Category: ព័ត៌មានជាតិ​

វ៉ាស៊ីនតោន ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី និយាយថា មេដឹកនាំអាមេរិក លោក ដូណាល់ ត្រាំ កំពុងដាក់សម្ពាធហួសហេតុលើរូបលោក ដើម្បីឈានដល់ដំណោះស្រាយបញ្ចប់ជម្លោះរវាងទីក្រុងកៀវ និងមូស្គូ ក្នុងពេលជិត ៤ឆ្នាំមកនេះ ។ ក្នុងបទសម្ភាសន៍ជាមួយសារព័ត៌មាន Axios នៅថ្ងៃអង្គារ លោកប្រធានាធិបតី ហ្សេលេនស្គី បានអះអាងថា រាល់ផែនការទាមទារឱ្យអ៊ុយក្រែនលះបង់ទឹកដី ដែលរុស្ស៊ីដណ្តើមកាន់កាប់នៅតំបន់ ដុនបាស់ ភាគខាងកើត គឺជារឿងមិនអាចទៅរួច បើទោះបីមានការធ្វើប្រជាមាតិក៏ដោយ ។ មេដឹកនាំអ៊ុយក្រែនរូបនេះ បានសង្កត់ធ្ងន់ថា វាមិនយុត្តិធម៌ទាល់តែសោះ ដែលលោកប្រធានាធិបតី ត្រាំ បន្តអំពាវនាវជាសាធារណៈតែអ៊ុយក្រែន មិនមែនរុស្ស៊ី ឱ្យធ្វើសម្បទានក្នុងការចរចាសម្រាប់ផែនការសន្តិភាព ។ លោកថា ការទទូចបែបនេះ ទំនងជាយល់ថា ការដាក់សម្ពាធលើអ៊ុយក្រែន ងាយស្រួលជាងរុស្ស៊ី ។ ក្រៅពីរិះគន់ លោក ហ្សេលេនស្គី ដែលមានវ័យ៤៨ឆ្នាំរូបនេះ បានឆ្លៀតនិយាយអរគុណលោក ត្រាំ ផងដែរ ចំពោះកិច្ចខិតខំប្រឹងប្រែងរបស់គាត់ និងថា ការសន្ទនារវាងលោក…

ម៉ានីល ៖ ទោះបីប្រឈមមុខនឹងការខឹងសម្បារបស់ចិនក៏ដោយ សហរដ្ឋអាមេរិកនៅតែមានគម្រោងដាក់ដាក់ពង្រាយប្រព័ន្ធមីស៊ីលកម្រិតខ្ពស់ថែមទៀតនៅលើទឹកដីហ្វីលីពីន ខណៈដែលសម្ព័ន្ធមិត្តទាំងពីរ កំពុងលើកកម្ពស់ទំនាក់ទំនងការពារជាតិទ្វេភាគី ។ បើតាមសារព័ត៌មាន The Straits Times, ផែនការនេះ ត្រូវបានប្រកាសតាមរយៈសេចក្តីថ្លែងការណ៍រួមមួយ នៅថ្ងៃអង្គារ បន្ទាប់ពីមានកិច្ចប្រជុំរបស់មន្ត្រីជាន់ខ្ពស់ក្នុងទីក្រុងម៉ានីល កាលពីថ្ងៃពុធ ។ គម្រោងនេះទៀតសោត ធ្វើឡើងស្របតាមការប្តេជ្ញាចិត្តរបស់ទីក្រុងវ៉ាស៊ីនតោន និងម៉ានីល ក្នុងការបន្តបង្កើនការដាក់ពង្រាយប្រព័ន្ធមីស៊ីល និងប្រព័ន្ធយន្តហោះដ្រូនកម្រិតខ្ពស់របស់អាមេរិកនៅលើទឹកដីហ្វីលីពីន ។ តួយ៉ាង កាលពីឆ្នាំ ២០២៤ អាមេរិកទើបតែបានដាក់ពង្រាយប្រព័ន្ធមីស៊ីល Typhon នៅហ្វីលីពីន ។ ប្រព័ន្ធនេះអាចបាញ់រ៉ុកែ្តតពហុបំណង រួមមានទាំងមីស៊ីលនាំផ្លូវ Tomahawk ដែលមានរយៈចម្ងាយគ្រប់គ្រាន់ ដើម្បីវាយប្រហារផ្នែកដ៏ធំនៃប្រទេសចិន ។ ទីក្រុងប៉េកាំងនិយាយថា អាវុធប្រភេទនេះ អាចធ្វើឲ្យមានអស្ថិរភាព ។ ចំណែកនៅឆ្នាំ ២០២៥ វិញ អាមេរិកក៏បានបញ្ជូនប្រព័ន្ធមីស៊ីលប្រឆាំងនាវា NMESIS ទៅកាន់ហ្វីលីពីនផងដែរ អំឡុងពេលបញ្ចេញសាច់ដុំយោធាបង្ហាញភាពជាដៃគូប្រចាំឆ្នាំ ។ ល្បែងសង្គ្រាមទាំងនោះ រួមមានទាំងសមយុទ្ធនៅភាគខាងជើងនៃកោះ Luzon និង Batanes ដែលជាតំបន់ជិតកោះតៃវ៉ាន់ ។…

ញូវដែលី ៖ ឥណ្ឌា កំពុងដើរតាមប្រទេសធំៗជាច្រើននៅលើពិភពលោក ដែលគ្រោងនឹងធ្វើការរឹតបន្តឹងអាយុប្រជាជន ក្នុងការប្រើប្រាស់បណ្តាញសង្គម ។ បច្ចុប្បន្ន ឥណ្ឌាកំពុងពិភាក្សាជាមួយក្រុមហ៊ុនបណ្តាញសង្គមនានានៅឡើយ ។ បើតាមសារព័ត៌មាន CNBC ចេញផ្សាយថ្ងៃអង្គារ, ប្រទេសឥណ្ឌាដែលមានប្រជាជនសរុបដល់ ១.៤ពាន់លានដុល្លារ ក្នុងនោះមានមនុស្សរាប់រយលាននាក់បានប្រើប្រាស់បណ្តាញសង្គម ។ ប្រសិនបើការរឹតត្បិតនេះត្រូវបានអនុម័តមែននោះ វានឹងបង្កផលប៉ះពាល់ដល់ប្រាក់ចំណូលរបស់ក្រុមហ៊ុនបណ្តាញសង្គមធំៗ រាប់ចាប់ពី Meta មេធំរបស់ Facebook រហូតដល់ Google ជាដើម ។ ជុំវិញបញ្ហានេះដែរ រដ្ឋមន្ត្រីព័ត៌មានវិទ្យាឥណ្ឌា លោក Ashwini Vaishnaw បាននិយាយនៅថ្ងៃអង្គារថា ការរឹតត្បិតនេះ ជាវិធានការមួយ ដែលសព្វថ្ងៃ មានប្រទេសជាច្រើនអនុវត្ត ។ លោកថា ឥឡូវនេះ យើងកំពុងស្ថិតក្នុងការសន្ទនាជាមួយវេទិកាបណ្ដាញសង្គមផ្សេងៗ ទាក់ទងនឹងរូបភាព រូបវីដេអូ ឬសំឡេងក្លែងក្លាយបង្កើតពី AI ដែលជាប់ពាក់ព័ន្ធការរឹតបន្តឹងផ្អែកលើអាយុ និងអ្វីដែលជាវិធីដ៏ត្រឹមត្រូវ ដើម្បីដោះស្រាយបញ្ហានេះ ។ សូមរម្លឹកថា ឆ្នាំមុន អូស្រ្តាលីបានក្លាយជាប្រទេសដំបូងបង្អស់លើពិភពលោកបានអនុវត្តការហាមឃាត់ដែលតម្រូវឲ្យបណ្ដាញសង្គម TikTok, YouTube, Snapchat…

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កងកម្លាំងថៃកំពុងកាន់កាប់ទឹកដីកម្ពុជា ដោយខុសច្បាប់អន្តរជាតិ បន្ទាប់ពីមានការប្រយុទ្ធគ្នាកាលពីឆ្នាំមុន បើទោះបីជាមានកិច្ចព្រមព្រៀងសន្តិភាពដែលសម្របសម្រួលដោយឯកឧត្តមប្រធានាធិបតីសហរដ្ឋអាម៉េរិក លោក ដូណាល់ ត្រាំ ហើយសម្តេចបានអំពាវនាវឱ្យប្រទេសថៃអនុញ្ញាតឱ្យគណៈកម្មការព្រំដែនរួមចាប់ផ្តើមធ្វើការនៅតាមព្រំដែនដែលមានជម្លោះ។ សម្តេចធិបតីនាយករដ្ឋមន្ត្រី មានប្រសាសន៍ដូច្នេះ ប្រាប់ទៅសារព័ត៌មាន Reuters ក្នុងបទសម្ភាសន៍ផ្តាច់មុខមួយនៅថ្ងៃអង្គារ ទី១៧ ខែកុម្ភៈ ឆ្នាំ២០២៦ ម្សិលមិញនេះ (ម៉ោងនៅអាម៉េរិក) ក្នុងឱកាសដែលសម្តេចធិបតី អញ្ជើញទៅចូលរួមកិច្ចប្រជុំដំបូងនៃក្រុមប្រឹក្សាសន្តិភាពនៅរដ្ឋធានីវ៉ាស៊ីនតោន សហរដ្ឋអាម៉េរិក ដែលនឹងប្រព្រឹត្តិទៅនៅថ្ងៃទី១៩ ខែកុម្ភៈ ឆ្នាំ២០២៦។ ជាមួយគ្នានេះ សម្តេចធិបតី បានបង្ហាញនូវក្តីសង្ឃឹមថា ក្រុមប្រឹក្សាសន្តិភាពថ្មីនេះអាចមានតួនាទីក្នុងការកាត់បន្ថយភាពតានតឹងនៅតាមព្រំដែន ដែលសម្តេចបានពណ៌នាថា «មានភាពផុយស្រួយ» បើទោះបីជាមានបទឈប់បាញ់នៅថ្ងៃទី២៧ ខែធ្នូ ឆ្នាំ២០២៥ ដែលបានបញ្ចប់ការប្រយុទ្ធឡើងវិញក៏ដោយ។ សូមរម្លឹកថា ថៃបានបើកសង្គ្រាមឈ្លានពានមកលើបូរណភាពទឹកដីកម្ពុជា ចំនួន ០២លើក ក្នុងឆ្នាំ២០២៥ ដែល លើកទី១ រយៈពេល៥ថ្ងៃ នៅខែកក្កដា ហើយលើកទី២ រយៈពេល២១ថ្ងៃ នៅខែធ្នូ។ ពិតមែនតែបច្ចុប្បន្នមិនមានការផ្ទុះអាវុធតទៅទៀត ប៉ុន្តែថៃនៅតែបន្តសកម្មភាពរំលោភបំពានដ៏កម្រោល ដោយមិនខ្លាចច្បាប់អន្តរជាតិអ្វីបន្តិចសោះ មកលើកដែនអធិបតេយ្យភាពកម្ពុជា តាមរយៈសកម្មភាពដ៏គឃ្លើន…

វ៉ាស៊ីនតោន ៖ អនុប្រធានាធិបតីអាមេរិក លោក JD Vance បាននិយាយ កាលពីថ្ងៃអង្គារ បន្ទាប់ពីកិច្ចពិភាក្សា នៅទីក្រុងហ្សឺណែវ ថា ប្រទេសអ៊ីរ៉ង់ នៅតែមិនបានយល់ព្រមលើ “បន្ទាត់ក្រហម” ទាំងអស់ ដែលកំណត់ដោយប្រធានាធិបតីអាមេរិក លោក Donald Trump សម្រាប់ដំណោះស្រាយការទូតនោះទេ។ លោក Vance បាននិយាយ នៅក្នុងបទសម្ភាសន៍ របស់ Fox News ថា «តាមវិធីខ្លះ វាដំណើរការល្អ ពួកគេបានយល់ព្រមជួប នៅពេលក្រោយ»។ លោក Vance បានប្រាប់កម្មវិធី “The Story with Martha MacCallum” ទៀត ថា «ប៉ុន្តែ តាមវិធីផ្សេងទៀត វាច្បាស់ណាស់ថា ប្រធានាធិបតី បានកំណត់បន្ទាត់ក្រហមមួយចំនួន ដែលអ៊ីរ៉ង់មិនទាន់មានឆន្ទៈ ក្នុងការទទួលស្គាល់ និងដំណើរការពិតប្រាកដ»។ លោក Vance បាននិយាយថា «យើងនឹងបន្តដំណើរការវា។ ប៉ុន្តែ…

វ៉ាស៊ីនតោន ៖ ប្រធានាធិបតីអាមេរិក លោក Donald Trump បាននិយាយ កាលពីថ្ងៃអង្គារថា ប្រទេសជប៉ុនកំពុងចាប់ផ្តើមឆ្ពោះទៅមុខ ជាមួយនឹងការវិនិយោគ លើកដំបូង ក្រោមការប្តេជ្ញាចិត្ត ចំនួន៥៥០ពាន់លានដុល្លារ នៅលើទឹកដីអាមេរិក។ លោកបាននិយាយ នៅក្នុងការបង្ហោះនៅលើ ប្រព័ន្ធផ្សព្វផ្សាយសង្គមថា «កិច្ចព្រមព្រៀងពាណិជ្ជកម្មដ៏ធំរបស់យើង ជាមួយប្រទេសជប៉ុនទើបតែចាប់ផ្តើម» ។ លោកបានបន្ថែមថា «ការសន្យាវិនិយោគ ដោយទីក្រុងតូក្យូគឺជាផ្នែកមួយនៃ កិច្ចព្រមព្រៀងពាណិជ្ជកម្មជាប្រវត្តិសាស្ត្ររបស់យើងក្នុងការស្តារឡើងវិញ នូវមូលដ្ឋានឧស្សាហកម្មអាមេរិក បង្កើតការងារដ៏អស្ចារ្យរបស់អាមេរិករាប់រយពាន់នាក់, ពង្រឹងសន្តិសុខជាតិ និងសេដ្ឋកិច្ចរបស់យើង ដែលមិនធ្លាប់មានពីមុនមក» ។ បើតាម Anadolu, កាលពីខែកក្កដា ឆ្នាំមុន សហរដ្ឋអាមេរិក និងជប៉ុនបានប្រកាសពីអ្វីដែលលោក Trump បានពិពណ៌នាថា ជាកិច្ចព្រមព្រៀងពាណិជ្ជកម្ម ដ៏អស្ចារ្យ ចំនួនបី ក្នុងវិស័យប្រេង, ឧស្ម័ន និងរ៉ែសំខាន់ៗ ហើយថា សហរដ្ឋអាមេរិកនឹងទទួល ៩០% នៃប្រាក់ចំណេញ។ លោកក៏បានកត់សម្គាល់ផងដែរថា ទីក្រុងតូក្យូនឹងបង់ពន្ធ ត្រឹម ១៥% ដែលកាត់បន្ថយពី ២៥% ។…

តេហេរ៉ង់ ៖ មេដឹកនាំកំពូលអ៊ីរ៉ង់ លោក Ali Khamenei ស្រែកគំរាមកំហែងខ្លាំងៗ ផ្ញើទៅកាន់មហាអំណាចយោធាអាមេរិកថា បើសង្គ្រាមណាមួយផ្ទុះឡើង នោះនាវាចម្បាំងនឹងក្លាយជាគោលដៅរងការវាយលុកធ្ងន់ធ្ងរ រហូតលែងអាចងើបឡើមកតតាំងទៀតបាន ។ មេដឹកនាំកំពូលអ៊ីរ៉ង់រូបនេះ ថែមទាំងបានប្រកាសច្រានចោលការកំហិតលើកម្មវីធីមីស៊ីលផ្លោងបាលិស្ទីគរបស់ទីក្រុងតេហេរ៉ង់ និងបានរិះគន់ធ្ងន់ៗចំពោះសហរដ្ឋអាមេរិក ដែលបញ្ជូននាវាផ្ទុកយន្តហោះធំបំផុតនៅលើពិភពលោក និងយន្តហោះចម្បាំងជាច្រើន មកកាន់តែកៀកប្រទេសអ៊ីរ៉ង់ ។ លោក Khamenei មានវ័យ៨៧ឆ្នាំរូបនេះ បានបង្ហោះសារលើបណ្តាញសង្គម X នៅថ្ងៃអង្គារថា អស់រយៈពេល ៤៧ឆ្នាំមកហើយ អាមេរិកមិនអាចលុបបំបាត់សាធារណរដ្ឋឥស្លាមបានទេ ។ នោះគឺជាការពិតមិនអាចកែប្រែបាន ហើយអាមេរិកក៏នឹងមិនអាចធ្វើបែបនេះបានដូចគ្នាដែរ ក្នុងពេលខាងមុខ ។ លោក Khamenei បានអះអាងបែបនេះ ជារការឆ្លើយតបវោហាសាស្រ្តសម្លុតគំរាមរបស់លោកប្រធានាធិបតីអាមេរិក ដូណាល់ ត្រាំ ដែលថា ការផ្លាស់ប្តូររបបដឹកនាំអ៊ីរ៉ង់ គឺជារឿងដ៏ល្អបំផុតដែលអាចកើតឡើង ។ ការអត្ថាធិប្បាយរបស់មេដឹកនាំកំពូលអ៊ីរ៉ង់រូបនេះ កើតឡើងស្របពេលមានវោហាសាស្ត្រកាន់តែក្ដៅគគុក រវាងទីក្រុងតេហេរ៉ង់ និងវ៉ាស៊ីនតោន ជុំវិញការដាក់ពង្រាយយោធា និងសន្តិសុខក្នុងតំបន់ ហើយចំពេលដែលការចរចាជុំថ្មីមួយសម្របសម្រួលដោយប្រទេសអូម៉ង់ កំពុងដំណើរការនៅទីក្រុងហ្សឺណែវ ប្រទេសស្វីស ៕ ប្រភព ៖…

ហ្សាកាតា ៖ ឥណ្ឌូណេស៊ីរំពឹងទទួលបាននាវាផ្ទុកយន្តហោះដំបូងបង្អស់ក្នុងប្រវត្តិសាស្រ្តនៅត្រឹមឆ្នាំ ២០២៦ ដែលធ្វើឲ្យប្រទេសអាស៊ានមួយនេ ក្លាយជារដ្ឋទី ៥ នៅតំបន់អាស៊ី មាននាវាផ្ទុកយន្តហោះ បន្ទាប់ពីប្រទេសថៃ ចិន ឥណ្ឌា និងជប៉ុន ។ បើតាមសារព័ត៌មាន The Straits Times, នាវាផ្ទុកយន្តហោះដែលឥណ្ឌូណេស៊ីរំពឹងទទួលបាននេះមានឈ្មោះ ITS Giuseppe Garibaldi ។ វាជាជំនួយឥតសំណងរបស់អ៊ីតាលីផ្ត ប៉ុន្តែទីក្រុងហ្សាកាតានឹងរ៉ាបរងការចំណាយសម្រាប់ការជួសជុល ថែទាំ និងធ្វើទំនើបកម្ម ។ កងទ័ពជើងទឹកអ៊ីតាលីបានបញ្ឈប់ដំណើរការនាវានេះជាផ្លូវការ កាលពីខែតុលា ឆ្នាំ ២០២៤ បន្ទាប់ពីបម្រើការអស់រយៈពេលជិត ៤០ឆ្នាំ ។ ITS Giuseppe Garibaldi គឺជានាវាផ្ទុកយន្តហោះធុនស្រាលមានប្រវែងជាង ១៨០ ម៉ែត្រ និងមានល្បឿនប្រហែល ៥៦ គីឡូម៉ែត្រក្នុងមួយម៉ោង ។ វាមានសមត្ថភាពផ្ទុកយន្តហោះ និងឧទ្ធម្ភាគចក្របានរហូតដល់ ១៨ គ្រឿង និងអាចបំពាក់ដោយប្រព័ន្ធមីស៊ីលដែនការពារអាកាស ។ មេបញ្ជាការកងទ័ពជើងទឹកឥណ្ឌូណេស៊ីនិយាយថា នាវានេះនឹងធ្វើដំណើរមកដល់ប្រទេសខ្លួន មុនថ្ងៃទី៥ ខែតុលា…

ហ៊្សេរុយសាឡឹម ៖ នាយករដ្ឋមន្ត្រីអ៊ីស្រាអែលលោក Benjamin Netanyahu បានចេញការទាមទារលក្ខខណ្ឌចំនួន ៤ចំណុចទៅឲ្យប្រទេសអ៊ីរ៉ង់ត្រូវតែអនុវត្តឱ្យខានតែបាន ប្រសិនបើចង់បញ្ចៀសការប្រឈមមុខដាក់គ្នាខាងយោធា ។ បើតាមសារព័ត៌មាន Newsweek, លក្ខខណ្ឌដំបូងបង្អស់ក្នុងចំណោមលក្ខខណ្ឌទាំង ៤ ដែលទាមទារដោយលោក Netanyahu គឺតម្រូវឲ្យអ៊ីរ៉ង់ត្រូវតែយកសារធាតុអ៊ុយរ៉ានីញ៉ូមដែលបានចម្រាញ់ទាំងអស់ចេញពីប្រទេសរបស់ខ្លួន ។ លក្ខខណ្ឌទី ២ គឺអ៊ីរ៉ង់មិនអាចមានសមត្ថភាពចម្រាញ់សារធាតុអ៊ុយរ៉ានីញ៉ូមនៅថ្ងៃអនាគតបន្តទៀតនោះទេ ខណៈលក្ខខណ្ឌទី៣ អ៊ីរ៉ង់ត្រូវតែដាក់ដែនកំណត់លើរយៈចម្ងាយមីស៊ីលផ្លោងបាលីស្ទិករបស់ខ្លួន ។ ចំណែកចំណុចចុងក្រោយ កងជីវពលតំណាងទាំងអស់របស់អ៊ីរ៉ង់នៅតំបន់មជ្ឈិមបូព៌ា ត្រូវតែរំសាយចោល ដោយសារតែអ៊ីស្រាអែលចាត់ទុកក្រុមប្រយុទ្ធតំណាងទាំងនោះថា ជា “អ័ក្សនៃភេរវកម្ម” ។ ការដាក់លក្ខខណ្ឌទាំងនេះកើតមានឡើង បន្ទាប់ពីនាវាខ្នាតយក្សរបស់សហរដ្ឋអាមេរិក អមដោយក្បួនយន្តហោះចម្បាំង បានរំកិលខ្លួនចូលកាន់តែកៀកឆ្នេរសមុទ្រអូម៉ង់ និងស្តិតនៅចម្ងាយប្រហែល ៧០០ គីឡូម៉ែត្រប៉ុណ្ណោះពីប្រទេសអ៊ីរ៉ង់ ។ ជាមួយគ្នានេះ ការចល័តកម្លាំងទ័ពរបស់សហរដ្ឋអាមេរិកក៏ស្របពេលដែលទីក្រុងវ៉ាស៊ីនតោន បន្តដាក់សម្ពាធលើអ៊ីរ៉ង់ ជុំវិញកម្មវិធីនុយក្លេអ៊ែរ និងការបង្រ្កាបដ៏សាហាវទៅលើបាតុករ ។ យ៉ាងណា ក្រុមមន្ត្រីអាមេរិកនឹងចូលរួមកិច្ចពិភាក្សាការទូតដ៏ផុយស្រួយជាមួយអ៊ីរ៉ង់នៅប្រទេសស្វីសនៅថ្ងៃអង្គារនេះ ក្នុងគោលបំណងបង្កើតកិច្ចព្រមព្រៀងមួយ ដើម្បីបញ្ចៀសការប្រឈមមុខដាក់គ្នាដោយកម្លាំងយោធា ៕ ប្រភព ៖ Newsweek និង AFP

បរទេស ៖ នាវាខ្នាតយក្សរបស់សហរដ្ឋអាមេរិក អមដោយក្បួនយន្តហោះចម្បាំង បានរំកិលខ្លួនចូលកាន់តែកៀក ខិតជិតទឹកដី ប្រទេសអ៊ីរ៉ង់។ នេះបើតាមរូបភាពផ្កាយរណប ដែលបានបង្ហាញឲ្យឃើញច្បាស់ កាលពីថ្ងៃអង្គារ។ បើតាម BBC, ក្បួនយោធាទាំងនេះ ត្រូវបានឃើញ ឈរជើងនៅទីតាំង ក្បែរឆ្នេរសមុទ្រអូម៉ង់ និង មានចម្ងាយប្រហែល ៧០០គីឡូម៉ែត្រ តែប៉ុណ្ណោះ ពីសាធារណរដ្ឋឥស្លាម មួយនេះ។ ការចល័តកម្លាំងនេះ កើតឡើង ខណៈដែលទីក្រុងវ៉ាស៊ីនតោន បន្តដាក់សម្ពាធលើអ៊ីរ៉ង់ ជុំវិញកម្មវិធីនុយក្លេអ៊ែរ និង ការបង្រ្កាបដ៏សាហាវ ទៅលើបាតុករ។ នេះគឺជាលើកដំបូងហើយ ដែលមានការបង្ហាញច្បាស់ៗ អំពីនាវាខ្នាតយក្ស USS Abraham Lincoln អមដោយនាវាពិឃាត ចំនួន ៣ គ្រឿង ប្រដាប់ដោយមីស៊ីល Tomahawk ចាប់តាំងពី វាបានទៅដល់តំបន់មជ្ឈិមបូព៌ា កាលពីចុងខែមុន។ នៅលើនាវាពិឃាត ទាំង៣គ្រឿង មានយន្តហោះ ចំនួន ៩០ គ្រឿង រួមទាំង យន្តហោះចម្បាំង F35 និង…