Category: ព័ត៌មានជាតិ​

ឡុងដ៍ ៖ ចក្រភពអង់គ្លេសបានប្រកាសនៅថ្ងៃពុធនេះថា ខ្លួននឹងផ្គត់ផ្គង់យន្តហោះគ្មានមនុស្សបើក ឬដ្រូនចំនួន ១០០.០០០គ្រឿងដល់អ៊ុយក្រែន នៅត្រឹមខែមេសា ឆ្នាំ២០២៦ តួលេខនេះ ច្រើនជាងមុន ១០ដង។ កញ្ចប់ជំនួយដ្រូនតម្លៃ ៤៧៣លានដុល្លារនេះ គឺគំនិតផ្តួចផ្តើមកើតចេញពីផ្នែកមួយនៃកញ្ចប់ជំនួយយោធាដ៏ធំជាង ៦ពាន់លានដុល្លារ ដែលមានគោលបំណងពង្រឹងសមត្ថភាពការពារជាតិរបស់អ៊ុយក្រែន ចំពេលកំពុងមានការឈ្លានពានពីរុស្ស៊ី។ រដ្ឋមន្ត្រីក្រសួងការពារជាតិអង់គ្លេស លោក John Healey បានប្រកាសផែនការនេះ នៅមុនកិច្ចប្រជុំក្រុមទំនាក់ទំនងការពារជាតិអ៊ុយក្រែន ដែលមានការចូលរួមពីប្រទេសចំនួន៥០ នៅទីក្រុងប្រ៊ុចសែល ប្រទេសប៊ែលហ្ស៊ិក។ បន្ថែមពីលើការចែកចាយយន្តហោះដ្រូន អង់គ្លេសបានបញ្ចប់ការបញ្ជូនគ្រាប់កាំភ្លើងធំចំនួន ១៤០.០០០គ្រាប់ទៅកាន់អ៊ុយក្រែន គិតចាប់តាំងពីខែមករា ហើយនឹងបែងចែកប្រាក់បន្ថែមចំនួន ៣៣៣លានដុល្លារនៅឆ្នាំនេះ ដើម្បីបណ្តុះបណ្តាលកងកម្លាំងអ៊ុយក្រែន។ គួរកត់សម្គាល់ ចក្រភពអង់គ្លេសគឺជាអ្នកគាំទ្រលោកខាងលិចដ៏រឹងមាំបំផុតមួយរបស់អ៊ុយក្រែន ហើយក៏កំពុងរៀនសូត្រពីការតស៊ូប្រយុទ្ធជាងបីឆ្នាំរបស់ទីក្រុងកៀវ ប្រឆាំងនឹងការឈ្លានពានរបស់រុស្ស៊ីផងដែរ ក្នុងអំឡុងសមរភូមិសង្គ្រាមយន្តហោះដ្រូន៕ ប្រភព ៖ រ៉យទ័

បរទេស ៖ លោក ប្រធានាធិបតីអាមេរិក Donald Trump អាចនឹងប្រើជម្រើស ដាក់ទណ្ឌកម្មថ្មី លើប្រទេសរុស្ស៊ី ប្រសិនបើជាចាំបាច់ នេះបើតាមសេតវិមាន។ អ្នកនាំពាក្យសេតវិមាន លោកស្រី Karoline Leavitt បាននិយាយ នៅក្នុងសន្និសីទសារព័ត៌មាន កាលពីថ្ងៃអង្គារថា ប្រធានាធិបតីអាមេរិក លោក Donald Trump មានឆន្ទៈក្នុងការប្រើប្រាស់ទណ្ឌកម្ម ប្រសិនបើ ជាតម្រូវការចាំបាច់ ប្រឆាំងនឹងទីក្រុងមូស្គូ។ ការពិចារណា ដាក់ទណ្ឌកម្មនេះ ត្រូវបានបង្ហើបឲ្យដឹង ក្រោយពេលទីក្រុងម៉ូស្គូ បានច្រានចោលការអំពាវនាវរបស់ទីក្រុង Kyiv សម្រាប់បទឈប់បាញ់ ដោយគ្មានលក្ខខណ្ឌ នៅឯការចរចា ស្ថិតក្នុងទីក្រុងអ៊ីស្តង់ប៊ុល ប្រទេសតួកគី។ ប៉ុន្តែ ភាគីទាំងពីរ បានព្រមព្រៀងគ្នា លើការផ្លាស់ប្តូរទាហានទ្រង់ទ្រាយធំ និងផ្លាស់ប្តូរផែនទីបង្ហាញផ្លូវ ទៅកាន់សន្តិភាព ឬ ហៅថា «អនុស្សរណៈ» អំឡុងការពិភាក្សា ដែលមានរយៈពេលតិចជាងពីរម៉ោង។ ប្រធានាធិបតីអាមេរិក លោក Donald Trump បានព្រមាន ម្តងហើយម្តងទៀត ថា…

(ភ្នំពេញ)៖ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន​សែន ជាប្រធាន បានឧបត្ថម្ភថវិកាចំនួន ៣០ម៉ឺនដុល្លារ ជូនសាខាកាកបាទ​ក្រហមកម្ពុជា រាជធានីភ្នំពេញ សម្រាប់ប្រតិបត្តិការមនុស្សធម៌ជួយសម្រាល​ទុក្ខ​លំបាកដល់ប្រជាពលរដ្ឋងាយរងគ្រោះបំផុត និងរងគ្រោះដោយគ្រោះហន្តរាយ​ផ្សេងៗក្នុងរាជធានីភ្នំពេញ ហើយនេះជាការឧបត្ថម្ភថវិកាលើកទី១៤ បើគិត​ចាប់តាំងពីឆ្នាំ២០០៨មក។ ពិធីប្រគល់-ទទួលថវិកាខាងលើបានធ្វើឡើង នារសៀលថ្ងៃទី៣ ខែមិថុនា ឆ្នាំ២០២៥នេះក្រោមវត្តមាន លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ត្រៃយ៍កាកបាទក្រហមកម្ពុជា តំណាងដ៏ខ្ពង់ខ្ពស់ សម្តេចកិត្តិ​ព្រឹទ្ធបណ្ឌិត ប៊ុ​ន រ៉ានី ហ៊ុនសែន និងឯកឧត្តម ឃួង ស្រេង ប្រធានគណៈ​កម្មា​ធិការសាខាកាកបាទក្រហមកម្ពុជា រាជធានីភ្នំពេញ នៅទីស្នាក់ការកណ្តាល​កាកបាទក្រហមកម្ពុជា ។ លោកជំទាវបណ្ឌិត អនុប្រធានអចិន្ត្រៃយកាកបាទក្រហមកម្ពុជា ក្នុងឱកាសនោះ​ថ្លែងអំណរគុណនិងកោតសរសើរចំពោះការខិតខំប្រឹងប្រែងរបស់សាខាកាកបាទក្រហមកម្ពុជារាជធានីភ្នំពេញ ក្នុងការបំពេញភារកិច្ចយ៉ាងសកម្មជួយ​ដល់​ប្រជា​ពលរដ្ឋរងគ្រោះ និងងាយរងគ្រោះ។ លោកជំទាវបណ្ឌិត សង្ឃឹមថា ថវិកា ៣០ម៉ឺនដុល្លារអាម៉េរិកនេះ នឹងអាចជួយ​សម្រួលនិងសម្រាលការលំបាកខ្វះខាត របស់បងប្អូនប្រជាពលរងគ្រោះនៅ​រាជធានីភ្នំពេញបានមួយផ្នែកថែមទៀត។ ឯកឧត្តម ឃួង ស្រេង បានគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន…

អ្នកនាំពាក្យក្រសួងការបរទេសចិន កាលពីថ្ងៃអង្គារទី៣មិថុនា បានសម្តែងការមិនពេញចិត្តយ៉ាងខ្លាំង និងការប្រឆាំងយ៉ាងម៉ឺងម៉ាត់ចំពោះសេចក្តីថ្លែងការណ៍រួមនាពេលថ្មីៗនេះរបស់សហរដ្ឋអាមេរិក ជប៉ុន អូស្ត្រាលី និងហ្វីលីពីន ដែលបានសន្យាពង្រឹងកិច្ចសហប្រតិបត្តិការការពារដែនសមុទ្រដែលផ្តោតលើប្រទេសចិន។ នៅពេលត្រូវបានស្នើសុំឱ្យធ្វើអត្ថាធិប្បាយលើសេចក្តីថ្លែងការណ៍រួមដែលចេញផ្សាយដោយប្រមុខការពារជាតិនៃប្រទេសទាំងបួនកាលពីថ្ងៃទី៣១ ឧសភា អំឡុងពេលកិច្ចសន្ទនា Shangri-La លើកទី ២២ នៅប្រទេសសិង្ហបុរី អ្នកនាំពាក្យលោក Lin Jian បានរិះគន់សហរដ្ឋអាមេរិក និងសម្ព័ន្ធមិត្តចំពោះការបំភាន់អ្វីដែលគេហៅថាការគំរាមកំហែងរបស់ចិន និងការប្រឈមដាក់គ្នា លើបញ្ហាទាក់ទងនឹងសមុទ្រចិនខាងកើត និងសមុទ្រចិនខាងត្បូង។ លោកLin បាននិយាយក្នុងសន្និសីទសារព័ត៌មានប្រចាំថ្ងៃថា ប្រទេសចិន បានតវ៉ាតំណាងការទូតយ៉ាងខ្លាំងលើបញ្ហានេះ។ លោកបានសង្កត់ធ្ងន់ថា នយោបាយប្រកាន់ប្លុក និងការប្រឈមដាក់គ្នាជាក្រុមឆ្លុះបញ្ចាំងពីចិត្តគំនិតនៃសង្រ្គាមត្រជាក់ដែលហួសសម័យ ដើរផ្ទុយទៅនឹងនិន្នាការដែលកំពុងកើតមាននៃសម័យកាល និងជារឿងមិនល្អក្នុងតំបន់។សកម្មភាពបែបនេះនឹងមិនអាចដោះស្រាយបញ្ហាណាមួយឡើយ ហើយក៏នឹងមិនបំភិតបំភ័យដល់ប្រទេសចិនដែរ។ អ្នកនាំពាក្យរូបនេះបានរំលឹកឡើងវិញនូវការប្តេជ្ញាចិត្តឥតងាករេរបស់ចិនក្នុងការការពារអធិបតេយ្យភាពទឹកដី និងសិទ្ធិ និងផលប្រយោជន៍ដែនសមុទ្ររបស់ខ្លួន ដោយអំពាវនាវឱ្យសហរដ្ឋអាមេរិក និងសម្ព័ន្ធមិត្តឈប់លាបពណ៌ចិន និងបំភាន់ការពិត។យើងជំរុញឱ្យសហរដ្ឋអាមេរិក និងសម្ព័ន្ធមិត្តរបស់ខ្លួនបញ្ឈប់ការបង្កើតក្រុមផ្តាច់មុខ និងការជ្រៀតជ្រែក កិច្ចខិតខំប្រឹងប្រែងរបស់បណ្តាប្រទេសក្នុងតំបន់ដើម្បីដោះស្រាយជម្លោះតាមរយៈការសន្ទនា និងការពិគ្រោះយោបល់ ។ លោកក៏បានជំរុញឲ្យប្រទេសទាំងនេះឈប់ធ្វើឲ្យខូចដល់ការស្វែងរកសន្តិភាព និងស្ថិរភាពក្នុងតំបន់ផងដែរ៕

បេសកជន៖ សហរដ្ឋអាមេរិកនឹងកាត់បន្ថយវត្តមានយោធារបស់ខ្លួនមានមូលដ្ឋាននៅប្រទេសស៊ីរី បេសកជនពិសេសថ្មីរបស់សហរដ្ឋអាមេរិក បាននិយាយថា អាមេរិកនឹងកាត់បន្ថយវត្តមានយោធារបស់ខ្លួននៅក្នុងប្រទេសស៊ីរី ពីមូលដ្ឋានចំនួន៨ មកនៅសល់ត្រឹមតែ១មូលដ្ឋាន ហើយគោលនយោបាយរបស់សហរដ្ឋអាមេរិក នឹងផ្លាស់ប្តូរនៅក្នុងប្រទេសនេះ «ដោយសារតែគ្មានមូលដ្ឋានណាមួយក្នុងចំណោមមូលដ្ឋានទាំងនេះដំណើរការ» ក្នុងរយៈពេលមួយសតវត្សចុងក្រោយនេះ។ លោក Thomas Barrack ជាអ្នកដែលលោកប្រធានាធិបតី Donald Trump បានតែងតាំងជាបេសកជនពិសេសកាលពីខែមុនភ្លាមៗបន្ទាប់ពីលោកបានដកទណ្ឌកម្មរបស់អាមេរិកលើប្រទេសស៊ីរីដោយមិននឹកស្មានដល់នោះ បានធ្វើអត្ថាធិប្បាយដូច្នេះនៅក្នុងបទសម្ភាសន៍ជាមួយទូរទស្សន៍NTVរបស់ប្រទេសទួរគី ។ មានទាហានអាមេរិកប្រហែល២.០០០នាក់នៅក្នុងប្រទេសស៊ីរី ភាគច្រើននៅភាគឦសាន។ ពួកគេកំពុងធ្វើការជាមួយកងកម្លាំងក្នុងតំបន់ ដើម្បីទប់ស្កាត់ការកើតឡើងវិញនៃក្រុមរដ្ឋឥស្លាម ដែលកាលពីឆ្នាំ ២០១៤ បានដណ្តើមកាន់កាប់ទឹកដីជាច្រើននៅប្រទេសអ៊ីរ៉ាក់ និងស៊ីរី ប៉ុន្តែក្រោយមកត្រូវបានវាយរុញច្រានទៅវិញ។ ចាប់តាំងពីក្រុមឧទ្ទាម បានបណ្តេញអតីតប្រធានាធិបតីស៊ីរី លោក Bashar al-Assad ក្នុងខែធ្នូមក សហរដ្ឋអាមេរិក និងប្រទេសផ្សេងទៀត កំពុងចូលរួមជាថ្មីជាមួយទីក្រុងដាម៉ាស ក្រោមមេដឹកនាំថ្មី លោក Ahmed al-Sharaa ។ លោក Barrack ដែលជាឯកអគ្គរដ្ឋទូតសហរដ្ឋអាមេរិកប្រចាំប្រទេសទួរគី បានលើកទង់ជាតិអាមេរិកនៅលើនិវេសនដ្ឋានរបស់ឯកអគ្គរដ្ឋទូតនៅក្នុងទីក្រុងដាម៉ាស កាលពីសប្តាហ៍មុនជាលើកដំបូងចាប់តាំងពីឆ្នាំ២០១២មក។ លោកនិយាយថា ការកាត់បន្ថយចំនួនមូលដ្ឋានពី៨មូលដ្ឋានមកនៅសល់ត្រឹមតែ១ គឺជាផ្នែកសំខាន់នៃការផ្លាស់ប្តូរ។

បេក្ខជនរបស់គណបក្សសេរីនិយមកូរ៉េខាងត្បូង លោក Lee Jae-myung ត្រូវបានជាប់ឆ្នោតជាប្រធានាធិបតីក្នុងការបោះឆ្នោតមុនអាណត្តិកាលពីថ្ងៃអង្គារទី៣មិថុនាសប្ដាហ៍នេះ ពោលគឺមានរយៈពេល៦ខែមកទល់នឹងថ្ងៃនេះ បន្ទាប់ពីលោកបានគេចចេញពីរង្វង់យោធា ដើម្បីបោះឆ្នោតប្រឆាំងនឹងក្រឹត្យច្បាប់អាជ្ញាសឹកដែលដាក់ដោយអ្នកកាន់តំណែងមុន ត្រូវបានបណ្តេញចេញពីតំណែង គឺលោក Yoon Suk Yeol ។ ប្រទេសកូរ៉េខាងត្បូងបានស្វាគមន៍ប្រធានាធិបតីថ្មីនៅថ្ងៃពុធទី៤មិថុនាសប្ដាហ៍នេះ ស្របពេលលោកLee Jae-myung បានចូលកាន់តំណែង ដោយប្តេជ្ញាថានឹងព្យាបាលប្រទេសដែលបែកបាក់គ្នា និងធ្វើឱ្យសេដ្ឋកិច្ចរស់ឡើងវិញ។ លោក Lee បានឈ្នះតំណែងប្រធានាធិបតីក្នុងការបោះឆ្នោតមួយដោយទទួលបាន៤៩,៤២% នៃសន្លឹកឆ្នោតជិត ៣៥លាននាក់។ គូប្រជែងមកពីក្រុមអភិរក្សរបស់លោកគឺ Kim Moon-soo ទទួលបាន៤១,១៥%។គណៈកម្មាធិការជាតិរៀបចំការបោះឆ្នោត បានបញ្ជាក់ថា នេះគឺជាចំនួនអ្នកទៅបោះឆ្នោតច្រើនជាងគេបំផុតសម្រាប់ការបោះឆ្នោតជ្រើសរើសប្រធានាធិបតីចាប់តាំងពីឆ្នាំ ១៩៩៧។ ប្រធានាធិបតីថ្មីរូបនេះ បានហៅជ័យជម្នះរបស់ខ្លួនថាជាថ្ងៃជម្រះក្ដី។ លោកថា បេសកកម្មដំបូងគឺដើម្បីជម្នះការបះបោរយ៉ាងម៉ឺងម៉ាត់ និងដើម្បីធានាថានឹងមិនមានការធ្វើរដ្ឋប្រហារយោធាមួយផ្សេងទៀតដោយប្រើកាំភ្លើង និងដាវ ប្រឆាំងនឹងប្រជាជនឡើយ។ លោកបានបន្ថែមថា យើងអាចយកឈ្នះលើការលំបាកបណ្តោះអាសន្ននេះជាមួយនឹងកម្លាំងរួមនៃប្រជាជនរបស់យើងដែលមានសមត្ថភាពដ៏អស្ចារ្យ។

សេតវិមាន បាននិយាយកាលពីថ្ងៃអង្គារ (០៣ មិថុនា) ថា ការបោះឆ្នោតរបស់កូរ៉េខាងត្បូង ដែលមើលឃើញបេក្ខជនមកពីក្រុមសេរីនិយម លោក Lee Jae-myung ឈ្នះតំណែងប្រធានាធិបតីថ្មី គឺមានភាពយុត្តិធម៌ណាស់ ប៉ុន្តែបានបង្ហាញពីការព្រួយបារម្ភពីឥទ្ធិពលជ្រៀតជ្រែករបស់ចិន។ មន្ត្រីសេតវិមានមួយរូបបានឆ្លើយតបទៅនឹងសំណើសុំការអត្ថាធិប្បាយរបស់សារព័ត៌មានរ៉យទ័រថា “សម្ព័ន្ធភាពអាមេរិក-កូរ៉េខាងត្បូង នៅតែរក្សាភាពរឹងមាំដដែល។ ខណៈកូរ៉េខាងត្បូង មានការបោះឆ្នោតដោយសេរី និងយុត្តិធម៌ សហរដ្ឋអាមេរិកនៅតែព្រួយបារម្ភ និងប្រឆាំងទៅនឹងការជ្រៀតជ្រែក និងឥទ្ធិពលរបស់ចិន នៅក្នុងលទ្ធិប្រជាធិបតេយ្យជុំវិញពិភពលោក”។ មន្ត្រីរូបនេះមិនបានបញ្ជាក់លម្អិតពីការចោទប្រកាន់លើចិន ឬភ្ជាប់រឿងនេះដោយផ្ទាល់ទៅនឹងការបោះឆ្នោតកូរ៉េខាងត្បូងនោះទេ។ យ៉ាងណាក៏ដោយ ក្នុងប៉ុន្មានថ្ងៃថ្មីៗនេះ សម្ព័ន្ធមិត្តស្តាំនិយមរបស់លោកប្រធានាធិបតីអាមេរិក Donald Trump បានដាក់គោលដៅលើលោក Lee ខណៈប្រធានាធិបតីជាប់ឆ្នោតថ្មីរូបនេះតែងលើកឡើងពីតម្រូវការធ្វើឱ្យមានតុល្យភាពនៃទំនាក់ទំនងរបស់ទីក្រុងសេអ៊ូល ជាមួយប្រទេសចិន និងសហរដ្ឋអាមេរិក។ រដ្ឋមន្ត្រីការបរទេសអាមេរិក លោក Marco Rubio បានចេញសេចក្តីថ្លែងការណ៍អបអរសាទរលោក Lee ហើយក៏ដូចជាសេតវិមានដែរ ប្រមុខការបរទេសរូបនេះបាននិយាយពីសម្ព័ន្ធភាពដែកថែបរបស់ប្រទេសទាំងពីរ ប៉ុន្តែលោកមិនបាននិយាយពីក្ដីបារម្ភលើពីប្រទេសចិនទេ៕

រដ្ឋាភិបាលប្រទេសហូឡង់ បានដួលរលំកាលពីថ្ងៃអង្គារ (០៣ មិថុនា) ដែលទំនងជាជំរុញឱ្យមានការបោះឆ្នោតមុនអាណត្តិមួយ បន្ទាប់ពីអ្នកនយោបាយប្រឆាំងមូស្លីម លោក Geert Wilders មកពីគណបក្សដើម្បីសេរីភាព ហៅកាត់ថា PVV បានចាកចេញពីក្រុមចម្រុះស្តាំនិយម ដោយចោទប្រកាន់បក្សផ្សេងទៀតថាមិនបានគាំទ្រគោលនយោបាយអន្តោប្រវេសន៍ដ៏តឹងរ៉ឹងរបស់លោក។ ប៉ុន្តែលោកនាយករដ្ឋមន្ត្រី Dick Schoof ដែលជាអ្នកនយោបាយឯករាជ្យ បានចោទលោក Wilders ថាពុំមានការទទួលខុសត្រូវ ហើយគណបក្សនៅក្រុមចម្រុះផ្សេងទៀត បានបដិសេធមិនគាំទ្រមេដឹកនាំស្ដាំនិយមជ្រុលរូបនេះ ដោយនិយាយថា ពួកគេបានរង់ចាំសំណើពីរដ្ឋមន្ត្រីអន្តោប្រវេសន៍របស់បក្ស PVV ផ្ទាល់របស់លោក Wilders អស់ពេលយ៉ាងយូរ។ លោក Wilders បានប្រាប់ពីមូលហេតុដែលលោកចាកចេញពីក្រុមចម្រុះ ដោយលើកឡើងថា “លោកបានស្នើផែនការបិទព្រំដែនសម្រាប់អ្នកស្វែងរកសិទ្ធិជ្រកកោន បញ្ជូនពួកគេទៅឱ្យឆ្ងាយ បិទកន្លែងជ្រកកោន ហើយលោកទាមទារឱ្យដៃគូចម្រុះចុះហត្ថលេខាលើសំណើនេះ ប៉ុន្តែបក្សនានាមិនព្រមធ្វើបែបនោះឡើយ ដូច្នេះលោកពុំមានជម្រើសអ្វីក្រៅតែពីដើរចេញនោះទេ”។ ពេលនេះ បណ្ដារដ្ឋមន្ត្រី PVV នឹងលាលែងពីគណៈរដ្ឋមន្ត្រី ដោយទុកឱ្យអ្នកផ្សេងទៀតបន្តធ្វើជារដ្ឋបាលចាំផ្ទះ រហូតដល់មានការបោះឆ្នោតថ្មី ដែលទំនងជាមិនត្រូវបានធ្វើឡើងនៅមុនខែតុលានោះទេ។ ការខកចិត្តជាមួយនឹងអន្តោប្រវេសន៍ និងតម្លៃចំណាយប្រចាំថ្ងៃដ៏ខ្ពស់ កំពុងជំរុញប្រជាប្រិយភាពក្រុមស្ដាំនិយមជ្រុល និងពង្រីកការខ្វែងគំនិតនៅអឺរ៉ុប៕

ប្រធានាធិបតីអ៊ុយក្រែន លោក Volodymyr Zelenskiy បានប្រកាសពីការរុះរើជួរយោធារបស់ប្រទេសអ៊ុយក្រែន កាលពីថ្ងៃអង្គារ (០៣ មិថុនា) រួមទាំងការតែងតាំងមុខតំណែងថ្មីសម្រាប់ប្រមុខបញ្ជាការម្នាក់ ដែលបានដាក់សំណើលាលែងពីតំណែង ជុំវិញការវាយប្រហារដ៏បង្ហូរឈាមរបស់កងកម្លាំងរុស្ស៊ី។ នៅក្នុងសុន្ទរកថាវីដេអូពេលយប់របស់លោកបន្ទាប់ពីកិច្ចប្រជុំនៃមេបញ្ជាការកំពូល លោក Zelenskiy បាននិយាយថា ការរុះរើយោធានេះគឺដើម្បីធានាថា កងទ័ពនៅតែផ្តោតលើការប្រយុទ្ធក្នុងសមរភូមិជាង ៣ឆ្នាំមកនេះ បន្ទាប់ពីប្រតិបត្តិការយោធារបស់រុស្ស៊ី ទៅលើប្រទេសជិតខាងរបស់ខ្លួន។ លោកប្រធានាធិបតីអ៊ុយក្រែនរូបនេះបាននិយាយថា ឧត្តមសេនីយទោ Mykhailo Drapatyi ដែលបានស្នើលាលែងពីតំណែងជាមេបញ្ជាការកងទ័ពជើងគោកអ៊ុយក្រែន ជុំវិញការវាយប្រហារលើតំបន់ហ្វឹកហ្វឺនកាលពីចុងសប្តាហ៍មុននោះ ឥឡូវនេះនឹងទទួលតំណែងថ្មីធ្វើជាមេបញ្ជាការកងកម្លាំងរួម។ នៅក្នុងចំណោមការរុះរើថ្មីជាច្រើន លោក Zelenskiy បាននិយាយថា មន្ត្រីម្នាក់ទៀត ដែលលោកមិនបញ្ជាក់អត្តសញ្ញាណ នឹងត្រូវដាក់ឱ្យទទួលខុសត្រូវលើកងកម្លាំងជើងគោក និងទទួលបន្ទុក “សម្រាប់ភារកិច្ចនានា ដូចជាការបណ្តុះបណ្តាល និងការរៀបចំការផ្លាស់ប្តូរនៅក្នុងមជ្ឈមណ្ឌលជ្រើសរើសទាហានជាដើម”៕