៦ នៅម៉ាឡេស៊ី នាពេលថ្មីៗនេះ។ ឯកឧត្តមបណ្ឌិតមានជំនឿជឿជាក់ថា ដំណើរទស្សនកិច្ចនេះនឹងរួមចំណែកពង្រឹងទំនាក់ទំនងរវាងសភានៃប្រទេសទាំងពីរឱ្យកាន់តែរឹងមាំ និងពង្រីកទំនាក់ទំនងទ្វេភាគីម៉ាឡេស៊ី-កម្ពុជា ឱ្យកាន់តែស៊ីជម្រៅថែមទៀត។ ជាការឆ្លើយតប, សម្តេចបវរធិបតីបានស្វាគមន៍យ៉ាងកក់ក្តៅចំពោះឯកឧត្តមបណ្ឌិត និងគណៈប្រតិភូសភាម៉ាឡេស៊ីដែលបានអញ្ជេីញមកបំពេញទស្សនកិច្ចនៅកម្ពុជា នាឱកាសនេះ។ សម្តេចបវរធិបតីបានសម្តែងការពេញចិត្តចំពោះវឌ្ឍនភាពនៃទំនាក់ទំនង និងកិច្ចសហប្រតិបត្តិការកម្ពុជា-ម៉ាឡេស៊ី លើវិស័យសំខាន់ៗជាច្រើន រួមទាំងកិច្ចសហប្រតិបត្តិការរវាងស្ថាប័ននីតិបញ្ញត្តិ ផងដែរ។ សម្តេចបវរធិបតីបានគូសបញ្ជាក់ថា ការផ្លាស់ប្ដូរដំណើរទស្សនកិច្ចជាញឹកញាប់ក្នុងក្របខណ្ឌស្ថាប័ននីតិប្រតិបត្តិ និងនីតិប្បញ្ញត្តិនៃប្រទេសទាំងពីរ គឺជាកត្តាដ៏សំខាន់ក្នុងការជំរុញ, ពង្រឹង និងពង្រីក ទំនាក់ទំនងទ្វេភាគី…

ញូវដែលី ៖ កងទ័ពមកពីប្រទេសឥណ្ឌា និង រុស្ស៊ីចាប់ផ្តើមធ្វើសមយុទ្ធយោធារួមគ្នាមួយមានឈ្មោះថា ‘Indra 2025’ រយៈពេល ១៥ថ្ងៃ នៅឯតំបន់វាលខ្សាច់នៃរដ្ឋ Rajasthan ភាគខាងលិចប្រទេសឥណ្ឌា។ ស្ថានទូតរុស្ស៊ីប្រចាំទីក្រុងញូវដែលីបានឲ្យដឹងថា សមយុទ្ធនេះ នឹងធ្វើឡើង ក្នុងស្ថានភាពវាលខ្សាច់នៃរដ្ឋ Rajasthan ភាគខាងលិចប្រទេសឥណ្ឌា ក្បែរទីក្រុង Bikaner។ បុគ្គលិកយោធារុស្ស៊ីប្រហែល ២៥០នាក់ នឹងចូលរួម។ ស្ថានទូតបានកត់សម្គាល់ថា៖«សមយុទ្ធរួមគ្នា បញ្ជាក់ពីលក្ខណៈនៃភាពជាដៃគូយុទ្ធសាស្ត្រពិសេស និងឯកសិទ្ធិរវាងទីក្រុងមូស្គូ និងញូវដែលី»។ រុស្ស៊ី និងឥណ្ឌា តែងតែធ្វើសមយុទ្ធជើងគោក Indra រៀងរាល់ពីរឆ្នាំម្តង ដោយប្តូរវេនគ្នា ធ្វើជាម្ចាស់ផ្ទះ។ សមយុទ្ធពីមុន បានធ្វើឡើង ក្នុងឆ្នាំ ២០២១-២០២២។ ជាក់ស្តែង កន្លងមក ប្រទេសទាំងពីរក៏ធ្លាប់ធ្វើសមយុទ្ធយោធាជើងគោក អាកាស និងជើងទឹក ដែលមានឈ្មោះថា សមយុទ្ធ Indra, Avia Indra និងIndra Navy។ ក្រៅពីធ្វើសមយុទ្ធ កិច្ចសហការសំខាន់ៗរួមមាន៖ ការអភិវឌ្ឍន៍មីស៊ីល BrahMos រួមគ្នា,…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានចេញបញ្ជាដោយផ្ទាល់ទៅកាន់រដ្ឋាភិបាលសហព័ន្ធ ឱ្យប្រើប្រាស់បញ្ញាសិប្បនិម្មិត (AI) ជំរុញការស្រាវជ្រាវទប់ស្កាត់ជំងឺមហារីកកើតលើកុមារ និង ផ្តល់ជំនួយចំនួន ៥០លានដុល្លារដល់វិទ្យាស្ថានសុខភាពជាតិ ហៅកាត់ (NIH) សម្រាប់គំនិតផ្តួចផ្តើមដ៏សំខាន់នេះ។ លោកប្រធានាធិបតី ត្រាំ បាននិយាយអំឡុងពេលស៊ីញ៉េលើបទបញ្ជានេះនៅការិយាល័យ Oval កាលពីថ្ងៃអង្គារថា ជាច្រើនឆ្នាំហើយ ដែលយើងបានប្រមូលទិន្នន័យអំពីជំងឺមហារីកកុមារ ប៉ុន្តែរហូតមកទល់ពេលនេះ យើងមិនអាចផលិតវ៉ាក់សាំងបង្ការ និងព្យាបាលជំងឺដ៏កាចសាហាវមួយនេះនៅឡើយទេ។ មេដឹកនាំអាមេរិកវ័យ ៧៩ឆ្នាំរូបនេះ បានសង្កត់ធ្ងន់ថា ដោយប្រើបច្ចេកវិទ្យា AI ដ៏ទំនើប យើងនឹងផ្តល់សិទ្ធិអំណាចដល់អ្នកវិទ្យាសាស្ត្រ និងអ្នកស្រាវជ្រាវដើម្បីស្វែងរកវិធីព្យាបាល ទប់ស្កាត់ និងការការពារថ្មីៗពីជំងឺមហារីក។ លោកថា AI ក៏ជាមធ្យោបាយដ៏សំខាន់ជួយជ្រោមជ្រែងដល់ដំណើរការសាកល្បង និងការព្យាបាលដ៏ទំនើប ហើយមនុស្សគ្រប់គ្នាក៏នឹងអាចទទួលបានវាបានផងដែរ។ បទបញ្ជាដោយផ្ទាល់របស់លោកប្រធានាធិបតី ត្រាំ នេះ នឹងដឹកនាំដោយគណៈកម្មការធ្វើឱ្យអាមេរិកមានសុខភាពល្អម្តងទៀត ហៅកាត់ (Maha) ធ្វើការជាមួយការិយាល័យគោលនយោបាយវិទ្យាសាស្ត្រ និងបច្ចេកវិទ្យា ហៅកាត់ (OSTP) ដើម្បីជំរុញប្រើប្រាស់បច្ចេកវិទ្យា AI សម្រាប់ការស្រាវជ្រាវទប់ស្កាត់ជំងឺមហារីកកុមារ។ ចំនួនអ្នកស្លាប់ដោយសារជំងឺមហារីកទូទាំងពិភពលោកប្រចាំឆ្នាំ…

ហ្គាហ្សា ៖ នាវាចម្បាំងរបស់ប្រទេសអ៊ីស្រាអែល កាលពីថ្ងៃពុធ ទី១ ខែតុលា បានស្ទាក់ចាប់នាវាដឹកជំនួយ នាំយកទៅកាន់តំបន់ហ្គាហ្សា។ កងកម្លាំងទ័ពជើងទឹកអ៊ីស្រាអែល បានស្ទាក់ចាប់កងនាវាប្រហែល ៤៥គ្រឿង ដែលដឹកអ្នកនយោបាយនិងសកម្មជន រួមទាំងអ្នកធ្វើយុទ្ធនាការអាកាសធាតុស៊ុយអែត បានចាកចេញពីប្រទេសអេស្ប៉ាញ កាលពីខែមុន ក្នុងគោលបំណង បំបែកការបិទផ្លូវរបស់អ៊ីស្រាអែល លើទឹកដីប៉ាឡេស្ទីន ដែលអង្គការសហប្រជាជាតិនិយាយថា ទុរ្ភិក្សបានចូលជ្រៅ។ ក្រសួងការបរទេសអ៊ីស្រាអែល បានបង្ហោះ នៅលើបណ្តាញសង្គម X ថា «នាវាជាច្រើន ត្រូវបានបញ្ឈប់ដោយសុវត្ថិភាព ហើយអ្នកដំណើរកំពុងត្រូវបានផ្ទេរ ទៅកាន់កំពង់ផែអ៊ីស្រាអែល» ។ យ៉ាងណា លោកស្រី Rima Hassan សមាជិកសភាអឺរ៉ុប សញ្ជាតបារាំង-ប៉ាឡេស្ទីន ដែលធ្វើដំណើរជាមួយកងនាវាចរ កាលពីល្ងាចថ្ងៃពុធ បាននិយាយថា មនុស្សរាប់រយនាក់ “ត្រូវបានចាប់ខ្លួនដោយខុសច្បាប់ និង ឃុំខ្លួនដោយអ៊ីស្រាអែល” អំឡុងពេលនោះ។ ក្រុមហាម៉ាស់ ដែលបានវាយប្រហារ កាលពីថ្ងៃទី ៧ ខែតុលា ឆ្នាំ ២០២៣ លើអ៊ីស្រាអែល និងជាហេតុបង្កឱ្យមានសង្រ្គាមនៅហ្គាហ្សា បានថ្កោលទោសការស្ទាក់ចាប់កងនាវាចរ “នៅក្នុងដែនទឹកអន្តរជាតិ”…

ហាណូយ ៖ ព្យុះទីហ្វុង Bualoi បានបង្កការខូចខាតទ្រព្យសម្បត្តិនៅក្នុងប្រទេសវៀតណាមប្រមាណ ៣០៣លានដុល្លារក្នុងសប្តាហ៍នេះ ខណៈលំនៅដ្ឋានប្រជាជនជិត ១៧០,០០០ខ្នងត្រូវរងផលប៉ះពាល់ ឬជន់លិចដោយសារទឹកជំនន់ នេះបើយោងតាមការវាយតម្លៃបឋម កាលពីថ្ងៃពុធ។ ព្យុះទីហ្វុង Bualoi កាលពីថ្ងៃចន្ទ បានវាយប្រហារភាគខាងជើង និងភាគកណ្តាលប្រទេសវៀតណាម ដោយពាំនាំមកនូវភ្ញៀវធ្លាក់ខ្លាំង រលកសមុទ្រខ្ពស់ៗ និងខ្យល់បោកបក់ខ្លាំង ឆក់យកអាយុជីវិតមនុស្សយ៉ាងហោចណាស់ ២៩នាក់ និង ២២នាក់ផ្សេងទៀតបាត់ខ្លួន នេះបើយោងតាមរបាយការណ៍របស់ទីភ្នាក់ងារគ្រប់គ្រងគ្រោះមហន្តរាយវៀតណាម។ បន្ថែមលើនេះ ព្យុះទីហ្វុង Bualoi ក៏បានបំផ្លិចបំផ្លាញផ្លូវថ្នល់ សាលារៀន និងអគារការិយាល័យយ៉ាងធ្ងន់ធ្ងរ ព្រមទាំងកាត់ផ្តាច់បណ្តាញផ្គត់ផ្គង់អគ្គិសនី ដែលនាំឱ្យប្រជាជនរាប់ម៉ឺនគ្រួសារគ្មានអគ្គិសនីប្រើប្រាស់ ខណៈដំណាំស្រូវជាង ៣៤,០០០ហិកតា និងដំណាំផ្សេងទៀតក៏ត្រូវបានបំផ្លាញផងដែរ។ ព្យុះទីហ្វុង Bualoi ទៀតសោត ក៏បានបង្កឲ្យមានទឹកជំនន់នៅទូទាំងភាគខាងជើងនៃប្រទេសវៀតណាម រំខានដល់ជើងហោះហើរ និងសេវារថភ្លើងជាមួយរដ្ឋធានីហាណូយ ជាកន្លែងដែលសាលារៀនត្រូវបានបិទ និងផ្ទះជាច្រើនខ្នងត្រូវជន់លិចដោយទឹកជំនន់។ គួរកត់សម្គាល់ វៀតណាមជាប្រទេសមួយដែលងាយនឹងទទួលរងឥទ្ធិពលពីព្យុះទីហ្វុងសាហាវៗ ហើយតែងតែមានមនុស្សស្លាប់។ តួយ៉ាង កាលពីឆ្នាំ២០២៤ ព្យុះទីហ្វុង Yagi បានសម្លាប់មនុស្សប្រហែល ៣០០នាក់ និងបង្កការខាតបង់សេដ្ឋកិច្ចគិតទឹកប្រាក់ប្រមាណ ៣.៣ពាន់លានដុល្លារនៅទូទាំងភាគខាងជើងនៃប្រទេសវៀតណាម៕ ប្រភព…

អ.ស.ប ៖ តំណាងក្រុមជនជាតិភាគតិច រ៉ូហ៊ីងយ៉ា នៅប្រទេសមីយ៉ាន់ម៉ា បានឡើងទៅចោទសួរ ដោយផ្ទាល់ នៅមហាសន្និបាត អង្គការសហប្រជាជាតិ ហៅកាត់ UN អំពីយុត្តិធម៌ ចំពេលដែលអំពើហិង្សាបន្តកើតមាន ព្រមជាមួយនឹងការកាត់ផ្តាច់ជំនួយ។ យោងតាមការចុះផ្សាយ របស់ទីភ្នាក់ងារព័ត៌មាន Aljazeera លោក Maung Sawyeddollah ស្ថាបនិកបណ្តាញនិស្សិតរ៉ូហ៊ីងយ៉ា ដែលបានភៀសខ្លួនចេញពីអំពើហឹង្សា ក្នុងប្រទេសមីយ៉ាន់ម៉ា បានថ្លែងសុន្ទរកថា នៅសន្និសីទមហាសន្និបាត UN ក្នុងទីក្រុងញូវយ៉ក កាលពីថ្ងៃទី៣០ ខែកញ្ញា ថា «យើងកំពុងស្វែងរកការយកចិត្តទុកដាក់ ចំពោះការឈឺចាប់ របស់ជនជាតិភាគតិចមូស្លីមទាំងនេះ ដែលត្រូវបានធ្វើទុក្ខបុកម្នេញ ខណៈដែលការប្រយុទ្ធគ្នានៅតែបន្ត នៅក្នុងរដ្ឋរ៉ាឃីន។ លោក Maung Sawyeddollah បញ្ជាក់ថា សារនេះគឺសម្រាប់មេដឹកនាំពិភពលោក និងអង្គការសហប្រជាជាតិ ដោយចង់បង្ហាញថា រយៈពេលជាង ៨ឆ្នាំហើយ ចាប់តាំងពីការប្រល័យពូជសាសន៍រ៉ូហ៊ីងយ៉ាត្រូវបានលាតត្រដាងមក តើយុត្តិធម៌សម្រាប់ជនជាតិ រ៉ូហ៊ីងយ៉ា នៅឯណា? បន្ទាប់មក លោកបានកាន់រូបថតសាកសពមនុស្ស ជាច្រើននាក់ ដែលដេកស្លាប់នៅក្នុងទន្លេមួយ ដែលលោកបាននិយាយថា ត្រូវបានសម្លាប់…

តៃប៉ិ ៖ លោកស្រី Cheng Li-chiun ឧបនាយករដ្ឋមន្ត្រីតៃវ៉ាន់ បានអះអាង នៅថ្ងៃទី១ ខែតុលានេះ ថា រដ្ឋាភិបាលទីក្រុងតៃប៉ិមិនយល់ព្រម ផលិតបន្ទះឈីប ៥០% ក្នុងទឹកដីអាមេរិក តាមការចង់បាន របស់រដ្ឋាភិបាលក្រុងវ៉ាស៊ីនតោន នោះទេ។ ការច្រានចោលនេះ បានធ្វើឡើង បន្ទាប់ពីរដ្ឋមន្ត្រីពាណិជ្ជកម្មអាមេរិក លោក Howard Lutnick បាននិយាយថា លោកបានស្នើទៅតៃវ៉ាន់ នូវការបែងចែក 50-50 នៅក្នុងការផលិតបន្ទះឈីប semiconductors ដោយលោកអះអាងថា ការណ៍នេះនឹងធានាថា «យើងមានសមត្ថភាពធ្វើអ្វីដែលយើងត្រូវធ្វើ ប្រសិនបើយើងត្រូវការធ្វើបន្ទះឈីប»។ យ៉ាងណាមិញ អ្នកចរចាពន្ធគយនាំមុខរបស់កោះតៃវ៉ាន់ លោកស្រី Cheng Li-chiun បានចេញមកប្រកាសថា តៃវ៉ាន់មិនធ្វើតាមនោះទេ បើទោះបីជាទីក្រុងវ៉ាស៊ីនតោន ដាក់សម្ពាធ លើទីក្រុងតៃប៉ិ ឱ្យផលិតបន្ទះសៀគ្វី បន្ថែមទៀត នៅលើដីសហរដ្ឋអាមេរិក ក៏ដោយ។ លោកស្រី Cheng បានប្រាប់អ្នកយកព័ត៌មាន នៅទីក្រុងតៃប៉ិថា ថា នេះគឺជាគំនិតតែឯកឯង របស់សហរដ្ឋអាមេរិក ហើយ…